٤٤ "
ثـارهم وبنت الـفقير
هلا يالتارس عَيُوني بَـ حّنانه ،
وُ هَلا يـَ المَحد يَصير بمَچانه.
تنهد واردف بهدوء
ضرار... احبج
سيرين... بلعت ريكي بتوتر غمضت عيني وفتحتها بقوه عبالي احلم لوسمعت غلط
ش شنو شكلت
ضرار... شكلت ؟
سيرين... كلت احبج
ضرار... انه شوكت
سيرين... ضرار
ضرار... اي احبج
سيرين... ها
ضرار... اي
سيرين... هوه يعاينلي ومركز نظره عليه توترت واحس كلبي حيطلع من مكانه اريد استوعب الكاله
شويب يحبني لا مستحيل
ضرار... شمالج ترجفين
سيرين... وففف وترتني ومن شوكت هالحجي
خلا راسه برقبتي ويبوس بيه قابض على ايدي بقوه وانفاسه تلهث برقبتي
ضرار... من اول ماضحكتي وانتي تعاينيلي
من تكعدين بحظني وتكمزين
من خطيتي اول خطوه وانتي متشبثه بيه خافن توكعين
من اول مانطقتي اسمي بحلكج
من اختفيتي من عيوني بس رجعت لكيتج ربيتي جدامي يوم بعد يوم وانه اشوفنج تكبرين
حبيتج من بعيد وبدون ماتحسين
خطوه بخطوه انه وياج وبكل خطوه انه حبي الج جان يكبر
سنين انه وراج وماجنتي تحسين وبهالسنين انه مالوعني غير عشكج
متملك,قاسي,بارد,طاغي بس احبج
سيرين... كل كلمه يكولها كلبي يوجعني اكثر بلعت ريكي وحجيت، الي يحب ميأذي بس انت أذيتني هواي
ضرار... اعترف الغضب جان عامي عليه وانتي تحملتي هالغضب ولجج وروح ابوي دموعج الجرن يجون بكلبي الألم بكلبي ينحفر موبيج
وداعتج انه اتاذيت اكثر منج وانه اشوفن كرهج الي ومجافاتج
دفعته بخفه ووخرت سحبني من ايدي وحظني
سيرين... وخر
ضرار... ماجبرج على شي ولاجبرج على حبي
سيرين... واذا ماحبيتك
ضرار... انه اضل احبج
سيرين... خليني اكرههك اكثر
ضرار... كلشي سويته وياج وماكرهتيني ؟
سيرين... تؤ كرهتك
بلع ريكه وتنهد بألم
ضرار... براحتج
ميس...
كاعده عالقنفه والمبايل بيدي
اعاينله مركز بالمبايل كل وكته وبس يخابر
ميس... ويامن جاي تحجي
عاين عليه باستغراب
رضوان... وياي
ميس... اي
رضوان... وحضرتج تحققين وياي
ميس... موتحقيق بس منتبهة عليك دائما وكتك كله تكظي بالمبايل والرسائل والمكالمات ابد متسكت وبس تنتر وتعيط
رضوان... ماكو شي بس عندي شغل هالكم يوم ولازم اكظي وضغوطات
ميس... والشغل من شوكت بالمبايل
رضوان... ميسس لاتتلحين
ميس... اي انشالله يصير خير
عفته تجاهلت نظراته التخزر بيه ورجعت احجي وي غيد
ابد مامرتاحه لتصرفاته ولازم اعرف شنو هالشغل الشاغله كل هالفتره عفته على راحته لاسألته ولاحجيت مره ثانيه قايمه بكل واجباته وابد مابطلت اراقبه هالفتره ماحسسته على شي ومبايله كل وكته بيده مايوكع منه بس من يريد ينام يعوفه
بيوم اجى من الشغل اعرفه اول مايجي يسبح شفته عاف اغراضه عالميز اخذ ملابسه وراح يسبح انه كمت بسرعه اخذت مبايله افتح بالرمز مينفتح اكثر من محاوله ومانفتح فجأه طلع من الحمام ضحك تك خد وراح يمشط ويرش عطر اجى عليه سحب المبايل وخزرني
رضوان... لاتحاولين كل يوم الصبح اغيره
ميس... ش شنو
رضوان... ترااا زادت عن حدها وتاالي ويااج هااا اججي لاتنخلسين وتالي وياجج
ميس... عاط بيه خلسني خلس حتى ماعرفت شجاوبه بدل وطلع اخذت مبايلي واتصلت على سيرين كعدت اسولفلها وانحب
سيرين... وتالي وياه
ميس... تعبت مننه سيررين انه مرته وااعرفه من يتغير من غير شي هوه معاملته موزينه
سيرين... واكيد جان يعرف انتي تراقبي
ميس... خل يعرف مايهمني والله وانه اعرف شلون اصرف وياه عندي اخوي بظهري مامطره اتحمل كل هذا
سيرين... ربج يحلها
ميس... الله كريم يله حروح بعدين نحجي
سيرين... الله وياج
سديته منها اخذت شالي وطلعت جانو كاعدين ويسولفون اول ماشافني خزرني ودار وجهه رحت كعدت بصف شذر واستمعلهم
ذاكر... يريد يسافر للخارج وامه كلساع واكعه
بشائر... جا شماله لامن مره ولامن اهل
انمار... مدري منو مخليها بعكله ويريد يقدم لجوء للخارج
جنوب... ابتسمت بخفه عالوضع الي هوه بيه مواتشمت ولاشي بس فرحانه لان الله بعدني عن هيج واحد وانطاني شخص مثل انمار متمسك بيه ويدور رضاي
تنهدت واعاين لانمار كاعد بصفي ولازم أيدي همست يم أذنه بخفه
جنوب... احـبك
عاينلي مصدوم بلع ريكه وعيونه مركزها عليه
انمار... عيديها بروح الغوالي
جنوب... اي احـبك
انمار... هخخ ولج اتاني لحظه لحظه وتالي الايمهم تكوليها جان كلتيها بالغرفه حتى عرفت اجاوبج
جنوب... مم عود بعدين جاوبني
انمار... اي اي انشالله صبري
جنوب... هههههههه
سيرين... كاعده بالغرفه احجي وي رؤيا ودخل ضرار عصبي وعيونه حمر
راح يطكطك بالكناتير الملابس كلبهن كلاب عاين عليه ونتر
ضرار... ماااتكولين خل اشوف الكـ*** شيريد
سيرين... انه مدري شبيه نسطرت كدامه بلعت ريكي وابتسمتله ،ها حبيبي محتاج شي
بلع ريكه وابتسم بخفه دار وجهه يرتب الملابس عافهن نزع تيشيرته واجى يمي سحبني من رجلي ونومني مايفصل بينا ولاانش
ضرار... شكلتي
سيرين... الشويب
عضني من خدي وضحك
ضرار... اه يالناصريه وخدود مرتي
سيرين... شبيهن ؟
ضرار... دولـبني
سيرين... اوي يمه يالشويب
ضرار... الفصمه
سيرين... هههههههههههه وخر
ضرار... جاي تعبان وكاتلني الحر والبرد كولي محتاج شي
سيرين... شمحتاج
ضرار... محتاجج
سيرين... بغير وقت انه هسه مشغوله باعمالي
ضرار... وشعندج من اعمال غير زوجج سر سعادتج
سيرين... يمه يالشويب ولايستقر
ضرار... على طاري الاستقرار تعالي خل نستقر سوا
سيرين... شلون
ضرار... هسه اشوفج شلون
سيرين... هههههههههههه وخر يـافاسق
مياده...
كاعده بالغرفه واطحن بروحي من بعد عركه وصياح ومشاحنات
دخل للغرفه ماحجى شي عاف اغراضه عالميز واجى يمي
ايهاب... شبيها مرتي
مياده... على اساس متعرف شصاير وهنه تلكنك اول مدخلت
ايهاب... اعرف
مياده... شتتتعرف هاا متعرف الحجي الاسمعه منهن وانه لازم اتحمل ومافتح حلكي بحرف صم بكم اسمع وابلع
ايهاب... ابويه انتي تعبت والله احجي وارد ليورى
شهكت بدموعي اجى وحضني
مياده... وانه هم تعبت واريد ارتاح شبيدي انه اذا الحمل اتأخر كلي شغلطي انه كله بيد الله ليش يحاسبني ويعيرني عالرايح والجاي
ايهاب... بويه وعيونج ماريدن لاطفل ولاشي انه بس وجودج يمي كافي
مياده... وانت هم من حقك تريد طفل يشيل اسمك
ايهاب... انه اسمي بجنسيتج موجود شلي بالطفل حتى يشيل اسمي
كام مني وطلع من الغرفه شوي واسمع صوت عمتي يلعلع
_قررت براسك هالعرمه
ايهاب... يمه رحمه لاهلج بطلي هالحجي ااانه اذا صارت عدي خلفه يو لا بيد الله
مياااده لاحد تحجي وياها انه الي ماريد طفل شغلي وسفري كافي عليه
_جا خويه المره هناه تربي شعليه الطفل بشغلك
ايهاب... شوفي انه لخاطر امي مستخطيج ومغلس عليج والعباس اذا سمعت حسج بخصوص هالموضوع لوفاتحته لوتعيريها وروح ابوي اسوي شي مايعجبج
_يمههه يهلا دفعتك على خيتك هالحيه صرت اخو مريتك يوليدي
مياده... فرحت من دافعلي كمت رتبت الغرفه وعطرتها اخذت ملابس سبحت وطلعت لكيته متمدد مشطت شعري ومكيجت رحت سحبت ايده ونمت
ايهاب... لاضوجين ولاتنقهرين لخاطري
مياده... لخاطرك كلشي يهون
ايهاب... كبل كم يوم اجتني صفقه ولازم اسافر وكلت اخذج وياي
مياده... صدك
ايهاب... والله ويجوز نتأخر بالسفر ومنها تغيرين جو ومنها انه اخلص شغلي
مياده... اي اي ااروحح
ايهاب... سمعتي بيها سفر صرتي تكمزين
مياده... ترى مانسيتها لحد هسه ماخذتني شهر العسل
ايهاب... بويه شلج بالعسل واحنه نايمين بيه
مياده... اي خلي هالحجي يفيدك
ايهاب... ولج لومالشغل وامي تمرضت جان اخذتج بس انشالله اخذج اذا خلصت من هالشغل
مياده... ههههههه اي ماشي
سيرين...
حاضني ويتنهد بقوه احس ضلوعي تكسرت من قوه قبضته
ضرار... شبيج تحوسين
سيرين... خنكتني
ضرار... ها
سيرين... حاضني بقوه واحس روحي حتطلع
وخر مني ويعاينلي دك مبايله كام اخذه وبس عيونه تتحرك ويبلع بريكه
ضرار... اي جاي
سداه وراح اخذ ملابس ومشى يسبح ستغربت تصرفاته وشبيه
شوي وطلع كمت اخذت ملابس بدلت ورتبت الغرفه
ضرار... حروحن كم يوم وارد
سيرين... ها وين ؟
ضرار... لبغداد
سيرين... ضراار ابقى
اجى عليه حضني وباسني بطرف شفتي
ضرار... لاتخافين باجر لوعكبه انه يمج عدي شغل اكظي وارد
سيرين... اذا صار شي ؟
ضرار... تؤ مايصير
سيرين... الله وياك زين متاخذ شي وياك
ضرار... لا عندي ملابس مخلي بالشقه
سيرين... ماشي
ضرار... ديربالج على روحج ونزلي جوا لا تنامين هناه
سيرين... واذا نمت هناه ماعليه شي
ضرار... بثالث طابق وابحدج ابويه كلشي يصير نزلي يم امي ومبايلج عوفي مفتوح
سيرين... صاار
جر نفس بقوه ودكات كلبه اسمعهن وكأن طبول خليت ايدي على صدره جر أيدي يبوس بيها وعيونه بعيوني
ضرار... اتعب بـدونج
سيرين... صاير شي ؟
ضرار... لحد هسه كلشي مصاير
سيرين... وشحيصير بعدين
ضرار... مادري بس انشالله خير
سيرين... ليش هيجي ترجف
ضرار... ماعرف بس يمج ماسيطر على روحي افقد حواسي بكربج
سيرين... اتعبك
ضرار... احبج وراضي بتعبي اذا منج
سيرين... حظنته هوه اطول مني وانه اقصر لزمني من خصري وشالني صرت بطوله وأيده على خصري حضنته من رقبته واسنانه نغرست بجسمي باسني بقوه ووخر
بلع ريكه وحجى برجفه
ضرار... والعباس انهيج
سيرين... هههههههههههه
ضرار... الصلفه يله انه رايح
سيرين... الله وياك
عافني ونزل جوا لزمت كلبي احسه حيطلع من مكانه تنفست بقوه وغمضت عيني
سيرين... شبيه انه انسى روحي بحظنه يربي اذا اكو مشاعر تجاه ضرار بكلبي امحيها ماممكن احبه سيرين اصحي على نفسج ولاضعفين
كمت اخذت شالي ونزلت جوا بس رهف ودانه بالمطبخ كاعدات ياكلن ومالكه هيه وبناتها بغرفتها
دانه... خيه شبيه خدج
سيرين... ها
دانه... هههههه اصبلج جاي
سيرين... لاماريد
دانه... جا شبيج تصفنين
سيرين... ماعرف شبيه
دانه... اي حقج
سيرين... شبيج
دانه... خايبه شبيه انه حصعد لغرفتي ديربالج على رهف
سيرين... اي
كامت شالت المواعين رتبتهن وصعدت لغرفتها عاينت للساعه بـ٤ العصر ضوجه تخنك اخذت ادوات التنظيف ورهف وياي صعدت فوك الطابق بس احنا بيه
رحت طلعت دشاديش قصيره الي ولرهف نظفت الطابق كله خلصت ورحت لغرفتي غيرت البرادي والفرشات طلعت فرشه للجربايه جديده وغيرت مكان الميزتواليت طلعت ملابسنا كلهن رتبتهن ورتبت الخانات وخانه ضرار مال اوراق طلعتهن حتى ارتبهن واعاين بيهن لكيت وياهن صور قديمه
منهن صور لرهف وهيه بحظنه وبعيد ميلادها وصوره لبنت عرفتها جنات اعاينلها كلش حلوه تشبه رهف كلش نفس الترافه جا شعجبه بيه هالشويب
شفت صور قديمه كلش صوره جماعيه بس الهم وصوره ثانيه بس رياجيل ركزت بيها شفت ابوي بيها دموعي بسرعه جرت وكلبي نغزني
سيرين... فدوه اروحلك ولاعندي شي الك وينك هسه عني
واكو صوره وياهن ابوي وضرار لازم بنت عاينتلها
سيرين... هاي اني
ضحكت على نفسي هوه شايلني وانه متشبثه برقبته وابجي اخذت غيرها جان هوه هم كاعد
وثنين بنات بحضنه وحده انه من جهه كاعده واصفك والثانيه تبجي عرفتها ميس لان مبين بعمري
كمت جبت مبايلي واخذتلهن صور رتبتهن ورجعتهن لمكانهن خلصت وكمت مسحت الارضيه والاغراض ورشيت معطر
سيرين... خلصنا شنسوي بعد
رهف... اثوي بعد
سيرين... تعالي
شلتها وعفتها عالجربايه رحت جبت ماسكات وزيوت خليت ماسك للشعر الي ولرهف وماسكات للوجه وللجسم خليت ومقشرات خلصت وكتي بالعنايه
كمت طلعت ملابس اخذت رهف سبحت اني وياها جلفت روحي جلف
طلعت نشفت شعرنا وشسورته كعدت امكيج ودكت رجل الاامكيجها وياي خليتلها بس حمره واكلتها
اخذت صور ودزيتهن لضرار ماعنده نت
التهيت احجي وي البنات بالكروب ووي رؤيا مسافره وتدزلي صور وفيديوهات لسفرتها تونست وياها كلش
لليل يالله ضرار اتصل عليه فتحت كام جان كاعد وبيده النركيله
ضرار... شلونج بويه
سيرين... بخير شوكت وصلت
ضرار... من زمان خلصت شغلي وخابرتك
سيرين... شغل شنو
ضرار.... وينها رهف
سيرين... يمي
كمت جبتها يمي شافته وضلت تكمز اخذت المبايل وتحجي وياه
رهف... الو بابا
ضرار... يروح ابوج شلونهن بناتي
رهف... ثنين
ضرار... ولجج موتيني بلسانج ينكط عسل
سيرين... ههههههه كول مفهمت شكال
ضرار... تكبر تكبر
سيرين... منو يمك ؟
ضرار... زكريا العار
سمعت صوته من بعيد عاط
زكريا... لك ك*** زين عليه ومتحمل كعدتك يمي
سيرين... هههههههههه ماعرفته
ضرار... اي بوبه متعرفي
سيرين... بقيت احجي وياه شوي وراح نزلت جوا سويت عشى وي دانه
اجى بسول جايبلنا حلويات اخذت الي ولرهف وحضرت سهره النا صعدت لغرفتي شغلت السبلت وتمدتت بالفراش عجبني اطلع افلام كارتون كعدت اني ورهف اعاين هيه نامت وانه شوي وغفيت
لثاني يوم اجى ضرار حالته حاله العصبيه ناطه من عيونه ويدورله حجه بس حتى يحجي ويتعارك وي ذبان وجهه
جنت واكفه بالمطبخ وسمعت عيطته عفت البيدي ورحتله جانت مبديه عليه الجاي اجت عليه مبرطمه وطكتها بجيه
ضرار... صاااايره وكحههه وماتنحمل عينج عليها
سلافه... خايبه شمالك وي البت ماتدري ووكعته
ضرار... واااحد يريد يكعد شوووي المشاكل تطلعه تن*** ن****
اخذ سويجه وراح كلهم مستغربين تصرفاته وشبيه هاي اول مره يعيط على رهف لويبجيها
حاضنتني وتشهك بالبجي اخذتها ورحت
سيرين... اوي ياعيني كافي بجي
رهف... اعفه
سيرين... موقصده الباب اليوم ناط من العصبيه لاتتقربين منه
رهف... ثرينه الوقحه اعفج
سيرين... واني شعليه
عفتها يمي والتهيت اسوي عشا وهوه ماكو
خلصت شغلي وصعدت فوك انه ورهف
حجيت وي البنات شوي عاينت للساعه ب١٢ وهوه ماكو نومت رهف وانه عود انتضره نمت وياها ماعرف شكد نمت وكعدت عيني صارت عالساعه بسرعه فزيت
سيرين... يرببي هذا وين راح
كمت ادور على مبايلي هوه المبايل كدامي
من النعاس حتى مشفته اتصل عليه ميجاوب شوي ورجع اتصل عليه
ضرار... الو
سيرين... وين رحت لحد هسه ماكو
ضرار... هالاجيت
سيرين... انتظرك
تانيته شوي واجى اعاينله حاله تعبان كلش
وبلكوا مفتح عينه اجى وكف كدامي ويعاينلي
ضرار... شلون بيج هسه اكتل روحي واكتلج وياي
سيرين... ضرار شبيك
ضرار... انه الهم ولد الك*** اذا ما*** ماطلع ك***
سيرين... منو همه
ضرار... عشيريتي وعشيرتج
سيرين... هههههههههههه
ضرار... سدي حلكج لامددج هناه وعلي
سيرين... عافني ومشى راح تمدد بصف رهف وحضنتها
ضرار... يروح ابوج ينكص لساني اذا عليت صوتي عليج ،عاين عليه بخزره وحجه ،باجر عدنه كعده
سيرين... ويامن
ضرار... وي الـ وهب
سيرين... حسيت كلبي انقبض ،جدي ؟
غمض عينه وخلاني بحيرتي رحت تمدتت يمه وانه عيني ماغمضت من التفكير
شصاير ؟
وشراح يصير ؟
وليش هالكعده ؟
لثاني كعدت من الصبح من الصبح ملتمين عود يتناقشون عبالك جاي يتعلركون بيناتهم واني احس كلبي يلوب
شفته صعد فوك خليت وصعدت وراه جان يطلع بملابسه
ضرار... تعالي بويه طلعيلي ملابس بس اسبح
سيرين... اي
راح هوه وانه طلعتله ملابس شوي وطلع
يعاينلي وعاكد حواجبه
ضرار... اروحلهم بشورت وتيشيرت ؟
سيرين... شنو
ضرار... بويه شمالج
سيرين... عاينت للملابس حتى منتبهت شطلعتله ،ها شتلبس
ضرار... كعدي انتي
اجى هوه طلع ملابس وانه بس اعاين
عاينت لأيدي ترجف وكلبي ينغزني
كعدت عالجربايه ودموعي تجري خلص واجى يعاينلي وعاكد حواجبه
ضرار... شبيج ليش البجي !!
سيرين... خايفه
لزم أيدي وكومني باسني بشفتي ووخر
ضرار... ابويه انتي لاتخافين العداوه والثار أخيراً راح تنتهي جا ماتكيفين
سيرين... وانه ؟
ضرار... شبيج
سيرين... ارجع
بلع ريكه ووخر مني راح مشط ولف الغتره
طلع سبحته والمحبس والساعه طلع سلاحه وخلا الشاجور خلص واجى يمي
ضرار... راحـتي وتـعبي
سيرين... شـكد حلو طالع
ضرار... من ارد نتفاهم
سيرين... على شنو
ضرار... عالدشاديش الشككتهن خاطر اجيبلج غيرهن ويجوز يزيد العدد
سيرين... مااا وخر والله اشكك ملابسك
ضرار... اي وتخليني مصلخ
سيرين... هههههههه ضرار
ضرار... روحه
سيرين... ها
باسني وخر
ضرار... حروحن بويه اتأخرت
سيرين... الله وياك
عافني ومشى رحت لبست شالي وطكيتها ركضه للسطح هوه عالي وميبين شي كمت جبت طابوك وصعدت عليه اعاينلهم كلهم واكفين
سيارات ساده الشارع وهمه الدشاديش والغترات وكلمن سلاحه بيده سادين الشارع على طوله
طلع ضرار لابس نظاره والسلاح بيده
رحت من الجهه الثانيه على الجهه مال بيت جدي كلشي ممبين بس الحاجز
خليت ونزلت جوا واحس كلبي على لحظه يوكف محد موجود وهمه ولاواحد كلهم رايحين
كعدت بالحديقه ورهف يمي روحي تلوب خايفه يصير شي
نزيت على صوت رمي رجنا رج الصوت بعيد بس من قوته عبالك يمنا دخلت جوا خفت لاتجيني طلقه تايهه
لليل يالله اجو ضليت اروح واجي اريد اعرف السالفه وشصار وهمه مدخنين
بسول...
كبل من صارت المشكله عالكاع وكت اجو يطالبون بيها ابوي ماجان راضي يطيها ومعاند وياهم
وكلمن اسلاحه بيده محد تدخل واجى جابر يحل الموضوع عمامي جانو يردون يهدون عليهم بالسلاح وهذولاك مناك كلمن سلاحه
من اجى عمي جابر
رايد يفاككهم وابوي معاند ماراضي والعصبيه ماخذته مايشوف دربه
وكت جابر رفع السلاح بوجه ابوي واحد من الفلاليح رامي على ابوي وضام راسه
ووكعت براس جابر
بديعه... موجابر الجتله ؟
عزام... لاموهوه الرجال صارله خمس سنين ميت وضرار من لاكي بس اخوه
وهم ماراضي يحجي بتهديد وطلعان الروح يالله حاجي وتكربست السالفه براس جابر عبن هوه الي جان رافع سلاحه على ابوي
سلافه... وكل هالوكت والكعدات الصارت شني تاليتها
حطام... تدخلت عشيره وصار الصلح بينا جابر اتبرأ من الصار وماله غرض بعد
وماكو لاعداوه ولاثار تجمعنا وي بيت وهب السور ينشال والبت ترد لاهلها
ضرار... ماترد
حطام... اااستجن بلكوا حليناها لسالفه خطفها وهسه جايني تكلي ماردها شنهي سالفتك انت لوراايدها اطلبها من اهلها
ضرار... وهيه مرتي هسه صارت
هجاس... كلت راح اردها جدام اهلها شغيرك هسه ؟
ضرار... ترد بس ضل مرتي وهيه بكيفها تريد تبقى تريد تروح
سلافه... جا الغاكه شلها غرض دامها مرت ضرار هسه ليش تردلهم
حطام... لاتنسين شلون ابوها من اول ماجت وهوه مافك ياخه منا وضال يدور عليها
ضلينا نسد ونطم السالفه لحدمن ومخلين البت كوا عدنا ودام هسه كلشي نحل هيه بكيفها تريد تروح لوتريد تظل
سيرين... اسمعلهم وايدي على حلكي احبس صوت شهكتي ، معاد مجبوره اضل من بعد غياب وأخيراً
ابوي بريئ وممجبور يتعاقب على ذنب موذنبه معاد يصيحوله مجرم
انه هسه حره طليقه لاجحيم ضرار ولاحجي العالم ولاممكن اتقيد بكلام احد ولااتعاقب على ذنب موذنبي
طلع ضرار شافني ودار وجها راح صعد فوك وصعدت وراه جان يبدل ويشمر بالملابس
ضرار... سمعتي الصار
سيرين... اي
ضرار... وشرأيج
سيرين... بشنو ؟
اجى وكف كدامي ومحتار شيكول
ضرار... مايهمني شي بس كولي تضلين وياي يو لا ؟
سيرين... لا
ضرار... لهالدرجه كارهتني وكلتيها بدون تفكير
سيرين... دام كلشي انحل ماكو داعي لوجودي هناه مايهمني شي غير بس ترجعني لاهلي
لزمني من خصري وعصر فكي
ضرار... واانه ها
سيرين... ضرار عوفني
ضرار... اااحجي وانه كتلج اتعب بدون لاتعاقبيني هيج وعيونج ماكدر ولجج لاتعذبيني بهالطريقه
وخر مني وحضني ضليت ابجي واشهك وهوه ساكن
سيرين... فدوه ردني لاهلي الله يخليك مرايده شي غير ترجعني جبتني بلقوه وخطفتني جبرتني اتزوجك عيشتني حياه ماريدها كلشي جان بالاجبار فدوه هالمره لاتجبرني اعتقني من جحيمك وقبضتك
وخر مني عاكد حواجبه ودماراته باينه
ضرار... لشوكت اعوفنج
سيرين... كل حياتك ماريد انجمع وياك بيوم
ضرار... التردي يجرالج دام تردين هالمره انه اردج بأيدي بس وداعتج والخلقج
مال اعوفنج وتعيشين بدون ضرار باحلامج لاتفكرين بيها انه صرتلج ندبه بحياتج وماممكن تتخلصين من هالندبه
سيرين... نشوف لشوكت تضل متمسك بيه انه موالك ولابيوم جنت الك
ضرار... عوفي هالحجي يفيدج موانتي التقررين اذا صرتي الي لو لغيري
انتي حتى كبل لاتفكرين تصير لغير ضرار حتلكيني كدامج وعود بوكتها اليفكر بيج ويريد ياخذج تعرفيني انه مجرم ك*** وسفاح عود اصرف بوكتها
حضري روحج باجر اردج
سيرين... عافني ومشى كعدت ابجي وانحب حرت شريد واكعه بين نارين كلبي وعقلي ماعرف شسوي وشصرف
حيرني وياه تعبت من ورااه طلع شافني على نفس الكعده اجى يمي وكعد بمستواي
ضرار... ضلي والتردي يجرالج اعرف غلطت هواي وياج ااصلح غلطي بس لاتبعديني عنج بهالطريقه
هزيتله راسي برفض خليت أيدي على وجهي ودموعي مثل الشلال حظني وضمني لصدره باسني من راسي وتنهد
ضرار... اششش كافي لاتبجين ماجبرج على شي هذا هوه اردج باجر بس
سيرين... بس شنو !!
كومني من ايدي وكف كدامي وضحك
وشك عليه الدشداشه
سيرين... كلبي طك عالدشاديش قهر وربي
ضرار... اششش ماريد شي يمنعني عنج
سيرين... ها
همس بخفه وأيده على خصري
ضرار...
عيناك جمر يُحيطني
وشفتاك خَمر يُسكرني
وجسدك مِدفئه
فافعالك ذَنب في الهوى
فما ذنِنبي ان تُثمليني .؟
سيرين... همسات,لمسات هادئه
لمسته تخليني اضيع بحظنه رغم الألم والتفكير والتوتر
بهمسته انسى كلشي
كعدت الصبح قبله سبحت ونزلت جوا كلها تعاين عليه بس محد حجى هوه شوي ونزل
سويت ريوك كعدنا كلنا نتريك ورهف بحظني
حايره شلون راح اعوفها
منو يعتني بيها بغيابي
ضرار كل وكته بالشغل ماكو احد يدير باله عليها وعمتي مره جبيره متكدرلها
كلبي تكطع عليها
خلصو وشلت المواعين رتبتهن شفته راد يطلع ورحت وراه
سيرين... شوكت تاخذني لاهلي ؟
ضرار... موهسه العصر
سيرين... ماشي
طلع هوه وانه رجعت كملت شغلي وصعدت لغرفتي ورهف وياي راسلت البنات وحجيت وياهن
تخبلن من درن راح ارد ميعرفن برجعتي دام هسه كلشي انتهى
عفت المبايل وانه التفكير ماخذني احس راسي حينفجر
متردده كلش وماعرف شصرف
رهف... ماما
سيرين... يروحي
حضنتها ودموعي تجري كلبي طك من القهر
شلون راح اعوفج منو راح يدير باله عليج
لمنو راح تكولين ماما بعد يربي دخيلك ساعدني
للعصر يالله اجى ضرار راح بدل وانه كمت حضرت نفسي ماخذت شي وياي كلشي ماريد كلشي يخصهم اريد اتخلص منه
ضرار... خلصتي ؟
سيرين... اي مخلصه
ضرار... اخذيلج شي خوما بطرك روحج
سيرين... ماريد ايشي
هز راسه ماحجى شي ونزل جوا اخذت رهف ورحت وراه جانو كاعدين بالاستقبال وهنه بالصاله دنانير وجداتي اثنينهن
دخلو من برى جنوب وميس ورضوان وانمار وياهن
شافني واجن عليه
جنوب... ابقي فدوه اروحلج شلون هيجي بهالسهوله ترحين
سيرين... الله يخليجن لاشلعن كلبي
ميس... تردين مو ؟
سيرين... مالي رجعه
همه طلعو برى وبقينا احنى
سلافه... تعالي حبيبه
رحت كعدت بصفها وباكوا حابسه شهكتي
سلافه... ماريدنج شيلين بكلبج عليه الله شاهد لاكرهج ولاحملتج ذنب الصار
سيرين... حجيه اعرف ولايهمج
سلافه... حبوبه بحيل الله تردين
سيرين... ماعتقد
جاي نحجي ودخلت غيد والحجيه من برى شافتني واجت شمرت نفسها عليه وتبجي
غيد... يعني هايهيه حترحين صدك
سيرين... اي
اجت جنوب وميس يقنعن بيه ابقى انه قفلت ردت بس اطلع واروح لاهلي
ميس... براحتج
كالتها وشهك بدموعها حضنتها وبس صوت شهكاتنا ينسمع اجت جنوب وغيد حظنني حسيتهن من صدك اخواتي ومني وبيه حنيتهن وياي واسلوبهن ابد مايوم حسسني وكأني غريبه بيناتهن
جنوب... الله يخليج لاتكطعين بينا وخليج دوم على اتصال ويانه
غيد... موتنسينا والله اموتج
سيرين... انسى روحي ومانساجن
ميس... سيرين فكري زين ولاتنسين ضرار اكثر واحد بينا محتاجج ورهف
اجى ضرار عيونه حمر وعاكد حواجبه
ضرار... يله نروح
سيرين... اي
رحت يم دنانير تعاينلي وعاكده حواجبها
سيرين... انتي امي وجان لازم تعرفين مدى حاجتي الج شمرتيني وماسألتي عني ماكلتي عندي بنت لازم اعرف شحالها شصار بيها ميته عايشه
جان لازم تعرفين بنتج شحالها بسهوله تخليتي عني انه بنت بطنج ليش هيجي كرهتيني كلشي صار موذنيي دوم اسمع منج تكليلي فكر وبس اجيتي اجت المشاكل وراج مابيج كل خير
تدرين كلامج ابد ميهمني
رافعه راسي بأبوي رباني احسن تربيه خلاني افتخر بيه وبنفسي رغم الحال الجنا عايشين بيه مانقص عليه شي ولاخلاني احتاج شي
وامي الي هيه مرت اب بلعكس موبس ام صارتلي اخت وصديقه الي
حنيتها وخوفها عليه وتضحيتها عوضوني واخلتني احس بغيابج اكولها الج جانت احسن منج بقاطات وابد متتقارن بيج حرام تكونين ام بس ابد مانسى انو انتي امي ومانكر الحليب الرضعته منج
دنكت راسها وتبجي كمت منها
ودعتهم وطلعت وبس صوت البجي مال رهف يرن بأذني ريت ضميتها بروحي
مكانها مويمي ولانه امها لويرضى جان اخذتها وياي
صعدت السياره سياره رضوان وبسول ورانا
مشينا وطول الطريق بس يتنهد ويستغفر
طول الطريق دموعي تجري ماتوقفت
خوف,توتر رجفه بجسمي ونغزات بكلبي
من بعد شهور واكثر من سنه مرت وانه بعيده عن اهلي شلون راح يكون القاء
معقوله صدك حنجمع بيهم حرد لحضن ابوي وحنيه امي
وكفو السياره اعاين كدامنا بيت جبير شايفته من بعيد
ضرار... وصلنا
سيرين... بيت جدي ؟
ضرار... اي
جر نفس بقوه خلا راسه عالستيرن ويتنهد حسيت تنهيدته زرفت كلبي
خليت أيدي على وجهي أبجي ماجاي تتوقف دموعي
سمعته اتصل شوي وسداه نزلنا وانه اتلفت من كل الجهات اريد المح واحد من اهلي كلبي طك عليهم
دك الباب وطلع واحد ركزت بوجهه
سيرين... نفسه الصعدت وياه بدفنه انور
رحب بيهم همه مشو قبلي دخلنا بيتهم كلش جبير بيه ساحه جبير كلها زرع وبنصها كراسي
البيت مرتب وحلو
خليت أيدي على كلبي واجعني كلش ومقبوض
رفعت راسي
واشوف أبوي طلع كدامي يمشي ويتكأ حركته متعينه
شفته لوجن روحي ردتلي
دموعه جرت ويعاينلي بلهفه
جابر... ريحانه ابوها
اريد رجليه تعيني حسيت حركتي نشلت شهكت بصوت عالي ودموعي مثل الشلال
ركضت عليه حظنته حضظنت بقوه حسيته يريد يدخلني بضلوعه ماينسمع بس صوت بجينا
سيرين... يااابه طك كلبي عليك والله ميتهه شلون هيييج تعوووفني
طوللت عليهه كل يومم انه انتظررك تجيني انه اللليل يحل وكلبي يحنن عليكم
يااابه ااانتظرتك اانه رحت بس روحي ضلت يمكم
جابر... بووويه خففت اموتن ومااشوفنج رووحي تلوب على شوفتج انه لووبيدي ااطي روحي ومااخلي احد يجيسجج عذريني عبن مااوفيت بوعدي وحميتجج بسببي اتأذيتي
سيرين... يااابه غيبتك طوولتت مااتعرف المرريت بيهه انهه انهنت وتعذبت وتغربت
خسرت نفسي وخسرتكم
خسرت طفلي الي حتى مالحكت افرح بيه
حسرت حياااتي بسبب ذنب موووذنبي
انه شذذنبيي اعاني كلهذا
فدووه اروحلك لاتتخلي ااحد يكربلي وداعتك مااتحمل ابعد عننك بعد اااموت والله
جابر... من عمري على عمرجج
بااسني مم أيدي ورجع حظني وبس صوت البجي ماله احس اريد ادخل روحي بروحه لازمني بقوه وكأن راح اهرب منه
دموعه بللتني والحنيه الي بصوته وهوه يوصفلي اشتياقه
رجع باس أيدي سحبتها منه وبسته
سيرين... لااسوي هييج فدوه اروحلك
جابر... انه شما اسووي كلشي يهوون الج بروحي مااعوض العشتي بسببي ماممكن اسامح نفسي واتي تعاقبتي على ذنب موذنبج
ريت الله اخذ روحي كبل لاشوفنج واتي تروحي جدامي
سيرين... لااتحجي هيج عمرك طويل انشالله
طلعت امي شافتني وعاطت
نهايه... يمهه بنيتي
اجت ركضت عليه حظنتني وتبوس بيه
الله ياخذني بيوم الخلليتج تررحيين كليلي شحاتلج يمه
سيرين... فدوه ااروحلج داامني رديتلكم انه بخير
نهايه... جاابر بنيتنا ردتت
رجعت حظنتني وتبجي
نهايه... خافن جاي ااحلم روحي تعبت من الونين وانه كل يوم اتخايلج بعيده عن حظني
اكلتي شربتي صاايبج أذى
بنيييتي جننت حااسه بأذيتج ودااعتج كلبي ينغززني بأذيتج
كل ليله واانه روحي تفرفح عليج اكولن شحالها هسه وانه نايمه ومرتاحه
كلبي طك عليييج
سيرين... تعبت بدوونكم ماتتخيلين شكد مشتاقه لحظنج ولحنيتج مشتاقه لخوفج عليه وسوالفج ويااي
حتى امي الي ولدتني ماحنت عليه مثلج انه كدامها وماتكلي
نهايه... اانه ااامجج انه الربيتج وتعبت عليج انه السهرت ليلي عليج واانه التعبت روحي عليجج ماتعرف شنهي خسرت داامني اانه امج لايهمج شي
شفت مرتضى ومراد كمت واجو عليه حظنوني ويبجون صرت احضن وابوس بيهم مامصدكه روحي انه بينهم
مراد... ماجنت كدها وحميتج خليتهم ياخذوج
سيرين... لااتحجي هيجي داامني رديت الكم اانسو كلشي
مرتضى... ماننسى شلون ااخذوج وماكدرنا نسوي شي لوحامينج ماجان رحتي
سيرين... فدوه اروحلكم انه وجودكم يمي كاافي
ضرار... وصلت أمانتك
جابر... بويه الله يجازيك
ضرار... نرفع الزحمه ورانه شغل
زكريا... ضل
ضرار... غير مره
راحو همه وانه متشبثه بأبوي واخواني لازميني
تلكتني ليال كبرانه شفت رهف بيها بس هيه أكبر من رهف
دخلت كاعدين كلهم بس ولاعرف واحد منهم شفت عمتي زهره رحت شمرت نفسي بحظنها وهيه تبجي وتحظن بيه
مزاهر... تعالي حبوبه ليه
كمت يمها حظنتني وتبوس بيه كاعد بصفها رجال جبير ودموعه بعينه
وهب... كبرت حفيدتي
سيرين... محد يضل على حاله
حظنته وكعد يبجي كلها دموعها بعينها الحاله الجنت بيها مستحيل كدرت اوصفها
فرحه جبيره وانه بنص اهلي وبحظنهم بس فرحتي ناقصه ماعرف ليش احس الفرحه بعدها مكامله
كعدت بنصهم وسوالفهم وضحكم مالياتني
اركان... عمي ولاتوقعت بتك هيجي
جابر... بت جابر بعد
سيرين... فدوه اروحلك
زينب... والله حلوه وصار عندي بت عم هسه بدال ماكعد واكابل الرياجيل اكابلج
سيرين... ماعندج خوات
زينب... خاييه منيلي انه الوحيده امي جابتلي اثنين اخوان وكطعت
دمعه... ولجج وتالي وي لسانج
زكريا... جا شحجت هيه
سيرين... شاايفتك من قبل
خزرني بعيونه وبلع ريكه
زكريا... اكيد مشبهه بيه غلطانه
سيرين... ههههه ااي يمكن
بيومها كضيت وكتي كله وياهم امي وابوي حاظنيني واخواني بصفي ماعرف شلون اوصف فرحتي بيهم
الضحكه ماليتهم علاقه ابوي بأهله رجعت مثل قبل واحسن والعداوه الي بينا وبين ال حطام انتهت
والحاجز اليفصل بينا وبينهم انشال وماعاد موجود بس بعديش ؟
وعلاقه اهلي بال حطام بدت شوي شوي ترجع ضرار مرات يجي وستغربت علاقته بأبوي ماحجيت ولاعلقت
مراسلاته ولاكفت عني اقرا وماجاوب كلبي طك على رهف وشحالها هسه
مراسلتي وي البنات قلت مبتعده عن البرامج بسبب ضرار اذا شافني متصل لوموجوده الرسائل والمكالمات تضل تتراكع عليه
نزلت جوا ورجت لغرفه ابوي جان كاعد ويقرا قران عافه على جهه ورحت كعدت بصفه حظني وباسني
جابر... خير بويه
سيرين... يابه اطلب طلب
جابر... بنيتي تأمرين موطلبين
سيرين... اريد اتطلك من ضرار
جابر... متاكده ؟
سيرين... اي ماريد اضل على ذمته
حابر... يصير خير
كمت منه وانه احس كلبي حيطلع من مكانه محد علق عالموضوع ولاحد حجى
صعدت لغرفتي حتى انام وفاطمه يمي
رحت تمددت بفراشي فتحت الرسائل جان دازلي رساله دخلت عليها
دازلي صورته حالته تعبانه كلش وجها ضعفان وعيونه حمر كلش
كاتب،وحشه كلش بدونج
سديته ماجاوبته لثاني يوم اتفأجاه بجيه ضرار عدنا عرفت ابوي خابره حتى يحجي وياه
وكفت استمعلهم وانه من الرجفه احس راح اوكع من طولي
زينب... خايبه شمالج
سيرين... شوفيني دارجف
زينب... وجهج نكلب قريقوز اذا مارايده تطلكين ليش حجيتي
سيرين... لاانه ردت هالشي
زينب... مبين هالشي وانتي الليل كله تلوبين عليه وكلساع طابه عالرسائل تقريهن علما تنامين لودخلين لحسابه تشوفين شناشر لو من كلساع تراقبين اخر ظهور اله
نزلت دموعي ومسحتهن بسرعه
سيرين... عذبني
زينب... انطي فرصه
سيرين... ماممكن
زينب... براحتج
شوي واصواتهم بدت تتعالى ماضل دعاء ماكلته احس بلكوا واكفه على حيلي
طلع زكريا عاين عليه وحجى
زكريا... يريد يحجي وياج
سيرين... شيحجي
زكريا... ماعرف عمي يكول براحتها
سيرين... ماشي
زكريا... تعالي بغرفه عمي هسه يجي
سيرين... هزيتله راسي ومشيت رحت لغرفه ابوي كعدت بطرف الجربايه ودموعي تجري ورجفه مسيطره عليه فجأه نفتح الباب ودخل
كمت وكفت سداه واجى عليه بدون ستبق انذار لزمني بكفوف ايديه وباسني بقوه
ماوخر غير والنفس مكطوع عن ريتي وخر مني وحظني
ضرار... ميت بدوننج
حظنته ضالينا على هالحاله يمكن بالنص ساعه واحد حاظن الثاني وبس صوت دكات كلوبنا ينسمع وخر مني ورجع باسني بعشوائيه ويشم بيه
ضرار... شسويتي بيه روحي تلوعت عليج
سيرين... ضرار خنكتني
وخر مني وتحمحم اعاينله كلش ضعفان وتعبان
ضرار... شنهي هذا الحجاه عمي
سيرين... اي
ضرار... تردين تفترقين عني ؟
سيرين... ااي رايده
ضرار... مارضاها
بلعت ريكي ودموعي مابطلت تجري لزمت أيده وحظنتها
سيرين... فدوه اعتقني خلصني من قبضتك ماتحمل اضل كل حياتي بأسمك
خلصني من العذاب العيشتني بيه وخليني ارتاح لاتجبرني بعد على شي مرايدته
ماريد هالعلاقه تستمر الله يخليك خلينه ننهي كلشي
ضرار... سيرين وداعتج ماكدر انه روحي بيج شلون ترديني اعوفنج بس ترحين روحي تروح وياج اضلن بس جسد
انه هيجي وماعايش مثل الاوادم اطب واطلع اتخايلج كدامي صوتج مايمرلي اتخبل طيفج مايمر الي اضلن ادور عليه شلون اعوفنج
سيرين... جاي تعذبني ااذا صدك تحبني ورايد راحتي خلصني من هالعلاقه اول مره اطلب منك طلب وصدكني وي الوطت راح نتعايش وي واقعنا
ضرار... اموت بدونج
سيرين... ماكو احد مات ورى احد
ضرار... كلشي بدونج ينتهي
سيرين... تتعود
ضرار... وروحي
سيرين... دامها روحك بيه ادير بالي عليها
ضرار... وكلبي
سيرين... يضل عايش على حب سيرين
ضرار... هذا اخر حجي عندج ؟
سيرين... اي
عافني وطلع من الغرفه شوي وصاحوني رحت يمهم
اول مادخلت احى ضرار وكف كدامي عيونه حمر والدمعه بطرف عينه بس يكابر
عاكد حواجبه ويهزلي براسه عظ شفته بأسف وحجى
ضرار... متأكده من هالقرار
سيرين... اي
فرك وجها بعصبيه ورجع عاينلي ضل ساكن
بدون ماينطق
وهب... دامها البت مارايده هالزواج الاحسن ننهي كلشي
ضرار... سيرين رجعي فكري
سيرين... ميحتاج انه رايده ننهي كلشي بينا والاحسن هسه ننهي
عاينلي بخيبه والدمعه بطرف عينه
عظ شفته بأسف وحجى
ضرار... سيرين انتي طـالق
يـــــتـــبع ....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!