٤٣"
ثـارهم وبنت الـفقير
.
.
.
سيرين... اخذت ملك ورهف صعدت لغرفتي تمدتت عالجربايه تعبت كلش غمضت عيني وجريت نفس ماحس غير أحد حاضني من بطني فتحت عيني شفتها ملك حاضنتني ومخليه راسها على بطني
ملك... بابا
سيرين... حبيبتي عنده شغل بعدين يجي
ملك... اليد اقل (اكل)
سيرين... اي ماشي ابقو هناه اروح اجيبلكم اكل واجي
وخرتها مني ونزلت جوا صوت الطم والبجي والملايه تنعي اليوم الختاميه ابد ممصدكه معقوله صدك مات؟
رحت للمطبخ صبيت أكل بصينيه واخذته صعدت لكيتهن جارات الكرسي وصاعدات عليه يلعبن بالمكياج
سيرين... وفففف اروح واجي الكاكم تمكيجون
رهف... مك (ملك)
سيرين... نزلن
عفت الاكل واجن يركضن كعدن ياكلن ويسولفن طلاسم رجعت اخذت مبايلي واتصلت على رضوان
رضوان... هلا خويه
سيرين... هلا بيك شلونه الوضع
رضوان... خياطه رجع انفتح وهسه خيطو والتجبير ماشي عليه ويجوز صاير غلط
سيرين... يربي وهسه شصار
رضوان... رجعنا فوتنا مستشفى علما يكتبوله خروج
سيرين... زين التجبير صارله هواي هسه جان لازم موخري
رضوان... حسب التأم العظم يجوز كم يوم ويوخرو بس حركته تضل بطيئه علما يرجع مثل كبل
سيرين... فدوه طمني اذا صار شي
رضوان... خويه ميس شلونها
سيرين... ليش متتصل عليها وتسأل
رضوان... ها يله انه رايح ديربالج على روحج
سيرين... الله وياك
سديته منه نزلت اني والبنات جوا راحن بنص النسوان يلطمن وياهن ويخلن ايديهن على وجهن عود يبجن
الفاتحه خلصت والجادر انشال العالم ردت لبيوتتها,بجي,لطم كلهذا بس مراح يرد الميت
ذكراه راح تضل بالكلب
بحركه كلب امه,وبسند اخته,وبظهر بنته,ووكفته وي اخوته
لثاني يوم اجى حيدري حتى ياخذهن اخذتلهم الجاي جانو بالاستقبال كاعدين
انطيته الهم وكعدت بصف عمتي وملك ورهف بحظني كاعدات
حيدري... يله نروح
بسول... وين رايحين ضلو
بلع ريكه ماحجى دنك راسه ويتنهد
رزام... خلنه نروح للنجف
حطام... بويه شسوون رايحين
رزام... ابني وحيد هناك اروحن اضل بكربه
سيرين... كام حيدري كعد بصف ابوه سحب ايده وباسه ابوه حضنه وضلو يبجون
بس اكتافهم تهتز حضنهم بسول ودرغام عود يهدون بيهم كعدو وياهم يبجون
شوي وراحو ملك اخذها حيدري وياه الها وحشه بينا تعودت على وجودها يمي
مر كم يوم الوضع طبيعي بس ام انور كلساع واكعه وناقليها للمستشفى حارو بيها وضرار حالته مستقره رضوان وعزام وبسول يرحون يمه وبيدهم اودي احتياجاته والاكل
ناهد...
صبيت الجاي واخذته رحت للغرفه لكيته كاعد ينوم بملك باسها ووخرها
ناهد... هذا الجاي
حيدري... اجه بوكته
اخذه مني وعافه على جهه،امي وينها
ناهد... بغرفتها
حيدري... كلساع شوفيها
ناهد... صار ملك شلون صارت
حيدري... بلكوا سكتيتها بس تبجي
ناهد... ياعيني عليها وهسه شلون بيها
حيدري... تتعود
ناهد... صغيره متتحمل
جر نفس وتنهد
حيدري... هذا نصيبها ابوها مات بس انه ابوها ماممكن اخليها تحتاج شي احافظ عليها اكثر من روحي واذا سألتني بشي يوم على ابوها اكلها
انه بظهرها وابوها بكلبها
ناهد... الله يرحمه
حيدري... انه اروحن اليوم يطلع ضرار من المستشفى ديربالج عليها
ناهد... بعيوني
سيرين...
جهزت الفرشه بالاستقبال وجنوب وميس وياي دانه من الفاتحه وهيه تعبانه
جنوب... ليش مايصعد فوك
ميس... شمالج جا ورجله شلون يصعد منها
جنوب... يشيلو
سيرين... اي وهمه يضلون يصعدون وينزلون
ميس... والله عدجن سوالف وخرن
سيرين... موطولو صالهم هواي
ميس... هسه اخابر على رضوان اشوفنهم
اخذت مبايلي اتصل عليه بسرعه جاوب
رضوان... هلا بويه
ميس... هلا بيك شوكت توصلون
رضوان... لاطلعين انتي خل واحد يفتح الباب
سيرين... سمعت صوت برى عرفتهم اجو عدلت شالي اجتي رهف وراي تركض وصفاره نعالها ترن
لزمتها من ايدها وطلعت برى عاينتله جان رضوان لازمه وحيدري وجها تعبان وضعفان كلش
فتخو الباب مال استقبال ودخلو رحت للمطبخ كلهم سلمو عليه ماعرف شبيه متوتره كلش
رهف... لوح لبابا
سيرين... اي روحي
رهف... اياج
سيرين... وففف شوفيني جاي ارجف
تعاينلي مستغربه عفتها بالكاع اجو تحمدوله عالسلامه وانه بقيت بالمطبخ حتى ماتزحزت
لليل كلهم راحو صعدت لغرفتي سبحت وبدلت ريحه الطبخ بيه
ميس...
رجعنا للبيت رحت لغرفتي شمرت الجنطه وكعدت مغندبه
دخل للغرفه يتثاوب وعيونه مطفيه
رضوان... خير
ميس... كل خير
رضوان... جا شبيج
ميس... لييش مابقيتني يم اهلي
رضوان... لشوكت ظلين يمهم انه هم رجال ومحتاج مرتي
ميس... كمت تخطيته نفخت بضيق ، ههه كتلي مرتك
لزمني من ايدي وسحبني عليه
رضوان... ماعاجبج الحجي كاعدتلي تستهزئين
ميس... وخر
رضوان... جاااااااي ااااحجي وياج
ميس... اذا خلصت حجي
لزم شفتي وفركها
رضوان... تعدلين اسلوبج ماكو وعلي انه اعدله الج
ميس... دفعته ووخرت منه رحت اخذت ملابسي سبحت وطلعت يعاين عليه ويخزر تمددت شوي واجى تمدد يمي درت وجعي وماحس غير وهوه جارني وجهه بوجهي عاكد حواجبه ويخزر
رضوان... من اكولن رجال ومحتاج مرتي معناااااها رايدج ورايد حقوقي كزوج
ميس... وخررر اي حقوق تحجي عليها جاي طبقها براسي
رضوان... اششش ميس طولان لسانج وصايره تتجاسرين
ميس... تعبت واني اسكت واتخطا هذاا اسلوبي والاحسن تتعود عليه هسه وخر ترى خنكتني
ماسمع مني باسني من رقبتي وصار يتجرأ بلمساته شكد ماقاومه هوه يزيد قوه
صار ياخذ اليريده احس روحي نهشها كلشي ولايجبرني على شي ماريده
اخرها وخر مني ودار وجها جريت الغطى وغطيت نفسي بيه خليت ايدي على حلكي ابجي واشهك
وماحس غير وهوه حاضني
رضوان... لاتبجين تراه وداعتج طاك كلبي عليج
ميس... وخرررر اااكرهك ماااريدك
رضوان... اششش كافي نامي
سيرين...
نزلت جوا كلها بغرفها رحت للاستقبال فتحت الباب بخفه
الغرفه ظلمه بس ضوى خفيف وجمر الجكاره مضوي عاينلي بدون مايحرك ساكن
تقدمت بخطوات بطيئه باتجاهه وكفت كدامه
وعيونه أبد مارمشت
سيرين... حمد لله على السلامه
سحبني من أيدي عليه باسني بخفه يم شفتي
ضرار... وين جنتي متانيج
سيرين... ها موالعالم اتأخرو يالله راحو
ضرار... تعالي بصفي
سيرين... ميكفي
تدنى شوي سوالي مكان بجهته تمدتت بصفه وهوه حاضني بقوه خاف اوكع حظنته من صدره
يتنهد بقوه وبس ينفخ
ضرار... انه لحيت عليه حتى نرد بالليل
سيرين... الله يرحمه هذا يومه قضاء وقدر
ضرار... سيرين تعبان وداعتج دفنته بيدي ورديت جمر بكلبي وانه اتخايله هسه هوه بحده ماكو احد يمه
سيرين... فدوه لاتحجي هيجي انور راح يم رب رحيم ابد موبحده ولاوحيد
ضرار... وبنته شلون بيها
سيرين... ملك عندها حيدري داير باله عليها اكثر من روحه عندها انـتـهـه متأكده حدير بالك عليها مثل رهف وانه ملك حالها حال رهف مثل بنتي
ضرار... بس شلون ماكان تحتاج امها وابوها بالله امها عار لاسالت ولاعرفت بس ابوها
سيرين... ماجاوبته ضليت ساكته صدره يصعد وينزل بحيث جكاره ورى جكاره ابد ماعافه اخر شي كمت منه سحبت الجكاره منه وذبيتها
من يكولون موزين الجكاير ليش تاخذه
ضرار... امشي نامي
سيرين... تريدني اروح ؟
ضرار... اي
سيرين... بلعت غصتي ورحت صعدت لغرفتي افور صوجي اني رحتله خايبه همداني الشويب عباله اشوفه وجهي مره ثانيه
رحت تمددت ابد مايجيني نوم شوي ورن تيلفوني كمت جبته شفت مكالمه فائته من رقم غريب دز مسج مكتوب،نزلي جوا نامي لاتنامين بحدج
عرفته ضرار شفتها ومارديت ضليت اكلب بالبرنامج حتى يطلع عنده متصل ويحير ويامن جاي احجي وماجاوبه ،دزلي رساله حذفتها وماشفتها اتصل ورفضته
اخرها دز،وعلي اذا هسه ماجاوبتي اصعد انهيج بالعباس
بتسمت بنصر شوي ورديت عليه
,خير اريد انام
,بربوكه تنامين مو وانتي لحد هسه متصل وانه الجلب اتصل عليج وماجاوبين
,مانتبهت هسه شرايد
,هخخ منج شسويلج
,ليش ماسألت ويامن جنت احجي؟
,هاي خصوصيتج وي اي شخص تحجين براحتج ودامني ثـاق بيج واعرفنج مادخلين بالغلط ليش حتى اسألج
,وففف يالشويب ضوجتني
,كايلج من اعصب عوفيني بحدي وهسه نزلي جوا لاضلين بحدج
,ماشي حنزل
شافها ماجاوبني نزلت جوا نمت بغرفه عمتي تمددت بصف رهف راسلت مياده الي زمان ماحاجيه وياها ومحادثتي قليله وياها طفيت المبايل ونمت
جنوب...
ايام تمر وانه علاقتي بانمار تصير زينه وازان طلعته من حياتي نهائيا بحيث تعجبت على روحي شلون فكرت احبه وانطي حبي لشخص ميستاهل مثله
كعدت الصبح مالكيته كمت جبت مبايلي وتصلت عليه
انمار... صباح الخير
جنوب... صباح النور وين انـتـهـه
انمار... طلعت للشغل صارلي هواي عايفه
جنوب... وففف ماشي
انمار... صارت بيها وفف شمالج
جنوب... هههههه مدري بس رد من وكت لاتتأخر
انمار... صار
سديته منه طلعت جان جنوب وميس يتريكن رحت كعدت يمهن بس ميس صافنه ومبرطمه
خلصنا وبدينا كل وحده بشغلها ميس بس تتصفن وشذر المبايل بيدها وتلوب
جنوب... شماالجن اليوم
شذر... ها شكو
جنوب... اسالي نفسج شبيج ترحين وتجين تعاينين عالتيلفون
شذر... هيج ماكو شي التهي بشغلج
اندك الباب طلعت عمتي فتحته رحت وراها جانت واكفه هيه وهارون شوي وراح
بشائر... خايبه هذا ازان ومرته هم متحاجين
جنوب... وهمه ماصارلهم هواي من ردو
بشائر... مادري شني سالفتهم هيه ماتريده وتكول يصاحب بنوات ويخابر
جنوب... الله يهديهم
للظهر رجع عمي وياه رضوان وانمار للعصر راح عمي وانمار حتى يفهمون شصاير لليل يالله رجعو وفتحو الموضوع ورضوان مدخن مدري شبيه بس ينافخ
انمار... اثنينهم مشاكلهم ماتخلص وهسه السالفه واصله لـ طلاك
بشائر... جا شجاهم
ذاكر... مامتراهمين خل يفضوها احسن
رضوان... شوكت تفض ؟
ذاكر... بعد كم يوم نروح
رضوان... يصير خير
تنهد وكام اعاينله متحرمص تحرمص وبس يحوس انرسكت ابتسامه خفيفه على ثغره وكأن علامه انتصار ألـه
سيرين...
مر كم يوم عادي ماكو اي شي بس العصر لوبليل يجي حيدري يجيب ملك وياه
مكضيتها بجي وحتى تمرضت كلش بس مابيدنا حيله علما تتعود شوي شوي
وراها كم يوم ضرار فتح التجبير بس حركته بطيئه والجروح بعدها
بوكتها عرفنا ازان طلك مرته وخوفي بدى يسيطر على كلبي
ترى شلون موقف رضوان حيكون وي ميس؟
معقوله علاقته وين ريم ترجع من بعد ماصارتله فرصه حتى ينجمعون
خوفي على ميس جنوب اعرفها ماممكن ترد لازان ونسته اصلا وتميل لانمار بس ميس شحالها من تدري ؟
مياده... خيه هيه المشاكل من تجي تجي فوكه فوكه
سيرين... قهر وربي
مياده... ربج يحلها
سيرين... شخبارج انتي
مياده... وفففف ايهاب كلش زين وياي ومدللني بس عمتي هواي تلح عالحمل واحنه ماصارلنا هواي مزوجين
سيرين... غدييي وهسه شلون
مياده... ههههههه على اساس انه يهمني الحجي يطب من اذني اليمنى يطلع من اذني اليسره
سيرين... ههههههه لازم نعيش بدون منهتم لحجي احد
مياده... ضرار شلونه هسه
سيرين... ماعرف والله حالته متخربطه الليل كله مينامه لويطلع صوره انور ويضل يدك بالجكاير لويخلي السماعه ويضل يطحن بروحه طحن
مياده... خيه الله يساعدهم والله خوش رجال تدرين انه مويمه ولابكربه اذا يمر ويشوفني مايروح اذا مايسال عليه واذا شافني ضايجه ومتكدره يروح لضرار عباله محاجيني
سيرين... الله يرحمه
مياده... جا شوكت الاربعين
سيرين... بعد عشر ايام
مياده... يله خيه حروحن ايهاب على جيه
سيرين... الله وياج
سديته منها ونزلت جوا دخل ضرار من برى بيده رهف وملك يتمشن شافني اجى يمي
ضرار... حضري روحج حنروح
سيرين... وين
ضرار... للنجف
سيرين... بس
ضرار... بس البنات يجن ويانه فضيها
سيرين... صعدت لغرفتي خلاني اضرب خماسي شسالفته هذا حضرت نفسي واخذت كم قطعه للبنات وياي نزلت جوا لكيت منتظرني ورهف وملك وحده لازمه الثانيه
بديعه... هايمه حترحون
ضرار... اي
بديعه... الله وياكم
سيرين... مشينا لكينا سياره بسول بالباب عرفت هوه حياخذنا الطريق طويل والبنات ينامن ويكعدن جابولنا اكل سفري ومي وحلويات مانطيتهن هواي خافن يتقيأن نص الطريق لوتكلب معدتهن
للساعه بـ 3 بليل دخلنا النجف اقرا ايات والفاتحه ارددها الطريق هدوء
والمقابر هادئه,ساكنه ملايين الناس مدفونه هناه منظهرهم يقشعر البدن
صفو السياره بالكراج انه شلت ملك وبسول شال رهف جان لازم نمشي مسافه والكراج شوي بعيد عن الأمام
لزمت ضرار من أيده حركته ثكلت عرفت رجله تصل عليه ومرات ميكدر يمشي هواي
اتكئ عليه بخفه
تذكرت شلون ابوي جان يجيبني ويجي حتى يشوف صديقه بوكتها جنت صغيره بس بعدها صار هوه يجي بحده
وصلنا للامام هناك حجزنا فندق بسول اصر يخلي رهف وملك يمه واحنا بغير غرفه
ضرار... امشي زوري
سيرين... ارتاح موهسه
ضرار... مابيه شي امشي زوري وطلبي حاجتج
سيرين... حاجتي؟
ضرار... اي
سيرين... اي ماشي
رحت غسلت وتوضيت بدلت وطلعنا بس اني وياه نتمشى وعيني عالناس الي زمان ماجايه ولا زايره لزم ايدي ويمشي وصلنا يم التفتيش دلاني على مكان الدخول
هوسه كلش وبس يتدافعن طلعت اعاين من كل جهه مالكيته الهبطه اخذتني ودموعي بعيني
عاينتله اجى من بعيد يعاينلي وعاكد حواجبه
ضرار... شبيج ؟
سيرين... وين عفتني
ضرار... وديت المبايل بالامانات امشي لاتخافين
سيرين... اي
مشينا سوا عافني وراح دلنا على مكان حتى الكاه بيه دخلت لـضريحه
اول ماعاينتله ودموعي جرت حرت شحجي وشاكول مشيت باتجاهه وكفت كدامه ودموعي مثل الشلال
سيرين... اجيتك اليوم واريدك تكظيلي حاجتي
طفي النار البكلبي واهديني عالطريق الصحيح
بجاهك اريدك تجمعني بأهلي ترى ضاكت عليه مالي ذنب حتى انحرم منهم بهالطريقه
انه تغربت,وانهنت,وانضربت كل هذا مالي ذنب بيه غصيت بشهكتي مكدرت اكمل
ضليت ادعي بصوت ناصي بحيث فرغت البكلبي كله
والنسوان يرحن ويجن يعاينن عليه ردت اتقرب منه مكدرت ابد ولاينطن
_نروح انه وياج
عاينت وراي بنت واكفه بتسمتلي وتقدمت عليه
_خيهه امشينا نزور هذن مايطن مجال
سيرين... والهوسه مشوفيها
_تعالي
لزمت أيدي ومشت قبلي دخلت بين النسوان وضلت توخر حتى نفوت لزمت الشباك وندفعت بقوه ضليت متشبثه بيه
زرنا وخلصنا من الهوسه
_امشي نصلي
سيرين... اي
رحت وياها صلينا وخلصنا عاينتلي وضحكت
_تقبل الله
سيرين... ماعرفت شجاوبها كتلها،الله يقبلج
_ههههه اي شسمج
سيرين... سيرين
_اني رؤيا اسمي
سيرين... ممم تشرفت
رؤيا... عذريني عالتطفل بس جنت واكفه وراج لمن جنتي تبجين
سيرين... ممم عادي مصار شي
رؤيا... انتي بحدج مو
سيرين... اي
رؤيا... تعالي وياي هذيج امي
سيرين... كمت وياها جانن اكو نسوان كاعدات على جهه ووحده بيهن القران بيدها ودموعها تجري شافتنا مسحت عالقران وعافته
_هايمه وين رحتي
رؤيا... من الهوسه تأخرت يوم هاي سيرين
_ياهلا منين تعرفيها
رؤيا... ماعرفها هسه تعرفت عليها
_كعدن يمه ليش واكفات
سيرين... كعدت كدامها وتعاين بوجهي
رؤيا... انتي ويامن اجيتي
سيرين... انه وزوجي
رؤيا... نفسه الي دعيتي حتى الله يحفظه
سيرين... ها
_ولجج مالج شغل بالبت
رؤيا... يووم هوه سؤال عادي
_وجج معليج بالبت
سيرين... عادي مصار شي
_جا ليش بحدج
سيرين... كعدت اسولفلها شوي
هنه شوي ارتاحيتلهن وماحسسني وكأني غريبه
_بنيتي اطيني أيدج
سيرين... ليش ؟
ابتسمتلي وسحبت أيدي ضلت تعاين بيها شوي وحجت
_راح تتغربيـن مره ثانيه
سيرين... شنو
_بسببج راح يتلوع شخصين
سيرين... شلون!!!
_والـج زواج ثاني
سيرين... شنو هذا الجاي تحجي
رؤيا... امي جاي تقرا كف أيدج
سيرين... والجاي تكوله موصحيح الله وحده يعلم الغيب
_يمه انه ماجيبن حجي من كيفي
سيرين... ممم حروح اتأخرت
رؤيا... انطيج رقمي
سيرين... اي ماشي
طلعت من جنطتها كرت صغير ونطتنياه سلمت عليهن ورحت لكيت ضرار منتظرني
ضرار... تقبل الله
سيرين... الله يقبلك
ضرار... ههههههه امشينا
لزم ايدي ومشينا اشتريت للكل كلمن حاجيه
ماحبيت ارد فارغه ولملك ورهف خذتلهن لعابات رجعنا للفندق رحنا لغرفه بسول لكيناه كاعد هوه والبنات
بسول... خويه هذن يشلعن الكلب ماعرفن شسويلهن
سيرين... اوي فدوه الهن تعاالن هههههه
رهف... ثينه الوقحه افينا(الوكحه عفتينا)
سيرين... لا رحت جبتلكم لعابات
انطيتهن كل وحده لعابتها بسول راح يجيب ريوك واجى محد بينا يشتهي همه شربو جاي وانه اكلت لكمه وشبعت البنات سويتلهن لفات
طلعنا من الفندق
حرت وين رايحين عبالي راجعين للبيت وصلنا لمقبره خفت انزل وكلبي انقبظ نزل ضرار وبسول وانه وراهم البنات نزلن قبلي يتراكضن كلشي ميفهمن عبالهم لعب
عاينت من بعيد بسول ودرغام نايمين وحاضنين قبر عرفته القبر مال انور مشينا خطوات
راح ضرار وخرهم وهمه حضنو ويبجون بس اكتافهم تهتز
راح بسول كومهم وانه واكفه بعيد ودموعي تجري والبنات لازمتهن يردن يرحن
عاينلي ضرار وأشرلي حتى اتقرب رحت يمهم وكفت على جهه غسلو القبر وشغلو بخور زرعو يمه زرعه ماعرف ليش عود
بسول يقرا قران وحيدري مخلي راسه عالقبر ضرار كاعد يمه ويشرب جكاير ودرغام حاضن وجها بكفوفه ويبجي
قريتله الفاتحه ونغزات بكلبي نسيت اجيب العلاج ومشاربه منه
راحت ملك لحيدري حضنته وسوت نفس حركته خلت راسها على قبره
ملك... امو
حيدري... روح عمج
ملك... بابا
حضنتها لصدره بقوه ويبجي وخرها يحجي وياها وكأن جاي يحجي وي شخص بالغ
حيدري... هالتشوفي ابوج نايم هناه أشر على قبره وعالسما،ابوج طلعت روحه للسما وماعاد موجود
انه ابوج موبس عمج حصير الج اب واخ وسند
حخلي ابوج يفتخر بيج واسولفلج شكد جان يحبج بحيث بأخر انفاسه وهوه يوصي عليج
مات هسه
ضحكت بفهاوه وحجت
ملك... بابا مات
راح ضرار وخر من عدنا مشى مسافه ووكف كدام قبر رحت وراه وكفت يمه عاينت للقبر وبلعت ريكي
سيرين... ابوك
ضرار... اي
سيرين... جايه هناه بس ماذكر وكلشي مغير والقبور زايده
ضرار... انتي جايه وشوكت ؟
سيرين... ابوي جان يجيبني ويجي بس بعدها ماذكر اجيت من سنين
ضرار... ليش حتى يجي ؟
سيرين... ماعرف
سكت ماحجى شي اجى يمنا بسول عاينلي وحجى
بسول... نروح نزور رباب
سيرين... اي
راح قبلي هوه وضرار مشيت وراهم هم بعد مسافه تقربت لقبرها
اسمها وتاريخ الوفاة خليت ايدي على كلبي وكأن كلشي انعاد كدامي
كعدت يم قبرها والغصه بلعومي
ضرار... ابجي ولاتحبسين دمعتج
سيرين... هوه كال هيج وانه دموعي جرت مثل الشلال بجيت ولطمت بحيث حتى حسيت دموعي خلصت حرت شحجي وشكول
وانه جايه ازورها وكان البارحه ماتت كدامي موقف موتها مره بذاكرتي مثل الشريط كتلت نفسي بالبجي والتعب اجى ضرار يريد يكومني ودفعته بخفه حسيت توازني اختل ونغزه بكلبي
اجى بسرعه لزمني ويرجف
ضرار...كوومي بويه لاتعبيني
كومني استندت عليه اخذني للسياره وخر العبايه وفتح الشال يغسلي ويفرك بصدري حار شيسوي شفت وجه اصفر ويرجف
سيرين... اهداء انـتـهـه الي راح توكع موانه
ضرار... لاتهدين حيلي مابيه حيل وعيونج
سيرين... مابيه شي لاتخاف
ضرار... كم مره اكلج دواج لاتنسي
سيرين... نسيته من الاستعجال
نفخ بضيج راح ضل شوي واجى شفتهم كامو كلمن راح لسيارته اجى صعد رهف وملك بلكوا كاضهن حتى لايركضن عالقبور عبالهم لعب
صعدهن يمي وهنه يدردمن عليه يردن يضلن
ضرار... سكتتتن شووكحات انتن
رهف... اعفك ترى
ضرار... تعضين ابوج ؟
ملك... اققك بقابوقه( اطكك بطابوكه)
ضرار... أنعم الله عليجن
عاين عليه وخزرني،مبين العرمه اطتجن شوي من وكاحتها
سيرين... كتمت ضحكتي بلكوا درت وجهي وانه فحطانه شلون يدردمن عليه ومراضيات
مشينا طول الطريق كضيته نوم انام واكعد اصر عليه حتى اكل ولالكمه حطيت بحلكي اول ماوصلنا سلمت عليهم وصعدت لغرفتي سبحت وطكيتها نومه
سيرين...
مر كم يوم على جيتنا من النجف باربعين انور ماخلاني اروح وصحتي تراجعت ماعرف شبيه
بقيت يم غيد والحجيه ومثل كل مره يرجعون منتهين من التعب
اخذت مبايلي واتصلت عليه ميجاوبني شوي ورجع اتصل
ضرار... هلا براحتي
سيرين... وففف موطولت شوكت تاخذني
ضرار... موهسه
سيرين... مر على اربعين انور اسبوعين ولحد هسه مخليني يم الحجيه ليش ؟
ضرار... عدي شغل ماكدر امر واجيبج
سيرين... تكدر تدز واحد من الولد او من يجي حيدري ارد وياه
ضرار... بس صبري عليه كم يوم وعيونج تعبان وحيلي مهدود بعدين تعرفين انه ليش مخليج واذا كدرت بليل امرلج واخذج
سيرين... وعد
ضرار... وعيونج الدولـبني
سيرين... ممم ماشي الله وياك
ضرار... هلا
سديته منه ورحت يم الحجيه كاعدات هيه والحجيه ورهف ياكلن
الحجيه... يمه كعدي
سيرين... وففف تعبت من التفكير ليش لحد هسه مخليني وماجى اخذني
غيد... احسن علما تفض ويردج
سيرين... شتفض ؟
خزرتها الحجيه زغيرت الموضوع
غيد... ولج موتدرين بيه اجفص
سيرين... اااحجي شصاااير بدون علمي
الحجيه... يمه اهدي ماصاير شي
سيرين... ماممكن اكعد واتاني رحمته شوكت توصلي وانه ضاله هناه اكل بروحي اكل ليييش مبقيني لييش هيج فجأه بعدني عنهم
عفتهن ومشيت رحت جريت شالي والعبايه وغيد تمنع بيه ماسمعتلها كلبي طك
اتذكر بيوم الي رجعو من النجف خابرته ماجاوبني شوي وقفل مبايله لثالث يوم يالله اتصل
ضرار... جيت تعبان ومبايل مخلص شحن
سيرين... شوكت تاخذني
ضرار... موهسه بس ارتاح واجيج
سيرين... انتظرك
يوم يجر يوم وهوه حجهه ابد متخلص لاراضي ياخذني ولاراضي يخليني ارد وانه التساؤولات تجمعت براسي
احجي وي جنوب وميس يسون نفسهن ميدري وهوه مايضم عليهن شي
مشيت الدنيا جانت عصريه وعالم كلها طالعه غيد لحكتني تريد ارجع ماسمعتلها
وصلت للفرع واشوف سياراتهم طابكه مشيت ماهتميت
جانو متجمعين كلهم لابسين دشدايش وغترات والسلاح بيدهم خفت من منظرهم كلش
ضرار شافني وعيونه جحضت خزرني بعصبيه تخطيته ومشيت دخلت جوا
اول مادخلت اجى وراي سحبني من ايدي وصعدني فوك وهمه مستغربين تصرفاتنه فتح الباب ودفعني بقوه
ضرار... ولجججج شهل صلافه العدج حتى سوين هيجج
سيرين... اااي صلفه شتريد تكول كول عليههه ماااكدر اضل معلكه وانت كلساع طالعلي بحجه
ضرار... مالج شغل بيه
سيرين... لاااا انه مرتك فاااهم شنو يعني مرتك ااالي شغل بيك وبكلشي يخصك
فحطت من البجي والعياط خليت ايدي على كلبي وكعدت بطرف الجربايه هوه شافني هيج سكت وماحجى ماردت اضعف ويشوفني بهالحاله دفع الميز وكسر المزهريه يروح ويرجع
اخرها طلع من الغرفه وعافني
نزلت جوا كلها تباوع عليه اجت دنانير من بره طك بالعلج
دنانير... واخيرا يالفكر راح نخلص منج
سيرين... شنو ؟
شمرت الحجيه العوجيه عليها خلت الدم يخر من خشمها كلبتنا كلب بالعياط
عفتهن ورحت مالي خلك مشاكلهن غيد ماكو رايحه لليل ضرار اجى وجايب وياه رهف
ضرار... عااايفتها وجايتني تركضين
سيرين... اي
خذتها منه وديتها لغرفه عمتي لنص اليل خلصت شغلي وانه روحي تلوب اريد اعرف شصاير ومبين محد راح يفك حلكه ويحجيلي غير ضرار
صعدت لغرفتي يعاينلي ويخزر بيه لحد هسه كلبي محمل عليه وشلون مستغفيني وكأني ولاشي بالنسبه اله
خذت ملابس ورحت اسبح لبست دشداشه قصيره سوده لحد هسه منزعنا الاسود
خلصت وطلعت مشطت شعري ورتبت الغرفه وعطرتها وهوه ملتهي بالابتوب والاوراق
رحت تمددت بفراشي شوي وحسيته اجى يمي حضنتي بقوه وجرني عليه
سيرين... وخر لاتلزمني
ضرار... كااافي سكتي
سيرين... ضرااار عوفني كارهتتتك
ضرار... اي كررهيني
سيرين... ماتحملت بروده دممه حركني حرك خليت ايدي على وجهي واشهك بالبجي
ضرار... اشش اهدي شمالج
سيرين... عووفني بحالي والله موتتني لووين تريد توصل ضرار انه مرتتك موجاريه عندك من حقي اعرف اليصير وياك والتسوووي
مومزهرريه انه حتى جايبني بس تكفخ بيه وتعربد عليا
ضرار... العرمه شلون هسه تخليني صدك اكفخها ولج صاالي شكد من ماماد ايدي عليج واذا اعصب اطلع برى اعربد
سيرين... خلاص وخر مني
جرني من ايدي قبض عليهن وصعد فوكي باسني من رقبتي ودكات كلبه احس بيهن وكأن جاي يدكن طبول تنهد بقوه وحجى
ضرار... هالكم يوم صايره كعده وي اهلج ويردوني اردج
سيرين... شنو ؟
ضرار... اي
سيرين... فهمني شصاير
ضرار... سيرين رايدج
سيرين... ها
لزم وجهي بكفوف ايدي الضخمه وباسني
لزم دشداشتي من طرف غمضت عيني بحيره عرفت راح يشكها وتنذب وي الراحن عضيت شفتي بأسف وماحس غير وهوه شاكها عليه
ضرار... اجيبلج غيرهن
وخر مني ركز نظره بعيوني ساكن يعاينلي
تنهد واردف بهدوء
ضرار... احبج
يـــــتـــبع ....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!