رواية ثأر مهري منهاا الفصل الثالث والعشرون 23 - بقلم اسماء ديمير

《《البارت ال22》》

#ثأر_مهري_منها

بقلمي " أسماء ديمير "

كلامها وترني سألتها بزعل :- لعد ليش ساكته ،  وعايشه هناا انتي ليش بعدج راضيه بالاذيه ..

- لخاطر سيف حبيبي وابني .. البنت من تتزوج وتخلف ياهناءماتضل ذيج البنت المدلله بيت الاهلها ، وحياتها مو الها لوحدها .. حياتها تنوهب لاطفالها ،

ومكانها بيت اهلها مايضل فارغ ، وحتى وان جيت لبيت اهلي ماراح احس براحه وامان مثل قبل .. جذب الي يكلج بيت الاهل مفتوح شوكت مايعجبنه ..

بيتنه وحياتنه ، تصير بيت زوج ،  من يوم القررت اخلف ،  معناه قررت اقسم سعادتي وحياتي بالنص .. نص الي ونص لابني .. قبل لاافكر اترك بيت عيالي ، لازم افكر بابني راح يتبهذل بيني وبين ابو ..

ماريد ابني يصير ضحيه ، وادري بعمتي راح تزن على عمي ،  حتى تكبر المشاكل ، وكعدتي عد اهلي اطول ،  وسيف يبتعد عنه .. اصبر والله كريم سيف خلاها براسه الطلعه منا بعد ماطرحت بس يريد كم فلس نبني بيها وتخلص انشالله معاناتي ...

:- شعجب الله هداه  لرجلج وخلاه يفكر بالعزال .. دومه رافض الفكره ويريد ابو يبني اله ويله..

جرت نفس كوه تحجي :- من شاف اذيه امه .. حامل كوه اتحرك عبن طفل نازل ومارحمتني .. من حاجها تنتر بي تكله تريدنا نخدمها انشالله ، خايف على نقش الحنه ،  لو خاف تخشن جفوف اديها ..

وفوكاهه خلتني اغسل البيت طابقين ، وسطح بذيج ظهريه لوحدي ،  لحد ماوكعت بالسطح بالساعه ومحد داري عني ،  لو ما يصعد سيف ويفكدني ، شعجب مموجوده بالبيت  جان متت بمكاني .. كامت تشهك وتبجي  ..

كمت حظنتها ابجي وياهه ، كالت حسيت شي انشلع مني والله ،  جزء من جسمي وكع ، حسيت بي من مات ،  حسيت بروحه الطلعت ،  جنت متأمله اخلف بس هالاثنين ،  واكعد عليهم لحد ما الله يفرجها بس الله ماكتب ..

كولي الله يمعوده زلم مشوربه جاي تموت .. على الاقل انتي جنين صغير تخلفين غيره وغيره .. حيري بصحتج بالاول وبابنج ، ان خسرتي صحتج منو يفيدج ، لاتقهرين روحج الله يعوضج انشالله بغيره ، بعدج صغيره كبرى الي عدج والله يسهلج انشالله ..

اندرعت باب فجأه ودخلت حماتها الثانيه مزنبره .. خلت طفل على جربايه يشهك بجي ،  وكالت ابنج لعد متسمعي يبجي ما تكولين اكوم اشوفه شبي مابي .. خنزرت بوجهي وطلعت .. ياا من كبر اي والله باوعت على هند هااي شبيها ..

ابتسمت شايفه انتي ؟؟! كلشي مشايفه ..

:- ياهو جاي راكع باب شنو لا مستحه لا كحه لادكه باب هاي دائما هيج حتى من رجلج هناا ..

:- لا من سيف هنا ، شحدهن البنات يفتحن باب ، فجأه يخافن منه  ومن عمي ،  لان سيف يكله عليهن ،  بس عمتي لاتحشم عم ولا رجال ، وان دكت باب مره وثانيه مانفتح تكلب البيت حجي وصياح ، وتوصلها لبيت جدي على نايمه وساده باب وندك بيها ومتفتح النه ..

:- لعد الموت كرف بس زين ماكرف عمتج ..

:- اسكتي يمعوده لايسمعن .. تدنت شالت ابنها واني رحت اسويله ممه انطي الها تشربه ،  امبين نعسان نوب يبجي خطيه داعي طينه .. انطيتها اله وطلعت ادور على امي .. طلعت رقيه من المطبخ كالت راحت لبيت جدي ويه عماتي تعال نروح وراهن بسرعه لاتشوفني امي وتجلب بيه  ..

طلعنه البيت جدي ،  لكيناهم مجموعين كلهم ، امي وجاسم وعمي سلامه وام رشيد وعماتي .  يشربون جاي بالصاله .. جديتي لامه الحبايب وكاعده ، كعك وجاي بالكاع وجدي كاعد بصفها على قنفه يشرب جاي ،  وياخذ من ايدها كعك .. كعدت بصف ام رشيد ..

وجهه تعبان واصفر حيل ،  مكعديها على كرسي متحرك عرفت قبل فتره ضاربتها جلطه .. تباوعلي وتبتسم .. لزمت راسي وتغطي بشعري ..

رفعت راسي اباوع لرشيد الي عينه عليه ، وعلى شالي وشعري طالع منه كذله ، ماحجه ولاخزر ولاشي ملامحه هادئه حيل .. رمش بعينه وباوع على جدي ،  التفتت ناحيه جدي لكيته يباوع علينه كبل دنجت راسي ..

كال :- اي ابو فهد ماحجيت ويه جاسم على خطبه،  لو نقره فاتحه هناا ، ويبقه بس العقد مادام موجوده البت بيتنه ، هو هم يعتبر بيت اهلها واحنه مسؤلين عليها ..

رفعت راسي بساع على جاسم متفاجئه  .. عقدت حاجبي وعيوني دمعن ..  جاسم باوع لاامي حتى ماعبرني ..

كاله جاسم :- مو وكتها جدي ،  احنه جايين على هند وسالفتها ، اما سالفه هناء بعد وكت ..

:- عجل شوكت متكلي شنهي فايده وضلت البت بلا خطبه ولاعقد ..

حاجى ابو فهد كله :- مو وكته حجي،  خلي تطلع سنه عمي والله كريم ممستعجلين .. رفعت نظري عليه يباوعلي ..كمل كلامه ممستعجل اناا .. كلشي بوكته ..

رد عليه ضايج :-  على شنو تأجيل يابني ، هو سنه عمك ماضل الها الا شهر .. واحنه اهل مابينه احد غريب .. خلي نفضها هسه ليش نخليها لبعدين..  الحي اولى من الميت .. انتو مو تعزون ابني اكثر مني بس انا اريد أمن على بنياته ..

امي مارضت كالت :-  لا حجي سالفه مو وكتها سنويت ابوها بعدها ، وهم نسال البنت مره لخ ، مو تدري هيه ماراضيه من وكت حياه ابوها،  شنو قابل مالها دور..

حجه عمي حميد :- شنو ام جاسم ، شو هم رجعنه على سالفه بنت ماراضيه ، شنو احنه كبالج جهال مالنه رأي تمشين رأي البنت علينه  ..

:- حشه ابو علي .. بس هم الله مايرضاه زواج بغصب .. ادري احنه يااوكت وبعدنه مناخذ رأي البنت ..

شو عمي من يمه كام ينتر ويباوع عليه ويرفع باصبعه  .. ليش هيه يطلعلها واحد مثل ابو فهد حتى تحجي ام جاسم ليش تأيدين بنتج  على الغلط .. احنه عمامها حجينه وخلص فضت راحت دلال بنات ماعدناا خوش ..

حجايه منا وحجايه منا نكلبت سالفه عركه  امي ماراضيه وجاسم يهون بالموضوه وعمامي وجدي حادين سنونهم .. رشيد ساكت ويباوعلي يفر بسبحته بضوجه .. صاح يووواش يوااش يزي عاد .. سدو الموضوع شنو قصه عمي مو وكته ..

حاجاه جدي :- شوكت عجل يابه ،  شنو ضلتهم ببغداد ،  بس نسوان ، جاسم خلص بيته وبعده مربوط عدهم ، شنو لازمته مايجي ليجاي هاان ، ويجيبهن وياه يكعدون يمنه ..

. كل ضله بغداد مالهم بعد ..بيته وكملاه وذاك البيت يضل لياسر ،  هذا اذا جان ناوي يرجع بعد ،  اذا ماحلتله الغربه وعيشه بلاد بره ..

امي كالته :- ليش حجي تقسم بكيفكم ،  ليش بنات شنو مالهن حصه تقسمون بورث مرحوم .. اني وهناء مالنه كعده هنا ولا يم جاسم يرجع ياسر والله كريم ..

عمي زمخ :- لا هاهيه البت شسوي بالورث ام جاسم .. كلمن بركبه رجال ورثهن شيسون بي .. خلي نعلك كرون بعد وتمشينه انتي ..

صاح ابو فهد كول الله عمي شنو القصه ..

:- عينك جااي تشوف محد يحترمه .. وكت نسوان تمشي كلمتها علينه ..

حجه جاسم :- حشه عمي على راسي انتو ، بس ابو فهد ابو الانه كال مو وكته .. خلي نأجل الموضوع يرحم موتاكم .. صلو على محمد ..

جدي وعمامي دكو .. رجل لا بالقراعان ماكو طلعنه منا ان ماقرينه فاتحه وتتسجل البت باسم رجال حتى نامن .. قابل كايلن يتزوجون لا شوكت ما ابو فهد يقرر عود نزوجهم بس هسه لازم تصير بأسمه ..

ولا جن بابا ذاك اليوم مات .. كلها تصيح الحي اولى من ميت .. شبيها ناسنه تخبلت ليش بابا ماله معزه ..جدي يكول مو تحبين ابوج اكثر مني بس اريد امن على بنته يم رجال حوك حتى ابوج يرتاح بكبره ..

اباوع لجاسم ردت يباوع بوجهي ، ويحس برفضي وزعلي ،  ساكت ماحجه ،  ولا رفع راسه الي ،  جن يعرف ماراضيه ماراد يانبه ضميره ويرجع بكلامه ..

قرو الفاتحه واني كاعده بنصهم ،  على اي اساس قروها واني ماراضيه .. جنهم قرو فاتحه على روحي الي حتركت وطفه الضوه بعيني .. تجاهلو وجعي على بابا تجاهلو دموعي وعيوني الي انكلب لونهن احمر ..

شجاهم الناس انمسحت رحمه من كلوبههم .. ماكالو يتيمه نكسر بختها وبخاطرها لخاطر حفيدنه ، لو لان ولد واني بنت .. لازم يكسرون بالبنت لخاطر الولد ، حقدت عليهم حقد ..

بس الله يعلم بي ، تمنيت الهم الموت بذيج الحظه ، كون يفطس واحد منهم ويحترك كلبهم مثل ماحركو كلبي ، الصخونه صعدت راسي من القهر ، مشيت وانا اجر بذيال الخيبه ، لو مسولفه الغريب على سوالف اهلي،  جان كالو مابيهم رجال هالكسرو بخاطر يتيمه ..

عكس ماهمه يشوفهوها رجوله وسباعيه منهم ،امنو على بنت مرحوم وخلوها جوه جناح رجال ...

واني عفتهم وكمت دموعي يجرن ..

لحكتني رقيه تبجي ، ادرم على جدي ،  وتحظن بيه ،  وتكول الله يعينج عليهم ،  نوب التمو عليج كلها ،  ياريت بس رشيد لا نوب عمامي صافين وياه ..

ضل جو متكهرب وامي حتى عشه ماتعشت ، ضلت يمي بغرفه بيبي ،  جابو النه ، العشه بيبي تهدي بيها وامي مغندبه .. تكللها اني ندمانه بكد شعر راسي لان نطيت هند تردين نوب اطي هناء لا والله ابد ..

ثاني يوم من صبح طلعنه للبيت ، والكل ماراضي بيت جدي وجوهم ثكيله علينه ، وامي سلمت من وره خشمها وطلعت ..

درب كله امي تزن براس جاسم ،  وتذكره ابوي مات وماراضي ،  ودير بالك تفكر تجبر اختك ،  ويجي ياسر ونتفاهم .. هو بس يكللها الله كريم يمه نكعد ونتفاهم ..

ردت يندار ويسالني وياخذ رأي ، بس ابد ماسواها .. اخوي واعرفه عقليته نسخه منهم ،  عدهم مبدء البنت ماتعرف مصلحتها ،  همه افهم منا عبالك حيوان بلا عقل ، بس هم بشر يفكرون ..

لمن تتزوج وتشوف ضيم من رجال والعيال ،  يكلولها انتي ماتفتهمين ماتعرفين تحوين رجال .. خلفي واربطي بيج .. وهكذا لحد ماتلكه نفسها على فراش الموت ، لا راضيه الي حواليها ولا عاشت حياتها نفس متريد ،  ولا حققت شي بحياتها ..

بس وصلت صعدت لغرفتي بعد مانزلت .. دموعي يهلن على خدي ، المن اشكي عد منو اختل من هاي البشر .. حتى هند ماتطمنه عليها زين حياتيج عايشين همه ،

والله مو حياه خاليه من عاطفه وحنان .. ولا يقدرون مريض ولا تعبان ولا مره مسكينه مستضعفه لا ابد ..

دفنت وجهي ابجي .. اريد حل شلون هسه .. اخابر خالتي سعاد تلكالي حل هسه دكيت عليها ماردت  .. لا اكيد امي هسه تسولف لخوالي وعود اخذ نصيحتها سديته منها ضليت هيج لحد مانسطرت وغفيت بمكاني ..

كعدت على دكت جهاز شلته ونومه بعيوني خالتي .. كوه رديت عليها سالت شعجب داكه عليها مو عوايدي ..كعدت اسولفلها وابجي كالت هينه اجي  ونفتهم سالفه ..

ثاني يوم البيت متكهرب امي متحجي ويه جاسم .. وجها محتقن .. رواء بالغرفه وجهال سوو البيت هرج مرج .. كالت خابرت ياسر يشوفله حل لو احجي ويه خوالج شنو شافونه بحدنه وهذا اخوج الاغبر مامنه فايده صاف ويه عمامه ..

ضلت الايام هيج افتر مثل المزهوره وره امي ،  اريد حل ماخلت خوالي ماحاجتهم ، كلولها احنه خوال مالنه حق ،  نحجي واخوانها موجودين ..

ياسر من كالته خابر جاسم يتعارك  ، وشلون تنطيها واني مموجود ،  وذاك يرد ممزوجها بس قرينه فاتحه ،  بس هاهيه خطبه بين الاهل مامجاوزك اني .. تعال انشالله وتصير كعده ثانيه ..

خابر عمامي ونفس الكلام ،  ارجع ومايكون خاطرك الا طيب قابل نكرهه،  بنتنه ونريدها النه ، ليش ياخذها الغريب وماتعرفو شنو ماشنو ..

تفاجئت بجيه سجى النه بمغربيه .. اعتبرها مغربيه سوده عليه .. من هلهلت اخبار المحبوب وسواد صاير الجوه عيونه .. بكد قهري من اخوي وسندي،  بكد ماخفت لا توصله الاخبار ويكرهني .. وصدك ماكعدت ربع ساعه واجت رواء تتمختر تكللها شنو اجيتي تباركين لصاحبتج على خطوبه ..

سجى بهت وجها وبحلكت بيه متفاجئه خطوبه شنوو

:- يااا مو ذاك الاسبوع قرو فاتحه خيه،  وانخطبت رسمي لابن عمها بديالى ، عبالي تدرين ذبت الحجايه وكامت ..

اني على كعدتي مافكيت حلكي ولا رديتها .. باوعتلي باسف وتتحسر .. مانطقت كلمه شالت جنطتها وكامت ..

وصلت للباب وحاجيتها سجى ..

ندارت دموعها بعيونهاا .. شأكله هو داني اشوفج .. هااا ليش ماحاربتي مثله ..

انهضمت حيل وبجيت .. انتي هم ابنيه وتعرفين يعني مكسوره جناح بلا بابا اني مكسوره والله ..

محد انكسر بكد اسحاق حبج بلا مقابل ، دفع ثمن صحته وعافيته وسمعتهة بين كرايبنه ، يصيحوله محبس حبيبته شحصل من حبج كليلي ..

طلعت وطلعت وراهه اتوسل بيها تفهمني لو تحاول تبرر موقفي اله .

فتحت الباب ، كالت نفس ماانتي صاحبتي وصديقه عمري ،  بس مو اعز من اخويه .. صحبتج لهنا وخلصت وياج ، واخوي اني راح اكله انساها ، راضيه بابن عمها وخلص موافقه .. كاافي اذيتي هواي ..

طلعت وسدت باب بوجهي ، جنه نفس نكطع بروحتهاا .. خسرت صديقه وحبيب بهاي مغربيه .. كعدت بالطرمه ابجي امي تباوعلي من شباك ،  ماتقربت عليه ساعه كاعده بالكاع اشهك ، اجت شالتني وتدعي على عمامي ،  وعلى صحتهم مابيدها غير بس دعوه وحركان الاعصاب .. 

رواء نوب من يومها شدت الحزم وياي ..على البيت ماراح يضل بي احد بس اني وجهال وعمتي .. ابدي اشتري مهرج وتشرطي على ابو فهد وكوني بيتج محد فايدج مادام مالجن ورث ..

امي تشب وتنطفي مالها غير بس حسبي الله ونعمه الوكيل الي حط الحجايه بحلك هاي النذله على تالي وكت ننطرد من بيتنه على ايد بنت الغرب ..

حتى شغل البيت شالت ايدها كلش منه ، بحجه انتي خطار اخدمي امج هسه ،  واني راح استلم البيت وجهال ورجلي بعدين ، عود لاحكه مادامج هنا نستفاد منج ..

اني مو فقيره ولا فطيره .. بس هذا بيتي وغراضنه صعبه ،  اشوفهن بيدها لو انتظر تنظف الصاله لو المطبخ .. اكمل شغل البيت بحدي ، رغم دراستي وامتحانات قربت بس ماعتمد عليها ابد ..بيتنه ونظافته اني لازمته .. خالاتي يجن يشوفن الوضع ابد مايرضن على امي ويحجن ليش خالتها شايخه عليج ..

امي مابيدها غير بس تبجي على ايام بابا ،  وعلى ياسر الي موراضي ،  يستعجل بعمليته ويرجع ..تكول اعرف غايتها شنو بس مالي حيل الشباب وارجع اتعارك وتمالخ وياهه وهو بس جاسم وهناء ضلولي ماريد اخسرهم ..

اجتنه خالتي سعاد بعد ماخبرتها .. امي كاضيتها بس قهر وتحصر كتلها تعاي شوي فكي عنها .. مخابره ياسر وتعاتبه تبجي .. هو يكللها بس صبرلي ، والله كلها ايام وارجع ماطول ،  اصلا كلبي يمكم وسالفه عمامي مالكم شغل بيها ،  اني تخابرهم واحجي وياهم .. حاجيتها كافي لخاطر الله على شنو شايله هم ..

ردت ..عباله هم اشيلج وانطيج الهم ، بعد سوالفهم ويه هند عبالهم الدغ مرتين ، ويصيرن بناتي جناين للجياف على اخر وكتي ..

اااخ ياسر وكتك ياايمه عفتني هسه ،  كامت تبجي وهذول جهال جاسم صراخ وعياط ،  ابن جاسم شيل النوتيلا وادهن بيها تخم مال صاله ..

رجعت عليهم وعلى امهم وعلى تربيتهم .. هااج شوفي بنت الوصخه ، اكو وحده نظيفه ،  تنطي جاهل ثلاث سنوات علبه نوتيلا كلها وياها خاشوكه ..

ماتكول سنونه يتلفن ، لو  حلكه ، لو بطنه لاتصير سهال .. لايلوث الامه لج رواء وصمخ تعاي شوفي ابنج ..

- ماتكول مره جبيره راسها يوجعها ،مريضه ،  هاده جهال علينه ،  وحابسه نفسها بهل كبر  كون ياخذها ، االله رزقني بجنه موتي على ايدهااا ،  ربي متشوف الظلم متشوف عبادك ،  الماشي عدل ماكول حقه وناس تتصيد بي .. رافعه اديها وتحجي وتصيح طلعو رواء من غرفه ..

- والله ماضربتكم على ايدكم ،  ولاتوسلت بيكم ،  على الكعده يمكم .. يكفي الكعده هناا حجيم ،  لو هيه ياهي ترضه ترجع جنه ، وتخدم بالعيال مره ثانيه ،  وعدها كوم جهال ،  بس ااخ من جاسم وراسه اليابس ..

بس الله كريم مامطولين ينكلب الوضع خما اضل هناا لا والله مايصير وتشوفن ..

امي سمعت هيج لو تخبلت راحتلها بهمه ناويه عليها .. جريتها جر خفت لايتكافشن وذيج طبت للغرفه ركض مثل الجريذي .. 

ضلت من وره الباب ترادد ،  وامي تدعي عليها ، وعلى تربيتها ، وعلى اليوم الشافته بيها .. جريت طفل والنوتيلا منه .. غسلت اله ..

وهو يريد منه خليت الها شوي بصمون حجري ونطيته الها واخذت الباقي .. التخم انعدم صار جوزي وكله دبك يلعب نفس ...

اجت خالتي ونفس الرنه ونفس الحجي والمالخ .. خالتي توز باامي ،  تكللها لاتسكتيلها ، فوك ماكاعده بيتكم ، نوب تتهنتر بنت الفكر .. لو منج اخلسها خلس والله ..

الا اسويها من صدك خدامه .. اشد وياه هاي ياجنه توكف لعمتها هيج وكفه ،  وتهدد صوج ابنج الارعن ،  الي صاير حضينه بس'يمجن يكلب رجال  ...

شو مانشوف الا رواء اطلعت من باب ،  وكفت على درج ومخصره ، وتكللها منو هذا الحضينه هجامه البيوت ،  والله الا اكوله لجاسم هين ، بيتنه وتوزين بعمتي ،  كون الله لايرضه عليج يالمطلقه ،  لو براسج حظ جان لفيتي رجال مو تايهه تخوطين من بيت لبيت ...

كامت لها خالتي وشدت شالها زين مثل العصابه .. مشت عليها .. رواء طفرت كبل ليفوك للغرفه مال جهال .. خالتي ركضت وراه ولزمتها على درج .. كالتها والنبي الا اكلب ثوبج على راسج ،  واخلي عالم تتفرج عليج ،  منو هاي الي تعايرها وتكلليلها مطلكه ..

بنت الفكر بنت ام الوصخ ، لو ماجيفتج كلنه شاهدات عليها ،  لو ماسمعت امج واخواتج بالسوك المخضر مطشره .. شو تعاي ..

بس لزمتها ذيج عاطت يبووووو ،  راح يموتني ياعالم ياناس دخيلكم التمن عليه يبوو .. الله شاهد ماطولن دقائق ونامت عليها وخالتي ، دمغتها تدمغ ،  اني اريد افكها من خالتي ،  ماكوو خالتي سعاده ضخمه ،  وجثيثه لزمتها من شعرها ،

مااشوف الا شعر تطاير بيدها  ، كوه فكيت شعرها .. دفعتها ليفوك اريدها تدخل للغرفه هيه مجلبه بالمحجر وتسب وتتفل وتغلط ..

خالتي جريها من زيجها وسردي الثوب من طول للطول ،  ورجعي الزمي راسها .. فكيت ايدها كوه  بعد مانركعت الف ضربه وارجع اكوم افكها ..

امي من شافتها انتهت  وجهال تبجي نوب مابيها تصعد على درج .. كالتها عوفيها يجي رجلها واني اخلي يشوفلها حل عوفيها جهال يبجون على امهم .عوفيها فضحتنه الله لايطيها .

بس فكتها خالتي وهدت شعرها هذيج عبالك شلون متحلفه .. هفتني بدفعه من على درج ماحسيت غير مدعبله من فوك ،  واخر شي الضربه اجت نكد بكصتي وحاجبي .. والله حسيت عيني انقلعت ،  الالم الي حسيت بي كطع نفسي .  شاطت روحي بس اسمع صراخ امي يماا ولج دم دم ساحت البت ييبوووو يالله ..

اريد افرزن صوت ماكوو ..حسيت شي حار نزل على وجهي وختنكت بريحه الدم .. اسمع بس عياط امي وواحد يجر بيه يحطني بحظه .. كلها هوسه بهوسه وطعم الدم الي بحلكي والماي الفيض راسي وملابسي .. واسمع خالتي تسب وتغلط وجهال تتباجى .. وين يله بديت افرزن الاصوات .. وين اني ..

وشه الي باذني سطرتني خالتي ساندتني صعدتني بسياره وتحجي وتتوعد لرواء.. لمن وكفت سياره مادري وين لزمتني خالتي نزلتني وياهه مره ،  ماانتبهت منوو وابنها سايق .. وخالتي تحجيلها على رواء .

. لمن دخلت للمضمد وبده يخيط بكصتي متت مو من الالم ،  من الخوف والبجي لان تشوهت ، خالتي كل شوي تكول يااا راح وجهه البنت ، والله الا اكعدهم عشاير تشوهت البنيه يالله .. مغمضه عيوني من الالم مافتحتها من دم والالم ودوخه الي اخذت حيلي ..

المره ترد عليها صلي على محمد داده جنها العافيه هو شخط بسيط ،  وهسه المضمد يشوف شغله وترد جنها ورد انشالله ..

ياورد عيوني راح نص حاجبها الله لايطيها انشالله ، ضربتها ضربه موت ،  ادري شمسويه الها وهيج ، الا شوي  تفطس بيدها ، والقران لو شفتي شلون ساحت روحها سوده عليه ..

المره ترد وتهون بالموضوع .. صوتها مو غريب ابد عليه رفعت راسي والمضمد مايرضه يريد يسيطر على الخياط يكلي اثبتي بابا لا يتشوهه حاجبج ..

بس صوت اعرفه .. شلون مااعرفها وهيه ام الروح .. شلون ماعرفها وهيه المره جابت حسرتي بهل دنيا .. رغم الالم من سمعت حسها هدأت دموعي نزلت قهر على الذكريات والوعود الي اني مو كدها ولا استحقهاا ..

جنت خايفه اطلع واشوفه هو سايق .. خلص المضمد وطلعنه خالتي ادردم وام اسحاق تلملم بعباتي تغطي دشداشي ،  الكصيره ورجليه طالعه ..

ماعندي عين ولا جرأه ارفع راسي ، واشوف صاحب الوعد الي نكثت بي .. خايفه من نفسي اكعد ابجي واشكي همي اله .. فتح باب وريحه عطره تخلخلت بعضامي مو بس براسي وحواسي ..

كعدت وره وامه بصفه ، خالتي كالت اجيب الادويه من صيدليه واجي .. بس ابتعدت شوي اندار عليه ..

مارفعت راسي خجلانه من نفسي ومن ضعي ومن حالتي كلهاا ..

اسمعه يتنهد ، ضليت دايره وجهي امسح بخدودي ، همس بصوته المبحوح .. :-  اي شلونج شلون مشت وياج دنيا بهل سهوله هم مرتاحه هم تنامين رغد عادي ..

امه حاجته مو وكتك يمه يرحم غواليك ، ماتشوف البنت دمها خلصان ،  وجهه اصفر مو وكت عتابك ..

ماحاجاها ضل يباوعلي ، وداير جسمه عليه :-  حاجيني هم تمشي ايامج براحه ،  وبساطه ماتشوفين وجهي بكل مكان .. ماداورين صفاتي بوجوه ناس .

هم تتحصرين على ايامنه لو انته نسايه تنسين زين وشين وتذكرين بس نفسج ..

شهكت بالبجي حاولت اكتم دمعتي وماذل نفسي بس كلامه خناجر بكلبي مارحم ضعفي وقهري ..كتله كوه " كاافي

" كاافي " ضحك مستهزء :- كااافي ،  يول تمنيت اني مره ،  واكدر ابجي ،  واكول كاافي ،  والكه كلب يتلهف عليه ويسكت حتى لا انقهر .

. عفتيني هيج بنص درب وماحسبتي لهل بشر شنو مصيره وراج .. لا اني نذل وادوس عليج ،  وعلى نفسي وانساج ،  ولا اني واحد بلا اصل وانهبج وانهزم ،  ولا اني صاحب كلب قاسي و اعوفج هيج لابن عمج واكول يتهنا بيها ..

ماباوعتله مدنجه امسح بدموعي واحس ايدي دبكت من دمع ..

هيج احسن الج .. هاي اولها شوفي وجهج شلون مدمه ،  وهاي مرت اخوج .. شلون راح تعيشين ويه اخوج طول العمر وعمامج نفس طينه ..

هاي ضربه مره خلت دمج بطولج .. لعد ضربتهم همه شلون شراح يسوون وياج باقي عمرج .. حكمتي على روحج بالمؤبد يمهم ..

شلون نطاج كلبج توافقين ماوكفت بعينج .. ماخفتي عليه انجن من اسمع واتهور .. ماخفتي الله بيه وانتي ماملتني بيج .. روحي كون ممهنايه وكون تلاكين الي لاكيته من حسره عليج ولاتشوفين راحه ابد..

دموعي يخرن .. لا تكول هيج عليك الله ..

الله عليه .. الله عليج انتي وين الله عنج ،  من طعنتيني وين الله عنج ماضربج بساعتها ، وانتي تكولين موافقه بكلب مرتاح .. هسه مرتاحه موو ضميرج عود طيب مايانبج عليه .. حسبي الله عليج كون تشوفين لوعه اليل الي اشوفها يوميه ..

امه بجت لا يمه حرام عليك شبيدها لهل يتيمه .. ليش عمامها فقره ناس بس الله يجرعهم ،  شتكدر عليهم هيه وامها وهنه صفن بس نسوان ..

كلشي تكدر تسوي ،  نطيتها الحل وماطاوعتني ، طاوعت اهلها وعقلها مافكرت بيه .. انانيه طول عمرج راح تضلين انانيه .. نطيتج وكتي وصحتي واهتمامي ،  حتى اهلي نسيتهم ؟  ذليت ناسي لخاطر تصيرين الي ، بدل المره خمس خطبتج ، لو بنت سيد هم جان نطوها خاطبج بعدد الصلاوات ماوكفن بعينج ..

يحجي ويعدد باصابعه وينتر بيه ،  اخر شي ضرب الكشن ،  صاح احجييييي خرب بلشنج وبكلبج الحجر شايله انتي ..ولج شلون الله شمرني على وحده مثلج ..

ماحجيت بس زاد بجي ،  وامه تتوسل يسكت ، هو يحجي بخنكه ويتحسر .. لمحت دمعه وكعت على كشن رفعت نضري عليه .. عيونه حمر متروسه دمع ..

همس مايهون عليه والله كلبي ماينطيني عليج ..

همست اله كوه واجر بشهكتي .  انذليت اسحاق ..

كتمت شهكتي وكملت كوه ..والله من بعد بابا كلشي مابيدي حتى كلمه .. لاا .. ماكدر اكولها الهم  ...

دار جسمه وكعد عدل يستغفر امه حاطه ايدها على جتفه وطبطب وترجع تباوعلي تبجي .. الله كريم يمه ماينسه عبده سلمو امركم بيد الله ..

درت وجهي على جامه ، خالتي طلعت شايله علاكه دوه ونص شعرها طالع من العبا ، وتمشي ضايجه .. صعدت وشافتني على دمعتي وشهكتي ، صاحت يااا بعدج تونين كولي الله شبيج .. اذا على حاجبج والله اوديج لاحسن صالون يسويلج تاتو دائمي يجنن ..

ماحجيتها ابد حظنتني تسكت بيها وتهون .. نظري كل شوي يروح للمرايه هو بعد مادار وجهه ولا باوعلي بس وجهه احمر وعيونه دم ..

وصلنه باب البيت سياره جاسم بالباب بس'طبكت سياره ونزلنه طلع جاسم مزنبر وجهه مزرك من العصبيه .. ونزلتني خالتي .. عيون جاسم على اسحاق ويخنزر عليه ..

ذاك شخط سياره حيل خله الحصو يطافر على جاسم وملابسه .. عفته يسب ويغلط على اسحاق واهله ويصيح هذا الك*** منو دازه عليه شلون يوصلكم

دخلت للبيت بالي يمهم هسه يتعاركون  .. وتكب بينهم ..خالتي عاطت بي جان جيت انته ، جان تلاحكت لاختك الولد عده غيره ،  وناس جوارين مثل الاهل ،  عدهم غيره شافو نسوان يتعايطن ،  اجو يتراكضون ماجيت ركض للمضمد من سمعت من امك ...

لو مدام ماقبلت تلحك الاختك ،  جان روحت عينها من عساه ماشفت نور محمد ،  بنت الفكر اني الها عبالها افوتهاا ..

عاط بيها :- خاله يرحم اهلج ، لهناا وحدج ،  بعد مالج لازم كفيني شرج دخلتي ساعه هجمتي البيت ..

- والله محد هجم البيت غير الحيه مرتك ، تتطاول بالسانها وايدها على امك واختك  ، وانته ساكته شنو ماتكدرلها لا راكبتك والله ..

- لا ضلين تشمرين حجي ،  اني مو امي وتوزيني على مرتي ،  لهنا حدج كاافي خلي خالي يشوفلج حل .. والبيتنه يتعذرج بعد تجين هنا تخلقين مشاكل ،  واحنه ماعيزين يرحم اهلج ..

- اطردني ياانذل لخاطر مرتك ،  يالحضينه جان استحيت ،  اي والله صدك حضينه مريتك.. الله اخذ زين وخله العارات .. والله وكت يجاسم تطردني اذا ماخليت خوالك يشكون حلكك ...

- كااافي شنو انتي من مره ، كاافي لهناا حدج ،  يله باب يتعذرج يله .. لاتهددين شنو حايط نصيص وتتزمخين عليه يله ..

طلعت امي على صوته .. خالتي تخبلت شلون يطردها تلكته تفال وغلط عليه وعلى مرته .. نوب ذيج واكفه بالباب تتشفه خالتي نزعي نعال واشمري عليهم .. امي كالت امشي سعاد بعد كعده بهذا البيت مالي ..

ضلت تمسح بدموعها فوك ضربتي ،  نوب كسره امي ودموعها كتلتني بمكاني ..وجهه اصفر والشال شامرته شمر والعبا على جتافه متبهذله ...

وداعت حسن مالي رجعه مادام هو ومرته موجودين بهل بيت .. لو اني لو همه بعد ،  هذا اخر عمر انهان وانضرب وبنتي تتدمى ،  وابني ساكت وراضي ،  لا نوب يطرد خالته ،  من البيت  يصير باسمك ، عود بذاك الوكت اطرد بكيفه ياابجر امك ..

#يتبع

التنزيل منا وهيج بين يوم ويوم ، لان الامتحانات بلشت  اتمنى تعذرونه 😘

نجمه 💜