رواية ثارهم وبنت الفقير الفصل التاسع والثلاثون 39 - بقلم الكاتبة ترانيم 🤎

الثالث والثلاثين

بقلمي_ترانيم هادي ♥️🕊️.

_حبايبي اريدكم تتفاعلون دوسو النجمه وعلقو بين الفقرات حتى القصه تصعد

ومتابعه للحساب ♥️🕊️,
taranim_09

فرك وجها بعصبيه وحجى
ضرار... كتلها وغسل عارها

من كلامه حسيت صارت وشوشه بأذني اريد استوعب كلامه ... حسيت توازني اختل بلكوا واكفه على رجليه

سيرين... ليش هيج سويت ؟

ضرار... مالج شغل

_دفع أيدي ووخر كعدت بالكاع مخليه أيدي على كلبي دموعي تحجرت بعيني
احسهن يجون بيه وكلبي سجاجين وتنغرز بيه
كمت عليه وهوه متجاهلني
سيرين... كوووول جذب كووول اعرفك تقهر بيا

حط العلج بحلكه ضيق عيونه وحجى
ضرار... موبحالج حتى اكعد واقهر بيج

سيرين... فدوه لاسوي هيج شوف بالنبي حموت من القهر والألم كلي جذب كلي جاي تشاقه وياي مستحيل هيج سوي شوف والله معاد اتحمل تعبت من القهر عذبتني بما فيه الكفايه
كلي شتحمل اكثر عاقبني انه بس لاسوي هيجي

_رفعتله أيدي ترجف وحتى متشنجه لزمها يدلك بأيدي وانه روحي تلوب دفعته بخفه واتوسل بيه
سيرين... ماتت ؟

نفخ بعصبيه وخزرني مجاوبني

سيرين...
احس خلاص فقدت اخر ذره أمل اعرف هيه غلطانه والسوته غلط وماممكن يغتفر
بس موبهالطريقه يكون عقابها ظلم هذا....
كلهم جانو مشتركين بغلطها ووكعو بخطيتها

بيوم الي ابوها كتلها ضربها بس لان رفضت زواج ... وبيوم الي وافق يزوجها وهيه بين الحياه والموت .... بيوم الي تركت حبيبها واتزوجت اجباري
وكت ظلمها أبوها وماوكف وياها ولانصفها
وكت عاشت سنين وهيه تحاول تفهمهم انو هيه مقابله على هالزواج ولاالي عايشته ....
وفوكاها ترجع ذليله وابوها بنفسه يرجعها
يوم الي اشوفها كدامي تلوب حتى تتخلص من الهيه عايشته حتى لوبالموت ومجبوره تعيش
عيشه موالها
مياده نجرفت ورى مشاعرها واطرت انو توكع بالغلط
العاشته والي هيه ماممكن احد يفكر بمشاعرها وشلون كدرت تعيش وي شخص وهيه كلبها وروحها مويمه ....

_ اعتبروها خيانه بس الي سوو بحقها شيعتبرو؟

ظلم,قهر,عذاب,ضرب,اجبار,اهانه
كلهذا عانت منه شلون حيتعاقبون على اغلاطههم بحقهاااااا  ؟
عقابها كان اكبر من فعلتها ....

مكدرت اتحمل اكثر وكعت بالكاع وعطت لزمت كلبي احسه حيوكف على كد مادكات كلبي سريعه وكأن جاي دك طبول

لييييييش يالظلاام وييين تررررحون من الله ولكم مووووهيج
واللله نظللللمت ظلمتوها بهمجيتكم وتفكيررررركم
كله بسببكم وين ترحون من خطيتها باجر عساا الله يطلع حوبتها بكل واحد أذاهاا الله لاينطيكم

_اجى عليه فاك عيونه على وسعهن ويعاينلي بتفأجاه
ضرار... سيرين

سيرين... مووووتني وخلصنني من هااالعذاب موووووتني
اقلهااا اخلص منك ومن ظلمك مياااده مااتت وراحت يم ربها
الله كريم عادل هوه الي ياخذلها حقها
وانهه منو ياخذلي حقي مننننك هااا كلي منو ؟

_حجيت اخر كلمه وروحي ساحت ريكي يبس وبلعمومي من العياط احسه تجرح
لزمت كلبي بألم اريد الهوى يدخل لريتي
هوه يمي ويهدي بيا بس انه
فصلت عن العالم والبيه كلشي اظلم بعيني

حجيت بتعبت والم من روحي
سيرين... ارحمني وموتني

همس يم أذني وانه احس بحروره انفاسه
ضرار... موتي يصير وياج

_كومني وانه بس جسد يتحرك عاين عليه وعاط
حتى مانتبهت لنفسي الكاع متروسه دم
مشفت شي غير بس الظلام

ميس...
كاعدين بالصاله ونزل ضرار من فوك سيرين بأيده
فاقده لأيد ولارجل والدم ترس الدرج نريد نعرف شصاير
بديعه... يمههه دهر صابني كتل البت

ضرار... ياكواويد البت راح تروح من ايدي مادري شصايبها لككك بسول وييين وليت طلع السياره

اعاينله قميصه عود ابيض لونه انكلب احمر وسيرين بأيده حار شيسوي
ضرار... ضلي يمها هسه جاي

عافها عالقنه وراسها بحضني اتلمسها جسمها بارد ووجها شاحب اصفر كلش
نقهرت كلش على حالاتها والوصلها هيج

اجى ضرار شالها وانه كمت وراه اخذت عبايه وخليتها على راسي ولحكته
حتى مانتبهت شال ملابسه وبس العبايه
الدنيا جانت ظهريه وشمس حاره
رحنا من قوه سياقته كلشوي يريد يدخل بسياره من سرعته همزين ماسوا حادث
اول ماوصلنا شالها وخلص المستشفى خبص
الدكاتره جانو بوقت استراحه
وبس الممرضين مخلونا ندخل الا ناخذ وصل
حجزنا يالله رضو يدخلونا
خلوها عالسيديه واخذوها واحنا بقينا منتظرين

شوي رن مبايل ضرار جاوب بعصبيه شوي وسداه ماشوف غير ب انور ورضوان
جايين

انور... ها بشر شصار

ضرار... ماعرف لحد هسه محد طلع

فرك وجها بعصبيه وحجى بحده
رضوان... شسويتلها ووصلت لهالحه البارحهه الليل كله صخونه مافكت عنها وانت دايح بغداد وهسه جيييت ووصلتها للمستشفى

_ماجاوبه كعد وضم راسه بأيده الجو مشحون بيناتهم ورضوان مدخن من العصبيه

رضوان... ماضل يمك بعد تجي وياي

ضرار... سد حلكك شنهي اجت وياك

رضوان... اليوم وصلت للموت من وراك شتريد سويلها بعد

ضرار... موانت كاعد بنصنا وجاي تقرر بكيفك

رضوان... سيرين دامها اختي وبت عمتي انه مسؤل عنها

انور... اي بعد بعد البت جوا مانعرف حالها والمـ*** جايين هنا يتماطلون

ميس... موجن طولو

هوه عاينلي باستغراب وخزرني
رضوان... واتي شسوين جايه ؟

ميس... جايه وي اخوي

هوه عاين لضرار وضرار بتسم تك خد
رضوان... العار شكو جايبها وفوكاها بطرك العبايه

ضرار... تعالي ابويه انتي كعدي بصفي لاضلين واكفه

بتسمتله ورحت كعدت بصف ضرار وهوه شال روحه وركعها ضل يخوزر وينفخ بعصبيه
مانعرف شكد مر وقت وهمه لحد هسه جوا

كام ضرار دك الغرفه ويصيح طلع جكارته وضل يشرب ممنوع التدخين وهوه ولاهمه
يروح ويرد كدامنا ومتوتر ، حط الجكاره بحلكه واشوف الدم ينزل من خشمه
لطمت على صدري وعطت
ميس... يمهه شهالدم

انور... ارتفع ضغطه

ضرار... مابيه شي وخرو

_سحب انور الجكاره من ايده وهوه ولاهمه لكا شاش جان محطوط على ميز
اخذاه ويمسح بالدم

ميس... تعال خل يقيسون ضغطك

ضرار... ولد*** نامو جوا لوشني شسوولها

رضوان... جاي ينقذون بحياتها وبسبب منو

انور... صبرك ياللهي ضلون هيج لوشلون وهاي هم مستشفى جايبنا الها

ضرار... ليش ؟

_كام من مكانه وراح يدك باب الغرفه علما طلعت الدكتور تعاينله باستغراب والخوف بعيونها
انور... عباله مستشفى الخلفونا يكسر بالبيبان

ضرار... جاي تخبزن جوا لوشني

_لازم نحولها لصاله الولاده
انور... راح تفرخ

_البنت حامل والحنين مهدد بالاسقاط

ميس... هيه كالت هيج وكأن صاعقه ونزلت علينا سيرين حامل وشوكت ....

_شوي وطلعوها حولوها لصاله الولاده مرضو احد يدخل وخاصه رجال
ضرار... شني ماايخلونا جا تروح بحدها

انور... قسم خاص بالاولاده شتريد طب تجيب وياهن

_اجى الحارس وطلعهم ماقبلو احد يضل بقيت انه بصاله الانتضار
الوقت يمشي وهمه بعدهم بطلعاان الروح طلعت طلعت الدكتوره المسؤله عن حالتها

ميس... فدوه طمنينا شصار

_تعرضت لنزيف حاد وبسببه سقطت الجنين

ميس... وسيرين شلون حالتها

_ضلت تشرحلي على حالتها العرفته جانت حامل بشهر الثالث
الطفل جان معرض للاسقاط
وبسبب انو متعرضه لصدمه,تعب,واجهاد قويه
صار عدها اسقاط
ونزيف حاد

وصفولها على ادويه ومغذيات
كعدت شوي انتضر حتى المغذي يخلص ونكدر نطلع
طلعت برى جانو كاعدين رحت يمهم وضرار منتظرني حتى احجي احس حاى الكلام راح من ثغري
ضرار... اااحجي شصار

ميس... اسقطت الجنين وهسه حالتها مستقره يخلص المغذي ونكدر نطلعها

فرك وجها وزفر الهوى
ضرار... الحمدلله على كل حال

سيرين...
فتحت عيني عاينت بارجاء الغرفه محد يمي بس الاجهزه والمغذي
احس حتى مابيه حيل اتنفس
نزلت دموعي وانه تذكرت حالتي والصار وياي
خليت ايدي على وجهي واشهك بالبجي
دخلت الممرضه شافتني واستغربت حالتي

_ياامي لاتبجين ربي يعوضج

سيرين... شنو ؟

_ممم ليش مكلولج انو تعرضي لاسقاط

سيرين... فكيت ثغري على كلامها انه حامل ؟
زين شوكت وليش ماحسيت بشي
يربببي شهل اختبار
متت قهر بس بنفس الوكت هالشي لصالحي
ماممكن انو يجي طفل ويربطنا انه وضرار
كلبي تكطع من القهر منا مياده وانه اتذكر حالتها وشصار بيها ومن جهه الطفل الخسرته
خسرت اختي وصديقتي
وخسرت طفلي الي حتى مالحكت افرح بيه
شتحمل اكثر ؟

_دخلت ميس للغرفه وتلاحكها ضرار خزرته وصديت وجهي عنه
سيرين... ااااطلع

ميس... سيرين

سيرين... ااااااطلع لاتشوووفني وجهههك

ضرار... صووووتج

سيرين... شهكت بالبجي وسكتت كارهته وكارهه وجوده
زفر بغضب مسح وجها واجى يمي مسح على راسي دفعت ايده ودرت وجهي منه

ضرار... حمد لله على السلامه

سيرين... وياسلامه هاي تجي انت موجود يمي

ضرار... اي بويه يلا نطلع

سيرين... فدوه عوفني

ضرار... تؤ

_غمضت عيوني بألم تعبت حتى من الحجي وياه
اجت الممرضه شافت المغذي وخرته من ايدي هوه طلع وعافنا بقت ميس يمي
جايبيني بس بالعبايه شلون حطلع هسه
دخل للغرفه اخذ العبايه وحطها على راسي
شوي ودخل رضوان
انه شفته وكان شفت ابوي بوجهه دموعي لااراديا نزلت
اجى يمي باسني من راسي ويعاينلي
رضوان... خيتي امشي وياي

ضرار... متروح

رضوان... اششش تحملتك وكلمالك تصير أسوا تجي ويااي هالمره

سيرين... رضوان اخذنني ويااك فدوه وردني لاهلي

رضوان... صار بويه

_دفعه ضرار ووخره
ضرار... وعلي لومامستشفى والبنات منا جان عرفت اصرف وياك

رضوان... شسوي ها

دفع ضرار من صدره وتقدم عليه
شسسسوي

وماحس غير ضرار ضرب رضوان على وجها ارتد ليورى ورجع الضربه لضرار تلازمو
وانه بس اباوع راحت ميس شوي واجت هيه وانور
انور... فشلتونا جدام الوادم ااامشي انت ويااي

رضوان... ماروح بدون سيرين

ضرار... وسيرين ماتخطي خطوه وياك بالعباس كل خير مايصير

رضوان... شوووفني شسوي

انور... كاااافي ولكم

_سحب رضوان وياه اجى ضرار عليه بتسملي بشر وحجى
ضرار... اذا ماتردين مشاكل ونطلع منا بخير تمشين وياي بدون حس ماكو وعلي
اخلي هالعار يلحك مياده

سيرين... بمجرد ماذكر مياده كلبي وجعني خفت لاصدك يسويها مايهمه احد ومجرم
مجرد ماباوعله اتخيل مياده شلون تتوسل
دموعها,وصوت نحيبها,توسلاتها
دموعي مثل الشلال تجري وهوه بس يعاينلي وميس تهدي بيه

اجى عليه عدل العبايه وشالني خليت راسي على كتفه وبس دموعي تجري همس يم اذنه ...
سيرين... كل وجع ضكته يجي يوم وتضوكه
حركان كلبي والقهر والألم كل هذا يسكن بكلبك بوكتها حضوك الشعور العيشتني ياه والألم الحفرته بكلبي

ضرار... كلشي منج يرضيني

_حجى برود وابتسم بشر من طلعنا ماشفت رضوان ولاانور
ضرار... لاتعاينين محد يخلصج من ضرار

سيرين... الله يخلصني منك

ضرار... نشوف

_مشينى صعدني ورى وميس يمي بس وصلنا انه كلبي نقبض وكأن رايحه للموت برجليه
هالبيت ماشفت منه شي حلو
اختنكت كلش والألم ينهش بيه الدوخه لسه مسيطره عليه
احى راد يشيلني ووخره
سيرين... عوووفني اعرف امشي

ضرار... ليش العناد؟

سيرين... سويلي بس هالطلب ووخر مني

_هز راسه ووكف بصفي كضيت ايد ميس ومشينا اول ماوصلنى
كلهم تلكونا الحجيه وغيد وبيت خالو والولد كلهم جانو موجودين
رحت لغرفه عمتي بس شربت العلاج راسي انسطر
حبست نفسي بالنوم هربت من الواقع العايشته ومن الألم البروحي

_مر كم يوم وميس وجنوب صارن يحضرن رادو يأجلو العرس بس الحجي ماقبل

انه حالتي من سيئ لاسوأ قفلت على نفسي والبجي على مياده وذكرياتي وياها ابد مافكيته
بحيث اكوم واكعد كل زاويه بالبيت وكل مكان يذكرني بيها

القهر يموتني وانه اتخيلها شلون كتلوها اكيد مارحموها مارحموها وكت تتوسل بيهم
تمنيت لوكادره اساعدها
لحد هسه مامصدكه انو خسرتها
ذبيت اللوم كله على نفسي
لاكدرت اساعدها ولاكدرت انصحها
ضلموها وماتت مضلومه ....

طويت على نفسي وعزلت نفسي عن الكل وخاصه ضرار
بحيث اذا اشوفه اضل قافله باب الغرفه ماطلع علما يروح
ابد ماشفته مع انو هوه حاول هواي يحجي وياي ويشوفني حتى رهف هملتها مومثل قبل وياها

سالفه مياده نسدت نهائيا ومحد بالبيت ذكرها لوجاب طاريها معرفت السبب وهمه ولاحد بيهم حجى
رضوان بين يوم ويوم يروح ويجيني جنت مخليه أملي بيه انو يكدر يطلعني منهم ويرجعني لاهلي
بس هالامل فقدته على اخر مره تحاجى هوه وضرار بسببي
ثاني يوم ردو عادي يسولفون بوكتها كرهتم كلش

طفلي الخسرته والي حتى ماحسيت بوجوده  زعلت ونقهرت وبجيت عليه
بس مجنت رايده انو يربطني بضرار

البنات كل وكتهن يجن يمي يسولفن ويغيرلي جو وتحضيراتهن كلهن يمي بس انه بالي وروحي مويمهن
ماخذه وضعيه السكوت وبس عيوني  وجسمي يتحرك
قفلت على نفسي أو باختصار
اختاريت الوحده والعزله افضل الي من هالعيشه الي عايشتها

سيرين... أهلي يوم يجر يوم وهمه ماكو عنهم لاحس ولاخبر
معقوله نسوني وتخلو عني !!!!
حتى همه خذلوني وخلوني عايشه يم هالمجرم
ليش لحد هسه مبقيني عنده
تخلو عني لضرار وظلمه ....
بس ابد مافقدت الاأمل برجعتي
بكل صلاه
وانه ادعي ربي يفرجها عليه ويفك أسري
ضاكت الدنيا عليه ومابقالي بس اللهي يشفعلي ويخلصني من الأني بيه ...

_كعدت الصبح البيت مخبوص بالخطار ولمعازيم من الصبح ميس وجنوب راحن للصالون وراحت وياهن ناهد وفيروز
بدلت ملابسي اعاين على نفسي وجهي شاحب
ولون مابيه اعاين على ملابسي (اسود)....
اي حزنانه على روحي وعلى اختي الخسرتها بهالبيت حزنانه على نفسي وحياتي

_صبحت عليهم ورحت للمطبخ
الاكل كاطعته ماكل غير لكمه لكمتتين وحتى ماكعد يمهم
التهيت اساعد وي رباب والمعازيم يطبون ويطلعون
رباب... خيه ماناويه تذبين الاسود؟

سيرين... لا

رباب... ليش لابسته

سيرين... حداداً على روحي

_ سكتت مجاوبتني يطبن ويطلعن يسألن ليش لابسه اسود
تجاهلتهن ورحت كعدت بالغرفه حجيهن ابد ميخلص يقهر بروحي
جسمي رجف ودموعي تجري تعبت كلش
ماكدر اتظاهر بالقوه اكثر من هيج
سيرين... رببي صبرني والهمني القوه

_فجأه انفتح الباب دخل ضرار وقفله تخبلت كلش
سيرين... ااااطلع برى

اجى عليه سحبني سد حلكي وخزرني اريد اتحرر من قبضته ميوخر اقوى مني
ضرار... اششش اهدي

وخر ايده من حلكي وبس انفاسه تضرب بوجهي
سيرين... كااارهتك وكاارههه الهوى الي نتنفسه سوا

سحبني من خصري بحيث صرت بطوله لزمني لزم وجهي بكفوف أيديه وباسني بقوه وخر
ضرار... مالج حياه بدون ضرار

سيرين... انه حياتي كلها حتكون بخير لولا وجودك

ضرار... تؤ غلطانه وبعدين تشوفين

_دفعته وكعدت بالكاع ابجي وانحب احس حتى دموعي خلصت
سيرين... ليش سويت هيج ليش كتلها والله مالها ذنب
انت ابد مشفت العاشته وشنو العانت منه حتى تسوي هيج

_اجى كعد بمستواي وعيونه مركزها هليه
ضرار... اسألج وجاوليني

سيرين... شنو ؟

ضرار... رجال يشوف مرته تخابر وتتمعشك بظهره لامقصر وياها بشي ولامنقص بحقها شي
وفوكاها مرته الثانيه تغطي على اغلاطها
بدال ماتمنعها من الغلط
وتنصحها من الجاي تسوي
توكف وياها وتضل تأيدها وتغطي عليها
شيسوي بهالحاله ؟

سيرين... بس مومن حقك هيج سوي انت تعرف ابوها ليش خليته يكتلها ؟

ضرار... صارت بعد الله يرحمها

_هوه كال الله يرحمها لوروحي طلعت ضليت ادك والطم من البجي وهوه يهدي بيا
الباب تكسر من الدك وهوه ساكن مايجاوبهم
سيرين... ااااكرههك ماطيقك

_حاضني بقوه من راسي وأيدي الثانيه لازمني من خصري
ضرار... ااكرهيني اكثر واكثر

سيرين... ابد ماكارهه احد لوحاقده على احد بكد الكره الشايلته تجااهك
ماستاهل كل هالعذاب العيشتني ياه

همس يم أذني وانه احس برجفته ودكات كلبه كأن طبول
ضرار... عذبيني بكرهج الي انه روحي دامها معلكه بيج
عذبي هالروح وبكلشي ارضى
اكرهيني ولاتخلين بيوم هالكره ينزاح من كلبج

سيرين... احس كلامه كله الغاز وكلشي مفهمت منه دخلني بمتاهه مالها مخرج
روحي خوت من البجي ومعاد اكدر حتى اشيل نفسي

ضرار... تكدرين تمشين وياي

سيرين... تعبت

_كام هوه واجى كومني شالني وباسني من كصتي
وهمس يم أذني
ضرار... سلامتج من هالتعب

_دفنت راسي برقبته مشى وهمه يسالون شبيها انه من المستحه حتى مارفعت راسي منه
بقربه مني مستحيل انسى السواه وياي...

عاينت بعيونه لمعه بيهن من غير دكات كلبه احسه حيطلع من مكانه...
واني مركزه بعيونه خطرت ابالي فكره
سيرين بكلبي... اهرب

بيت جدي بالصوب الثاني لازم اشوفلي حل ماممكن اضل هناه
لواكضي كل عمري اهرب وانلزم مستحيل اضل
عالعنف والضرب الاخذته منه
ارفع عليه دعوه تودي بداهيه ماممكن يطلع منها

ضرار... افكار الساحره الفاهيه بطليها

_احس كلبي وكع من مكانه عاينتله باستغراب وهوه لازمني ويمشي حتى ماباوع عليه
والله هوه يوكعني بداهيه وميوكع...
هوه تاليتها اني اموت واطك من القهر وهوه بنفسه يوكف على قبري يرش مي ورد...

وداني للغرفه عافني عالجربايه راح سد الباب واجى جر الكرسي وكعد كدامي
تنهد شغل جكارته بدون مايحجي السكون كان سيد المكان اخر شي حجى...

ضرار... سمعيني بدون ماتقاطعيني

سيرين... اسمعك

ضرار... سيرين الخيانه ابد لاتحتمل مهما كان الشخص الي سبب هالجرح
بغض النظر عن الظروف الي يمر بيها الشخص مرات تجبره يسوي اشياء غلط
هوه يدري بيها غلط بس عاطفته والخوف الي بداخله وضميره بس يضل مستمر بهالغلط
ويعرف هالغلط شي يوم يجي
ويتعاقب عليه
مياده انجرفت ورى عاطفتها وخلتها حتى ماتلتفت وراها وتشوف اخطاءها
والخطأ الاكبر منج بيوم دريتي هيه جاي تخون زوجها كدامج وكدام ربها وشجعتيها عالغلط وستمرت بيه مانصحتيها ولانبهتيها
ماكو احد بينا ميغلط بس الغلط الاكبر
من انو يستمر على هالغلط ومن نشوف غيرنا يسوي الغلط
ومانحاول نبهه حتى يعرف اخطاءه حتى يصلحها وميوكع بعدين

سيرين... شهكت بالبجي خليت ايدي على وجهي وحجيت،بس موتكتلوها عقابها اكبر من الغلط السوته

ضرار... ترحميلها ووزعيلها ثواب

_دفع الكرسي وكام مني ،نزعي الصخام الابسته ومن اليوم تصعدين هناه
وبطلي تعزلين وتحبسين روحج
عايفج براحتج بس مومعناها مستخطي اغلاطج بسبيل تعاقبين روحج وتعكفين عليها
انه جيف حالتج موزينه وبسبب ضعف جسمج والدم النزفتي عفتج يبربوك

سيرين... ماالك دخل خليني بضيمي وكأن الدم الي خسرته موبسبب الطفل الي مات بسببك

ضرار... نسوي غيره ولايهمج

سيرين... ماريد

ضرار... يعني بس تخيلي نجيب دزن جهال نسويهم فيلق يترسون البيت ترس

سيرين... ناوي تسويلي قطيع مال طليان

ضرار... خرب لسانج انه الج

_اخذ ملابسه وراح حرت وياه وحرت شلون اصرف تعبت من التفكير
ضليت على نفس الكعده طلع عاين عليه وعكد حاجبه
اجى شمر عليه المنشفه عاف ايده على خصره ووكف كدامي
ضرار... بالله شوفيني طولج

سيرين... شنو
بدون مايحجي لزمني من ايدي وكومني
وكفني كدامه حك حاجبه وضحك
وماحس غير وهوه شاك عليه الدشداشه

ضرار... على كد الدشاديش الشككتهن عليج جان هسه انه مفتحلي محل وابيع بيهن

_خلاني اشيل بروحي واركعها مشى وعافني وانه ادردم عليه وهوه واكف يمشط بشعره ويصوفر
شال علبه زيت الشعر حتى يحط منها
القبق مالتها جان مفتوح ووكعت على بجامته

ضرار... خرب بالحظ

_راح هوه للحمام كمت اني حتى ابدل ودك مبايله جان مخلي عالميز
رحت حتى اشوف منو يتصل شلته وعاينت للاسم(M العار)...

⇠──────⋆⋆⋆─────⇢
_ يــــتـبــع . . . . .

تقريبا هالفيد نفس حال سيرين 💔

والي عنده سؤال استفسار ايشي يجي عالنستا♥️,

حسابي الانستغرام :
taranim.hadi