تجبر أحفاد الــ دليم الفصل الستون 60 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _57 _

تَقاسمنا مُعاناه
وعشنا الكَسر بالكَسر.

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
الــســفــاح ، دركْان ، الدرباس .

ماوعيت ؏ نفسي غير بدفعة منها غطيت وجهي وابتعدت
ضربت ايدي بالحايط اريد اطيح حظي ؏ هل ضعف
التفتت دحگت عليهه گاعدة ؏ تخم تدحك ؏ باب
رضية: موووو احجي وياك افتح المهجوم ذَهــب
اذا تبلغ كــانـــون ماتبقى بعد بالبيت افتح .

دركْان: هيل وغلاتچ ماردت اغلط هل غلط واعرف حرام
؏ طول معرفتي بيچ جنت ضابط نفسي بس اعترف ضعفت اليوم
لان خايف اخسرچ هجست بتهديد من اهلي ومنچ .

هَــيـلانـة: اريد اطلع .

رجعت اريد اتفاهم وياهه كمزت راحت بصف الباب
_ لا تقترب دركْان كااااافي .

دركْان: ماعندي شي وياچ اعوفچ تطلعين بس قبلها لازم
تفتهمين نقطة مهمة عندي ومنها تفكرين بعقلچ زين .

هَــيـلانـة: بعدين نحچي بعدين نتفاهم هساع أني مصدومة من تصرفك .

جبرت نفسي وكالعادة لكحت ايدي خلف ظهري
واقتربت منها صرت جدامها : هيل انتِ عندي كالنقطة
اكو قبلچ بس ماكو بعدچ أنـه اريدچ .

انضرب الباب ضربات بقيت بس ادحگ
كــانـــون : تفتح الباب لو افلشوووووو ؏ راسكككككككك .

فقدت اعصابي عبالك مجرم وداخل عليهم ولا عبالك منهم وبيهم
فكيت الباب وهجم يدحگ ؏ هَــيـلانـة: شكووووو تتفحص
اكلتهااااااااا لوووو شنوووو ما افتهمكمممم صرت .

دفعني ؏ حايط وگضبني بكل قوتو ؏ الحايط
_ شووووو كلشششش زايح الخجل والحراممممم
اخلاقك صارت مضللة من رحت الداعششش لليوم .

دفعتو بلا وعي وصرخت فاقد اخر خيط تحمل
كلهاا صارت تضغط عليَّ رفعت اصبعي بوجهو ونبهت
دركْان: تحترم نفسك ايدك ممنوع ترفعها ابترها ومحمد
لاااااا تنسى أنـه اخوك الكبير صوتك عيب يرتفع ؏ صوتي .

كــانـــون : اخوية الكبير اذا مايحترم الأمانة ببيتي
لا يطلب إحتراماتي ؏ اي اساس تقفل الباب ؏ البنية .

دركْان: هيووووووو تره سألت عقد داعش مو باطل
واگدر اعتبروا حقيقي وأعتبرها حرمتي منوو يگدر يفك اثمو ويايَّ
افركوووو فرك بقندرتي .

كــانـــون : عقد داعش لو تنزل بي أية ماعترف بي
ومنو يگول عقدت عليهه يمكن بس اشتريتها وماكو عقد
على هل أساس تحفظ حدودك لا ادوس بمصارينكك .

دركْان: طيح الله حظك اي والله ؏ هل كلام القذر
يولووووو أنـه اخوووك اخوووك لو الكلام لعب بعگلك
كــانـــون أنـه دركْان اذكرك تريد اذكررررك .

جر نفس وتراجع وهو يستغفر الله وسرعان
ما رجع يدحگ عليَّ ويرد بصوت خافت : من عرفت تصرفك
اجيت عصبي دركْان تصرفك غلط يا اخي مو كرهًا بيك
واعرف انتَ شنوو بس مايصير لا البنية انطت بيك موافقة
ولا أختها إلي هي كل اهلها تقبل ؏ ارتباطك من اختها .

دركْان: والبنية مو المفروض احجي وياهه
اهلك يلعبون لعبتهم المعتادة عليهه واختها
من جهه وحدها تحچي وتقرر وتستنتج من مخيلتها
اشياء ماراح تصيررررر لزگتووووو بالماضي لزگتوووو
خليتوها حتى ماعدهااا ثقة بيَّ .

كــانـــون : يا اخي سبق وسألت هَــيـلانـة عنك
وگالت بعدني افكررر شنو تجبرها .

ادخلت ذهب حاولت تحچي ماتگدر
دحگت رضية راحت وامي تراقب
وقسم شايله ابنها ومن بعيد تشاهد
آخذت ذهب الدفتر تقرب كانون صار قريب منها
گضب ايدها يوجهه على ورقة وكل شوية يعدل المسار
كتبت : راح اسافر هل اسبوع اتعالج
هَــيـلانـة تروح ويايَّ بهل فترة انتَ تفكر وهي تفكر
وتقررون القرار الصائب المناسب الكم .

قبضت ايدي ماريد أعلي صوتي عليهه احترامًا
بس وجهت كلامي الأخوية: يول انتَ ذاك اليوم گلت فترة
العلاج تحتاج سنة اذا مو اكثر عمليات عيونها والجلطة
والمتلازمة والكلام هذني كلهن ياكلن اكثررر من سنة ومحمد .

كــانـــون : وشنوو يعني هذا وقت كافي تعيدون تفكيركم بكلشي .

عضيت إصبعي وحاولت افهمهم قبل لا انفجر
واخلي ضيم گلبي بيهم : يولوو أنـه من يوم تقابلت وياهه
وبعدين حبيتها سنوات وياهه ولا يوم ابتعدت عنها ولا هي
تعودت كل يوم اشوفها تجي انتَ وحرمتك بكيفكم تقررون !!

نزلت ذهب ؏ دفتر ودخل تموز متعجب
رجعت ركزت وياهه كتبت : هو تعودت ؏ وجودها
بس يمكن ماتحبها عليش تريد تورط اختي وياك .

دركْان: اورطهاااا أنـه اورطهاااا .

رجعت كتبت محد يشوف غيرنا أنـه وياها وكانون
هَــيـلانـة گاعدة بس تدحگ بعيونها والباقين كلهم بعيدين
رجعت كتبت : يمكن بعدك تحب قُــسَـم انطي لنفسك فرصة
خليني اخذ هَــيـلانـة رجاءً اختي تحس نفسها طرف ثالث
هل شعور بشع ، يمكن تنكتب الكم رجوع بهل فترة .

انهارت عدمت صبري وقدرت تحملي
وأنه أقرأ الكلام بدون تردد صحت : دام الكل موجود هين
والحاضر يعلم الغايب بعدكم انتوا بالماضي هل نقطة بعدكم
رافضين تستوعبونها .

كــانـــون : كافي انجعم بلاااا هل كلام .

دركْان: عليش تسكتني ضروري تنكشف هل ورقة جدام الكل
مووو ست هَــيـلانـة مقتنعة بكلامهمممممم وساكته ؏ هل سمم
ماكلفت نفسهاااا تشرح علاقتنا .

تَـــمــوز : دركْان نتفاهم برة البيت ذَهــب مريضة
واختها بعدها بصدمتها والبيت مشحون نطلع خوي .

دركْان: ذَهــب خوية بس اسمعي وأولي اطلععععع
ومادام هل خوثة موافقة تسافر طبها طوب
تره أنـه موصغير ومن احجي بموضوع ادرسو من كل جوانبو
اعرف گلبي منو يحب ومنو يريد ومقرر منو شريكة حياتي
ما اربز انتِ تدخلين وتقررين وتعلميني هاي وحدة .

كــانـــون : مصمم تحچي وتصيح .

دركْان: اختچ هَــيـلانـة ماحبيتها بيوم ليلة ركزي ؏ هل نقطة
جنت ماعرفها الى ان دخلت المعسكر والعزيز طلب مني اخلصها
واطلعها وبديت اراقبها وكرهتها هي وتصرفاتها الغبيه
دخلتني بمصايب وبكثر عنادچ ردت اخسر حياتي بسببها
بعدد عمري رادت تبلغهم عليَّ أنـه جاسوس من كشفتني
والعزيز يصبرني عليهه ويسولف عن ايامكم اطباعها
واطباعو من يومها گلبي مال الهه .

اخذت نفس بتعب وكملت : بعدين هي تقبلتني تعاونت وياهه
ساعدتني وساعدتهه بكثير امور ضد داعش ضحكت وياهه
وحزنت وياهه اكلنا ونمت وياهه بنفس الغرفة بدون ما انظر
نظرت سوء اتجاهه ، ماحبيتها بسهولة عانيت وعانت
دخلت گلبي وحبيتها بكل أمانة ومتمسك بيهه لان هي
حب حياتي وأمانة العزيز عندي حلفني قبل لا يموت
وگال اخواتي امانة عدكمممم حافظوا عليهن
العزيز يعرف دركان شنوو ومنووو لهذا امنها عندي
تجين انتِ تقررين براحتچ ؏ آي اساس ؟

فحطت من الكلام بس اعصابي ماتسمح لهنا واسكت
لازم اوضح هل نقاط حتى الموضوع يتوضح وينتهي
لهنا لان مليت وتعبت : اما موضوعي اني وقسم قضية محسومة
هي بنت عمي وزوجة اخوية يعني تعرفون شنوووو زوجة اخوية
لو دوهــان بمكاني واني تزوجت إنسانة يحبها متأكد مثل ما اشوفكم
جدامي يتصرف مثلي وانتوا كذالك كــانـــون وتموز لو متزوجين
انسانة جنت اريدها زوجتي قبل تتصرفون مثلي واكثر لان أنـه اخوكم .

رجعت ذَهــب كتبت : يعني افتهم بعدك تحبها بس لان
تعتبر دوهــان اخوك مضطر تبتعد وتتزوج هَــيـلانـة.

اشرت عليهه وصحت بوجهه كــانـــون : ادحگ من كل عقلهاااا
هيچ تحچي عيب يولووووو عيب .

كــانـــون : انتَ تريد تحچي وهي تريد تفتهم .

ضربت ؏ رجلي وگعدت جدامها ضربت ؏ تخم
اريد اخفف من عصبيتي بعد ماگدرت : أنتبه انتَ وياهه
خليتوني اضطر تحچي طگ بطگ مرارتي انفجرت منكم
من يوم الانفجار الصار بالأنبار رحت للمستشفى جنت خايف
؏ قُــسَـم وبهل فترة اعترف جنت بعدني عندي امل بيها
وگلت ؏ يوم نرجع لان احبها جنت ركزززز جنت
تكاونت أنـه ودوهان بيومها واتصلت بـ فراس
گتله ( الي يهدم فرحة بين اثنين لا يعبد بعد الله)
بعدها بفترة بقيت استفسر من تَـــمــوز وگال علاقتهم تمام
وعايشين طبيعي وياكم ، وتموز شاهد ؏ كل مراحلي الصعبة
حاربت نفسي وابتعدت وبقيت ابتعد بس عرفتها صارت زوجتو
رسميًا مو مجرد ورق .

نزلت راسي شگد حاولت اخفي هل كلام بس استفزوني
_ ركزت على شغلي وحياتي وبمرور الأيام تقبلت
البنية ألي ردتها تكون زوجتي صارت زوجة اخوية
تعيشت من الموضوع ما كرهتها بس برد گلبي وتجاوزتها .

وقفتني عن الكلام ذهب من نزلت وكتبت
_ وجانت هَــيـلانـة الوحيدة جدامك فـ گلت خليني
اتجاوز حبي بيها ، يعني ماغلطت بالحكم عليك .

نهضت صرت جدامها دفعني كــانـــون
_ تخبلتتتتتت اطلعععععع اكيد فقدت عقلكككك ..

وهو گاضبني صحت بيهه : راح اطلععععع بس قبلها
خلي مرتك تعرف اني ما استغليت اختهااا ولا اعترفت بحبي الها
ولا خليتها تحبني وجنت ابتعد منهااا قدر المستطاع وبعمري
ما استغليت ضعفها وحاجتها إلي وبمجرد ما هجست بديت احبها
طلعت من المعسكر وكانون شاهد هو مدد قوات اطلعني ورسم
الخطة وبأخر لحظة تراجعت ورجعت للمعسكر وطلبت
تظل بحمايتي وانه وعدتها أحافظ عليهه ويوم بعد يوم
وسنين مرت وحبيتهاا حبنا صار بسنين مو بيوم وليلة
وبيوم طلعتنا من المعسكر بيوم الفاجعة اعترفت بحبي الهه
وجنت مرعوب لان مكلف بقتل اختچ مرينا بمصايب اني وياهه
ولاااااا واحد بيكم بعرف حجم المعاناة إلي مرتيت بيها أنـه وهيل
تجين حضرتچ تحچين ويايَّ بهل طريقة شنوووو انتِ
تخافين عليهه اكثر مني ؟

كــانـــون : لاتكبر الموضوع اطلع نحجي برة .

دركْان: ماعندي حچي وياكمممممم ماعندي
اخذوها وسافروا واضح العوبة هي موافقة من سكوتها .

كــانـــون : أخذها واذا مشاعركم صادقه من نرجع بيدي ازوجكم .

التفتت ؏ هَــيـلانـة ومشيت بتجاهه
صحت بصوت مليان خذلان : ارفعي راسچ ادحگي بعيوني .

بقت عيونها بالأرض كررت كلامي
عليهه : احجي وياچ ارفعي راسچ .

خلت عينها بعيوني بلغتها بدون مقدمات
بنفس الوقت ايدي ؏ گلبي : موافقة تسافرين ؟

أومأت براسها بقبول بمعنى ( اي)
دركْان: بس أنـه ما موافق تسافرين .

كــانـــون : لا تضغط عليهه ..

دركْان: ابد ما موافق ؏ السفر واذا تروحين وتكسرين كلمتي
كلشي راح يختلف ومن ترجعين لا تلگين الــســفــاح الي
حافظ عليچ ولا دركْان الي يحبچ .

عفتهم وطلعت وتموز ويايَّ صعدت بسيارتو
أنـه بعدني ما مشتري سيارة : شبلاك يولو اذكر الله .

شغلت جكارتي وبقيت اطحل بروحي لا بيدي اجبرها
واعاند وياهه ماتسافر ولا اگدر اتحمل فكرة سفرها
أصلًا ما متعود ؏ فراگهه ، أتأمل ترفض وتفتهم
كلامي وما تسافر بقيت ؏ امل .

><><><><><><><><><><
ذَهــب ...

عشت بـ أيام كرهت نفسي وضعفي
صار الكلام حلم ، وشوفت صور اعزاز
گلبي صعبة ، صار الدمع سلوتي اعبر بي
بس اتمنى اصرخ اطلع الطابوگ النام ؏ صدرت .

اخذت علاجي بعد هل مصارعة الصارت
ورجعت راسي ؏ مخدة اسمع شهگات
هَــيـلانـة التزمت الصمت تركتها تعبر
براحتها الى ان سمعت صوت رضية: هذني بس جنطتين فارغات
بعد اثنين مادري وينهن رتبي وحدة لذهب والثانية ألج .

جريت نفس بصعوبة وبس اصوات الطگطگه
مسموعة التفتت ؏ هَــيـلانـة من گالت : ذَهــب راح اصعد للغرفة
الملم اغراضچ الضرورية .

هي طلعت سمعت كــانـــون يحجي وياهه
_ بس المهمات لا تاخذين كلشي بعدين اي شي ناقص نشتري مناك .

انسد الباب عرفت كــانـــون دخل هجست گعد يمي
مد ايدو تلمس ايدي ورفعها يبوس بيها: مستعدة هوبا ..

رفعت اكتافي بمعنى ( ما ادري )
كــانـــون : اريد اخذچ بحضني عادي .

نزلت راسي ورجعت جسمي أكثر
رفضت يقترب : أدري زعلانة لان ابتعدت عنچ .

بقيت ما انطي رد فعل همس بصوت هادئ: تريدين تكتبين شي .

هزيت راسي بـ (لا) ودرت وجهي
تگرب اكثر رفع راسي دفعتو بخفة
ما اهتم وسحبني نومني بحضنو
يمشي ايدو ؏ وجههي وكآن يرسم تحمهم
وصار يقرآ بصوتو الشجي حزين : بروني الذمة خووووووما زعلتكم
مو قصدي الله شاهد جنت احبكم ، بوية اليل اليله مدري
شمالني مغثوث حيل اليله لو أنـه أموت لو اليل .

قبضت ؏ قميصو وشهگت حضن وجهي بيدو
والأسم الوحيدة اگدر اطلقوا هو : عزيز .

كــانـــون : اگلچ سر ، قبل ايام كملت صلاة الفجر ونمت
بعد ما تعبت من البچي انهاريت حلمت العزيزين بالمسجد
العزيز الكبير يصلي وعزيزي يلعب گعدت گلبي بارد
روحـي مرتاحة بس بعدني مشتاق لأبني .

مسح دموعي وباس راسي يحاول يسكتني
_ اذا تحبيني صيري قوية الخاطر والخاطر العزيزين
وخلي ايدچ بيدي اسمحيلي ارجعچ احسن من قبل .

انفتح الباب ودخلت هَــيـلانـة: أعتذر دخلت عليكم .

كــانـــون : عادي ، كملتي ؟

هَــيـلانـة: اي خلصت .

كــانـــون : الفجر نطلع التركيا ونباشر برحلة العلاج
اخذت اجازة علاج وصار مسموح أسافر .

جهزت عمتي رضية وهيلانة كآفة مستلزماتنا
سهرت قُــسَـم ويايَّ ماتركتني لحظة اعتبرها
اختي الثانية ، محروگ گلبي عليهه وعلى صار وياهه
الى ان صار الفجر صليت وبچيت الى ان لزمني صداع هدني هد
اخذتني هَــيـلانـة بدلت واخذت تيشيرت عزيز وطلعت وگفت
قريب من السيارة بلحظة هجست أيدي أنسحبت
كــانـــون : هوبا حبيبي تصعدين .

هنا بديت اسمع اصوات اهلو كلهم امو عمو ابو دوهــان
موجودين يودعون كــانـــون دخلت للسيارة وهيلانة
بصفي وتموز يوصلنا بس طلعت السيارة سمعت
دركْان: توصلون بالسلامة .

كــانـــون : البيت بـ امانتك ، دير بالك عليهم .

تحركت السيارة الى ان وصلت للمطار
بقيت گاعدة كملوا الاجراءات وصعدنا الطيارة
ايدي بيد كــانـــون ثانية ماتركني ، طارت بيَّ
الطيارة الأول مرة اصعدها هجست برهبة
قويت قبضتي ؏ كــانـــون هو بادلني وهمس : لا تخافين گلبي
قوي كلبچ هساع تستقر بالجو .

وصدگ دقايق وثبتت طبيعي بس بقيت بخوف
الى ان نزلت روحـي خلصت هجست بلمسات
هَــيـلانـة تمسح ؏ ايدي : خفتي حبيبتي وصلنا الجو حلو مو ؟

هزيت راسي واني احس بالهوى البارد نقي
يلفح بوجهي بقيت اخذني كــانـــون منها
وصعدنا سيارة للفندق قريب من المستشفى
أخذنا سويت غرفتين طلع كــانـــون يطلب اكل
ويصعد الجنط دخلتني هَــيـلانـة سبحتني
گعدت بس بالمنشفة بكل هدوء ؏ السرير
هلكانه من التعب رجع بعد دقايق اخذت
هَــيـلانـة ملابس بدلت وكانون جهز الأكل
راحت هَــيـلانـة للحمام وهو يوكلني بدون مايصير كلام .

بعد ماكملت نمت ما ادري شصار ما صار
الثاني يوم گعدت تلمست المكان وگفت
ادور ؏ باب الحمام ما اريدهم يگعدون
استمريت امشي وبلمح البصر انضرب
اصبع رجلي بالباب شاغت روحـي بقيت
اگمز بمكاني التفتت ؏ صوت كــانـــون : الله الله الله .

انيت بوجع وگضبت ايدو وگعدت شاغت روحـي
_ عليش تگومين وحدچ يا گلبي بس اضربي ؏ ميز نسمع .

اشرت بيدي بعلامة نايمين : اگعد حتى لو نايم هساع
أحسن انضربت رجلچ حدري ويايَّ.

اشرت ؏ حمام دخلني توضئت : تريدين تصلين بعد عيني .
طلعني بكل هدوء دخلني للغرفة فرش السجادة وگفت اصلي
من كملت گعدت هَــيـلانـة غيرت ملابسي وقفلنا الباب
طلعنا للمستشفى باشروا تحاليل واجراءات العملية عيوني
رفضت اتعالج اي علاج قبل عيوني راقب الدكتور وضعي
وخلال اسبوع جهزوني علاج وابر صرت جاهزة للعملية .

؏ ساعة 9:00 الصبح دخلت عمليات تخدرت وفقدت
الإحساس بكلشي حولي تركت كلشي ورايَّ ونمت .

><><><><><><><><><><
هَــيـلانـة..

واكفين ؏ باب العمليات مرت ساعة
وساعتين وصلت اربع ساعات وذهب
ماكو گلبي مو بس نار صار يلهب
ويحرگ بروحي : والله تأخروا طلعت روحـي وما طلعوا .

غلق كــانـــون القران وتصدق وهو يرفع راسو
يرد ؏ سؤال آلي الف مرة سألت بي : الدكتور گال يتأخرون
لا إثنين عيونها مو بس وحدة .

بقيت افور واغلي وافرك بيدي واروح وارجع
وهو مو اقل قلق مني بس من النوع يضبط
ردات فعلو ويتماسك مايحب يبين ضعفو
انفتح الباب لو عبالك باب الخلاص انفتح
ركض كــانـــون بثبات ابتسم الدكتور
حتى نطمئن وبلغنا بصعوبة العملية
بس رغم التعب اكو امل كبير تنجح
وترجع ذهب تشوف .

راح وذهب دقايق وطلعوها بعدها بالبنج
تتألم بس مانعرف شنو تريد ينطوها
مسكنات وانه وكانون وياهه وياهه
ايام مرت حتى صار وقت انشوف
نتيجة العملية گعدت ؏ تخم بالغرفة
مالتهه رجلي بعد ما تحملني
والدكتور موجود كــانـــون من التوتر
يروح ويرجع اخر شي گعد
قريب منها گضب ايدها ويقرأ
ايات بهمس ، بعد دقايق همس : افتحي عيونك .

رفعت راسي انتظرها ام عيون الحلوة ترجع تشوف
صار كــانـــون امامها فكيت عيونها وشهگت
صاح الدكتور : ممنوع الدموع ممنوع .

عاينها الدكتور وهمس : تشوفين بوضوح ؟

هزت براسها نهض كــانـــون من فرحتو يريد
يطير : لله الحمد لله الحمد يارب ياكريم شكرًا ربي شكرًا .

راح يمها وهي بدون مقدمات حضنتو
وجسمها يهتز سحبت ورقة وقلم وكتبت : اشتاقيت لوجهك كــانـــون .

الدكتور دحگ ؏ الكلام ابتسم : ان شاء الله تسمعها منها قريبًا .

كــانـــون : ان شاء الله يارب ان شاء الله .

دحگت عليهه ركضت حضنتها من الفرحة دموعي
شلالات وتنزل ؏ خدي : الحمدلله ؏ سلامتچ تعبكم ماراح .

بمجرد ما طلع الدكتور اتصل كــانـــون ؏
تَـــمــوز وصاح : رجعت تشوف هوبا نجحت العملية تموووز .

تَـــمــوز : يولووووو الحمدلله والشكر .

رضية: يمه گلبي يريد يوكف عليكم اروح اصلي صلاة شكر .

خلص حمل كبير عند ذَهــب اختي وأعرفها تستصعب
شخص يدحگ عليهه وهي ماتگدر تشوف لو تمشي
حتى اني تضوج من أدخلها اسبحها وحتى من احنا
نوكلها تظل تبجي وهساع انتهى اول كابوس الحمدلله .

بس ممنوع تطلع ممنوع تتعب ضروري تلتزم بالعلاج
بالمراقبة بالعناية ، لمدة ثلاث اشهر متواصلة
كــانـــون ما قصر وياهه خلال مراقبتي الهم
جانت دموعي تفضحني وتنزل ومن يسألني
عليش ابچي رديت من ذَهــب ما موجودة : ذَهــب ابد ما عاشت
احساس حنان الأب ، بس انتَ صرت ابوها احسها مو مرتك
اب وبنتو المريضة .

هو يضحك بتعب ويجاوبني بحنان : هوبا فعلًا بنتي وحبيبتي
ملكت گلبي ، لو تريد روحـي ترخص الها .

طبق كل هل كلمات خلال رحلة العلاج الطبيعي
مالتهه حتى تتخلص من اعراض الجلطة الصارت وياهه
أيدها بسرعة استجابت للعلاج والحمدلله رجعت طبيعية
بس المشكلة بالنطق ايام وشهور يحاولون وياهه
وألى ألان ما نطقت غير اسم : عزيز .

بس كــانـــون ما فقد الأمل أصر مايرجع اذا ماترجع ذَهــب
مثل قبل وأحسن بعد ، غير الفندق اجر شقة وتموز واهله
ما قصروا بالمبالغ المالية دعموا دعم كامل ، اخذت حجره
أليه والثانية الذهب والكانون ، ورجعنا ناخذ كورسات علاج
عند مراكز ثانية بتركيا بالاستمرار والإصرار صارت ردات فعل
من ذَهــب ونطقت بس النطق بصعوبة .

وبعد مرور تسع أشهر وتحديدًا بيوم الذكرى السنوية
للعزيزين قررنا نرجع ، وعلى كلام ذَهــب فـ راح تگدر
الكلمات الصعبة عليهه تتمرن عليهن وترجع كلامها طبيعي
صعدنا الطيارة بعد رحلة صعبة مهلكة مشتاقين للوطن
شگد تخردلت بالعراق بس ما اگدر اعيش غير بي .

نزلنا بالمطار ابتسمت ؏ منظر تَـــمــوز وهو يضحك
بيدو باقة ورد: هاااا يولوووو رجعتي مبحلقه عيونچ علينة .

اخذت الباقة منو وهمست : غصبًا ما عليك تشتري ورد .

تَـــمــوز : تستاهلين ام سميره ، يولووو ابو سميره صاير حليوو
عضلات وكذا عشتووووو .

دحگت ؏ كــانـــون صدگ جسمو تغير خلال وجودنا
غادي استغل اوقات الفراغ وكل يوم بليل يروح للجم
يتمرن حديد ويرجع الى ان كون جسم متكامل جذاب
صعدنا بالسيارة ذَهــب دحگت ؏ كــانـــون
_ ؏ اتفاقنا انتَ وعدتني .

تَـــمــوز : باجر ارتاحوا اليوم وباجر تروحون .

ذَهــب: لااااا لااااا انتظرت لحظة لحظة اوصل واروح
اليوم السنة مالتو واني ولا مرة رحت العزيزي هساع يزعل عليهه .

كــانـــون : توجهه للنجف .

تنفست براحة بس بقت تفرك بيدها وكل شوية
تهمس : بعد شكثر ونوصل ؟

كــانـــون : نص ساعة گلبي ونوصل .

بقت تهز برجلهه اول ما دحگت ؏ گبور
شهگت ومالت راسهه ؏ شباك تحچي
بهمس ماتريد كــانـــون يسمعها ويرجعها
ودموعها تصب : نايم هين يمه عزيز بعدك طفل نايم بالغربة
مشتاقلي مثل ما اشتاق الك گلبي ماما عزيز سودة علية
حبيبي عمت عيني عليك امي .

انهز جسم كــانـــون ودار وجهه من سمع
كلامها وشهگاتها الي فشلت تخفض صوتهن
وگفت السيارة نزل كــانـــون فتح باب ذهب
اخذ ايدها ونزلها مشيت اني وتموز وراهم
دموعي تتسابق صارت ؏ خدي منظر القبور وحدو
يهز الگلب هز ، صارت صورة العزيز جدامنا
هساع مسويها آلو تَـــمــوز ودركان كبيرة
الى درجة تنشاف من بعيد ذَهــب من شافتها
فقدت سحبت ايدها وركضت وهي تضرب ؏ راسها
_ لااااااااااا ماما عزززززيزززززز عمت عيني
يممممممممممههههههه ابني يممممممهههه
حبيبي الحلووو مشتاقتلككككك ماماااااا
اگعدددد اگعد اجيت أنـه اجيت اريد اشوفك
اگعد نلعب سوية ماما اخذك بحضني حبيبي
والله ما اتخيل ادحگ عليكككك هيچ نايم هين
ماااااامااااا بعدك صغير التراب مو الك
اكعد نام بحضني ماما واح تكبر الگبر يصغر عليك
گوم الغب ويه الجهال يممممهههههه حبيبي .

كــانـــون : بابا عزيز اجيتك يا نظر عيني اجيتك
كسرني موتك بوية تعبني فراگك حبيبي مشتاق
اسمع صوتك وانت تصيح بابا يااااا روح ابوك انتَ
النومة مووو الككك بوية گوم اريدك أطلعك ويايَّ
ونشتغل سوية اخذووك مني بوية اخذوك مني غدر .

گعدت بالارض نمت ؏ قبر وصرخت
هَــيـلانـة: حبيبي خالة عيوني انتَ يم خالوووو
تعبنا فراگكم والله اجيت ازورك بس شلون ازور خالك
يا عيوني انتَ اجتي ماما تريدك تعبت امك تعبت ؏ فراقك .

صارت حركة بالخلف وصوت رضية رج المقبرة
رج : هااااااا يممممه هنااااا يمهههه يا عزيز يا بيبي
اجتكككك امككككك تلگاهه احضنها مووو كسرتهممم
ورحت يااا بيبي يا حبيبي .

من التعب مالت ذهب راسهه ؏ قبر وقرأت قصيدة
اشتهرت بـ اخر فترة جانت دائمًا تطلب نشغلها
_ دللول دللول يا يمه ياعزيز دللول دللول دللول يا يمه دللول
نام نام يا يمههه الولد ناااام نام يا يمه الولد افزن شايطة
و اتذكر امـناغاك و اذكر سهر ليلي الگضيته إوياك
حاربني زماني وليش مَا خلاك، يَا سهم الغدر دم النحر رَأَوْك
اقبالي و مَدَدْت يمه الولد رجليك
لا مجروح وامك تگعد اداويك اداويك اداويك أَشَدّ جُرْحِك و اداويك
در صدري بِمِحْنَة وَلَهَفَه ناديتك ردتك تُرْضِع بصدري وترجيتك
عدل يبني وتحاچيني تمنيتك مـا صدگت مـيت لـمن هزيتك
بلا روح بِلَا روح الولد نايم بلا روح ، ماتت امك وياك يمه عزيز .

حضنها كــانـــون انتهت لا ايد ولا رجل صاح
وهو يشهگ : كاااااااافي يووولوووو بروح العزيز كافي
بغلاتووو عندچ كااافي موووو گلبي بعد مايتحمل .

تگربت قُــسَـم صارت جدامها وشالت ميار
تركتوا بحضنها: هذا صديق ابنچ وابنچ الثاني مشتاقلچ
يسأل ؏ ماما ذَهــب اخذي بحضنچ .

شالتو بين ايدها وهمست : ميار حبيبي عزيز هين جوة التراب
صديقك بعد مايگدر يلعب موووتوا مات ابني راح بعد ماكو عزيز .

رضية: گومي اقري ؏ قبرو قران ادعيلي وراح اخذچ
المكان يريح نفسچ ويزيل همچ ويبرد كلبچ .

اخذت قُــسَـم ابنها وكانون گعد جدامي اني ما اگدر
أقرا ماشوف زين گضب ايدي وهمس :هوبا راح اقرأ سورة يس
اقري ورايَّ گلبي انتِ كافي بچي .

أومأت براسها وصار يقرا بعلو صوتو
صوت باكي ، صوت عبارة عن بحت حزن
صوت عبارة عن حرگة ، حتى ما شلت القران
أنـه همات اردد وره بالكلام الى ان كمل وصدق
تگربت مني رضية وهمست : رفعي راسچ امي كافي صيري قوية
الخاطر اخيتچ ذَهــب تحتاج وتاخذ منچ قوة .

رفعت راسي وياريت مارفعتوووو دموعي رجعت
تنزل بـ جزع من منظر دركْان ، واگف بعيد شايل
ابن قُــسَـم وهي واگفه تحچي وياه هين هجست
بطاقتي انتهت وبنايات توگع ؏ راسي انهز
گلبي ورجلي جمدت احساسي تخربط اريد اصرخ
لااااااا مو أنـه حبيتك لاااااااا تكسرني بسسسس .

لمحني ادحگ عليهم دنج راسو واستدار يلاعب
بـ ميار وقسم تحچي ماعرف شنو تحچي بس مندمجة
قبضت ايدي وسرعان ما فزيت ؏ صوت تَـــمــوز
_ هَــيـلانـة بس اغسل القبر اگعدي غادي .

أومأت براسي وگضبت ايد رضية وگفت
من القهر بعد ما اگدر ارفع راسي نزلتو
اخر نظرة جانت ؏ ذهب همست بيها بداخلي : بكل مرة تنصحيني
يطلع كلامچ صحيح وانه احساسي غلط نصحتني بزواجي من
اصيل الشبح وعاندت وصرت ابيع كلام تالي أنـه تعذبت
ونفسسسس الحال مع ألي حبيتو من كل گلبي باعني وطلعت طرف ثالث .

هجست نفسي ضاق تَـــمــوز وهو يغسل
دحگ عليَّ وهمس : تغسلين وجهچ ؟

مديت ايدي غسلهه وبعدين غسلت وجهي وتراجعت
؏ حجره صايرة ورايَّ استندت عليهه وبقيت ادحگ
عليهم شلون يغسلون ويشغلون بخور وكانون
آخذ ذهب گعدها وينظف بملابسها ويعدل شالهه
واخر شي رتب حاجبهه بيدو : ارتاحي عيوني انتِ .

تلوع گلبي والله تلوع گلبي بين افكاري وبين الموقف
سمعت صوت دوهــان صاح من بعيد : منوووو نور العراق
ابو سمرة يولووووو هلاااااااااا ..

نهض كــانـــون فتح ايدو وصاح : دهن المدوهن هرقل اخوي .

حضنو بقوة وضربو ؏ كتفو
كانون : يولو شوكت رجعت ؟

دوهــان: صار يومين رحت للدوام وهساع اجيتك مشتاقلك يول.

تَـــمــوز : ابو راس واحنا لا سلام ولا كلام جيره بفرگك .

سلم عليَّ وجه دركْان شايل ميار اخذو منو وسلم ؏ دركْان
واحتار شلون ومنين يبوس بـ ابنو بقيت بس اتصفن عليهم
الى ان كملوا وطلعنا وذهب انهارت ماتقبل صعدونا كلنا بقت بس هي
وكانون دقايق وصعدوا هو يسوق وتموز اخذ سيارتو من دركْان
اجه دركْان صعد ويانه بالمقدمة : شلونك يولو ولا خابرت ولا سألت .

دركْان: ملتهي بالدوام .

كــانـــون : اممممم ملتهي بالدوام گتلي خوش .

شغل جكارة ودار ؏ شباك عيوني تتفحصو لا إراديًا
وتذرف دموعها ، مزين شعرو بطريقة مختلفة عن قبل
ومزين لحيتو باقي بس شارب عدل ومرتب الى درجة
نزلت راسي وبعدت عيوني هو حتى ما كلف نفسو يسلم
طبطبت ذَهــب ؏ ايدي لو انفجرت اريد بس انجعم مو راح انفضح
ماكو بعد عيوني الحقيره اشتغلت .

نزلنا بكراج أخذونا مشي صار جدامنا
ضريح صاحت رضية بصوت وأضح: هذا الأمام علي ( علية السلام)
هذا العلي الجبار ، هذا حيدر الكرار ، نبينا محمد من حبهُ لعلي قال
( اللهم والِ مَن والاه ، وعادِ مَن عَاداه ، واحب مَن احبهُ
وابغض من ابغضهُ ، وانصر مَن نصره ،واخذِل مَن خذله
وأدِر معهُ الحق حيثُ دار ) .

كانون : وبعد قال النبي محمد (صلى الله عليه واله )
مَن سرّه أن يحيا حياتي، ويموت مماتي
فليتول من بعدي عليّ (عليه السلام) ، قبل لا اسافر اجيت
وشكيت همي وطلعت كالطفل خال الهموم .

دخلتنا تفتيش ابتعدت عن قُــسَـم وكأني ما ادحگ وجودها
لبسونا عبايات راس ودخلنا داخل المكان عبارة عن نور
أبيض يسر العيون ، وهواء يثلج القلب قبل الجلد
رائحة المسك تبعث السلام أنـه بحضرة مولاي علي ( علية السلام)

دخلنا جوة للشباك گضبتو بيدي بس مستغربة
بست المكان وابتعدت دموعي تنزل بس خجلانة
شنو ادعي ومني ابدي شنو اشكي وين انتهي
قريت الفاتحة وطلعت صليت صلاة الزيارة لأول مرة بحياتي
جان الشعور مريح الى درجة صعب اوصفها
اخذت كتاب الزيارة قريتها وبقيت اركز بكل كلمة
يا جمال الكلمات الموجودة ، بس كملنا سلمت وطلعنا
ايدي بيد ذهب همست : صيري قوية لا تخلي يدحگ ؏ ادموعچ
خلي يعرف دموعچ غالية ماتنزل بس ؏ يستاهلها .

هَــيـلانـة: ضربني بنص گلبي ذَهــب جنت اظن هو يستاهلني .

ذَهــب: لا يصيبنا اله ماكتب الله لنا .

مشينا خارج المكان اجانه تَـــمــوز يصيح : يولووووو
صار ساعتين نكمز عبالهم العالم مطيرچيه شبلاچن .

قُــسَـم : صار يقسم بنص المكان بالأنبار هساع يصدم العالم .

راحت رضية قبلنا ذهب صارت تمشي وتحجي هي وقسم
اسمع رضية تصيح بدوهان وتضرب : بعد لا اعرفك ولا تعرفني
هيچ تروح كل هل اسهر لا تسأل ولا تگول امي بالها يمي اخابرها .

دوهــان : حقچ ومحمد حقچ بس جنت ملتهي .

رضية: بيمن ملتهي بالحلويات الحلوات غادي جثير جثير .

دوهــان : هههههههههههه هاااا رضية اخذچ ويايَّ مرة الثانية
ادحگ الچ رجل يستر عليچ .

ضربو تَـــمــوز ؏ ايدو وصاح : سافل مو حرام احجي
واغلط شني امي ما مستورة اله الرجل يسترها المدوهن .

دوهــان : شعليكككككك يمكن امك تريد تزوج بعدها صغيرة
وحليوه الف واحد يتمناهه شني توگف بطريقها يالمسحور .

سحب دركْان تَـــمــوز وهو خربان ضحك
انوب من ادحگ عليَّ يضحك ينمرد گلبي بالزايد
كــانـــون : ههههههه يولووو كافي عيب تكاون انتَ وياه بالبيت .

بقينا نمشي ودركان التفت نزلت راسي
وفزيت من صاح : شعرچن يولووووو شعرچن .

بقت وحدة تدحگ بوجهه الثانية
ذَهــب: هَــيـلانـة بس انتِ شعرچ طالع .

رفعت حاجبي وأنه أصلًا مو محجبة سحبت
خصلة ولولوتها بيدي رتبتها ونزلتها
وذبيت العباية اول ما طلعنا للكراج
رجع التفت ظل جامد بمكانو عبالو بعدني
اعدل وهل خصلة طلعت بالغلط : مووووو اگول شعرچن !!

ذَهــب: يمعودة غطي شعرچ راح يظل يصرخ مايقبلون .

هَــيـلانـة: ما اغطي وانه مو محجبة وكانون يدري
حتى من مسافرين اخلي الشال هيج ؏ شعري بدون لف
خلي شيريد يسوي يسوي أعلى ما بخيلو يركبووو .

صعدت بالسيارة توجهنا للمطعم وطول الطريق
يدحگ عليَّ من المرايا وينافخ بـ انزعاج
وانه ما صدگت ارجع الصاع صاعين
نريد ننزل وگف بعرض الباب صاير : وين نعممممم هيچ تنزلين ؟

دحگت ؏ كــانـــون اتجاهل وجودو : عفية كــانـــون اتصرف
لا يطلع صوتي والله يستر شنو وراهااااا .

ضرب الباب بيدو وصاح : شوراهه يعني شتسوين اط***
يريد يحجي گضب روحو وصاح استغفر الله بابا حرام
وعيب هاي منطقة ملتزمة ضروري الشال كامل ؏ راسچ .

گضبت خصلتي وبقيت افرفر بيها بكل برود
إتلافها كلامو بشكل مدمر متلف : مو احجي وياچ ومحمد ما تنزلين
اريد ادحگ كلامچ يمشي لووووو كلامي .

جريت روحـي ؏ صفحة الثانية بكل سرعتي ونزلت اركض ؏ ذهب
هو شنووو عيونو صارت بگصتو ضرب باب السيارة
انسد وصاح : امشووووو اكلوا أنـه ماريد روحوا يلة .

دخلنا وكانون بالنص ساعة بحجي وياه
ماعرف شنو كلامهم بس من دخل كــانـــون
گعد بصف ذهب ولحظة ما سكت وذهب اندمجت
تحچي وتستفسر وتأشر بيدها بقهر اخر شي
كملت گمت اغسل صاح تَـــمــوز : هذا العشاء عليَّ .

دوهــان: عجل اشرب ببسي مرة الثانية
حجاها ونهض وصار يوزع ببسي علينة كلنا
كــانـــون افتهم الموضوع ضحك وهذا تَـــمــوز انفجر
_ سـ***** فتحوها ثواب يولوووو خلصت الببسي الله يعثرك
يولوووو اندهرت من دهر الدهرك ؏ گولت امي .

دوهــان: نشرب بخيرك ابن العم .

اخذ القوطية وطلع يشرب برة
صاح كــانـــون : يلة اطلعوا بساع تأخر الوقت
حجاها وگضب آيد ذهب هي دحگت عليهه ونزلت راسهه
طلعت للسيارة مقفوله والمفاتيح بيد الوحش فتحها من بعيد
صعدت وخزرتو ودرت وجهي ، نزلت راسي اعدل بالعباية
وما ادحگ غير صعد وحرك السيارة بعيد عن المطعم ..

هَــيـلانـة: وين تاخذني نزلني دركْان .

دركْان: انتِ معاقبة .

يتبع ..

نزلت روايتي الجديدة ادخلوا ؏ حسابي واريد رأيكم
بيها وبالمشاهد قلب قلبي ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد