تجبر أحفاد الــ دليم الفصل الحادي وستون 61 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _ 58 _

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
هَــيـلانـة ..
هَــيـلانـة: وين تاخذني نزلني دركْان .

دركْان: انتِ معاقبة .

هَــيـلانـة: هل تصرفات مو حلوة وبعدين أنـه تعبانة توني رجعت
من سفر وزيارة انتَ مرتاح وتريد تلعب .

دركْان: أنـه مرتاح ؟

هَــيـلانـة: عجل ما مرتاح وجهك ردت الو الروح
وحب عمرك رجعلك بالعافية عليكم والف مبروك .

دحگ بنظرات ذابلة مغلفه برغبة مد ايدو
مرد شفايفي سحبت وجهي ورجعت جسمي
بسرعة وصرخت : دركْان لاااا تتمادى.

ضغط ؏ اسنانو وصار يتفحصني وكآن مو نفسو دركْان الي
اعرفو مخدر بطريقة غريبة : ادحگي عليَّ اموت واصفن بعيونچ .

كتفت ايدي لميتها الصدري ودرت وجهي
؏ شباك : لاتمثل الحب وانت سلام ماسلمت عليَّ
عبالي راح تجي وتستقبلني بالمطار بس خابت آمالي بيك .

مال جسمو صار قريب مني رجفت وبقيت متعجبه
؏ تصرفاتو سحبني من ايدي ومد ايدو دار وجهي
بتجاهو بلع ريگو : بوس العيون حلال ؟

حاولت اتملص من ايدو هسترني بتصرفاتو
أنـه وين وهوو وين يفكر : طبعًا حرام شيل أيدك شيلهااا .

ثبت وجهي أقوى بيدو واقترب الى ان طبع بوساتو
؏ عيني ورجع يبوس بالثانية وأبتعد يجر بـ انفاسو
بثقل ويفرك ايدو برجلو وكان منتظر شي وصبرو نفذ
هَــيـلانـة: شنووو معنى تصرفاتك اگلك حرام تجرأ وتتگرب .

دركْان: أقبل اتعذب ؏ هل ذنب اذا بوسة
هل عيون إلي تعبتني وطيرت النوم من عيني تسع اشهر
حرام قابل اتعاقب ، هي ذنوبي زادت من وراچ .

من نظراتو خجلت متت بدمي صرت أتجنب
ادحگ بتجاهو وهو حتى صوتو تغير : هَــيـلانـة .

عدلت شالي وبقيت ابعد بنفسي خجلانة : هـيـل ..

بطرف اصبعو تلمس خدي ونزل ايدو
وهو ينطق الأحرف بصعوبة: نواصتي .

هَــيـلانـة: دركْان شارب شي كااااافي .

دركْان: مشتاقلچ .

هَــيـلانـة: شبلاك حالتك مو تمام والله
تجر انفاسك بصعوبة اخابر ؏ كــانـــون
وينو التلفون لا يصير بيك شي .

اخذت تلفونو سحب ايدي وهو مايل
جسمو رفعها ؏ شفايفو وطبع بوسات
متفرقة عليهه : شسويت بيَّ ليش رحتي وعفتيني اتلوع عليچ .

هَــيـلانـة: احسن حل صار حتى نعيد تفكيرنا .

دركْان: ليش احس كارهتني هيل حتى ما تشتاقيلي ولا تدحگين عليَّ .

هَــيـلانـة: زعلانة عليك چثير دركان انتَ ؏ طول فترة
سفري ولا مرة رفعت التلفون وسألت عني ولااا حتى مرة .

دركْان: كسرتي كلمتي وتجاهلتي وجودي وحبي ورحتي
كل هذا وتريدين أنـه إتصل وجنت زعلان بس كلشي تبخر
أول ما دحگت عليچ بالمقبرة من سمعت صوتچ بعد ما ميزت
جدامي جنت محضر كلام كلووو نسيتو كلوو .

توترت وبقيت ادحگ بوجهو وهو يكمل
_ نزلتي شالچ وطلعت خصلات شعرچ الي أنـه
لليوم ما لامسهن تخلين الي يسوى ومايسوى
يدحگون ويشوفون شعرچ تتعمدين تقهريني ؟

هَــيـلانـة: مقهورة منك و ..

دركْان: يعني تدرين الموضوع يتعبني تتعمدين تسوي
حتى تقهريني لان انتِ مقهورة تزيدين النار حطب .

هَــيـلانـة: وترتني رجعني هساع ذهب يظل بالهه عليَّ .

دركْان: اخذتچ بموافقتهم هي وكانون لازم نتفاهم
لان بعد صبررر ماكو ماعندي كلش نفذ راح .

هَــيـلانـة : ؏ شنو نتفاهم ؟

دركْان: اريدچ .

هَــيـلانـة: بس دحكت عليك بالمقبرة عبالك رجعت انتَ وقسم .

دركْان: أبنها مريض وصار يومين نايمين بي مستشفى
وجنت احجي وياهه ؏ علاج ماعندي شي وياهه اختي قُــسَـم .

هَــيـلانـة: عبالي ..

دركْان: عبالچ تظنين السوء وتلعبين عليَّ
كله من كلام اختچ بوووية اختچ ناااار نااااار .

هَــيـلانـة: تخاف عليَّ غير أنـه اختها وبنتها بنفس الوقت .

دركْان: ولهذا اخر موقف صار وگفت بررت وفهمتها
وحجيت وياهه الخاطرچ ومحمد اگدر اگول طز لا تفتهم
اهم شي انتِ بس الخاطرچ مستعد كلشي اسوي .

التفتت كُلي بتجاهو وهمست : يعني تحبني من كل كلبك
وما تعتبرني محطة تجاوز ولا حبك وهم تريدني بعدك ؟

حضن ايدي بين ايدو وطبع بوسة
وهو يرفع نظراتو ويهمس
بشوق ورغبة : سلبتي نومي ، وتفكيري ، واعصابي ؏ مدار تسع
اشهر ما طايق بيها نفسي ، ادورچ بكل مكان اصبر بكلبي ويطالب
بمحبوبتو بنواصتو اشتاقيتلچ ومن ضعفي وشوگي شكثر انقهر وبچيت
اريدچ هوو بس اريدچ امووت واحصل عليچ .

رفعت حاجبي وبابتسامة عريضة
ملت اكتافي وبدلع همست : عجل عوف السيارة
وحدر دگ باب اختي واطلبني منها رسمي .

دركْان: يولووووو لا تدلعين بلا دلع محروگ ابو أبوية
اشتعلوا اهلي اشتعلوووووووا ، ادگ الباب والشباك والبيت
كلوو واريد گ*** ما يزوجني هل شهر .

هَــيـلانـة: شتسوي يعني .

دركْان: اخذچ واسافر بيچ وانعل هيد هيدهم الگ**** .

هَــيـلانـة: السان فول فالت .

دركْان: ظبي اذا فالت جدامچ هو ملكچ فصلي ولبسيني
ذات العيون السرمدية عتيتي گلبي عت عت عت .

هَــيـلانـة: وانت غربلت حالي وياك ابو السبايا .

دركْان: كون هساع اگضبچ بغرفة وحدنا .

هَــيـلانـة: ياااااااااا الــســفــاح اششششش .

دركْان: العب وياچ بيت بيوت يولووو عگلچ عليش فاسد .

هَــيـلانـة: دعوووف ايدي اغتصبتها عوفهااااا .

دركْان: شيصبرني يا محمددد ربي من صبر ايوب ؏ صبري .

شغل السيارة يسوق وگاضب أيدي
مايل جسمو ؏ استاند الموجود
بالسيارة ويبوس بيها فزيت من صوت
الهورنات فتح الشباك وگف تَـــمــوز
وياه رضية وقسم وابنها صاح : يولوووو الفاسد بوس
بيدهاا بوسس كون اصورك وانشرها للرتب الجوة ايدك
اشوفهم المقدم دركْان شلووون مسحول سحل .

ضحك بخشونة وبعدوه گاضب ايدي درت
عليَّ وهمست بخجل بعد ماعرف وين انطي
وجهي غير يحس بعدو مخلي ايدي ؏ صدرو
_ دركْان عيب عوف ايدي .

هو رجع صار بمستواه السيارة مالتهم
وصاح بصوت منطرب مبتهج : يمههههه رضية هيري نفسچ
عرسي قريب من هل نواصهههه نواصتي قبلت .

رضية: اخاف اهلهل وعيب من ذَهــب تستاهلون الخير
والسعادة يمه مو بسهولة حصلتها طلعتها من نص الموت
واجيت بيها واصريت عليهه الف مبروك گلبي .

صارت سيارة دوهــان وراهم
_ هااا يولوووو تمشون بطئ وبيها الف مبروك .

ذَهــب تدحگ وفتحت الشباك عطت مقهور منها
هيچ محمل محمل عليهم : ول ذهيبه صدگ احبها
وراح تصير إلي يعني راح تصير ألي هيل ملكي .

حجت ذَهــب بس مايقبل كــانـــون يطلع
صوتها هو يحجي بدالها: تگول من نوصل عووود نتفاهم ونشوف .

سد الشبابيك وطلع اسرع منهم ويهدد ابو السبايا
_ ومحمد هَــيـلانـة اذا نوصل للبيت ويغيرون
تفكيرچ بعد اعوف العيب والحرام ؏ صفحة واشتغلچ .

هَــيـلانـة: ينطيك كلبك تهدد بيَّ .

دركْان: متحلف هساع غير اعقد وبعيونچ تدحگين گلبي
شلون ينطيني لو ماينطيني بس نعقد نعقد ياااااا ناااااس .

بقت تمشي السيارة ونسولف ؏ تسع اشهر
_ شسويت بهل فترة صار عندي فضول ؟

دركْان: والله ياهيل بالضيم تصدگين اذا اگول شربت منومات
حتى بس انام اظل ثلاث اربع ايام بدون نوم وفوك النوم
ولا اشتهي اكل تجين ابالي من جنت اكل عند داعش
وتبقين تنوصين فوك راسي ، وبين الدوام ومشاكل داعش .

هَــيـلانـة: اتذكر جنت رائد شوكت ترقيت ؟

دركْان: من رجعت تكرمت وترقيت بس محد يعرف غير
ولد عمي تعرفين الفترة الفتت شكثر صعبة وحتى مافرحت بيها .

وگفت السيارة جدام محل نزل وتموز نزل وياه
تموز هااا شكوو نزلت ؟

دركْان: احتاج تكت جكاير كاملة .

تَـــمــوز : ههههههه تصبيرة هاي تحرگ بروحك واصل مراحل .

دوهــان : عابر قارات من الجفاف .

تَـــمــوز : انتَ مبين عليك منعنش مترهي .

دوهــان: انجب .

تَـــمــوز : اعترف بيناتنا .

دوهــان: بيها بيناتنا جنك صوت كاولية .

تَـــمــوز : اشكرك .

دركْان: اشكرك الخايس .

تَـــمــوز : ترحون كلكم انتوا ورتبتكم فدوة الأصبع رجلي .

دوهــان : هساع اله امطلك هين اطلعلك گلب جديد .

نزل كــانـــون اخذ جكارة من دركْان وهو يدردم عليهم
_ مطولين بالشارع مووو تعبانين تعبانين .

دار دركْان وجهو مزعوج والحاجب مرفوع
ويخوزر بكانون : هااا شبلاك ؟

دركْان: طيح الله حظك .

كــانـــون : يلة مقبولة منك اخوي الجبيرة .

دركْان: كون اكضبك هساع دگ دگ دگ اطلع ضيم گلبي بيك .

تَـــمــوز : يمكن كــانـــون مافتهم وضح احجي بالخط العريض .

دركْان: اخذ البنية وراح تسع اشهر شگلت الربك .

تَـــمــوز : هساع لو متزوجها جان حبلت وجابت .

ركض كــانـــون ؏ تَـــمــوز وهذا ركض للسيارة
صعدها وقفل البوب ودوهان ودركان وجهم انصبغ
احمررر اختنگوا من الضحك .

يريد يروح دوهــان للسيارة ونزل ميار يركض
رفعو من الارض يبوس بي : روح ابوك شنوو هل جمال صاير حليو .

ميار : أيد تيت وسير ( أريد كيك وعصير ) .

هو لان صار چثير ماشايف ابنو مايعرف كلامو
اقترب من سيارة تَـــمــوز وصاح : يممه رضية شنو يگول ما افتهم ؟

رجع ميار يكرر الكلام ضحكت وجاوبت : يريد كيك وعصير .

ظل يبوس بي ويمشي ويحجي : بووووية تريد كيك وعصير
اليوم اشتري المحل كلو لميار .

وهذا ميار كاولي يصفگ بيدو ويهز بجسمو
فرحان اشترالو حلويات وفتح باب رضية
يريدو يروح وهذا مشتاق الابو انفجر يبچي
مايقبل حاولت وياه سحل روحو سحل : راح اخذو يمي يمه .

دارت ؏ قُــسَـم حجت وياهه هو يشوف ويدير بوجهو وينافخ
رضية: سودة علية مشتاقلك اخذو يمه خلي ياكل جوعان
صاير ماياكل زين اكلو كلش قليل .

تَـــمــوز : وياخذ صورة دوهــان مني يبوس بيها ويبجي .

راح منهم وهو يحجي وياه عبالك جبير : سودة علية تبچي
عليَّ وانه ما ادري اليوم احرگ الدنيا اليوم .

صعدوا وياه تحركت سياراتنا وماكو ساعة وصلنا
وميار سحل روحوا سحل مايقبل يدخل للبيت
دوهــان : أنـه نايم بالبيت الثاني وراح ينام يمي .

حجاها واخذو وراح وقسم راحت ؏ كــانـــون
_ اخاف همات يرجع ياخذو عفية احجي وياه .

أتصل عليَّ وفتح الصوت حتى تسمع : دوهــان بالبيت الثاني
تبات موو ؟

دوهــان: اي عجل وين ؟

كــانـــون : يمعود مو تاخذو وتروح ينجلطون الجماعة .

دوهــان: اذا تريد من ينام ارجعو الكم عادي .

كــانـــون : لاا قابل طايرين صار چثير ما شايفو
بقي يمك باجر الصبح رجعو .

سلم وغلق المكالمة فتح ايدو بمعنى ارتاحيتي
جرت نفس وايتسمت وراحت الحمامات صارت ازدحام ما اگدر انام
اذا مانغسل تراب النجف ثجيلة
رضية: يمه هَــيـلانـة فرغت حجره تَـــمــوز ألج
حتى تاخذين راحتچ لأن جوة كل شوية واحد داخل
وماتگدرين ترتاحين .

ذَهــب: عاشت ايدچ يمه خليها يمي .

اخذتني ذهب وصعدنا اول ما دخلت للغرفة حضنتني
_ وهساع صار الوقت المناسب ولازم اسألچ
خلي ايدچ ؏ كلبچ وجاوبيني : تحبين دركْان .

هَــيـلانـة: اذا اگلج ما اگدر اعيش بدون دركْان تصدگيني .

ذَهــب: اي اصدگ لان آنه ما اگدر اعيش بدونچ وبدون كــانـــون
إنتوا اخر اثنين اقوي نفسي الخاطرهم لا اريد ولا احب
كــانـــون يتعب ولا انتِ اخاف عليچ اكثر من روحـي هَــيـلانـة
ماريد بيوم ادحگ دموعچ اموووت والله امووت .

حضنتها وانه ابچي وهي تبچي
_ ذَهــب مو زين عليچ هلگد تبچين كافي .

ذَهــب: اذا تحبي وهو ثبت حبو وبعد عندي
كم شرط اذا تنفذ الف الف مبروك عليكم
أريد لأختي الخير والسعادة وبسس .

هَــيـلانـة: بس الخاطري لا تضغطين عليَّ چثير
دركْان تعب مايستاهل هل عذاب مني .

باست راسي وهمست : احترمو ؏ احترام كــانـــون
وادري بي نفس تربية اخو يخاف الله ومتأكد يحافظ
عليچ هو حاجي كلام ويه كــانـــون يثلچ الگلب .

ابتسمت وهمست : ادعيلي .

ذَهــب: بدون ما تگولين شعندي غيرچ بنتي هيلانتي .

عافتني وراحت للغرفة اخذت ملابسي ودخلت
للحمام سبحت وطلعت نشفت نفسي وذبيت
نفسي ؏ نوم فقدت الثاني يوم المغرب
گعدت جسمي مكسر تكسر ، غسلت وجهي
ونزلت جوعانة كــانـــون گاعد يسولف
هو ورضية ؏ سفرة وذهب فوگ بس
قُــسَـم بالمطبخ : صح النوم هَــيـلانـة .

هَــيـلانـة: مو نوم غيبوبة .

قُــسَـم : كلنا هساع گعدنا .

هَــيـلانـة: ابنچ رجع .

قُــسَـم : لا والله كــانـــون خابر يگول طالعين هو وابو .

أومأت براسي واريد رجعت صعدت
دخلت ؏ ذَهــب نايمة والغرفة باردة
فكيت الفراش وضميت روحـي وياهه
من شافتني ابتسمت وحضنتني : قبل دقايق اجاني
كانون دركْان يريد يجمع الكل ويحجي بموضوعكم
هيچ فد ساعة اقل حتى اهلو .

هَــيـلانـة: صدگ يمممممممهههه ذَهــب گلبي .

ذَهــب: اني يمچ وتخافين افاااا .

صعدت قُــسَـم بيدها صينية اچل : اجيتي هين هَــيـلانـة .

هَــيـلانـة : ردت اشوفها.

قُــسَـم : يلة نتعشى كلهم ماكلين بعد بس احنا
قبل لا يجتمعون نخلص .

گعدنا اني من التوتر ما اگدر وذهب بالأصل اكلهه
قليل كلش من يوم وفاة عزيز ، وقسم بس تصفن
اخذت الصينية وكانون دخل ؏ ذهب : ها زين كلكم هين
اهلي جوة ودركان منتظرين نحجي وياهم بصفتنا
اولياء امور هَــيـلانـة .

قُــسَـم : روحـي هيل والهوى بظهرچ شلون
اولياء امر ينشد بيهم الظهر شد .

اخذ ايدها كــانـــون غسلت واجت بدلت ملابسها
ونزلوا سوية ، دحگت من فوك جدهم وبيبيتو موجود
وعمامو وامو كلهم قانعهم يجون يخطبوني راضين
ما راضين غصبًا عنهم : قُــسَـم اهلچ شصار عليهم ؟

قُــسَـم : عدهم سهلة يطلعون نفسهم من مصايبهم
خلصت القضية وانغلقت وكُلشي ما مفاهمة.

درت وجهي على صوت دركْان
_ هااي حجه جديدة انوووووب ذَهــب
مو حالة هااااي انتظرت سنة كاملة كاااافي لهنااااا وكافي .

ذَهــب: مو گلت موافقين ؏ زواجكم والف مبروك
بس هو هذا شرطي الوحيد اختي تتزوج تعيش ويايَّ
بنفس البيت شلون وين ما اعرف بس هَــيـلانـة
كل اهلي وبعدها صغيرة واخر ما تبقى عندي اريدها
يمي ويايَّ وجدام عيوني دائمًا طلبي سهل .

دركْان: يااااااا اختي ياااااا اختي انتِ استوعبي فكررري
اطلب منچ تفكرين قبل لا تخربطين وين نعيش هين وين
البيت صاير هوسة وانه انسان تعبت بحياتي احب الهدوء يعني
انزل من دوامي على هوسة غيرررر اريد ارتاح ؟

ذَهــب: شنو فاتحين حديقة حيوانات وهوسة
لو عدنا روضة اطفال هو بس احنا بالبيت .

دركْان: اريد استقرررر أنـه وياهه وبسسس استوعبوا يا اسلااام.

كانون : الغرفة فوگ هي گاعدة بيها فارغة رتبوها
وتزوج بيها بعد هل صيااااح مالووو الزوم .

دركْان: الووو لزووم ونص يعني كل ما اگول يا الله
حرمتك اطلع بلتيغه جديدة بالاه هذا وضع .

دار وجهو صد نظرو علية ملت راسي
وخليت ايدي ؏ صدري وهمست : الخاطري .

گضب راسوو بقوة وسحب الباكيت شرب جكارة
جر نفس ونفخو بكل غضب : موووووووافق بس اذا
مانرتاح نطلع ونستقر بعدين .

كــانـــون :بيها الخير ، المهم هساع المهر
فكرنا وهيلانة عزيزة وتستاهل موو ؟

سلطان : من الأخير انطقها .

كــانـــون : حاضرها انتَ وياهه غرفة الأخشاب
ذهب ملابس وغيرهاا صالون ؏ مصاريف عرس
بعد هاي الكم ، الغايب 55 .

دركْان: موافق سهلة .

سلطان : بالله هذا مهبول يولوووو 55 مليووووووون
بعقلككك انتَ شكوووو ماخذ بنت منوووو .

دركْان: اخذت بنت گلبي بعد اكو احسن من هيچ
بنت روحـي ملايين الكون كلها فدوة لتراب رجلها
وبعدين بكل الأحوال بس خليني اتزواجها
گو*** ؏ عرضو اذا افكرررر هااا بسسس افكر اطلگ .

ذَهــب: عجل الف مبروك .

دركان : فحطت بوووووووووووية شلعتوووووو گلبي والله .

كــانـــون : عدنا واجب الأسبوع الجاي الأحسن
يصير العقد بعد يومين بس عقد .

رضية: ويلبسها حلقة واذا بعد يريد ذهب مهرها كلو .

ذَهــب: الحفلة عائلية يعني بس احنا .

ام كــانـــون : انتِ لا خليتي كــانـــون يتزوج بعرس
وهساع ابني الچبير اول زواج الووو قابل مثل
اختچ متزوجة هو اول مرة يجرب هل مشاعر
وهم تريدين تحرميهم .

ضرب دركْان الميز بيدو وهو يشتاط غضب
من يمي خفت منو : اذا ينفتح هذا الموضوع مرة
الثانية وتكررينووووو اسوي سوالف ماتخطر ؏ بالچ
موووو الساني زفرر ماريد ارمي عليكممممم .

ذَهــب: أنـه وهيلانة مات أخونا مكسورين وابني راح
ولان عزيزين علية قبلت يصير عرس بهل سرعة
اذا تريدين عرس لأبنچ خلي ينتظر .

ام كــانـــون : بعد شنو تريدين غير مرت السنة
شني نوگف حياتنا علمود اخوچ .

ذَهــب: ما طلبت توگفين حياتچ ومن تحچين ويايَّ
لا تعلين صوتچ لان أنـه همات اعرف اعلي صوتي واخلي
اعلى من صوتچ .

كــانـــون : أنـه طلبت من ذهب مايصير عرس
بس الخاطر دركْان يصير عائلي ، الراح ابني
وبعدني مكسور عليَّ جرحي بعدو ينزف
وهساع رجعنا من تعب رحلة علاج متعبة
تريدين مزيقة عادي طبيعي يعني تهوسين
واحنا هساااااع طالعين من فاجعة .

عافتهم وطلعت وهي تدعي : الله لا يرضى عليچن
لحسن عقول ولدي تعبت بيهم وربيت تالي ما تالي
ذَهــب واختها يحكمنا وبكيفهن نمشي ، وحسرة نحجي
كلمة يتهاددون مهادد ويانه بعد الله شيسوي بيچن .

طلعت ذَهــب كــانـــون بلغهم : ؏ اتفاقنا يومين وتعقدون .

هز جدهم ايدو وطلع : صارت بيد النسوان مگعد
بنت داعش بنص ديوان من الزلم ومسويلها أهمية
وهي تتأمر وتتشرط طيح الله حظكم .

ابو قُــسَـم : كــانـــون يعني لهل درجة زحت العادات والتقاليد
شني هي هاي المنغولية تتأمر عليك وعلى اخوك يولووو
والله احترامًا الك سكتت بس اريدها تگوم عيب عمو عيب .

كــانـــون : عيب أفرض احترام حرمتي عليكم كلكم
وتگعد وانه بظهرها تحچي ؏ اختها الوحيدة
لو اهين بيها واضربهااا ما تحچي هيچ بس انتوا
عدكم الحرمة مكانها المطبخ وبس موووو مهانة .

طلع وهو يفور منو : خلص الكلام وياك عقيم .

كــانـــون : ماتعرفون تردون ؏ كلام الحق
بس لو باطل تگعد اطبلو .

ابو دوهــان : الف مبروك بوية اي شي تحتاجون
أنـه موجود اعتبروني ابوكم .

دركْان: ما تقصر عمي كلك خير وبركة اريدك سالم .

طلع هو الآخر وكانون هو ودوهان وتموز
وياهم دركْان يتفقون ؏ يوم العقد وانه
التوتر صار يقرأ ملايين ، صعدت فوك
فتحت الباب اشرتلي ذهب رحت بحضنها
بقت تلعب بشعري وتهمس : لازم تجهزين نفسچ اريد أختي أميرة
اريد تعوضين نفسچ ؏ كل التعب والصدمات الي مريتي بيهن .

هَــيـلانـة: انتِ راضية عليَّ .

ذَهــب: انتِ ملاك صغير هَــيـلانـة شلون ما أرضى عليچ
اسفة لان ما اعبر عن مشاعري ولا اگدر اضحك طبيعي
بس مو بيدي احساسي مات ومشاعري صعب اعبر عنها
بس اريد تعرفين أنـه والله فرحانة الج من كل گلبي .

هَــيـلانـة : اذا تريدين تحجين اي شي اني موجودة .

ذَهــب: كــانـــون نفس الكلام بس أنـه أحتاج فترة
حتى اگدر احجي بعدني بصدمة لليوم وساعتي
وگفت بذاك اليوم .

هَــيـلانـة: اذا تبقين ؏ هل حال تعذبين العزيزين .

جرت نفس ورجعت نفسها ؏ سرير
_ ما يزعلون يعرفون شكثر عزيزين عليَّ .

بقيت يمها ساعة تصير هي امي
وساعة أنـه امها تقويني واقويها
جانت تدعمني بالكلام بس ما گدرت
تطلع ويايَّ تختار فستان عقدي
رحت أنـه ورضية كــانـــون وصلنا
جهزت نفسي وحجزت بمركز
والثاني يوم رتبنا التوزيعات
والأكل كلشي مرتب صار
ثالث يوم العقد اريد اطلع من غرفتي
ما اگدر الى ان أجت ذهب خبصتني ونزلتني
وهل مرة اجت قُــسَـم ويايَّ لان رضية
محتارة بالبيت واجت ام كانون وياهه
وميار بين ابو وبين ام قسم سويت
مكياج ناعم الى درجة ما مبين مخلية
بس برزت ملامحي ، وشعري مفتوح
؏ طولو كلو ويفي ناعم ، فستاني
اخذت فستان ابيض وذهبي
بس من الردن شفاف وكعب عالي اسود
غطتني قُــسَـم وطلعنا لگيت تَـــمــوز منتظر
صعدنا وهو الطريق كلو يغلط ؏ عوائلهم
من الچبير للصغير اخر شي ختمها غلط ؏ ميار
ضربتو قُــسَـم ونزلت ادردم وكانون ودوهان واگفين
يعدلون بالبرة صاح بيها كــانـــون : شكووو .

قُــسَـم : هذا ينرفزززز گبحي المعثور بس يغلط .

دخل السيارة ومن الباب تلگتني رضية
تهلهل بصوت ناصي رفعت راسي وضحكت
طببتني بسرعة وصاحت : ركضي فوك فوك شوية وانه انزلچ .

تلگتني ذهب من شافتني گعدت ؏ درج وبچيت
_ اروحلچ فدوة ؏ هل جمال .

دحگت عليهه لابسه فستان اسود
وشعرها ملموم ، حضنتها وهي بس
سمعت صوت دركْان دخلتني الغرفتي
_ خلي بعد العقد يشوفچ .

بكلبي اكلهه اذا هيچ فـ الله يستر
اليوم وتمر سلامات ؏ دركان وعلى گلبوو
شربت ماي وبقيت كاعدة تشوش بـ افكاري
وايدي ؏ گلبي وبس اهز بيدي الى ان صارت
الساعة بـ 5 نزلتني رضية شايلة غرفتها كلهه
ومخليه تخم وميز كلو كيك وببسي ومرايا
وحلويات من جميع الأنواع والأشكال وقران
صغير عافتو بيدي جريت نفس ورفعت راسي
بيوت اقاربهم ماعرفهم نسوان وبنات موجودين
شكثر ماشاء الله حتى بعد اخجل ارفع راسي
انو تخوزر بس من النسوان الموجودة انبهرن
بيَّ صارت تتباهى وتگلهم اخذها شافها بعرس
اختها وحبها بقتني صافنه عليهه .

دقايق وكل الزلم اجتمعوا بالاستقبال صارت هوسة
أصواتهم خشنه ، صياح ؏ سوالف ؏ ضحك
كلها دقايق وام كــانـــون بنص البيت رجت البيت رج
بالهلاهل وهاي احنا متفقين بدون هلاهل والنسوان
وياهه هلاهل وهوسات اجت ذهب بوستني والنسوان
من بعدها : هاا يدخل يلبسها الذهب .

رضية: يلة هلا بي .

بقت رضية ماعرف شنو تحچي وياه وهو بالباب بس اسمع
صوتو ناصي شبه مسموع وهي تضحك وترجع تحچي وياه
وبس اسمع : يولووو مايصير بالبداية لبسها ومن يروحون العالم .

راحت ذَهــب اسمها تسأل : شكو يا ستار.

بقت صافنه وعمتي رضية صاحت بي : يريد يخبلني
احجي هيچ يگلي رايحة للمركز وفستان ودنيا ما اتحمل
اريد احجي وياهه ادري شني ما حاجي وياهه .

ادخل تَـــمــوز ؏ خط وضرب الباب
انوب الكل يريدون يعرفون شكو
بس همزين الصوت ما مسموع : هساع اله يگول مايگدر
ينصدم ويسرسح ويتفشل جدام العالم ، الله اكبر
يريد يحجي ويه حرمتوو .

رضية : هاا ذهب ؟

ذَهــب: هساع اصعدها ماتشوفين شلون مصمم
ومايقبل اله يحجي وياهه العناد وراثه عند الـ دليم .

سدت الباب واجت دحگت ؏ نسوان وصاحت
_ بس اترخص منكم العريس يريد يحچي وياهه
؏ انفراد قبل لبس المهر .

اخذتني وهي تهمس : الله يفشلك يا دركْان .

رضية خربانة ضحك ما ادري شنو حاجي وياهه
هَــيـلانـة: شكوو شصاير خوفتوني صار ساعة تحجون .

ذَهــب : ابو راس اليابس يريد بحچي وياچ
يصيح ما اگدر وضروري وما تفتهمون وما تحسون .

من سمعت صوتو يصعد عافتني تريد تنزل
تقابلت هي وياه قريب من الباب بس بعد
ما يشوفني بس آنه دحكت لابس قميص اسود
والبنطلون اسود رافع شعرو ومرتب وجهو
جسمو مرتب بارزوعطرو رنان : شكثر انتِ لطيفة حرمت أخوية العاقلة .

هي راحت وهو دخل نظراتو تسولف قبل كلامو
طبگ الباب وبخطوات سريعة تقدم بتجاهي
_ صرتي حلالي هيل حلالي وأخيرًا
نطقها وطوق وجهي بـ اثنين اديناتو واخذ شفايفي
بلهفة ورغبة ، بكل قوة يسحبها ويرجع يفصل
بوستو ويهمس : البوسة بالحلال لذيذة .

نزل ؏ رگبتي يبوس بيها ويقوي ايدو ؏ خصري
اريد بس افتهم بس يهدي لحظة استوعب
يتحرك بـ هيجان دفعتو من جسمو تخدر
گعد ؏ سرير وما هجست غير سحبني
من ايدي گعدني بحضنو : دركْان .

رجع اخذ شفايفي وفصلهه وهو يلتقط انفاسو
_ روحو الدركان انتِ روحو .

حضنتو بقوة وهمست قريب اذنو : كافي خربت مكياجي .

دركْان: علميني هل كافي شلون تصير .

مد ايدو ؏ شعري اخذ خصلة منو
ومن عيونو يطمع بالأكثر: دركْان الخاطري .

دفع وجهي وسيطر ؏ حركتي ورجع يبوسني
الى ان هجست رفعني بتك ايد گعدني ؏ سريع
وطلع وهو ينبهني : لا تروحين بس اغسل بالحمام واجي .

جريت نفس ماعرف شنو صار كلشي كان سريع
عدلت فستاني ملعوب بي خلقة ، وگفت ؏ مرايا
الحمرة صايرة فوك شفايفي مخربتها اضطريت
امسح وأعدل من جديد يا فشلتي والله صعدت
بلون حمرة وهل لون ماعندي لازم اغيرو
اخذت حمرة شلون مكان أصلًا ماعندي غير
لون الوردي الفاتح ، رتبت شعري ورجع
دخل يدحگ ويبتسم بس هجست من قبل شوية
صار هادئ فتح ايدو وهمس : شطالعة نواصتي ملكة جمال .

نزلت راسي بخجل وهمست : وانت طالع حلو .

صار جدامي رفع راسي وباسني بخدي
_ بدون تعلوم الحلو ينوكل بوقتو .

رجعت شعري ودحگت بعيوني
_ ننزل هساع عيب الكل ينتظرنا .

رجع شعري عض اذني وهمس
_ وكلهم خلوني انتظر هل لحظة چثير عادي .

اخذ ايدي حس برجفتي وخوفي
ابتعد واخذ جكارة فتح الشباك
اخذ نفس وهمس : بس اكملها وننزل .

گعدت ؏ مجرات رفعت نفسي ادحگ علية
وهو لنص الجكارة ألتفت أنتبه عليَّ سحب
نفس ورفع راسو طلع الدخان : تاخذين العقل بجمالچ .

حنيت جسمي استندت ؏ رجلي وايدي ؏ خدي
عض شفايفو وهو يطفي الجكارة بالحايط
وتقدم بتجاهي تراجعت ارعش مدري شبيه
مد ايدو وهمس : ننزل ؟

أومأت براسي گضب ايدي ونزلنا سوية
نص الدرج ولمح باب الزلم مفتوح ؏ نسوان
_ نسيتي الشال مالتچ فوگ ؟

هَــيـلانـة: أنـه مو محجبة دركْان استوعبها .

دركْان: احاول استوعبها اليوم الخاطر هل جمال .

من نزلنا صاحت قُــسَـم : شنووو باكيت بقلاوة طالعين .

تَـــمــوز : سامحوها متربية ويايَّ يعني شني تطلع أخلاقها
درب تحرشات وتغزل انوب تعرف تتغزل باكيت بقلاوة .

ضحك دركان وهو يفصلني بعيونو رجعت بمكاني
وهو اول ما دخل الهلاهل صارت هاونات
صاح بيهن : كافي اذني زرفتنهااا كاااافي .

وحدة من الموجودات جاوبتو : فرحانين بيكم يمه الرحمن يحرسكم .

اجت ذهب بيدها علبة الذهب ورضية يمها همست : الحمرة
جانت لون وصارت لون ثاني .

دركْان: قابل تَـــمــوز عليمن طالع ما ينوم الكلمة ببطنو
؏ امووو عبريهاااا غلسي هساع غلسي.

رضية: هي هيچ يالملطلط دهر الدهرك .

دركْان: عندي فقر بوس ومحمد .

اخد الگلادة يلبسني وايدو ترجف
والسوار والتراجي والحلقة اخر شي
اخذ الحجل ونزل لبسني واخذ ايدي وگف
باسها وباس راسي وحضني مقابيل الكل
قطعنا الكيكة أنـه وياه اخذت منها شوية
اريد اوكلو تلاعبت بيها واكلتها اني
وكلني طبيعي ونزل همس بـ اذني : تتعاقبين بس بطريقتي الخاصة .

شرب عصير وصاح : يولووووو صلوا على محمد .
كلهم صلوا ؏ النبي وهو كمل : نشف ريگي من جمالها .

ضربتو بخفه ؏ ايدو هو عافنا وطلع يضحك
دخل كــانـــون عليَّ من الباب صاح : الف مبروك بوية هَــيـلانـة .

هَــيـلانـة: الله يبارك بيك عيوني .

ودوهان وره يضحك : منو النال ومنچ العيال حرمت الدرباس .

رضية: يوم الك يمه .

تَـــمــوز : ماگول غير نيالكمممم من دهر الدهركم
كلكم جربتو الزواج له أنـه جفاااااف .

كــانـــون : تفففففف من عيونك تفقفففف .

دوهــان : راح يسويكم تشريب اليوم امالخ مجرب عيونو .

بدت الناس تروح بعد ما وزعوا العشاء
وانه لملمت نفسي وصعدت بدلت راسي
يوجعني من الصبح گاعدة وما نايمة
توني طلعت من الحمام وبس اريد
انام ؏ مخدة وانفتح الباب دخل كالدرباس
مبتسم بتلاعب بعدو بنفس ملابسو تگرب
ايدو وره ظهرو همس وهو صافن بشفايفي
_ عليش ما توكليني كيك ؟

_ هااا .

_ كيك كيك عليش ما توكليني ؟

_ باجر .

_ شنو باجر ؟

_ اوكلك كيك .

_ ولازم أنتظر باجر .

_ اي لازم .

_ بس أنـه ماحب انتظر بعد تعرفين نفذ صبري .
كملها وطلع ايدو عندو كريمة مال كيك دمر
شفايفي منها بسرعة ونزل يبوسها لدقايق
همس : اكلت اطيب كيكة بالعالم تعادلنا ..

باس راسي گعدت وهو يمشي
شاف تأثيرو عليَّ ابتسم بفخر
_ تصبحين ؏ خير هيل .

بقيت صافنه ؏ باب لدقايق طلعت غسلت
ورجعت نمت بس الفرحة هيچ فراشات
وتتراقص ببطني ، الثاني يوم گعدت متأخر
صاحتني رضية اول ما گعدت : حدري يمهههه حدري
اگعدي اكلي مادام الريوگ موجود .

ادحگ ؏ دركان بس هو گاعد ؏ تخم ثاني رجلو
وياكل من شافني ابتسم : صباح الخير .

ظل ساكت ما يجاوب بس كلهم جاوبوني
تعجبت منو ليشششش !! ذَهــب تسولف هي وقسم
ودركان يلعب بالتلفون جريت نفس وگعدت
جدامو ابتسمت هو رفع گلاص الجاي يشرب
ومن نزلوا بيدو صبلي چاي وينطيني بالصمون الحار
اكلت شوية هو راح يغسل اريد اعرف شبي
وگف ورايَّ همست : شبلاك ليش من گلت صباح الخير .

ميار سد الباب بحيث ما يشوفون من ياخذني
سحبني من ايدي ودخلني بغرفة رضية سد الباب
رجع شعري بيدو وهمس : بعد ماكو هيج صباح فاهي هاي للغربة
أنـه صباح الخير مالتي تختلف هيل تختلف .

تلمس رگبتي طوقها وهو يهمس : صباحي انتِ وشفايفچ
الي اخذن عقلي من يوم يومهن .
طبع بوساتو وابتعد بسرعة قبل لا يتعمق
فتح الباب وعافني بصدمتي بي هو ابد مووو هيچ
ابد متعجبه ؏ شخصيتو الجديدة جريئ الى درجة
شكثر ما احجي بيها قليلة والمصيبة أنـه اضعف جدامو .

طلعت اريد افلت فوگ بس چذب انتباهي تَـــمــوز وهو
يدفع الباب وصاح : كانووووون كانوووون حددت
موقعهااا گازووو والله حددتووو گازوو بالبصرة ..

يتبع ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد