رواية ثأر مهري منهاا الفصل العاشر 10 - بقلم اسماء ديمير

《《بارت 9》》

#ثأر_مهري_منها

بقلمي " أسماء ديمير "

استغربت منو هذا .. قريت البقيه ..

:- بوياا الوجهه يضوي كمر والله ..

:- ادري ريحان خما ريحان هالعيون ..

كلهن مفصل وجهي تفصيل ، هذا شبي .. منو .. ضليت مركزه بالرقم ماعرفته منو .. دخلت للفيس ماعده فيس بي ..

عده حساب واتساب .. من شفت صوره انصدمت .. عزه بعينك على هالجرأه ..

زين شلون يجرئ يحجي عن شكلي هيج .. لو مااحنه جوارين .. واهل منطقه وحده ..

وين شايف صوري ويحجي هيج .. وشعجب هسه مو قبل .. اعترف معجبه بي بس مو هيج يتغزل بيه ..

خفت لاتكون صوري عده .. تذكر سجى الرعنه تمشي واطك سلفي نفسها .. اكيد طالعه بيهن اني ..

وشافهن عد اخته .. ادك عليها وارزلها .. هم ميصير جوز متدري .. لعد شلون هسه .. طبيت على حالات بالواتساب ..

كلمه يخبل قليله بحقه الوكي هذا .. بس طبره حاجبه تجيب تايهه .. ماعرف اذا هاي فيكه لو هيه ضربه من صدك .. بس لايكتله ..

هو نازك مو مال ضربه وكاحه .. بس هو هم نازك مو مال يسوي فيكات مال شقاوه ..

سويت نفسي ماعرفه دزيتله منوو ..

رد بسرعه .. ماعرفتيني ..

كتله لاا .. منو وشلون تحجي وياي هيج مو عيب ..

كال على كيفج عيوني ..

دزيت :- عيونك براسك ، ابتسمت .. :- منو انته ؟؟!

شوفي صوره وتعرفين ..

ماتطلع عندي نت ضعيف .. تكول منو لاانطي رقم لواحد من اخواني يتصرف وياك ..

وليش انتي عصبيه هيج على كيفج ..

صفنت عليه كتبت :- جاي تتغزل بشكلي و تحجي عني وتريدني اسكت ..

والله نعمه الله .. شعليج انتي هم ادخلي بخلق الله ..

ضحكت ياا دزيتله :- هاا ..

:- والله .. وربنا كال وكلو ماتشتهي انفسكم .. واني مجاي اكل بيج بس احمد بشكلج .. الي من صدك يجيب تايهه .. تضوين والله ضوي ..

سكتت امبين ملعب كعدت على جربايه انتظر كلامه وشنو يكتب كلبي عصرني من سوالفه .. كتله .. كم وحده كايللها هالحجي باله ..

:- والله هواي .. وكلهن يصدكن الا انتي امبين ماتمشي عليج هالسوالف ..

:- عفيه عليك ابني .. ديله هسه روح ولادك ولاتراسل بعد .. واذا ازعجتني مره لخ بديني انطي رقم لاخواني يتصرفون وياك ..

:- عادي انطيهم رقم شنو يعني ..

:- هاا متخاف ..

:- شيسولي مثلا .. اعرف اخوانج عز المعرفه .. واني وياهم ربع ..

سكتت .. بعدين كتله عيب تسوي هيج اسحاق لاتراسل بعد ..

دز بصمه يضحك ضحكه طويله كال والله انتي شيطانه بس صدك طالعه حلوه ..

:- وين شفتني وتحجي هيج ..

:-والله سجى جانت تشوف صورها لاامي ولمحت صورتج وياهه سلفي ..

:- اسحاق بداعت شرف اختك لاتاخذها ولاتشوفها بعد .. نفس ماعدك اخت اني هم اخت لشباب مايصير هيج ..

:- وداعت عيونج .. بس لمحت الصوره . حتى ماتجرات اخذها من موبايل سجى .. ترى اني ابن ناس .. بس عيونج ضيعني عن اهلي ..

سكتت .. احلف باللع هو شيطان مو اني .. على هذا حجيه ..

:- رديت عليه .. هاهيه يابن ناس الضايع .. اريد انام .. تصبح على خير ..

مانتظرته يرد .. سديت نت و تمددت بفراشي ..

ابتسمت على كلامه المحيل .. خفت منه بكد مامعجبه بي .. اني مو كد سوالفه .. صح افتهم وهم شايفه وعايفه خاصتا النت يعلم والمدرسه هم .. بس يبقه اكبر مني بالعمر ولد هم ..

وعايش بمجتمع وبيئه اكبر من بيئتي ومجتمعي .. ومختلط اكثر مني .. عده خبره وحيل اكثر ..

بس ضلت البسمه على وجهي من كلامه .. اعرف بنفسي حلوه .. مايوم واحد شافني اذا مانعجب بشكلي .. بس من يجي شخص انته معجب بي ..

ويجي يتغزل بيك ويمدح جمالك .. صدك تحس نفسك جميل .. وتفرح حيل بكلامه ..

رغم تعبي بس مانمت ضليت اتكلب وفرحانه حيل .. فجر ويله نمت ..

خلصت العطله ب عقد محكمه ل هند وسيف .. وتحظير لزواجهم .. بده دوام ولازم احظر للمدارس ..

رحت اني وسجى وامي ..

سوك كله سجى ماعاجبه شي .. واني خياراتي اصبحت محدوده بسبب جاسم .. واوبويا يكلي ميخالف اخوج ويخاف عليج ..

بس اني اعرف مو صوجه ولا كلامه هذا .. اكو من يحش براسه ..

سجى ترى هيه صدريه اخذي وفضيها . شلعتي لفادي .

مجاي يعجبني شي والله .. كلهن خرك احسهن ..

خرك بعينج ولج .. فريتي المول فر .. وتصيحين خرك .. دباعي اخذ السوده اني هاي بس اخذ لارج .. شكلتي ..

امي صاحت بيه .. لا عيني يمه لا .. لارج شنو اخذي اكس لارج ..

:- عززااا .. شنو كونيه .. لا يمه عفيه والله لارج جبيره .. دباعيها شلون ..

:- دخلي لبسيها بالقياسات وشوفي ..

اخذتها ودخلت .. عريضه بس مخصره من الخصر وصدر وهو هذا تفصالها ..

طلعت شافتها عوجت حلكها .. كأنو ممقتنعه بس بيها مجال تقتنع .. كتلها بسرعه حتى ماتلحك ترفض واتصر على رفض .. ماما باعي بابا اذا شافها ميحجي ..

هو ولي امري بعد على شنو هالتشدد وياي .. هاي مو حاله والله خانكيني .. هاي هند كلشي تلبس محد يحجي الا اني .. العشيره كلها تتدخل من ديالى لبغداد .. شنو هاي ..

دسكتي عاد .. انهديتي عبالك مدري شكلت ..

ضحكت .. اختارينه كم شغله ورجعنه ..بالطريق تلكانه اسحاق واكف بالباب يم سيارته ..

باوع على امي والتفت عليه .. غمزلي .. ابتسمت بخزره .. صارلي هواي مشايفته وحتى مراسلني من اخر مره كتله .. حبيت التزامه .. امي من الفره تعبانه .. و سجى مدري وين بالها ..فرحت من شفته مشتاقه اله هواي .. لايكله التراك الخاكي .. هو ابيض ..

لمن رجعت للبيت .. راسلني بليل بعد العشه .. خلينه بس اصدقاء ..

ابتسمت .. سديت باب غرفتي وكعدت اراسله ..

دزيتله .. ماكو صداقه بين الولد والبنيه ..

ردلي بسرعه .. :- لا اكو بس احنه ناس متعقدين وما نأمن بهل شي .. خليني اني وياج نرتقي شوي ..

:- احنه عايشين بالعراق على فكره ..

:- اي صح بس خلينه اصدقاء .. واذا تجاوزت عليج احظريني .. هاا شتكولين عايل عليج اني هسه ..

سكتت ..

:- هاا الوو ..

:- ممم . ماشي

:-زين لعد .. جاي تسوين هسه ..

:- كاعده وساكته ..

:-هههه شلابسه ..

سكتت ..:- والله دنعل صفحتك ..

دزيتله :- تحب نتحظر هسه لو تترزل وبعدين احظرك ..

:- لا لا ليش شكايل اني شبيج !!؟؟ ..

:-ليش تسال شلابسه شنو هالحجي مو عيب عليك ترى هاي سوالف مزعطه ..

:- شبيج عيوني انهديتي ؟؟ .. اني لابس تراك .. انتي شلابسه بشنو ضايقج سؤالي ؟؟!..

:- يله اروح باي .

:- لا تعاي .. وين رحتي ليش بالج شمال انتي .. احنه مو اصدقاء .. و الاصدقاء بيش يحجون لعد .. شلابس وين رايح جاي تسوي جاي تاكل ..

سكتت ..

:- احجي .. طلعتي منحرفه ولج هههه ..

- اريد انام ..

- زعلتي شنوو ..

- لا بس نعست ..

- راح ادك وضلي احجي وياي لحد متنامين شكلتي ..

- شتريد اسحاق ..

- انتي شبيج هناء تره ردت صداقه ليش مكبره الموضوع ..

- ماشي ..

دك على الواتساب .. ورديت ..اجاني صوته .. صوته بالموبايل يختلف عن الحقيقه ..

مدري لن قريب عن سماعه هيج .. صوت تنفسه مسموع .. شلونج ..

همست :- زينه ..

- فدوه لصوتج ..

سكتت ..

- احجي هناء ..

- اسحاق ..

- عيونه ..

- ترى اني خوش ابنيه والله .. واهلي مربيني زين .. وادري جاي اسوي غلط ..

قاطعني :- شبيج هناء .. اني اعرف البنيه من نظره لاعبالج .. لو عدي زله وحده عليج ماخلي اختي تمشي وياج .. ادري منو انتي واخت منو .. ونعم تربيه ..ليش تحجين هيج .. مسويلج شي اني ..

- لا والله .. بس اخاف تاخذ نظره عليه .. لان اني نفسي ضايجه من كلامي وياك ..احس نفسي داخون ثقه اهلي .. وهمه ممقصرين عليه بشي ..

:-شوفي هناء .. هسه انتي جبيره مو صغيره .. راح احجي وياج بصراحه .. اني بس هالسنه واتخرج .. ومعايز تعين .. شغل وعدي .. انتضر تخلصين الخامس .. واجي اخطبج ..هسه ماترهم ..

لان اني ممتخرج ولا انتي جبيره ،وعمرج مناسب للزواج ، كبل يطلعون اعذار بانو انتي صغيره واني ممتخرج ..

بعد رفض راح تنفتح عيونهم علينه ، لان خطبتج وانتي مارفضتي ..

:-منو كلك مارفض اذا تقدمتلي ..

:-هاا خير شبيج

:- لاصدك شو تحجي بثقه كانو موافقه عليك

:-وليش جاي تحجين وياي ياحلوه لو رافضتني ..

:-ههه .. محتال والله ..

:- لا والله احبج ..

سكتت .. اول مره اسمعها .. اذني وكلبي نظيفه من كلمات الحب والغزل ، محد كايلها الي ، وحبيتها من اسحاق ..

:- شبيج هنو ..

:- همست ماكو .. حاطه اصبعي بحلكي خجلانه ..

:- هاي احبج وخرستج لو اكلج اعشقج .. واموت عليج ..يمكن تموتين ..

ماردته يستصغرني ، ويكول عني صغيره ، كتله ، لا بس ماعرفت شنو ارد ، على شنو اموت ، بعدني صغيره . واسمع اكثر منها قابل اول او اخر مره اسمع غزل ..

:- هاا ولج ام اسمع عساج لاكبرتي ..

:- هههه

:- فدوه الضحكتج .. لاضوجيني بالسانج هنو .. لاتستغلين حبي الج وتجرحيني بالكلام ..

:- مو قصدي ..

:- ادري بس انتي عدج رده فعل سريعه وقاسيه .. لاحظت بهل كم مره من اشاقيج .. تردين بقسوه ...كليلي لاتشاقيني لو اخجل مو هيج ..

سكت خجلانه منه بس والله اخاف منه .. شنو رزلني وماعرف ارد عليه هسه .. كال هناء ..

:- ممم ...

:- احبج ..

:- هه ..

:- والله ..

:-مم ..

:-كليلي هم ..

:-شنو ..

:-كولي احبك ..

:- ماا ..

:-شنو ماستاهلها ..

:- مو هيج ..

:-لعد شنو ..

:-ماعرف بس احسها مو وقتها ..

:-شوكت تكوليها ..

:-بوقتها ..

:-شوكت وقتها ..

:-ماعرف من يجي وقتها اكولها ..

:-ليش ماتكوليها هسه وتريحيني .. خلني انام على كلمه احبك .. ادري بيها تطلع تخبل منج ..

:-ماتطلع حلوه .. بوقتها تطلع حلوه من صدك ..

:-احبج احببببج .

:-يا صخام ههه ..

:-ههههههه علاء اخوي من جوه يصيح .. انهجم بيتك ياجذاب ..

:- هههه .. ليش يكول هيج ..

:- عباله كل ناس مثله ..

:-ممم ..

:-نعستي مو ..

:- اي .. واريد اغسل وجهي وابدل ملابسي وانام ..

:-دوحي لعد واني انتظرج تخلصين ..

:- باي ..

غسلت وجهي ونزلت جوه شفت الكل نايم والاضويه مطفايه ..شربت مي وصعدت .. باب غرفه هند مضوي .. عرفتها كاعده ..

طبيت لغرفتي وسديت الباب ، تسطحت ، ادك عليه ماادك .. اسوي روحي غفيت .. لو ادك عليه خطيه ..

حبيت ابيع ثكل عليه وغلست .. نمت مبتسمه على خباثتي وياه .. البنيه شكد ماتعرف المقابل يحبها اضل طماعه ومتعطشه للحب .. خاصتا من كال احبج .. احسها طالعه صادقه ومن جواهه .. يعنيها .. ههه نوب عرض زواج ويفكر لبعدين ..

نمت وطايره من فرحي .. وكعدت هم فرحانه وجهي يضحك .. وهاي مو من عوايدي ولاصفاتي ..

امي نتبهت ..

يا خير نشالله تضحكين انتي وروحج ضحكه خير انشالله ..

:-ههه صباح الخير ..

:-صباح نور .. التفتت على بابا توه جان يغسل والخاولي بيده .. ابتسم من شافني ..

حظنته .. احبك حبيبي ..

ضحك حبتج العافيه .. شبيج ..

مابيه سلامتكم شبيكم اليوم .. حلمت حلم حلو وفرحانه ..

دومج انشالله ..

نزل ياسر تريك وطلع للشغل .. بعد الحادثه شغله قل بس هم يطلع .. صح يتعب ورجله تاذي بس هم ميكعد . اخواني متعلمين يعتمدون على نفسهم من صغرهم ..

هند بدلت وطلعت للدوام ويه بابا .. وراهم طلعت اني اتمشى لبيت سجى ..

اول مادكيت لباب فتحه اسحاق عبالك ينتظرني .. وعيونه زعلانه .. باوعلي بعتب بس ماحجه .. صاح سجى صاحبتج اجت .. عاف الباب مفتوحه .

ركب سيارته وطلع ... عزه هذا بس لازعلان .. بس يله حلات حياه بالمشاكل ..اراضي عود .. اجت سجى .. تتعدل بكذلتها ..

كالت صباح الحب ..

هلا ..

خير شو هلا ..

ماكو يمعوده دمشي ..

شبيج عصبيه .. حاجاج اسحاق ..

التفتت عليها بسرعه .. خفت لايكون كايللها اني وياهه نتخابر .. كتلها ليش ..

هيج بس شفته ضايج الصبح .. البارحه مابي شي ..

على شنو ضايج ..

مادري والله .. لبارحه بليل يصيح احبج .. توقعتج انتي .. وهسه وجهه مكلوب ..

سكتت .. خفت احجي شي واجفص بيها ..

خما زعلتي ..

على شنو ..

على اسحاق يحب وحده ثانيه غيرج .. ترى والله لان احبج واعزج مثل اختي .. كتلج البارحه يحجي ويه وحده .. ويصيح احبج ماريد تتاملين عليه .. وهو مو باله انتي .. يمكن اني توهمت و خليتج تتاملين عليه ..

ضحكت من كلبي على حجيها .. الحلو بيها تحجي الحق حتى لو اخوها .. نوب مقهوره عليه .. حسيت نفسي نذله .. بس اخاف لا تجفص بيها جدام احد وطش سالفه .. بعد وين اني وياهه يله نرتبط خلي الموضوع سر احسن ..

بس رجعت للبيت راسلته .. شبي الحلو زعلان حتى ماصبح عليه ..

ماجاوب .. ضجت من تجاهله .. تغديت ورجعت اكلب بالموبايل ..كتبتله .. ليش تغلس اسحاق ..

هيج صارت ماشي على راحتك ..

دزلي شنو شعورج باله ..

شنو ..

هسه ضايجه مو .. تحسين نفسج ماعدج قيمه عد المقابل .. اني البارحه هيج حسيت .. انتظرتج لل2بليل .. تالي عفتيني ونمتي .. واني ليل كله اوهس بيج .. خاف احد لزمج او احد شافج ..تالي تجين صبح الوجه يضحك ولا يمج .. عرفت البارحه مغلسه عليه هاي قيمتي يمج طلعت ..

على كيفك مو قصدي شبيك .. بس اختي اجت يمي تسهر وماكدرت ارد عليه لو اراسلك كبل تسال ويه منو تتراسلين هسه .. لحد ماغفيت .. اسفه مو قصدي ..

وصبح او ماكعدتي ماعرفتي تراسليني وتعتذرين .. لو هيج عبث عدج ..

سكتت .. كلامه يوجع احسه رزلني .

زعلتي لازم .. انتي ام راهي نوب ..

شبيك اسحاق كتلك مو قصدي ..

هاهيه مصار شي بس لاتتكرر نوب هناء .. احنه موصغار .. ثنينه واعين .. قدري مشاعري وقدري حبي الج واني كذالك .. الي حب ينجرح بكلمه ، فاحذري رجاءا ..

:- هههه ماشي ..

:- نوب تضحكين واني شابع قهر ..

:- لا والله بس حلو دروسك بالحب .. جاي اتعلم منك ..

:- بعد عدي هواي شغلات اعلمها الج ..

:-مثليج ..

:-بالسره كلشي بسرعه مو حلو .. وحده وحده حتى ينفهمن ..ويطبعن بالراس ..

:-ماشي ..

:-احبج وزعلان عليج ..

:-فدوه لكلبك لاتزعل ماتنعاد بعد وعد ..

:-فدوه روحج يروح اسحاق ..

:-ههه ..

:-احبج ..

:-ردت اكله اني هم لان صدك حسيتها بس خجلت .. خما بعدك زعلان ..

:-شوي ..

:-صدك ..

:-اي واريد تراضيني ..

:-شنو تريد واني جاهزه ..

:-كبل لاتنامين تحجين وياي .. واول متكعدين تحجين وياي .. هيج نتصافه ..

:-ماشي .. بس خاف عدي ضرف تقدر مو تزعل ..

:-لا هاهيه متفقين ..

:-هههه هاهيه .

:-امشي ادرسي هسه يله ..

:-ماشي .. باي ..

بقت اتصالاته اني وياهه هيج .. بليل وصبح .. ومن اطلع للدوام اشوفه بابهم منتظرني اطلع .. مبتسم لو يغمزلي ..

سجى دائما تسال وانكر لو اسكت اخاف لا تعرف .. مو طبعي اضم عليها بس خفت .. هيه تنقهر عليه .. ههه عباله ازعل او اضوج من تحجي وتكول يراسل ويضحك وفرحان بيها ام الوصخ ..

شايله همي وتوسيني .. وتكلي والله الا اطلعها من خشمها .. ضجت من نفسي عليها ..

رغم هذا هم ماحجيت . عبالك عدي شي حلو اخاف عليه لايخرب من اي شي او يتلوخ سري صغير اني واسحاق ماحبيت ادخل احد بي ..

فد يوم كاعده بالحولي وره ماقريت ومطشره الكتب وماضل شي على امتحانات نصف سنه .. كعدت اراسله .. وهم نفس شي كاعد يدرس ..

وهاي اخر سنه اله ولازم يشد حيله .. حتى يطلع من الاوائل .. دزلي صورته . لابس شورت كابوي و فالينه تعلاكه سوده .. امبين وشم بصدره ..

صوره جانت حلوه حيل .. رغم بعثره شعره بس حلو .. دزيتلك صاك مو بيدك ..

ها ولج اول مره تغازليني شعجب .. كل مره اني اوكف بركن واكعد اعدد الج واسمعج ..

:-هههه لاصدك حلو ..

:-اعجبج ..

:-ممم ..

:-انتي هم حلوه .. وتخبلين هم .. شلابسه باله ..

:-هاي شنو ..

:-عادي شبيج بابا ليش تفكيرج مال كفره ..

:-ههه .. بجامه ..

:-شلون لونها ..

حمره و بيها ابيض ..

:-اموت بالاحمر ..

سكتت ..

:-شلون شكلها ..

:-اكول اسحاق ..

:-عيونه ..

:-باجر من يجيك سؤال بالهندسه .. شتجاوبهم .. ترسملهم بجامتي باله ..

:-ههههههه .. اههه .. اي وانطيهم قياس المنحنيات في بعض الزوايه ..

:-اسحااااق ...

:-كلبه وبيته واهله ...

ماعرف شلون طلعت وياي .. بس صدك حبيته وكلامه عفوي وياي كلبي رجف من نطقتها :- احبك بس لاضوجني ..

مارد عليه .. صار هدوء ... عزه بس لاخرب وتكوم بالكاع ..

دزيتله الوو وين رحت .. اسحاق

:-شكلتي ..

:-شنو ..

:-لاتغلسين .. شكلتي ..

:-ههه احبك ..

:-راح ادك وكوليها ..

:-ماخلاني اكله اني بالحولي خلي اصعد .. كبل دك .. مارديت كمت الم بالكتب حتى اصعد فوك احجي وياهه .. شلتهن رجع دك .. فتحته .. ضحكت يمعود شبيك بس خلي اصعد مو كاعده بالحولي ..

رفعت رأسي داكوم صار بوجهي جاسم وراه رشيد ..

#يتبع

نجمه 😘💜