تجبر أحفاد الــ دليم الفصل السابع وخمسون 57 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _54 _

بَعدني وما بَنيت لغيرك احلام
ولا لعُيونهم مَشيت الايام وڪَف ميلي بَرحيلك
صارلة اعوَام و يلومُونِي ...
وانه بيا حال و أنلام ؟

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
تَـــمــوز..

نهاية التجبر تخسف وتنتهي
تصحيح وترميم طغيان إنتهى بالانفصال
مقهور ؏ دوهــان وحال قُــسَـم ومستقبل
ميار المجهول كسرتهم وملامحهم الباهتة
بنفس الوقت فرحان احفاد الدليم تجبروا
وأخيرًا وهدموا تجبر الـدليم ..

نهض دوهــان بعد الطلاق نافض خيباتو
وتعبو وبصوت مسموع تكلم : اعتذر طلعتوا انتوا
الصح وانه الوحيد غلطان ، أنـه لا ضحيت ولا صبرت
ولا قدمت عذروني يابه ..

كمل وطلع ودركان ركض وره قبل لا اطلع
بقيت ادحگ ؏ قُــسَـم بعدها بصدمة تگرب
منها كــانـــون يحجي وياهه عفتهم وطلعت
لگيت دركان يريد يحضن دوهــان وذاك يدفع
بي الى ان سحبو بكل قوتو وحضنو : كافي يا خووووي كافي .

انفجر دوهــان وهو يغطي عيونو
ودوهان حاضنو بكل قوتو صاح
بهضم : أنتهينا بعد كل هل صبر أنتهينا
يولوووووو گلبي راح يوگف .

دركْان: بس اگعد اگعد لحظة راح توگع ..

دوهــان: كلشي صار اسود بعيوني
والنفس ضاق هدمت حياتي وعائلتي
بفلوسسس دفعت فلوس حتى انهي ؏ روحـي .

طبطبت ؏ ضهرو دركْان يدحك علية وانه ادحگ عليَّ
_ يول اذكر الله جر نفس تفرج والله تفرج .

دفع دوهــان دوكان وصاح بعلو صوتو
_ جنت أعرف بس ترجع تقضي ؏ حياتي .

دركْان: لاتصير غبي أنـه وياك وكلشي صار بالماضي
بالنسبة إلي إنتهى ، واذا ماتعرف أريد أبلغك أحبك
هَــيـلانـة وعاقد عليهه بس عقد داعش واريد اصدق
العقد حسب العادات والتقاليد ؏ سنة الله ورسولو .

فراس : اجذب اذني اريد انطرش ولا اسمع هل كلام
عيد كلامك شنووووووو كرر كلامك كرر متزوج منووو ؟
تحب انتَ تحب منووووو ؟

رجع دركْان ايدو خلف ضهرو وسار بتجاه فراس
صار جدامو مباشرةً وبنظرات الحقد رد : أحب هَــيـلانـة آخت ذهب
ومتزوجها بعقد داعش وناوي اصدق عقد زواجي منها
وبوجودك رضيت أو مارضيت مايهمني واذا حاولت تسوي
فلم وحق حروف كلام الله تنشل واخليك طريح الفراش
لا من ايدك ولا من رجلك ولا من لسانك بس تدحگ علينة
شلون عايشين حياتنا الى ان تخيس بمكانك وتمووووووت ..

مثل ماطلع رجع دخل للبيت اشر دركْان ؏ باب
وصاح : هذا شناوي يسووووي ؟

دخل دركْان يركض وفراس فات عليهم بلا كلام زرگ زروگ
هَــيـلانـة فاتحة الثلاجة گضبها فراس من ايدها وهزها
هز : انتِ واختچ راسمات ؏ عائلة گ***** انعل *****
شتريدن من ولدي سافلات خلصنا من مشوهه تجين انتِ الداعشيه ..

ادحگ ؏ بنت ترعش بيدو گضب دركْان ايدو يحاول مايضربو
_ عوووووفهاااااا ايدككككك منهااا راح تجبرني اتصرف تصرفات
موووو قانونية وياككككك عوفهااااااااااا .

فراس : لو أنـه لو هل زواج ؏ جثتي يصير .

رگع دركْان گزاز الشباج صاير وره واخذ الگزاز
وحطها ؏ رقبة فراس وبكل كراهية صاح : تعوفها لا اترس
البيت من دمكككككك اخليك عبرة لإخوانك احترم نفسك
وايدك تنزلهه منهااااا يلااااا صير حباب تراني مشتاق للدم .

اخذها دركْان منو صارت وره ضهرو وگف
فراس جدامهم وصاح : بليلة وحدة اخليك مخبل مثل ما خبلت ابن عمك
ناقص والله ولدي إلي طلعت بيهم من هل دنيا يتزوجون بنوات داعش
واحد اخذها مجرمة والثانية جانت بوسط داعش مابقت داعشي
مانامت بحضنوووو ..

هجم كــانـــون گضب فراس وصاح : اطلع ضيمممم گلبي بيك
ومحمد امشي بررررررة ماريد ادحگ وجهكككك .

فراس : يعني عادي ولدي يتزوجون داعشيات .

صار كــانـــون وجهو بوجه ابو وبكل بغض
صاح : مختارين داعشيات بس شريفات ولا اختيارك
اذكرك شنووو اختيارك ، زوجتني وحدة أستغفر الله
ماريد احجي بيها بعد هي ام ابني لاتجبرني احجي
مووو انزل راسكككك بالطين ومحمد .

فراس : والله أنصحك انتَ واخوك لا تتحدوني
اخاف عليكم من غضبي اذا انفجر عليكم ادفنكم انتَ واخوك بيدي .

تَـــمــوز : عجل شگد گ**** عادي عندك ولدك يموتون
بس موعادي يحبون ويتزوجون الي يحبوهن يولو تروح فدوة
للگ****

فراس : هااااا تريد اشتغلك طلعععع صوتكككك .

تَـــمــوز : اشششش لا اجي البس الباسك براسك اششش .

فراس : انتوا الثلاثي الله يرحمكم ..

طلع جدي وراه يصيح بي يعرف بـ النو من يحجي كلمة ينفذها
_ يولووو حدر لاتسويها هذولي ولدنا .

تَـــمــوز : دركْان من هساع شنو رأيك نحفر القبور ؟

استدار ؏ هَــيـلانـة مال راسو وهمس بصوت
خافت خائف: بيچ شي ؟

هزت راسهه بـ لا وعافتو تريد تدخل
صاح بيها كــانـــون : لحظة بس لحظة ، صحيح تريد تصدق
العقد ؟ وهيلانة انتِ موافقة يعني لو أبوية وحدو يحچي .

طلعت ذَهــب من الغرفة وهي تتلمس المكان
بس راحت هَــيـلانـة تريد تلزمها گضبتها
وشمرتها وره ضهرها وبقت تأشر بيدها
وهي تأن بصوت مسموع رد عليهه كــانـــون
_ ماتقبلين ؟

أومأت براسهه والتفتت ؏ هَــيـلانـة
بقت تأشر بـ ايدها بمعنى ( أنـه ما أقبل ؏ هذا الزواج )

دركْان: وليششش ماتقبلين ؟

استدارت ؏ صوتو واشرت بيدها
افتهمتها هَــيـلانـة دخلت ورجعت
بيدها دفتر اخذتهن وكتبت بدون ماتشوف
بكلمات كبيرة شبه ما مفهومه لان بدون نقاط
تگدر تكتب الكلمة بس بعد ماتندل وينو تخلي النقط
( اختي ماتصير محطة تجاوز)

يريد يجاوبها دركْان بس سبقو كــانـــون
وهو يرفع ايدو ؏ شفايفو بعلامة اسكت
التزم الصمت بس طال النظر بهيلانة
كــانـــون : هاي هيَّ براحتكم .

اخذت هَــيـلانـة ذَهــب ورجعتها للغرفة
دركْان: عليش ماقبلت اتناقش وياهه ؟

كــانـــون : اعتقد مو وقتها ، لا تنسى فاقدين عزاز
وهل كلام اعتبر اهانة الحزن عائلتي ..

دركْان: مو قصدي أنـه جنت ابلغ دوهــان بالموضوع
وفراس سمعني وصارت المشكلة وعرفتوا مو صغير
وادري الوقت مو مناسب .

كــانـــون : عجل انهي الكلام ..

اخذت دركْان وطلعت نفتر بالسيارة
هو التزم السكوت واضح شكثر يفكر
وشكثر تعبان بدون مايحجي ابتسمت
بتلاعب وصحت : يولووو ادحگ ؏ هاي تمووووت ..

بسرعة ظل يدحگ ويدور بعيونو ضحكت
وانه ابعد جسمي منو اعرف راح اچل ضرب : هو هذا فقر النسوان ..

دنج راسو يفر بي ويضحك : أنجب والله عبالي سيارة
مو تعرفني اعشق السيارات الغريبة .

تَـــمــوز : هو انتَ واخوك تموت ؏ غريبات
حالفين تعدلون النسل .

دركْان: اريد ارجع للدوام تعبني التفكير وكرهت البيت .

تَـــمــوز : باجر نرجع ولا يهمك .

دركْان: احتاج تدريب سريع قبل لا اطلع
من وره داعش العوج صرت حتى ارمي اعوج ..

تَـــمــوز : الكابوس الأحمر حبل المشنقة مشتاق تبچي التفگ ..

دركْان: هذا قهري يطلع بداعش ولا بناس احبهم .

وصلنا جدام عيادة اسنان دحگ عليهه وهمس
_ شنو هاي ؟

تَـــمــوز : أسناني توجعني اليوم عندي جلسة ثانية
ربع ساعة واكمل ومحمد انزل ويايَّ .

سلمتو مفاتيح السيارة يوديها للكراج لان ماكو مكان بالشارع
ودخلت قبلو تأكدت من اسمي موجود ومشيت اخذت گلاص
ماي من البراد ودخل دركْان صاحوا اسمي ابتسمت
وانه أتذكر أول جلسة فكيت الباب ودخلت وانه
مسوي ايدي ؏ شكل اسلاح ضحكت من منظرها
لابسه المعطف الأبيض وكفوف بلون وردي
رافعه بـ ايد وحدة الإبرة وتضحك ؏ ضحكتي
_ شفتك بالكاميرات وجهزت الإبرة هل مرة اني ربحت عيني عيني .

رفعت حاجبي وايدي بفشل
_ مع الأسف متعادلين لان هاي الإبرة بيدچ
تخوف حالهه حال السلاح ..

رفعت اكتافهه وبثقة وابتسامة بريئة ردت
_ شعبالك بس انتَ عندك سلاح ..

تَـــمــوز : أنـه ما اخاف من أكبر اسلاح .
نمت وهي سحبت نفسها بالكرسي وكملت
؏ كلامي : متأكدة عندك اسلاح مميز ..

دحگت بنظرات تلاعب وضحكتي مازالت ؏ وجهي
_ اعتبري سر من أسراري .

عدلت الكمامة ؏ وجهه وهي منا راسمة عيونها بكل اتقان
وبحماس ردت : سرك يتوزع بگعدت حبايب لاتخاف .

تَـــمــوز : اسلاحي لعيون الحلوة اوگع چفي من ادحگ بيهن .

ما جانت متوقعة جوابي عيونها بكثر ماضحكت
انسدت سحبت الكرسي اكثر ومازالت تضحك
تريد تضربني : خلصي ضحكتچ بالبداية عيني دكتورة
لا توصلين الإبرة العقلي ويروح فدوة ألج ..

_ اليوم ماخلص شغلي يبووووو ذاك اليوم
صار راسي زين من ضحك وصدمة اول جلسة عوفني اشتغل .

طبگت ايدي وگعدت عاقل وهي مستمرة تضحك
_ وجهي يضحكچ اريد افتهم ؟

_ دا اضحك فديتني مگعده ضابط گعدت العقال .

تَـــمــوز : عيني ام دا اضحك اضربي الإبرة بدون غلط
اذا يصير بيَّ شي الدولة تعرس عليچ وعدل وگبل
للسجن بس فراس يطلعچ لا تخافين ..

فكيت حلگي ضربتني الإبرة بقيت أتذكر
اول جلسة خلتني ساعة كاملة اربز برة من دخلت
عليهه دخلت مداهمة دفعت الباب
جنت لابس عسكري والمسدس بيدي صحت
_ ارفعي ايدچ عليچ امر القاء قبض يااااا دكتورة ..

وهي وجهه انخطف وگفت ترجف وتأشر بيها
ذبت الغراض من ايدها ودور مادري ؏ شنو
_ بس اذكر الله سيدي شمسويه اني عفية ..

_التهمة خليتي ضابط شكبرووو هو ورتبتو ينتظر ساعة
وانتِ تتعشين عشتووو موو تستحقين سجن .

ردت وهي تتزعزع وتريد تبچي تقربت
من التلفون وهمست : جنت اصلي والله مو أتعشى
بس لحظة إتصل ؏ بابا يجي الله يخليك عيب منا العالم
هسة عبالهم مادري شنو مسوية .

نزلت السلاح وانقهرت عليهه لآن صدگت ولا عبالهه
امزح وياهه : بوية لا تخابرين بابا أضحك وياج .

گعدت ؏ كرسي اخذت ماي شربت وايدها ؏ راسها
انوب خجلت منها ولا عبالي هيچ يصير بيهه
وگفت فوك راسها اهفي بالورق : حرام عليك وگفت گلبي .

تَـــمــوز : لو ادري بيچ هيچ تخافين ولا اجي
يولوو شلون انتِ دكتورة المفروض كلبچ ميت .

رفعت راسهه عيونها تلالي مدمعه
_ يعني اذا دكتورة لازم گلبي ميت ..

مشيت للمكتب وبالنص ساعة نسولف ونتناقش
الى ان خلصت الجلسة الضحك ماخلص
من طلعت بيومها منها اشتريت گهوة مثلجة
ورجعت هي طلعت انطيتها القهوة وبضحكة
همست : اشربي بدل عني واقري الفاتحة حتى توصلني ..

_ اسم امك حتى من اقرأ توصل .

تَـــمــوز : ها ام السحورة بدينا يالله ..

غطت وجهه بيدها وتمشي وهي تجاوبني
- اعتبرها قهوة أعتذار ؏ الهبطة ؟

تَـــمــوز : هو هيچ عادي باجر الجلسة الثانية ؟

_ اسبوع الجاي وراح اخلي اسمك اول اسم شوكت
ماتجي تدخل مابينا حيل الحكومة عيني ..

تَـــمــوز: شاطرة .

سلمت وراحت وانه استدارت اريد اروح
للسيارة وصوت كعبها أخترق مسامعي
تمشي بخطوات رشيقة واثقة
لابسه ملابس رسمي بلون ابيض جسمها متناسق
طويلة وشكلها جذاب كملت طريقها وهي رافعة راسها
صعدت السيارة بس طلعت من الكراج تقابلت سياراتنا
ابتسمت وانه بادلتها الابتسامة ابتعدت سيارتها
وكل واحد راح بطريق مختلف .

نهضت ورجعت من ذكرياتي من وگفت وراحت ؏ مكتبها
_ خمس دقايق وارجع ادخل نقيب تَـــمــوز .

اخذت كلينكس وطلعت الدركان يريد يرگعني بوكس
گوه گاضب روحو مني : تدري بيَّ اكره الصبر والانتظار
جبتني هين يساقـ*** شبلاك ماتگلي أنـه شكووووو .

بدون ماجاوب اتصلت ؏ امي
همست : يمه أنـه بدكتور الأسنان ويايَّ دركْان
يغلط عليَّ يعني اريد افتهم اذا صار بيَّ شي منو يمي
غير المفروض احد ويايَّ .

انطيت التلفون ضربني ؏ ايدي ورد
_ ها يمه وين اكو دكتور الساعة بـ 10 بليل ..

تَـــمــوز : منطقة راقية يمعود اكو دكاترة يبقون للصبح .

رضية: يولووو شبلاك غير اخيك اذا يرتفع ضغطو منو يمووو .

دركْان: هساع أنـه شمسوي موجود وياه الزعطوط الطفل
وهسة بس يكمل اشتريلو مصاص .

تَـــمــوز : بطعم التفاح لو اخضر .

رجع ضربني على رجلي وعيونو براسو
_ شني يمههه اييي ميخالف هذا أنـه اموت وهو مابي شي صل .

سد المكالمة وهز ايدو طلع للباب شغل جكارة
مشيت وياه واستقسرت : صدگ تحب هَــيـلانـة ؟

دحگ علية بستغراب وردت بجدية : هو هذا همات موضوع اكذب بي .

تَـــمــوز : بعدني افكر بكلام ذَهــب ويمكن يطلع صحيح ؟

دركْان: شنوو الصحيح اعتبر هَــيـلانـة محطة تجاوز ؟
تجاوز منو ؟ قُــسَـم بنت عمي وألى ألان اعتبرها زوجة ابن عمي .

تَـــمــوز : وحبك ؟

دركْان: حبي دفنتو وبيدي راضي بحكمة ربي
لو قُــسَـم من نصيبي كان صارت من زمان بدون معوقات
مستحيل افكر بيها وهي حرمة اخوية دوهــان وام ابنو ..

تَـــمــوز : يعني حبك لهيلانة حقيقي ؟

دركْان : 3 سنوات احنا سوية عشت التعب والوجع
الخوف والرهبة وياهه ، ضحكنا بـ أصعب ايام حياتنا
حميتها وحمتني هواييي ، بريئة اخذت گلبي بفطاريتها
حبيت غبائها ومن اول مالمحت هَــيـلانـة
جذبتني بطريقتها غضبها تمردها عصيانها
عشقت لحظات خوفها احس بتعبي من ادحگ
بعيونها الخايفة تعكس قوتي بيها
ذات العيون السرمدية أبدية لاتنتهي ..

تَـــمــوز : وهي تحبك ؟ أحتمال جانت تريدك بس لان تحميها
وجنت المنقذ الي راح يطلعها هي واخوها ..

دركْان : ابد ما سألتها هل سؤال
بس اعتقد تحبني ويمكن كلامك صحيح ..

قاطع كلامنا صوت السكرتيرة تصيح بـ اسمي
دخلت وانه ادور عليهه بالغرفة طلعت من الحمام
_ گر گر شكثر سولفت وتأخرت عشر دقايق بدل الخمسة .

تَـــمــوز : ماتشوفين هذا السبب ماحب اطلع وحدي لازم شخص ويايَّ
أنـه اذا ما احجي اموت اطلع سولف من جوة الگاع بس اريد احجي .

نمت وهي اشتغلت ؏ رحاتي تحفر وأظافرها نبتت برگبتي
زرفتني زرف أريد احجي ما اگدر : اغسل .

نهضت شربت ماي وذبيتو ورجعت المكاني وبعدهاا
تشتغل وتنسى نفسها فكيت حلگي شوية وينشگ
وكل شوية تزرف بملامح وجهي بـ اظفر من اظافرها
اخر شي نبتت كلش بخدي درت وجهي وهي تحفر
روحـي راحت : بس شوية الحفر يوجع مابقى شوية واخلص .

رفعت أيدي وضربتها بالسرير
_ هووو غير اصبعچ يحفر اقوى من الجهاز
ادري اجيت احفر رحاتي لووو وجهي شوهتيني يولووووو .

_ ههههههههه بس افهمك يمههههه من اركز
أنسى بعد وين الباقي مال ايدي بالله..

درت وجهي رگبتي محفورة خدي محفور
اخذت كلينكس بي ديتول وبكل هدوء وهي
مستمرة تضحك عقمت الجرح وهي اطبطب
غمضت عيوني وهمست : كملي كملي عليچ قميص يوزر سيف .

_ شكمل انوب خلصت عقمتهن .

تَـــمــوز : عندي فقر طبطبه تكسبين اجر اذا تستمرين .

_ سامعه الضباط جريئين ، بس اول مرة أصادف ..

تَـــمــوز : يول بوية مو خوش سمعه ..

رجعت وهي كملت الحفر والحشوة
غسلت ونشفت راحت ؏ ميز تكتب
همست : هاي اخر جلسة حاول اليوم لا تاكُل باجر طبيعي
بس اخذ هذا العلاج من الصيدلية والف عافية ..

تَـــمــوز : اشكرچ تعبتچ دكتورة حُور
راح تخلصين من الضابط الجريئ ..

طالت النظر لفترة ونزلت راسهه خجلانة
وگفت بثبات وهمست : بالعكس تشرفت بمعرفتك
وفرحانة لان اشتغلت اسنان حماة الوطن ..

مديت ايدي تصافحنا وانه انظر بعيونها بعمق
_ دكتورة حُور ..

_ النقيب تَـــمــوز ..

طلعت دفعت الحساب برة لگيت دركْان رايح للسيارة
صعدت بيها وهو يسوق راسي صار طبل رجعت
بوجهي الغرفتي نمت الثاني يوم گعدت من الوجع
نزلت بدون اكل بقيت بس علاج وسوائل دافية
اريد أدخل للاستقبال وطلعت گازو من حجره البنات
گلبي شايل عليهه بحيث ما اگدر أتحمل ادحگ بوجهه .

رضية: لحظة يول سلم ؏ أقل .

غسلت ايدي وانه ارد عليهه وگازو صارت ورايَّ
_ عليمن اسلم ماشوف احد غيرچ .

گازو : خطية صار شايب بعد مايشوف ..

رضية: مو امشي واحجي صرت شايب ولا متزوج ولا دحكت احفادي .

عفتهن واريد افوت سحبتني من ايدي
وهمست : بس نتفاهم اسمع مني وبعدين
قرر تبقى ؏ زعلتك لو نتصالح .

تَـــمــوز : تروحين مني هساع لا ارجعچ للعهد العثماني ..

رضية: هساع هي شتريد منك اسمع منها شدعوة هل حقد بعيونك .

تَـــمــوز : أنـه انسان حقود الي يأذيني ما اسامحو
وتظل ؏ اسمو عاهة مستديمة ، الشخص من يفكر
يأذيني ويخليني طريح الفراش ويوصلني للموت
وماينقهر عليَّ من يدحگ عليَّ موات يطلع من حياتي
ومايرجع ؏ موتي مايرجع ، لو أنه مو أنسان حقود
من زمان اسامح فراس واعيش طبيعي بس أنـه
انسان ما اسامح كل شخص تسبب بـ اذيتني ..

دخلت بالاستقبال كلهم موجودين ضحكت
من دحگت ؏ دركان : تذكرت موقف .

دركْان: يول توك دخلت سلم بلم يلمصخم .

تَـــمــوز : تتذكر من جنت مراهق واندك الباب طلعت
أنـه دحكت بنوات اثنين حلوووووات يموتن
گالت وينو ابوك جاوبتها مات گالت اخوك اكبر منك
تذكرتك جاوبتها اي اكبر مني بشهر بقت البنية صافنه

دركْان: ههههههههههه يول اخوك اكبر منك بشهر شلون رهمت

تَـــمــوز : يولو بعد ماعرفت احجي انوب حجيتلك
وانت مابقيت واحد مارحت حجيت يمو وكلهم يضحكون
عليَّ الله لايوفقك .

گمت اضرب بي وهو خربان ضحك الى ان فات كــانـــون
يخوزر بينا اقترب دركْان وهمس : شو هذا ماخذ دور الأخ الأكبر .

رفعت ايدي وغميتو بكل قوتي : جيره بفركك غير انتَ خليتو
يسرح ويمرح براحتو وصار هو الجبير .

دركْان: عجل وانه شنووو موقعي .

كــانـــون : الغبير .

تَـــمــوز تستاهل يالسفاح يسفوحي سفسح سفوحي .

دركْان: ضاعت هيبة الــســفــاح بزود شواربكم
واحدكم منوم جريدي ؏ شفايفو مطلعين اقامة .

تَـــمــوز : تغار الدواعش هالسين شواربك
جنك دجاجة مهلسين طيبة كلبها ..

فاتت هَــيـلانـة مداهمة دحگت ؏ كــانـــون
وهمست بلطف : ذَهــب تريدك .

يريدون يطلعون وهاي مل خزره اقوى من الثانية
اطگ بـ دركْان هز راسو وماتحمل يسكت
_ ها بايگ الورث ؟ شگد بلا زحمة ..

هَــيـلانـة: ابو السبايا حسك ما اسمعوو .

طلعت وهذا گمز وراها صاح بعلو صوتو
_ النواصه شبي عگلچ شني من افكار زارعهن براسچ .

رضية: هاااا يا ستار .

كــانـــون : حسككككككك .

دركْان: استلمممممم .

تَـــمــوز : التعنيف بـ اسوء اشكالووو
لو منكك غيررر .

دركْان: اي شسوي .

تَـــمــوز : اخذ جكارة وانجعم قابل شسوي
غير يطلعني كانون مصلخ .

رجع گعد وصدگ شغل جكارة وكل شوية يصفگ
بيدو : يبووووووووو اذا اگضبهاا اگضي بيها التوبة النواصه
دحكت شلون تگلي حسك ما اسمعووو عبالك زعطوط .

تَـــمــوز : من حبك لاشاك صح هي طيحت حظك بس شسوي
حسككك ما تسمعوو وانت الممنوع عدها بيكيسي اسمو كــانـــون
يطشر راسك بس تفتح اثمك .

دحگ عليَّ بطرف عينو وهو شايط دخان يطلع من راسو
وصاح : وانت شنوووو كاعد ويايَّ عليَّ وجعععع لوجهك
يذب سمممم سمممم .

تَـــمــوز : هاا ابو السبايا شبلاك حولت عليَّ .

دفعني ؏ تخم وخنگني بيدو وقرب الجكارة مني
_ شنووووو هاي انوب ابو السبايااااااااا ؟

تَـــمــوز : اندري غير مرتك تگول ابو السبايا
هي بعد اعرف أنـه عليَّ اعيد واكرر وراهم عبد مظلوم .

كــانـــون : مظلوم مشكوك بها تحتها اربع خطوط حمرة .

نهض مني وكانون كمل : وهيلانة مو حرمتو وعيب
يطاول ويرفع صوتو عليها ماعدنا هيچ هي تعتبر بمثابة الغريبة عليكم
احترامها من احترام ذهب واحترام ذهب من احترامي .

تَـــمــوز : حسسني ماشين مصاليخ جدامهم .

دركْان: كــانـــون بدون ما توصيني اعرف حدودي
وشنو الغلط وشنو الصح لو اريد اغلط وياهه تره
جانت ويايَّ بنفس الغرفة ولا يوم دحگت عليهه بنظرات
مو حلوة وروح تأكد منها اذا ماعندك ثقة بـ اخوك ..

كــانـــون : أنـه إلي اعرف اخوية ادري بيك گدها
بس مو غلط انبهك .

بقيت بين البيت وبين اطلع أكمل احتياجاتهم قبل لا ارجع للدوام
لليل وامي عرست رجع گازو للبيت هساع ترجعها
وحتى اثبت گازو بعد ماتهمني اخذتها صعدت وهي تتبع تحركاتي
عكس ايام قبل جنت أنـه ألي اتابع وأحفظ تفاصيلها
امشي بالطريق وبيَّ مرض ماعرف انجعم :وين خواتچ ؟

گازو : بالبيت گمر دائمًا تسألني عنك .

تَـــمــوز : سلميلي عليهن .

گازو : شسوي وتسامحني بس اريد افتهم ؟

تَـــمــوز : كوني سعيدة وبعيدة وخليني بعيد وسعيد .

گازو : يعني انتَ مرتاح بدوني .

تَـــمــوز : انتِ ماي ؟

گازو : كافي الله يخليك بس نتفاهم .

تَـــمــوز : اي هو گاعدين ناكل وحل جاوبيني انتِ اكل شرب ؟

گازو : لا

تَـــمــوز : انتِ دوشك انام عليَّ ؟

گازو : يااااا .

تَـــمــوز : انتِ فلوس ؟

گازو : تموزززز .

تَـــمــوز : صح انتِ جمالچ يموت بس اكو احلى
يعني عادي مسيطر ؏ وضع صدگ اذا اعزمچ
؏ عرسي تجين ؟

گازو : شحدككككك .

تَـــمــوز : اريد اخذ صيده هيچ تفلش گلبي .

گازو : تحتاج وحدة لابسة نقاب .

تَـــمــوز : لاااا غدي المود طالب غير شي .

گازو : شطالب المود ؟

تَـــمــوز : دكتورة اطبطب ؏ گلبي .

تگربت منها بقت مصدومة صرت قريب من وجهه
الى درجة ما يفصلني عنها غير حركة وحدة
فكيت الباب بقت جامدة عبالهه راح اتگرب وابوسهه
_ انزلي بوبة انزلي وخلصيني منچ .

گازو : شنو رأيك نعيد ايام زمان ؟

خليت ايدي ؏ خدي امثل التفكير
_ وتلبسين نقاب وملابس وقص ؟

گازو : الخاطرك .

تَـــمــوز : ليش عندچ هذني الملابس ؟

گازو : اشتري .

تَـــمــوز : عندچ منهممممممم ؟؟؟؟

ردت بـ ارتباك وخوف تراجعت للخف وجاوبت
بصوت يرجف : اي عندي .

نزلت من السيارة گضبتها من ايدها وقبل لا تنزل
همست : صدگ من گال المثل الماي يروب والگحـ*** ماتوب ..

نزلتها وذبيتها جدام الباب وصعدت بقت بس تدحگ وتنزل دموعها
رجعت للبيت وخلصت اسبوع اروح وارجع ويه كــانـــون ؏
تلدكاترة الراحت عليهم ذهب ، وبين دركْان والتدريب حتى
يتهيأ للرجعة للدوام ، گاعد اتصفح بالفيس واعبر بالمنشورات
وماشوف غير فديو أليه منشور شنووو منووو شلون ؟؟

بقيت اركز هاي نفسها عيادة الدكتورة حُور
ركزت اكثر الفديو مأخوذ من كروب بالفايبر
ومكتوب جوة الفديو : اخذ گلبي وراح ..

ابتسمت من ركزت بالصورة الكاتبة هل عبارة
هاي نفسها حور الفاهية ، دخلت ؏ تعليقات
بيهم إلي تتغزل وبيهم ألي يصيح حماة الوطن
وبيهم إلي يغلط ؏ لبنية طلعت الفديو ونشرتو
بقيت مصمهر حاير اغلس لو استفسر ؏ الصار
حاولت اثگل واسكت عن الموضوع بس
الثاني يوم وانه أرتب بملابسي رن تلفوني برقم غريب
رديت بعدم مبالاة: نعم منو ؟

سمعت صوت انثوي ناعم : النقيب تَـــمــوز ؟

تَـــمــوز : لا النقيب اب الهاب .

_ هههههههه آني الدكتورة حور تتذكرني ؟

تَـــمــوز : اباه الدكتورة حور بذات نفسها تتصل .

حور : شلونك ؟ شنو اسنانك بعد ما وجعتك .

تَـــمــوز : جريئات ماينخاف عليهن صاحبهن صلف .

حور : وصل بسمارك ودگ الباب .

تَـــمــوز : ابن الساقـ**** وراح يشوفچ اشگگ ابوووو .

حور : هههههههه بسمارك احسن من صاحبو
يجي ويدگ الباب ويسأل ..

تَـــمــوز : امممم يعني ماتزعلين .

حور : لا ليش ازعل المهم اجيت اعزمك .

تَـــمــوز : احرگ فراس بنار ونفط اذا تعزميني ؏ عرسچ ؟

حور : عيد ميلادي والله عيد ميلادي .

تَـــمــوز : وين هذا عيد ميلادچ اول مرة اعرف بي
ما مار عليَّ ؟

حور : يعني شنو ابد ما محتفل بعيد ميلادك ؟

تَـــمــوز :ول ماعدنا شريف يسويلي .

حور : قهرتني .

تَـــمــوز : هههههههه المهم وينو عيد ميلادچ ؟

حور : هو عائلي وبي اصدقائي وصديقاتي
دكاترة ودكتورات وحتى زملائي بالجامعة
اسوي بمطعم الـ ***** بالكرادة وحبيت
اعزمك اذا تحب تكون موجود .

تَـــمــوز : هو أنـه بكل عزا لطام انوب منا حفلة
وفوكاها عيد ميلاد حور يعني الفرحة فرحتين
بس بصفتي شنو اجي زحمة ؟

حور : بصفتك صديق ؟ مريضي ؟

تَـــمــوز : اقدملكم مريضي ههههههههه عوفيني ؏ صديق .

حور : ماشي صديق صديق باجر موعد الحفلة .

تَـــمــوز : تريدين هدية ؟

حور : ههههههه وجودك كافي .

تَـــمــوز : نيالي يابه ، هو الله شاهد اريد اجي بس
عدنا وفاة وصعبة أحضر حفلات بس ان شاء الله
اجي للعيادة واعوضچ .

حور : اني ماردت تعويض بس ردت تكون موجود
؏ العموم ماصار شي شكرًا واعتذر اخذت من وقتك مع السلامة .

حاولت ماكثر كلام ورديت : مع السلامة
بس بقت ببالي افكاري تاخذني وترجعني
بين انقهرت فشلتها وبين لازم ابتعد وما ارجع
اتعذب خفت اخطي هيچ خطوة وارجع اخسر
وهل مرة ما اتحمل ارجع واكرر العذاب من جديد
خلتني بدوامة التفكير للصبح نمت متأخر وگعدت
متأخر ، رجلي اخذتني للكنتور بقيت ادحگ بالملابس
شنو المناسب واي لبس احلى ، عفت كلشي واخذت
محفظتي ومفاتيح السيارة وبوجهي لمحل ملابس رجالية
اختاريت بدلة رسمية ، وطلعت للحلاق سويت تعديلات
بسيطة ؏ حمام توب وتبديل مرتب وعطر فخم
وصعدت سيارتي ؏ المكان المحدد ..

نزلت مرتبك أحساس غريب بين أكمل واتراجع
صرت جدام باب الحفلة ناس چثير موجودين
بس كلهم مرتبين واضح شكثر مثقفين
ردت ادگ الباب بس فشله عبرت المطعم
بصفي محل ورد اخذت باقة ورد بلون الأحمر
ودخلت ادحگ بالوجوه نص البنات تدحگ
عليهه ربطت السالفة وعرفت اكيد يعرفن شكلي
صاحب الفديو الموجود بالعيادة ، ابتسمت
واخذت زاوية بالمطعم ، بالربع ساعة واگف
وحدي مليت الى ان لمحتها بعيدة لابسة فستان ابيض
محتشم وشال زايدها جمال مكياجها شبه ماكو
بس بارزات عيونها مكبرتهن ، ضحكت واستدارت
من وحدة من صديقاتها اشرت عليَّ ؏ اساس
ماشفتها ، سويت نفسي استند ؏ ميز هي
شافتني انصدمت بقت جامدة بمكانها .

حور : تنازلت واجيت .

تَـــمــوز : ماريد تخرب فرحتچ الحفلة بدوني ولا شي موو ؟

حور : الثقة مزقت الغلاف الجوي .

نزلت راسها خجلانة من نظراتي رجعت شالهه
وهمست : تعال ويايَّ اعرفك ؏ بابا .

مديت ايدي مشت وانه وياهه توجعت لرجال
كبير بالعمر بس مهتم بنفسو وياه امها تشبها
نسخة منها ، وكفت وتحمحمت تجذب أنتباه
دحگ عليهه وعليَّ : بابا .

_ اوووو أهلا وسهلًا بالنقيب تَـــمــوز .

تَـــمــوز : أهلًا وسهلا بيك عمي .

_ ليش جلطت بنتي بالمداهمات ؟

تموز : بنتك تخاف قوي كلبهه شسالفة
بعدين خلي نفسك بمكاني حقي لو مو حقي ساعة انتظرها ..

حور : بابا بيومها عندي لود بالمرضى شنو بيدي
حتى هو من دخل شافني تعبانة هلكانه ..

تَـــمــوز : راح تبچي ويسيح المكياج ويطلع عريف شلتاغ
ويصير لمطافر ماله لا صداد ولا رداد .

ام حور : هاي ليش نقيب تَـــمــوز مو نشتكي عليك عند ابونا .

مد ايدو تصافحنا وهو يضحك وبكل رزانة
عرفني ؏ نفسو : وياك القاضي عبد الرحمن قاضي محكمة الـ**** .

تَـــمــوز : النقيب تَـــمــوز ضابط بمكافحة الارهاب تشرفت بمعرفتك .

جذبت انتباهي امها بصوتها الهادئ : واني الدكتور ميسون سمير
اختصاص نسائية ، وهذهِ بنتي رنا اخت حور دكتورة تخدير ..

تَـــمــوز : تشرفت بمعرفتكم جميعًا.

بقيت من الخجل ابلعم بريگي وجهي أنسحب لونو
وحور تضحك بوجهي تخجلني اكثر التفتت ؏ مطعم
وهمست بحماس : وكل الموجودين هنا اصدقائي وصديقاتي وازواجهم .

ام حور : يلة ماما تقطعين الكيك ؟

أومأت براسها وابتسمت : تعالوا ناخذ صور بعدين نقطع .

راحت هي وعائلتها بقيت واگف بمكاني وبيدي گلاص
عصير ادحگ عليهم من بعيد وابتسم ؏ تصرفاتهم العفوية
صديقاتها وزملائها كلهم ياخذون صور اخر شي اجت
رنا اختها همست : هور تگول ما ناوي تهز طولك وتاخذ صورة وياهه .

تَـــمــوز : أنـه اخذ صورة عليش ؟

رنا : حور طلبت .

مشيت مشدوه عيوني تمركزت عليها
وگفت قريب منها اجت حرمة جبيرة
تحچي وياهه عود بصوت ناصي ماتريد
اسمع بس اكو خلل بسمعها من تحچي
تصيح عبالهه ناصي صوتها : ها يا ملعونه لحيتي ماريد غير
الضابط وخليتي يمچ لو الضابط لو ماريد .

بقت فاتحة عيونها ماتگدر تلتفت عليَّ
تقصدت اضحك بعلو صوتي من عرفتها جدتها : نانا صوووووتچ .

_ فوكاها شخصية وجمال أسمراني تعرفين تختارين
وهاي واني اگول حور فقيرة صدقوا بكلامهم ماكو بعد فقير ..

حور : نانا صدگ تحجين عيب كافي روحـي اگعدي فدوة .

تَـــمــوز : عوفيها تسولف يولوو شتريدين منها .

حور : ؏ هل ضحكة معروفة الخطة شلون
وگعتني نانا بلسان النقيب تَـــمــوز .

تَـــمــوز : لا بنية ومن حقچ تحلمين وتحققين
بعد انتن بنوات هل وكت من تخلن شي براسچن
تسحلن اكبر راس .

رفعت حاجبها ومن الخجل اشرت للمصورة
تگربت عليهه وگفت بثبات مستقيم الضهر
رافع الراس : اعذريني ماعرف اوگف واصور
بس بالطريقة العسكرية .

اخذت قطعة من الككو بصف الكيك قدمتها ألي
ضهرت شبه ابتسامة ؏ طرف شفايفي
_ هااا يولووو بس لا بيهاا سحر .

حور : شنو مشكلتك ويه السحر كلمة والثانية وصحت اخاف سحر .

رفعت ايدي وفريتها : اووووووو حكايات عظيمة
شگو وشنووو احجي هليني ساكت لا العالم تضحك علينة .

حور : اممممم مبين عليك عندك حكايات
ومغامرات انتَ والصبايا وأضح خبرة.

بقيت ساكت بس ابتسم بتلاعب
رفعت حاجبها وهزت راسها
وتحجي وتصفگ بيدها : الله كلهن ؏ بال مثل الشريط وعبرن .

غطيت عيوني وجهي بيدي وضحكت
؏ ملامح وجهه : مبين لا وحدة ولا اثنين .

تَـــمــوز : خليها سكتاوي اذا تعرفين تشمريني من المطعم ..

فشلت ملامحها احتارت تضحك تظهر حزنها من كلمتي
تغاضيت عن الصار وابتعدت وهي قطعت الكيك
وبقت تسرق النظرات عليَّ ، الى ان صار العشاء أكلنا
وانطيت هديتها وقبل لا اطلع حاولت اقلل التوتر الصار
_ حور شكرًا ؏ الدعوة ، تونست وياكم وسعيد بمعرفتكم
انتِ والوالد والوالدة بقمة السلام ربي يديمهم الچ ويديمچ الهم .

تقدمت بيدها علاگة ؏ شكل جنطة مرتبة
بداخلها اسمي واشياء ماعرفت شنو
_ هديتك فرحانة لوجودك ويايَّ تَـــمــوز .

سلمت وطلعت بدون ما التفت رجعت متحمس
؏ فرحان ، بنفس الوقت خايف ، وصلت
وعيوني ؏ هدية اريد افتحها اخذتها بيدي أريد إنزل
وبقيت ادحگ مرتعد كل ذرة بجسمي ماتت من
لمحت بيت دوهــان محترگ وكانون يضرب ؏ بابا
بكل قوتو وماكوو رد ، انشلت اطرافي بيني وبينهم
مسافة بسيطة بس صارت دهر من شافني كــانـــون
صاح بصوت زرف گلبي قبل طبلة اذني
_ حدر نكسر ألباب دوهــان بالبيت حدر ..

يتبع ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد