رواية ثأر مهري منهاا الفصل الثامن عشر 18 - بقلم اسماء ديمير

《《البارت ال17》》

#ثأر_مهري_منها

بقلمي "أسماء ديمير "

حسبت ميت حساب . وميت فكره اجتني .. اول مره هالكد افكر واتعب عقلي هالدرجه .. احس مخي طار .. وعقلي مو الي .. حتى تفكير مااعرف افكر ..

الضربات توالن عليه .. ماعرف احسبهن صح .. وشلون اتصرف .. مابقه شي ويجي اسحاق واهله .. شراح يصير وشراح يكلوله ..

اخابره واحذره .. لو انجب واسكت وسالفه سكره ماتنسكت عنها خلي ياخذ جزاته ..

تذكرت من كلي انتي تبعين بسرعه ... وحبج مو مثل حبي الج .. ياحب ياصخام الوجهه وهو سكران .. والله القسمه هاي متصير لو اذبح روحي .. مابي شي وزينه ناس وسمعته ابيض من الحليب وعمامي كلبو الامه وجاسم تخبل .. هسه شلون بعد ماشافون سكران ..

هذا سكر منين .. وين جنت عنه اني من سكر .. شو مادري ولاحسيت بي .. شو ليل كله يدك عليه ونحجي سوه .. ابد ماعده زغل .. ولاعده تصرف يخوف لو مشبوهه ..
احس راسي صار طبل .. غفيت بمكاني ومادريت ..
كعدت على ندهت امي الي ..

دنيا غوربت مو زين نايمه لحد هسه .. اكعد يمه ..

فزيت .. من مكاني .. كتلها اجوو ..

:- منو

:- اهل اسحاق يمه شبيج

:- اي اجو يمه من نص ساعه..

:- ليش ماكعدتيني لعد ياايمه .. كمت على حيلي ..

:- ووووين موليه تردين تاكلين كتله ثانيه .. اكعدي واسكتي .. جيت اكعدج مو اخليج تطلعين جدام عمامج واخوج الي متحلفلج ..

:- يمه الله عليج بس اسمع شيكولون ..

نفضت ايدها مني وكالت لاااا اكعدي وانجبي ..

عافتني وطلعت .. كمت احوس الا اطلع اريد اعرف شنو رد اسحاق .. شنو يكول ..

طلعت وراهه كبل .. وكفت بالحولي .. همه كلهم بالستقبال الزلم .. وامي وخالتي وبناتها بالمطبخ .. خليت راسي على الباب ... صوتهم مسموع ..

وخاصتا جدي وعمي .. جفلت من نضربت ايد على جتفي .. ونسحلت للمطبخ ..

:- يمه بس اسمعععع الله عليج ..

:- ادب سززز لو لكفج واحد من ولد عمج لو ابوج لو اخوج شيكول ..ادماغ سزز ماتفكرين ..

دفعتني للمطبخ .. دااسمع شيكولون شبيج ..

:- شباجه براسك .ماجذبو من كالو عرمه .. ماتوبين لو ماتوه اجيتي تموتين من ضربه جاسم ..

:- خلف الله عليج .. هاي واني اريد اسمع مصيري شراح يصير بي .. يله هيه بقت عليج .. هو اخويه سندي وحزام ضهري .. هاني وكسرني جدام عمامي بقت عليج ..

:- لادكيلي اليتيمه .. تسمع على البوووب ماكو والله والي سماج هنااء افتهمتي ..

خالتي كالت ..ولج جايب عشيرته كلها ..

:- الله عليج خاله .. صدك تحجين ..

:- والله شبيج دصعدي من سطح وشوفي سيارات الي طبكت .. نص عشيرتهم جايبها .. وناس ضلت بسيارات مانزلو الاستقبال مايكفي ..

انداريت على امي اتوسل :- يمه بس اسمع .. زين خلي ميس تسمع .. بس خلي نعرررف الله يخليج مو رااح امووت ..

ماما :- موتتهم اكعدي خفيفه ..

نفخت نفسي وكعدت ... خالتي كالتها دخليها تسمع احنه هم نريد نعرف ..

رفعت اصباعها عليه :- انتي بالاخص اسكتتي ..

خالتي :- ممم جان استحيتي تفشليني جدام البنات ..

امي ماردت ماعاجبها حجيناا .. بس من كبت العيطه فززت وكالت هااا شكوو ..

اجت ميس تعيط كالت ونبي تمالخووو .. الحكوو تمالخوو ..

بس اسمع الربد بالاستقبال وكفنه يم الباب .. صواتهم عاليه .. بس متفتهم شنو .. كلها تصيح .. لا نكدر نطب ولا نكدر نسمع بوضوح ..بس عياط وغلط و ربد .. دموعي جرت على اسحاق اكيد هو الي جاي ينضرب .. يمه اسم الله ..

انفتحت باب الحوش .. والزلم الي بره صاحو يالله يالله ودخلو للبيت .. يمعودين بلا عليكم كولو ياالللللله ..

الاستقبال هوسه بهوسه .. صوت واحد وصيحه وحده سكتتهم ..

:- يابه بالقررررعان ماتصير الك وانااا ابن عمهااا ناهي عليهااا .. وجلمه ثانيه اكعدك فصل .. فهمت لو لا ياابه ..

عيوني على فكتها مارمشت ..

جفلت على لطم امي على وجهه .. يااااعزاا العزاااج حسنه انكسرت قسمت البنت .. يبوو .

بس اسمع اصوات .. استنكرت فعلته .. وكلها كالت لااااا كول يالله .. لاتكول هيج .. حرام تكسر بنت عمك ..

ناس صاحت .. مامريجه منك ابن الاصول .. هيج تسدها بوجهنا واحنه جايين من تلايف الدنياا ..

ناس اسمعها ترد هاهيه ابن عمها نهى مالنه كلمه وياهم بعد...

جدي كال مايكون خاطر الاجاوبد الا طيب حدرو دنتصافه .. البنت مو من نصيبكم البنت ابن عمها رايدها .. وان جنتو تردون المراضاهه ننطيكم غيرهااا .. مو بيت شيخ ال ..... الي يزعل وجوه طيبه ..

جرتني خالتي جر من يم الباب .. تمنيت لو مطرشه ولا هاي الحجايه .. الشهكه بصدري اريدها تطلع ماكوو غصيت بيهاا ..نوبه مال ربو اجتني ..

كمت ادك على صدري اريد اتنفس .. امي صاحت ولجن اختنكت اختنكت تلاحكنها بالجهاز البخار ..

مددت على تخم وحطن جهاز التنفس بخشمي ..مدري ابجي مدري اوون .. على هالقسمه ..

امي كومتني للغرفه .. انام هناك .. سحلني سحل .. امي تبجي على بجي .. وخالتي تهون .. تمددت وغطتني .. ميس لازمه جهاز وكاعده يمي ..

لحد ماغفيت .. ماوعيت الا واني بمكان بارد و ابيض .. فتحت عيوني بالمستشفى .. شجابني هنااا ..

حلم لو حقيقه هااي .. دخلت امي لابسه العباا وجهه تعبان من شافتني ابتسمت .. طلعت واسمعها تكوله كعدت ابو جاسم صحت .. تعال ..

طب بابا وامي وراهم جاسم .. من شفت جاسم درت وجهي ..

خلوني مافرق بين الخيال والواقع كله بسببهم .. راح يخلوني افقد عقلي وياهه صحتي هم ..

بابا كال شبيج بابا ليش هيج انتكستي .. ليش تقهرين بنفسج .. من كال هيج .. انهضمت عبالك اريد حجه... خلاني ادهك وابجي .. حظني .. لااا يابعد ابوج لاتبجين .. لاتعبين نفسك يابه .. مو زين عليج ..

جاسم :- كاافي عااد .. الا تموتين شنو هالمياعه العدج ولججج ..

امي كالته اطلع انته اطلع كله بسببك وبسبب عمامك اطلع .. شمحصله منكم لو صار بيها شي .. بيش فايديني انتو ..

طلع يدردم مو عاجبه .. بابا كال اسوي الخروجيه حتى نطلع ..

باوعت لماما شنو صار ماما شكالو ..

:- عوفج هسه وحيري بمرضج لاضلين تحركين بروحج .. منو فايدج انتي لو انعليتي .. كل شوي طايحه علينه ..

سكتت بس دموعي ماسكتن ..

كالت لو ما الله شكفلج جان رحتي بيهاا .. لكيناج مزركه .. والشفايف بيض .. صدرج مقبط عليج .. شبيج موتي نفسج .. يروح نعال يجي بمكانه الف نعال .. هسه فد نومونه اسحاق ..

سكتت مابيه حيل ارد .. وماارضه تحجي عليه .. الله يعلم بحاله هالمسكين .. هسه شلونه .. مناا راحت الخطوبه وخربت .. ومنااا انضرب ... ومناا تفشل للمره ثانيه جدام اهله .. ومناا نهى عليه الظالم الله ياخذه وسد الباب بوجهه وبوجهه ناسه .. وياضيمي لوو فضحه وشوفهم فديو وهو سكران ..

اباوع ساعه بال1 بليل ياا هاي شنوو .. اجت امي كومتني وحطت العباا على جتافي .. لابسه تراك بيتي .. اباوع جابيلي نعاال خرب اي والله .. حطتها على جتافي وسندتني ..

ابتسمت .. كتلها يمه بعدني مادكيت العشرين وانتي ساندتني لو كبرت شوي شيصير بيه .. تشيلوني بعربانه ..

باوعت عليه بعصبيه .. بعدين بجت :- اوووف على حظج ياحسنه ...شلون حظ على بناتج .. ربي فدواتك الطف بيهن مام
اذيات احد ولا قاهرات احد .. نضرتك عليهن ياارحيم ..

ابويا اجه يتمشى تلكانه .. سندني من جهه ثانيه .. كالنا كااافي بجي ياامره شجاك انتي ..

:- ماشوف حظ بناتك وين كاعد وعلى ياذيال ...

طلعنه بره المستشفى تلكونه بالحديقه جاسم و ابو فهد .. من شفته جيت اتفل عليه .. ماباوعت عليه .. مشه يفتحلي الباب ..

صعدنه بسيارت ابو فهد لان اكبر .. بابا صعد بالصدر وامي صعدت من جهه ثانيه .. باوعت بوجهه كارهه وجهه .. ابتسم :- الحمدلله على سلامه .. باوع على العباا .. كال شحلاتها عليج .. مابقه شي انشالله وتلبسيها دوم .. مد ايده على راسي ونزله وخلاني اصعد .. سد الباب ومشه ..

حقاره يارب حقاره زارعها كلها بهل بشر ، بس عاقده حواجبي وخازرته ، هو ولا يمه ، جاسم طلع بسيارته جدامنه ..

دنيا ليل والجو حلو .. بغداد حلوه بليل رغم ضيمهاا .. ناسها عايشه رغم الخوف وعدم الامان .. اهل بغداد شما يصير يضلون يصرون على الحياه يردون يعيشون .. رغم ضروف تعبانه ..

طلعت اغنيه بالمسجل .. لحاتم العراقي جانت بوقتها .. حلوووين رغم الحزن حلووين ..

حطيت راسي على جامه .. كصتي تلامست بروتها .. صافنه وضايعه بكلمات الغنيه وشنو يعني بيها حاتم ..

من فتنه من يم باب اهل اسحاق دنجت .. خفت العيون تتوجه عليه .. بس جيت ابجي .. شنو يعني هسه كلشي ضاع لو اكو امل بعد .. بيها مجال يرجع يخطبني ..

حتى سالفه سكره ماادري ليش احاول اتناسها .. واذبها براس ابو فهد .. واكول جذاب جاي يلفق عليه .. متمسكه بي واحبه ..

زين ليش مااخابره وافهم منه .. لااا سالفه انتهت بعد والي بينه لازم ينتهي .. مناا وجاي كلها راح تشد وياي وتراقبني ..

غمضت عيوني لحد ماوصلنه التفكير تعبني حيل .. نزلتني امي .. كالت لا تنامين فوك نامي بغرفتنه اني وابوج .. ابوج راح ينام بالصاله يم ابو فهد ..

البيت فارغ كله ماكوو .. خالتي والبنات امبين منظفات ورايحات خطيه .. وجاسم طلع لبيته مااجه ويانه لهنا .. ياسر متانينه بالباب .. تلكانه ..

امي فرشت بالصاله الهم .. نزعت العباا وتمددت .. عفيه شكد نمت اليوم .. اطول يووم بحياتي .. واقرف يوم و اكره يوم .. امي بس حطت راسها نامت .. البيت صنطه والكل نايم .. كمت من مكاني نفسي لعبانه .. مماكله شي .. بس نفسي تلعب .. طبيت للحمام .. كبل تقيئت .. مو اكل بس سائل اصفر مرر..

حسيت عيوني راح يطلعون من مكانهم .. رجيت راسي على سيراميك اريد بروده .. راسي ناار وجسمي يرجف .. حسيت بيد انمدت على راسي .. التفتت عليه ..

:- حدري هاان .. اريد ادفعه ماعدي قوه ..

:- وخررر ..

جرني حيل وكفني يم المغسله :- اششش .. لاتعاندين يابه .. حط راسي جوه المي وفتح البوري الباردد .. يمممممه اااشه ..

روحي سايحه اريد ابعده :- يمعووود ااي .. وخرر ..

رفع راسي ولفه بالمنشفه الي معلكه :- هسه تصحين .. جرني من ايدي اخذني للمطبخ .. كعدت على الكرسي دايخه ..

فتح الكاونتر يدور .. كال وين الصودا ..

:- شنوو ..

:- لاتكولين ماتعرفين صوده شنو هيه وللل ..

اشرتله على الخانه ثانيه .. كام يفتح بالعلب ويسد .. مدري شخبط .. لامندوزي و صودا ومي ومدري شنوو ..

عقجت وجهه من خلاه يم حلكي يله ياابه اشربي شوي ..

درت وجهي بتعب عنه :- وخر ..

:- شوي يااب لاترفضي يله .

:- مااا لااا ..

فتح حلكي وشربه كوه .. جنه سفن بس مطيب ويع ..

:- اشربي ودعيلي .. لامستشفى ولا شي كلشي مايفيد .. غير خلطات جديتي ..

:- جديتك ..

:- اي نفسها جديتج غمزلي بنت عمي ..

كمت من مكاني دراوح انام .. كمشني من ايدي .. التفتت عليه .. وجهه جان حزين .. توه يقشمر عليه شكلبه ..

:- شعجبج بابو طبره هاذااا ..

رمشت على كيف تعبانه من مرضي :- طبرته .. عجبتني طبرته .. ردت بس شوي اقهرره نفس قهر اليوم الي اكلته ..

ابتسم و نكت ايدي حيل :- قصدج عجبتج انوثته المحفحف ..

:- محفحف بس موو سكتت .. خفت اهيجه عليه بهل ليل ..

:- مو شنو باله .. ان جنتي محسوبه على نسوان كملي الي ردتي تكولينه  ..

:- اي حتى تهيج عليه .. وتكعد العالم علينه بهل ليل ..

:- اكظبي السانج وماصيبج شررر..

جيت اروح .. صاااح جباانه ..

التفتت عليه :- لا والله مو جبانه

باوعلي بنظره غريبه :- عجل احجي.. بشنو احسن مني ..

:- ماعدك ثقه بنفسك شنوو ..

:- تخساااا لانتي ولا عشره مثلج . تهزن ثقتي بنفسي . .. كعد على كرسي. رجع جسمه على اليوره طلع جكاره يدخن كلي :- بس سؤال واريد اعرف اجابته ..

:- هو مو مثلك ..

:- اشلون يعني ..

:- بكلشي عكسك .. التفتت وراي خفت احد من اهلي كاعد .. التفتت عليه .. عمره ماغلط عليه .. عمره ماضربني .. طول الوكت محترمني .. من عدا كلامه .. الي حسس المقابل هو بشر مو حيوان .. حسسني حالي حاله مو هو رجال وقوام عليه .. مافرض رأيه عليه ..

:- يعني تعترفين انتي طالعه وياهه وطابه موو .. كاملي .. اني كبل رجعت ليوره ..

:- لاااا والله .. الله يشهد عليه . ابدددد ..

:- لعد.منين جبتي هالحجي .. تقدم عليه وكف كبالي ..

تخابري موو ..

:- لاا ..

:- عجل شلون عرفتي هيج .. ويااولووو اناا رشيد ياول .. مو تجي وحده بكد البزر تضحك عليه . مخابراتج عارف بيها كلهاا وان نطكت انا وتحجيت فومتج على ايد جاسم ..

بلعت ريكي من حجي هيج ..

وابوج يموت من قهره ..ويتفشل جدام عمامج .. ردته يبتعد هالخنيث بدون اذيه بس هو امببن معاند .. وماكو واحد يصعب على رشيد .. سويتله بدل الطبره عشر اليوم بخلقته العاجبتج ..

:- ليش تسوي هيج انته .. لان رفضتك ..ليش خربت علينه ..

رفع حواجبه كال :- لاا .. انتي جاهل بعدج ماتعرفين شي .. وخربت عليج لان هو مو مناسب الج ..

بجيت :- مو من حقك هيج تسوي ..

همس يباوع بعيوني :- لا باله حقي ونص ..

:- دائما تهددد ليش متفهمني ليش تكعد تسولف وياي عادي ليش الا تأذي بكلامك ..

همس شلون يعني اذيج ..

:- هيج حجيك كله دج وتهديد ونتر .. فهمني اني افتهم

تقرب مني حيل .. صدره صار قريب على وجهي :- شلون يعني لازم احجي وياج ..

شفته مو على بعضه .. عيونه تغيرت .. هو نضراته من نوع تحجي .. جيت اطلع .. جلب بيه من خصري ..

حط راسه بركبتي :- كل مااكول خلي تولي ومالي نفس بيها الكه نفسي جذاب كبالج ياوول ..

جسمي كزبر من وره نفسه الحار .. دفعته .. جلب بيه حيل ..

:- انتي الي ياول .. والله اليييي ..

حتولت ادفعه مجلب بيه حيل تالي هدني واني طلعت كبل ركض . دخلت لغرفه امي .. ختلت بفراشي .. يماا عزه بعينه ..

لفيت نفسي حيل بالفراش .. جسمي كله يرجفف .. احساس بجسمي غريب .. احسه ينتفض نفض .. لفيت نفسي اكثر وغمضت عيوني ماريد افكر .. خفت اهلي حسو علي ، بس ماكو صوت ، طلعت راسي من الغطا اباوع من جوه فتحت باب غرفه ، ضوه الحولي مشتغل معناه هو هم كاعد ...

غمضت عيوني حيل ، اريد انسى الي صار ، والي جره طول اليوم ، لاتفكرين خلي ربج يحلها ، رخيت جسمي وستسلمت للنوم

صبح كعدت ..ابو فهد طالع من الفجر .. على الريوك بابا كالي. بابا انسي شي اسمه اسحاق بعد افتهمتي .. وحتى سجى ممنوع تختلطين بيها مفهوم . اذا سمعت غير هالكلام ازعل .. وصلت بابا لو لااا .. .

هزيت راسي ..

:- لخاطرج احجي هيج والله يابابا ميفيدج الولد .. السالفه كبرت وعمامج عندو .. وخاصتا بعد ما العالم سمعت بي نهى .. سالفه خربت كلها ..

هزيت رأسي مأيسه :- هاهيه يابه ..

طلع هو للدوام و ضليت على كعدتي .. تحرمصت اخابر اسحاق وافهم منه ..

كلت لاامي تعبانه اروح امدد .. هيه تباوعلي بحيره .. ادري بيها شاكه بيه .. بس حاولت مااباوع بوجهه حتى لاتكشفي ..

دخلت لغرفتي وقفلتها .. دكيت رقمه .. اجيت اضغط اتصال .. كلبي بمانطاني اسوي هيج بابا .. هذا حبيبي يكفي الي سويته بي لحد هذي الحظه .. والمواقف الي خليتهن بي ..

مسحت الرقم وشمرت الجهاز .. فكرت اذا طلعت نتائج ومعدلي وين اقدم .. ابتسمت واني اتذكر طبيه .. شكد حلو اصير دكتوره .. شلي بالزواج وجع رااس .. ويني وينه ..

ضليت على هالحاله اسبوعين .. لادكيت على اسحاق ولا هوو .. اكيد يخاف لا الجهاز عد اهلي .. واني عد وعدي لبابا .. جاسم يجي يخزر بيه وبس كاعد .. بس احسه يجي يريد يعتذر بس تعز نفسه عليه ..

اني بالمطبخ ميشرب مي يكلي انطيني ميي .. لو اريد اكل سويلي .. اني حتى اخلي يشعر بالذنب اكثر .. اكله تدلل وماحجي بعد .. حتى ماباوع عليه .. حتى يتعلم بعد ميكسر بيه جدام احد .. هو كلبه طيب بس متسرع ويحب الكلب الظالم هووواي ..

امي صاحت انزلي ساعديني بالغده ..

جاي تسوي سبيناغ .. وتمن ابيض وياهه محشي .. كعدت اثرب بالسبيناغ .. اضافري اخظرن .. للعصر وبابا ماكوو .. دوامه يخلص بال3 هو مهندس بالنفط ...

امي دكت على جاسم تساله .. كالها لا مو يمي .. كال هسه اخابره ..

للمغرب دنيا انكلب علينه .. ياسر يخابر .. يكول ماكوو مايرد .. و جاسم اجه وجاب عائلته .. كله ادك عليه وماكوو .. خابرو جماعته .. كالو بصم وطلع ب3 جدامنه  بسيارته .. جاسم دك على عمامي كالهم ماكو ابويا ..

دك جاسم على رقم بابا .. كال توه جان يدك ومحد يشيله .. هسه مغلق ..

اني تخبلت .. احس كلبي ايريد يطلع من مكانه .. خاف مسوي حادث .. خاف تخربط بالدروب هو عده ضغط ..

لل9 عمامي نصهم اجو .. البيت صار هوسه .. طلعو يدورون عليه بالمستشفيات .. اني نوبه اجتني وكعت عليهم ..

صوت بجي امي خوفني .. خفت بابا واكع .. هو سندنه .. ياسر وجهه ميتفسر .. جاسم طلع ويه ولد عمي يدور وياهم ..

للفجر ومحد نايم ...

# يتبع

تشجيعكم 😘 حتى ينزل بارت بليل