تجبر أحفاد الــ دليم الفصل التاسع وخمسون 59 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _56 _

شده وماتعدت عمري عده ..

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
هَــيـلانـة..

هَــيـلانـة: ادموعك عزيزة ابو السبايا .

ابتعدت بخجل بس هو قابلني بـ إبتسامة
رغم دموعو دنج راسو مسح وجهو
وهو يرد ؏ كلماتي : يولو بعدچ مانسيتي شهرتيني .

ضربت ؏ رجلي وانه افر براسي : هو هذا الموضوع ينسي
يبووو من اتذكر يبوو طالع انتَ واثنين نسوان الصبح
وبليل دخلت بـ اثنين سبايا ملطلط خوما ملطلط مشايف مسرود .

دركْان: يولو ادحگي ؏ حالي بالضيم يا سبايا
بعدين غير احررهن ومحمد مالمست وحده ولا گربت صوبهن
رغم جنت اعرف هذني اختبار من جلاد ومن جماعتو .

هَــيـلانـة: مصيبة انتَ يولوووو أدخل بهل صباية وتصيح احررهن
شني هل كلاوات ماندري ، ابو السباياااا يغطي ؏ نفسو قبل لا نهرب
انسردت سرد على سبايا دهر دهرك على گولت رضية .

دركْان: نوصي نوصي فوك راسي بعد اكثررر
بعدني ما كاسر عيونچ الصلفه .

رن تلفونو قطع كلامنا رد بسرعة بس دحگ
آسم المتصل: ها تَـــمــوز ؟

تَـــمــوز : تجي للمستشفى ؟

دركْان: لاا ماريد ادحگ شكلو طالعة روحـي منو .

تَـــمــوز : ابوك مجلوط دركْان وهو بهل حال يهذي بـ اسمك
انتَ وكانون ويطالب بشوفتكم انتوا نقطة ضعفو .

دركْان: خسرنا من ايدو خسرنا وصلنا المرحلة
نكرهو هو عدو مو اب .

تَـــمــوز : ادري متفقين ؏ نفس الكلام انتَ واخوووك ..

دركْان:تصرفك صدمني تَـــمــوز كل عقلك
يولوو هذا قاتل فرحتك شلون توگف وياه ؟

تَـــمــوز : عندي غاية ولازم أوصلها..

سد المكالمة ونهض غسل وجهو ؏ مغسلة الخارجية
ردت ادخل استوقفني صوتو : هيل عليش مابدر منچ رد فعل
؏ تصديق عقد زواجنا ولا حاولتي تفتحين الموضوع ويايَّ ؟

تحمحمت وانه ارجع ايدي خلف ضهري
وحاولت ارد بس صوتي مرتبك : ضروري نفكر قبل
لا نخطي هل خطوة الموضوع مو لعبة .

تقدم وهو يقلص عيونو مستغرب من جوابي
_ نفكر بشنو مافهمت وضحي اكثر ست هيل .

هَــيـلانـة: يعني ماريد اصير محطة تخطي ..

دركْان: عوفچ كلام ذهب سولفي شنو تفكيرج مشاعرچ اتجاهي ؟

هَــيـلانـة : ماعرف يمكن ماريدك بعد تعرف جنت غادي
عند داعش المنقذ فـ حبيت شخصيتك والسفاح بس هساع
چثير امور اختلفت وأولهم ألي صاير هل فترة مو شوية .

گضب راسو ودخل للاستقبال
يجاوبني بس صوتو تعبان : عندي صداع نصفي شل حالي
وانتِ تسولفين وتخوطين وحدچ ، يعني شني معناها
حبيت شخصية السفاح ارجع اصير داعشي مثلًا .

هَــيـلانـة: عليش هو الــســفــاح داعشي .

دركْان: الــســفــاح لقب داعشي ، صح جنت موجود لهدف
إنقاذ واستخبارات بس انتمي لداعش أنـه هاي شخصيتي الحقيقية .

هَــيـلانـة: ماريد أعترض طريق حياتك احنا الإثنين لازم نفكر .

دركْان: أنـه انسان عقلي براسي دارس خطواتي
بكل تكنيك وحذر بدون تعلموم عيني ست هيل .

هَــيـلانـة: تحبها ؟ شنو تعني قُــسَـم لدركان ؟

دركْان: ماريد اسولف بهل موضوع لان تعبني .

هَــيـلانـة: بس من حقي اعرف؟

دركْان: بالبداية جانت گلبي ..

هَــيـلانـة: وبعدين لوعة كلبك الي بداية
تعارفنا جنت تحلف بيها مو صح ؟

دركْان: صح ، وهساع بنت عمي ، وام لميار ابن أخوي .

هَــيـلانـة: بعدها تحبك .

دركْان: عندي معرفه بـ اهلي كلهم ومن ضمنهم قُــسَـم
ادري بيها بطلت تحبني وبيوم المشكلة اجت ونهينا كلشي
سلمتني الأمانة وكُل واحد راح الحال سبيلو .

هَــيـلانـة: بس انتَ بعدك محتفظ بالأمانة .

دركْان: من يصير الوقت المناسب أسلم الأمانة مو القسم
للشخص الصح الي منوو ينتهي كلشي .

هَــيـلانـة: منو هذا الشخص .

دركْان: بعدين تعرفين ، المهم هساع انتِ .

هَــيـلانـة: متأكدة هساع أنـه المهم ؟

دركْان: عندچ شك بالموضوع ؟

هَــيـلانـة: ماعندي ثقة بيك هذا كُل الموضوع .

تركتوا اريد اطلع وارجع الذهب صاح بصوت
واضح مليان حزن : خايف اخسرچ هَــيـل .

هَــيـلانـة: انتَ ما ربحتني حتى تخسرني دركْان أنـه مو آلك .

بلمح البصر أنسحب من ايدي ورجعني ؏
باب بحيث الباب رجع على حايط وصار
صوت عالي يرن بكل انحاء البيت : شنوووووووو موووو آلك ؟

رفعت راسي متعجبه ؏ تصرفو
بلعت ريگي بـ ارتباك من كثر
قربو حاولت ابتعد واخلص نفسي
بس هو يزيد بالقرب بكل مرة اعاند بيها
هَــيـلانـة: ضربتني دركْان ضربتني حيل بالباب ابتعد من وجهي .

رفع وجهي بيدو الأول مرة يتجرأ بهل طريقة
ثبتو جدام وجهو وهو هائج كمل : تريدين تعذبيني ؟

هَــيـلانـة: تتخيل اقبل اعذبك انه اعذبك ..

دركْان: عجل شنو قصدج بـ مو آلك .

هَــيـلانـة: انتَ رافض تنطيني جواب يريح گلبي .

دركْان: يولو أنـه جدامچ اضعف بعد اكو احسن من هل جواب .

هَــيـلانـة: انتَ ملاحظ الي صاير وگاعد يصير
هين عابرين مرحلة هوسة داعش ماتعرف
منو الزين ومنو موزين والصراحة كلهم ماحبهم .

دركْان: لا تحبين ولاتفكر غير بـ اختچ ونفسچ .

هَــيـلانـة: وانتَ ، دركْان أنـه حتى صرت ما ادحگ شكلك
قبل عند داعش جنت كل يوم نسولف ونلتقي طبيعي .

دركْان: هناك جنتي حرمتي هين مايعترفون بعقد داعش
ولا أنـه اعترف بي انتِ وافقي وخليني اصدق العقد
وافرك اثم كل واحد بيهم ينطق بحرف .

هَــيـلانـة: ذَهــب ما موافقة ؏ زواجنا نهائيًا .

دركْان: عليش ؟

هَــيـلانـة: ماتريد تكسر گلب قُــسَـم
تگول لا توگفين بطريقهم عوفيهم يرجعون لبعض .

دركْان: لهل سبب تنفرين مني وين ماتدحگين موجود
تنفرين وتركضين للغرفة عبالچ ما منتبه .

هَــيـلانـة: ماريد اوگف بطريقكم بالعكس اتمنالكم الخير .

دركْان: تتمنين الخير ؟؟

نزلت راسي والشهگة طلعت من نص صدري
وضعفتني جدامو : أنـه والله ماريد اوگف بطريقكم
بس أنـه أحبك دركْان .

غطيت وجهي بيدي ابتعد هو بعد ماتحمل
ظل يفتر متوتر : هيل لا تأذيني بدموعچ مو گاعدين نتفاهم .

زدت بالبچي انفجرت بلحظتها : مليت وانه ابتعد واخذ دور المتفرجة
أنـه اجيت هين ؏ اساس انتَ ..
غصيت بالكلمة بعد ماگدرت اطلعها
تگرب مني وهو يدردم بصوته شبه مسموع
_ شلون مصيبة هاي هساع والله اخاف اقترب واضعف اكثر
واتصرف تصرف ماريد اتصرفووووو وياج بهل وقت .

خليت ايدي ؏ شفايفي اقلل من صوت شهگاتي
كلها ثواني وصار قريب مني : اجيتي ؏ اساس حرمتي
وإنه أعترفت بحبي الج واحنا بوسط الموت
واعترافي حقيقي نابع من عمق گلبي والله ؏ ما أقول شهيد .

هَــيـلانـة: عجل سكتهم كلهمممم عني ، والخاطري تنهي هل مهزلة .

دركْان: اسكت منووو ؟

هَــيـلانـة: كلهم واولهم امك اجت قبل كم يوم
على اساس تزور ذَهــب بس هي استلمتني رزايل
وتهديدات حلفت اذا اقترب منك تسوي مصايب بيَّ
وگالت اخلي دركْان بيدو يطردچ بالشارع .

گضب راسو وصار يفتر حاير شلون يعبر
ويفكر ويفعل بيهم : اگو***** اهل عرفتهم أهلي
ماشاء الله يتسابقون بالخبث يتسابقون .

جر نفس وشغل جكارة صار يشربها وهو صافن
عليَّ لدقايق معدودة رجع يتگرب : اليوم البحر امواجو عالية
وطلع الؤلؤ كلو يابوي هدي لعبچ ؏ گلبي مو والله انصهرت
وذبت وتسرسحت .

هَــيـلانـة: أنـه تعبانة ، فقدان العزيزين ، وحالة اختي
وضعك انتَ هل فترة ، وكلامهم إلي مايخلص كلوو اخذ من حيلي .

دركْان: من اليوم وداعت هل عيون بعد حرف
ماتسمعين منهم كلهممم بس اريدچ تفكرين بموضوعنا أكثر .

هَــيـلانـة: يعني شنو ناوي تسوي وياهم .

دركْان: عوفي الموضوع صار عندي .

><><><><><><><><><><
الــســفــاح ، دركْان ، الدرباس

عفتها تمسح بدموعها وطلعت للباب ماريد اطول
جدامها روحـي تلوب وبس اريد اخذها بحضني
جريت نفس وبقيت جكارة وره جكارة تحرگ بروحي
الى ان رجعت رضية عفتها بالبيت وأمنت گدرت
اخذ مبلغ حتى ادفع تكاليف المستشفى رجعت
لگيت كــانـــون واگف يستفسر من الدكتور : تريدون نفتح
تحقيق بالصار مع المريضة قُــسَـم لآن الواضح متعرضة للتعنيف .

كــانــون : أي بالأصل قبل الحريق أنـه اتصلت ؏ عنف الأسري .

ام دوهــان : تستر ؏ شر كــانـــون لا تخلينا نگلب الموضوع عليكم .

كــانـــون : هو انتِ اول وحدة تنامين بالحبوس .

دركْان: وانه شاهد شلون ضربتيها بدون رحمة
شكبرچ تصيرين بعد من طيح الله حظ كبرتچ .

كــانـــون : شكبرها عليچ ابنچ بين الحياة والموت
والمصيبة بدمو مخدرات ونرفع تقريرو كلو بسببچ
اتمنى اعرف شنو استفاديتي من هجمتي بيتهم
وتعرفي كلش زين يموووت عليهه .

ام دوهــان : ماتستاهل ابني هل مشوهه .

كــانـــون : المشوهه من تضربيها وراهه زلم مايقبلون
وحدة مثلچ تعنف بيها هل تعنيف اكليها ومحمد بس
يوصلون ابلغ عليچ ، وابوها اخذت تسجيل الكاميرات اطيح حظو بيهن ..

دركْان: وفراس طريح الفراش مايگدر يحميكم
وحتى لو موجود أنـه رجعت لو تموتين ما يوگف بوجهي
لان يدري من رجعت مهبول وعاشرت داعش يعني ايدي والموت .

گعدت ؏ كرسي ريگها يبس عبالهم نسكت مثل قبل
دركْان: شصار ؏ دوهــان وقسم ؟

كــانـــون : قُــسَـم طلعوها بغرفة وياهه امها
ودوهان مسوين تحاليل وعارفين يتعاطى مخدرات
بس النسبة قلبلة ، بعدو تحت العناية المركزة ..

طلعت ام قُــسَـم دموعها تجري ؏ خدها
دركْان: دموووع المسمومات هذا حتى بنتچ بعد ماتريدچ
ام انتِ يولووووو هم تنحسبين ؏ امهات طمي نفسچ
كلچن وضعچن مصخم وملطم ..

بعدني احجي وياهه طلعوا دوهــان نايم ؏ سرير
المستشفيات حول عيونو هالات سودة
قابض ايدو وجهو مسحوب لونو تعبان الى درجة وأضح علية
دخلنا للغرفة وياه طبطب كــانـــون ؏ اكتافو هربت دمعة
من دموعو مشت ؏ طول مسار عيونو
كــانـــون : الحمدلله ؏ سلامتك يالعملاق خوفتني عليك .

دخلوا علينة اثنين ضباط اشر كــانـــون يطلعون مايريد
دوهان يعرف شي يدري بي يتعب اكثر وهو نفسيتو صفر
ظل كــانـــون عندو طلعت وياهم اريد احجي وياهم
وادخل عمي ابو دوهــان وگف شعر واسي بكلامو
_ الصار بـ ابني بسبب ابوية واخوية الواء فراس سلطان
كل الصار ضغط نفسي وتهديدات مستمرة .

الضابط : تهدد بشنو ؟

ابو دوهــان: عدهم تعهد ؏ ابني ينجبر يتزوج بنت عمو
إجباريًا واذا ينفصلون يدفع مبلغ 100 مليون
مع تهديدات مستمرة من فراس اذا ينفصل يقتل البنية وهل بنت ام ابنو .

الضابط : البنت نفسها قُــسَـم سليم سلطان ؟

ابو دوهــان : اي نعم قبل الحريق تم تعنيفها من ابوها
وزوجتي ألي هي ام دوهــان وهي سبب طلاقهم .

الضابط : ترفعون عليهم دعوة انتوا حسب ما مذكور رتب
وهل امور تأثر عليكم سلبيًا .

دركْان: تأثر سلبيًا شنوووو شعليك انتَ اشتغل شغلك بابا
ضابطينه بملهى لو مطلعين بنوات شو ماتعرف تسولف .

الضابط : اعتذر سيدي بس گلت انبهك .

دركْان : اخي عليش تخليني ادوس بالكلام وياك
تنبهني شنوو مقدم شكبرني رتبتي ترس چتفي انتظرك تنبهني .

الضابط: أكرر اعتذاري سيدي ، مثل ماتريد راح إطلع
امر إلقاء قبض ؏ المدرجة اسمائهم
سلطان الدليم ، فراس سلطان ، سليم سلطان ، وسوسن قيس ..

ابو دوهــان : سوسن قيس أنـه اقوم بالواجب وياهه
بطريقتي الخاصة اخذ حق ابني منها وهذا العذاب
والمرحلة الي وصل بيها دوهــان اخذها من عيونها
اخذ الرجال اترك نسائنا .

الضابط : ممكن نحقق مع قُــسَـم سليم .

دركْان: لا مو ممكن اخي أنـه اقدم تسجيل كاميرات تثبت التعنيف
وهي بحالة صحية متدهورة ماتگدر تتكلم القي القبض ونتفاهم بعدين .

هو راح وردت ادخل ؏ دوهــان سمعت كــانـــون
يحجي وياه بكل تفهم وهدوء صوتوا شايل سكينة
قشعر جسمي منو : فقال تعالى: {يَا أَيُّهَا الَّذِينَ آمَنُوا
اصْبِرُوا وَصَابِرُوا وَرَابِطُوا وَاتَّقُوا اللهَ لَعَلَّكُمْ تُفْلِحُونَ} [آل عمران ]
ربك يبلاك حتى يختبرك وتقترب منو تروح تشرب سمم
وتاخذ مخدرات انتَ صاحي ؟

دوهــان: تعبت صليت ودعيت چثير بس ربي ما استجاب دعائي ؟

كــانـــون : لاااا تكفر هذا كفر تقبل البلاء بالرضا بقضاء الله وقدره
وعسى ان تكرهوا شيء وهو خيرًا لكم انت لو عندك ثقة برب العالمين
ومسلم امرك الو جان تحقق قول تعالى ( وَمَن يَتَّقِ اللَّـهَ
يَجْعَل لَّهُ مِنْ أَمْرِهِ يُسْرًا) فوض امرك لربك كلشي صار ويانه وراح يصير
قدر مكتوب ومحكم لا منفذ ولا مفر .

دوهــان: بس ماريد افكر ولا ادحگ ؏ ماضي
اريد انام وبعد ما اگعد شكو بيها لو اموت ؟

كــانـــون : مصيبتك مو اكبر من مصيبتي
يولو خسرت ابني ، وحرمتي حالتها بالويل
بس ما اتمنى الموت ولا انتحر أواجهه
الصار احاول ماصعبها ؏ اهلي لا تخليني
اواجهك بحقيقتك واگول انتَ انسان جبان
وضعيف الشخصية لان ماتحاول تحل مشاكلك كالرجال .

دوهــان : أنـه بس استصعب فكرة انفصالنا .

كــانـــون : عزيزي الحياة ماتوگف لهنا
عندك شغل ، عندك ابن لازم توفر كُل احتياجاتو
رغم انفصالكم لازم انتَ تقوم بواجبات الأب
سافر اطلع ارجع مثل قبل اشتري سيارة وبيع بيهن
ارجع الدوهان القديم الي يدخل ويطلع يكشخ
بملابس جديدة رجع هوسك بهل سوالف
لاتوگف حياتك ؏ ناس مجبورة عليك
شلون تقبلها ؏ نفسك يولوو .

دوهــان: تساعدني ، لا تهد ايدي ؟

كــانـــون : بيدي ارجعك مثل قبل واحسن
مادام أشم الهوى لاتفكر بعد بشي أنـه وياك .

><><><><><><><><><
تَـــمــوز ..

مشاعري جامدة ، مصدوم اني لو فرحان
هو المفروض اكون سعيد عدوي طريح
الفراش ، يعني هساع اگدر اعيش حياتي
طبيعي بدون تردد ، قلق ، خوف ؏ المقابل
عليش هجست بنفسي ضيق ومخنوگ
عليش هجست بروحي تايهة بلا هدم .

رفعت نظري بتجاه سرير فراس نايم والأجهزة
تحاوط جسمو ، هو البارحة مابي شي شلون
بهل سهولة انسان بقوة فراس ينهدم وينتهي
خفت ، اي والله بلحظتها خفت ، طلعت اريد
اشرب جگارة ودخلوا علينة ضباط ابو قُــسَـم
وجدي يستفسرون من الدكاترة بقيت
متفاجئ من كلامهم : سلطان وسليم وفراس عليكم امر إلقاء قبض .

ابتسمت وبقيت مقلص عيوني عرفت
كــانـــون ودركان رجعوا اتحدوا وصاروا اقوى من قبل
ابو قُــسَـم : القاء قبض شنووو مجنون انتَ أنـه لواء سليم .

الضابط: حتى لو لواء القانون فوق الجميع
انتَ متهم بقضية تعنيف بنتك قُــسَـم سليم
وسلطان وفراس متهمين بقضية تهديد وضغط
واجبار دوهــان سامي .

سليم : منووو رفع الدعوى منوووو ؟

الضابط : بنتك قُــسَـم ، الرائد دوهــان ، الواء سامي
المقدم دركْان ، الرائد كــانـــون .

سليم : يابه انتَ تسمعععع سامي واحفادك تجبروا
رفع دعوى ؏ ابووووو ورفعوا دعوى ؏ جدهممم وعمهم .

رفعت ايدي ولا إراديًا من الحماس صرخت
_ وأخيرًا ما عليكم زود ياااااا احفاد الدليم كفووووووووو
استلم سلطان بلش الحرب وبدايتو قوية اخرتو دماركم
طلعت وانه اضحك بعلو صوتي ادحگ عليهم طلعوا
امشي منهم واصيح : كفووووو ما عليكم زود يولوووو
رفعت راس ومحمد ظهر الحق وزهق الباطل مهما طال الزمن .

صعدوهم بالسيارة بس بكل احترام بدون
ما العالم تحس عليهم وكأن وياهم احترامًا
للرتبة والمقام الي هو بي صعدوا بالسيارة
نزلت العمي وهمست : ابشرك فراس ماكو يخلصكم
مخد يگمز ويطلعكممم اكلوها ؏ صحن مزنجر حبيبي الغالي
عمي تاج نعالي ..

سليم : تموووووووز .

تَـــمــوز : عمي الغالي ادلل امرني لاتخاف اجيب ماي حار
كل اسبوع اسبوعين بالخدمة أنـه بالخدمة .

تحركت السيارات رجعت للغرفة النايم بيها فراس
فتح عيونو مصدوم بوجودي الأول مرة انتبه
؏ شكل فراس لايح الشيب بوجهو تلفت ماكو
واحد من ولدو انهز جسمو هز ودموعو الأول
مرة بحياتي المحها : ولدي وين ؟

بلعت كلامي اگدر اغثو واحجي الحقيقة
ولدك مايريدوك بس گلبي ماينطيني
بي احجي يموت اعرف ولدو شنو همَّ بالنسبة
الو : موجودين مسافة الطريق ويوصلون .

فراس : مايريدوني ادري بيهم من يحقدون
مايرجعون يحبون خسرت ولدي .

تَـــمــوز : انتَ ماتعرف ولدك هذولي ذهب صافي
كلبهم ماكو بطيبتو مو مثلك ابد مو مثلك .

فراس : انتَ عليش موجود هين تريد تتشمت بيَّ ؟

تَـــمــوز : الشماتة آلك والاهلك هذا مو ثوبي .

الدكتور : السلام عليكم .

تَـــمــوز : وعليكم السلام.

الدكتور : الحمدلله ؏ سلامتك فراس .

رد عليَّ بنفس قوتو رغم تعبو
الواضح : ليش رجلي ما احس بيها انه شصار ويايَّ .

الدكتور : مع الأسف انتَ عندك جلطة اثرت ؏ حركتك
تصعب حركتك بس احو آمل للشفاء الجلطة مو قوية
بالعلاج وبالمتابعة ان شاء الله تتعافى .

نزل راسو يرجف من الصدمة تگرب منو
گضب ايدو وصاح : رجاءً هل توتر وهل حالة موزين عليك
تقبل الموضوع واني اكد الك الموضوع مو دائمي امل التشافي قوي .

فراس : أنـه انسان ماعرف اعيش طريح الفراش
عندي شغلي اعمالي اريد حل سريع .

تَـــمــوز : اشكرك دكتور تعبناك ويانه راح نتابع الموضوع وياكم .

طلع الدكتور بسرعة وهو انهار صراخ
صراخ بوجهي احلف المستشفى كلها
سمعتو : لا تلزمنيييييي أنـه صرت مشلوووول مشلول يولووو
ماريد هيچ اعيشششششششششششش .

تَـــمــوز : اذا تكمل بهل صراخ تنشل بالكامل كافي .

دخل ممرض يركض ضربو إبرة بحيث
دقايق معدودة سكن جسمو ونام وهو
يهمس : اريد عافيتي رجعولي قوتي .

طلعت من رن تلفوني دحكت اسم امي
رديت بصوت مرهق : ها امي ؟

رضية: يولوووو مو نصحتك مو توسلت بيك بس
اسمع من البنت خليها تحچي وياكككككك احسن
هسة گازو أخذت أخواتها وراحت .

رديت مبهوت ماصدگت كلامها
طلعت بدون تفكير امشي واستفسر منها : شعرفچ انتِ ؟

رضية: اجت جوارينهم انطتني ورقة ومفتاح تگول من البارحة
اخذت اخواتها وجنطه وأمنت المفتاح عدها ..

سديت المكالمة صعدت السيارة اريد اعرف اشغل السيارة
بعد ايدي ربطتهااا : لااااا گاززو لاااا ..

سقت بسرعة أنـه جنت ماشوف الشارع
امشي عمياوي ماعرف شلون وصلت
دفعت الباب وصحت : وينچ يممممممممه .

طلعت بيدها المفتاح والورقة اخذتهن من ايدها
هي تحچي بس بعد فصلت عن كون كلو
بوجهي توجهت للبيت فكيت الباب ودخلت دايخ
بزماني البيت مثل ماهو كلشي ما اخذت غير ملابسهم
گعدت ؏ درج بنص المطبخ فتحت الورقة مكتوب
( تَـــمــوز من تقرأ الرسالة اني ماكو طلعت من حياتك
للأبد ، آني وأخواتي ممنونات منك لدرجة صعب وصفها
ردت احس بـ امان الاب وكنت نعم الأب الأخواتي
ونعم لحبيبي اليه على طول جنت يمك
بس ابد ماغلطت بحقي وحسستني
انت تريدني لغاية او غريزة حافظت عليَّ
شگد اشكرك قليل بحقك يا اعظم انسان
عرفتو بكل حياتي تعرف انتَ شگد جبير بعيوني
شفت بيك حنان اب ، وخوف وغيرة حبيب
وعطف ومحبة ام خسرتك بس ما انساك كُل عمري
اخر موقف صار بيناتنا هدمني جنت اجربك حاولت
بس تدخل حتى تنطيني فرصة أشرح الصار بالأدلة
واثباتات كاملة بس شفت الكره والحقد بداخل عيونك
عشت ليلة صعبة بكل ثانية بيها قررت بعدها اترك كلشي
لان استصعب حنان امك وكلامها لو مواقفك ويايَّ
ادري بكل الفترة الفاتت انتَ ادز مصروفنا مو مثل
ماتگول امك منها ، انتَ تستاهل كل خير قبل لا انهي
الرسالة اريد تعرف موضوع واحد يحز بروحي
بعمري مانطقتها الشخص هل كلمة مقدسة عندي
ومقابلت شخص يستحقها غيرك انا والله وروح
اختي الي راح دمها هدر أحبك حب يصعب عليَّ
وصفه ، اتمنالك الخير وعد راح امشي ؏ طريق
الصحيح واربي اخواتي أحسن تربية مثل ما علمتني اتمنالك
حياة سعيدة تليق بيك ، لا تنسى تفرح امي رضية دير بالك عليها
مع السلامة بدون لقاء )

گضبت المحجر بيدي هجست دوخه كفختني ؏ وجهي
وتلفوني يرن من جهه واصوات صارت براسي
شصار شسويت أنـه وانتِ شسويتي وين جنت
افكر بيچ وانتِ وين ، طلعت بعد ما اتحمل اظل دقيقة
بالبيت قفلت البوب دحكت امي صارت جدامي
دموعها تنزل بدون توقف : راحت مووو راحت سودة علية
يا يمه يا گازو عرفت بيها شي من اجت اخر مرة عبالك تودع
بيَّ وحتى اخواتها مو وياها تدري مايقبلن تروح يحسن
بالأمان من ندخل عليهن .

ثگلت عيوني بصعوبة همست : عندچ رقمها ؟

رضية: مغلق توسلت بيك بس احجي وياهه تعاند ابو راس اليابس .

صعدت بالسيارة وهي اجت ويايَّ
رفعت التلفون واتصلت ماعندي
غير هل حل : السلام عليكم شلونك خوية ، عندي يمك طلب
واح انطيك اسم اريد تعمم ؏ جميع السيطرات الموجودة
بكل المحافظات أريد صاحبة الأسم بـ اسرع وقت..

الضباط: تدلل شنو الأسم ؟

رديت اسمها واسماء اخواتها بالكامل وغلقت المكالمة
انتظر منهم خبر التفكير بوية التفكير خلصتها صفنات
الى ان نزلت امي خابرني دركْان: هاا تَـــمــوز وينك .

تَـــمــوز : بجهنم شكوووو ؟

دركْان: كون وجع لهل صوت شبلاك تصيح تريد تتزوجً
روح تزوج وخلصني لا دوخني .

تَـــمــوز : منو جاب طاري الزواج الدواعش اثرو عليك ابو السبايا .

دركْان: ادعي ؏ علمتك كون تتزوجني وطيح بيدي
هاي الزلمة من يصير عصبي يعني يريد حرمه .

ذبيت حسرة ورجعت راسي اذني من القهر
انسدت : گازو راحت بدون بدون سلام ولا وداع ..

دركْان: لاااا لااا تمزح اكيد يولووو شوكت هاي مو قبل يوم
مدري يومين جانت موجودة شبساع ؟

تَـــمــوز : عممت اسمها اريد عنوانها ضروري .

دركْان: مو طلگتها شتريد بعد منها عوفها .

تَـــمــوز : يعني شلون اعوفها هي ماعدها احد
اهلها ميتين وعمها بالسجن ومرتو تهدد بيها
بالقتل وين اعرفها هي وين راحت تريددددد
تخبلني هل بنية دركْان أنـه اريدها اخاف عليهه بعدها
صغيرة وعدها بنوات صغار مسؤولية أنـه وعدتها مهما
يصير ماعوفها ومن طلگتها ماعفتها وحدها جنت اساعدها
بدون ما ابرز روحـي وهسة راحت شلون بيَّ .

دركْان: انتَ حدر للمستشفى ونتفاهم هين
وبين ماتوصل اخابر جماعتي اعمم اسمها سهلة خوية سهلة .

توجهت للمستشفى لمحتو يحجي هو وكانون
_ هذا وأخيرًا وصل .

كــانـــون :هههههههه شردت البت منك ما تنحمل .

تَـــمــوز : هاي وانتَ الغبير تضحك ؏ مشكلتي .

كــانـــون : مشكلتك انتَ مبهذل ماتعرف تحلها
باقي تركض وره الانتقامات وهاي نتيجتها
من كون صچيچه بماي حار .

تَـــمــوز : أنـه أروح احسن.

سحبني من ايدي وصاح بدركان
_ لا تصفن جنك ابو صابر تحرك رجع بنت عمك للبيت ابنها يريدها .

دركْان: تراني خابرت تَـــمــوز حتى هو يجي يرجعها .

كــانـــون :ومثلًا ليش انتَ ماترجعهاااا ؟

دركْان: يولوو ماعندي طاقة للمشاكل .

كــانـــون : لاااااا تعاند روووووح .

دركْان: أنه مصخم وملطم لان رجعت .

تحرك دركْان وكانون اخذني برة نشرب جكارة ونسولف بالموضوع..

><><><><><><><><><
قُــسَـم ..

ساعدت نفسي بنفسي لبست عباتي بصعوبة
وعدلت شالي رفعت راسي من انفتح الباب
دخل دركْان ؏ محياه ابتسامة خفيفة: الحمدلله ؏ سلامتچ ام ميار .

رديت بكل برود وانه ارجع اگعد ؏ سرير
_ الله يسلمك ، كــانـــون وينو ؟

دركْان: أنـه اوصلچ كــانـــون عندو شغل هو وتموز .

قُــسَـم : اي عادي انتظر يخلص ويوصلني .

دركْان: ام ميار قابل راح اخطفچ أنـه همات ابن عمچ واخو كــانـــون .

قُــسَـم : شنو هل عناد گلت انتظرررر كــانـــون خلصصصص .

لثواني هو ملتزم الصمت لا إراديًا
من نطق بكلاماتو صفنت بوجعو : قُــسَـم اذا أنـه سبب
هل خرب وحالتچ وحالة دوهــان صدگيني اروح وبعد ما ارجع
تدرين بيَّ أنـه ماحب اكون سبب بهدم بيت .

تنهدت بتعب وبكل بساطة ردت
_ ابد السبب مو منك دركْان الغلط مني ومن دوهــان وبسس
هو قدم كلشي حتى احبو بس غلطو يسمع للقيل والقال
وانه فكرة مجبورة عليَّ رغم حبي الو بس صعب اكمل وياه
انفصالنا انسب حل صار .

دخلت الممرضة عبالها طلعنا تقدم يريد يساعدني
حتى نطلع رفضت وطلبت مو الممرضة بس توصلني
للباب وخطية ماقصرت عافتني من تقدم تَـــمــوز
وگضبني من ايدي وهو يضحك : يولووو انتِ منا
سمرا ودخلتي فرن كسبتي بعد بيچ تنمر شهر كامل .

ضربتو ؏ ايدو وگرصتو بنفس
الوقت : المنفوخ ومحمد اذا ماتعوفني اشهررررك
بين العالم وياهو اشوفو اعرفهم ؏ لقبك
شبيك لبيك المسحور بين اديك .

صعدني بالسيارة وهو يضحك دركْان
ماعرف شنو حجه هو وكانون وصعد
ساق السيارة وظل كــانـــون وتموز
عند دوهــان يطلع باجر .

قُــسَـم : عندي سؤال .

دركْان: جواب .

قُــسَـم : صحيح متزوج هَــيـلانـة ؟

استمر يدحگ ؏ شارع وكأن يحاول يتهرب
_ اذا عبالك بجوابك اتأثر صدگ اخر همي
ورجعت اعتبرك حالك حال تَـــمــوز وكانون
مثل ما اسألهم اسئلك .

دركْان: عقد داعش .

قُــسَـم : بس هَــيـلانـة گالت عشتوا غادي
طبيعي كزوجين وزواجكم تم ..

ابتسم ودار وجهو وهو يهمس
بصوت هامس مايريد اسمع : النواصه تلوص بكيفها .

شغل جكارة والتفت بوجهه ضاحك
دركْان: تذكرت لقبچ بالطفولة هههههههه .

قُــسَـم : ومازال مرات الفضول يموتني .

دركْان: اتذكر من نريد نعرف شي نجي يمچ
قُــسَـم فضفض حدري نريد نعرف شصاير
وتروحين وترجعين تكتين السوالف كلها .

قُــسَـم : وكم مرة انكشف وانضرب من وراكم .

دركْان: بس مرات مانقبل تتأذين ناكل الكتل بدل عنچ .

قُــسَـم : الله لو يرجع الوكت ونرجع صغار .

دركْان: كبرنا بعد راحت الطفولة وبقت ذكرياتها .

نزلني للبيت وعمتي رضية اخذتني منو
هَــيـلانـة بالمطبخ تدحگ من بعيد من
دخگت راجعين سوية ابتسمت وراحت
للغرفة بسرعة عبرنا دركْان وصار
يمشي سريع وقبل لا تدخل سحبها
_ هيري ذهب ناخذها تضرب ابرة كــانـــون مايگدر يجي .

يحبت ايدها ودخلت هو رجع ورضية استلمتو
_ ها واگع ؟

دركْان: يمتى نخطبها ام راس اليابس النواصه
تراها وحش مو عبالچ ملامحها بريئة ابد ماكو برائة .

انفتح الباب طلعت هَــيـلانـة وگفت جدامو
رافعه حاجبها وتخصرت : ول يالسفاح تحچي عليَّ الصلف .

دركْان: ما عايش كل سا*** يحجي عليچ
ذات العيون السرمدية ..

هَــيـلانـة: عبالي تحچي عليَّ .

دركْان: لا وين بس اگول الرضية يعني شوكت نخطبچ ؟

هَــيـلانـة: شنو اجاني عريس ؟

دركْان: مو بعينچ ؟

تريد تحچي حط ايدو ؏ اذنو وصاح : اشششش اشششش
راح تجفصين بـ ام السالفة وادوسين بمصاريني .

انتظرهم برة وهيلانة اخذت ذهب وطلعت
نومتني رضية غفيت ما ادري بنفسي
الثاني يوم الصبح اسمع رضية تحچي
بالتلفون : صدگ هذا الكلام يمهه تَـــمــوز دوهــان سافر ؟

تَـــمــوز : اي اخذ اجازة بدون راتب كــانـــون يمشيها
وراح يريد يبتعد مايريد يظل هين .

رضية: وكانون وينو ؟

تَـــمــوز : راح يوصلوا ويرجع ولا تسألين وين سافر ماعرف .

رضية: الله يريح بالو ويبرد كلبو هل مسكين كاسر گلبي .

فكيت عيوني وهي غلقت المكالمة تلمست ضربات وجهي
وهمست : يمكن كلنا ما قابلين ؏ الطلاق واني وحدة منهم
بس يمكن خير الج والو الله يصلح حالكم يمه .

سافر دوهــان ، ترك كلشي خلفو وراح
؏ اساس صار ألي اريدو يعني لازم التزم الصمت
من خلال كلامهم عرفت ابوية طلع من السجن
هو وجدي بس مازالت القضية مستمرة والتحقيق ماتوقف .

بعد اسبوع من هل حادث طلع فراس من المستشفى
سبع ايام واولادو رافضين يتقابلون وياه كان
هذا اقوى عقاب لفراس ، بس الصدمة إلي الكل
متعجب عليهه تَـــمــوز هو قايم بجميع متطلبات
فراس ، ليش ، وشنو السبب مانعرف ؟؟

وبيوم وليلة انصدم بدخول ام دوهــان عليَّ
الوجهه كلو دم واسمها عباية ؏ راسها
تستنجد بيَّ : قُــسَـم احجي وياه ولچ يمهههههههه .

اخذتها رضية گعدتها شربتها ماي وفات
عمي عليهه : تطلعين من حياتنا لو ادخلچ
حبوس طلگتچ دوري ؏ اهلچ ورجعي خليهم يلفون السم مالتچ .

قُــسَـم : دين دين ويرجع بيوم مثل ما هجمتي بيتي الله
سبحانو بالمرصاد گتلچ مايخيب كل من يدعي
يرجعع نفس الشعور نفس القهر نفس الدل والاهانة
ترجع الج وبعد وبعد حسبي الله ونعم الوكيل
اللهم نفسسس الشعور نفسسس الكسر .

اخذها وطلع وانه گعدت ؏ سجاتي صليت صلاة شكر ..

><><><><><><><><><><
دركْان..

دخلت هل بيت متوجهه لهدف واحد لا غير
دفعت باب غرفتهم فراس نايم وامي گاعدة
ترتب بصيدلية علاجو من شافني ماصدگ
يظن اجت عليَّ بس أنـه انتظرت الوقت
المناسب حتى احجي وياهه بدون سلام
ولا كلام انطيتهم الزبدة : سوالف التهديدات ماحبهاا
وبالوجه مرايا وبالظهر سلايه هاي ماتمشي ويايَّ
تشيلين ايدچ انتِ وهذا المجرم من حياتي حتى
لا احقد عليچ مثل ما حقدت ؏ هذا عذبني ومرمرني
لا تتعلمين وتصيرين مثلوووو احترمي كوني ابنچ الكبير .

ام كــانـــون : شبلاك داخل محمل ؏ امك
ماتستحي ترفع ايدك وتشمر بيها يولووو .

دركْان: من الأخير هَــيـلانـة راح تصير مرتي تقبلون ماتقبلون اخر همي
هل مرة ادخل حبوووس اذا مو اعدام تره مرارتي راح تنفجر
عليكم اياچ تكرريها وتروحين وتخليها تخاف هاي خط احمر
قبل احترمت كلمتكم وغلطت غلط عمري بعد ماتتكرر الغلطة .

ام كــانـــون : متزوجة قبلك وتريد تتزوجها غدي .

دركْان: انتوا غدي اخلاقكم وتصرفاتكم غدي
مظاهركم الخداعه تلعب نفسي منهاااااا
مليت منكم الى متى تفشلوني كافي
البنية احبها واريدها كافي .

ام كــانـــون : لا أنـه ولا ابوك راضين ؏ هل زواج .

دركْان: انتِ وفراسسسسسسس اخر اهتماماتي
ورضاكم مو من اولوياتي ولا انتوا تستحقون
ادور رضا الوالدين بيكم لان انتوا ماتنحسبون ؏ اباء والأمهات .

فراس : اذا صار الحجي معلگ توكل
دحكت ابوك طريح الفراش صرت تتمادى بكلامك
وعيونك كلهاااا شماته .

دركْان: اخاف ربي ما اتشمت بس فرحان بوگعتك
العالم راح تخلص منك ومن شرك ونگدر نعيش حياتنا .

مشيت منهم برة اخذت جكارة اشرب بيها
ودخلت للبيت گعدت لا ساعة ولا ساعتين
وحدي مليت ودخلت للمطبخ لگيت رضية
_ امك اجت تبچي ودخلت ؏ هَــيـلانـة شبيها .

دركْان: شنووووو وينهااااا ؟؟

اشرت ؏ حجره مشيت دگيت الباب بكل قوتي
سمعت صوت قُــسَـم : منوو فوت .

دخلت عليهم ذَهــب وهيلانة وقسم گاعدات
ركزت بهيل من شافتني نزلت راسها
وذهب من سمعت قُــسَـم تگول : ها دركْان بيك شي ؟

گضبت ايد هَــيـلانـة دارت وجهه ؏ جهه الثانية
بس مبين مجبورة وامي دموعها تمطر يمها
عرفت عقلها مغسول : يمممه شعندچ هين ؟

ام كــانـــون : اجيت ادحگ حال ذَهــب .

دركْان : هَــيـلانـة .

بقت ؏ نفس وضعها تكهرب المكان
وذهب قويت حاجبها بغضب عرفت
الزمن عاد نفسو ونفس لعبة ونفس
التكنيك الصار قبل گاعدين يحيكون
دركْان: هيل مووووو احجي وياچ .

توترت ذَهــب بس ماتگدر تحچي
قوت لزمتها ؏ هَــيـلانـة تمنعها
من اي ملام ومن اي رد فعل
دركْان: هيل تجاوبين لو انطي ردت فعل لا ترضي الله
ولااااااا عبادوووووو جاوبي .

غطت وجهه بيدها وصارت تبچي
ذهب من سمعتها بقت تحاول تتلمس
وجهه تگربت وبدون سابق انذار
سحبتها من بينهم وطلعت بره
هل مهجوم دخلتها للاستقبال وقفلت الباب
وكفت بعيد ضايعة ، وامي ورضية وذهب
يضربن بالباب يريدني افتحو : احجي شنو صاير وياچ
من شوكت ازكح بـ اسمچ وتجاهليني .

هَــيـلانـة: افتح الباب اريد اطلع ماعندي كلام وياك .

دركْان: اه اه شكوووووووو شنووو سمعتي احجي لااااا تخبليني .

هَــيـلانـة: عليش تعلي صووووتك بس عليَّ روح احجي وياهم .

دركْان: لااااااان مايهمووووني كلهمممم انتِ بس انتِ تهميني
بعددد ويامن احجي ومنووو يستحق اسولف وياه .

هَــيـلانـة: بس يرجع كــانـــون نتفاهم
ذَهــب گالت ننفصل ومايصير انتَ تبقى
بالبيت لازم تطلع لو احنا نطلع .

رديت عليهه وانه اتگرب اكثر واكثر لان ان
صرت امامها مايبعدني عنها غير خطوة
_ وانتِ هَــيـلانـة شنو تگولين ؟

رفعت راسها تقابلت عيونها وعيوني
ملت راسي وهمست : المهم عندي انتِ شنو تگولين
حددي حياتنا ، مرعوب من فكرة يزوعون الكره بكلبچ
اتجاهي ، اريد اعيش بدون خوف هيل وياچ ماريد غيرچ .

تلمست خصلات شعرها وكملت
_ گولي اريدك حتى احجي بزود احجي وانه متأكد انتِ
المهرة وانه خيالها ، أنـه اريدچ واكثر من قبل بـ اضعاف .

هَــيـلانـة: ذَهــب كل اهلي اخاف اكسر كلمتها .

دركْان: عجل يهون عليچ تكسرين گلبي .

هزت راسها وهي تمسح دموعها : لاا والله مايهون .

مافكرت بس عيوني تعلگت ؏ شفايفها
رجفتهن ورعشت جسمها وهي قريبة
مني عيونها سحرتني ولون شفايها
جذبني بدون تفكير ردت اضوگ هل طعم بعد صعب اقاوم
سحبت شفايفها ابوسه خلت كل ذرة بجسمي تسكن
سحبتها اكثر من خصرها قويت قبضتي
على خصرها بكل تملك وصرت استطعم واتلذذ بضعفها

يتبع ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد