رواية ثأر مهري منهاا الفصل الأربعون 40 - بقلم اسماء ديمير

《《37》》

#ثأر_مهري_منها

بقلمي" أسماء ديمير "

التفتت عليه ماعبرني دخل للمطبخ كبل ، عقدت حواجبي متصنمه ، باوعت على ملابسي لابسه تراك ربع ردان وشعري لافته بقراصه من جذب  ..

ضليت واكفه عود صدك؟!!!

خاف ماشافني ؟ لا شلون مو فات من يمي بس ماباوعلي ..

كملت سكي ودخلت واني افكر هذا شعجب هيج صار شغيره ؟؟

معقوله هيج صاير لو اكو شي خاف بيبي محذرته ،

ليش هو على اساس'يخاف من بيبي مثلا اذا راد يهطرني براشدي لو يرزلني ..

دخلت غسلت اديه بالسنك واتجهت لغرفه بيبي ،كبل لا ادخل اسمع صوته ينتر معصب يكللها وانتي صدكتيها ، شايفتني ردي لهل درجه ..

لا يمه حشاك جوز البنت متوهمه مو بوعيها ..

مو بوعيها تتهمني ، عوفيها هساع انا اعرف دواها ، الله كريم ..

شناوي يجده سكوتك مو خالي ،

اطلعي منها حجيه مالج غرض  ..

اذا طلعت يايمه تصير كوارث كلي شناوي رويشد .. 

خاله راسي اسمع ، ماحسيت غير صوت مرت عمي صاحت بيه ، خلتني اجفل التفتت وراي ، ورجعت اركض للمطبخ لكيتها تصيح ، شلون عايفه الصونده تفلت ماي بالحديقه ومفيضه زرع ، كعدت ترزل بيه وتغلط ..

ماطلعتي انتي للحديقه اذا ماعاجبج شغلي ..

هم عوزه انشالله اشتغل بالبيت وانتي موجوده ..

قابل بيتي مو بيتج هو ..

لا ترتددين ام حلك السانج اطول منج ، هسه كمتي تشتغلين قبل كم اسبوع جنه نجيب الاكل ليم حلكج ..

لا خلف الله عليج ،  خلف الله على بيبي ، والا انتن كلاص ماي ماجبتلي ..

عوزه اخدم بنت حسنه على تالي عمري ..

سيره امي شكو بالنص لو موتتجن حسنه راح اطكن وتموتن منها ...

يا ادب سزز ، والله صدك انتي بلا تربيه ..

كلمه منا وكلمه مناا لحد ماكبت عيطتنه ، وذيج السان دلاله وصوتها عالي ، نوب  اجت بيبي على اصواتنه ، وذيج جملتها تغلط وماتحترم وشفتي عمه بعينج ..

بببي اندارت عليه كتلها والله جذابه حجت على امي قابل اسكت ..

لا لاتسكتين ام زلم كومي اضربيني ..

شايفتني نايمه بحظن رجال تصيحين ام زلم عيب عليج . مره جبيره خلي الله بين عيونج ..

ياااا تعلميني عيب ، يالي بلا تربيه ..

اي والله اعلمج نوب اذا حجيتيها ، الا اروح اكول لجدي لو اخليها بحلك ياسر اذا مالج رداد .

ايااا الماتستحين ، يالقليله حياا ، تقدمت عليه عود تريد تجرني ، دفعت ايدها ، وعطت بيها ،

تخبلت نوب بيبي ضلت تحجي علينه شلون نتعارك هيه تريد تلزمتي وبيبي دفعتها عني رجعت عليه شلون احجي واتجاوز عليها وهيه بكبر امي ..

ماشوفيها كل حجايه وثانيه تشمر حجي على امي لو تتهمني ، هاي عود مرت عمي شخلت للغريب ، دخلت معصبه وفايره ، يثردن بدمي ، عبالك بايكه ورث ابوهن جدامي ويطعنن بيه يم الغريب شيكولن لعد ، حقهم زلم متخبله اذا نسوانهم مشهرات بيه ، وهنه اعرف ناس بالسالفه ..

حسبي الله عليهم كلهم ، مثل الجلاب المحيضه من تلتم ، دمعتي بطرف عيني دخلت للمطبخ ادردم ... تلكاني بالمطبخ كاعد على ميز شافني دخلت مشعوطه ، وجهه احمر دم مزنبره  ، وهو جهه هادئ مترهي جنه متشفي بيه ..

عفته ودخلت ليجوه شوي ودخلت هيه وراي تحجي وترزل ودردم ، ماحاجيتها وغلست عليها الي بيه مكفيني هاي تاليتها تجي وحده حتى حجي متعرف تحجي تكلي ام زلم ، هنه كورهن وكور امي من زمان مو عاد هسه لكلهن حجه وسالفه يعيرنه بيها ..

بيهن خير يلمن زلمهن ولدهن ويسونهم احسن من عدنا ، حتى بشغل البيت الاحظ عليها تنتقم مني ، بسيطه انا اعلمج منا وهيج والله بعد مااسكت ، الفقير مايعيش يمهن كاعده واتحلف وبيبي تباوعلي وماراضيه تكول مااعم عليج غير السانج ماتعرفين تسايرين وتجاملين ابد ..

هاي مو اختج هند الكل يحبها مايوم شفت واحد رزلها كلها ادافع عنها حتى جدج وعمامج الا انتي مثل الثور الهايج ، تنافخين تردين بشر حتى تنطحي ..

مارديت عليها ترديني اصير مكفخه واسكت ، بعد يومين سوت ثواب للموته ،  وجمعت الحبايب خاف اني عايزه نكد ومغثه ،  عزمت امي وياسر  ،وخالتي سعاد هم جايه مدري شعجب ، كعدتني من فجر محظره الحم ، ومطلعته من مجمده ، وخالته بنص طشت مو نجانه ، تريد نكعد نكطعه ..

دزت على علا تساعدنا ، هيه تكطع وانا لازمه الها العظم تنضف بي ، صافنه صار سبوع ماداكه على اسحاق ولا هوو هم ، مل من كثر المشاكل مدري مل مني ، جريت نفس ضايجه ..

مدري شغيرنه وهيج صرنه ماجنت اتوقع نوصل لهل مواصيل ، اجت رقيه وجاره وراها سلوى والله خفت على هالبنيه ..

راح ادمرها مثل مادمرتني ، طفله وتاخذ بالحجي وابد ماتكول لاا ولا تسال ليش ، لابسه دشدادشه حمره وملابس داخليه مال كبار ، ستيان اكس لارج امبين منفوخ نفخ ..

لعبت نفسي صدك عود وين امها ماشافتها لابسه هيج ، ماخذات ركن هيه ورقيه ويسولفن ويضحكن ، من شوكت رقيه تمشي وترافك الي اصغر منها ، بس هيه منيلها صاحب هااي الحقيره منافقه ..

كملنه شغل وخلينه جداري على نار ، بيبي خلت الخظره بالنجانه وكالت اكعدي على ميز الكطي ،

تكسرت بيبي رحمه شوي مو متت ..

ماتت روحج ماسمعنه فد يوم واحد مات من شغل ، عافتني وطلعت تكعد يم العجايز ، امي وخالتي راحن يشوفن هند مو زينه يكولون يمكن حبله ، وانا هنا حرام عليه اطلع باب البيت حدي للحديقه وبس صار اشهر ، كعدت الكط مدمعه شابعه قهر ..

دخلت سلوى تاخذ كلاصات ، اباوع عليها من ترفع ايدها شلوم ملابسها نشاز ، ماكدرت اسكت كتلها مامضايقج هذاا ..

التفتت عليها هااا شنو

اشرتلها ملابسج قصدت على داخليات مو كبار مايوجعج ..

خجلت ودنجت راسهاا تعدل بملابسها ..

ابتسمت مابيها شي احنه بنات بينه بس اريد انصحج هذا يوجع وممريح لتلبسين دبل اسفنج مايصير ايبين نشاز ..

ردت خجلانه :- هو مضايقني بس حلوو ..

منو كلج حلوو انتي جسمج ناعم يخبل ليش تخربي بملابس اكبر من حجمج ...

مو مكعد دشداشه امبين عدي جسم . 

لا غلطانه مو حلو اصلا نشاز انتي ناعمه وجسمج ناعم بس المنطقه فوك جبيره وهذا شي غلط مايرهم منو علمج هيج تلبسين اصلا ..

سكتت بعدين كالت رقيه كالت حلو يبينج جبيره ..

ليش تاخذين حجي رقيه انتي ..

هيه تفتهم وتعلمني سكتت بعدين كالت تعلمني شغلات مالت  مزوجات لان تكول باجر وراج زواج ..

ليش هيه مزوجه حتى تعلمج سوالف المزوجات ، والله يالله  مالكيتي غير رقيه تعلمج يالله ..

استحي اسأل امي لو احجي ويه امي بهيج سوالف ..

اسالي اخواتج ياداده اسالي امج مو رقيه ، اخذيها نصيحه مني لاكلشي ينكالج تسمعي وتصدكي وطبقي نوب ، اسألي مجرب ، اخذي شور من امج لو اختج ..

داحجي وجفتت علينه سبع البرمبه اني سكتت ، حجت سلوى كالت مو كتلج مو حلو وشكله عيب هسه هناء هم كالت ..

رفعت حاجبها وتهز بجسمها ، هيه شمفهمها هناء حتى تحجي لا تأخذين بحجيها ..

ضحكت مستهزءه بيها لايابه عفت الفهم الج رقيوه ..

اندارت عليه ماعاجبها اكلج عوفي سلوى بحالها لاتخربيها وترديها تصير  مثلج ..

لا لازم ناويه تخربيها انتي وتهجمين حياتها مثل ماسويتي وياي موو باله ..

والله محد هجم حياتج غيرج وغير صاحبج الي انهزمتي وياه ..

الزمي السانج وثمني كلامج لا اكوم احط الطاسه براسج والله عبالج كل ناس مثلج ..

لا مو اني جنت اتختل واخابر واصاحب موو..

كمت لحيلي ناويه والله اجرها من شعرها ،  هاي منو تتختل باله يالمنافقه ، ادخلت علا وسلوى وجرنها ، شطت شوط الكلبه ، شايله حقد عليه ماتوقعت ابد هيج نوب عينك عينك تتهمني جدامهن ..اخذت سلوى وراحت ليم امها مثل امها حيه من جوه  ...

عكارب الحقيرات .. ضليت شايطه رجعت كعدت على ميز انفخ ، انظف بالخظر واحجي وادرم علا واكفه ماحجت ، ضليت اشلع بالخظره حيل واشمر ..

احس نفسي حار ، وراسي صخن ، عيوني دمعت جيت ابجي ، كوه بلعت الغصه ، والله سمعتي صايره مداس ..

اجاني صوت علاا حجت بقهر  :- انقهرتي موو هاي حجايه وحده وهيج انهضمتي ،

رفعت نظري عليها كاعده كبالي عيونها مدمعه .. كملت كلامها ، هاي انتي ام الانه والسالفه كلها طلعت من جوه راسج ، وحجت وياج حجايتين وهيه صاحبتج واجيتي تتمالخين وياها ، وهسه كاعده وتردين بس تتضاربين من العصبيه ..

فكيف بينه احنه لا الها ولا عليها ، ماتت امي من قهرها بسببكم ، من شماتتهن بيها ، شلون خطبت بنت حسنه وعافت بناتهن ، ورقيه نفسها الي انتي كل ماتجين لازم تكعدن وتسولفن سوه ، حجت عليج وعلى شرفج يمنه لحد مااامي انجلطت ..

كامت تبجي وتحجي ، ماتعرفين شصار بينه ، ولا شنو الي انحجه علينه ، طول عمرنه نجي ونزوز بيت جدي بسببج كطعنه حتى جيه ، نادرا مانجي بيبي تعتب نغلس شنكول شنحجي ، شلون ندافع عن نفسنه وهمه اكلونه اكل ..

اخوي الي الكل تخاف منه ، ومن السانه  ، كام ينهزم منهم حتى مايدخل بعزايمهم ولايحظر ، اكلونه اكل  ماحجينه..

وانتي بحجايتين فرتي وانقهرتي ، هسه عرفتي شصار بينه شنو عشنه بسببج ..

نزلت دموعي وياها ، ماحجيت شاحجي شأكول ، ادري غلطانه بس والله توازيت ، كتلها اني ماعشتي الي عشته ، بابا توه ميت واخوج يضرب بيه وياذيني واخواني متمالخين وعمامي يردون يزوجوني كوه لاخوج شيصير بيج ..

والله فكرت اكتل روحي بذيج الفتره بس الخوف من موت منعني ، مالكيت نفسي غير عايفه بيت وطالعه ، هذا جان حلي الوحيد الي براسي  ،

ماجنت افكر باحد غير بنفسي ادري غلطتت بس ساعه شيطان ، ماتتكرر بعد والله تووبه ، هسه جاي اشوف اسوء ماشفت بيت خوالي وعايشه عيشه ماتراد بس ساكته وصابره بالكت الله يفرجها واخلص مناا .

حجت وشلون تخلصين بالله ..

مادري الله كريم...

عبالج من تتزوجين ترتاحين يا هناء ..

ماحجيت ضليت ساكته واباوع بوجهاا هيه هم سكتت وكامت لحيلها وعافتني ..

علاقتي بيها متوتره ، صح ماشايله عليه مثل البقيه بس زعلانه عليه ، احسها مثل امها شايله كلب طيب ، بس صار مو قليل وحقها تزعل على زعل اخوها ..

خاصه همه امحمليني موتت امهم ، قضاء الله وقدره اني شعليه ، هيه بالسانها كالت شماتتهم بيها وحجيهم قهرها وموتها اني شعلي ، اني هم ضحيه حقارتهم ليش محد انقهر لو استخطاني ،

  خلصت شغلي ورحت يم امي وخالتي ، خاله سعاد متغيره حيل ، الترتيب والمكياج الخفيف ، نوب مغيره رسمه حواجبها راجعه بنت ال١٤ من جمال ، نوب سمعت عمي حميد جوه تخبلت ..

احسها تراهق ، تسأل بهند عليه ، شوكت اجه ، وعمتج شبيها وياج .. كعدت يمها اسمع ، تالي سألتها شعاجبج بي لهذا ابو الفواين ..

ياا ولج لاتحجين عليه فدوه لعينه ماشفتي شلون استقبلنه من اجينه والله بعدني مانازله من سياره هو كابل الباب واكف ..

هم حظوظ ياخاله بعد هالعمر يجيج واحد مثل حميد ...

عاب حلج والله يموت بس مرته متعرف اداري بس وكفته هيبه تجنن فدوه طوله ..

لا والله ياخاله انتي مستخفه لاتزعلين  ، شايفته شكد نحيس من يتعارك لو لااا ..

لا خاله هاي انتن غمات ، وماتعرفن تسايرن الرجال ، وتدللن عليه وتاخذن الي تردنه ، شو بضحكه حلوه و بمشيه مايعه و كلمه عيوني وكلبي اطلع اكبر حيه من زاغورهاا ..

من زين اعترفتي هو حيه مو بشر ..

ولج لاتحجين عليه هذا راح يصير زوج خالتج المستقبلي ..

فزيت كعدت على حيلي ، عليج الله صدك ..

ضحكت وضربتي على خفيف ، اششش ولج لاتفضحيني ..

ياافضحج خاله شتحجين انتي ، صدك تحجين ،؟؟ والله بناته ومرته يفضحنج فضيحه لا اله الا الله ..

شحدهن والله واني بضهري ابو سيف فدوه لعينه ..

خاله صدك تحجين لو تشاقين ، ضلت تضحك ماتحجي ، هند مثلي متصنمه بهتت خطيه من خوف ، كالت والله عمتي الا تهججني بليله  ضلمه اذا خالتج تحجي صدك ..

اسألي امي باله يمعزايه ، والله يلتمن عليج يكتلنج خلاص هيه وبناتها اذا سالفه صدك ..

هاي خالتج استخفت ، مافكرت بيج لو بأمي اذا سمعن بسالفتها ..

اندارت على امي بسرعه خايفه  ،  عستها وشاورتها امي لوت بحلكها وهزت راسهاا اي .. نوب مدري شكالت الها وهند تصنمت ساكته ، وتزلغ بخدودها ..

التفتت عليها اشرتلها شكوو ..

فاكه حلكها وعيونهاا مصدومه .، يااا عزاا تقربت عليها كتلها :- مزوجها يعني لو يريد يتزوجها ..

كالت ولج خاطبها من خوالي وموافقين ومنطيها اله ، بس ضال العقد ويكول لجدي بالاول ..

عزاا العزاا العمج اي والله ابو المصايب ..

يااا عمتي تموت هسه من قهرهاا ، لو سيف يمااا شراح يسوي بيه ، على خالتج هجمت بيتنه  ..

اني انداريت على عمتها لكيتها مدندشه بذهبها وكاعده تسولف  ،ماتدري بالدنيا طشت لو رشت انقهرت عليها الصراحه ، كومي يحظي رجلج راح ينوخذ منج ، خرب بحظج ياغافله الج الله ..

بس بعدين تذكرت سوالفها وياي ، كلت كمن من ايده الله يزيده ، ملتهيه بذهبها والقال والقيل ، وتثرد بدمي وبسمعتي ، وناسيه رجلها تالي انكلف منها ..

باوعت لخالتي الي ضحكه شاكله حلكهاا ، هيه دنيا عوجه لو البشر اعوج ، خالتي تطلكت من واحد.مدرس بالرغم عدها منه ثنين بنات جان فقير وحباب بس مادري لبش مانجح زواجهم  ..

وهسه حبت وتريد عمي حميد ومصره عليه ، برغم مزوج ومتخلف ، وهمجي .. شلون مافكرت هيه بيها ، شلون راح تتحمل العيشه وياه ،

لا مثل تفكيرها ولا مثل تربيتها ولا بعقليتها هيه متحرره وتحب طلعه وطبه ،

هو بابه عرب وغيور ويخنك ، شلون رضت بي وتقبلت حياته وبيئته ، لو هوو مرته بنت عمه وام جهاله متحملته ومتحمله خباله شوداه على خالتي شنو عجبه بيها وهيه مو من ثوبه ...

بس هيه على كولت خالتي ، المسايس والكلمه طيبه ، تجر اكبر رجال ، مسويته مثل جاهل بيدها ، ويم مرته ينكلب عنتر زمانه ..

جنها نهايتي مثل ام سيف ، اذا ضليت هيج اتناطح ويه ياهو جاي وما اسايس ، صافنه بيهم واسمع عمي حميد طلع حسه ، وصيح ويعيط

والده هم يحجون ويعاتبون ، وجدي ينتر بعمي حميد يكله ، ولك على اخر عمرك تريد تاخذ على ام سيف اصغير انته ..

لو ولده اكلو اكل ، امي ومانقبل على زعلها ، وماطب بيتنه اذا اخذت عليها ، سيف طلع من مضيف عصبي والوجهه احمر  اجه باتجاهنا ، ينافخ .. التفتت على خالتي بسرعه ..

اشوفها ابتسمت باريحيه ياااا ولاتخاف ..

سيف أشر اهند تعاي ، وكف كبال هند نتر بيها تدرين موو .. هاا احجي ..

هيه حجت بخوف شكوو

ابوي تدرين بي يريد يزوج هااي ، اشر على خالتي ، وهيه نترت بي شنو هااي ولك عندي اسم عيب عليك ..

مالي حجي ويه نسوان اناا ، باوع لهند تدرين لوو لاا هاا تدرين وساكته ..

لا والله لا ،  الله شاهد توه خالتي حجت ، مادري توه سمعت منهاا ..

يعني ماتدرين .  ماعندج علم ..

ضلت تحلف :- لا وداعت ابني  ..

امه حاجته شكو يمه شبي ابوك يصيح ، شبي هو وجدك صوتهم طالع .. ماحجه بس التفت عليها مقهور ورجع بسرعه للمضيف ، نوب اصواتهم طلعت ..

اسمع عمي حميد يكله جاي انطيك خبر اناا مو اخذ رأيكم مو جاهل وتمشون رأيكم عليه .. هذا حقي .

جدي يزمخ بي حقك شنو يالنذل جان استحيت ولدك بطولك ، ومرتك عشره عمر ، تكسرها لخاطر وحده مدري شلون رضت بيك ، وانته مزوج ومخلف كومه ..

ليش شبيه شناقصني وماترضه ، بعدين هذا حق وشرع الله تحرموو شنو عليه ..

ولك مرتك شلون بيها ماتدري موو ...

شعليها هيه مالها لازم مادام مامقصر وياها ..

والله يااحميد ولا ارضه ، تريد تجيبلي حسنه الثانيه لبيتي ماكافي حسنه خربت حسن علينه ، نوب تجيب لي اختها ..

حجي المراه انا ماخذها ، ونطيت كلمه جيت اخبركم بس ، وام سيف ام جهالي وعلى راسي ماقصر وياها ..

احنه نسمع ومصدومين ، مرت عمي سااكته عدها هدوء فضيع ، ولده وبناته تخبلوو بنات يبجن ويتعاركن ويه خالتي  ، وهند،

و الولد صوتهم طلع بالمضيف ماحسينه غير بس ام سيف طفرت على خالتي ونامت عليها تخنكها  ..

امي ضلت تعيط ، ولا وحده تقدمت تفاككهن ، كلهن متشفيات بخالتي ، انريد انجر عمت هند ، من فوك خالتي ماكو جلبت بيها ، بناتها جرنه ميخلن نفزع الها ،

خالتي فاهيه بس ضلت تغيط ، دخلو الزلم على عياطنه عمي حميد شال مرته شيل ودفعها عن خالتي ..

يااا شضال بخالتي الجبه مفتوحه وشعر منثور ، هو ضل يخلي بشال على راسها يعدل بي ، ويكللها والله اليوم اكسر ضهرها الطايحه حظ الرعنه ..

نوب خالتي ضلت تشهك وتبجي ، وتكله لاا لهنا وبس ، مادام احنه باولها كلمن بدربه ، اني ماماذيتها ولايمها وكله من جوه راسك انته ..

نوب هو ضل يتوسل ويتخضع لخالتي وهيه تتونون ،  مرته شافت هيج لو تخبلت علينه ،  ضلت تبجي وتلطم نوب كعدت بالكاع  كطعت بشعرها ، وتبجي ، وتعتب ونوب تغلط عليه ،

احسها مصدومه ومقهوره متعرف شتسوي ،

والله قهرتني من صدك ، شفتها ميته قهر ومكسوره ، ولدها شالوها شيل يبوسون بديها ،  ويرضون بيها بناتها يبجن على مبجاها،  يردن بس يلزمن خالتي يكطعنها ...

وابوهن يسب وينتر بيهن ، ويحلف بالقرعان الي تكرب صوبها ، الا بالعكال اكطعه عليها وادزلها لرجلها مكسره ..

تالي ياسر اخذهن ورجع لبغداد ، وضل عمي حميد ومرته متمالخين ، هند خلست خطيه وتحلف سيف ماتدري ولاتعرف بسالفه ،

هو ساكت مقهور على امه ، جروها جر يرجعوها لبيتها ، وعمي حميد مارجع بات بيومها يمنه ، جدي شكد حجه ورزله هو قافل يكله مو جاهل اني ، ام سيف الها مكانتها وبيتهاا وسعاد اخذلها بيت هناا قريب علينه .. ماقصر ويه وحده بيهن ..

بيبي ساكته تكول منو ياخذ بالحجي بعد هالعمر ، كلها شورها من راسهاا ، تذكرت نفسي من اخذت شور من راسي تالي اكلت تبن ، لو من حبيت اسحاق ، بالاول جنت ميته عليه هسه حتى الحب برد ، من اساله ليش متغير مو مثل قبل  .

يكلي بلا دلال حاير بضيمي ومرض ابويه ، وانتي تردين عيني وكلبي واناا كلبي خلصان من الهم ..

احسه متغير ولا يتحمل كلمه زايده ، منو يسمع والمن اشكي ، اذا شكي لهند كبل تكلي اسكتي مو كتلتي روحج عليه هذا هوو ..

لو بيبي والله حتى تهبدني على راسي ، هيه اصلا ضايجه منه ونكول سرسري مو مثل ابن عمج الي خسرتي ..

مابقه شي على عقدنه انشالله ، امي خطيه محظرتلي فستان ابيض وبي كرستال لونه بنفسجي فاتح ، يجنن ماخذته من الكراده ، عجبني حيل وياه حذاء بنفسجي ، وكالت صالون لو من يمكم لو بنت خالتج تسوي شعر والمكياج ..

وره فتره سمعنه عمي عقد على خالتي ، ويريد يسكنها بيت سيف وهند،  لحد مايشوفلها  بيت لو ياجرلها ، نوب خبل سيف وهند عليه وكبت لعيطه عليهم  ، سيف اخذ هند واطلعو من بيت اهله واسكن بيتهم ...

وامه مايدته مو حبا بهند وبيتها بس حتى خالتي متكعد بي ..

عمي سمع واجه هداد شلون تكسر حجايتها وتوكف بوجهي ويه امك ،ذاك يصيح بيتي وتعبتي تردين انطي الك ولمرتك بلاش شنو مال حرام لو ماتعبان بي ...

زعل عمي وجاب خالتي وكعدها بيت عمي علي بالطابق ثاني ، عمي علي هم ماحجه كله هلاا بيك بيبي وجدي ماراضين بس سكتوو شافو تبهذل ..

والله ماعرف اضحك عليهم جنهم مراهقين ، لو انقهر على خالتي الي تبهذلت بسبب شخص حبته ، هو متخلف همجي مدري شعجبها بي وميستاهل عوذه منه  ..

بس من شتفهم شلون عشاك ، جنهم عصافير حب ، والله احنه نايمين بليل ، وهمه صوت ضحكهم بالحديقه يوصل ليمي بالغرفه ،

لو من نصب اكل ، ماتاكل خالتي الا يجي وتفلس الحم والاكل جدامه ، ماتحط لكمه بحلكها الا هو يجي ، قبل لايجي تسبح وتتعطر وتتمكيج وتروح للغرفه ، اصلا ماتنزل يمنه كله فوك ، لو هو كبل لا يطلع تركض وراه بالعطر وتعدل بملابسه وتتدل عليه ، يمااا لعبت فلك خبلت مرت عمي علي ، نوب مرت عمي علي تجيب وتزن بام سيف وتنقللها الحجي ..

هيه لو خالتي هم جافيه شرهن ، وكضيتها تعدل بروحها لو تخابر خالاتي ، ماتجي وتكعد يمنه ، نادرا الا من هو هناا ،

لحد ماخذها وره اسبوع وطلع لكه بيت قريب صغير اجار وطلع بيها ، ام سيف سكتت شسوي مثلا بعد هالعمر ، قابل تعوف بيت وتخلي يدخل بي وتحتل الاكو والماكوو ، لا كعدت على كلبهم ، ونوب تتشرط ..

واذا مانفذ الي تريده لو تهد عليهم لو تهج جدي والده على عمي ، ويجي يرضيها ويله تسكت ..لعبت بيهم طوبه بس هو يجي ساعه وبعدين يطفر يم خالتي ، وبعد ميلفي هم خلصتنه منه ومن حشريته الزايده ...

بيوم منهم كاعده اصلي يم بيبي ، بعد ماحصرتني ، يله جدتمي توضي وتعاي ، بالكت الله يهديج ،

شبيه خبله مثلا والله يهديني ..

والله الي تسوي سواياتج ذره عكل ماعدها ،

بيبي عوفيني لخاطر الله لاضلين تنكين براسي ، ادعيلي الله يسهل امري ..

والله مايسهل امرج مادام ظالمه البشر وماراضيه ربج ..

باوعت عليها فرشت المصلاه وكعدت يمها ، محد مظلوم غيري ،

عاب حلكج محد مندك بيج والي يندك اتمديله السانج هالطول وتصيحين مظلومه ..

خنست ومارديت بعد ..

تباوعلي بطرف عينها وصلي ، ادري صلاتيش هاي ، حدها للسكف وترجع عليها ، كملنه صلاه وهيه تخوز بعيونها و تنافخ . 

انداريت اكوم والم المصلايه ، جفلت من جفته واكف يم باب ومجتف اديه ينتظر انخلص صلاه ،

#يتبع

رجعه يابنات 💜 انزل بارت صغير المغرب انشالله تعويض .. اعذرونه على الاخطاء ترة بلا مراجعه  ..