رواية ثأر مهري منهاا الفصل التاسع عشر 19 - بقلم اسماء ديمير

《《البارت ال18》》

#ثار_مهري_منها

بقلمي "أسماء ديمير"

صبح الصبح .. وبعدهم مامنهم خبر .. كل مايتصلون عليهم يكولون بعد .. ماكو شي .. وماله اثر ..

اني شبه فاقده .. كمت على حيلي امي مابيها حيل وكلها مو يمهاا .. سويت ريوك الها .. جاي وشوي كعك حتى تاكل شوي لاتتخربط ..

رواء كاعده على صفحه .. ولاتكوم ولاتعب نفسها هالانسانه .. بيتنه كله عالم وخطار وهي استكان جاي ماحاطه على نار .. عذرها بالطفله .. فشله من خالاتي الي لازمات البيت كله بيدهن ..

خالاتي موجوداتي لو ما خالتي سعاد والله نتيهه من دونها .. كالت اكعدي ماما اكعدي لاتوكعين بيج حيل انتي شضال بيج .. داعيه كركم .. لاشايفه لا اكله ولا راحه ..

طبيت للحولي .. كعدت بصف امي شاده راسها بعصابه .. وساكته .. اجه سيف  تلكته ..

:- ها يمه بشر الله يبشرك كون .. عمك ماسمعت عنه شي ..

كالها والله عمه ماكو شي .. لحد هسه ماكو شي .. ماخلينه مدينه طب لا مستشفيات لامراكز لا اطباء .. جاي ندور .. الله كريم .. ادعي لله مايردج انشالله

كال كومي هناء طلعيلي مستمسكات مال سياره مال ابوج ..

كمت طلعتهن اله من الكنتور بابا .. حاطهن على صفحه مستمسكات واوراق وصولات .. اخذتله مجموعه اوراق .. اخذ كم ورقه كلب بيهن :- هاهيه رجعي الباقي ..

للظهر ومحد اجه ولا رجع .. واي خبر ماكوو .. حتى ملينه من سؤال .. محد يطيك جواب يشفي غليلك .. جدي كاعد هو وعمي علي .. وعمي حميد اصلا مو هنا مسافر عده شغل .. ولد عمي كلها اجت بقه كم واحد يم نسوان هناك بديالى .. للعصر وماكو  خبر .. ياهو تساله يكلك مادري .. وماعرف .. للمغرب وهم هيج ..

امي فقدت .. كامت تصيح وتعيط عليهم :- رجااال طول بعرض ماتعرفووون وين .. وين رااح يعني ويين .. مريض ياناااس ميتحمل والله .. شوفو خاف واكع بوحده من المستشفيات .. ماتدرون عنه ..

بجت لحد ماتعبت تالي تخربطت .. و اخذوهاا للمستشفى .. راحت خالتي وياهه .. وياسر .. كاعده بحدي ابجي ولا واحد من اهلي كلها بره وطالعه .. شنو هالمصيبه ياربي ..

لليل ومحد رجع البيت فرغ  .. بس ياسر وجدي .. ميس سوت اكل ومحد اكل .. ضلت تنك اشرب حليب علمود دواي .. شربت شوي وذبيته .. 

رجعو امي ثاني يوم صبح .. داعيه خركه بيدهم .. رجع جاسم وسيف العصر .. يالله صارله يومين ماكووو دخيلك ربي وين راح .. وين نام وين كعد وين اكل .. كلها تفكر بي ..

طب جاسم جاي يسبح ويبدل ويرجع .. صارلي يومين مشايفته ..  حاله مو احسن مني .. مبهذل وجهه تعبان .. ركضت عليه حظنته جااسم بابا وين .. ليش ماجبته وياك ..

وجهه اسمر ، حجه بصوت تعبان مبحوح .. :- ماكوو هناء ماكوو .. جاي ادوره والله ...

امي طلعته ولك جاااسم ابوك وين يمه .. ابوك مريض وين راح .. دور ابوك جاااسم .. مانسوه من دونه ترى .. والله يلعب بينه زمانه من دونه .. لاتخلي مكان يعتب عليك يمااا ماوصيك ..

:-  ماكو يمه ماكوو والله كلبت بغداد عليه مااخليت ماادري وين .. يحجي بغصه مختنك .. هسه ارجع لو اعرف ادور بغداد شارع شارع ماارجع الا هو وياي ..

جدي كعد كالهم اتصلو بفلان وبفلان .. كاعدين يسولفون .. وطبت بيبي تبجي وتنحب ..

جدي كالها :- ولج شجابج ياامره مو كتلج لاتجين هين .. هيه هوسه وين جايه .. اكظبي روحج واكعدي بيتج ليش جايه ..

جديتي :- عجل تريدني اكعد بداررري وابني ماكوو لا والله .. اريد ابني تجيبووو الي مو زلم انتو وتسدون عين الشمس وصارلكم يومين ومالكيتوو .. رجال شكبره ضايع ماعرفتو تلاكو  ...

كمت عليها شبكتها .. وامي زاد بجيها .. جاسم اجاهه تلفون وطلع يرد .. خالتي كالت كولو يالله .. لاتفاولون على رجال بجيجن .. مايجوز هيج ..

طلع جاسم يركض لسيارته .. ولد عمي يتراكضون وراهه .. احنه بس اصيح شكوو يمعودين شكوو ..

جرو جدي للسياره واخذو وياهم .. طلعو وبعد محد رد علينه ولا على اتصالاتنه ..

زاد رعبنه بهاي حركتهم .. خلوني نشعوط نوب .. تخبلن شكوو .. اكيد سمعو خبر لو لكوه .. حتى جوارين اجو علينه وانجمعو بالبيت ..

وره ساعه هيج دخلت علينه هند .. هيه وابنها وتبجي .. منظرها يخوف .. لابسه جبه سوده مفتوحه من طول لطول .. وجوه دشداشه .. وشعر مخربط وذابه فوكاهه شال اسود

عاطت  .. ولللج يماا الحكيي .. يمااا

فزينه على عيطتهااا ..

طفرت اباوعلهم جايبهم سيف  .. نسوان عمي بس طبن .. عاطن يبوو يبووو تصخمنه .. تطينتي ياحسنه .

كلمه اليبووو مالتهن شلتني شل .. اريد ارفع ايد لو رجل ماكووو .. اريد اعرف شكوو شنو  شبيهم ..

بيبي كابلت عماتي .. كالها يمه لكوووه  ..ولج يمه حسن بطب العدلي لكوو كاتلي .. مسلبي وكاتلي ..

امي سمعت .. صرخت صراخ .. قشعر بدني من وراهه .. بيبي مره تعبانه .. كعدت بالكاع ادك على رجليهاا .. ركضت على امي اضم راسي بحظنهاا .. صوت الصراخ مرعب .. وسماع الخبر يخوف .. سيطر عليه الصدمه .. الي صار هواي .. وماتقبلت شي .. غير الصراخ المرعب ..

اسمع امي تستنجد بخالاتي .. وتكللهن عينن خواتي عينني ..خيمتي راحت..

كل شخص بلحظه اعلان او خبر موتت عزيز كلبه مايصدك ..ويضل لاخر لحظه يكول شنوو شكوو شبيكم او لااا ميتقبل نهائيا .. حتى ميبجي .. اني مابجيت .. بس خفت حيل .. خفت من البجي والعياط كمت من يمهن اوخر عنهن ..

هنه يعيطن ويلطمن .. واني واكفه .. محد انتبه عليه .. كله حارت بضيمها .. امي وكعت على وجهي تنوح .. هند شامره ابنها وتملخ بشعرهاا .. احنه مانعرف نلطم .. ولا نملخ .. بس عياطنه يوجع ويفزز ..

عبالك كاعده بنص ثلج .. جسمي سرت بي رجفه .. اريد اسيطر على نفسي .. لكيت نفسي اضعف مما تخيلت .. جسمي خذلني بذيج الحظه .. الانسان احيانا يتفاجئ بنفسه بمواقف .. لو واحد مسولفلي عن رده فعلي بفاتحه بابا ..

اكله انتحر وراهه اموت ومااعيش من دونه .. بس رده فعلي جانت بااارده .. مصدددومه .. مااعرف حتى ابجي عليه .. بس مستنكره الجاي يصير ..صدمتي خلتني اوكع على وجهي وافقد ..

حسيت على عياط بعده وصراخ عماتي يفزز  .. نايمه بغرفه امي .. كمت اريد اطلع ليش يعيطون .. شبيهم .. امشي واتعثر دايخه .. فتحت الباب ... بيتنه اسووووود .. كلها لابسه اسود .. اسمع بس يكولن جابوو اطلعو شوفو جابوو .. ودعنه ..

طلعت اشوف شنوو .. طلعن للطرمه يدافعن ... امي وعماتي وبيبي و هند واخواني وكله ملتمه على تابوت .. بين واعيه وبين لااا .. ماعرف منو حظني وسندني وخلاني اوكف على طولي .. شفت بشر يبجي عمري ماتوقعت اشوفه يبجي ..

جدي لو جااسم ..لو  عمي حميد .. ماعرف منو ساندني .. عيوني جانت على تابوت .. ومغطي بفرشه .. فتحو شوي منه .. حتي بيبي وامي يودعنه ..مشاني للتابوت .. امي كالت ودعي يمه ودعي .. ماارضه احط ايدي على تابوت اكو مو بابا هذا .. بيش طالبي ..

جريت ايدي .. اخذو من يمنه و هنه مجلبات بي .. ضليت على كعدتي بالكاع .. اااخ ياجسمي شكد خااين .. شوف ناس تضرب وتملخ وتركض وره عزيزها .. الا اني شلل صابني ونحول .. جسمي ماستجيب ابد ..

انتبهت على رقيه بنت عمي شالتني من الكاع وتبجي .. ماكدرت ادكومني .. حاظنتني وتبجي .. صاحت بخالتي ساعدتها .. طبيت جوه .. نمت بحظن امي ومغطيه راسي بعباتها .. امي صوتها انبح .. كامت تحجي همس .. اسمعها تحجي وياه وتعاتب بي ..

سوو فاتحتين فاتحه بديالى وفاتحه هناا .. الفاتحه الي بديالى لزموها عمي علي و جدي وابو فهد ... وهنا عمي سلامه واخواني وعمي حميد .. وبيبي . عماتي و نسوان عمي تقسمن .. خالاتي لزمن فاتحه نسوان ..

جانت هووووسه بهوسه .. بس تسمع اليبوو .. تفزز الواحد .. ثلاث ايام ماشفت شي اسمه نووم .. اغفه بمكاني وافزز على صوت بجي .. ماتركت امي منا لهنااا .. الاسود يخوف والوجوه تعبانه ارعبتي .. كله وجه مورمه.. ومصفره ..

هند وجهه حتى مزرك .. وشعرها مكطعته .. امي اصلا مابيها تلطم .. بس تون .. عكس عماتي الي حتى دشاديش سردنهاا ..

ماعرف شكد مر على موته .. الوقت عدي ميمشي اصلا .. كلها متشابها .. وناس طابه طالعه .. والون نفسه الاسوود .. كالو نسوي سبعه بديالى وهم هناا ..

متمدده بالحولي .. واسمع نسوان عمي يحجن ويه رواء و نسوان الغرب .. تكللهن .. جان يردون يسلبو ويصكو ..

شافو سيارته حديثه .. وهو جبير استسهلوو ..بس مفاجئهم بسلاحه ورامين عليه وكاتلي بمجانه  .. اني بمكاني كمت اشهك انهظمت حيل  ..

شلون سجاجين ادجج بكلبي .. سوده عليه ياابه .. اول ايام متفاجئه بس صحيت على روحي .. وعلى بابا الي راح وبعد مانشوفه ..

ماعرف شلون اطلع حركتي بيمن .. لو شلون .. مافاقده عزيز عليه .. مااعرف اريح نفسي لا بصريخ لو عياط .. عطت عياط .. شلون جمره جوتني .. وبعدها شمرو عليه البقيه .. فزيت على فاجعه جنت مامتقبلتها ..

احس احد مجتفني واني ادك على رجليه .. عطت عياط لحد ماراسي دك الكاع من تعبي احس احد حاظني ويبجي التفتت عليها سجى .. بجيت سجى بابا راح بعد ماكو .. صرت يتيمه ماتحجي بس تشهك وتهز براسها . ضليت اون واحجي .. لحد ما غمضت عيوني بحظنها   ..

عمامي رجعو لديالى صارلهم عشر ايام يمنه .. وبيبي اصلا صحتها تدهورت .. هند بقت يمنه .. لا اني ولا امي صحتنه تمام .. امي بالغرفه تبجي وتون .. واني افتر بالبيت اريد اتنفس .. النفس صار عزيز عليه ..

من كثر الخنكه .. اطلع للسطح .. اطلع للحديقه ونفس الشي .. واحد خانكني بحبل على ركبتي ..

امشي وادور على ريحه بابا .. من ايأس واتعب اكعد ابجي .. ياسر مالفه بالبيت ابد .. جاسم يجي صبح وبليل يسال اذا انريد شي .. حده للمطبخ .. اذا دخل للحولي يبجي وامي تكابله .. ونفتح عزه ثاني بيتنه ونكوم كلنه وياهم نعيط ..

بعد ماتخلص الفاتحه ويفرغ البيت يله الواحد يحس .. لان الفرااغ الي يترك شخص الميت يخووف .. وخاصتا اذا جان عامود البيت ..

نحس الغطى البيت راح ونكشفنه كلنه .. الاب خيمه .. يغطى ويحمي .. بابا حنين بمعنا الكلمه .. ماتخيلنه فد يوم يموت يتركناا .. بس كلمن يومه .. وهو خبزته خلصت بالدنياا ..

مشيت الايام مثل بعضها .. لا على صينيه التمينه ولا على سالفه كعدنه مطشرين وطشرنه زمانه .. مصيبتنه وحده بس كلمن همه شكل .. سوينه سبعه ومحد بينه مصدك مدري مصدكين بس نوهم نفسنه ..

بيوم سبعه طلعت من غرفه بليل افتر .. هسه الكاه بالحولي كاعد .. لو يفتر يسد البوب ويتاكد الاضويه مطفايه .. دخلت للحولي فارغ!!

يمكن بالمطبخ كاعد اكيد !!

ماكووو ؟!! البيت هندس ..

اظلام مثل ظلام كلوبنه .. نزلت دموعي وبلعومي رجف ياهضيمه ياحسن تترك اولادكم همه باشد حاجه الك .. ادور على ريحتك وينها شو اختفت من بيت .. اسمع صوت ون ووبجي بخنكه .. التفتت وراي منوو

البجي مستمر داتوهم يمكن ، جني بديت اتخيل صوت بجي من كثر ماسمعت صوت بجي وعياط بهل لاسبوع .. 

لا والله صوت ون هذا مسحت دموعي اتبع صوت .. شفت خيال كاعد بالحديقه صوت جاي منه ..

تقربت منه من العكازه عرفته ياسر .. حظنته من وره ابجي هو من حس بيه زاد بجيه وجسمه ظل يختض .. ثنينه نبجي على فراكه خايفين من مكان الفارغ الي تركه بيتنه وبروحنه ..

رفع ايده وجرني خلاني بحظنه .. صار سبوع مشايفته تارك البيت .. عاتبته ..ليش عايفنه ياسر اني وامي مو زينات ليش تارك بيت ليش هو منو ظل النه ..

سكتت يبجي ودموعي توكع على راسي :- لو بيدي اهج من عراق كله مو بس من بيت الي رابطني انتو .. الي رابطني بهل مقبره الي اسمها عراق انتو والله ..

شحصلنه من هالبلد بس قتل والخطف والفقر والحروب

هاي اني شاب شحصلت خريج وكاعد بالبيت وتك رجل سكط وهذا ابوج فنه عمره لهل بلد .. شقدم اله بلد تالي مات مكتول ومحد يعرفو منو دمه راح حاله حال الالف غيره ..

كعده بهل مكان ماتراد بعد وانا اخوج ماتراد .. عاد تردين اكعد بالبيت واسمع بجيج و ونين امي ماكدر اني روحي كوه شايلها ..

ضل يحجي لحد ماغفيت بحظنه ومادري بنفسي .. لحد ماحسيت عليه صوته مبحوح كعدني يكلي كومي طلع الفجر .. فتحت عيوني شمس توها تطلع كمت من مكاني مكسره كومته وياي كوه سند نفسه دخلنه ليجوه كلمن اتجه لغرفته

وره فتره شهرين هيج النتائج طلعت .. وناجحه بمعدل عالي .. جابلي نتيجه ياسر  .. ضليت ابجي واضحك .. ماشاف نتيجه ابويا وفرح وياي ..

ياسر سألني شنو اقدم جان معدلي يقبلني مجموعه طبيه بس محافظات .اقبل اطلع محافضات .. بس الاغلب عارض ماكو دراسه خارج محافظتي .. اصلا مجان عندي واهس للدوام مو عاد اداوم محافظات .. ياسر يكول قدمي مالج لازم وجاسر يحجي عكسه .. واني ضليت بينهم وبين قهري على بابا..

جاسم " ماكو ياول وين تطلعين محافضات .. بنت شيوديج للموصل  ..قدمي على غيرها هان بغداد .. احسن الج .. مأمن عليج وحدج .. الاقسام مو لعبه يرادلها وحده سباعيه .. وانتي مادبريهاا ..

قنعه ياسر كوه .. كالها كل اسبوع هيه يمنه .. واني اوديها لنينوى  اني ارجعها .. عدي هناك جماعه اوصيهم عليها .. وهيه سنه ونسويلها انتساب هناا .. لاضيع تعبها وفرحتها عليهاا ..

بس من راح لديالى ورجع وياهه جدي وابو فهد .. مغيرين رأيه ..

جدي كال ماكووو محافضات جدي .. مو احنه ندز بنواتنه يباتن بمحافضات وحدهن .. احب تكملين وتفرحين ابوج .. بس مو محافظات نينوى  هنا اهناا بعيده وماترهم سالفه صعبه حيل ..

ياسر كله :- جدي هاي طب اسنان العالم تدفع فلوس حتى تدخلها .. وهيه جابتها بذراعها تريدها تروحها من ايدهاا .. تعبها كله يروح على الخالي بلاش ليش .. ابويا دفع دم كلبه حتى اطلع معدل ويفرح بكلمه دكتوره ..

ابو فهد :- مايروح على خالي بلاش .. احنه مانرضاهه .. خلي تقدم غير شي حتى لو معهد طبي . بس روحه اقسام لغير محافظه مرفوض هالحجي .. تريدها اداوم بوحدها مانعرف شبيها مابيها .. اصلا سالفه الكليه كلها مداخله عقلي ..

ياسر :- منو انته وترفض .. انا واخوها راضين مالك غرض بيها رشيد .. شنو سالفه كليه مداخله عقلك .. شلك غرض انته .. لا من هسه توليتها .. لاتخلينه نتخارب ..

جدي :- ولك ياسر تادب دماغ سزز .. شنو تولاها .. وماله غرض ..عجل من  اله غرض بيها .  مو عرضه هيه حاله حالكم .. مو ابن عمها هوو .. كلامه صح .. اجلي هالسنه جدي وقدملي على سنه تجي هان بغداد ..شكتلي

ابو فهد :- تركه جدي ماينفع الكلام وياهه هذا .. شتعتب علي وهو راضي اخته تبعد عنهم محافظات بالاربع ساعات عنهم .. لو اداوم بنص شباب مانعرف شنو ماشنو ..

ساكته واباوع لحجيهم .. وشلون ناس تمالخ ناس.. جاسم .. مدنج .. عرفت ماله رأي بهاي سالفه .. وهذا مو بابا الي يكسر بالكل لخاطري ..

جاسم باوعلي .. مقهور عليه :- خيتي لمصلحتج والله .. الاقسام مو شي سهل .. لا صعبه العيشه بيها .. اكلج وشربج ونومتك وكعدتج وحتى قرايتج صعبه بيها ..

لاهدوء ولا امان .. وبنات ماتعرفيهن شنو ماشنوو .. تكعدن نفس المكان وتنامن بنفس المكان .. مستصعبها للسالفه حيل .. اتركي السنه على كولت رشيد وداومي سنه تجي هنا ..

جدي :- خوش حجي اجلي  جدي.. وسنه تجي قدمي هنا .. شلج بشلعان الكلب وطالعه محافظات وانته مدلله .. هاي مو بغداد ونفس ناسها ذولاك مسيح وازيد وتركمان واكراد اشكال البشر ماتعيشين وياهم ..

 لا حجيت ولا نطقت ، هزيت رأسي بيأس وقله حيله ..

طلعت مكسوره الخاطر من يمهم  .. والله لو موجود انته يا بابا .. مايتجرى احد يفك حلكه .. ويكلي اجلي .. بس هسه صفت للغريب .. وجاي يدخل ويكلي اجلي ..

طبيت لغرفه امي نايمه .. ردت اشكيلها بس هيه بيا حال  .. من يوم وفاته هيه نايمه ..

جدي ورشيد  بنفس اليوم رجعو مابقو .. امبين جااين يخربون مثل عادتهم ويرجعون ..

امي سمعت من ياسر شرادو جدي ورشيد .. سكتت .. كالت بعد وبعد .. ماشفتو شي ..

صاحلي  ياسر :-.. كال لاتاجلين .. بس ادخلي صيدله .. معدلج يقبل صيدله بغداد ..

لاتروحين السنه عليج .. هو ابو فهد يريدج تاجلين حتى سنه تجي يرفض ويعاند ترجعين اداومين .. لاتنطين مجال .  والعبيها صح .. عباله تمشي علينه سوالفهم ..

همه اصلا مايرضون بناتهم تخلص اعدادي ... عاد كليه .. يردون تبرد سالفه ويبطلوج .. جاسم مراح يحجي ويوكف وياج .. اخوي واعرفه .. لاتتاملين خير عليه .. دخلي بنص عينهم وقدمي صيدله .. ترى هم مابيها شي صيدله وسالفتها حلوه ..

هند ايدت كلامه .. وكالت اني لو ما متخرجه هسه جان هم ماخلوني .. بحياه بابا ويوميه يهددوني يبطلوني .. عاد هسه والله تحلمين .. يلتمون عليه وياخذونه بلسانهم وبصياحهم .. لا انتي بيج عافيه ولا امي .. ولا الجن خلك للمشاكل .. الوي اذراعهم وادخلي صيدله ..

:- بس اني اريد طب ماريد صيدله .. مااحبها .. اريد حق تعبي حق سهري .. اريد الي حلمت بي والسهرت عموده .. كمت ابجي .. شنو تعبي يضيع لخاطر منوو بسبب منو وليش شعليهم همه .. مو انتو اخواني باي حق يدخلون .. اكفو وياي محد يحجي ..

ياسر:- اكدر اعند وامشي كلمتي .. واقدملج لتكريت بس بذاك الوكت ماتاخارب ويه عمامي لا ويه اخوي هم .. يافشله الفشله من امي .. ومن المرحوم الي مانشف ترابه ولده تمالخوو بينهم  .. انتي قرري وانا بضهرج .  وجاسم ينحط جدام امر الواقع اذا ردتي اسنان ..

بجيت بجي بيومهاا .. عرفت ماخسرت اب .. ماخسرت حنان .. لا خسرت شخص جان صاد المشاكل عني .. حايط فولاذ محاوطني و حاميني من كلهم .. اذا دراستي ماخلوني ادخل الي اريده ولا الي ستحقه .. شحال بالي جاي ..

خفت صدك نتشتت .. فوك مايتامه نوب نتفرق .. خفت اكون سبب بدمار العائله وتفرقها .. حجيت ويه ياسر واقتنعت بنصيبي .. حالي حال كل مره .. قدملي ياسر .. وطلعت صيدله جامعه المستنصريه ..

جاسم اجه الامي كالها .. جدي نطاني قطعه ارض حصه ابويا وراح ابني بيهاا .. ومن اخلص اكعد هناك ..

امي ماحجت بس بجت .. هزت راسها وعافتنه ودخلت للغرفه ..

ياسر :- تخبلت انته بياا حال احنه وانته تحجي هيج ..امي بحاجتنه وانته جاي تريد تبني وتغير سكنك ما فكرت باامي .. امي عايزه قهر فوك قهرها .

. منو حط هالفكار براسك .. اكيد عمامي .. شنو ماخافو الله من كالولك هيج .. ماخافو على امي يصير بيها شي .. وانته جاي تكللها راح اعوفج ..

:- ماكلت راح اعوفها شبيك انته .. راح ابني بيهاا .. شضلننه بغداد واحنه ضالين هناا .. ابني بيت جبير وكلنه نروح هنااك ..

:- ومنو كلك احنه نقبل نروح وياك .. حياتنه كلها هناا انته شلون بكيفك تقرر عنا اصغار احنه وتقرر بكيفك . بيتنه وشغلنا وناسنا اصدقائنه كله هناا .. شنو هذا حجيك مابي منطق ..

:- وهناك هم اهلنا وعمامنا .. هناك هم اكو شغل وتكدر تشتغل .. اني من زمان خال هاي الفكره بالي.. بس جنت ماجلها لان فلوس ماعندي اشتري كاع .. بس الكاع هسه موجوده .. والفلوس العندي ابني بيهاا ..

واكفه اباوع لجاسم برطمت اريد ابجي كتله جاسم :- وحياتنه هناا .. احنه مانعرف نعيش هناك .. جاسم العيشه علينه صعبه .. انولدنا بغداد وعشنا بيها صعب ننتقل ونتاقلم يمهم ..ليش فكرت بس بنفسك .. ليش مافكرت بينه احنه اني امي وياسر  .. مانكدر على العيشه هنااك ..

التفت عليه حظني من جتفي .. والله العظيم ما مفكر بنفسي فكرت بيكم .. ابويا هسه راح .. منو النه بعد .. بغداد مو امان .. نروح يم عمامنه واهلنا احسن سند وعزه .. اذا صار بيه شي مامن عليكم على الاقل ..

ضل يتناقشون بالموضوت .. ياسر ماقنع ورافض الطلعه .. وامي ايدته .. اني دوامي مااكدر .. اصلا رافضه عيشتهم هناك ..

هو بلش بناء بالبيت .. وعمامي وكفو وياه وكفه ياسر ماوكفه وياه .. لان جانو متناحرين بسبب عمامي .. عمامي حيل مايدين جاسم ويشجعو ..عمو سلامه جان يهدي نفوس ويوميه جاي لياسر يكله ميخالف انا عمك اخوك يريد اهل ومالكه بغداد اهل وعزوه بعد ماا ابوك نطاكم عمره ..

مشت الايام هيج بلا طعم بس ذكريات توجع جنه نجمع بيها للمستقبل نتذكرها من نصفن ، ياسر اخذني للكليه سجلني كوه يسحل برجله سحل اصلا بوفاه والدي هملها حيل وتعب ويرادلها مراجعه وعمليه بس كلهن اجلهن بسبب الوضع .. وره فره مال تسجيل رجع للبيت يون منها ..

ماطول لليل وضل يعيط منها خابرنه جاسم جه يركض

#يتبع

البارت اكتب بي وابجي وربي وحتى اختصرت هووواي احداث خلال الاشهر الوره وفاه طلب من اصحاب قصه ، ربي يصبر كل شخص فقد عزيز ويبعد الشر عن احبابكم