تجبر أحفاد الــ دليم الفصل الثامن وخمسون 58 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _55 _

جنت اكلهم نار بيه
نار بيه وچذبوني...
ومن بقيت ارماد كالوا ليش ما كلت احترگ

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
قُــسَـم ..

كــانـــون : قُــسَـم كافي تلحين خابرتو
وگال بعدني بالطريق شيسوي يعني يطيرر .

قُــسَـم : صار أربع ساعات بالطريق ادري عايشين بـ إمريكا .

فز گلبي قبل جسمي من سمعت صوت السيارة سحبت
نفس وبلا وعي صحت بكانون : يلة يمعود اطلع .

ثواني وهو دوهــان دخل بيدو ميار نزلوا بالأرض
آول ماشافني ركض فكيت حضني طوقني بيدو
الصغيرة ابتعدت ابوس بوجهو يمه طگ گلبي عليك
حبيبي فدوة لهل وجهه ، بعدني وياه ودخلت ام دوهــان
روحها شايطه ودموعها تجري ؏ خدها صرخت
ومن كل عقلها تريد تهجم گضبها دوهــان
وهي تدفع بيدو وتصيح وتلطم : اطلب من الله ما تتوفقين بحياتچ
كلهه يا قُــسَـم الله يشلع گلبچ ويحركووو مثل ما شلعتي گلب ابني
وبهذلتي حياتووو خليتي لا هو بسماء ولا هو بـالگاع .

أخذت ميار ودخلت بدون ما أنطق بحرف
دوهــان يركز بكل حركة وبكل نظره مني
ابتعدت بعد ماعندي طاقة اتحمل احد بيهم
گعدت أتفحص بشكل أبني عيونه تعبانه
رضية طلعت تحچي هي وام دوهــان اسمعها
تترادد هي وياهه : هجمت بيتها وبيت ابني وضاع تعبو
علمووود واحد مايريدهااااا ؟

رضية: عيب عليچ تتهمين بالبنية يولو خافي الله
طلاگهم من وراچ انتِ ترستي راس ابنچ بكلام
ماصاير ومايصير وخليتي ياخذ ابنها ويشرد بي
؏ هاي فعلتوو همات بعد تسامحو البنية خليتوها
مخبلة لا ليلها ليل ولا نهارها نهار .

ام دوهــان: وابني ولچ وابني اني بعيوني دحگت عليهم سوية
هذا بالشغل وهي تسرح وتمرح عدنا العشق الممنوع احنا .

كانون : بعدهاااا نفس كلامها ، اكلچ حتى لو قُــسَـم ودركان بيت
واحد شنوووو يعني اني وياهه ما نبقى وحدنا لو لا هي وتموز
مايبقون وحدهمم شنووو صار عيب وحرامممم ؟

ام دوهــان : تختلفون انتوا تعتبركم ولد عمها هذاك عاشگتو .

كــانـــون : دوهــان لحظة يمعود وين رايح
بس انتظر نتفاهم ؏ كم شغلة .

دوهــان : بعدين كــانـــون بعدين ..

طلع وشگد حاولت امو تدخل عليَّ بس منعوها
من ملت عافتهم وطلعت وهي تدعي وتتحسب
قُــسَـم : حبيبي ميار ماما شلونك .

دنج راسو بحضني وصار يغفي نعسان
حضني بكل قوتو ويجر بدشداشتي
يريد رضاعة ، اخذتو وصعدت فوك
سديت عليَّ باب الغرفة وبديت ارضعو
واعدل بشعرو الى ان نام ومن بعد ايام
متعبة وتفكير وتعذيب نفسي گدرت اخذ
ابني بين ايدي وانام نمت بعمق بهدوء
بدون تفكير وطول اليوم لا اني گعدت
ولا ميار ، الى ان فزيت ؏ صوت
رجولي خشن فزيت مرعوبة الصوت
من جوة ، ادحگ ؏ ساعة بـ2 ليلًا
صحيت ونهضت من السرير وانه
انزل ملابسي نزلت ركض حجره
تَـــمــوز مقفولة نايم عجل شنو هذا
الصوت كل تفكيري تَـــمــوز رجع
الحالتو ؏ هل صوت المرعب ، كملت
طريقي اتبعت الصوت بالگراج
فكيت الباب خليت ايدي ؏ گلبي من منظر
دوهــان واگع بالأرض وجهه مخطوف لونو
كــانـــون فوك راسو يغسل بوجهو ويصيح : كل عقلك يولوو
شارب تخبلت انتَ بعد ماكووو عقل فهمني مووو عيب مووو حرام .

لمحني وياريت ما لمحني رفع ايدو وبصوتو
التعبان المتحجر عاط : ليششششششش ماتحبيني
هاي ليشششششش ماتحبني موتتني تعبتني والله .

كــانـــون : لا تذكر اسم الله وانت متشبع بهل سممممم .

نزل دركْان من فوك همس وهو يقترب : بس طريق .

ابتعدت شوية وانه بقمة صدمتي ادري
بدوهان يكره سوالف الشرب وهل لعبان النفس
_ هذا شبي كــانـــون عليش واگع .

كــانـــون : شارب الغبي شارب موتوني بتصرفاتكم انتوا ومحمد .

بلمح البصر گضب دوهــان دركْان من قميصو
وصرخ بي بصوت تعبان : بسببك والله والله قُــسَـم حبتني
وصار سنة عايش بيتنا اثثتو أنـه وياهه ضحكنا سوية
وهي اعترفت اتحبني .

دحك علية وصاح بعلو صوتو : موووو اعترفتي تحبيني
مو گلتي أحبك بالمستشفى وكل مرة اروح بالواجب وارجع
اسئلچ تحبيني تگليلي أحبك جذبتي عليَّ قُــسَـم جذبتي عليَّ .

كــانـــون : يولوووو عيب عليك والله تهين نفسككككك
تنزلها بهل طريقة انتَ زلمة الك مكانتك ورتبتك كافي .

رفع راسو جر نفس بتعب وكمل : بس اريد تجاوبني
يولووووووو قُــسَـم جاوبيني عليش جذبتي عليَّ
بشنووو قصرت وياچ أنـه بشنوو عليش ماتحبيني
مووو والله أنـه احبچ عليش تعبتيني ما استاهل هل تعب والله .

رفعو دركْان بكل قوتو وهو ينطي علم
لكانون : راح اخذو لبيتو ينام هذا مو بوعيو ابد فاصل ؏ اخير .

فتح كــانـــون الطريق اخذوا وراحوا للبيت
قبل لا تدخل رضية واسمع منها حرف ركضت
وصعدت فوك ماريد اسمع كلامهم ابد ابد
محد يعرف شنو احس وشنو براسي ..

بقيت گاعدة الى ان گعد ميار جوعان اخذتو سبحتو
من الصبح وبدلت ملابسو ونزلت اني وياه للمطبخ
گعدتو ؏ كاونتر هو يهمس : سن سي ( شنو نسوي )
يحجي ويأشر بيدو اقتربت بستو وهمست : بيضه لميار حبيبي .

ميار : بي بي ( حبيبي حبيبي )
صفگ بيدو ؏ صوتو انفتح باب الغرفة النايمة
بيها ذَهــب عرفتها طلعت ؏ صوت ميار لان يشبه صوت
العزيز ، مشيت الها اخذتها من أيدها وگفتها جدام ميار
بقت تتلمس بوجهو وتشهگ بدون صوت وميار يمسح بعيونها
حضنتو وهي تحاول يطلع صوتها بكثر ما اختنگت
ذَهــب: عز عز عزيز ..

من الصدمة خليت ايدي ؏ شفايفي وعفتهم وركضت
الكانون فكيت الباب بدون ما ادگ لگيتو نايم ؏ بطنو
_ كــانـــون كــانـــون اگعد بسرعة ذَهــب حجت .

دحگ عليَّ بصدمة وضياع رجعت كررت كلامي
استوعب وگام يركض نزل يدحك عليهه من بعيد
تشهگ وبس تحاول تنطق اسم عزيز ، بكل هدوء
صار قريب منها حتى ما يصدمها حضنها وهمس : هوبا
ياعيون كــانـــون انتِ أهدي گلبي انتِ اهدي يواش يواش (بهدوء ) .

طوقتو بيدها وبصوتها المرهق رجعت همست : عزيز .

طلعت هَــيـلانـة من الغرفة بيدها أبرة
تقربت منها احذرها : عليش تضربوها ابر عوفوها تبچي وتعبر
هي مريضة لان كتمت صدمتها بس تحاول تعبر الي بداخلها ترجع
مثل قبل واحسن .

هَــيـلانـة: بس يصير عليها ضغط تنجلط مرة ثانية
ماصدگت عالجت ايدها .

أومأ كــانـــون براسو بالموافقة تگربت ضربتها
رجعها كــانـــون بغرفتها وهي بحضنو تناشغ
ودخلت هَــيـلانـة وياهم رجعت ؏ ميار اكل
واكلت شوية وياه وطلعت رضية: هاا بيبي گعدت سودة علية
تبهذلت بيناتهم ، هساع كم يوم يطالب بـ أبو .

قُــسَـم : ابو موجود عايش ويشم الهوى وانه ما امنع ابني من ابو
يگدر شوكت مايريد ياخذو بالعكس افرح بهل شي لا تبقين
تذبين بسامير رجاءً أني مقتنعه بقراري .

رضية : إذا مقتنعه هيري نفسج بـ 9 تروحين انتِ وابو ابنچ
تطلگون محكمة واذا صار بعد مابي رجوع .

اخذت ميار وصعدت مابيَّ حيل اتجادل وياهه هي عدها
كــانـــون ودوهان ودركان وتموز خط احمر ، صح همَّ
زينين بس تصرفاتهم مرات تصير غبية
جنت عبالي تريد تخوفني بس من صارت بـ 8 ونص صاح
عليَّ كــانـــون من جوة : قُــسَـم بـ 9 نطلع استعجلي .

على وضع دوهــان وين يگدر يروح محكمة
عجيب ، بدلت فستان اسود وشال اسود ونزلت
_ كملت ..

كــانـــون : متأكدة من قرارچ هاي اخر فرصة بيناتكم .

قُــسَـم : احسن وانسب حل المفروض من زمان ننفصل .

رادت رضية تحچي رفع ايدو وسكتها
_ براحتهاااااا ممنوع ندخل بقرارها
غلطتي من جبرتيها تصبر ويصير عدهم طفل
بس هساع هي تقرر باجر عگبة حتى
ما تلومنا لان هذا إختيارها هي وحدها .

أخذني وطلع دركْان دخل من طلعت لمحت
ابوية وابو دوهــان يصعدون بسيارة دوهــان
واني رحت بسيارة كــانـــون ، اول ماوصلنا
نزل دوهــان هو وكانون قبل الكل ، دگ ابوية
الشباك نزلتو يدحگ بعيون غاضبة صاح : بس تطلگين ترجعين للبيت
ماتبقين بيت كــانـــون افتهمتي وبس يجي كلب ابن كلب
حتى لو ابو زيالة ازوجج ؏ هل اعناد واذا ببالچ تتزوجين
دركْان گطنة وطلعيها من اذنچ أنـه ما اتكاون ويه اخوي بسببچ .

سديت الشباك بدون ماجاوب بس من الرخص الي هجست بي
دموعي بعد شلال ونفتح ؏ خدي امسح وارجع اغوش منهن
رجع كــانـــون مصدوم من منظري : شكوو يا ستار ؟

قُــسَـم : ماكو شي .

كــانـــون : اذا تريدين تتراجعين هساع اخذچ وارجعچ
وابلغ دوهان تريدين تفكرين ؟

قُــسَـم : بچيت من كلام ابوية اجاني يهدد بيَّ .

دار وجهو بتجاه سيارتهم نزلوا وبعيونهم حقد دفين
وعود طاغية ، فتحلي الباب وهمس : خليهم يولون هاي حياتچ
انتِ تعيشيها محد يفيدچ اذا تخلصيها بحزن .

جريت نفس بس حيلي انهد نزلت اجر بخطواتي
التقت عيوني بعيون دوهــان شايل اوراق
عبالك مو هو نفسو الي ليل كلو يبچي ويريد
يسمع بس كلمة مني ، صاير صخرة جامد الملامح
والشعور متصلب الجسم بلعت ريگي وتقدمت صاح
بكانون يريد يسمعني : خلصني لعبت نفسي يمعوووود اريد اخلص .

مثلت الامبالاة ودخلت للقاضي بعد السؤال والجواب
سألني : عدكم طفل انتِ متأكدة من هل طلاق تره
الطلاق وره هدم طفل ،الأطفال الضحية والخاسر الوحيد .

قُــسَـم : فكرت وقررت اريد طلاگ ماريدو
اعرف اربي ابني بلا اب ماريد كل يوم
ابني يشوفني ابچي جداموو من ضعفي
فكرة اني مجبورة ؏ هل انسان تمنعني اعيش طبيعي .

دوهــان : رجاءً سيدي طلگ ماريد اسمع هل كلام يأذي گلبي
حالي اسوء من حالتها بعد ماطيق اعيش مع انسانة ادري
بيهاااا تكرهني وماطيق وجودي بحياتها مهما اسوي واقدم
ماتگدر تغير نظرتها هي مجبورة .

من انتبة ؏ اصرار ماعنده خيار غير يطلگ
اول ماكمل بصمت ودوهان بصم انهز گلبي
وانقبض من ضربت ابوية ؏ ميز واول ماطلعت
گضبني من ايدي وسحلني جدام العالم كلهه
نظراتهم كلهه مرعوبة ، ؏ مصدومين ، على متعجبين
وجهي صار اسود من الفشله كــانـــون بعدو عند القاضي
بس دوهــان دحگ ؏ ابوية ولا عبالك راح بس وصلت
للباب يريد يصعدني بالسيارة صرخت من بكثر ما گضبني قوي
دوهــان: كافي شنوووو هاي التصرفات عوفهااااااااا .

ابو قُــسَـم : ممنوع منعًا باتًا تدخل هل بنية سقطت رسمي
من وراكمممممم ومن وره رضية البلوه انعل هيد هيدكم
وهيد كل واحد يتدخل بيها اريد اعيد تربيتهااااا المطلقة ..

دفعني بالسيارة وسد الباب وماشوف غير دوهــان گضبو
بإثنين اديناتو من القميص وگربو منو بقوة
وهو منا اطول من ابوية بس اشوفو يهز بي
اجه من بعيد كــانـــون وابو دوهــان يريدون يفاككوهم
لان صار هوسة وكلها اجتمعت داير ما داير المكان
صعد كــانـــون بسرعة وابوية وياه يتعاركون : شهرتوني
الله يشهركمممممم موووو عيب شكبرك بعدددد تصير .

ايو قُــسَـم : هوووو هل كلب ماتنلام هل بربوك من گالت
كرامتوووووو مداس أحذية المضيف يدافععععع عليهه
وهي كل يوم تهينووو كل يوم تقلل من كرامتو جدامنااااا
اريد اربيهااا الى متى تظل هيچ عنووودية هجمت بيتهااا
ورجعت مشوهه مطلگة .

كــانـــون : انتو من تفكرون منين تفكرون من طيبة كلبكممممم
يولوووووو يعني بنية تخردلت من الضغط كافيييي كافي يا اسلام
عــوفوهــا تقرر شلون تعيش حياتهاااا .

ابو قُــسَـم: اهلها موجودين ابوها وجدها وعمامها
احنا نعرف شنوووو انسب واحسن الهااا بربك بدينك
بروح ابنك الكسر كلبك قسمتهاااا من دوهــان غلططططط
مووو يحبهااااا شايلها بعيونوووو بس تطلب وصاح تم
بس واحد يفتح اثمووو وياهاا وگف كالأسد يدافع عنها
اذا جانت صح لو غلط هساع كسرتوووو وندري بي
من طلقتوو انهدم وبعدووو يدافعععع عنهااا بعد شتريد وبيتها
وحدها والأكل موجود من افخم انواعوووو واهلها داير
ما دايرهااا وابنها وياهم شتررويد بنت الكلب .

كــانـــون : افتهم كلمة ولوو انتوا ماتعرفون شنو كلمة حب
قُــسَـم ماتحب دوهــان بسببكممممممم انتووووا انطوهااا فرصة
عوف بنتك عوفهااااا بحالها تعيش حياتها .

تركوا يحجي ونزل اخذني من ايدي
يريد يدخلني بالبيت مال عائلة صحت
وانه اشهگ : بس الملم أغراضي واخذ ابني بس انتظر .

ولا يسمع ولا يشوف حالي عبالك زانيه
لو بگت لو تجاوزت عاملني معاملة
الحيوانات ، سحلني بداخل البيت اجت
امي تركض ؏ صوتي گضبني من شعري
وشمرني جوة رجلهه : بالمبارك عليچ رجعت بنتچ مطلگة
اطلگت بنت الكلب اطلگت .

گمزت عليَّ ام دوهــان ماتضرب راشديات لا صارت بوكسات
_عوفوني اشرب من دمهاااااا عوفوني كسرت ابني
ام الزلمممممممم ماعجبها ابني الساقـ******
عاجبها تجرب واحد ثاني ابالهااا من زمان .

لطمتني ؏ حلگي شاغت روحـي باوعت ؏ امي وفتحت
عيوني ؏ وسعهن من الوجع : يمممممهههههههه تعاليلي يممممههه .

ابو قُــسَـم : خليها تاخذ حق ابنها ام ومحروگ كلبها دحگت
بعيونها ابنها شكثررر تعذب وياچ .

دفعتها بكل قوتي وضربتها بلا وعي ؏ كلبها
خليتها بالگاع ترافس : عوفوني لا اموووت نفسي وحوبني برگبتكم .

هجم عليَّ بلا رحمة ملخني تملخ شعري كلو صار بيدو
وبدون مايرف جفن يرگع راسي بالحايط ، وگعت بالأرض
من دحكت دركْان طلع من حجره امو يركض مصعوق من
الصاير ومنظر الدم صار جدامي وصاح : لا تتگرب .

رادت تاخذني ام دوهــان منو وهي تصرخ : من وراكككك
ساقـ *** ابني راح يمووووت من وراككك وهاي الساقـ***
موتهممممم ابو تُــمــيم موووتهمممممم .

طلع فراس من الاستقبال گاعد هو وابو بس يستمعون
بس من سمع صوت ابنو ماتحمل ينرعب وينهز ؏
اولادو مو خوفًا منهم وأنما خوفًا عليهم يعشقهمم
وينكسر بس بيهم ، رفع دركْان المسدس بوجهه
ابوية من گضب شعري عمت لحظات صمت مخيفة
مصدومين من ردت فعل دركْان: اذا تلمس بعد شعره من
راسها افرغ الشاجور براسك وانعل كل گـ**** يطلع وراك .

اشر فراس ؏ ابوية ينطي أوامر: نفذ كلام ابني .

دحگ عليَّ دركْان بقرف : شلالات الشرف شريف .

فراس : عيب نزل السلاح من وجهه عمك لا تضيع نفسك
؏ وحدة مثل قُــسَـم بابا لاتغلط .

دركْان: لاااااااااااا تگول بااااابااااااا انتَ موووو ابوية
انت مووووو ابووووية كلك خلگ واحد عااااااار عااااار
هذا ثمن اغلاطكمممممم دحگت گاعددد تدحگ ؏ ضيمممممم
دوهــان ادمر وانه انهديت وهااايييي انظلمت بسببك .

دفر كــانـــون الباب ودخل عاط بدركان
_ نزل السلاح نزل واطلعععععع برة
لا تدخل بالموضوع دواهم عندي .

دركان : خوية هذولي ولونه لان ساكتين عوفني انتقممم .

كــانـــون : ماراح نسكت بعدددد ماراح نسكت
بس مانضيع نفسنا علمووودهمممممم تصرف
بعقلككككك عوووف كلبككككك .

نزلوا وطلع يفووور من العصبية يفووور
من دحگ كــانـــون ؏ حالتي تخبل وگف بوجهه
ابوية وعاط وهو يشتاط من الغضب يشيل بروحو
ويرگعهااا : انعل تجبركمممم لابوووووو الخافووووووكممممم
انعل تربيتكككككك انعل ابوووووو الي ربااااكمممممممم .

فراس : كاااااااااااااانوووووون تخبلت ؟

كــانـــون : اي تخبلت وبعد ما استحي ولا احترمكم
مووو لازم احترم الي اكبرررر مني جنت مفتهم الموضوع
غلططططط المفروض احترم بسسسس المحترم نفسوووو
انتوووووا تستحقوون الاهانة گو***** أنـه اذا بعد احترمكم
ومن هل لحظة بعد ماكووووووو بس تهديدات اكوووو تنفيذ تهديد .

اخذني ابوية من ايدي جدامووو وصاح : والله لو ما ابوك
ادوسكككك بالقندرة واخيسكككك بالحبوووس ، هاي بنتي
اموتها احرگها اقتلهاااا ممنوع واحد يدخل .

كــانـــون : أخذها وكمل ضرب بس مووو إني احاسبك
الدولة اذا ماتاخذ حقنا منكممممم انزع رتبتهم وادوسهااا
بالقندرة واصيررررر مجرم حرامي تاجر مخدرات
انحرف من طريقهاااا ارررريد حقناااااااااااا .

رفع كــانـــون المبايل واتصل وهو يدحگ بوجوهم
_ الووو أنـه الرائد كــانـــون من مكافحة الارهاب
عندي شكوى عنف أسري اريد تتواجدون بـ اسرع
وگت العنوان بغداد ***** .

غلق المكالمة وابوية يصيح بعمي : فررررراسسسس
ساكت ابنكككككك تخبل يشتكي ؏ عموووو كل عقلكمم
يرضيككك يعني يرضيك .

فراس : صير عاقل والغي الدعوة لا تجبرني احولها ضدك
اخوية رتبة معروفة ما اسمح تشووووه سمعتوووو علمود
وحدة سا****** ..

كــانـــون : الرتبة ألي هي حماة الوطن
اريد العالم كلوووو يعرفون حماة الوطن شسوي ببيوتهاااااا
شمسوووين بعوائلهممم اريد الناس تعرررف مو كل واحد شاد
رتبة محسوب ؏ حماة الوطن بيهم الي باع وطنووووو
بيهم الي باع منصبوووو بيهم الي باع كرامتووووو
بيهم الي يضحي بكل ناسوووو حتى يصعد
انتووووووا مووووووو حماة الووووووطن
الوطن بريئ منكمممممم .

رضية : يبووووووو يولووووو كــانـــون اركض
اخيككككككك دوهــان حرگ بيتووو وهو بالبيت .

من الوجع بقيت بمكاني بس اسمع اصواتهم
ماعندي طاقة احرك ايدي ولا ارفع راسي
انتهيت واهلي سبب كسرتي وتعبي ..

><><><><><><><><><><><
دركْان ، الدرباس

رفعت راسي ادحگ ؏ دخان يطلع من فوگ
السطح بس نار ماكو نار ، التفتت ؏ صوت
سيارة النجدة اجت ؏ مكالمة كــانـــون
ضربت الباب وبأعلى مستوى صوتو
كانون صاح : يولووووووووووو دوهااااااااااان لا تسويهااااااا
اطلعععععععع احلفكككك بالله افتححححح البااااب .

دركْان : بسسسسس لاااا حرگ روحوووو لان البيت
مابي نارررررر ول ساعدوني كسروا ألباب ويايَّ .

كــانـــون : الباب ماينكسررررر اعبر دركْان اعبر .

نطقها وگعد بالارض گاضب گلبو تعب كــانـــون تعب
ركضت وگضبت الباب وعبرت فكيتو وماشوف
غير قُــسَـم هي وحالتها لابسه عباية تغطي جروحها
من العالم ضربت الباب اكثر من مرة وصاحت : افتحححح
الباب افتحح دوهااااااااان ليششششش ضعيف ليششششش
تريد تمووووت نفسكككك وتخليني اتعذب عمررري كلووووو .

اريد ازكح كــانـــون وانفتح الباب بلمح البصر
دحگت ؏ نار صايرة بعيدة بالغرفة الداخلية
بس تمشي بكل البيت ، سحب دوهــان قُــسَـم
من ايدها وقفل الباب فقدت عقلي : لااااااااا لااااااااا دوهاااااان
افتححححح البااااب فصلت يولووووووووو دوهااااااان .

درت وجهي كــانـــون ورايَّ وجهو شاحب
عاط : فلششششش الباااااب ؏ راسوووووووو
شنوووو لو تعيش وياه لووو يموتهااا وياه .

آبو دوهــان: ابني يا ناسسس ابني راح يروح من ايدي
اكسرر الباب اكسررررر بساااعععععع اريد ابني الوحيد .

كــانـــون : وانت بنتككككك ماتنقهر عليهه ماتقهرك
گلبك ما يرف الله اكبررر عليكككك يا ظالم الله اكبر
عليكمممممم .

دحگ ؏ ابوية ونزلت دموعو انهار بعد خلص
مايگدر يكتم من مصايبهم حتى مايلحگ يحزن
؏ ابنوو طلع كل المصايب النايمة بگلبووو
انفجر وهو يصرخ : الله اكبر حسبي الله ونعم الوكيل عليكم مجرمين .

تقربت النجدة واتصلوا ؏ الإسعاف والإطفاء
اصواتهم عالية تركت كلشي ومشيت بخطوات
ثقيلة السبب المشكلة السبب الدمار طلعت
السلاح وگفت بوجهو بكبر قوتي وقدرة تحملي
بچيت بضعف بچيت لان عندي اب مثل هذا الوحش
انقهررت ؏ وضع اخوية لو وضع ولد عمي
لو وضعي ماعرف أنـه شنووو ومنووو وشنو اريد
وين اني ومنو العدو ومنو الصديق كلوو بسبب
هل كافررررر : دمرتني ودمرتهم واگف بعيد تاخذ وضع المتفرج .

النجدة كلهم رفعوا السلاح عليّّ من عرفوا
من شكلو منو هو : نزل سلاحكككككك .

فراس : انتوا نزلوا السلاح تركوا شنو يسوي
ابني يريد يموتني ؟

عصرت عيوني وفتحتها ضغطت ؏ اسناني
اعصابي تلفت منوووو لهنا حدي فاض صبري
_ اريدك تمووووتت اتمنى تنتهي وادحگ عليككك منتهي
والله ما تنهز ذرة مني ، كرهتككككك من كل گلبي وعقلي
واحساسي اكرهك وانقهر انتَ ابوية حيل انقهررررررر
اريد اخلصصصص عليكككككك تعبتني .

ابو فراس : دركْان جدو عيب نزل السلاح هذا
ابوك ويريد مصلحتكم .

دركْان: يااااااا مصلحة ادحگ بعيوووونككككك يولوووو
ادحگ افتح النعال براسكممممم وركزوووووا وين
المصلحة وين الخووووف .

استداريت اشرت ؏ كــانـــون وكملت
_ هذا انتهى بسببك وسبب اتفاقاتك لوووو من زمان
انطيتني امررر وخليتني اموت جلاد بدون تأخير
حالووو من حال الشبح كان مامات العزيزين
انتَ نهيت علينة بيدككككك القذرة فررراس اكررررهككككككك .

ادحگ علية ظل يتحمهم مثل الغص
وعيونو صارت حمرة اعرفووو
نقطة ضعفو أنـه وكانون وينقهر
ويضعف من ننطق كلمة اكرهك
اتقصدت اكررها الى ان ارتعش
جسمو رجلو ضعفت وفقد سيطرتو
؏ نفسو ارتفع ضغطو وادري صار
فترة وضعوا الصحي مو تمام بكثر
ما دحگ اني وكانون كارهي وهساع زاد
القهر ماتحمل هل فكرة وگع بالأرض
صرخت بعلووو حسي : موووووت اي مووووت خلصني
منككككك موووت ماريد الوث ايددددي بيككككككك
مووووت كافي وخلي طغيانك وتجبرك يموتن وياك ..

اخذوا جدي بحضنو وصاح : لااااا بوية عضيدي فراس البطل
بوية قوتي انتَ قوتي لاتسويها افتح عيونكككك بوية .

فتح عيونو بس بصعوبة وتعلگت علية وعلى كــانـــون
ألي ماحرك من مكانو بس ايدو ؏ راسو ودموعو تنزل
بدون توقف گاعد على صبة الباب ، بهل لحظة نزل تَـــمــوز
من سيارتو دحگ عليَّ كــانـــون وصاح : تموووز احترگ البيت
ودوهان موجود اركضضضض فلششش الباب اركضضض .

تصركع من المنظر بعد مايگدر ؏ منووو يدحگ
دحگ داير ماداير البيت موجودين ناس ونجدة
ونزل راسو مصدوم بـ ابوية بلع ريگو وترك
كلشي وركض ؏ عمي يهز بي وهو متخبل : لااااااا لااااااا
تمووووت افتححححح عيووونكككككككك افتححححح عيونك
لاتموووووت اريدك عايشششش عايششششش .

دحگ علية صاح يريدني اساعدو گعدت بالارض
رجلي بعد ما تحملني بس دموعي تشرح خوفي
رهبتي دگات گلبي هجست الموجودين كلهم يسمعوها
ساعدوا ضباط اثنين من النجدة صعدو تَـــمــوز بسيارتو
وساق السيارة بي للمستشفى : شالوووو منووو شالووو
ولدوو لااا مو ولدوو شالووو ألي هدموووو ألي تركوا
يكبر بلا اب وبلا ام اخذوا اكثر بسر تعنف ونضرب ؏ ايدووو
خاف عليَّ تَـــمــوز إلي بعمرو ماتكمل فرحتووو بسببوووووو
يولووووووو تمووووز مايستاهل يعيش خلي يموووووت .

نهض كــانـــون بي مابي من دحگ الإسعاف
والإطفاء موجودين دفر الباب مثل ما متعلمين
بالمداهمات رحت وياه ادفع بي بكل قوتي
وصوت الإسعاف رج المنطقة بكبرهااا ...

><><><><><><><><><
قُــسَـم ..

صرت بوسط الدخان اريد اجر النفس اخذو بصعوبة
بقيت اگح من الخنگة وصرخت مرعوبة : دوهــان فقدت عقلك
يولوووو تريد تنتحرر شنوووو .

تكلم بطريقة صدمتني يحجي بس واضح مو بعقلوو
والسانو ثگيل جسمو يرجف وحشمو ينزف
_ نموت سوية الحياة مو حلوة يمكن من نموت
أطلبچ من ربي وتحبيني .

بقيت ادحگ ؏ ايد بيدو مثل المادة بودرة شايفتها
بالمسلسلات والأفلام مال مخدرات : شارب مخدرات ؟

هز راسو وضحك وهو يذب النفط ؏ نفسو
_ جنت اظن اذا اشرب انساچ بس زاد تفكيري
واخذت هساع مخدرات فكرت تروحين من راسي
وصلت المرحلة اريد نهايتنا سوية متخيلة شكثر احبچ ..

قُــسَـم: اذا تحبني انطيني المفاتيح لازم نطلعععع
دوهــان لازمممم الخاطر ميار ميصير يعيش يتيم .

ضرب النفط بالحايط وصرخ بصوت زرف طبلة اذني
_ هووووو بالحالتين صاااار يتيممممم هووو المفروض ماموجود
راح انحررررم من ابني لان ما اتحمل اشوفووووو كل فترة
لازم ابتعد حتى حضرتچ ترررتاحين وانه اتعذب .

قُــسَـم : لا اني اريدك موجود ويانه حتى لو أنـه مو زوجتك .

دوهــان: أنـه احبچ قُــسَـم عليش ماتحبيني
شنو بيَّ ناقص والله مستعد اكمل النقص بس حبيني
أنـه استاهل حبچ حبيني انطيچ روحـي بس حبيني .

تلمست وجهو وانه ارعش وعيوني ؏ نار شلون تتقدم
_ بس أنـه ما اكرهكككك أنـه أحبك والله
انتَ ابو ابني وابن عمي وسندي مو شرط زوجي والله .

دوهــان : تريدين أعيش وانتِ مو ؏ اسمي يابوية شكثررر صعبة
تدرين اليوم ردت اموتچ بالمحكمة واموت نفسي بس خفت عليچ
ما اتحمل تتأذين بسببي وسبب حبي .

دار ؏ النار وصار يكثر بالنفط وهو يزيد بالعصبية
_ شسوووووي بعد وتحبيني الله يضوگچ ناااار گلبي
وتحسين بيَّ شلون كاسرتني انتِ مهدود حيلي بسبب حرمة .

وگعت بالارض اريد اجر النفس ما اگدر بعد ومنا أنـه مضربة
گعد ويايَّ يتلمس جروحي ويهمس : تنكسر ايدو ألي ضرب
البرنوو مالتي .
نطق كلمة برنو ونزلت دموعو : تريدين اعيش وبعد ما اگدر
اتعارك واضحك واسولف واحب البرنووو .

قُــسَـم : حرام نموت هيچ حرام .

دوهــان : عجل دعيت چثير ربي يهديچ وتحبيني
بسسسسسس ماسمععععع مني ربي ما استجاب
دعائي غير مستجاب وانتِ ماتحبيني نموت احسن .

قُــسَـم : انتَ مو بوعيك الله يخليك طلعني بعد ما اگدر اتنفس
والله تگدر تعيش احسن حياة من غيري تتزوج وتحب وتخلف
لا تموت دوهان والله محد يخسرررر غيرك .

دوهــان : انتِ وجروحچ والشق اعلى شفايفچ وابني ماريد غيركم
أسست هل بيت بحب عدلت واشتريت كلشي حتى نعيش بي
وعشت وياچ سنة من احلى سنين حياتي خدعتيني مثلتي
عليَّ الحب ضحكنا هين ونمتي بحضني هناك وحضنتچ
بالمطبخ ونمتي ؏ رجلي واحنا نتابع فلم وميار بصفچ
هاي احلى ايام حياتي هدمتيهااااااااا بيدچ كسرتيني قُــسَـم .

من شافني بعد بديت افقد وعيوني تنگلب
رفعني نومني بحضنو وهمس : تبقين يمي بالحياة وبالموت .

سحب شالي صار يلاعب شعري بـ اصابيعو
ويتلمس شق شفايفي فقدت بهل لحظة لمحت
النار تلهب والحرارة تاكل بالمكان اكل غمضت
عيوني استسلمت للقدر ..

بس بين الگاعدة والنايمة دخل النور للمكان
فات كــانـــون يرجف وياه زلمة اشكال
دنج لفني بالعباية ويصيح بعلو صوتوو
طريق اسعاااف طريق وينكممممممم
اخذوني بالسرير صعدوني بالسيارة
وانغلق الباب علينة اريد احجي وانطق
بعد ما گدرت فقدت الوعي تمامًا ..

><><><><><><><><><><
دركْان ..

طلعت دوهــان منتهي والممرض يصيح
_ماكوووو نفسسس اوكسجين بسرعة المريض بحالة خطرة
صعدت بسيارة الإسعاف الثانية وكانون راح بسيارة قُــسَـم
امهاتنا اصراخهن رج المنطقة بكبرها وكلها ادحگ عليها
ركبوا سيارتهم ويتبعون الإسعاف .

وصلنا وعيوني ؏ دوهــان شصار بحالكككك شصار
بقيت اتذكر البارحة من شارب ودخلت وياه البيت
اخذ صورتو هو وقسم وميار مسويها جبيرة
ظل يتلمس بيها ورفع راسو همس بتعب
_ احبها أنـه دركْان احب عائلتي من كل گلبي وعافوني .

دركْان: مشكلة وتمر صير قوي يمعود متعود عليك ما تنهزز
شسويت بروحككك اذكر ربكم والله حرمتك ترجع الكك انتَ ابو ابنها .

نام ؏ سرير والصورة بحضنوو
_ لااا ماترجع قُــسَـم ماتريدني ولا أنـه بعد اريدها تعبتني .

من نام بقيت اتلفت ؏ صورة ثانية الهم
دوهــان لابس عسكري وميار نفس ملابس ابو
واثنينهم مسوين حركة التحية القسم وهي تضحك
معقولة أنـه السبب من رجعت أنـه هدمتهم ؟!

رجعت الوعيي من نزلوا دوهــان وقسم تمشي السرير مالتها
قبلوا گعد كــانـــون واشر بيدو : روح وياهن روح
راح اوگع بعد ما اتحمل اركض .

اتبعتهم دخلوهم طوارىء والدكاترة يركضون بغرفهم
وغلقوا البوب عليهم رجعت الكانون ويايَّ ممرضة
دحگت عليَّ يخابر : تموووز انتَ وين يا مستشفى..

تَـــمــوز : كانوووووون ماريد ابوووك يمووت كــانـــون
بعدووو ما شافني مرتاح بحياتي مآخذ منصبي ألي
گال بـ احلامكككك تحصل عليَّ ، ولااااا حضر زوجي
ألي غصبًا عنوووو يتممممم ، ولااا صار عندي أطفال
اربيهم تربية هووو فشل بيهاااااا ..

دنج راسو يمسح بعيونو احذت التلفون
وهمست : انتَ بـ اي مستشفى ؟

تَـــمــوز : بالمستشفى **** وجدك موجود واخو موجودين .

سديت المكالمة وكلبي انقبض عفت كلشي من دحگت
؏ ابو دوهــان موجود ة وام قُــسَـم ورضية
وكانون همس بتعب : ارجع بيوتنا فارغة ..

رجعت الإطفاء لگيتهم مطفين البيت
بس العالم موجودين وابو البيت يدگ ؏ راسو
_ الله لا يوفقكممم بيتي بناء جديد جديد .

دركان : يرجع جديد واحسن من قبل كل الخسائر مدفوعة.

العالم تصرخ عليَّ : عيب ومايصير وبالبيت ولا بالناس
وشر وطار ، هو خجل وراح قفلت الباب الخارجي
ودخلت للبيت اجر النفس بصعوبة گعدت منهار بالأرض
سمعت صوت صار ورايَّ من كل گلبي مشتاق اسمع هل كلمات
هَــيـلانـة: الــســفــاح تنزل ادموعوو الوحش العملاق قوي
ميصير يضعف لان هو قوة لكل شخص فاقد روحو وقوتو .

صارت جدامي بكل هدوء وبطرف اصبعها
مسحت دمعتي بدون تردد والاول مرة
بدون تفكير اخذتها بحضني حضنتها
وهي بقت مصدومة لدقايق بادلتني
وحضنتني وهي تهمس : ابو السبايا ادموعك عزيزة .

يتبع ..

تأخر الوقت باجر ان شاء الله 10:10 ليلًا أنشر
صورة العزيز آبن ذهب الحقيقية نص وجهه وعيونه
كاملة بدون فلاتر حتى تشوفون لون عيون ذَهــب والعزيز اخوها
الون الفيروزي النقي الوضح يكون النشر بحسابي انستا
وقناة التلي رابطها بحساب الانستا بالبايو نوروني حتى نتناقش
اكثر بخصوص القصة ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد