رواية ثأر مهري منهاا الفصل الخامس والعشرون 25 - بقلم اسماء ديمير

بااارت عنوون

ضغط عليه زاد ، منا جاسم يخابر يكول تعالو ، لو اني اجي اخذكم ، ومنا امي تعارك وتتهدد بي ، ومنا امتحاناتي الي كوه مدبرتها القلق دمرني ..

ياسر على اساس بليل طيارته ،  شو انخابر ماكو لل١٢ بليل وماكوو .. كلنه فجر اكيد يوصل وهم لل٦ صبح وموبايله مغلق ، امي كلبها انمرد عليه .. اخوج بي شي كلبي مامرتاح شبي مايرد  ..

- كولي الله يمه شنو قصه لاتفاولين ..

- لعد وينه متكولين من البارحه على اساس طيارته تطلع وهسه احنه فجريه ..

- يمكن تأجلت لو تاخرت وهسه هو بالطياره اصلا ممنوع يشغلون اجهزتهم بالطياره ..

سكتت ضلت بس تتكرضم عليه ، تالي كالت انزلي لخالج بالكت كاعد .. نزلت حاجيت هدى بالمطبخ كالت هسه اكعده يتريك  هم وراه دوام ..

.. اني وراي امتحان تريكت ،  وانتظرت يكعد امي نزلت كالت خالج وين كتلها جاي يبدل هسه يطلع ..

شو وطلع يعدل بقميصه ، حاجته على ياسر كللها نفس الحجي ، جوز تاخرت طيارته ، شنو جاهل وتخافين عليه .. باوعلي يله بابا دوصلج  ..

اخذت كتبي وطلعت وياه ، ذبني باب الكليه  وطلع لشغله .. دخلت للامتحان جاوبت جيد ،  صح دراستي مو مثل قبل ،  بس مشيه اموري هالسنه صارت سوده مصخمه عليه .. باجر اخر امتحان واخلص انشالله .. كلبي ماذيني ونفسي ضيك مدري شبي .. كملت كوه وطلعت ..

دخلت للسنتر شربت عصير ، وكلت ارجع لان احس نفسي مو زينه .. شلت جهازي ادك على ابو خط شفت امي داكه مرتين ياستار ..

دكيت عليها ماشالته .. طلعت بره كليه انتظر الخط دكت عليه  كالت ولج ابو فهد جايج للكليه ..

- شنوو ..

- كلب دنيا شلون طالعه من بيت وماكايلته ..

- على شنوو شكوو دفتهم ياامي ..

يكول مو كتلها ماكو كليه ،  على اي اساس اتروح .. شلون تكسر كلمتي .. بلعت ريك ..كالت يمكن جايج بالدرب تعاي بساع للبيت لايعاركج بالشارع ..

والله ماكذبت خبر ، مانتظرت ابو الخط ، كلت اخذ تكسي وارجع ، لا يفضحني بنص شارع هذا همجي يسويها .. مشيت بسرعه ، فتت من يم شباك قسم متابعه   ،  باوعت على روحي شال شامرته شمر عزاا ..

لفيته زين على وجهي ، وغطيت شعر الطالع من راسي .. من باب الكليه  اشرت لتكسي ،  توه توكف وشخطت سياره بشارع التفتت عليها .. معدتي مغصتني اباوع عليه نزل من سياره مزنبر وجهه احمر دم ..

كلت مابين اله خايفه ،  شنو المسويته غلط حتى يعصب .. جرني من ايدي حيل ، بنت كلب تكسرين حاجيتي ، جريت ايدي حيل من عنده:-  لاتسب لا تسب مو تايهه الك وبابا لا تسبه ..

رجع عت  ايدي حيل ومردها ،  عيونه انكلبن حمر .. بالقران ان ماصعدتي مثل الاوادم الا ارفسج هنا بنص شارع ..

مشيت وياه مثل المبنجه ،  فتح سياره ودفعني بالصدر .. اني بسرعه البست حزام الامان ،  ادري بي هذا راح يطير بينه على هذا شكله .. صعد هو وركع باب توه ارفع راسي ، احجي وياه ، واكله ترى زودتها ،

  وعطت من وجهي الزك بالجامه ، نص ضربه اجت على خشمي حسيت شي دطك بي صرخت من الالم .. ضليت ابجي واحجي حاطه ايدي على وجهيي حسيت شي حار نزل على ملابس وايدي ..

رفعت ايدي دم .. شفت دم لو تخبلت زاد بجي مالتي هو بهت هو .. شو اشوف .. تعاي جاي يابه دشوفج ...

كمت اضرب بيده وادفع ، اشوف دم يخر :- وخر وخر الله لايوفقك انشالله شتريد مني بيش طالبني ..

عتني حيل .. اكضبي السانج هناء احسن الج كوه كاضب نفسي عنج . ادفع بي هو يلزم بيه ايريد ايشوف وجهي ، تالي نكت ايدي حيل ولزم وجهي ، يمسح بي بالجفه اشتعلو عشيرتج ليش تعاندين ليش تخليني اضربج ..

ابجي وخر بوجهي عنه منا ومنا ، خشمي موتني احسه انكسر هو يمسح حيل بالدم .. ااااش كافي يابه شو تعاي جاي داشوف دم منين .. رفع راسي يباوع لخشمي ..

مابي شي يابه  صفحه وحده بس تجري .. دفعت ايده ودرت وجهي لازمه جفيه وضاغطه على خشمي اشهك وابجي .. كاافي شبيج شصار لاصيرين مثل جهال ، طبج مرض مو كتلج كليه ماكو عليش تكسرين الحجايه ..

- مو هيه بكيفك رشيد لا مو بكيفك كليتي ماتركها تعبي ماتركه ..

- لا شو بكيفي بالقران بكيفي ،  عجل منو انتي وتكسرين حجايتي ،  ولج كلج فرخ بط ، ادعوسج برجلي شنو تعاندين لو تخلين راسج براسي ..

- لا اخلي راسي براسك ولا اعاند ،  تعبي وحقي دراستي شنو تمتعي عنها بااي حق ..

- حقي رجلج يابه ،  رجلج وكلج لاا ماعلمتج امج رجال ماتنكسر حجايته ..

- مو رجلي وبعدك مو رجلي ، واذا ضليت هيج ماتصير رجلي لو اعرف انعس والله ..

- ضحك مستهزء مو هو على مزاجج اشتغل انااا ..

بيد امسح بدموعي ، وايد لازمه خشمي اريد نزف يوكف حتى دخت  : - عبالك عبده عنده يكفخ بيه،  وياذيني ويحبسني واسكتت ..

- لو حجيتي  وماسكتي شسوين ..

ماحجيت ضليت ساكته ،  ودايره وجهي على شباك ، وخرت جفيه كلها دم ريحه زفره دم خنكتني ، نوم اختلط دم ودموع  .. رجعت جفيه على خشمي ..  مو احجي تهددين بت حسن شنوو ..

بحه البجي بصوتي بعدها هو يستهزء بيه :- ماهدد ماريد مشاكل البيه كافيني ..

شبيج شناقصج ..

:-'باوعت عليه احسه يريد يستفزني ،  واني روحي طالعه الالم خشمي يدك براسي ، وضربته الي كافي واهانته هو يحجي وياي مترهي  .

- كتله تعرف ليش ماراضيه بيك ..

ملامح وجهه رخت ، كال بهدوء مطنش كلامي . كال:-  منو انتي وماراضيه بيه ولج ،  ابتسم ، تاج راسج تتمنى ضفري بالله ،  بس رفضج الي اعرف اساسه جهل ، وقله عقل لذلك متغاضي عنه ..

- هذا عيبك تشوف نفسك دوم افهم من غيرك .. تشوف بس انته صح ماتنطي مجال لغيرك يحجي لو يكول قراره ..

- عجل تريدن اخذ الحاجيه والراي منج ، وانتي اصغر مني بدهر ،  لو تربتج وبيئتج الي ماعلمتج غير بس دلال والملابس خفيفه ..

- مادام تربيتي ماعاجبتك ،  ليش مجلب بيه هواي اكو احسن من تربيتي وتوالمك ماخذتهن ..

- التربيه شي ،  والاصل شي ،  اني رايدج على اصلج ،  وعلى اسم ابوج واخوج جاسم ، مو على تربيتج الا سالفه تربيه اربيج اني على ايدي من جده وجديد  ..

باوعتله بطرف عيني دموعي ،  احسن نار ينزلن  هزيت رأسي كاطعه الامل منه .. خلت راسي على جامه لزم قميصي كالت هذا شنوو .. باوعت قميصي ابو كفه ..

شنوو شبي ..

هذا هيج طلعتي من بيت ذراعج طالعه جدام الوادم

هاك اكسرها هيه لاخرة يله ماعندك مانع انته ..

سكتت ، هو وحرك السياره يغلط ويسب بيمن مادري ،  ماخليت بالي يمه ، كارهه حتى عطره ،  وعطر سياره الي ماعرفه شنو .. وصلنه للبيت كبل لا انزل ذبيت جفيه على كشن كاشه روحي منها ، باوعتله بقرف ،  ونزلت لبيت خالي مسطوره سطر من الالم ومن ريحه دم ..

دكيت باب فتحته هدى بنت خالي ،  دخلت كبل امي تلكتني شهكت من شافت دم بقميصي ،  كالت شبي خشمج ولج ..

كبل بجيت كتلها ضربني رشيد ، ضربت على صدرلها كالت ، ضربه الله ،  وينه كون كسر بيده .. طلعت مره خالي هم تخبلت شلون ضاربج هيج ،  شنو وين عايشين احنه شبي هذا مخبل لو تايهه اله .

هذا محد طلع عينه علينه غير اخوج .. شلون يضربج هيج هاك صايره البنت مكفخه يوميه مدميها ادري شنو مالها اهل ..

عفتها وصعدت ركض للغرفه ، خفت لا يتعاركون واني يمهم نوب صدك انكتل .. اسمع حسها وياه وتحجي هو يرد شلو ن تطلع من دون اذني ، خلي تطلع مره ثاني اذا ماحشيت رجلها حش ..

كبت هوستهم بره بالطرمه ،  بالاخر ختمها وياه جان دخلت وتفتهمت وياكم بس بيت مابي زلمه بس نسوان ..

وحجي وياه اخوها مو وياج مرت عمي عافها وركب سياره وراح .

امي دخلت تحجي وتغلط على جاسم .. مرت خالي تهدي بيها .. دخلت للحمام كبل اسبح واسمع اصواتهم طالعه .. طلعت همه بعدهم متعاركين امي اسمعها تحجي ويه جاسم وتنتر بي ، وتكله اختك بس باجر وتخلص وهذا واكف مثل سجين الخاصره ،  والله اخذها واهج ،

اذا مالكيت صرفه اله افتهمت مو بنتي زمال مال دك اجت ودمها بطولها ..

مدري شيرد عليها عاطت بي ،  والله دشوف يازواج يصير هذا واني ماراضيه ، اذا لزم سالفه اشتكي عليكم افتهمت مو توليتني انته وعمامك ..

الصداع اخذ حيلي نوب صدري موتني احس ثكل عليه ..

انشف بشعري والالم دوخني لدرجه نعست ،  اريد اسمع شتكول وشنو حجت ماكمت اركز ، عفت منشفه وخليت راسي على المخده ..راسي رطب وشعري بعده ماي ..  لزمتني برده وعظامي كامن يونن .. مدري شلون غفيت بمكاني بس ميته برد والالم الي براسي يكتل ..

صوت امي فوك راسي تحجي ، وشي بارد على راسي ..لفيت نفسي زين الفراش ثكيل حيل ،  اريد ادفعه حتى اتنفس ماكدر .. حس ابويا وعطره .. ياسر الي مامنه خبر ،   مشتاقه لهند وسوالفنه .. سجى وزعلها عليه ، اسحاق اااخ ياسحاق وعتابه ااي ياكل ويشرب وياي ، احس من كل نسان اني مظلومه الا اسحاق اني ظلمته ...

كلشي فوك راسي وافكر بي ، حس امي اقوه شي ،  ولزمه ايدها احس بيها عكس اخواني وبابا ..

حسيت واحد شالني من فراشي شيل .. ماعرف منو سندني بعدها غفيت ماحسيت الا على نغزه ابره .. فتحت عيوني كوه .. امي حاجتني هاا يمه شبيج يعمري اسم الله ..

هاا يوم ..

شجاج يمه صخونه فول ،  وصدر متنك عبالك جنتي بنص ثلج .. خالتي كالتها شربيها الشوربه ام جاسم مادام حاره حتى يدفى صدرها ..

رفعتي كوه راسي ثكييييل ،  كوه رفعته من الالم .. شربت شوي كم خاشوه احسها فاهيه ، ورجعت مره لخ لفراشي .. مادري شكد مر وقت،  بس صدري مافكني يصوفر كوه النفس اجره .. لحد ماامي كالت امشي ناخذها للمستشفى مايفيد الا اوكسجين ..

هيه وخالي اخذوني ،  وصدك اربع ساعات بالمستشفه ويله فك صدري ، ورجعت اتنفس زين ومغذيات ثنين .. للمغرب يله رجعنه .. دخلنه للبيت شوي احسن مركزه واعيه بس الالم الي براسي بعده ..

كلت اقره شوي وبعدها انام ارتاح دخلت للغرفه وامي غطتني كتلها انطيني الملزمه اقره شوي لبارجر ..

ياملزمه يمه ياقرايه ..

امتحاني باجر يمه ..

يامتحان فاتج الامتحان يمه صارلج يومين بالفراش واليوم ثالث ..
شهكتت ابجي :- لا يمه الله عليج ..

اي والله غير دعيتي جنازه ،  ماشفتي نفسج شصار بيج .. رجعت راسي على مخده وبجيت لا الله اريد اخلص اني شهل التعب هذا ..

ميخالف يمه هو امتحان عود شوفي شلون خالج يرتبه الج ..

سألتها على ياسر ، كالت مامنه خبر مخابر خالج البارحه وكاله طلعت عندي شغله وماكدر اجي هسه ..

- شعجب ..

- والله اني هم كلبي لازمني ،  بس مادري بعد غير مخابر خالج ومطمنه ..

تفاعلكم 💜 وتوقعاتكم للبارت قادم