رواية ثأر مهري منهاا الفصل التاسع وثلاثون 39 - بقلم اسماء ديمير

《《البارت ال36》》

بقلمي "أسمأء ديمير "

اخذته منه وامشيت شوي بعيد اخذ راحتي ...

رديت عليه ، اجاني صوته تعبان شلونج ؟؟

زينه الحمدلله بخير ..

جر نفس شصار وياج ..

ماكو كاعده يم بيبي ..

خما احد محاجيج ..

لاا ..

ياسر حجالي ، الي صار غلط اعرف بس اني هم الي ايد بي وجبرتج تفكيرين هيج تفكير ، نص الوم يوكع عليه ..

جريت نفس ضايجه :- راحت سالفه هسه ، خلينه بالي جاي ، مايفيد الحجي بعد .

سكت ضل يتنهد :- هو هم هيج .. باعي من هسه اكلج بس نعقد يمكن حتى عرس ماكو ، ابويا مو زين هناء مريض ، وحاير بي بالاخصائي يعني مفلس الله يشهد ، مو بخلان عليج .. بس هذا الاكدر عليه خوالي تكفلو شوي من شغلات ..

- مارايده شي بس خلي اطلع منا ، كلشي يتعوض ..

- اعوضج انشالله ، بس كلت اخليج بالصوره ليش تتفاجئين ..

- ابوك شلونه ..

صوته ابنح كوه حجه :- مو زين والله ، الكليه مالته وكفت بس وحده تشتغل .. حاليا بعنه البيت بالكت نكدر انومه بالخاص شوي ترجع روحه ..

- يابيت ابعتو ..

- بيتنه راح انباع برخص ، شسوي المهم الوالد ، اخذنه شقه صغيره قريب المستشفه ..

سكتت حرت نوب بوضعنه ، ومنا ابوو شلت همه .. الله يساعدكم ويكومه بالسلامه ..

- تردين شي .

- حجيت بتعب ، لا سلامتك ..

- خلي جهاز يمج حتى ادك عليج ..

- هذا مال ياسر

- شلون اتصل عليج لعد ..

- هسه اشوف باله موبايلي مو عندي ترة مادري بي وين اصلا .

-'هاهيه احجي ويه ياسر يجيبلج واحد واني انطي عود ..

- لا ميحتاج عدي واحد ، بس ماخذته بببي مني ، عود اقنعها واخذه ..

سديته منه ورجعت نطيت لياسر الجهاز ، كتله على سالفه موبايل ، كال اخذي من الحجيه هو خطيبج بعد ، مالهم حق يحجون ، رجعت كلت لبيبيي هالحجي ، ماحجت ولا ردت عليه دارت وجها عني ضايجه ..

راحو همه بنفس اليوم ، وضليت انا اباوع على سياراتهم الي تبتعد شوكت يجي هاليوم واني هم اولي واعوف البيت وارجع لبغداد ، مرت عمي علي شدت وياي شدت الكفار ..

والله من صبح تكعدني اجلف بالبيت لا تخلي حمام لا مطبخ لاسراميك يوميه شغله يوميه الحوش يوميه حديقه كسرت ظهري جنها تنتقم ..

هند تجي'شوي ترجع ركض تخاف من المشاكل ، علا تجي يم بيبي شوي بس متححي وياي ، هيج على كد سلام وتروح يم بيبي ختنكت حيل ، وجهي بوجهه الحياطين ..

هاي نوبات ادك على اسحاق كوه ، من بيبي تصلي لو تدخل لحمام ، من تشوفني احجي وياه تعصب واضل تحجي وتهدد بيه..

- ممسويه شي ترى خطيبي وياسر يدري ..

من ادشين بيته سوي الي تردي هساع لا .. جرت جهاز واخذته مني بعصبيه ، وين تودي يعني لو بالكنتور الي هو بالغرفه بلا قفل لو فوك الثلاجه والله يالله ..

صاحت مرت عمي كومي اسكي الحديقه لو الا احجي خيه حركي جدامج شوي ،

- ياا هالشغل الي مايخلص ..

- الي يسمعج يكول حاصده لو حاويه زرع ، هنه غسلت مواعين ، وتمسيح بيت ، وستثكلتيهن عليه ..

نفضت نفسي وكمت شايطه والله هدتني هد بالشغل حتى صدري نوبات بقفل علي من وراها ..

باوعت لبيبي اريدها تحجي ، ولا جن يمها ، دارت وجها ساكته ، وذيج مثل الغراب بس تنك براس ،

عفتها تحجي وترزل وطلعت للحديقه اسكي الزرع ، صاحت وراي خلي شي على جلدج مو طالعه بربع ردان بلا حجاب ادب سزز ،

غلست عليها هو منو موجود بس نسوان ، الا هنه نسوان عمي مايسمن نسوان عمه بعينهم طكه انوثه ماكوو..

جريت صونده من يم شباك ، بجرتي للصونده رفعت راسي ، اباوع بالجامه مال المطبخ بعد اكو اثر بوجهي مال ضربه ، عقدت حاجبي دنجت على ايدي ضايجه فتحتها ، الاثر يخوف جرح الي بجف ايد يطلع طوله بال١٠ سم ..

مدري شلون التأم وطاب ، تذكرت من كعدت وصحيت بذاك البيت ، جسمي كزبر واني اتذكر حالي وشلون جنت اون ، لو ابو فهد من جان كاعد كبالي بس ماجنت اشوفه زين ..

رجفت من ذكرها للحادثه لو من مد ايه عليه ، تذكرت بس مو بوضوح ليش مد ايده على تراكي وفتحه السحاب ..

درت وجهي للحديقه صفنه ارش على الورد ، نوب تخيلت سوالي شي معقوله ، لا دخيلك ربي ميسويها هو ، جريت صونده وارش ، نوب شلون شغله لزكت براسي ، اي والله اني شغله وحيده الي متاكده منها اكو شخص فتح سحاب وجر ملابسي ،

بس منو معقوله هو ، لعد منو هو بيت اهله هو جابني قابل منو ، زين ليش ، يارب مايطلع البالي ، خاف اتخيل اني كمت اتخيل بكيفي اصلا وصرت اخاف واحسب ..

زين بيبي ليش تلح عليه وتكلي لو منج ابوس ايده بس حتى ياخذني ، وخسرتي ، معقوله اكو شي وتعرف شي ومادري ، ذبيت صونده ورجعت ركض لبيبيي والله هيه تعرف كلشي وراس الانه بس ماتحجي ..

دخلت وهيه على مصلايه جاي تصلي ، حجيت وياها ماردت .. انتظرت تخلص ، كعدت كبالها اشرلها بيبي اريد احجي وياج مادارت وجهه عليه ، كملت صلاه نوب اني شيطان تربع براسي ، اني بذاك الوكت جنت مادري بروحي ولا بجسمي من الالم والضرب معقوله صار شي واني ماحسيت ، دمعت عيوني والله اذا صدك معناه دمرني ،

معناه صدك اخذ حقه وثاره ، خلصت صلاه واني ضليت اشهك بالبجي اندارت عليه مصدومه شبلاج ولج تخبلتي شبيج ..

تقربت عليها بيبي بداعت عمامي بداعت بابا ، شتعرفين عن ابو فهد ..

شعرف ولج شكوو ..

- من جابني ذاك اليوم شكلج شحجه وياج شنو جان بيه شفتي انتي ..

استغربت عليه :- شاشوف مجاي افهمج ..

-'يعني بيبي ماشفتي شي ، ماجان عليه دم عليج الله كمت ابجي ، صخام بوجهي اذا صدك الي بالي ، كتلها شفتي طالع شي مني جسمي لو اي شي ..

- شجاج يابيبي شجاب سالفه على بالج راحت باهلها ..

-يااهلها بيبي ، ليش تكولين راح من ايدج ابو فهد ، لو منج اجلب بي ، مسويلي شي هو وانتي ساكته ، كولي بيبي حتى مااوافق على اسحاق ، شنو تردون تفضحوني انتوو..

- يااا ،كامت لحيلها مصدومه ، دفعتني قفلت باب ورجعت علي .. شهل حجي ولج يامصخمه فيضحه شنو ، تعاي جاي شمسويه من مكسوره انتي ..

- ممسويه انتو الي مسوين ، والله انتو اهل بلاوي والمصايب وتذبوها عليه والي بس احصل فضيحه وضرب منكم ..

- غير تفهمني بنت جلبه يافضيحه يمعزايه ..

- ليش تردين ازوج ابو فهد انتي ..

- عجل ابن عمج يسترج وين اكو احسن منه ..

- هو مسويلي شي حتى يسترني على شنو يسترني ، والله جنت شاكه معناه صدك معتدي عليه الي ميحاف الله حسبي الله عليه ضليت اضرب بوجهي ، من صدك هسه راح انفضح

هيه صفنت بوجهي متفاجئه :- منيلج هالحجي ولج ..

مو كتلج جنت بيت اهله قديم حسيت بواحد مد ايده على ملابسي وفتحهن والله بيبي ..

-'هااااا طبت على صدرها ، لا يمه مايسويها تربيتنه هذا ، عبالج تربيته سكط مثلج عاب حلكج ..

والله بيبي الله يشهد علي ، انتي ماشفتي شي طالع دم مني شي غريب اي شي ..

سكتت صافنه بالكاع جنها تذكر ، جابج مغطايه بدمج بيبي ماينشاف الج شي من راسج و لجسمج .. من عدا تراب الجان بملابس ...

سندت راسي على حايط وبجيت لخاطر هيج وافق ازوج وماحجه ومانطق ، واصلا حتى ماحاجاني ولاضربني اخذ حيفه وحقه مربع مني .. شمرني شمره جلب ، هسه شسوي شاكول اسحاق شنو اكله ..

هيه هم سكتت ومانطقت شي حايره اكثر مني جرت سبحه تسبح وتستغفر كل شوي تباوعلي واني كاعده ابجي بسكوت ..

تالي كامت لحيلها ، فتحت الكنتور ،اخذت عباتها لبستها وطلعت ، ضليت وراها احسب شراح اسوي شراح اصخم بوضعي ، معقوله اعتده عليه ، اي والله يسويها هو حاقد ويكلي ماتت امي من وراج ،

هيه علا ام كلب حنين ، وجانت صديقتي لحد هسه زعلانه وجها ثكيل وياي ، كيف ماهو ياخذ حقه مربع ، ومايعوف الي اذاه ابد .. .

ليلي ماطلعت من غرفه هم دنيا فوك راسي ، تمددت بفراشي حايره ، معقوله اسحاق يرضى بوضعي ويسكت ، لو يحجي ويعصب ومايرضى بيه .. لا مايحجي هو يحبني هو مو مثل جاسم ولا عقله مثل عقليه عمامي ..

بس يبقه رجال يهناء ، وذيج سالفه تهمهم ، قابل يرضى بوحده ماخذها واحد قبله ، اصلا شنو الي يضمن اله مو بكفي واني مخاينته ، شلون اقنعه شلون اصلا احجيله واكوله ..

ضليت بفراشي اشهك بدموعي ، دك جهاز ماشلته بس اسمع صوت طنات رسائل ، غمضت عيوني اكيد هو ..

حاولت انام راسي صار طبل ، حتى احس نفسي صخنت وكمت اون ، غفيت شوي وفزيت على دكه جهاز . رقم غريب دك اكثر من مره ،

هو هذا جهاز ياسر محد يعرفه غيري انا وبيبي وياسر واسحاق .. منين اجه هذا رقم .. فتحت رساله مكتوب بيها حبيبيج وين .. تعرفين وين ..

كمت لحيلي فازه ، وخرت شعر من وجهي احاول اصحه ،

هواي رسائل بس كلهن بيهن سؤال حبيبيح وين ..؟؟

نايمه ورجليج بالشمس ..!!

تدرين بي طالع ويه صاحبته لو لاا ؟؟

عقدت حواجبي منو هذا ..

دزيت علامه استفهام مستغربه ..

شوي ودك جهاز بيدي فتحت الخط وماحجيت ، اجاني صوت بنت تتماوع ..

الوووو تجر الحجي جرر حتى صوت نفسها باين ..

ماحجيت ضليت على سكوتي متصنمه اريدها تحجي ..

ضحكت كالت شنو خرسيتي يله ميخالف كل بنت يخونها حبيببها هيج يصير بيها تجمد بمكانها هههههااي .

اديه كامت ترجف ، حاولت اسيطر على صوتي وياها نترت بيها منو انتي وشجاب رقمي عدج ..

هو هذا الي هامج منين جبت رقم ، غير من خطيبج اخذته ..

وانتي شجاب خطيبي عليج ..

عفيه هو هيج اريدج شجابه عليه ، طكتها ضحكه جابه الهوى يعمري .. شوفي شنو دزيتلج كحلي عيونج بهل شوفه ..

دزتلي صوره بس مواضحه ، بس بيها اسحاق المكان البي اظلم ، ودخان وماعرف شنو ممبين بس هذا اسحاق ، بالفالينه تعلاكه والمكان مواضح جن ضوه طافيى..

رجعت دكت مره ثانيه .. عطت بيها :- منوو انتي شجاب صوره اسحاق يمج ..

- لا حبي كولي شجاب اسحاق يمج ضلت تضحك جنها تستفزني ..

نترت بيها منو انتي احجي تالي سدته بوجهي نوب حظرتني لا ياكلبه .. رجعت للصوره اريد اركز بيها لكيتها ماسحته الله لايوفقج جاي تلعب باعصابي ..

كبل دكيت على اسحاق ماكوو مايرد نوب شطت عبالك نار استعرت بيه ، ضليت كاعده وادك ماكو رد اصلا ..

كمت لحيلي يارب عونك راح اتخبل اني منا ذيج سالفه ادك براسي ، ونوب هسه هاي ، مدري منو ، واسحاق مايرد منين اتلكاها ..

رجعت دكيت ماكو رد ، ضليت اتكرضم ، من القهر احس معدتي اشتعلت نار ، اكعد وارجع اكوم على حيلي افتر و ادك على اسحاق ، راسي صار طبل ، منو هاي معقوله يخوني ..بالاخر رد كبل نترت بي وين انته مو صار ساعه ادك عليك ..
.

جنه تفاجئ بصوتي :- شبيج ماجنت ادري بي يدك..

عطت بي :- وين جنت واين انته هسه ..

صرخ بذني :- هاي شبيج تصيحين كتلج ماسمعته مشغول ..

- وين مشغول تدري شكد دكيت لو لاا وين جنت ..

- زمخ بيه كااافي عاد شبيج تخبلتي عليه بهل ليل ..

- قاطعته اني تخبلت لو انته الي ماترد عليه واني شكد صار من ادك ..

- كتلج مشغول شبيج ماتعرفين احد مشغول مايكدر يرد ..

-بيمكن مشغول بالله فهمني ..

- ابوي ماله خلك مريض وكاعد مكابله تردين اكابل تلفون لخاطرج ، قدري وضعي شوي شجاج ..

- لايابه طزز بيه اني شنوو طبني مرض ، اهم شي راحتك يمه ...

- لاااا انتي متخبله كلش ، وصايره نكديه والله ، ماشايفه روحج انتي هسه .. بعده يحجي وسديت جهاز بوجهه كعدت بالارض جسمي يرجف احس نفسي بديت انهار ومحد جاي يهتم او يتصرف صح وياي ..

شسوي اني هسه احس دنيا كلها غلط والجاي يصير غلط .. وضعي يم عمامي لو سوايه رشيد لو اسحاق الي احسه متغير مو مثل قبل .. خليت اديه على وجهي كمت اشهك وابجي كانو الكأبه الصارت بيه بوفاه سجى رجعت مره ثانيه ..

للفجر اني بس اتكلب واحوص وعيوني ماغمضت حتى صوتي انبح من بجي ، اذن الفجر راسي مصدع اسمع خطوات بره بالمطبخ عرفتها بيبي ، دخلت للغرفه تفاجئت من شافتني كاعده بالكاع ومكنبصه ، ياااا بيبي شكعدج من وكت ..

ماحجيت ضليت ساكته رفعت عيوني عليهااا ..

انصدمت بشكلي ، شجاج بيبي بهل ليل تبجين شبيج ياامي ..

ضليت اشهك عبالك اريد حجه ، تقربت عليه اسم الله رحمن ياااجده اذكري الله ، كومي توضي وصلي ركعه شلج بهل بجي ، موزين عليج الله يرضى عليج ..

ماريد بيبي عوفيني ..

دكومي توضي وتوجهي لرب العباد ، وكلبج يبرد الله شاهد يله جدامي اسمعي الحجي ..

اخذت بحجيها وكمت على حيلي اتوضى ، دخلت للحمام اباوع بالمرايه وجهي تعبان اصفر ، والعيون منفخه ..

توضيت ورجعت يمها صليت ، خلصت وتمددت على رجليها ، هيه ضلت تقره على راسي وتسبح ، نمت بحظنها ماخليت بالي ،شي ردت بس انهزم من دنيا ، وين تردين تصفه يعني خلي تصفه هو شباقي بيه ، حسيت على صوت يم راسي من رفعت راسي ماكو احد ، لملمت نفسي وكمت ، دخلت للصاله لكيت ابو فهد يم بيبي كاعد هو وعلاا .

سلمت ردت بييي وعلا واخوها مارد حتى ماعبرني ، كالت غسلي وسوي ريوك يمه ..

رحت غسلت ودخلت للمطبخ خليت قوري جاي على نار ، سمعت واحد سلم انداريت حسين ابن عمي علي دخل ، كال هاا شعجب بالمطبخ واكفه مو من عوايدج ..

بيبيتك بعد وراي شلون مااوكف ...

احسن تعلمي شوي صيري مثل نسوان ..

ابتسمت من جذب ، هو جر كرسي وكعد عليه يحجي وياي ، كال منو يم الحجيه كتله علا واخوهاا ..

هاا ابو فهد هناا شعجب ..

مادري ..

بيبي صاحت مااخلص هالباجه شنو هذا من ريوك .

توه يالله بديت بي شنو قصه ،

اجت تتمشى ، دوخري شكد فاهيه خفي ايدج شوي يمه شبيج .. اندارت على حسين ابن عمك جوه ماتجي تدخل يمنه ..

ماكافي عليه مكابلني بالمعمل نوب اكابله هناا لايابه اني شارد منه ..

فوك ممشغلكم عنده هذا جزاته ..

مايشغلنه وياه لو الا يشغلنه عنده ويتزمخ علينه ..

شد حيلك ولملك جم فلس واشتغل وياه مو عنده ...

ليش هو يخلي لواحد مجال ماكل سوك باهله ..

عين البارده عوذه منك مهدود حيله بشغل طول ليل والنهار شعليك منه صير مثله ..

همه يحجون واني كملت ريوك كتلها كملت بيبي

نترت :- ماتودي شبيها ايدج

رفعت حواجبي ضايجه ، اخذته وديته للصاله ماتصدك تلزم احد وترزله ، خليتها بالارض دخل حسين وراي هو بيبي كعدو ، جيت اطلع صاحت تعاي تريكي ..

بالعافيه اباوع على ابو فهد مامعبرني ، هو هيج صاير ولا يباوع ولا ينطق كلمه ابد ، ماعرف ليش حتى لبسي جنت اتوقع يدخل ويحجي الا هسه عبالك حايط جدامي ...

عفتهم وطلعت ، وره ساعه راحو همه ، وابو فهد طلع للبستان .. من صارت صلاه الظهر صاحتلي بيبي توضي وتعاي صلي ..

نوب جلبت بيه ، بكل اذان تصيحلي تعاي صلي ، لو من تسخرني مرت عمي ، ماتحجي تكول اي تعلمي شكو بيها ، مرت عمي نوب تستفحل عليه ماكو شغله ماتشمره بحجه اي تعلمي ..

لا حديقه لا مسح لا جلف لاتركيب والله كلهن براسي ، موتتني حتى قبل لاانام احس حيلي مهدود من تعب ، ماعندي وقت حتى افكر ، اسحاق مادكيت عليه بعد ، ورسايل من هاي بنت بعدها تجيني ، نوبات توصل بيه من حركان الاعصاب ابجي بس مابيدي شي ماعدي دليل .. احسها تستفزني وتلعب باعصابي منو هيه ماعرف عبالك احد مسلطها عليه ..

من كثر نكد الي صار عدي ، كام اسحاق حتى مايرد عليه ، مايوم دكيت عليه اذا ماتعاركنا ، اكله ليش هاملني يكول ابوي تعبان وحاير بي ، لو مشغول عبالك جدامه حجاره ماتحس ..

كلها ماتهتم بيه ، حتى هو اكثر ناس يعرف وضعي ، مع هذا مايتهتم يكلي كاافي دلال ، قدري وضعي حاير بمرض ابوي وتردين دلال وغزل انتي ..

كمت مااتصل ، وهاي تتصل تستفزني ، وصلت مرحله كمت اصخن وبيبي تحير بيه ، مره من كثر شوطه نزلت دوره عليه من وكت كعت عليها ،

و لو ما بيبي والله جان متت ، من وجعي وجروحي مانسه من جابتلي المضمده تضربني ابر ، لو من ادز على علا تسبحني وتغسلي ...

وكفاتها ماتنسي بس كلامها ، يوجع والملامه تكتل ، جنت اضغط على نفسي حتى ماانهار ، خفت من نفسي لا ارجع افكر انهزم منا وارجع لبغداد ، بس خفت على بيبي وخفت لا الموضوع يتكرر اصلا تبت بعد تووابه اذا اعيدها ..

بس الكأبه ونفسه زفت ، وزات شيطان تخوف ، نوبات من اصفن على جروح الي بجسمي اخاف وجسمي يكزبر من اذكر صار ، واكفه كبال شباك المطبخ اسكي زرعات ، كل مااطلع للحديقه اذكر من سحلوني وطلعوني بره ، لو من عماتي وامي وهند يصرخن جوه بالبيت وماخلوهن يطلعن عليه ،

لو من شحطني للبستان ، حتى طلعت الحديقه صارت تغث عدي ، بكل ركن ذكره سوده ،

واباوع بعد اكو اثر بوجهي لاا اكو بس خفيف بده يروح ، دنجت على الجرح الي بجف ايدي ، بالله مايبين بس هذا الي بكصتي شنو ، ماذكر منو ضربني ، ماجان موجود من طلعت من بيت جدي ، تذكرت يم البير من وكعت على وجهي ، معقوله انضرب راسي ،

تقربت اشوفه شكبره ، رفعت كذلتي ، يتغطى بالكذله بس من ارفعها يبين ، تشوه وجهي حسبي الله عليهم ، حسيت على طبه باب سياره وراي التفتت فازه ، رشيد طبك سيارته ونزل ..

ماتحركت بس نطيته ظهري ، سويت نفسي جاي ارش بالزرع ، راح يتخبل علي هسه راح يعصب لو يضربني راح يلكاها حجه مالابسه حجاب نوب .

بلعت ريك غمضت عيني حيل ، فات من يمي ودخل للمطبخ بدون حس ولا حجه ...

فتحت عيوني صدك عود ؟؟؟!!

هذا البارت هديه لبنت ويانه مصابه بكورونا ربي يشفيها ويشفي جميع امه محمد ويبعده عن احبابكم

احتمال باجر مانشر بنوتات ، عدي طلعه محافظات والله ، بس اعوضكم بارتين هديه وره مارجع ..

اغششكم شوي ، رشيد راح ياخذ ربع من حقه من هناء والباقي يتنازل عنه ب..