رواية ثارهم وبنت الفقير الفصل الخامس والخمسون 55 - بقلم الكاتبة ترانيم 🤎

٤٨"

ثـارهم وبنت الـفقير
.
.
.
ضُمني بلا هَلا مِن الناسّ
ضُمني مِن العيُون الفاهيه بدُونك
علكنِي إعله رمشَك طيف
أحِب مگابَل عيُونك .
.
.
.
_ وبالنسبهه للبارت القبله هواي بيه اخطاء 😭وحتى بالكلام قريته يالله انتبهت ااسفه كلش
وانشالله اكدر اعوضكم بس ادعولي التزم 🙂😂

رضوان... تريدني اتزوجها

انمار... منيه

رضوان... ريم

ميس... لزمت كلبي احسه على ساعه يوكف
واني اسمعه يحجي بحركه كلب وعصبيه

انمار... لاسوي شي وتتندم عليه ميس شذنبها

_واكفه واستمعلهم شهكت بدموعي ماكدرت اسيطر عليهن شافوني واكفه كام متصنم ومصدوم
ركضت لغرفتي سديت الباب ورحت للحمام قفلته نزعت الشال وافرك بصدري احس الهوى مايدخل لريتي

ميس... ابجي واضرب بنفسي،ثووووله يربي شذنبببي والله ماسويت شي ولاغلطت بشي انه شذنبي اعاني هيج ليش يكسر كلبي بهالطريقه
جرح كرامتي وكسر كلبي الدنيا حسيتها طفت بعيني وانه كل هالمده صابره وانطي فرص بلكي يستعدل حتى يغير نفسه كعدت ابجي وانحب

والباب اتكسر من الدك وانه لعبت بحالي لعب بالدك والطم ،رررررروح مني ياااااخايييين عووووفني

رضوان... ميس اطلعي بس خل افهمجج

مسحت دموعي وكمت على حيلي فتحت الباب واكفه بعصبيه وينافخ
ميس بعياط... شتتفهمني كلي شتفهمني كلي بشنو غلطت وياااك أذيتتتك جرررحتك
انه لوغلطانه بشي وياك لومقصره والله مايهمني وااااكول حقه
ليش كسرتني بهالطريقه وكل هالمده تضحك عليه واااانه الغببببيه صابره ومتحمله على اسلوبك ومجاافاتك وبرودك اكول بلكي يحس على نفسه وييييعدل

حجيت بعتاب وألم واشرت على كلبي،بشنو اذيتك حتى تكسر كلبي هيج ؟

رضوان... تعاالي كعدي خل احجيلج السالفه وبعدها احجي

لزم ايدي ودفعته
ميس... وخررر ااايدك ياحقير لوبيك خير ماجان خليت عينك على مرت ابن عمك

انه كلت هيج وماحس غير بكف دار وجهي ارتطمت بحافه الباب من قوه الكف حسيت الدنيا افترت بيه

حسيت فقدت الوعي لثواني وبس صوت التكسير اسمعه اريد استوعب الحال الي اني بيه ودموعي تجري مثل الشلال
عاينتله داير وجهه ويفرك راسه بعصبيه اندارلي وعيونه جحضت بلع ريكه ونظراته تتوزع عليه

اردفت بعتب وخيبه
ميس... كرههتك بكد ماجنت احمل ذره حب بكلبي تجاهك
عيونه حمر ويتنهد باسني وأيده ترجف
رضوان... تنكسر ايدي انشالله

ميس... عوووفني

رضوان... ميس

ميس... كافي الوجع التحملته منك صبرت عليك وانطيتك فرص هواي بس كلها ضاعت منك هنتني وهنت كرامتي هنت عليك بيوم خنتني وكسرت كلبي

رضوان... اششش ولجج لااشلعين كلبي خلني اااحجيلج

ميس... انت الي شلعت كلبي رضوااان حطمتني وماممكن اسامحك بيوم عالسويته بيه

دفعته بخفه ووخرت منه

ميس... طلكني

لزمني من زندي وأيده على خدي
رضوان...  فهمتي الموضوع من ط*** ولحد هسه ماعرفتي السالفه

ميس... دفعته ورحت اخذت مبايلي حتى اتصل على ضرار سحبه من ايدي ودفعني

رضوان... كتتتتتلج ااافهمي السالفه ولااااتتهورين

ميس... وروح ابوي اذا هسه ماخذتني لاهلي ابتلي بروحي ولاضل دقيقه يمك

رضوان... خطوه ماتخطين برا

ميس... ماااااطايقتك عوووفني ااااكرهك عسااها حركه كلبي بيك اريد ربي ياخذلي حقي منك عالكسره الحفرتها بروحي يرضوان

حجى وعاكد حواجبه
حتى حسيته يريد يبجي من نبره صوته
رضوان... تدعين عليه ؟

ميس... من ضيمي بلكي تحس بالجاي احسه

رضوان... صار بويه بدلي خلني اخذج لاهلج وكم يوم وتردين

ميس... مارد ورقه طلاكي توصل لاخوي

رضوان... يصير خير

رحت غسلت وجهي بدلت ملابسي حضرت جنطتي وطلعت كلهم تعجبو على وضعنا ويقنعون بيه ابقى
ماجان هامني شي وانه مايتردد بمسمعي غير بس من يريد يتزوجها ... وصلني لاهلي وراح يم جدي اول مادخلت طلعتلي رهف ضفايرها مفتوحات ونعالها تك وتك ومدمره ككو

رهف... ميث

ميس... يروحي

شلتها ودخلت جوا  رحت يم امي جانت متمدد بغرفتها نزعت عبايتي وخرت ايدها ونمت عليها

بديعه... ها يمه شجابج

ماتحملت شهكت بدموعي والغصه بكلبي
ميس... يمه أذاني وخلا كسره بروحي ما أذيته ولاغلطت وياه بشي ليش سوا هيج ويكسرني هالكسره
اتحمل كلشي بس الا الخيانه يايمه والله توجع لومقصره بشي وياه اكول حقه
خاني وخذلني كسر ثقتي بيه وكسر كلبي يريد ياخذ عليه كل هالمده صابره عليه اكول بلكي يستعدل تاليها نايمه ورجليه بالشمس يريد ياخذ عليه

بديعه... سوده عليه يايمه

سمعت طكه قويه انداريت واشوف ضرار واكفه وعيونه بكصته من العصبيه
عافنا وراح
شوي واسمع الهوسه وصوت التكسير كمت على حيلي وركظت
اشوف ضرار نايم على رضوان ومتلكي بالضرب الدم يتطافر وهوه لارفع ايده ولادافع عن نفسه
كومو الولد بلكوا وهوه يرعد ويعيط

ضرار... وروح ابوي كل دمعه نزلت منها الا اندمك عليها موبت داهي التنكسر واخوها بظهرها

حطام... كعدوووو خل نفهم السالفه من هالولد

ضرار... جدي شتفهم وهيه جايه تناشغ وتشهك بالبجي ماااردت اطيها لهالعار ولحييت علييه اعرفنه موكدها وباجر ورقه طلاكها تجيبها بيدي ماكو وحك علي احش راسك طلق واشوفنج ياك*** يفك حلكه

رضوان... ساكتلك لخاطر ميس وجدي وماطلكها لوشما سوي ميس مرتي وعود خلي هالحجي يفيدك

سلافه... خايبه سد حلكك لوهسه صارت ميس عزيزه عليك وين جنت عنها

رضوان... جده ماغلطت بشي ودامني ماغلطان محد اله حقك يفك حلكه وانت انه الك على كل هالضرب

ماشوف غير ضرار شايل الطبله الكزاز يريد يضرب رضوان بيها لزمه جدي والولد اجى بسول سحب رضوان وطلعه عاينلي ومسح الدم من خشمه

رضوان... بعدين افهمج هسه هالعار يرعد علينه جنه ك**ـبه وخليها ابالج طلاك ماطلك

بسول... اااامشي كوا صابر عليك وكاظ روحي منك

مشو واسمعه يكل لبسول ويعاتبه
رضوان... شفته هال*** عود احنه رابين سوا خويه انت احسن منه اوكف وياي ولاتخلي يسوي البراسه لاتنسى صداقتنه

بسول... انعل ابو صداقتنا لابو الجابك عليه

عفتهم وصعدت لغرفتي اعاين بكل زاويه بيها ابد ماتغيرت ريتني باقيه ولامتزوجه
نزعت شالي فليت شعري على طوله
رحت وكفت كدام المرايه واعاين على وجهي
اخذت مبايلي واتصلت على سيرين وكفت كدام المرايه ودموعي تجري

ميس... اثر ضربته باين ،ووجهي شاحب ومابي لون بلعت غصتي وحجيت
ترى شنو البيه حتى يروحلها ؟
معقوله موحلوه لو بيه شي غلط لو مابيه شي ماجان راحلها ولافكر بيها
زين ليش هيج سوا وياي ماغلطت وياه بشي ولامقصره ليش حتى يكسر كلبي بهالطريقه
اذاني وماممكن اوصف الجرح الي حفره بروحي ابد ماتتخيلين كميه الوجع الجاي احسها شعور صعب ومتعب

سيرين... ابد مومنج الغلط بالعكس انتي كامله مكمله وماكو مثلج ابد لاتلومين نفسج وتذبين الصوج بيج المهم انتي طلعتي من هالعلاقه بدون ماتسببين اي اذى لو جرح حاولتي تصلحين البينكم متأكده السواه متندم عليه ربج يجبر بخاطرج خلي هسه هوه يصلح غلطه

ميس... ويتزوج عليه ؟ سيرين موجوععه والله احس الهوا بلكوا اتنفسه شعور الخيانه والخذلان صعب وماينوصف
ماتهنيت بزواجي ولايوم شفت الفرحه بيه كليلي شصرف وشسوي اريده يحس بوجعي وبالسوا وياي اريد يضوك الي ضكته حتى يحس بلوعه كلبي وأذيته

سيرين... شعور الندم وتأنيب الضمير كافي انو يخلي يراجع حساباته عالسواه مع الوقت راح يعرف غلطه وربج موجود هوه ياخذلج حقج
ادعي ربج يطفي نارج والتهي بصلاتج هوه قادر على كل شي

ميس... والنعم بالله هسه يمكم ليل لو نهار

سيرين... ههههههههه الفرق بين توقيت العراق وتوقيتنا اعتقد انتو سابقينا بساعه

ميس... شوكت تردون

سيرين... ماعرف والله

ميس... انشالله معافا وترودن باسرع وقت

سيرين... انشالله

ميس... سديته منها واشوف رضوان يتصل بيه قفلت المبايل وعفته

لثاني يوم كاعدين انه وامي وعمتي وبنات اخوتي يلعبن بالحديقه دخل ضرار ورضوان والولد وجدي كاظينهم
كل واحد بيهم كاظله عصه والدم مامعروف منين يجري

لطمت على وجهي وركضت لاخوي
ميس... سوده بوجهي شههل دم ياييمه

رضوان... ركضتي عليه وماتكولين خل اشوف ال** الواكف ويخرخر خياس

حطام... طبووو جوا فضحتونا الله يفضحكم هاي عمله تسووها

رضوان... جدي جا ماتكله جاييني ويريدني اطلك شنهي هيه هيته لولعبه

ضرار... عاااار ماكلت لروحك من جبتها الي تناشغك وتبجي وتريد تاخذ عليها وحك علي لوصدك مسويها افصم ظهرك وماخلي احد يعرف بيا كاع مدفون

رضوان... وحك علي لحد هسه صابر عليك وعلى خيستك يا*** يا*** تدفني جرب انت حتى اسويك نصين

ضرار... بالله شلون كلي وانه مسوي ط*** وصلتين

حطام... طيح الله حظكم على هالتربيه ماتكولون واكف جدامنه عار جبير خل نحترمه

رضوان... حشاك جدي بس حفيدك مصخها

حطام... بسكك وسدو حلوكم تنكط خياس عزام اخذ منهم العصي وفوتو جوا اشوفن وين توصلون

ميس... اخذهم جدي جوا واصواتهم تطرش طرش ضرار مانطا مجال يحجي وياي وحتى مارضى يردني اله اخرها طلع من البيت زعلان

ايام تمر وانه بيت اهلي رضوان شكد حاول يشوفني لو يحجي وياي حتى من البرامج ضرار حضره ومانطا مجال يحجي وياي ومن اساله يكلي
ضرار... لاتفكرين بشي خلي يعرف غلطه ماطلع زلمه واخو خيته اذا ماخليته يعظ اصابعه ندم عالسوا مو اخت ضرار التنكسر بسبب رجال وانه مأمنها عده وكايله لواجتني شي يوم تشكي منك ماتضلك مره عدي

دخلنا بسنه 2018 ومرت سنه 2017
سنه كلش صعبه علينه محد بينا اتهنى لو فرح ماجت بس المشاكل والهم والحزن
من موته رباب ,وموت انور , وروحه سيرين,وطلاكها هيه واخوي,ومرض امها,وسفرها , ولوعه اخوي وهوه لحد هسه كلبه وروحه يمها

سنه ومابيها شي تغير دانه زوجه غيث طلعت حامل هيه وزوجه حيدري واثنينهن نفس الشهر

وجنوب من جهه اوضاعها تعبانه كلش بسبب حملها كلما يقترب ودخلت بأخر اشهر الها

وسيرين الي صارت تحجي كلمه وياي وتغفى من التعب لو ملتهيه وي امها دائما

رهف دومها يمي ومونستني ومرات يجي ادم ابن درغام يجيب اخته وملك ويكضوها لعب يمي
باقي على سنويه انور شهر واحد
الولد يحضرون لسنويته من غير الثوابات الي يوزعوها على روحه ومن غير شي همه ساكنين النجف

انه كعدتي يم اهلي طولت صالي اربع اشهر يمهم لا انه الضاله ولانه المطلكه معاند وميرضى يطلك وضرار لو ماجدي كاظه ومحلفه مايسوي شي الله يعلم شجان سوا
حسيت تعبت من حالتي كلش واوضاعي كلمالها تسوء
نزلت جوا جانو كاعدين بالاستقبال
رحت كعدت بصف ضرار وحظنته

ضرار... روح اخوها شلونج بوبه

ميس... بوجودكم زينه

بسول... جا شمالج ماتبينين

ميس... نفسيتي كلش تعبانه

ضرار... انه اعدلها نفسيتج صبريلي

ميس... خويه اريد اتطلك

ضرار... متأكده ؟

ميس... اي وباسرع وقت

ضرار... صار بويه باجر الصبح نروح ونقدم دعوه طلاك

حطام... لاتهجم بيتها ولك واطيها مجال الرجال رايدها ومايرضى يطلك انه لو اشوفن الطلاك حل مناسب للبت ماجان لحد هسه مخليها على ذمته

ضرار... جدي احسن شي ننهي كلشي ماردها اله لوشما يسوي

ميس... عفتهم ورحت يم سلافه بغرفتها كعدت يمها واسمعها ترتل بالقران دموعي لااراديا نزلت

سلافه... جده عليش البجي چا زلم تكاطعت يجي الاحسن منه لهالثور

ميس... حايره وماعرف شصرف

سلافه... يايمه جا هيج الحب يلوع اخوج الجبير بصفحه وروحه تلوعت من ورى هالغاكه
واخيج بسول ماندري شبي وشصايبه بس يصفن وكل وكته موهناه وانتي هناه رويحتج من وره هالرجال متلوعه

ميس... ادعيلنا الله يفرجها

سلافه... انه بكل صلاه ادعيلكم ياجده كومي توجهي لربج محد يفيدج لاالهم ولاالغم

ميس... كمت توضيت ورجعت
صليت صلاه مظهر العجائب لقضاء الحوائج مثل ماعلمتني سيرين
_صلاه ركعتين لسيدنا امير المؤمنين قريه لله
بعد الصلاه
-اللهم صلى على محمد وال محمد (مره 1)
سوره الفاتحه مره واحده-سوره التوحيد3 مرات
_قول ياعلي(13)مره
_ياكاشف الكرب عن وجه اخيك رسول الله اكشف عني كربي بحق اخيك رسول الله (110)مره
_قول ياعلي (110) مره
(اذكر حاجتك)وبعدها الصلاه على النبي واهل بيته (15) مره

خلصت لثاني يوم ضرار تعطل مرحنا صار عنده شغل  اليوم مر عادي وماكو شي جديد
مثل كل مره خلصت شغلي وصعدت لغرفتي سبحت وخلصت طلعت واشوف رضوان كاعد

ميس... اااااطلع

رضوان... حسج تنصي احسلج وتعالي كعدي

ميس... ماااكعد بمكان انت بيه اطلع كلت

رضوان... وحك علي اذا هسه ماجيتي وكعدتي حتى *** مثل الاوادم اعرفن شلون اصرف وياج

ميس... ميييهم شتريد تسوي سوي

رحت حتى اطلع كام بسرعه سد الباب ولزمني من فكي وخازرني طبع بوسه وخر
ميس... ااايع ييييربي لعبتها لنفسي

ردت استفزه صرت امسح بشفتي وهوه واكف ومبتسم ماحس غير جارني عليه ويبوس بيه احس روحي طلعت يالله وخر صرت اشهك وابجي وخر وهم رجع باسني ماعافني غير لمن صوت شهكاتي اتعالى

رضوان... عقلي يبا مايفيدج العناد

شهكت بالبجي ودموعي يجرن
ميس... عوووفني الله يخليك مااريد اشوفك ولاسمع حسك ياخي اكرهك موطايقتك خلص اعتقني وروح لريم حبيبه كلبك موتريد تزوجها شكووو جاييني

كعدت بالكاع ضميت رجليه لصدري وابجي هوه كعد عالجربايه شغل جكارته وبس يتنهد ويزفر بغضب

رضوان... وتتوقعين ابدلج بيها واعوفنج

ميس... دامك خنتني وخسرتني كلشي اتوقع منك وماستبعد بعد كم يوم اسمع متزوجها

رضوان... وداعتج مافكرت حتى اخذها

ميس... ميهمني ضرار بس يرد وارفع دعوه الطلاك وكلمن يروح بحاله خلص تعبت منك صبرت وتحملت وتاليتها شنو الاخذته بس كسران الكلب

رضوان... اول شي افهمي وبعدين احكمي ولاتتوقعين اعوفنج لوضلين كل عمرج معلكه بيت اهلج ماطلكج

نزلت راسي ودموعي مثل الشلال
اردفت بخيبه وكسران
ميس... ليش أذيتني هيج ماتتوقع كميه الوجع والجرح الي حفرته بروحي
كل هالمده تحملت برودك ومجافاتك بس حتى ماخرب البينه واكون غلطانه وياك
ماقصرت ولافد يوم غلطت بحقك ليش هيج تخوني وتكسرني رضوان الخذلان الي بكلبي كلش يوجع وماممكن اسامحك عالسويته بيه

كام ذب الجكاره وكعد بمستواي مسح دموعي وباسني
رضوان... وحك علي مافكرت بيوم اخونج اعترف غلطت وياج واتحملتي اكثر من طاقتج
بس ياميس وداعتج جنت رايد وكت حتى انسى الصار موهينه عليه عشك سنين تالي بيوم تروح مني انه هم تعبت مثلج
بس وعيونج جان لازمني وكت حتى اصلح الجرح البكلبي واوكف على حيلي
انه جنت رايده ابدي وياج واصلح البينا ماعرف منين طلعتلي وخرب كلشي

ميس... جنت رايد تملي الفراغ الي بداخلك بميس استعملتني وسيله بس حتى تداوي جروحك بيه وتنسى ريم انه جنت مجرد تكظيه وقت حتى تملي فراغك وحقوقك الي تاخذها مني

رضوان... بيمن احلفلج انه ماجنت هيج ردتج بكل جوارحي ردتج بروحي وبكلبي
ابد مايوم فكرت اكظي حاجتي واعوفنج ميس انتي قطعه من روحي انه بديت حياتي وياج مافد يوم فكرت املي عاطفتي واستخدمج وسيله حتى انسى الصار

ميس... كلشي بينا خلص انتهى

رضوان... لاسوين هيج وتكسرين كلبي خلينه نبدي من جديد ونصلح الي نكسر ودااعتج تعبت الصار موهين وياي حتى بمده قصيره انسا

ميس... وتريد تاخذ عليه ؟

طلع المبايل من جيبه فتحه وانطانيا
رضوان... هاج

ميس... منو هاي

رضوان... ريم

ميس... ضليت اكلب بيها رسائلها وبصمات بصوتها وهيه تتوسل بي حتى يجاوبها وكلها مكالمات فائته وهوه ينهي المحادثه بكلمه وترجع تدزله وتتوسله شفتها من بدايتها
لحد ماطالبه منه يتزوجها لان اهلها يردون يزوجوها
الفرحني من مجاوبها وماننطيها جواب
_عندي مرتي ومامستعد ابدلها بوحده ماتسوا اقارنج باضفر منها
انتي الله يسعدج ويوفقج بحياتج لاتذلين نفسج بهالطريقه انه لورجع بيه الوكت ماجان حتى فكرت احبج وتتوقعين من بعد ماصرتي مره ابن عمي ارجع اخذج ؟
ميس سكنت كلبي وصارت مرتي وام بيتي والله وفقني وياها

_فدوه لاتحجي هيج مستعده كلشي اسوي حتى ارجعلك اعرف بعدك تحبني

_بس وحده انه احبنها وساكنه بروحي واكتبها الج بين قوسين (ميس)

_ ناهي المحادثه وياها وحاظرها
ميس... ليش بوكتها جنت منفعل وعصبي وتصرفاتك وياي بهالطريقه ؟

رضوان... انه ماحرك كلبي غير من تتوسل حتى اخذها راد تعبان ومحمل تعب والكاها تتوسل وتتصل
خلتني اتندم لان حبيتها كل هالسنين وفوكاها صارت مره ابن عمي لويصبوها ذهب مافكر حتى اردلها

ميس... مبايلك ليش تقفله ودومك مشغول بيه وحتى متخليني الزمه ؟

رضوان... تدرين شغلي ومكالماتي بيه بالله لوالمبايل بيدج واتصلت هاي الماتتسمى
شسوين؟
تدرين بيه اضوجن من المره الحشريه وانتي ليل ونهار تلوبين عالمبايل زين عليه ومافصمتج

ميس... ميهمني كل هالحجي وانت جرب وأذيني تايهة عندك غير

كومني من زندي وهوه خازرتي ويصك على اسنانه
رضوان... ترى وحك علي صبرت عليج واطيتج مجال لوطخ بعكلي اخذنج ومحد يفك حلكه مومستقويه بضرار ال*** وشايفتني ساكت

ماحس غير ضرار مقتحم الغرفه شافه لازم ايدي وخازرني لو چن قامت القيامه اجى تقدم بخطوات بطيئه بدون سابق انذار ضرب رضوان وارتد ليورى
ضرار... جاي بنص بيتي وفوكاها تهدد بيها

كام رضوان وردله الضربه وضلو يتلازمون وانه اصرخ واعيط
رضوان... يا**** يا*** ساكت لخاطرها بس انت م*** مومال اسكتلك

رد الضربه لضرار تلازمو بحيث حتى الجربايه انكسرت كام رضوان صعد على ضرار وعظه برقبته ووخر منه ضرار عيونه جحضت وخازره
دفعه وكام يباوع بالمرايه

اعاين لرقبته اثر العضه باين ازرق
ميس... هههههههههههه

ضرار... ابن لعار هسه عبالهم وحده عاضتني

رضوان... يطبك*** جا لطشت جنك ك***ه

كعد ضرار فحطان ولازم رقبته رضوان كعد عالجربايه الي نكسرت الدم مامبين منين يجري ويلهثون منظرهم يضحك هسه جانو يتضاربون وهسه ساكنين ويضحكون
ميس... هههههههههههه

طكوها ضحكه رضوان تمرغل ووجها انكلب احمر وضرار لازم رقبته وفحطان من الضحك
انفتح الباب ودخل بسول وغيث

شاف حالهم وهز راسه وهوه يضحك
بسول... لويجي مدري ياهو ماتوبون

غيث... انضل نفاكك بيكم

رضوان... انه ومرتي نريد نتفاهم واخوك لازكه روحه بينه

ضرار... امشي لك كوم اطلع ولاشوفني وجهك خلني اشوفك خاطي خطوه ليجاي

كام نكث ملابس عاينلي وغمز
رضوان... باجر اجي اخذج حضري روحج

ميس... مارجعلك

رضوان... يله بعد رضوان وضرار حروحن وبله عناد

عافنا وطلع راحو كلهم وانه كعدت وعيني عالغرفه الجربايه مكسوره وحالتها حاله والاغراض مطشره رتبتها ورحت حتى انزل جوا وصوت ضرار طالع فتحت باب غرفته جان واكف ويحجي بالمبايل عصبي ويخوزر

سيرين... يربي الله ياخذ الزلم ويذبهم بنار جهنم والله موصوجك صوجي احجي وياك ياخاين

ضرار... وحك علي اذا ماسكتين وخليتيني *** ابتلي على دنياج

شهكت بالبجي وتناشغ
سيرين... يالشويب فوك ماتخوني انت ابو الراهي وينه وعدك اليه وانه بس غبت عنك رحت لوحده غيرك

ضرار... بالعباس ماخاينج ولج افهمي السالفه واحجي

سيرين... كلشي ماريد افهم هايهيه اكرهك وماحبك بعد والله اذا حجيت وياي بعد اكتل روحي واخلص

حجى بلهفه وحنيه
ضرار... بعد روح ضرار يالمسربته كليبي لاتبجين اشتعل رضوان العار

سيرين... رضوان شعليه فوك شينتك تذب الصوج بيه هي انه من عضيتك صار هيج اثر وهسه ياثوره عاضتك !!!!

ضرار... انه وتالي وي لسانج وجفصاتج ضببي لااااشعل عشيرتج

سيرين... ااااكرهك يربببي الله يخلصني سدد المكالمه وروحح مني لاشنق روحي بواير الشاحنه

ضرار... ليش ماسديها انتي ؟

سيرين... انت تسدها

شافني وأشرلي اجي يمه
ضرار... هاج ميس هيه تفهمج اذا اضل يمج ماستبعد تجلطيني وانه اعلمج اكظج يولا على لسانج بسيطه يالفصمه

انطانيا وراح ضليت احجي وياها واقنع بيها
يالله رضت ضليت احجي وياها وتقنع بيه حتى ارد لرضوان احس لحد هسه مامستعده اردله ولامستعده انطي فرصه
سيرين... ليش حتى ماتنطي فرصه العرفته من كلامج هوه رايدج وحابج

ميس... منو يكول يحبني ؟

سيرين... لوميحبج جان عافج وراح لهذيج الثوره مجان جاب سيرتج يمها حتى وبس اتطلكت هوه يردلها والدليل انو لحد هسه متمسك بيج ورايدج
ليش تكسرين كلبه من بعد ماحاول يبني نفسه وياج ؟

ميس... ماعرف خايفه انطي فرصه ويخذلني خايفه يكسرني ويجرحني

سيرين... فكري زين ولاتتهورين رضوان يحبج ورايدج انطي فرصه وابدو من جديد بعيدا عن ريم العجوز

ميس... ههههههههههه

سيرين... ماتنبلع من اسمها انه بس اسمع سيرتها يصيبني مغص يربي

ميس... لاجيبين سيرتها فوكاها يحبها

سيرين... هيه ماضيه وانتي حاضره

ميس... خايبه انه مافهم بالعربي اعرف بس فاعل ومفعول به

سيرين... ههههههه ابد موزين

ميس... دخل ضرار للغرفه عاكد حواجبه انطيته التيلفون وكمت حتى اروح وستوقفني كلامهم

سيرين... أوي حبيبي اسفه صوج رضوان لوماعاضك مجان حجيت هيج

جاوبها بعصبيه
ضرار... لاتخليني اشعلج واشعل حبيبج وياج

سيرين... تشعلني مو !!!

ضرار... ها بدى النكد ؟

سيرين... مممم شتكول

ضرار... حك لحيته وعكد حاجبه وكأن جاي يفكر ضحك وغنى ....
من اليوم آكَلك شوف آفهمني واسمع زين
من هسة كلشي يصير ماكو عتب بعدين

صارت عليك هوآي حسابك ثكل وياي
كَل يوم تجرح بية متكلي شطلعت هاي

آني نطيتك عين وانتة طلعت مو زين
بهل حالة لو ضليت بعدين اكلك بآي

سيرين... هههههههه بـاي

ميس... عفتهم ورحت وسوالفهم بالي علاقتهم تخبل وماكو مثلها دعيت الله يجمعهم ويسعدهم
رحت اتصلت بجنوب بس تبجي وتناكر

جنوب... هخخ يمه تعب حالي

ميس... ماضل شي وجيبين اصبري

جنوب... هسه يالله دخلت بشهري وانه بطني واصله لخشمي تعاي يمي

ميس... انه شسوي جايتج

جنوب... موعلمودي علمود رضوان خطيه روحه تزوهرت

ميس... كله من ايده

جنوب... خايبه هوه رايدج شمالج معانده

ميس... ماعرف

جنوب... ميسس تعبت ألم يروح ويجي

ميس... وهسه شلون

جنوب... ماعرف تعبني هالحمل

ميس... انشالله تولدين بالسلامه

جنوب... خلني اروح لانمار اشوفنه اتأخر شو

ميس... ليش وين راح

جنوب... راح يجيبلي طرشي

ميس... هههههه اي ماشي

_سديته منها ولليل نتفأجاه بجنوب اتريد تولد هيه ستوها داخله بشهرها وحملها صعب
رجع ضرار اخذنا انه وعمتي اول ماوصلنا جانو مخلينها بالخاص
اعاينلها فحطانه من البجي وترجف وانمار لوماعيب جان بجى وياها

جنوب... هخخخ يمهه لحكيلي شوفي الألم بيه وهوه مترهي ومرتاح

انمار... شتردين اجيب بمكانج

جنوب... اذا بيها مجال عادي

ضرار... تعالو طفوها شلون

ميس... هههههههههه كل وحده تولد مثلج

جنوب... عساااها بيج وجربين الألم اااانمار حموت

انمار... وييين الدكتوره راحت

بشائر... نص ساعه كالت ويفوتوها صاله الولاده

بدور... سوده عليه يمه

جنوب... يمه فدوه اروحلج اذا صالي شي ابني ديرو بالكم عليه

عاط بيها بغضب
انمار... لاتحجين هيييج انشالله طلعين بخير وسلامه

بدور... بلا هالحجي ربي يسهلها عليج

جنوب... خايفه

راح ضرار باسها وهيه حضنته تبجي وتناشغ
ضرار... ابويه اطلعي بالسلامه انتي والي بطنج واشوفنج شلون تحبلين شني هذا شلعان الكلب

انمار... ممرتي يمعود

ضرار... وانه أبوها

جنوب... الله يخليلي ياك

ضرار... طلعي بخير وسلامه بويه اتانيج هناه ومحد بينا يعوفج ربج موجود يسهلها عليج ولاتخافين من شي

ميس... كعد يهون عليها ويصبرها وهيه تبجي وتضحك ،شوي ودخلوها ساعات تمر واحنه ننتظر عمتي كلساع تريد توكع وهيه بس هالوحيده عدها صدك بيومها لحظات من الرعب عشناها ابد موطبيعيه وخاصه انو ولادتها جانت صعبه ومتعسره كلش مي الطفل خلصان لومتأخرين الله اعلم شجان حيصير وياها
وانمار خبصنا بالاتصالات طلعوهم برا القسم خاص فقط للنساء ممنوع دخول الرجال

مر كم ساعه وطلعن الممرضات يتراكضن منعرف شكو وشصاير
بدور... شصااااير اااحجن بنتي شبيها

_اهدي  شوي

بدور... شهدااااء وانتن طلعتن تتراكضن جنوب شبيها

_ولادتها صعبه جانت ،صاير عدها نزيف
ومجاي نكدر نسيطر عليه

يـــــتـــبع ....