رواية ثأر مهري منهاا الفصل الرابع وأربعون 44 - بقلم اسماء ديمير

《《 البارت ال40》》

#ثأر_مهري_منها

بقلمي "أسماء ديمير ''

رفعت راسي من الارض فزيت ورجعت ليوره عطت يمااا ، خليت ايدي على صدري فززنتي  ، ماحجه يباوع عليه عاقد حاجبه وينزل نظره على سله الي بيدي .

بلعت ريك شلتها زين جنت خالتها على خصري حظنتها لصدري ، حجه ونظره على سله شجابج ليجاي ..

ارتبكت مارديت ،

نتر :- ماجاي احجي وياج ..

عيوني تفتر اتهرب منه :- كتله بيبي كالت روحي جيبي من بستان فواكه ..

رفع نظره عليه بهدوء وانتي اجيتي ودشيتي هناا ماتعرفين بستان اله اهلوو ولازم تاخذين اذن منهم ..

خنست ،بعدين كتله  :- والله بيبيي دزتني اني مالي شغل ..

- وبيبيتج شتكلج تسوين ،  هالكد انتي مطيعه ، تقرب عليه رجعت ليوره  ، لا ونوب مارده الي المحصول وتالفتلي المشمش ..

سكتت اعدل بدشداشتي ، هو يباوع عليه يريد ارد عليه ، بلعت ريك درت وجهي ،

حجيت اتوسل بي   :-  والله لكيته بالكاع ماحشت شي ، اصلا هاك ماريده ذبيته سله بالكاع ، رفعت راسي ماريده ،  خلص ،

جيت امشي جرني من ايدي حيل ورجعني كباله ،  احد كلك من دشين للبستان تطلعين منه نفس مانتي ..

- ماسويت شي صدك  ، وهذا كله لكيته بالكاع ، واني مالي شغل ،  اصلا مالي نيه ادخل هناك ، بس بيبي اصرت عليه ،  والا مااجي هنا ابد والله اصلا اخاف ..

- طيرتي تركيزي ، وصفنتي وصفوه راسي ، وانا جاعد هنا وهسه تكولين رايحه ، لا ورانه شغل تعاي جاي ،

جرني عليه ، لزكني بي ، ضليت ابلعم ، لا عفيه خلي اروح  ، الله يخليك خلي اروح عفيه ،

- لا لا وين بعد وكت ، جرني وياه  جوه للبستان حتى محد يشوفنه  ، بجتت من خوفي  ، وين ماخذني لاعفيه لاتسوي شي والله بعد مااوصل توبه ..

ضليت اتوسل صركعت راسه  ، هو ولايمه ، عفيه عليك الله خلي اروح ، ابعد بايده هو لازمني حيل يجر بيه ..

نوب اخذني جوه للبستان يم اشجار الحمضيات هو هناك مكان اظلم من كثافته ..

دفعني على الاشجار كال يله يابه ، خفي ايدج ولمي الي بالارض هذا هم ، ماطول شاطره بالم محصول ..

- خلي اروح بيبي هسه ادور عليه اذا تاخرت ..

- مادور مالج لازم يله خفي ايدج ..

- صدك تحجي انته ماكدر مابيه ، هنه مشمشات كوه لميتهن والله مابيه ومااعرف هم ..

- تتعلمين يابه مايرادلها شي ، اشيلهن الزين والي بي روح واخلي بالصندوك حتى اوديهن للمعمل ....

عافني ومشه عطت بيه كال والله اذا رجعت ولكيتج واكفه بمجانج وممسويه شي ، اهد جلب عليج بالقرعان ...

نوب كعدت بمكاني مدمعه صدك يحجي ، خاف صدك يهد جلب عليه ، شفته رجع اجه يمشي باتجاهي كمت وكفت لحيلي خايفه ، شايل بيده صناديك كبار ...

يله ياول خفي ايدج ولمي الي بالارض  واترسي صناديك هاي كلها يله ...

- مااا اريد ارجع والله اعيط الم ناس عليك ..

شو باله عيطي دشوف منو يسمعج .. مشه باتجاه الجلب وسحله ، وذاك كلب الدنيا بالنبح ، عبالك مدري شايف كباله ،

لميت نفسي وخنست ، ضليت جامده يمااا اذا هده عليه والله يمرعدني .. وكفه كبالي وشده بالاشجار ياله ياول مادام نفس عليج طيبه ،

اخذ اكرك وكعد يشتغل وخلاني واكفه كبال جلب جامده من خوف ...

نوب هذا جلب شافني لو تخبل ضل يكمز يريد يلوحني ..

سحلت واحد من صناديك ، وابتعدت عنه ، الم من الارض وادردم ، هسه بيبي اطين عيشتي شيخلصني منها ، هسه تاكل راسي ،

ويني وين البستان اني طبني مرض شطلعني اصلا ، ليش هو اني توكعلي الطلعه اصلا ، طاح حظي اذا عدي حظ ..

الكط واحجي ، شفت نبك بالكاع ، كمت الم واخلي بحظني اكل واشتغل ، اترس بطني قابل اشتغل بلاش والله يالله ..

اديه انترست ريحه برتقال وليمون ، خاب مشمش والله ماينشبع منه ، اجاني صوته ينتر كتلج اترسي صناديك مو تترسين بطنج ام بطن ...

انداريت عليه والله مااشتغل بلاش اني ، جيبلك عامل يلمهن الك وشوف شكد ياخذ ...

تردين فلوس بت حسن موو ..

الله لايعوزني الك ، اخذ حق تعبي بيدي ،

لاتاكلين هواي لابطنج تخرط وين تولين ، ابتسم يستهزء ..

باوعتلي بشمئزاز ، شكد مقرف ، كال اذا تردبن شي اكو كوخ هناا اشرلي براسه على اليمنه ..

باوعت بتجاه اليمنه ، اكو صدك كوخ من خوص ، تارسه صناديك مليانه محصول فواكه ،

دنجت الكط وهو كعد على صناديك يدخن ، كل شوي ارفع راسي الكاه صافن علي ،

بالاخر كال :- شيصير لو قبل كم شهر جنتي بنفس هالمكان وبلا الي صار ، وامي موجوده تنتظرنا بالبيت ..

درت عليه وكفت لحيلي ، مصدومه بحجايته ، همست الله يرحمها ، وانته شيصير لو متعامل وياي زين ومقدر وضعي وتعبي ..

دمعت عيني ، منا فقدت بابا جانت روحي بي ، ومنا اخويه الي كسرني لخاطركم ، ومنا مرض ياسر وسفره ، فوكاها اذيتك وضربك  .

صديقتي الي ماتت وبعدني ممتقبله موتها ، وانته جفتت عليه بزواج ، كلشي انجمع عليه ، وز رقيه عليك وعلى اهلك كلشي خلاني ماتحمل وانفجر ..

والله فكرت انتحر بس خفت من الله ، خفت اموت كافره مالكيت غير بس درب واحد هو اروح لياسر واسافر عنده ، بس من وصلت هناك ماكدرت ابتعد عن امي ، هيه بلا شي تون على ياسر وتبجي على فراكه نوب اني اعوفها ،

سالفه زادت عليه ضيم بعد ماانسجن ياسر وتمرضت امي ماكدرت ماارجع ، خفت يصير بيها شي وكلنه مو يمها ، صفت لا ولدها ولا بناتها يمها باخر عمرهاا ،...

تالي من رجعت تلكيتوني انتو ، نفسهم الي اذوني قبل رجعو اذوني من رجعت ولا تغير شي ولا اتعضو وخاصه رقيه .. . عبالك كاتلتلها واحد من اهلهاا ..

صافن بوجهي واني احجي ، نوب ماكفاكم اتهمتوني شارده ويه احد ، قاطعني وسالني بفضول ...

شبيها رقيه  ..

شنوو ..

رقيه شنو جانت تكلج علينه باله ..

رفعت ايدي اشرله :- جانت تحجي عنك ، شلون تضرب مرتك ام فهد ..

طليقتي قصدج ..

اي هيه ،

وبعد ..

جانت تكلي ناويه بس تزوجون يبطلج من كليه و يلبسج حجاب وجبه ..  وحتى لبغداد ميخليج توصلين ...

رفع حاجبه اي بعد ..

سكتت ،

كملي ..

درت وجهي عنه ، مايفيد الحجي بعد ..

كام لحيله همي ايدج يله خلي اوديج للبيت ..

مابيه تعبت كمل شغلك بيدك ..

ترى ماجمعتي غير صندوك واحد يابه ..

قابل فلاح اني اشتغل عدك واعرف اشتغل انته مالي شغل والله ..

طاح حظج ، شال صندوك على جتافه ومشى جدامي .. 

مشيت وراه ، شلت سله صغيره كتله راح اخذها ، هز راسه ماحجه وياي مشه جدامي ، واني وراه امشي واتعثر كل شوي يندار عليه ..

اباوع لطوله ، يطلع بكد جاسم ، وبطوله لابس سروال وفالينه نص اردان وبسطال ، ومترب من شغل ، الي يعجبني بي شاغول مايتملل لو يتعاجز ، بالنهار يشتغل بالبستان ومترب ، و العصر كاشخ ومعطر ويتفر لو معمل لو بيت جدي ..

صافنه وامشي وصلت قريب البيت ،  لكيت بيبي لابسه عباا وتريد تجي من شافتني ضلت ترزلت وتنتر بيه شلون بطيتي وعبالي وكعتي بالبستان وضل بالي  ..

كتلها والله ماخلاني اجي يريد يشغلني وياه بالبستان وحصرني ..

التفتت عليه كللها هاج حجيه صندوك مو سله ، مره الاخرى دزي علي اني اجيب الكم ،  مو دازه هاي تهبد بنص البستان ..

ذبه بالارض وعافنه ومشه ، اني هم دخلت ركض للبيت خفت تلكفني بيبي تكمل رزالتها ..

وراها بايام بيبي عزمتهم وحاجت جدي يصالح حسين ويه رشيد ، والله وصدك لمهم يوم جمعه وكالو لحسين توكع على ابو فهد تعتذر ..

صح تصالحو بس الكلوب ماصفت ورشيد كللهم ماله شغل عندي وبدون زعل كل ولد عمي هيج ماريدهم بعد ، صح طاح زعل بس مالدغ مرتين اناا ..

عمامي ضاجو لان رزق ولدهم انكطع ، بس ماكدرو يحجون لان الغلط راكبهم ركوب  ..

لليل همه مجموعين عدنا ، كسرت ضهري مرت عمي بالشغل الله شاهد ، كمت من ادنج واوكف ظهري يطك ، متت بيومها ، هند حامل وماتتحرك منا لهنا تخاف ، وعلا هم حايره بفهد ماتساعد والبقيه عبالك خطار البرابيك .. ياكلن ويمسحن اديهن بالحايط ،

واكفه على طباخ ، واخدر بالجاي وعين ثانيه عليها جمر النركيله ، واكفه وادردم عبالك اشتغل عد خلفهم والله يالله ..

دخلت بيبي تباوعلي بطرف عينها ، اخذت جاي كبل لاتطلع حجت لاضلين تدردمين وتمنين بالعالم هنه جايات من امداج  وطلعت ،

اباوع وراها ،  مكيفه هيه عدها عيد من شوفني ادك دك زمايل ، وهنه ياجايات والله مواعين الغده بيهن مال عشيره خاب استكاين جاي كل وجبه بالعشره وهاي كل شوي صبي وخدري واغسلي ..

ماتت اديه ، دمعت عيوني وين دلالج ياحسنه تعاي شوفي بنتج ، شصار بيها ، ضربت جلافه بالسنك حيل وادعي على نسوان عمي ،

سمعت صوت وراي افااااا هاي جايات وهيج ...

انداريت عليه ضايجه :- احد كللكم اني معزبه ، ماتخلون اخواتكم لو نسوانكم تخدمكم شمحصله منكم اني بس شلعان كلب  ..

واكف مترهي يفر بالسبحه :- تردين رشوه لو اجر على شغلج بت حسن ، صايره ماديه ..

وكفت متخصره :- والله لو تنطيني فلوس دنيا ،  مااخدم واحد بيكم بس مجبوره ،  غير اذا احجي بيبي تدمغني ..

والله محد خلاج تجرين عدل غير الحجيه لو ادري جان سحلتج من زمان يمهااا ..

متفقين عليه انتو ، خلو الله بين عيونكم ، دمعت عيوني نهظمت حيل ، نطيته ظهري ، التميتو عليه كلكم خلوني ارجع يم ياسر كاافي عاد ارحموني ..

ضليت اغسل مواعين وابجي ، اسمعه يتأفف وراي ، مشه وعافني ادعي عليهن نفر نفر هو هم لاحته دعوه مرتبه ..

شوي واجت علاا كالت هاا جان صحتيلي اساعدج مارديت عليها ، رفعت ارداناتها واجت تساعدني ، ضلت تسولف عن هذا جاي يخطبها من رشيد ..

يصير صديقه وشريكه هم بالشغل ، مشي عليها مرتين وجدي ماراضي ، يريدها لواحد كرايب ، بس رشيد يكول خوش رجال وشاغول ..

وانتي'شتكولين ..

سكتت رفعت عيونها علي ..

كتلها ترى ياسر ناوي يخطب ويعقد على بنت خالتي سعاد...

سكتت وكملت شغل ، كتلها ، ترى ياسر ماحبج مو لان بيج عيب لاسامح الله ، بس هو من زمان حاط عينه على ميس من همه صغار ، لذلك من حجو بيج يمه كللهم لا خطيه خلي تشوف حياتها اني مافيدها ..

حجت بصوتها بحه حزن :- كالت ادري ، سولفتلي بيبي كلشي ، اني اصلا بعد ماريده صح افكر بي لو من اشوفه ارتبك بس بعد ماريده ..

راح تنسي والله اقبلي بهذا الخطبج يمكن نصيبج ..

كالت انتي نسيتي اسحاق ...

تفاجئت بسؤالها ، سكتت صافنه ، اني نسيته لاسحاق لو التهيت بالدنيا وتناسيته :-  كتلها يجي يوم وانسى حالي حال ناس ، يجي يوم والتهي بحياتي ويختفي ذكره عن بالي ..

اقبل يعني ..

اقبلي وشوفي حظج بالكت يكعد يم هذا ..

عجل ليش ماتقبلين برشيد ..

رفعت حواجبي ليش هو اخوج مشه عليه مره ثانيه يالمعزايه ..

لا خيه ولاباله انتي اصلا لعبت نفسه منج ...

ضحكت طاح حظج اي والله ..

اي يمعوده دضحكي هيه دنيا هم تسوي يحظي .. خلصت وياي شغل مطبخ ورحنه كعدنه يم بيبي ، رقيه كاعده يم رواء وتسولف ، وسلوى يمهن تضحك ..

شكو وحده تتقرب عليها رقيه انقهر عليها ، واكول راح اتضيع وراح تاكل تبن ، وصدك ابد مايخيب ضني ، سلوى خلتها مثل الخبله ملابس داخليه بكد راسها ، والكحله وحمره سحريه ..

لو رواء الي طول اليوم رقيه ساكنه بيتها ، حتى تندل غراض المطبخ اكثر منها ، احسها بيها دوده ماتركد لانخلي بيت عمي علي لا بيت عمي سلامه لايمنه  لا يم علا بس تفتر ، لابسه نعال وتهفي بي وتفتر ..

شوي وكمت اغسل وانام لان دخت منهن ومن زن ، رحت فرشت فراش ولفيت راسي وتغطيت ، ردت يحسن ماكوو ، ، ضليت احوص نعست بس كل شوي فازه على صوتهن .

بيبي كلتلهن بره اطلعن خلن العالم تنام ،

كللها بعد وكت اكو نوم هسه ..

العالم من صبح تشتغل وينهد حيلها بساع ، شلجن غرض انتن متعافيات يله بره ..

صدك طردتهن بره اسمع اصواتهن بالحولي يلغن ، نوب صوت مواعين طكطك ..هسه الكه السنك صبح متروس مواعين واستكاين ، والله مااكوم ولا غسلهن ولا الي'شغل ..

مو ياكلن ويشمرن واني وراهن الم امهات الوصخ .. غمضت شوي غفيت بالنص ساعه ، وفزيت تذكرت دواي ماخذته ، كمت مسطوره سطر شدعي عليج مرت عمي خلتني طول اليوم مسطوره من شغل ..

دخلت لمطبخ خالته بالثلاجه لايفسد ، بلعته وشربت ماي ، توه ارد الكلاص للكاونتر واسمع صوت ، التفتت وراي عبالي احد بالمطبخ يحاجيني ..

ماكوو ، صوت تكرر مره ثانيه ، اسم الله شنو كمتي تتخيلين  ، وصوت همس ..  وجن صوت دوسه ارض هم ، ياربي وين ، باوعت للحديقه ، صوت جاي مناك  ، هاي الاصوات جنها سوالف هند وسيف قبل  ..

ضحكت يااا هاي صدك عود من كل عقلهم ، فتحت البرده شوي داشوف ، ماواضح دنيا ليل ، افتر بعيوني والله اكو صوت بس وين ، لمحت خيال ، اكو اثنين واكفين بزاويه بصف حايط ، قريب النخل ..

هيه لازمته هو دفعها عنه ، رجعت حظنته ودفعها حيل ياشر باصبعه يهدد ، عقدت حواجبي يااااا هذول منوو .

جيت اطلع واشوف بس ترددت خفت ، ضليت اراقب ، هيه تحوص تريد تلزمه هو ينتر وياشر بيده معصب ، ياابه متتت اريد بس اشوف مني ماكووو ضلمه هندس بس خيالهم باين عندي ولااكدر اطلع خاف تنكلب سالفه عليه .. هو اني صوفتي حمره ..

تالي سمعت صوت باب انربد مال حوش وهمه ثنينهم فزو .. انداريت وراي اشوف شنو هالصوت ،  طلعت سياره من بيت جدي جنها مال عمو سلامه ، رديت باوعت للحديقه اختفو ثنينهم ..

طلعت اريد افتح باب واشوف الحديقه هذول منو ، توه افتح باب وفزيت من انردمت بيه رقيه ..

هيه هم فزت وعاطت بيه ..

خرب شبيج عميه ماتشوفين ...

عمه العماج اني لو انتي ..

انداريت وراها اشوف منوو باب الصاله الخارجيه انسد كبل مالحكت عليه خرب ، انداريت عليها شسوين بره ..

مرتبكه وتعدل بدشداشتها و تمسح بوجهه، شسوي مثلا حرام واحد يطلع للحديقه شنوو..

توه ارد عليها دفعتني ودخلت تحجي وتدردم  هم عوزه اخذ رأيج هذا العايزني تهي بهي ..

عافتني ودخلت هاي شسوي بره ، معقوله هاي هيه الي جانت تحظن يااا عزاا اذا صدك يماا تحظن نوب الادب سزز زين هذا منوو معقوله ابو فهد هيه دودت عليه معقوله هوو ..

يمكن لعد على شنو لازكه ويه سلوى اكيد عليه .. نارهم تاكل حطبم شعليه .. كلت اكول لبيبي عليها ، بعدين كلت هاي شيطان تفرها عليه هو هم ينكر ، طبهم طب ..

دخلت للغرفه وراسي مفتر ، شكد عينها كويه والله نوب هيه حاصرته وتتوسل بي ، هو شبي عصبي ويبع شرفيات يامه حصرتني ، اخذلك مطكه هيه بلاش ، ضحكت على عقلي كبر  لج حرام شهل تفكير ،

غمضت عيني واني بالي هسالفه ، من يومها بصمت بالعشره رقيه شيطان اخرس ، وحيه من جوه تبن ، محد عرفها بكدي على كد ماتأذيت منها ولوعتني تلوع ..

ياابه من اذكر صحبتي وياها قبل ، وشلون جانت مستغلتني ، ولاخاله عليه لاملابس لاعطور حتى اكسيوارات اغم نفسي  الف مره ، فد غبيه ورعنه فرتني فرر ، ام عين فارغه ..

وين احنه فطيرات والله مانعرف دغش ، حتى ثوب الي علينه ننطي ، صح عنوديه والسان بس ماعندي خبث ولانحس ولا اذي بشر حتى لو ياذيني ..

نسيت سالفه وكلت جوز متوهمه وراحت سالفه بأهلها ، اجه وراها ياسر كللهم راح اخطب ورايدكم وياي ، جدي ضاج والوجهه انكلب وجاسم بعد ازود لان راح ياخذ من خوالي وهمه لحد هسه ماصفت الكلوب..

بس عمي سلامه وكف وياه وعمي حميد ، عمي حميد لو ماخالتي وراه وتلوي ذراعه هم مايقبل بس الله شاهد ساكمته سكم ، تكول اي هو يكول اي ، تكول لااا يكول حميد لااا..

كلمتها ماشيه وبقوه وتدلل عليه ، لحد ماصدك ترست اديها وصدرها ذهب يله كعدت وسكتت جانت يوميه تتزعل وتدلل حتى يرضيها بقطعه ..

اني هم ردت اروح وياسر كلي حظري نفسج ، كيفت راح اشم هوى بغداد بوياا شكد مشتاقه ، جاسم نتر ماتطلع ، بيومها بجيت بجي متت والله من قهري ،

بيبي من شافتني هيج ، كسرت خاطرها ، كالت اني راح اروح واخذها وياي ومن ارد هم وياي ، كالت هاهيه مو تكلبين عليه هناك هنيوو وتجلبين باامج ..

لا والله ابد وياج متت بيبي اريد اطلع ..

عرج مايطكج اخذج واردج بيدي ..

اتفقنه هيج وصدك رجلها على رجلي برغم عمامي ويانه اجو ، بس هم حظرو الخطوبه والعقد بنفس اليوم ورجعو ..

ميس كعدت يم خالي بعد زواج خالتي سعاد ، وضلت يمه لحد ماتتزوج ياسر ويستقرون وحدهم ، خالتي سعاد امنت على بنتها بعد يم ياسر وتعرفه وتحبه حيل ، وامي اصلا حنينه عليها ..

جان العقد مالتهم يجنن ، كلها اجت خوالي وخالاتي وحتى الي باربيل هم اجو ، البيت مالك محطه رجل ، من صدك تونست لمه احباب ، كلهم احبهم ماعدهم نفاق لو طعن بالعرض ..

مو لان خوالي لا والله ، بس هذا طبعهم كلش كلش اذا رادن يشيلن خطه احد يعيبن على ملابسه ويكولن عوووع .. بس غير هيج ابد يكولن شعلينه اووي ..

رجعو عمامي ، بيومها ، شلت هم علا خطيه ، بس مصيرها تنسه ، هيه مو باله قابل نجبره ياخذها ، بس صوج مو صوجها صوج بيت جدي الي حطو براسها وخلوها تبني احلام وقصص حب عليه ، مسكينه الله يعوضها بهذا سجاد بالكت يطلع خوش انسان مو مثل اخوها ...

اني وبيبي جلبنه اسبوع ، والله ردت روحي ، بيبي ماخلت لا الكاظم لا ابو حنيفه ،  لا شيخ عبد القادر ،  تفتر واني وياها طاكه الجبه وافتر وراها ،

ماخلتني اطلع وياها الا ولابسه جبه صح حلوه ومخصره جنها فستان بس اني كارهتها بس لبستها مجبوره ، احسن من حصره اريد اطلع بااي ثمن ..

جني عجوز بسوالفي ، بس خسرتها هواي وين مااروح لازم اشتري وهيه ابد ماتكول لا خطيه ، طلعت فلوسها الي بيهن ريحه عنبر كلهن  ...

كل مارجع لبيت خوالي اديه متروسه علاليك ، تكلي شراح ياخذهن لديالى ولج شيشيلهن .. عود كل مااشتري تكلي اخذي لفلانه هم ، واخذي زياده لفلانه خطيه ..

صدك ماخذت بس لهند ولعلا والبقيه ياكلن حوو هم عوزه اشيل مشتراهن يالله ، فد يوم جنه مارين من يم مول المنصور وجلبت بيبي بداعتي بس ناخذ فره ونرجع والله ..

ولج بادت رجليه ياجده متت خليها غير مره ..

لا لا عليج الله باجر راجعين منلحك بعد .. شوي نص ساعه فره وحده ..

ياايمه راح اموت ولج رجليه كامن يونن ..

اكعدي عود وخلي اني اخذلي فره شوي وارجع ..

لا لا ابد عايفتج بنص صبيان يمه شبيه تخبلت شجاني ، امشي نشرب النه ميه لو شي ونطلع .والله صدك دخلنه وكعدت بالمطعم تريد تشرب ماي وتطلع ، كتلها خلي ناكل جده على الاقل ..

ياول وشلت انتي تفلسين الزنكيل يمه ، تبذرين شكثر .. 

ضحكت عليج الله ماتونستي ، جدي بحياتج مافارج هيج فره ..

خلت الفوطه على وجها كامت تضحك لابالقرعان ابد مامفتره هيج شكثر تونست ، جدك كبل اذا يريد يونسني يسحلني لو للغرفه لو للبستان ..

ضلت تسولف على جدي وتضحك اخذتنه سوالف طلبنه اكل ، اخذت بيتزا وهيه تكول خبزه ام الحم ، لفتها مثل لفه جبن وتاكل ..

عفتها وراي تخلص اكلها وكمت للحمامات اغسل اديه وعدل وجهي ، ريحتي كلها بيتزا ،  دخلت للحمام كله بنات ، الي تعدل والي تتمكيج ، اني غسلت و عدلت وجهي وحمره الي انمسحت ، والله لو يدرون بينه دايحات بالمولات الي يسودون عيشتنه ..

طلعت امسح باديه ومدنجه افرك بيدي ، افكر اذا عرفو طلعت وفتريت ابتسمت والله مااجوز ابد ، على كولت بيبي فد يوم تموتين من سوالفج ..

رفعت راسي ونصدم من الي شافته عيوني ، هووو ؟؟!

وكفت متصنمه بمكاني ، خاف متوهمه مو هوو ؟؟

لا والله هووو ياا !!!...

يااايابه شصاير بحاله شجره عليك ، جنها دنيا هم ملوعتك مثلي ،

#يتبع

نزلته من وكت لخاطرجن ياولوو

لاضلن تصيحن بارت بارت بارت 😑 كاعده على ريوك واكتب والله ترضنها ..

#تفاعلكم