رواية ثأر مهري منهاا الفصل الثالث وثلاثون 33 - بقلم اسماء ديمير

《《 البارت ال30》》

#ثار_مهري_منها

بقلمي " أسماء ديمير "

كعدت على حيلي بسرعه ، استغربت صوتها ، اي هيه بلى ، خاف متوهم ..

كلت:-  منوو حتى اتأكد ...

كالت :-  ابو فهد اني ام امير اسفه اذا ازعجتك ..

عقدت حواجبي ساكت ، ادحك للساعه بال١٢ بليل ، شبلاها اكو وحده ادك بهل وقت جنها بايعه مستحه هاي  ..

حجت متوتره  :- تسمعني ابو فهد الوو ..

نترت :- منين جبتي رقمي يابه ..

تلعثمت :- من ، هذا ، شسمه العامل ، كتله اتشكر منه ونطى الي ..

كتلها :- اي  تفضلي 

سكتت بعدين كالت :- كانو دكيت عليك بوقت غلط مو مناسب موو ..

زمخت بيها ضايج :- احجي يابه خير اكو شي ..

تنهدت :- والله ماعرف شنو اكلك بس مستحيه منك ..

استغفرت ربي كاعده تتمايع عليه بتالي ليل ، جني عايز شلعان كلب اناا ، نترت بيها كولي من الاخر يابه مالي خلك ..

حجت بسرعه خايفه :- رايده شغل منك ، والله ابو الاجار صار سبوع يدك باب عليه ، لحد مانحصرت ومالكيت احد ادك عليه وانخاه غيرك ، فدوه لعينك اي شغله والله راضيه ، ابو شقه هدد يطردنه  اذا ماسددته اله مال شهرين  ..

:- عجل قبل شلون جنتي تسددين ..

:- امي جانت تسدد هيه خياطه وتشتغل وتصرف علينه ، هسه هيه راحت ارحمته وصفيت اني وهالطفل ، الله يخليك اي شغله كون زينه ونظيفه والله مستعده اشتغل حتى لو عشره باليوم هم نعمه ..

باله هاي وين الكالها شغله ، كتلها احد كلج اشغل نسوان اناا ..

حجت بفهاوه :- هاااا

سمعتي ، منين ادورلج شغل يابه ، رجال انا شغلي كله يحتاج زلم ، منين الكالج شغله تناسبج ،

سكتت بعدين صوتها تغير جنها تبجي :- كالت والله راح يطردنه هالاسبوع ، انطاني مهله بس هالاسبوع اسدد مال شهرين ، منين اجيب اني .. يشمرنه بالشارع ، زين مايصير تشغل امير وياك ، والله هو حباب وفقير ، فدوه لعينك اي شي ..

غمضت عيني بقله صبر :- طفل يابه طفل شنو اشغله حمال خما حمال هو يله سبع سنوات ، شغله لاخرى شلون تامنين على ابنج بنص السوك وجمله وتشغلي ..

صوتها يرجف وتبجي :- جارتك كولي شأسوي ، ماعدي حل ..

حجيت باجر امر عليج والله كريم .. سديته منها ، بدون مانتظر ردها .. شمرت جهاز ليغاد ، ساعدها مره وحدانيه وعدها طفل اكسب اجر بيها ..

غفيت وانا هاي فكره بالي اساعدها وبس مادريت موازين  راح تنكلب عليه ، من بعد هاليله ...

صبح كعدت كبل سجاد ، لملمت كعده ورجعتهم للبيت ..  دكيت على علا كتلها جاي صاحبي وياي حظري ريوك ..

كعد يفرك بعيونه بعده مطفي ، كلي :- شدعي عليك نمت نومه تلعب نفس هنا على الارض وبنص الحرمس كله لخاطرك

:- داز على خلقتك انا اجيت فرضت نفسك عليه مثل ذبانه الي اطنطن براسي ..

:- اليل كله اركع بيك مواوويل ، انفهه عنك ،  وتالي اطلع اشبهه ذبانه ،  خلفله عليك هو انته مايغزر بعينك ، شماا اسوي وياك ..

:- لاتنفه بعد عمك مره الاخرى ، ماحصلت منك بس وجع الكلب ، وشخيرك الي هجج الواويه عنه  ..

:- بالقرعان انته فلا تستحي يارشيد ، صوجي شايل همك ومكابلك ، اودعناك ..

عافني ومشه ،يدردم ،  صحت بي تعاال ولك شلون خليتهم يحظرولك ريوك ، يلوك لحلكك ، تعال بالقرعان كيمر و دبس وتشتهي نفسك ، بس  تعال ياول يالجلب ...

صعد بالسياره قبلي ، يكلي دياله دشوف ريوكك هذا شلونه ، صعدت واخذته للبيت دشيت للديوان وياه ، طلعت من يمه رحت لعلا ، بست راسها ، شلونج بعد عيونه لاخوج ..

همست لحمدللله زينه ..

بعده وجهج اصفر ياولو  مامرتاح ..

ضحكت تخفف التوتر وخوف :- مابيه شبيك تكبر بالموضوع ..

دحكت للطباخ ، حظرتي لو بعد ، كثري الكيمر جايب مطي مال اكل مايشبع ترى عيب يفشلني ويفضحني اذا ماترس بطنه ..

كالت :- لااا اترس مواعين انشالله ولايهمك، ابيض وجهك كون .. 

كتلها من تخلصين دكي باب واني اخذه منج .. دشيت يمه شوي ودكت باب اخذت صينيه منها حطيتها كبال ،صدك بعد عين اخوها تراستها ترس ، ايدها طيبه وخيره مثل ايد امي تبيض الوجهه ..

كتله :-  يله يابه سلمي بسم الله وتزقنب ، كون بعد اشوفك يمي هاان بالبيت ،  لو تلفي مو تتلهس عليه يومه غدوه وعشوه وريوكات فهمت ..

ماحجه لف لكمه جبيره بكد جف الايد ،  وترس حلكه ، كال اكمل ريوكي وارد عليك ، لاتخلي عينك على لكمه رشيد صد غاد يرحم امك ، تراني عزيز امي لااختنك ..

كل شوي شافط استكان جاي ويريد بعد ، وانا ساكت واصب اكو خطاري وعيب ، توه اخلي لكمه بحلكي واسمع صوت ربده تخوف بالمطبخ وتكسير كزاز ، طفرت اركض سترك يارب سترك ..

فتحت باب وطلعت اركض ، لكيت علا مددت بالكاع ودمايتها تسفي ، عطت بيها ولج علاا بعد اخوج  شبيج ..

الطباخ مشتغل نار والوصله لاهبه نوب جلبت نار بالبرده ، خرب عشيرتي اي والله ، عطت ولك سجاد ولك الحك اخوك ..

دش يركض وك هااا شكوو ، انا اخوك يارشيد احترك البيت ..

طفر يجر البرده من الشباك نوب ماتنجر مجلبه ، انا شلت علاا شيل خفت عليها من نار للحولي ،  ورجعت عليه لكيته شايل القنينه وشامرها بره ، ويترس بالمواعين مااي ويكلب على البرده ..

دفعته وفتحت البواري وخليت جدريه ترستها وشمرتها على البرده ، طفه جزء بسيط لفيت وصله على ايدي وجريت برده وكعت بالكاع طفيتها  ..

انداريت عليه يالرعن اكو واحد يطفي بماعون ،

رد عليه مستهزء :- عجل بالجدريه احسن مووو ؟! خاب ماسكت روح شوف اخيتك جنها ماتت ..

ماتت روحك كون اي والله ،  طفرت اشوفها هاي صدك خاف بيها شي ، صحت عليه شغل سياره من حتركت لشتك . 

لفيتها بعبا امي وشلتها شيل صايره خركه بيدي عمت عيني ، خليتها ليوه بحظني هو ساق ، كال وين كتله للمستشفى كبل ، صار سبوع مالها خلك وانا ساكت اباوع لوجهه ، عدها ضربه فوك كصتها نوب تسفي دم ، ضغط عليها بيدي ، كون بفادي ولا بيج  ..

وصلنه كبل للطوارئ .. اخذوها مني سسترات ، جن اخذو روحي ، دشداشتي كلها دم من راسها ، دكيت على نغم وكتلها روحي للبيت علا تخربطت واخذتها للمضمد لايضل بالج ...

كعدت على كراسي مهدود حيلي ، راح سجاد جابلي كلاص ماي ، بلل ريكك يمعود وجهك اصفر شبيك ..

هزيت راسي حاير بظيمي ..شوي وطلعت الدكتوره ، وكفت لحيلي بشري يابه ،

كالت انته شتقربلها ، حجيت انا اخوها ،خير خما بيها شي ، هيه صار فتره تشكي من دوخه وراسهاا ...

كالت مابيها شي  بس سوء تغذيه ، ومنا جايتها دوره وعدها نزف ، فطبيعي جدا اصير عدها دوخه ، انداريت على سجاد اخزره لكيته طافر من يمي ، انداريت عليها ، كتلها وهسه شنو حلها تحتاج انقللها دم شي ..

:- لا لا ماله داعي مجرد مايخلص المغذي ، وتعتني باكلها وشوي فيتامينات ترجع طبيعي انشالله ماكو شي ..

سالتها وراسها ، عدها ضربه براس ، باين من واكعه ضاربه راسها بشي ...

:- اي فعلا عدها فوك الحاجب ضربه خيطناها الها خياطين مو اكثر مايضل اثر بالمستقبل ..

اخذت ورقه الادويه اجيبهم الها من صيدليه ، تلكاني سجاد، نطيته اله كتلها جيبها يرحم اهلك ، دكت عليه نغم مخترعه من شافت المطبخ مرمد والقنينه مشموره ، والارض المطبخ كلها ماي ، وتبجي وتحلف خما علا بيها شي لو محتركه ومااحجي واكللها ...

نوب بيت جدي يدكون متخبلين وعمامي ، لامه العالم نغم بالعياط والصياح من شايفه مطبخ ، انا هم صوجي ماكتلها بس خفت تخترع لو تفزز  ، هيه ماعايزه كلت تشوف بعينها ماكو شي وتسكت ،

جدي اجه هو وعمي سلامه للمستشفى ماصدكو من كتلهم بس فقدت الوعي مابيها شي ، للظهر وطلعنه ، شلتها شيل مثل طفل ، هيه مبتسمه بحظني ..

خليتها بالسياره وره وجدي كعد بالصدر ، عمي سلامه تطمن وراح بسيارته للبيت ، رحت على سجاد اخذ منه الادويه ، تكاني هاا همشت جيس الادويه منه ، عفته ومشيت ..

صاح وييين ابوو فهد ويامن اروحن للبيت ..

مانداريت عليه رفعت ايدي ولي ..

صاح وراي :-  على الاقل افلوس الادويه ولك صدك انك صويحب ردي ..

مانداريت عليه ركبت وحركت سياره ، عفته وراي يدردم ،  وهو يدبر اموره ،  عجل هو جاهل ويتيهه بيتهم ،  هم عوزه اركبه وياي بالسياره ..

وصلت ونزلت علا تمشي على كيف دايخه ، نغم بس سمعت صوت باب انفتحت طلعت تركض مخترعه تبجي ، الوجهه احمر والعيون مطعونات دم من البجي ، شبيج يامعوده جن ميتلج ميت هاج هاي جدامج مابيه شي ..

حظنتها وتبجي :- عبالي خسرتج مثل امي هو شبقالنه احنه .. وذيج هم كابلتها تبجي ، كتلهن دشن جوه دشن ياول كمان نوح داخل  ..

البيت هوسه ، بيت عمامي كلهم موجوده والحجيه تباوعلي بعتب زعلانه ، دخلتها جوه وصعدت ابدل ملابسي الي انعدمت ، صعدت سبحت وغيرت ملابسي ،  تعطرت ، فتحت جرار اطلع سبحه وساعه ،

شفت خرزه ويه ساعات ، شلتها بيدي ، مو غريبه عليه ، عقدت حواجبي بضيجه وانا اتذكر ، هاي منين ، من ثوب الي اخذتها الها مال مهر ، خاصه من منطقه صدر ،متروس خرز من هاي ، تلمستها باصبعي نسيت يارشيد.لو بعد ، غمضت عيني بسبب رجفه كلبي كارهه روحي وبذكرها .

رجعتها لمكانها وصدري مخنوك ، وين مكانج ، ماخليت مكان يعتب علي بغداد فريتها فرر ، لا مستشفيات لا جوامع لا حسينيات ، حتى بيوت خوالها راقبتهم ، وماكو خبر ..

والشفيه محد شايفه يكولون صار اشهر يشتغل بره بغداد، هزيت راسي الله كريم ، وين تروح مصيرها توكع بيدك ،  نزلت بالي دايخ ،  وانا على درج واسمع حس وحده من نسوان عمي تسولف بالحولي ( مكان يجمع ابواب جميع الغرف )   ..

وجديتي تنتر بيهن يسكتن ، وصلت بيج ام لؤي تشمتين بالوادم حرام عليج المره فاكده رجلها وهسه ولدها تطشرو ..

:- والله لو ما تربيتها عوجه ماتطلع خلفتها هيج وتفضحها بين ناس واطيح ماي وجهه اخوانهاا . 

:- عجل الحجي مو كال الي تفك حلكها بهل سيره ماتلوم غير نفسها ، ماتخافين انتي ام لؤي ..

حجت ام حسين :-  هساع شكالت يااعمه لو حجايه الحك ينزعل منها ، شوفي شلون الله جازاها ، ضلن يتبطرن وشايفات نفسهن ، تالي بت محد يعرف وين ولت ، والامايه مشموره بالمستشفه حيل بوو زايد ..

:- لاتشمتين ام حسين ربج مايضرب بعصاا ،  المرض مابي شماته ،  اسكتن هساع لا بس يجي الحجي اهجه عليجن بالقرعان ..

دشيت كبل جفت عليهن هنه خنسن ،  خزرتهن ، اريد مره تفك حلكها الا اكرها بساعه دشت بيتي ، انتظرت وحده تحجي وتكمل حجيها ماكوو ..

جديتي قطعت السكوت ، كالت شلونك جده كواه الله ليش مختفي ..

ضل نظري عليهن ، مدنجات ومالهن حس كتلها  :- ملتهي بارض الله حجيه ، شلي بمكابله البشر ، الشغلته بس نفاق ..

حجت مره عمي سلامه ،  :-  اكول ابو فهد ، كلك عمك على المشايه جايه لعلاا ..

عقدت حاجبي ضايج  :- اي  شبيها ؟؟؟

نطت مره عمي حميد :- يااا شبيها يااعمه ، غير الولد لكطه من الله ، دارس وحليوه وابن اوادم ، ليش اختك ضاله بحدها بهل بيت هالوكعت اليوم لو ماانته موجود جان الله يعلم شيصير .. زوجها عمه وخلي تروح بحال سبيلها ..

:- مستثكله كعدتها انتن شنوو ، منو اخذ رأيجن بزواجها ، انداريت اعاين على علا ،

وجهه مغندب وضايجه ، كتلها :- اذا مارادت زواج اهي مازوجها ، واذا ماجان صيته وصيت اهله يشرف ماانطي مره لو مو يتوسط اهلي وعمامي لخاطرها ، هاي اخر العنكود وحبيبه اخوها وعزيزه افاده ، اذا ماراضيه ماتصير قسمه ..

:- ياعمه وين تلكه احسن من ابن اخوي ، والله دره مال الله وعمك يعرفه ، واهله خوش ناس مالهم حس ، وانته يعمه ، كاضي نهارك كله بالشغل والبستان وهيه تضل لوحدها بهل بيت خاف يصير شي وهيه لحالها امن عليها يم رجال افضل ..

:- من شوكت وبيت رجال وناس الغرب امن على بت ، من بيت اهلها ، شو صايره تهذرين مرت عمي شبلاج ..

:- ياااع اناا اهذري خلفله عليك هذا وانا رايده مصلحه اختك ..

ابتسمت :- رايده مصلحه ابن اخوج مرت عمي .  درت ظهري ماخليتها تكمل هم عوزه انطي اختي الكم ، لو براسهم خير جان نطتهم عمي بنته رقيه ..

تلكتني نغم تغسل لفهد ملوخ نفسه ، تحجي ودردم وضايجه ، صفنت عليها حايره بينه وشايله همنه ،  حاجيتها لاتسوين غده راح اجيب من بره ، لاتعبين روحج  ، وره الغده لزميهن باب ماريد ضيجه خلك ،

ردت :- على اساس اني رايدتها ،  والله بدي ادخل اشحطهن كلهن براا ، بس عيب من جديتي ..

جيت اطلع ورجعت انداريت عليها متردد اسأل .. عاد كتلها ..

:- اكول نغم

:- هااا

:- ام جاسم شبلاها سمعت بالمستشفه ...

رفعت حواجبها :- مادري اني هم سمعت بس ماسألت ..

هزيت راسي وطلعت اجيب غده ، مريت لمطعم عرف وصاحبي ، دائما اخذ منه شغله نظيف ..

اخذيت وطلعت للبيت ، وراي روحه للسوك هم ، للشورجه اتسوك للمعمل ، وهم امر لابو الاجهزه الالكترونيه اشتري كامرات للمعمل ، سالفه الفلوس الي نوخذت ماناسيها ، بس خلي اضبط وضعي بالاول ..

خليت الاكل بالمطبخ واشرت لنغم ،  خلي يكملون ولزميهن باب .. 

صاحت ماتاكل اشرتلها لاا من ارجع عود ،

مشيت لابو الاجهزه ، اسأله على كامرات ، كال عدي نوعيات صغار وكبار ، واكو امهات رام واكو ينربطن بالموبايل مباشرتا ..

شوفني سيت كامل ، ست كامرات اصغر من جف الايد ، تنربط على الموبايل مباشرتا ، صفنت عليها والله تفيد ، بس تعال هاي شلون اربطها وين اخليها بدون محد يحس ،

اخذت منها سيتين ، كلت واحد للمعمل ، وثاني للبيت كلشي يصير ، اتفقت وياه يجي فد يوم من انا ادز عليه وانطي كروته كامله ، اتفقت وياه وطلعت ..

اتجهت لبيت ام امير ، اخذتلها مسواك وصعدت فوك ، مالي نفس ادخل بس مجبور تورطت بيها ، دكيت باب طلع ابنها من شافني ضحك ، ورجع يركض يصيحها ...

وووين تااخرت يله طلعت ، تعدل بدشداشتها ، صفنت عليها هيه مو حزنانه ، امها مو ميته ، شو ثوب ملون مالتها ، اجت تبتسم وتهلي بيه ، ابنها شحط مسواك ودش ..

توسلت ادخل كتلها لااا عدي كم كلمه ورد غطاهن ، بس بالاول خذي هذني ..

نطيتها اجار شهرين ومصروف هم ، لحت ادخل للبيت ، دشيت متردد ...

كعدت على تخم بالصاله ، هيه شالت علاليك ودخلت ركض للمطبخ ، اعاين على البيت والرطوبه صاعده على حياطين ، ومكفع الصبغ ، لو تخم تعبان يزيط جواي ، بس فارشه جرجف عليه ومنظفته ،

لعبت روحي ، شهل عيشه ياربي ، شلون ساكنه هناا ، قطعت صفنتي بسؤالها ، شعجب مريت علينه ..

بلعت ريك مدنج راسي ، استغفرالله هالمره فتنه مدنجه تحط  صينيه الجاي كبالي ، ونص صدرها باين ، شو وازاك ودشيت يالاغبر ...

كتلها جاي اكالج حل لوضعج ، انتي مو تردين حل لو لاا..

- اي والله الله وايدك فدوه لاتقصر

دحكي علي زين يابنت ناس ، هنه خيارين عدج واختاري الي يناسبج ، وانا انشالله ماقصر وتعرفيني زين ..

كالت :-  كول واعتبره تمم

:- يوواش لاتحجين ،  من دون متعرفين تفاصيل يابنت ناس ..

حجت متحمسه وعيونها تلمع :- لا راضيه والله ،  انته ابن حلال والك مواقف ، ميحتاج اجربك موافقه شنو تكول وياك ..

:- لايابه اسمعي وبعدين احجي ، وانطيني رايج .. حجيت سالفه كلها ،وشنو الي ردتها ،  توقعت تقاطعني ، رفعت راسي مستغرب سكوتها ، لكيتها متفاجئه ، كمت لحيلي كتلها الي عدي كلته والباقي بكيفج بعد ..

حجت :-  هاهيه موافقه ..

تصنمت بمكاني .. دحجت عليها زين ركزت بيها مبتسمه ، تعاين علي ..  فكري زين يابه ..

:- لا مايحتاج  ، موافقه هاهيه  ..

عقدت حواجبي درت وجهي عنها ، نظراتها مو مريحه  ، كتلها اعوفج يومين تمخمخين السالفه ، لاتستعجلين ، حتى ماتندمين بعدين ..

طلعت من يمها بسرعه ، درت ظهري عليها واكفه لحيلها ، تفرك بديها ، مشيت وعفتها ،

مشيت الايام هيج ، كلها متشابهه ، شغل وبيت ومعمل ، وضيجه خلك ، ماتغير شي ، غير شي بالنسبه الي بس سالفه ام امير ، نقلتها لغير شقه هيه وابنها ، نظيفه وقريبه علي هم ، بس البال هم ماصفه ، صورتها مرافكتني حتى باحلامي ..

جاسم كطعت وياه ، كمت من اشوفه دوبي سلام ، واعوفه ، امها سمعت ضاربتها جلطه بس ماسامعه ابنها ياسر محبوس بتركيا بسبب عركه ويه اتراك ...

ماكول تشمتت ، بس سبحان الله كثر من ارعن ، ومستخف شجراه عليه ، واخته الي يجي يوم وتوكع بيدي هم ..

دشيت للمعمل ، لكيت سجاد واكف يم عبد اخو يسولف ، التفتو شافوني ..

دخلت كبل للمكتب ، التفتت يمنه يسرى ،  وين اخلي هالغضب من دون ماحد يحس ، دش سجاد يفر بالسبحه سلم ، رديت عليه ، صحت لعبد يجيب جاي ..

شوي وجايه النه ، وجهه ضايج وثكيل ، ماعبرته ..

اخوط بالستكان صافن ، سجاد مامرتاح يحوص ، صويحبي واعرفه ، من عده شي يريده يكوله ، جنه مره تطلك ،

تالي  سألني :-  اكول ابو فهد بس امانه الله ماتزعل ...

رفعت نظري عليه ، خير ياااطير

:- خير يصيبك ، بس بهداي جاي اتفاهم وياك اني لاتستعجل وياي ..

:- اكول تحجي لو شلون ترى مالي خلكك ..

:- هذا الله يسلمك ، مره مو دزيت الاهل يمشون الي منكم مره عودن ..

حجيت بضيكه خلك:-  اااي

بلع ريك :-  انته تعرفني كلش زين ياول ،  وتعرف اخلاقي ، بس جدك رد اهلي وما عاطهم ، اذا رديت مشيت مره الاخرى تنطوني ..

:- هاي شوكت مشيت ولك علينه

:- قبل سبع اشهر تقريبا  .

:- ماتذكر

فهه بوجهي :- صدك تحجي لو تتقشمر وياي

:- متقشمر وياك انا كبل بهيج سوالف ...

:- لا بالعباس ، بس عليش ماتذكر وانا داز امي الكم مرتين وجدك يردهاا ..

:- ياول يالجلب ،  ادز اهلك علي بيت حجي ،  وماتجي تكلي بوجهي رايد منك مره  عود ليش ..

:- غير الاصول تكول هيج يابو فهد .

:- والله انك ماتعرف بالاصول ابد ، عجل خلي اكلك جدي حتى ماكلي بسالفه اهلك ، عبن ماينطون لغريب لو تنكلب دنياا هاا هساع فهمت ..

:- لاااااا بروح امك ابو فهد رايد اناسبك لاتسوي هيج ..

:-  يااول ماننطي اكطع سالفه واسكت ..

دار وجهه ضايج : شناقصني عود ماتنطوني ،

ماناقصك شي وعلى راسي تعرف غلاتك عدي ، بس مو وكت زواج ، وتراب امي مانشف ..

:- خلي ينشف وارجع اخطب مره الاخرى ، بالعباس الا اسكن بابكم اذا ماتطوني ..

:- ليش تخليني اهبدك بكله افر راسك فرر شنو تسكن بابه ولك ..

:- يابه رايد اناسبك شبلاك انته ، بالله ميت على نسبكم ..

كتله يصير خيرر وسكتت بدشه عبد ، شال الصينيه واجه يطلع ، صحت صيحلي الولد وتعالو باله ..

صاح لؤي وحسين و اجه ، كتلهم يوم جمعه تفضون المعمل اريد انظف المكاين واجيب عمال يسوون سبالت ، لخاطر التدفئه وتبريد للقاعات ..

سال لؤي شسوي بالسبالت ، مصاريف زايده علينه ..

:- مالك غرض يابه ، انا اريد ارتب معمل شوفو شغلكم انتو وخفو اديكم منا ليوم جمعه ، كون تفضون معمل من بضاعه .

طلعو من يمنا ورجع التفتلي سجاد ، ول رشيد اكول ..

غمضت عيني بقله صبر :-  كول

هو شسمه ، يعني ، اكلك هيه هاي اختك نفسها المشيت عليها الي وكعت ذاك يوم ..

رفعت راسي علي متفاجئ :- لا يالنذل خال عينك على اختي

:- يابه مو طلبتها منك شبيك جاي اسالك انطي مجال داحجي وياك ..

:- بالقرعان اذا ماكمت من يمي الا انطيك دفره اسكطك بيها

كام لحيله :-  تدري مو صوجك صوجي انا مكابلك والا انته احلف عليك مو عاقل وبيك شي ..

:- كمت لحيلي عليه منو هذا مو العاقل ولك

طلع بسرعه يضحك ، عود خابرني بعد كم يوم مخنوك وتصيح الحك لخوك ضااايج ميت كهرررر 

رفعت ايدي اسب بي ،  هيه هم عوزه انخاك يالردي ابو عين الصلفه ، خال عينه على اخيتي نذل ، ماتجي ذره من جدامها ..

كضيت شغل الي بالمعمل والحسابات راجعتها ، هم لاحظت اكو اختلاف بالحسابات صح قليل بس مو غشيم انا ، من كل طلبيه واستلام ، ينقص اقل من ٥٠٠ الف بس من ينجمعن عن كل طلبيات يطلعن بال٣ ملايين ..

كمت على حيلي ضايج حيل ، شوكت تجي جمعه دافتهم راسي من رجليه .. ، كظت ايامي مد.وجزر ، سجاد يلح على سالفه خطبه واني مغلس مو تقليل من كدره الا سالفه صعبه وامي ماصارلها هواي من ماتت ،

ذبيت نفسي بالبستان ومناك امر شوي لبيت الحجي لان دومهم زعلانيين علي ، اخواتي مايوصلن عرفت يسمعوهن حجي ومايتحملن شماته ، بيتي وياكلون من ماعوني ويشمتن وينطنها بالعظم فكيف لو ايتفردو باخواتي ، بس هنه يتصرفن صح وكطعن رجلهن من الاساس ..

سلوى كل فتره تجي ، وتحاول وياي صح مالي خلكخا ولا مستهويها بس سوالفها تشيب جن واحد يعلم بيها ، تتصرف تصرفات كبار رغم صغر عمرها الا احسها تحاول تكبر روحه ، انا من اشوف هيج اشبع قهر دخيلك ربي هيه هاي راح تلزم بيتي ..

خلي شوي افضه واني الكاها حل ، بس خلي تنسي السالفه ، عمي سلامه حجيت وياه بسالفه  ام امير ، وجن ماراضي بس بعدين من شافني مصر اقتنع ، هو كل مره هيج من امشي بهيج دروب يحجي ويرزل ، بس بعدين ينحصر ويرضه ،  ويسكت ويكلي كون فتره وتترك ،  ماتضل الا توصل سالفه لجدك ..

ركبت سيارتي رجعت للبيت ، سألت علا اذا محتاجه شي داجيبه الها من سوك ، بنات عمي يمها وملتهيه وياهن بالحياكه صار فتره ، ينجمهن ويجن هنا ، ماحب كعداتهن بس لخاطر علا تمل لوحدها ، واخاف عليها لاتوكع ومحد يمها ..

صعدت غيرت ملابسي وتعطرت ونزلت صحت لعلا ، انا طالع وجوز اتاخر وره ال١٢ لاتنتظريني قفلي البوب ونامي ، كالت رقيه راح تبات يمي عادي اضوج بحدي ..

بكيفج يابه ،، بس قفلي البوب وراي ..

ركبت سيارتي وطلعت للمجمع اخذت بيدي مسواك و حلويات ومعجنات بقلاوه ، وطلعت كبل للبنايه الي بصفه  ..

قفلت سياره  بالكراج ، وشلت الغراض وصعدت للشقه .. توه ادك باب انفتحت بوجهي ، طلعت تضحك حظنتني حيل وتشم بركبتي

:-'شتاااقتلك مووت ليش تاخرت علي !!!!