رواية ثارهم وبنت الفقير الفصل الثاني والخمسون 52 - بقلم الكاتبة ترانيم 🤎

٤٤ "

ثـارهم وبنت الـفقير

بخيـبه ضَـرار من كال :
جان الليل رمشه عين وياك
عفتني وصار الليل بكد عمر نوح

تـجاوبه سـيرين :
لويدري نوح كل هذا يصير بيه
جا مانجر خشبات ذيج السفينه 

عاينلي بخيبه والدمعه بطرف عينه
عظ شفته بأسف وحجى
ضرار... سيرين انتي طـالق

سيرين... بلعت غصتي ونطقت احس الهوى ضاك عليه ، احنا انتهينا

عفتهم وطلعت صعدت للغرفه وقفلت الباب كربست على نفسي وضميت رجليه لصدري واشهك بالبجي كتلت روحي بالدك والطم
ماعرف شكد مر وقت واني على هالحال
شوي وسمعت دك الباب
نهايه... امي فتحي الباب

كمت مسحت دموعي وفتحت الباب اول ماشفتها ارتميت بحظنها ودموعي ماتوقفت سحبتني من ايدي سدت الباب كعدت ورحت نمت بحظنها
نهايه... شبيها ريحانتي

سيرين... يمهه أذااني متتت الف موته بسببه ويريدني ابقى وياه وانسى كلشي
شلون انسى من تتوسليله حتى يعوفني شلون انسى بيوم سلسلني بالحمام وحبسني
وصلت للموت وماهمه
اكثر من مره روحي تطلع ومامووت بسبببه بسبهه عانيت فقدت نفسي وحياتي
ويريدني اضل وياه

نهايه... سوده عليه هسه كلشي انتهى وابدي حياتج

سيرين... يمه نكسرت ونهنت والله العشته صعب وتحملته نحرمت منكم وانه كل يوم روحي تتلوع لشوفتكم نحرمت من شوفتكم وكلبي طك عليكم ردت اعرف اخباركم وشلونكم ووين صرتو حركه كلبي وشوغته شلون انساها

نهايه... ابد مانسيناج ابوج مات بدونج لاليلنا لليل ولانهارنا نهار ابوج يروح ويرد لايرتاح ولايهود بسبيل يلكاج ويلكا خبر عنج ماخلى شيخ ولاوسيط وحتى اهله ردلهم اكثر من مره وراح للحجي حتى يلكاج ويردج

سيرين... تحملت هوااي ماكدرت اضل تحت رحمته ماكدرت اتقبل واحد هاني وماحترمني ولااحترم اهلي
اخذني بطريقه كلش غلط اخذني حالي حال الفصليه وهسه يريد اسامحه وانسى

نهايه... كلشي يمرلنا هوه درس حتى نتعلم منه انه فخوره بيج واضل دوم رافعه راسي ببنيتي تحملتي كل هذا وازيد منه وانه متأكده لو وحده غيرج ابد ماسوت مثلج وصبرت الله يجازيج ويفتحلج باب من الفرحه والسرور مسحي دمعتج وكومي انتي اقوى من انو تنكسرين بت جابر قويه وكدها حتى تتخطى كل هذا وتبدي حياتها

سيرين... كمت حظنتها واشهك بالبجي راح وخلا فراغ بداخلي بس ماممكن اضعف

نهايه... امي مسحي دموعج وتعالي

سيرين... راح لوبعده

نهايه... لابعده

سيرين... ماشي

عافتني ونزلت مسحت دموعي وكمت وصلني اشعار رحت شفته دازلي رساله دك ورفضته ضل يلح بالاتصال اخرها جاوبته

ضرار... هيج تشلعين كلبي ؟

سيرين... احسن هيج والاحسن تمسح رقمي لادز ولاتتصل عليه

ضرار... سويتي البراسج مو وتااااالي وي عنادج

سيرين... لاتعيط عليه

ضرار... انه الج هينه

سيرين... وفوكاها تهدد يربي شكد اكرهك

ضرار... هخخ يربي شكد احبج اروحن اخلص شغلي والتفتلج وها فهمي زين وفتحي اذانج اذا فكرتي بغير ضرار وحك الخلقج تصير كاتل ومكتول

سيرين... مُجرم

ضرار... علمودج كلشي اصيرن

سديته منه كعدت ارجف وابلع بريكي شسالفته هذا نزيت من رنه المبايل مره ثانيه عاينتله هوه رجعت جاوبته وبسرعه حجى

ضرار... كلتي انتهينا ؟

سيرين... اي

ضرار... انتهينا البارحه واليوم ابتدينا

سيرين... نحرمت عليك هسه وماعاد مرتك

ضرار... ههههههههه يله ياروح ضرار مسحي دموعج ولاتخنخنين عليه

سيرين... عضيت شفتي بفشله مسحت دموعي بقوه وهوه فحطان من الضحك سديته بوجهه وابجي
ياحقير يامجرم يالشويب

سديته وكمت وكفت كدام المرايه وجهي شاحب وعيوني حمر
سيرين... موانه اليكسرني رجال واضل ابجي وانحب بسببه

رحت طلعتلي دشداشه من النطتنياهن زينب لبستها وخليت مكياج خفيف كحله وحمره لفيت الشال وتعطرت نزلت جوا كلهم يعاينون ومتعجبين رحت كعدت بنص ابوي وجدي

جابر... ريحانه ابوها

سيرين... فدوه لكلبج

وهب... زكريا ابن عمتك شوكت يرد

زكريا... باجر كال

سيرين... شنو منو ؟

زهره... عمه بدر جا شنهي نسيتي

سيرين... حسيت كلبي نغزني من جيته وماعرف شلون حشوفه وشلون حتكون علاقتنا ، ليش وين هوه ؟

زكريا... بالحله علمود شغله

جنوب...
واكفه بالمطبخ واغسل بالمواعين وفززني صوته

ازان... شلونج

بدون ماندارله جاوبته
جنوب... الحمد لله عمي جوا تلكا

ازان... موعلمود عمي جيت علمودج

جنوب... خير شرايد

اجى عليه وخرت منه وعفت البيدي
ازان... اتطلكي من انمار

جنوب... عيد شكلت ؟

ازان... مثل ماسمعتي

جنوب... وليش بالله

ازان... لان انه اريدج جنوب وعيونج من يوم الفتركنا انه كلبي ماحب غيرج ارجعي فدوه حتى مرتي طلكتها انه ماحبيت غيرج ولااردت خلينا نرجع هسه والله لعيشج اميره

جنوب... اذا خلصت اتمسلت اطلع برا

ازان... جنوب

جنوب... لاتلفض ااااسمي يانجس ياخاين جاي بنص بيتي وتحجي هلحجي وفوكاها مخلي عينك على مره ابن عمك ااستحي على حالك وشنو انت وابدل انمار بيك انه انمار لورجع بيه الوكت اختاره هوه ومافكر حتى اباوع بوجهك

ازان... اعرفنج ضايجه مني ولحد هسه شايله ب

جنوب... لااتكمل كلامك خااايب لعبتها لروحي اطلع خلني انظف احسلي وهالافكار طلعها من مخك احسلك ماكو اخلي ضرار هوه اليصرف وياك

ازان... تهدديني بضرار ؟

جنوب... وانمار هم وشتريد تعتبره اعتبره اطلع

فجأه دخل انمار عليه عاكد حواجبه ويعاينلنا
جنوب... هلا حبيبي شوكت اجيت

انمار... هسه جيت

جنوب... مم ابن عمك اجى وحيروح

انمار... ابقى وين رايح

ازان... ها لاغير وكت عدي شغل غير مره امرلكم

جنوب... الله وياك

عافنا ومشى راح انمار وانه خلصت شغلي وطلعت برى ميس كاعده هيه وشذر بالحديقه وصافنات

جنوب... خير شمالجن

ميس... شنو

جنوب... خايبه شني سالفتجن تتصفنن

شذر... عوفينا لو هم حرام

جنوب... لاموحرام بس موكل وكتجن

شذر... بلاوي

جنوب... شنيي؟

شذر... انمار يصيحج

جنوب... لا

شذر... هستوني سمعته

جنوب... صدك

عافتنا ومشت
ميس... خايبه عكلي وكف انتي مالكيتي غير هذا مدري شسمه

شذر... زكريا

ميس... وين لكيتي

شذر... هوه لكاني

ميس... غردي

شذر... من جنت اروحن وارد للمدرسه جان يوكف بطرف الشارع انه عبالي من طرفنا بس طلع من طرف الحجي وهب صرت اروحن وارد اشوفه بنفس المكان ماكلج مانعجبت بيه لا وهوه ماناكصه شي كامل ومكمل ليش مايوم للحكني للمدرسه وهيه قريبه علينه
بالطلعه شفته عبالي من هذول المطيرجيه اليوكفون مابيهم خير

ميس... كملي عوفج من المطيرچيه

شذر... ضل يلح عليه حتى احجي وياه ابد ماطيته مجال ولاحجيت وياه حرف ورى مده يالله نطقت

ميس... ضاله تبيع ثكل عالرجال

شذر... هههههه اي اعترفلي واطاني رقمه جنت متردده وخاصه انه لاعرفه ولاعرف عنه شي سويتها وخابرته استمر اتصالنا علما درى جدي يصير اخو الحجي حطام
وورطه من دريت هوه حفيد وهب خفت لايكول لاهلي لويسويله شي
بس خايبه انه حبه عماني راد ينهي كلشي عبن ضرار ورضوان هذول ضلوعه
وهالضالين معلكين لوماالمشاكل بيناتهم جان هسه انه مرته

ميس... وهسه انتهى كلشي

شذر... مادري بعدني مامستعده مدري شمالني نصطرت وكتله ماريدك بعد وسواله زعله انه ذاب نفسي عليج وهذا اليريدج هيج سوين بيه وتذلينه خايبه اكلني وشربني

ميس... انتم سالفتكم سالفه لوواحد منهم درى يخرب كلشي وانتي ترحين بيها

شذر... خايفه

ميس... خل يتقدملج

شذر... مامستعده

ميس... همداج جا صار ساعه شتحجين وفوكاها مامستعده شكو ضاله وياه

شذر... احبه

ميس... حبتج حيه

شذر... بس ذكريا ثعبان

ميس... ومصدكه نفسها

شذر... هههههههههههه

ضرار...
دخلت للبيت يصوصي حركتها وصوتها ومشيتها ماليات عليه
دخلت جوا لكيتهن كاعدات بالصاله اجتي بتي تركض وحالها مبهذل

رهف... بابا

ضرار... حبيبه ابوها شحالها

بديعه... يمه ماترضى لانبدللها ولانمشطها

ضرار... ليش بويه

رهف... ماما ثينه

ضرار... ابويه انتي صير عاقله حتى اخذج الها

بدور... يمه رضت ترد

ضرار... لا

سلافه... عيفو البت جا زين عليها وحملته

ضرار... جده

سلافه... وغمه حقها البت لونسيت من نزلتلنا من فوك منتهيه وصارتلها اعصاب مدري شني

بديعه... انهيار عصبي

سلافه... وذبحه كلبيه

بدور... قلبيه

ضرار... شني ؟

بديعه... يمه روح هسه اصبلك العشى

ضرار... يمههه شصاير وشني ذبحه قلبيه وشوكت ؟

بدور... بيوم الي سمعت بيك مسوي حادث هيه وكعت وضلت بالمستشفى

ضرار... لييييش محد كاااال بسووول العار كالي تخربببطت ومااابيها شي

بديعه... ااهدا شمالك بعد صارت

ضرار... يمه شهدأ وانه كل هالمده مادري بيها واصله للموت تكلولي تخربطت وهيه داخله مستشفى

سلافه... جدك ماقبل يحجون

دفر الميز ووكعت الاغراض راح صعد فوك وشوي ونزل خذت مبايلي وتصلت على ميس
دانه... خايبه اخوج خبصنا وهسه راح

ميس... يااا وليش حجيتو

دانه... جده كالتله

ميس... هسه اشوفنه
اتصلت عليه بسرعه جاوبني

ضرار... اااذيتهاا ولجج انه بكل لحظه يمها ااذيها واصله للموت ومادري بيها واريدنها تسامحني انه ك*** شافت مني حتى ترد

ميس... فدوه اهدا اطيها مجال حتى تفكر بالصار

ضرار... ماريد

ميس... شنو

ضرار... خليها تشوف حياتها احسن الها انه *** أذيها اذا ضلت يمي

دخل رضوان للغرفه عاينلي مستغرب اخذ المبايل وضل يحجي وياه
رضوان... لك لااااتتتهور وعلي احطن طلقه براسك واخلص العالم من شرك

ميس... اسم الله عليه يومك كبل يومه

رضوان... تعلمتي تجفصين مثل سيرين مو ؟

خزرني وسكتت ضل هوه يحجي وياه شوي وسده عاينلي وعاكد حواجبه
ميس... خير اخذني لاخوي

رضوان... ادبسز لسانج طولان

ميس... تجاهلته ومشيت لزمني من أيدي وتقرب عليه

رضوان... وبعديين وياج

ميس... عوف ايدي

رضوان... ااااااحجي

ميس... شحجي ؟

رضوان... كل وكتجج ماعاجبج شي تنترين وتتتجااهلين شني هااااي تصرفاتج

ميس... والله هذا الموجود

وخر مني وفرك وجها بعصبيه
رضوان... هينه

عافني وطلع دخلت جنوب وجها اصفر
ميس... ياستار

جنوب... ولج يمكن حامل

ميس... شعرفج ؟

جنوب... دخت

ميس... كل وحده دوخ معناها حامل

جنوب... خايبه همداج شوفيلي حل الله ونوب اطلع حامل اجيبن طفل يشبه ابوه محلاها وانه عدي هواي اعراض بس مامتأكده

ميس... اي والطفل انتي تربي لو هوه يربيج

جنوب... انمار يربينا

ميس... ههههههههه لعد خابري خل يجيب اختبار حمل

جنوب... اي يلا
خابرته واحس كلبي حيوكع من مكانه شوي واجى متفأجاه ويبلع بريكه خذته منه ورحت

ميس... نمتي جوا
طلعتلي وجها اصفر ومتحرك عيوها،اااحجي شمالج

جنوب... خطين

ميس... حاااامل حااامل

على صوتنا اجى انمار وعمتي
بشائر... ها شمالجن

ميس... عمه جنوب حامل

انمار... بداعه الغوالي

ميس... هههههه والله

سيرين... نزلت جوا كلهم كاعدين واصواتهم عاليه رحت كعدت يم زينب
هسه رهف شحالها ولاوحده بيهن اتصلت وطمنتني والشويب ماتصل عليه

زينب... حضلين صافنه

سيرين... راسي موتني

زينب... خيه امشي كعدي

سيرين... ميته على رهف شلونها هسه

زينب... رهف موبحدها كلها يمها

سيرين... بس محد يدير باله عليها مثلي

زينب... جان ضليتي

سيرين... ردينا

زينب... جا انه شحاجيه خايبه دوخري

سيرين... عفتها ورحت لغرفه حبوبتي جانت كاعده تقرا قرا وتسبح رحت كعدت يمها بتسمتلي وحجت

مزاهر... ها جده شمالج

سيرين... ماعرف شبيه تعبانه من كلشي من التفكير ومن العالم ومن نفسي

مزاهر... سلمي امرج لربج وهوه يحلها زيحي همومج بصلاتج ولاتفكرين بشي انشالله كلشي ينحل

سيرين... روحي تلوب عليهم

مزاهر... جا جده اتي تحبي شمالج عاندتي وياه

سيرين... حتى لو احبه كرامتي اهم من كلشي ماممكن انسا السواه بمجرد ماعتذر انسا الصار واتغاظى عن اخطاءه واسامحه

ندك الباب ودخل ابوي اجى كعد بصفي باسني من راسي وحظني

جابر...  وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ

ذكر الله في هذه الآية، مراتب العقوبات، وأنها على ثلاث مراتب: عدل وفضل وظلم.

فمرتبة العدل، جزاء السيئة بسيئة مثلها، لا زيادة ولا نقص، فالنفس بالنفس، وكل جارحة بالجارحة المماثلة لها،

ومرتبة الفضل: العفو والإصلاح عن المسيء،
والمعنى أن من عفا عمن ظلمه فلم يقابل السيئة بمثلها وأصلح بالعفو بينه وبين ظالمه فسيكسب بذلك أجرا عند الله. قال مقاتل: "فكان العفو من الأعمال الصالحة".

وأما مرتبة الظلم فقد ذكرها بقوله: { إِنَّهُ لَا يُحِبُّ الظَّالِمِينَ } الذين يجنون على غيرهم ابتداء، أو يقابلون الجاني بأكثر من جنايته، فالزيادة ظلم.

سيرين... بس الي سوا ماممكن يغتفر بعد الي سواه وياك وياااي تريدني انسا

جابر... بنيتي الله غفور رحيم
واعلموا أيضًا أنه مع شدة عقابه غفور عن الذنوب، رحيم بعباده جل وعلا لا يكلفهم ما يشق عليهم، وإذا أخلُّوا به فهو يرحمهم عز وجل بالعفو،الله يسامح ويغفر منو احنا حتى منسامح الصار راح بوكته وكل شخص جزاه يم الله
عرف ذنبه وعرف غلطه انه ليش حتى اضل مصر واكون ظالم
بويه انسي الصار ماريدن الحقد يعمي على كلبج واتذكري انه بكل وكت بظهرج ووياج والتردي يجرالج

سيرين... انشالله خير

جابر... كومي لاضلين متكدره تعالي وياي

سيرين... وين

جابر... دامج ضايجه نطلع بستان جدج نتمشى انه وياج

سيرين... اي ماشي

كمت منه رحت اخذت عباتي وشال لكيت منتظرني لزمت أيده ورحنا نتمشى
بستان جدي يصير ورا البيت وكلش جبير مجرد مانخلص نهايه البستان
يلاكينا بستان الحجي حطام وهم بنهايه البستان بيتهم
رحنا نتمشى قريب لازمه أيده يفر بسبحته

جابر... شلونه الوضع يمج

سيرين... انه دامني يمك كلش زين

جابر... اريدنج بدوني زينه انه مادايملج بويه ماريدن ضعفين لو تربطين حياتج باحد
باجر عكبه انه مويمج بس رغم كلشي انتي سند لروحج كبل كلشي

سيرين... يابه عمرك طويل انشالله دامك واكف وياي انه بخير وكلشي ممحتاجه

جابر... الله يحفظج بويه

سيرين... دنانير تدري اول ماشفتها تشبهني كلش ابد مااهمني اذا جنت اشبها او لا
بس حمدت ربي لان انه داخلي مثلك
بنتها انه وطول مااني هناك مايوم اجت وسألت عني ولاكالت شلونج كاررهتني ماعرف شنو السبب وبس لان نولدت بنت وهيه جانت تريد ولد

جابر... مالج شغل انه راضي ببنيتي وامج تحبج اكثر من روحها

سيرين... ليش يفضلون الولد عالبنت شبيها البنت مثلا لو احجيلك على مياده كرهت نفسها لان نولدت بنت بسبب اهلها
يفضلون الولد عالبنت بكلشي

جابر... خلق الله تعالى المراه لنفس الغايه الي خلق الرجل (النساء شقائق الرجال),ماكو فضل للرجال عالمراه من حيث الجنس لان الله خلقهم مكملين لبعضهم
فالرجال يكمل المراه ويحتاجها والمراه تكمل الرجال وتحتاجه
مثل مأمر الله تعال اداء الرجل الحقوق لزوجته كما امر المراه باداء الحقوق لزوجها
لان الله اعلم ان الرجال لايقدر على اعمال متكدرها الا المرآه وعلم ايضا ان المرآه لاتقدر على اعمال الا الرجل فقد علم الله ضعفها وعدم مقدرتها على الاعمال الي يزولها الرجال
فكلف الرجل باعمال وكلف المرآه باعمال وبكل واحد بيهم تستقيم الحياه

الي يفضلون الرجل على المرآه وذلك بفعل عدم الوعي الثقافي لطبيعة الدور الذي تقوم به المرآه لازم يدركون خطوره التميز بين الذكور والإناث لان التميز نوع من الظلم منهي عنه بالنصوص القرآنية والنبويه لأن الإسلام في نصوصه واهدافه واحكامه

سيرين... استمعله وفاكه حلكي عجزت شجاوبه،عااش والله يرببي كون كلها نفس تفكيرك والله ابد ماكو مثلك هنيالي على هيج اب وفوكاها مثقف

جابر... انه جاي اكلج وافهمج طبيعه الحال بمجتمعنا موالكل ولكن بعضهم واتمنى الكل يفهم انو الإناث ليش اقل من الرجال

سيرين... الله يهديم بس

جابر... اخذنا الحجي وطولنا هواي امشينا نرد

سيرين... اي

رجعنا واشوف ضرار وزكريا واكفين تجاهلتهم ومشيت جوا حتى ماباوعتله دخلت لكيت  امي واكفه ومتكأه عالكاونتر
سيرين... يوم

ماجاوبتني رحت يمها لزمتها واتكأت عليه
يمهه شبيج

نهايه... بس جيبيلي دواي تلكي عالميز

عفتها ورحت ركضت ادور على دواها جبته وانطيته الها شربته
سيرين... كليلي شصابج

نهايه... مابيه شي بس وديني لغرفتي ارتاح

سيرين... خذتها بدون ماحجي وديتها لغرفتها ورجعت خذت علاجها طلعتهن متروس وصفات الاسم بالانكليزي كلشي مافهمت خذته ورحت اركان جان كاعد هوه ومراد ومرتضى وزينب وليال

سيرين... اركان انـت موتعرف تقرا انكليزي تعال شوفلي شمكتوب

اركان... شني

انطيته واحد من العلاجات ضل يعاينلي
سيرين... شبيك متحجي

اركان... ماعرف

سيرين... ليش لونك بهت ها ااحجي

زينب... سيرين شمالج منين جبتي

سيرين... علاج امي واول مره اشوفها تشرب هالكد علاجات وليش حتى تشربهن اااحجو

مُراد... خويه خل ابوي يكلج

سيرين... لييش موانتو تتتحجون

مرتضى... امي بيها سرطان

عاط عليه اركان وسكت وكع العلاج من ايدي وايدي على كلبي احس الدنيا افترت بيه
سيرين... ش شنو الحجاه

حسيت حيغمى عليه وحيلي انهد لزمني اركان وكعدني
اركان... مراد امشي صيح عمي

اجى ابوي هوه وزكريا شافني وحضني احس دموعي تجمدت مصدومه ومجاي استوعب
سيرين... احجولي شصار بغيابي

كعد يمي لزم ايدي وباسها
جابر... لااعتراض على حكم الله

زكريا... من بعد فحوصات وتحاليل وتشخيص لحالتها طلع بيها سرطان التقارير شوفتهن لدكتور شاطر وزين المرض بدايه ونكدر نعالجه

سيرين... وشمنتظريين

زكريا... اكو علاج هالفتره لازم تلتزم بيه وبعدها نكدر نسفرها

سيرين... تسفروها ؟

زكريا... اي

سيرين... غمضت عيني وابوي لازمني كمت منهم ورحت لغرفتها جانت نايمه ولازمه الجهه الي يم صدرها بألمو
رحت تمددت يمها لزمت ايدها وبستها مكدرت اسيطر على دموعي وشهكتي

نهايه... بنيتي لاتخافين عليش الدموع

سيرين... سوده عليه كلهذا صاير وانه نايمه ومرتاحه من عمري على عمرج

نهايه... إسم الله علييج انه بس شوفتج وطولج من تمشين جدامي كافي حتى يردلي صحتي

سيرين... فدوه اروحلج صيري زينه اموت اذا صارلج شي ماتحمل بعد تعبت وداعتج

نهايه... سلامتج من التعب كلشي بيد ربج

سيرين... شهكت بدموعي واحس كلبي حيوكف من الألم يربي شتحمل تعبت والله
حضنتني واحس هموم الدنيا كلها انزاحت احن عليه حتى من امي ماممكن اتخايل روحي بدونها

كلشي سوته علمودي بيوم تبيع تراجيها تجيبلي ملابس وملازم من تخبز للعالم وتبيع حتى اذا حتاجيت شي ماينقصني اذا تمرضت لوصابني شي تضل يم راسي للصبح روحها تلوب شما احجي وشما اسولف ماممكن اوصفها بكلمه لوكلمتين

اجى ابوي تمدد يمنا وحظني بليلتها نمت بيناتهم
الصبح كعدت متأخره وبس اني بالغرفه واصواتهم برى
اخذت شالي لبسته وكمت صعدت لغرفتي غسلت وبدلت ونزلت جوا رحت للصاله

سيرين... نغزه بكلبي ورجفه سرت بكل جسمي تصنمت بمكاني واحس كلبي من كد مايدك قوي حيطلع من مكانه
كام اجى عليه يعاينلي مستغرب وابتسامه مرسومه على ثغره حضني بقوه وحجى
بدر... وأخيراً رديتي لمكانج الصحيح

دفعته بخفه ووخرت منه
سيرين... اي

بدور... يابه شلونج متغيره كلشش لوبسبب هالعار حالج خربان

سيرين... بالعكس ماكو احلى من الكعده يمه ، حسيت على روحي جفصت عضيت شفتي وهمه مستغربين

بدور... شلونج سيرينتي

سيرين... الحمد لله وين هالغيبه

بدر... شغل والله

سيرين... وخرت منه ورحت كعدت بصف ابوي شبيه اوضاعي متخربطه
وكأن كهربني لو أذاني من حجى على ضرار وجهت نظري عليه يعاينلي ومضيق عيونه
نزلت راسي وانه مستغربه تصرفاتي معقوله بعد ماحبه لبدر
وجودي يم ضرار نساني بدر حتى كعدنا نتريك ويسولفون بمواضيع مختلفه
خلصت ورحت للغرفه خذت مبايلي اتفقده

كومه رسائل وكلهن من ضرار كاتبلي
بربوكه حاضنته ومترهيه وانه من احضنج تتوكحين
_ريحانتي اجي اخذج هسه وتردين لبيتج
_انه *** احجي وياج
وراها بربع ساعه راجع داز
_وانه*** اذا ماحجيت وياج
اخرها دازلي صورته وصورت رهف نايمه عليه وحاضنها متغير حالها  وضعفانه

شهكت بدموعي مثل الشلال ينزلن يربي شهالحال الاني بيه شسوي هسه
قفلت المبايل ونزلت جوا مر اليوم عادي واحاول اتجاهل نظرات بدر وفوكاها اركان
لهيت نفسي وي زينب بالتنضيف والسوالف وابوي واركان يحددون موعد ويشوفون اخصائي علمود علاج امي
بوكتها خلصت كل شغلي وصعدت لغرفتي
طلعت ملابس حتى اسبح اندك الباب ودخل بدر

سيرين... شلون تدخل بدون متكول

بدر... ليش انه من شوكت اكول كبل لاشوفنج

سيرين... وانه هم عندي خصوصيه وعيب تدخل بهالطريقه

بدر... سيرين موجن متغيره وينها حبيبتي الجانت بس تشوفني اشوفن اللمعه بعيونها ولهفتها متغيره كلش لو ضرار غيرج

سيرين... انه ماتغيرت ولاشي بس اكو شغلات لازم نغيرها انه هسه موبنت ال١٥ سنه
تزوجت وصرت على ذمه غيرك ولحد هسه انه بأسمه وماريد انطيك امل حتى ترجع علاقتنا مثل قبل

بدر... تحجين من كل عقلج ؟ انه اتاني يوم يوم حتى تردين الي واكدر اخذج وهسه من رديتي وصارتلنا فرصه حتى ننجمع تكولين هالحجي
سيرين ماعوفج ولاتخلى عنج من زمان الي

سيرين... وين جان حجيك وكت ضرار اخذني ؟
ماحاولت ترجعني لوتسوي شي غير بس محاولاتك وانت تتهجم على ضرار بقيت يمه شهور
واكتشفت انو لوضرار بمكانك واحد سوا وياي هيج ماممكن يخليني يوم يمهم ويحارب الدنيا علمودي

بدر... جاي تقارنيني بهذا المايتسمى لونسيتي شلون اخذج وشسوا وشعمل؟

سيرين... جايني هسه بكل برود تكلي انتي الي لا غلطان انه اول مانولدت وضرار كتب قدرنا بأيده من اول ماولدت ولحد هسه حارب بكل لحظه حتى اصير اله

بدور... مايهمني هالحجي وانه متأكد بعدج تحبيني وهالعار ماسح على عكلج بس انشالله كلشي يرد مثل كبل واحسن

سيرين... عافني ومشى قفلت الباب وضليت اغم بنفسي لدرجه ردت اضرب راسي بالحايط، ولجج يالغاكه على كولت سلافهه هخخخ يايمه انه شبيه اتهجم عالعالم من ورى هالشويب يبوووو دخيلك ربي انه شبيه

رحت فتحت مبايلي ودخلت على رسائله واكلب بصوره وابجي مدري شبيه اوضاعي متخربطه
طالعلي متصل وميراسلني
دزيتله رساله ورى شكد يالله جاوب
_الشويب ويامن متصل

_وي حبيبتي الجديده

_حبيبه؟

_اي ولج البارحه تعرفت على وحده ثلاثينيه بيها روح موفاطسه

_انه فاطسه تروحلي فدوه ونذر انت وياها ابو النسوان هيج وحده رخيصه تستاهل ماتفيدك الغاليه تريد وحده حثاله وذابه نفسها مثل العندك

حرك كلبي من شاهدها وغلس عليه ضليت الوب واطحن بروحي من القهر شوي ودزلي صوره
فتحتها جانت محادثه وي بنيه كلها حب وغزل لطمت على وجهي واشهك بالبجي
سيرين... الله لاينطيك يالشويب ربي بجاهك طلعله كرون بلكي يتوب ابو النسوان
لاوالله لانقهر ولاضوج على هيج واحد

كمت عود امسح دموعي وافره على نفسي واتذكر الصار وارجع ابجي
شفته اتصل رفضته وقفلت المبايل كمت غسلت ونزلت جوا ووجهي مايكصه السيف والخنكه بصدري

محد حجى وياي ولانطقو حاولت الهي نفسي بس التفكير ماخذني رهف طك كلبي عليها وشحالها والشويب منو هاي الي صارت حبيبته نوب
لليل وانه روحي تلوب رجعت فتحت المبايل الاشعارات تتراكع من البنات من غير المكالمات مجاوبت احد لفيت راسي عود ردت انام واجاني اتصال عاينتله مكتوب ,ابو النسوان
رفضته ورجع اتصل ضل يلح علما جاوبته
ضرار... هسه تجين بسرعه لورى البيت بالبستان

سيرين... خير شنو اجي

ضرار... ماسمع حسج وعلي اذا ماجيتي انه اصعدلج وتعرفيني اسويها

سيرين... ماجي

ضرار... صار انزلي فتحيلي الباب لواحد غيرج يفتحه

سيرين... وفففف يالشويب

ضرار... يبعد راحه الشويب متانيج

سداه مني كمت اخذت عباتي والمبايل بيدي نزلت جوا كلها نايمه والبيت يصوصي لبست العبايه وفتحت الباب على كيف امشي واتلفت الحراس بعيدين شوي خايفه ينتبهون لو يشوفوني رحت ورى البيت عاينتله من بعيد واكف وبس جمر الجكاره مضوي
امشي واطك رجل برجل اندار وشافني ذب الجكاره اجى عليه حظني حسيت روحي طلعت بأيده شالني لطوله وهوه حاضني وقابض عليه

سيرين... ضرار خنكتني شبيك

ضرار... ميت شوك لحظنج

عافني سحبني من ايدي ومشى المنطقه زراعيه وبس الضلام والاضويه الي بنهايه تضوي
سحبني ورى البيت جان اكو مثل المخزن مبين متروك عود جان مقفول دفره وكسر الباب
سيرين... هسه لوسمعو صوت الباب

ضرار... ويسمعو مايهمني

ضحك وغمزلي دفعني وسد الباب رفع ارداناته ويعاينلي بخبث
ضرار... انه ابو النسوان وادور رخيصات

سيرين... وانه الفطيسه مو

ضرار... اخذتيها على روحج يالفصمه وانه ماكتلج انتي الفطيسه

سيرين... اوي وخر شكو جايبني هناه موعيب عليك

ردت اطلع جرني من أيدي وحضني لصدره ضل يبوسني بعشوائيه وانه متقبلته باسني بطرف شفني ونزل لرقبتي جنت لابسه العبايه بدون شال وخرها وغرس اسنانه بجسمي
ماعرف شكد مر وقت واحنه على هالحال بمجرد لمساته انسى روحي بحظنه لزم طرف دشداشتي وشكها عالنص
ضرار... هسه منعتني منج خافن احد يشوفج

لزمني من خصري وقربني اكثر عليه دفعته بقوه ووخرت منه لزمت الدشداشه اغطي جسمي بيها وخر مني يفرك وجها بعصبيه ويتنفس بعمق

سيرين... ماننسى نفسنا هسه احنا محرمين على بعض

ضرب عالحايط وعاط عليه
ضرار... ستعجلتي ولجججج وتااالي وي عنادك هذااا استعجااالج شوفي شسوا

سيرين... لاتتتلومني وانت سببب بكلشي

ضرار... غطي روحج ولبسي العبايه لا انهيج والعباس لاحرام ولاحلال يمنعني منج

سيرين... طبعاً المثلك ميهم شي اذا مكضينها وي الثلاثينيات شتوقع منك

ضرار... وشبيها احسن من العشرينيه فاهيه مثلج

سيرين... وغيرك تعجبه فهاوتي

ماحس غير اجى وخنكني حسيت روحي طلعت وهوه صاك على سنونه وعيونه حمر عضني من شفتي لوروحي شاغت وخر وضحك
ضرار... اشوفن منو تعجبه فهاوتج وبعدين وي جفصاتج تراه بعدج مرتي

شهكت بالبجي وهوه طلع جكاره ورثها
سيرين... الله ياخذك

ضرار... ماياخذها وارتاح

سيرين... موتكول روحي بيج

ضرار... ماشوفيني لحد هسه عايش

سيرين... ابو الثلاثينات

طكها ضحكه بحيث حتى عيونه دمعت
ضرار... شمالج محروكه من الغيره تراها محادثه خذتها من هارون ودزيتها الج

سيرين... اييع اني اغار مستحيل

ضرار... ضوجتج كلها لان كتلج عدي حبيبه

سيرين... عوووفني اكرهك

ضرار... هههههههههههه تعالي

جرني عليه باسمي من خدي وسحبني من أيدي عاين للساعه ومشى ضل يمشي بنص البستان ويعاين للساعه وكفنا وهوه طلع مبايله دز رساله وعافه حضني من خصري وقربني عليه

ضرار... من تصير الساعه 12:12

سيرين... بعد دقيقتين

ضرار... على حبج احبن هالرقم

سيرين... ليش !

ضرار... هسه تعرفين

سيرين... عاينت للساعه صارت بـ 12:12

ضرار... عايني فوك

سيرين... عاينت وماشوف غير مثل الشعاع طلع اختفى شوي وكأن مثل الانفجر بصوت عالي وانرسمت ألوان بالسما
طلع اسمي واسم ضرار ومكتوب الرقم
هههههههه ضراار

ضرار... روحه

سيرين... يربي شكد حلو زين شنو هالرقم

ضرار... اول شي أسالي ابوج وكليله شنو معناه ثاني شي هالرقم احسنه مميز عدي كلشي احبنه يصير بـ 12:12
وحتى جيتج للدنيا صارت بهيج وقت اول مانطقت كلمه احبج

سيرين... ضرار انت غريب

ضرار... و كل يوم بـ 12:12 وكت تجيني

سيرين... واذا ماجيت

ضرار... لاتجين شايفه شباك غرفتج بس شوفيني طيفج حتى كلبي يرتاح

سيرين... لوملتقين بغير ظروف

ضرار... ماجان عشنا الصار ولاجان انكتبتلنا قصه انجمعنا بيها وافترقنا بس كلوبنا ضلت مترابطه لاجان ضرار حب سيرين
ولاسيرين لكت نفسها بضرار رغم الكره الي بكلب سيرين تجاه ضرار بس ضلت روحها معلكه بمُجرمها وروحه تعلكت بأسيرته

سيرين... ولاجان انكتبتلنا قصه دانعيشها وممعروف اذا راح ننجمع او لا

ضرار... حتى لو مانجمعنا كلبي غير كلبج مايحب

سيرين... حيرتني بتصرفاتك

ضرار... تصرفاتي واضحه وياج

سيرين... وفف رجعني

ضرار... امشي

سيرين... وصلني يم الباب دخلت على كيفي بس تفأجأت من بدر كاعد بالصاله ومبين عصبي وميتحاجه تجاهلته وستوقفني صوته

بدر... هاي اخلاقج ضاله تتختلين نص الليل وي هال****

سيرين... احترم نفسك ووازن كلامك

تحاهلته ومشيت طكيتها ركضه لغرفتي وقفلتها خفت لايلحكني نزعت العبايه واعاين بالمرايه
نص الدشداشه مشكوكه ورقبتي مشوهه
نتبهت عالاثار يم شفتي وحنكي
سيرين... يربي هذا شمسوي

لثاني يوم تقارير امي وصلت والدكتور الاخصائي جان صديق زكريا وهوه راح يشرف عالعلاج
زكريا... كلشي جاهز ونشوف شوكت نسافر

سيرين... انه هم اسافر ...

يـــــتـــبع ....

12:12 جد احسه هالرقم مميز على كولت ضرار 😍😂🤭

قناتي عالتلي انشرللكم بيها ونسولف+ وسيرين موجوده بيها لاتنسون تجون 😍.