رواية ثأر مهري منهاا الفصل الثامن والعشرون 28 - بقلم اسماء ديمير

س /قصه شوكت تنتهي

ج. /قصه تقريبا ٤٠ بارت او اكثر حسب التفاصيل الي جاي تنروي الي ، وجوز اختمها قبل رمضان وبعد رمضان اكملها بجزء ثاني

س/ قصه حقيقيه لو خيال

ج/ قصه حقيقيه بس ماتخلي من الاحداث الواقعيه والرسائل الي ضفتها و حبيت انطيها للقارئ

س/ منو وصلج القصه

ج/ صاحبه قصه نفسها تعرفت عليها بوقت دراستي وبعدها تعرفت على وحده من بنات عمها الي هيه علا الي شجعت على نشر القصه وسولفت تفاصيل ماجانت تعرفها هناء نفسها

س/ عندج اخطاء بالاسماء شعجب

ج / بعض الاسماء هيه وهميه مو حقيقيه عدد اهلها وعمامها مو قليل ، كل عم مخلف سبعه وسته ولد ومن عدا البنات طبعا .. لذلك جنت عن طريق الغلط الكه نفسي كاتبه اسمهم الحقيقي مثل ابوها الي خبطت بين اسمه حقيقي والوهمي عامر وحسن ..

س/  هناء وكحه وعدها هواي اخطاء وتناقضات جاي تغلط هواي

ج/ عن نفسي ماشوفها غبيه ولا غلطانه ، لان مستحيل احجي قصه وحده بهل سوء واخلي متابعات يقتدون بيها لو يضيعون وقتهم بقرأه قصه تافهه مابيها اي رساله لو معناه . . هناء اول شي مريضه ربو مزمن ،  وابوها طول عمره مدللها بسبب حالتها ،  جان اخوها اذا يكللها وجع يتخبل ويعصب الاب ،

بعد ماتوفه ابوها مباشرتا كامت تتعرض لتعنيف ، ومحد يحاسب ويكول ليش تنضرب الاغلب جان يسكت ويشوفه عادي ، عده امها وياسر الي جانو مابيدهم شي عليها ، ضرب وصل لدرجه وجها لحد هسه بي اثر ضربه من ضربات .. فكيف بنت مدلله ومريضه تتعرض كبل لتعنيف من ناس هيه متحبهم ، واكلو حقها وفوكاها يردون يزوجوها غصب عنها ،  وهيه شافت حياه اختها عباره عن جحيم ، عود هند مزوجه عن حب فكيف ماهيه تكره هالانسان وتكره حتى عمامها ..

اما الي'يلومها على حبها لاسحاق ، ترى كل بنت مثل هناء وبشخصيه هناء ، راح تتمسك بواحد مثل اسحاق تحب دلال والكلام طيب والمغازل ،   وهذا كله لكته عند اسحاق ، على كولت بيبيتها جنج بزون تحبين الي يتمسد عليج ..

واسحاق جان زين وياها تغلط وتعوفه ويرد يرجع عليها ويتمسك بيها بحيث تكول والله سنين اعرفه عمره ماغلط عليه ، حتى المرات الي رفع صوته عليه معدوده ، تقدملي اكثر من مره ،  قارنت بينه وبين ابو فهد لكيت فرق سما  وكاع بين همجي ومثقف بين رومنسي وبين واحد حيوان ، بين واحد سنين اعرفه ماتجاوز وياي وبين واحد كل مايلكه فرصه يحصرني بمكان  ..

تكول اكره جنت اكره كره بس الله يعلم بي .. لا تشوفون القصه رجاءا من زاويتكم انتو  شوفوها بعيونها هيه لو انتو ترضون يصير بيكم هيج تتحول حياتكم بين ليله وضحاها للاسوء من مدينه الى ريف من طالبه كليه صيدله لوحده كاعده بيت رجال متحبه ،
من شخص تحبه وتريد تزوجه الى خطيبه واحد حتى مياخذ رأيها بشي ويمد ايده عليها باقل غلطه ..