رواية ثأر مهري منهاا الفصل السادس وثلاثون 36 - بقلم اسماء ديمير

《《 البارت ال33》》

#ثأر_مهري_منها

بقلمي  "أسماء ديمير"

وراها تعيش لكن كلبك يموت

وحساسك الطيب يبدي يفهم

ماتحلم بالي عنك يروح

ومامسموحلك يوميه تندم

كل جروحنه وكل معنات من وره ناس البيه نحلم ...

ما انهزمت منهم بطر ، ولا اتجهت للمجهول بأرادتي ، الله يشهد حتى بهاي جبروني ، طول عمري احسب لخطواتي واحسب حساب اهلي ، بس بهاي مافكرت حتى بااهلي ولا امي الي هيه اعز شي عندي ،

فكرت شلون اخلص منهم ومن ظلمهم ، شفت دنيا شلون ثارت عليه والتمن الصعبات كلهن بوقت واحد ، نفسيتي تدمرت واني اشوف مستقبلي ودراستي ضاعت ، صديقتي عمري الي ماتت وهيه دايره وجها عني ، الملامه الي حصلتها من اسحاق ..

اخوي الي كسرني اول ناس ، وباي فرصه تطلع جدامه يدوس عليه ، لو ابو فهد الي يدعي الحب بس مايعرف يحب ، ولا شفت الحب منه ،  اي ادري بي خوش انسان ، والكل تحمد بي وباخلاقه ، وبابا خير دليل ، يكول عليه زلمه ونعم ..

بس ويه مره ميعرف يتصرف ، تربيته عملته المره مالها رأي ، او الاصح نسوان الي شافهن بالحياته هنه مثل الحيوانات وخلنه يشوف كلنه نفس طينه ..

كلنه ننضرب و نتزورك وبعدها بهديه لو بقطعه ذهب نسكت .. حتى كلمه اسف مايكولوها لان مالها داعي همه اصحاب فعل مو حجي ، مايكعد يعتذر ويتعب فاده ..

بفضل  يتعب جيبه بقطعه ذهب ، وهيه تخرس وتنسه ضرب والاهانه ، لان هيه مره وتتحمل وعادي قابل اخر مره لو اول مره تنضرب ..

هاي المبادئ  الي عدهم و، هاي نظرتهم للحياه ، نسو بشر عن بشر يختلف ، مو كل نسوان نفس العقل ونفس طاقه تحمل ،

اكو من يتحمل لاخر عمره مثل ام رشيد ، صبرت لحد مماتها  وغيرها ، واكو الي تهج وتجر رجلها وياها واطلعه من البيئه الي هو بيها مثل امي ، واكو تسكت وتتحمل حبا برجلها مثل هند ، واكو تخنس تخنس وبعدين تنفجر عليهم  وادمر نفسها كبل غيرها مثلي ..

مانتشابه احنه نسوان ، لذلك لحد هسه محد لكه طريقه وشلون يتم تعامل ويانه ويسيطر علينه ، يمكن غلطت ويمكن جان افضل تصرف اتخذته بحياتي ، بوقتها جنت اشوفه الحل الوحيد وهمه جبروني عليه اني ماجنت اريد هيج ...

ومرات اكول جان ماتت امي بسببي ، جان انكتلت ومتت واني العار لابسني وحتى كبر مالي ، جان فجعت امي بيه ، واخواني يضلون طول عمرهم مايرفعون وجهم من كاع .

بس من توصل للموت تندم ، ندمت على فعلتي ، شفت شريط حياتي كبالي ، مليان اخطاء ، سويت كوارث بنفسي وباهلي ومو داريه ، يمكن جهل مني ، او قله وعي ...

او وزه شيطان ، او يمكن الاشخاص الي حواليه همه زرعو بيها روح تمرد وخوفوني خلوني اشوف الهروب افضل حل واسهلها ..

بين واعيه وبين لااا ، بس دايخه اغمض بعيوني وافتحها ، خيال بشر كبالي بس ماواضح زين ، الرؤيه مشوشه عدي ، حاولت اصحه ماكدر ،

واحد كاعد كبالي   ، وخال رجل على رجل ومشغل جكاره اشوف بس الجمره مالتها ،  بس هو ماواضح ..

غمضت عيني على كيف ، جسمي بي رجفه مال وجع ، كله يون عليه ، غمضت حيل وسرت رجفه بيه من شفت خيال وكف وتقرب علي ،

شهكت بالبجي درت وجهي خايفه من ضربه ، حسيت على ايده لزمت سحاب مال تراك مالتي وجرته  ليجوه حتى ينفتح ..

غمضت عيوني حاولت اسيطر على دوخه مالتي ، لزمت ايده كوه ابعده عني ، نتر ايدي حيل ،  اديه لزمت بطني ، نوب نزلت لرجليه ،

اريد افتح عيوني بس ماكدر اثكال حيل ، بس جنت مضايقه من جاي يصير ، عندي الالم ضليت احوص وابعده عني هو يدفع باديه حيل ، ويعصر بذراعي ..

ماواعيه جنه حلم لو حقيقه ، هاي اغلب الاحداث الي اذكرها ، بس الم وجع ونن عظامي عليه ، قفصي صدري احسه متحطم ، واحد ضاغط عليه ، استسلمت للالم ورخيت نفسي لفقدان الوعي ..

خيال مدري حقيقه ، والله مافرزنت الواقع من الحلم ابد ، لان لااكدر اشوف ولا اكدر احس ، اغلب الوقت عندي الالم وعيوني مغوشات ، مورمات من ضرب ،

تلمست وجهي اوخر شي زعجني يمشي عليه ، فتحت عيوني شوي ، صوت ذبانه تزن براسي و لازكه عليه وعلى وجهي ، رفعت ايدي على كيف ابعدها عني ..

وكفت على كصتي حركت راسي يمنه يسره بطئ ، راسي ثكييييل جن واحد دايس عليه ..

غمضت عيني ورجعت فتحتها كوه ، حاولت اكوم لحيلي، ذبانه سطرتني اريد اسيطر على روحي ، حتى اكوم ، سندت نفسي وكمت رفعت راسي وين اني ..

ضليت اتلفت الرؤايه مو واضحه عدي مغوشه ، سندت راسي على حايط احاول اسيطر على نفسي ، وشوي اوعه ..

مدري شكد مر ، واني على كعدتي ، صافنه التفتت على اليمنه شفت باب مفتوحه على حيلها ، استغربت ، رجعت باوعت للمكان الي اني بي ..الكاع وصخه كلها تراب مكدس ..

لو الفراش الي اني نايمه عليه تخم مغطى بقطعه قماس نوب كلها تراب ، وصخ ، شبابيك مسدوده وعليها كراتين ، مابيه حتى اكوم بس عيوني تفتر ، 

نوب محصوره اريد الحمام مابيه ، ضليت اتحرك واحوص ، بجيت بمكاني خفت لااسويها علي نفسي ، سندت نفسي بيدي ماكدر اكوم ايدي زركه نيل المعصم جنها مفصوخه . وجف ايدي ملفوك بقطعه قماش شكبرها ،

فليتها دشوف شنو هاي ، شاطت روحي من شفت المنظر ، بيها جرح عميق ، تقريبا نص جف ايدي مشكوك بيها عبالك بكزازه ، وصله جوزيه صايره حمره من دم  .

دخت من منظرها ، صح ماحس بالمها ، بس كل جسمي يون ، كل طرف وكل ناحيه ، ماتعرف وين وجعك ، كله يون عليك ماتفرزن وين الاذيه ،
...

رجعت راسي ليوره وضليت ابجي ..
.

يارب عيني انته من يمك اريدالعون ، رجعت مره لخ دست على نفسي وكمت ، اريد حمام راح انفجر ،  رجلي ماينداس عليها مورمه ، والله حسيت نفسي سكط وبعد مالي اي علاج ..

تمشي خطوه واريد اوكع على وجهي ، ممتوزنه وكفت بمكاني احاول اسيطر على روحي وبالكت دوخه تخف ، مشيت شوي لو بس اتلاكف الحايط شوي يعيني واستند عليه ..

هنه كم خطوه بس جن دهر ، كوه وصلت للحايط بالشافعات ..

خليت راسي عليه اريح نفسي من دوخه ، البيت وصخ وكله تراب لعبت روحي بمعني الكلمه ، لابسه تراك بوقتها نيلي ، اباوع عليه متروس دم رجليه من يم بطني صدري ، نوب انترس تراب صار لونه ترابي ، انتجيت على الحايط اتمشي ماعرف وين اروح ..

طلعت بره الغرفه ، بيت غريب المن ، وباين قديم من حياطين ومن صبغ ، وترتيب وحتى الاثاث .. جنت ادور على حمام ، لكيته بنهايه الممر ، تنفست براحه لان لكيته ..

تمشيت اله وسانده نفسي على حايط ، لمن وصلت اله روحي طلعت ، ياريت ماشفته ، غمضت عيوني من شفت الصراصر تارسته ، نوب كله وصخ وريحه مو لان مستخدم لاا نضيف بس تراب الي بي وحشرات ساحت روحي ...

فتحت الماي عود اترس ، طلعلي الماي مزنجر وبعدين كطع ، درت وجهي ابجي والله مثانتي راح تنفجر ولا بيه ادور على ماي وين الكه ،

كعدت بالارض مهدود حيلي ، فرجك يارب والله تعبت ، هنيال الميت والله ، الموت نوبات رحمه شبيه لعد مامتت لو حتى موت حرامات بيه اني لان راحه ...

رجعت وكفت لحيلي اخذت الطاسه وطلعت ادور ماي دخلت للمطبخ فتحت البواري ماكو نكطه ماي ، شفت اكو فلتر مال ماي ،، علب تصفيه مالته بيهن شووي ماي ..

فتحته بي ، ابتسمت خليت طاسه جواه حتى اترسها  ،  كوه يبلبل كوه جره  انملت وشلتها  ، انداريت اباوع للمطبخ باب ، مالته خارجيه امبينه مقفوله ، ومن جام مالته باين مو بعيد عن عمامي لان نفس الزرع ونفس تصميم حديقه مالتهم ...

درت وجهي ورجعت للحمام ،  توه ادخل ،
شفت وجهي بالمرايه خطف  ، رجعت التفتت عليه بسرعه ، بهتت ونصدمت لا ياربي مو اني ،

هاي مو اني ، بجيت بقهر ، كعدت بالتواليت منهاره ابجي ، خليت ايدي على وجهي مو اني هاي شصاير بيه ، شنو هذا وجهي ...

غسلت وكمت اشوف الي صاير بيه زين ، رفعت شعري عن وجهي ، والله منظر ماتمنيته لعدوي من بشاعته ، تمنيت لو ماشايفه نفسي بهل حاله لان راح اضل طول عمري هاي صوره محفوره بكلبي وبالي ماراح انساها ..

بوكتها ماتندمت على الي سويته كلت همه هذول نفسهم راح اعيش وياهم طول عمري ،

ماغلطت من سويتها والله ، غلطت من رجعت وحن كلبي على ناسي ، وكلت هسه سامحوني ونسو ، مادام سكتو ومااجو لاربيل عليه ..

عبالي اخوي ابن امي حن وكلبه و برد ، عبالي يعني من احنه اخوه معناها كلنه حنينين وناس كلبها على ناس ،

كصتي زركه وبيها ضربه ودم نازل على وجهي ، لذلك ذبان ملتم علي ..

لو عيني ، اثاري حقي مااشوف بيها اذا همه مطفيها الي وزراك مرسوم عليها لو حلكي ، من صدك متشوه وجهي ، تحسبت عليهم دنيا واخره مسلمتهم بيد الله ظلام مابكلبهم رحمه ...

اغسل بايدي واحاول امسح وجهي ، وصله لافه ايدي بيها فليتها وبللت طرفها امسح بوجهي وتنظفه كل مسحه روحي تشوط ، لحد ماتعبت وايدي ماعانتني ..

لفيت ورجعت لمكاني ، جسمي انهار ، لحد شوكت يهناء هذا حالج لشوكت تضلين هناا ، جنهم ناوين على موتي بس بطئ ...

رجعت تمدتت بس حذره ماريد انام خايفه من كلشي ، خايفه لايجفتون عليه ،  غفيت بمكاني تعبانه وجسمي تخدر غصب عني  ، نمت ثواني مدري ساعات مدري ايام ، والله ماحسيت ، بس كل شوي افز الكاها لو نهار لو ليل ، حيلي نهد من جوع وقوتي خارت ،

صحيت على فتحت باب بس ماكدرت اكوم ، حتى عيوني ماكدرت افتحته ، شهكت من جره الوصله الي بيدي وانلجم جرح ..

شاطت روحي فتحت عيوني على كيف خيال بشر كبالي ، نتر بيه كومي يله ، ماكمت ولا تحركت رجعت غمضت عيوني مستسلمه ...

حسيت شي رفعني وسحلني وراه .. بس من عطره عرفته ، بعدها فقدت ، اسمع صوت الحجيه ، وصوت نسوان يمهن ،

اسمع بيها تنتر وتغلط واكو من يرد عليها ، حس واحد يكللها هاج الي عليه سويته لخاطر عمي وحتى لا اشيل ذنبها لهنا حدي بعد وياها ..

وهيه تصيح وتكللهم مالكم لازم انا اتكفلها بالقرعان الي يتقرب على غرفه مايلوم الا نفسه اخذها واهج دشوف وين تلكونه بعد ..

حلكي انفتح وشي تعبى بي حار ، بلعت ريك طعم اكل وزفاره ، درت وجهي لعبانه نفسي ، وصوت بيبيتي تحجي وتكول فكي حلكج ولج راح تموتين من جوع مو من الجتل الي ماكلته ..

اكلي حتى تكومين على حيلج ، يله بعد عيني يله ..

تدحس بالخاشوكه بحلكي حيل غصب .. جيت اتقيئ من ريحه الزفره وشحم ..

كوه كحمت الي شربته الي غصب ، جطلتني وغطتتي واسمع باب انسدت ونقفلت وراها ..

ماعرف شكد ضلت كل فتره تجيب اكل وتكعد تترس بحلكي ، لو صوت بنيه غريبه احس بيها تضمد بايدي لو بوجهي ..

بس كدرت افتح عيوني ، اباوع حوالي غرفه مو غريبه هاي مال الحجيه ، هاي جربايتها ، ايدي مشدوده بوصله نظيفه بيضه ، ملابسي مغيره ..

كمت اريد اطلع للحمام مو كادره كعدت بمكاني لازمه نفسي ، دشت بيبتي شافتني كعدت كالت صلاوات يمه شبيج مسلهمه شنو هاي روحج ماتتحمل ...

بجيت بضعف ، امي وين اريد ياسر وامي ..

سكتت وتقربت تلمست كصتي ، لا ماشالله احسن من بارحه ،

حاجيتها بضعف ، بيبي وين ياسر وامي اريدهم

كعدت كبالي نترت بيه زعلانه :- حيري برويحتج هساع ،  وخلصي روحج من الموت ،  امج وياسر ما عليهم شي ،  شيلي هم رحج يالغبره لو مامريضه جانت عرفت شغلي وياج ..

:-شلون عافوني هناا همه وينهم عني ..

دارت وجها ، :- صوجي انا اصلا احجي ، مالي غرض بيج طبج مرض ، ماطول ماتسمعين الحجايه ، شايله همج وصار ايام مكابله وجهج واخدم بيج هاي تالي'شيباتي وكبرتي اخدم واوكل ومحد ياخذ شوري ..

- شتردين بيبي ترى تعبانه ..

- رايده حياتج وعيشتك يجده ، بالقرعان واكفيلج بالباب ، لو مااني وياسر نشاكفلج الا يدخل جاسم يجتلج هو عمامج ..

شسويت ، والله رحت لخوالي من خوف ماسويت شي . 

- ياشسويتي ولج ، شعملتي انتي بينه ، فينتي حظنه يجده طيحتي عكل وخليتي زلم ماترفع راسها ، اسكتي كلبي موجر منج ، غير اكول يتيمه وخايفه الله ، لو الزمج بعصا وادمغج مايبرد كلبي ..

بجيت وكتلها :- عساني لعد كون بموت  دترتاحون مني ، ماكتلتوني وخلصتوني ، ليش خاليني هيج مثل العليله لا ايد لا رجل ..

:-عجل تردين العالم تتكاتل من وراج، ياسر اجه يجتل اخوج جاسم خلاص ، نوب جايب خوالج ولد كلب وهادين عليه ، رايد يشتكي عند شرطه ، يتهم اخوج  ورشيد بجريمه قتل

انتو ولد حسن اخر عنكودين راضعين رضاعه خنازير يجده ماعدكم ذره محنه ...

غمضت عيني انقهرت على ياسر سوده عليه ، وينه هوو هسه ..

يم عمج سلامه يبات كال بس تصحه اجي اشوفها ، بس اسمعي ولج بالقرعان هاي اناا اخر مره اوكفلج ، وبعد مالي لازم لو اشوف دمج يسيح ..

اذا سالج ياسر تجين وياي لو اضلين هنا بكفالت جديتج وجدج تكولين اضل هناا ،اضل يم جديتي هيه تتكفلني وترعاني ماارجع وياك  ،

لان جاسم حلف اذا طلعتي مناا يجتلج خلاص ، ونوب يتكاتل ويه ياسر والاخوان يرحون بيها  من جوه راسج.. يكوم ينضرب المثل  بيهم للعالم اسنين وسمعتنه تنتهي ..

تكفي شر وحافظي على دم اخوانج ودمج ، وضلي هنا ،

-"اضل هنا شسوي بيبي ، شنو فايدتها ضلتي هناا ...

عجل جاسم حلف مالج طلعه بعد منا الا لكبرج، تردين ترحين لكبرج برجليج مستعجله على موتج، عوفينه منج طبج مرض انتي كله من ايدج ، عجل واخوج ياسر لو امج الله هيه هساع حالها بالضيم مو كادره تكوم من قهرها عليكم فكري باهلج يالغبره كافي تصيرين رعنه ..

سكتت حرت نوب بروحي ، باوعت عليها شورج بيبي ، ماريد اضل هناا جاسم مراح يرحمني ، محد راح يرحمني والله ،

مالج غرض والله محد اله شغل بيج بس اسمعي كلامي محد يطخ بيج والي يكولون عليه كولي اي .. جاسم ناوي لو يمشي عليج واحد سكط هم يطيج ويخلص منج بلا مهر ..

اكعدي هنا يمي وانا ماخلي واحد يتقرب عليج بس هسه حافظي على دمايه اخوانج لايتكاتلون وخطيتهم بركبتج ..

هزيت راسي ، حايره سلمت امري بيد الله وبيد بيبتي اعرفها تحبنه وكلبها علينه ، كلت امشي وراها ، اصلا مابيدي غير هالحل .. حتى لو مشيت وره ياسر جاسم مراح يسكت ليش ياسر يكدرلهم ...

طلعت وراحت من يمي ، سمعت صوت قفله قفل ، عرفت جاي تقفل علي وتطلع ، لهل درجه وصلت بيهم ...

شوي ورجعت فتحتها ودخلت ويه ياسر ، ياايمه جن ابوي فات علي بس دخلت رفعت اديه اريد احظنه ضليت ادحهك وابجي جرني حيل وحظني ..

هو يبجي واني ، مجلبه بي حيل مارضه اهده ، اريد اكله اخذني مناا طلعني ولاتعوفني يهم ، محد راح يرحمني والله وكل الي صار وسوو ماشفه غليلهم خلصني بعد اختك منا ..

بيبتي حاجته هاك شوف مابيها شي صلاوات  .. ارجع جده يم امك وحير بيها انا اضل يم هاي وامانه عدي .. التفت عليها هناء مالها ضله هنا حجه والله اخذها يعني اخذها لو مو جاسم ..

اندارت عليه تاشرلي احجي ، سكتت خانسه ..

كتله شبيها امي ، امي ليش مو هنا شبيها ..

مابيها شي بس ضغطها صعد وخوالي اخذوها ماقبلو تضل هنا، وانتي جنت انتظر تتحسنين واوديج وياي صحتج متتحمل درب ..

بيبي كالته وين تروح ياسر شتفقت وياك جده ، ناوي تصيرون مضحكه للناس ، ناوي تخلي العالم تشمت وتحجي بحسن ماعرف يربي ولده تمالخوو..

تهدى بالرحمن لا ازعل عليك ومحمد اختك ماتطلع مناا اتضل يمي ، وانته ولي يم امك حير بيها هساع تعبانه ترد واحد يمها ..

التفت عليها معصب وين اعوفها حجيه ، صدك تحجين تردين اخليها هناا ، شنو زوج وابقيها ساعه ساعه يدخلون يكتلوها ..

محد اله لازم يمه ، والله مالهم لازم سالفه هسه يم جاسم ورشيد ، حتى جدك شال ايده ،  رشيد عوفه عليه انا حجيت وياه ،، بس جاسم حالف ماتطلع منا يكول مامن بعد بيها موتتها هناا مالها طلعه ..

ماعليها شي اذا خايف عليها عوفها يمي اني يمها ، محد يدش بالقرعان ، اذا اخذتها وين تولي نوب تصير دمايه وتضيعون عمركم تخبلت يجده ليش ماتفكرون ...

حجيت وياه بهدوء :- اي ياسر اني ابقى هناا ..

اندار عليه متفاجئ  :- ولج وين تبقين يم جاسم ، ولج جاسم ماعده حنيه بيده سلمج الهم ، مدري شلون الله شكفلج ماكتلوج هذا مو اخ ولج هذا العدو ميسوي سوايته ..

جديتي ضربته على راسه انجب ولك ، اخيك محترك دمه وناس اكلت وجهه ، اختك تكلك باقيه هنا عبن فكرت بعقلها مو مثلك طلعتها منا معناه موتتها .. شنو عبالك اطلعها منا سالمه جايز منها انته ..

- لعد اعوفها هنااا حجيه لا والله ماعوفها

- عايفها انته يمي مو يم غريب  لو يم جاسم ، وهالصار ايام هنا ، شفت احد تجرئ وتكرب يمها وحجه ، حتى جدك مايكدر  يحجي ، يدرون بيه اذا زعلت اخذها واهج وزلمه الي يلكانه ..

سكت والتفت عليه ، وامي شاكللها ..

كالته كللها الحجيه تكول خلي تحير بروحها وتكوم على حيلها وتجي بنفسها تشوفها مابيها شي ، بين ماتجون تلكوها تمشي بالبيت على حيلها تفتر ماعليها شي جنها صل حيه كل هذا جتل وبعدها عايشه . 

مافهمت جان تمدح مدري تذم ، مادري ترزل اكلتني اكل اني وياه ، لحد ماباس راسي وخله موبايله يمي كال شما يصير دكي علي ، التفت على جديتي كللها امانه الله ورسوله اذا صار بيها شي والله وداعت ابوي ماسكت ..

خاف قبل ايام هديت عليكم بالسلاح وجبت خوالي وياي ،  هالمره اشتكي واجيب جيش واسويها دمايه ومحاكم ، وخلي عالم من صدك تضحك علينه واتشمت ..

- ياااع تهدد يالجلب ، كامت وكفخته ولي يله يم امك كتلك هاي امانتي ، مو لخاطركم لخاطر ابني والله ، والا انته واخيتك جلاب كلبكم مو علينه ...

طلع هو وياها يتفاهمون ويتفقون ، بجيت بحسره وقهر عرفت راح اندفن هناا طول عمري ومالي بعد طلعه بس للكبر ،

كمت لحيلي اريد اطلع للحمام توجيت على حايط ، كوه وصلت للباب اريد افتحها ماكدرت مقفوله ، دكيت باب ماكو احد يفتح لو يسمع ..

كعدت وره باب ابجي يارب شهل وضع ، لميت نفسي وخليت راسي على ركبي اصبر نفسي ، سمعت حس يم باب ، دكيت باب حيل اريد اصيح صوتي ماينسمع مبحوح ...

اسمع صوت مرت عمي علي ، تحجي :- يمكن كعدت عساها ماكعدت ام زلم هم بيها روح عزه بعينها ..

ترد عليها ثانيه :- اذا عمتج مكابلتها بالتشريب الحم والمداره والادويه شلون ماتكوم متكليلي بنت حسنه العوجه ..

- فتنتنه فتنه العرمه ، بطول نعال وخلت الوادم تتكاتل وطلعت منها مثل الصل ماعليها شي ،

- لو عمتج الي كتلتني قهر ، شايلتها شي ، واحنه بحياتنه ما نطت كلاص ماي النه ، لو تعرف انموت ماتخدمنه ، شوفي شسوت وشعملت وبعدها تباوع على حلكها وداريها ..

غمضت عيوني احاول مااسمع ، دموعي نزلت من قهر ،  دكيت باب بعد ،  اريد واحد يجي ماكو ، لحد  مايأست ..

شوي وسمعت صوت بيبي تنتر بيهن ..

دكيت باب مره ثانيه واسمع خطواتها ثكيله كوه تمشي ، فتحت باب  ودفعتها اني وراها كاعده ..

كالت ياااا شسوين هنا ولج .. كبل بجيت ،

اكو واحد يكعد هناا شكومج يالمصخمه رجلج مفصوخه ، شلون مشيتي ...

امسح بدموعي اشرتلها اروح للحمام ..

لزمت الحايط تتوجا عليه تريد تكومني ، هساع انا اعينج لو انتي تعينيني ثنينه بلا حيل ، اوووف على حظج دكومي يله ، كولي يالله ولزمي حايط ..

حاولت اكوم كوه توجيت خطيه مابيها حيل جرتني تكومني ورجعت ليوره رادت توكع ..

عجل شلون اوديج للحمام انا مابيها حيل ، امشي وياي دادخلج جوه وادز على اخيتج تجيج هند ..

اخذتني من ايدي وكون مشتني للحمام نسوان عمي كاعدات بالمطبخ بس شافني فرن بحلكهن ، ماهتميت الهن منافقات عساها بحظن وبختجن اي والله ..

دخلتني وطلعت ، اسمع صوتها تزمخ بيهن دكن على هند خلي تجي اريدها ..

عمتها مرت عمي حميد حجت :- سيف ميقبل تطلع مو بكيفها ..

- دنعل ابو سيف ، ولج انا ادز عليها وتكولين سيف مايقبل ، دكي عليها لا بالقرعات اكوم حميد عليج ..

ضلت ادردم هساع شعلي اناا تتصافه هيه ورجلها تريد تجي خلي تولي تجي مالي غرض هم تكول عمتي دزت علي ..

-لا بارك الله بيج من مره .. دكي عليها باله انا احاجيها ..

ضليت بالحمام على كعدتي لا اكدر انزع ولا اكدر اغسل ، بادوب رحت للحمام بتك ايد  ، جن حراره الصواب راحت والالم هسه هاج علي ..

تعمدت ماشوف نفسي بمرايه خفت لا اخترع من منظري ..

شوي وسمعت حس بجي ابن هند وهند تحجي ، دمعت عيوني مشتاقه الها هوواي ، ريحه العزاز وصوت الغوالي ، فتحت باب مال حمام من شافتني بجت ..

حظنتها وخاله راسي بصدرها اوون .. هيه تبوس براسي وتبجي وياي وتدعي عليهم ..

رفعت راسي كالت ليش ؟؟! ليش هيج ؟ دمرتي نفسج ضيعتي مستقبلج ولج ،  جان متي جان هسه حتى كبر نبجي عليه الج ماكوو ..ضيعتي روحج وضيعتينه يالغبيه  .

ماحجيت ولا دافعت عن نفسي ،  مليت من الحجي ، ومحد يفهم ، ضلت تبجي وتبوس بيه ، عبالي كتلوج ، جنت اضن مالي اخت بعد ،

المن اشكي واسولف همي ، من ثارت طلقه امي وكعت وضربتها جلطه جان ماتت كله بسببج هناء ..

رفعت راسي من عليهاا امي شبيها .. هااا شبيها؟؟؟

#يتبع

باجر ماانشر ليش تكولن وراي شغل يابو شغل باجر ..