رواية ثأر مهري منهاا الفصل السابع 7 - بقلم اسماء ديمير

《《6》》

#ثأر_مهري_منها

بقلمي "أسماء ديمير "

.. نفس ماهيه عزيزه  حسن .. هاي عزيزه كلبي ..

يابه هنا لو كافخني براشدي ولا هالحجايه .. ردت الكاع تنشك وتبلعني ..  ضليت اتلفت عليهم ..

جدي كله والله ما وراهه بس الكضه ياابني .. شوفلك وحده من بنات عمك البقيه احسن .. شوف هاي ركيه شلون حليوه .. احسن من هالصفره الكاتل روحك عليهاا ..

اباوع رقيه واكفه يم الباب كامت تضحك الفطيره .. ولج راح يكربسونه براسج  يالمسكينه ..

بيبي كالته :- اي والله حتى خوش حماله ..

طكها ضحكه .. كالها شنو حجيه هيه نخله لو عثك .. لا حجيه ماتحلالي غيرها ..

ابويا كافي ولك مو اني كاعد .. شو ماتستحي انته ..

رده ..:- انطيها الي وبعد حتى مااحجي وياك والله ..وسلام هم ماسلم ...

خلاهم يضحكون ...

هز راسه بابا مارده بس باوع عليه .. اني انتظر يكللهم ماانطيها .. هاي حياتها هيه تقرر .. بس بابا ذكي ميطي لزمه على روحه .. كسر وجبر .. اجل سالفه وبس ..

كالو راح نصب الغده يله . حتى وراهه نكوم نجهز للحنه باجر ..

تغدينه بالحديقه فرشو الولد .. احنه اكلنه وحد وهمه وحد .. مسوين باجه واني تلعب نفسي منها .. اموت من ريحتها ..بس احب المخ ..

جاي نصب بابا كلي تعاي يمي لاترحين يم امج .. بس خلصو صب كعدت بصف بيبي ومرتاجه عليها .. بابا صاحني يمه كال تعاي هنا اشرلي بصفه  .. كمت من يمها كعدت يم بابا .. فلسلي المخ وحطه جدامه ..يعرفني مااحب الباجه بس مخها احبه .. ابتسمت ..

شافني ابو فهد  هزلي براسه كومي ..

دنجت راسي ماهتميت اله  ...

كلي بصوت كومي يم نسوان هناك  ..

رفعت نضري عليه .. مخنزر .. بابا كله عوفها يمي تاكل .. كله خلي تكوم عمي لااجي اني اكومهاا .. بوكتها جان بدي اضربه بالماعون .. شكد فشلت ونقهرت .. جدو كلي كومي يم نسوان جدي يله  ..

كمت نفضت ملابسي ..
بابا كلي اخذ الماعون وياج .. هزيت راسي لاا ..

عفتهم وكمت دخلت ليجوه .. دخلت للحمام اغسل اديه .. من قهر الموقف بجيت .. حتى بزقنبوتي سممني .. عبالك اشتغل عده .. الله ياخذه كون .. شكد لئيم ..

نشفت اديه وطلعت .. لكيته واكف .. باب المطبخ الداخلي .. شفته دنجت .. فتت من يمه .. لزمني وعتني عليه رجعني ليوره  .. نترت بي ..

لاتلزمني ويع كلك زفره ..

ضل لازمني .. عصر ايدي حيل .. ليش متحترمين .  شبي السانج يور ور .. ليش متحسنين الفاضج ..

وخر عني .. تعلمني شلون اتصرف وشلون احجي وممعلم نفسك ..

ضربني على خدي حيل .. احجي عدل لج حيوانه .. اذا عبالج اني ابوج لو ياسر وتحجين بكيفج فغلطانه والله اكسر بيج عظم .. هاج سم اكلي شمر الماعون على الميز ..

دفعت ايده عني .. وخرر .. جاي اكلك وخرر ..

..اباوع ماعون بي الاكل مالتي ..

عندي رغبه اكلبه بوجهه بس غير يضربني .. اخذته و.. سكتت ..عافني وومشه ..

شلت الماعون وذبيت الاكل بسله زباله .. التفت على صوت .. شاف الاكل بالزباله ..

هاي شسويتي .. ذبيت الماعون على السنك ونهزمت .. بعدني توه اصعد الدرج ..  كمشني من شعري .. وجرني للكاع ..

عطت اااخ .. لزمني من فروه راسي ليش تعاندين وتحطين راسج براسي وانتي كلج بكد القندره ..

كمت ابجي احس شعري تكطع بيده .. عطت بابااااا ..

هو هز راسي حيل من عطت .. انجبي اعلمج شلون تعاندين .. رفع ايده وضربني .. حطيت ايدي على وجهي .. وايد لازمه ايده الكافشني بيهاا...
ضليت اعيط باباا..

امي وعماتي طلعن يركضن على صوتي  .. امه عاطت بي ول رشيد نزل ايدك عن بنت عمك ولك تخبلت  ..

اسمع بابا ضل يصيح واجه ركض .. شافه شلون لازمني .. دفعه عني و فلت شعري منه .. اني من شفت بابا زاد صوت البجي مالتي ..

كمت اشهك .. بابا كام يحجي عليه شلون يضربني .. ياسر راد.يتكامش وياهه .. جاسم لازمه .. يكله عيب من الحجي .. ماما تخبلت .. اخذتني من بابا تشوف وين ضربني .. صفحه من وجهي حمره .. واحسها نار تطلع منها ..

تخبل بابا كله منو نطاك الحق تضربها .. اني موجود احاسبها انته شلون تمد ايدك عليهاا ..

تلاغه هو وبابا .. اسمع بس صياحهم . امي اخذتني لغرفه بيبي ..

نسوان عمي يضحكن .  كال هذا راشدي وهيج كلبتي الدنيا لو ماكله كتله من صدك جان شعملتي ..

عمتي سليمه ضحكت .. كالت اي انكتلت المدلله .. والله بعدج ماشفتي شي من رشيد .. بعدج مو على ذمته وتولاج راشديات بالمطبخ .. لو مرته .. ليكومج ويكعدج بكتله ..

بيبي عاطت بيها .. انجبي ولج سليمه .. غير عاندته .. ولا هو روحه وين اكو ارج من كلبه  .. بس ضوجته وخلت اعصابه تفلت ..

كالتها .. والله اذا ضل هيج .. طول عمره اتضل اعصابه فالته عليها .. وتاكل يوميه كتله .. لايخلي نهارها نهار ولا ليلها ليل ..

عمتي ام رشيد مارضت .. ضلت تحجي عليه .. كالت والله اكسرها ليدو  .. شلون يضربج .. شو دشوف .. شافت خدي ..

كالت اني اعلمه شلون ياذي هالخد .. اني تحجي عليه واني ابجي ..نسوان عمي جانن يزيدن عليه .. بس بيبي وامه مارضن .. اسمعهن يرزلن بيهن ..

ام رشيد لازمه راسي وتبوس بي .. كالت والله الا اطيح حظو الج ..  بردت كلبي بي .. صح امه بس حقانيه . . طلعت للحولي رزلته .. كوه تمشي .. هيه مريضه بالقلب ..

بس مانطته مجال .  شلون مسوي هيج .. عمامي وجدي مانطو بي .. ماسمعت صوته .. يحب امه ماينطي بيها ابد برغم مو صغير بس ابد ماردها لو حجه لو من ترزله مايرد ويزعلها ..

يكلولها ترادد .. وماتحترم .. وكل كلمه تردهاا ..وذابه نعمه بالزباله .. همه يحجون وهو صوته ماطلع بس بابا من يحجي عليه .. يعيط  بابا  يكله خربتها بدلالك .. كله صوجك انته سبب .. هاي تربيتك وتعلومك ..البنت عوجه ..ومتخاف ..

ماتسمع الكلمه والسانها اطول منهاا .. واقل كلمه تزعل .. وتعاند .. شوف البنات غيرها .. حتى صوتهن ماينسمع . الا هيه .. صحتلها يمك بنص الزلم تاكل هيه وبنطرونها ..

شلون تجيبها باببنطرون انته .. وين عاشين احنه .. عرفت عصبيته هو على البنطرون وجان ديحاسبني على البنطرون بس بطريقته .. ياابه شكد خبيث هالرجال .. 

بيومها ماطلعت من غرفه بيبي .. حتى العشه تعشيت يم بيبي ورقيه وعلا يمي .. يضحكن على خدي الي ازرك .. ضلت شهكه بزردومي .. بابا كل شوي يجي يباوع عليه خما بعدني ابجي ..

اني من اشوفه ادمع .. يحظني يكلي والله اكوم اضربه هالجلب هذا .. بس لاتبجين .. من يحجي ويغلط عليه اضحك .. هو يعرف شلون يضحكني ..

بيبي ردته شحدك ولك .. نفس ما بتك عزيزه رويشد هم عزيز .. وانته يالصفره لاضحكين .. هذا ابن عمج سندج باجر عكبه .. شلون تخلي يغلط عليه ..

:- بس هو يغلط عليه لعد .. هم ياخذ نصيبه . لو عليهه حلال وعليه حرام ..

:-كومي ولج مناا .. استخطيتج واكول خطيه ضارب البنت طلعتي تستاهلين والله اكثر ..

:-رحمه والديج .. اريد اعرف على شنو ادافعين عنه هو ضارب حفيدتج .. واني كلشي ممسويتله ..

:-والله انج جذابه ليش ماعرف السانج الرشاش .. دشوفي هذني  .. تاشر على رقيه و علا وهند  .. لو يمسحون الكاع بيهن مايحجن الا انتي .. السانج السان دلاله .. ضلت تحجي واني احجي .. ثنينه مانسكت .. تالي بابا كال ..

:-كومي اطلعي وياي للحديقه يله لاضلين حابسه نفسج هناا ..

هزيت راسي اي .. طلعت كله بره .. كاعدين يشربون جاي .. بيبي كايدتها علا طلعت ورانه ..

النسوان متكترات وحد و زلم وحد .. تعمدت اكعد يم ابويا وما باوعت على ابو فهد  حتى لايكلي كومي ..

اجاني صوت .. معتز ابن عمي سلامه .. فد واحد حشاش .. ومحد يسلم من السانه لازم يصنف عليه .. كلي سمعت ماكله كتله هنوو  .. كام يضحك ..

كتله شنو هسه اضحك لو ارد على سؤالك مافهمت مطلوب .. ضل وجهي جامد .. فشلته بدل ماهو يفشلني .. ياسر فحط ضحك .. كال اول مره اشوف واحد اجه يصيد كامت السمجه هيه صادته ..

ابتسمت رغم جنت ضايجه ..

معتز :- اذا هاي سمجه تربيه حسن شتتوقع منهاا .. توكع المركب كله والله ..

ضلو يحجون ويسولفون.. اني كاعده بصف بابا ومرتاجه عليه .. هو يمسد على راسي .. رفعت راسي عليه ابتسم الي ..

فدوه شكد حنين حتى امي مو مثله .. بس ياسر هيج عليه طالع .. تذكرت ياسر .  رفعت عيني عليه .. باوعت على جهه البنات .. ادور على علا .. لكيته كاعده يم بيبي ..وتباوع على ياسر .. ضحكت .. لو يلكطج اخوج تباوعين عليه هيج ..

والله لمثل الراشدي الي اكلته اليوم تاكلين اضعافه .. ليخلج متندلين دربج .. لل11كلها كامت لبيوتها ..اني جلبت ويه عمو سلامه ابات يمه .. اجت رقيه هم تبات يمهم .. عمي سلامه شوي بي مجال مو مثل البقيه  .. يخلينه نسهر ونغني ..

بابا كال روحي .  اخذت جنطتي ورحت ويه بنات عمي سلامه .. علا كالت اكول لاامي ويله .. لان فهد اليوم يمنه  ..

التفتت عليها ليش فهد وين عايش .

يمنه عايش بس بالنهار يروح يم اختي نغم .. بس هيه ورشيد يعرفوله  .. من يطلع للشغل يروح يمها .. اني ماكدرله وكح حيل .. بس اليوم لا طول اليوم ضل .. لان نغم مالها خلك ..وامي مابيها اله وحدها ..

هند بقت بيت عمي علي .. اخذتنه بت عمي سلامه روان لبيتهم ..

طبينه لبيت عمو سلامه .. الولد جاي يلعبون بلي ستيشن .. طلاب كليات ثنينهم .. صعدنه ويه روان ورقيه فوك .. الطابق الفوك حجزنا النه .. طلعن كرزات وحب وحلويات .. وفتحن الجنطه مالتي يشوفن شكو بيهاا ..

تخبلن على المكياج اني مااحط.. بس اجيب واكوم..بس بالمناسبات احط . طول الايام اتعلم من النت ومااخلي بس بالمناسبات ..

ضلينه لل3 بليل كوه نمنه .. علا مااجت خطيه اكيد هالحقير ماخلاه تجي .. ثاني يوم صبح.. طلعن كلهن لبيت عمو علي يسحلن العروس لان هناك راح تصير الحنه والعرس لان هو جبير وجدي وجديتي ساكنين هناك .  اني رجعت نمت .  عيوني اصلا منفخه منا باجيه البارحه ومنا نمت متاخره .  كتلهن الي توصل مكياجي وملابس والله اكسر ايدهاا .. الجنطه اصلا بيها قفل .. قفل صغير قفلتها ونمت ..

خليتهن يحوصن يم راسي .. عدهن استعداد يلبسن ملابس الي جايبتهن ويخلاني بلا ملابس .. هيج ..

لفيت راسي ونمت .. لل12 ضهر طبيت اسبح وابدل .. كعدت كبال المرايه ساااعه امكيج وامسح ...

اجت رقيه .. كالت طلعي الملابس يله .. ضحكت على شكلها .. كافه ردانها ومتحظره .. طلعتلها .. واحد منهن .. كصير .. لبسته شوي ضيك عليهاا .. رقيه طولها وسط بس متروسه ومبينه كصيره .. كالت حطيلي مكياج ..

ياا ولج عمي حميد غير يكطعج .. ميرضه ولج .. توكع براسي كبل ..

:-شمدري هو دحطي ..

:-ولج وامج اتكله .. متعرفيها مضم سالفه عليه.. وكبل تكله بنت حسنه ام البنطروووون هيه حطتلها مكياج .. عوجت حلكي ..

:-لا لا متكله اتفقت وياهه ..

:-ههه اتفقتني وياهه اتجذب على ابوج ..وشلون تطلعين هيج مايشوفج اخوانج مايلكفوج ..

:-دحطيلي يله .. البس بوشيه عود جايبه وياي .. هاج شوفيهاا ..

:-امري لله .. خلي البس واحطلج .. اطلعي يله ..

:-بدلي جدامي شبيج مستحيه . 

:-شنو ابدل جدامه ولج .. دولي اطلعي احسن ..

:-ولا اطلع بدلي جدامي يله ..

:-انجبي ولج استحي والله .. اطلعي يله ..

:-ماطلع والله بدلي يله ماضل وكت ..

:-خاب دولي .. شلت فستاني وطلعت للحمام لبسته ..

طلعت من اعدل بالاردان .. جان لونه زيتوني وضارب على عيوني مطلع لونهن .. كصير ويه ركبه وكلوش وردانه تور ..

طبيت للغرفه شهكت .. عزززا بعينج هذاا شنوو..

:-فزيت صخام بوجهج شكوو..

:-لج يخبل .. شو باله لفي .. لفيت .. كالت يجنن .. طبت علا تلهث .. عاطت من شافتنه .. الللله .. هاي شنوو .. شو فستانج رقيه .. يمه ..

:-هاي شنو هنو باعيلي .. حلوات ولجن ..

نزعت العبا ولافه شال على راسها .. كالت انمكيج هنا .. لان بيت عمي حميد دعه طحين مالج محطت رجل .. شردت مناك لهناا .. تالي طلعتن انت هناا ..

حطيت مكياج لرقيه الا حلفت الا اول وحده تحط .. عيونها نرجسيات كبار .. وشفته صغيره .. ملامحه عربيه حلوه ..  لزمت علا .. بين ماهيه تخلص شعرهاا ..

علا بحث اخر .. شعر اسود ليل وطويل .. وعيونها سود كبار ..

اني مكياجي خفيف .. لان مايلوكلي الطوخ اصلا .. على كولت بيبي لان صفره .. بس طوخت الحمره لون وردي مات ..

شعري عفته مفتوح بس برمت اطرافه .. لبست العباا وحطيت شال على راسي .. اسمع جاي يهوسون لهيثم عرفت اجو شباب يلبسو قاطه ..

فتحت الباب شوي اشوفهم .. رقيه دحست راسها هم .. فتحو الباب وطبو جفت عليه خلو يعيط شالو شباب شيل يهوسوله هو يضحك ..

لمحنه ياسر عاط بينه ندخل جوه شلون مادات راسنه  ونباوع  ..

لبسنه عبينه وطلعنه .. كال شسون هنا انتن .  كتله من صبح هنا .. هسه راح نروح ..

اباوع عليه فدوه لابس دشداشه .. هو ميحبها بس لان ميكدر يلبس بنطرون .. من وره رجله .. دشداشته لونها رصاصيه وعيونه هو ملونه .. طالع حلو بالشماغ ..

علا جريتها جر من كباله .. خفت لاينتبهه عليها تباوعله هيج .. رقيه طلعت كبالنه .. كالي لفي العبا زين رجليج طالعه ..

علا كالته شلونك ابن عمي ..
رفع عينه عليه .. وعقد حواجبه .. هلا هلا .. التفت عليه اشرلي بحواجبه منو هاي ..

ضحكت :- كتله هاي علا شبيك ياسر ..

هاا هلا علا شلونج خويه شخبارج ..

اختفت ابتسامتها كالته :- زينه عافتنه ونزلت ..

كتله منين اختك شنو امي خلفت غيري اني وهند ..

:-ولي ولج .. مثل اختي الله يستر عليها  ..

نزلت بايه من الدرج .. كتله لااا مو اختك بنت عمك هاي .. غمزتله ترى جدي حاجزها الك ..

:-اي وانتي حاجزيج لابو فهد .. رفع ايده ونزلها بحركه راشدي  هههه ..

غندب وجهي .. انته مو وجه شقه  . عفته ونزلت ..

تلكاني باب المطبخ .. نزلت عيوني ماباوعت عليه .. بعدني كارهته على الي سواهه بيه البارحه .. حتى الحمار الي بخدي  كوه خفيته بالمكياج  ..

كلت هسه راح يعلق لو هم يعترض ويكعد يتامر براسي .. بس الي سواهه قطع عني الطريق .. رفعت عيني عليه خزرته  ..

ابتسم .. كال ياول لفي شالج زين ولحكي بالبنات بسرعه لاتخلين احد يدحكج ...

ماحجيت تجاوزته وطلعت لكيتهن منتظراتني ..
تمشينه لبيت عمي حميد مو بعيد بس بينه الحديقه .. التفتت هو بعده على وكفته باب المطبخ يباوع علينه ..

رقيه كالت العلا .. باعي اخوج شطالع ...

كالتها اي والله زينه الشباب بس العالم متشوف .. لو هو وين اكو منه .. صلاوات خير من الله شاب حلو .. بس العالم مدري شتريد ..تتبطر ..
ماحجيت بس ارد تكول ليش تاخذين على نفسج ..

كالتها اي والله عميه حيل باوعتلي .. دشداشه بس اله تلوك .. نوب نيليه تاكل وتشرب وياهه .. ادري بيمن امج تنست بي ..

ردتها .. شبيج تتغزلين بي ولج .. اثكلي شوي ..

:- ضحكت وغمزتلها .. غير ابن عمي ..

وصلنه قريب بيت عمي والهلاهل تركع .. مشغلات الديجي ... طبينه هوسه والعالم اشكال .. اغلبه غرب عازمين العالم ..

عروس توها جايه من صالون .. فدوه نازكه ولابسه بدله جويتي تخبل عليهاا ..

كضت الحنه بين ركص وغنى .. وعصات بيبي الي كل ماتشوفنه نتقرب منها تضرب .. حتى عروس نفسها باعت المستحه وكامت تركص .. كالو راح يدخل يحنيها .. البسن عبي .. دخل هو وجدي و عمامي وياه ..كلنه تقريبا كرايب بس نصهم مااعرفهم .. الولد وجهه احمر من الخجل ويفرك بيده جدي وعمي فوك راسه يعلمون بي هو بس يمسح بكصته حناهه وطلع بسرعه   ..

قبل العشا .. بده المزمار والطبول ادك.. كالن راح يبدي الجوبي .. اخذتنه مرت عمي سلامه نباوع من الحولي بس صار خنكه والشباك ميكفينه صعدت العروس وياه هند هيفاء وكم وحده  فوك بالطابق الثاني ..

امي ونسوان عمي وبيبي طلعن بالباب يباوعن ويهلهلن الهم .. صدك جانت فرحه حلوه . كلنه فرحانين بشي ..

بيبي طلعتلهم بالجكليت وهلاهل ..عمامي لزمو الجوبي وعمو علي هو تراسها .. جدي تعبان مابي حيل دبكه . كاعد ويضحك ..

كعدو عمامي وبدو ولد عمي .. جاسم لزم راس و ابو فهد لزم ثاني .. جانت حلوه حيل .. بس سوده عليه ياسر ماركص بسبب رجله .. علا الدمعه تلالي بعيونها تراقبه وين مايلتفت وين مايكوم حاطه ايدها على حلكها .. اعرفها  مقهوره عليه .. عفيه شكد تحبه هو ماحاس بيها ..

:-عسيتها شبيج على شنو تبجين ..

هزت راسها ..كتلها .. دكاتره كالو فتره ويطيب ويمشي عليها .. بس يرادلها وقت ..

كالت :- لو بيه ولا بي .. شوفي طوله يخبل بس ميكدر يركص وياهم ويفرح .. تعبان من وره رجله .. سوده عليه اكيد هسه مقهور وضايج ..

ضحكت كتلها شكد تحبي الله عليك ..

:-والله بكد الدنياا .. بس هو ميحس بيه .. لو بس يحس شوي .. والله لاصيرله سما وكاع .. بس مايحس مثل اخته حجاره صخر هيج ..

مارديت عليها .. تحجي بحركه .. هو الحب هيج لو همه مدري شبيهم .. هند لو علا حبهن قوي ..

صوت الدبكه عالي .  ينزلون للكاع ويكمزون شكد حلوه هالركصه .. اتمنى اتعلمها .. بنات عمي كلمن تباوع على الي يخصها .. وتضحك .. وفرحانه بي .. الا اني الي يخصني ماكو بينهم ..

وحده تاشر على رجلها .. وثانيه على خطيبها .. وثالثه على الي مكتوبه باسمه .. الا اني اذا احجي لو اكول اشبع جلاليق .. ودفرات ..

صاحن علينه راح نصب العشه تعالن انكلن ..

صبو الزلم بالحديقه ونسوان جوه .. بالثلاث ساعات العشه .. العالم الغرب راحو لبيوتهم .. بقينه بس العمام ..

فضت الحنه بال12 رحت ويه البنات اني لبيت عمو سلامه .. بعد ما نضفنه البيت .. صاير هوسه .. الولد طببو الكراسي والميوزه .. واحنه نجلف بالبيت وننضف

طلعت لبيت عمو سلامه وره ماخلصنه .. توه اعبر الحديقه سمعت صوت ضحك وهمس .. التفتت وين صوت يالله شنو جاي اتخيل .. مشيت بسرعه خفت لا جاي اتخيل وماكو شي .. بس مجرد ماتعديت بيت جدي شفت هند وسيف متحاضنين خاتلين وره الاشجار ياا عززا بعينج هند  ..

نوب مدري شسوالها وعلت ضحكتها يااا اروح الها واجرها لو اعوفها ضلت واكفه بمكاني مسلهمه عليهم هاي جاي يسوي الها ليش تضحك هيه عود ..

كمت اتلفت شاسوي باله .. اضربهم بحجاره واشرد ماكو غيرها خما اعوفها يمه هيج خاف يسويلها شي غير ابويه يكتلها خلاص خاب جاسم والله يصلخ جلد من جلدها ..

وكفت بعيد عنهم حتى مانشاف وشلت حجاره بكد جف الايد .. كلت لو بالهدف لو بالنجف لو تشك راس واحد بيهم لو بس تفززهم .. اخذتها بيدي ورفعت ايدي حيل وشمرتها على الاشجار الي بصفهم ..

بس اسمع عيطت هند يااا عزاا العزاج هناء طكيتها ركضه لبيت عمو سلامه بدون ماباوع على وراي ..  

توه ادخل لبيت عمو سلامه وانلطشت بعلا عطت من الخوفه هيه خطيه هم فزت ودفعتني وجع شبيج متت شجاج ..

:-يماا منين طلعتيلي انتي شجابج ..

:-شبيج وجهج اصفر عبالك جلب لاحكج ..

لا خفت لان اجيت بحدي وانتي طلعتي منا فجئه ..بس انتي شعجب اجيتي ..

كالت كلت ابو فهد وكلي روحي ..

لعد ليش البارحه ماخلاج ..

مو هو .. فهد سوالنه عرس بلبل ..وامي وكعت علينه البارحه ضغطها صعد من وراج لان تعاركت وياه .. ومااجيت خفت عليها .. ضليت نايمه يمها للصبح .. و رشيد سهران يمهاا يبوس بيها يريدها ترضه ..

:-حيل بو زايد بردت كلبي باخوج .. شكد حقنه ..

:-حقيره انتي هناء .. شنو الحقد الي عدج .. وامي من وراج اليل كله تعبانه .. ورشيد .. سهران يتوسل بيها متزعل منه ..

:-مابيها غير العافيه  ... حسيتها اليوم مو زينه وجهه تعبان .. حتى صوتها ماسمعته ..

:-اي والله كلبها تعبان وصايره هواي توكع .. رشيد كالها لاترحين .. نامي ورتاحي .. بس هيه كالت عيب من نسوان عمك...

:-الله يكون بعونها ويشفيهاا ..

دخلنه للبيت كبل طبينه لغرفه البنات سبحت ونزعت ملابسي .. احس جسمي مكسر .. انجطلت ناكل كرزات ونسولف .. نعست حيل ضليت اتثاوب .. توه اغفه .. وجفتت علا .. كالت رشيد يصيحلج هناء  .

شنو يصيحلي ..

يكول يله تمشي تروح يم امها وابوها ..

ليش شكو ..

النجمه ول يابه😅😘