رواية ثارهم وبنت الفقير الفصل الرابع والخمسون 54 - بقلم الكاتبة ترانيم 🤎

٤٧ "

ثـارهم وبنت الـفقير
.
.
.
ميس...
ايام تمر علينه انه ورضوان علاقتنا ابرد من الثلج صرت ماهتم لروحته ولالرجعته
بروده ومجافاته وياي ابد موطبيعي وانه روحي تلوب وضاله معلكه ماعرف شنو الحل وشصرف
بأخر فتره علاقته صارت زينه واحسن من قبل بحيث جان ابد ميسولف وياي ويكظيها كل وقته بالمبايل هسه مرات نكعد نحجي بمواضيع مختلفه واذا طلع للشغل التيلفون ابد ميوكع من اتصالاته ادعي ربي يهدي عليه وتتصلح علاقتنا .

جنوب دخلت بشهرها السادس وحالتها كلش مخربطه ومكضيتها تكرط بالترب
بحيث الترب يخلصن من وراها وانمار حاير بيها وداير باله عليها .

ضرار التها برهف بس وكت شغله يخليها يمنا ومرات ميجيبها
اشوفه حالته كلمالها تسوء ضعفان كلش وكأن بس روح بغياب سيرين تمرض كلش وضايع بدونها تمنيت لو رضوان حبني مثل حب ضرار لسيرين متعجبه على حبه الها وهوه من يخابرني ماكو على لسانه غير سيرين .

اهلي كل فتره اروحلهم ومرات انه وجنوب ومن حملها ماتكدر تخطي عتبه الباب
ملك نوعا اتعودت على غياب ابوها وخاصه انو حيدري داير باله عليها وممنقص عليها شي مرات تجي هيه ورهف يمي لو من اروح لاهلي ضرار يطلعهن وكل واحد بيهم ملتهي بشغله مودوم يمهن .

بسول من بعد موت مرته تغير كلش واشوفه روحه تفرفح اذا اروح اشوفه يكعد بالحديقه ويكابل المكان الماتت بيه حياته هادئه وتمشي مابين شغله والبيت وطلعاته وي الولد .

موت انور لحد هسه محد بيهم اتخطا وخاصه همه مايفوتون اسبوع اذا مالكيناهم بالنجف متجمعين وجدي يخابرهم حتى يردون
متفقين كل اسبوعين يتجمعون ويرحون للنجف.

سيرين من بعد ماسافرت مر اربع شهور وهمه ماشين بالعلاج اتصالنا وياها ومراسلاتنا دائما
وكلما اتصل بيها هيه حالتها سيئه كلش
من جهه علاج امها وحالتها المرض جان بعده ببدايته والحمد لله بدون مايرفعون الصدر شالو الكتل ، واشتياقها لرهف ومن جهه ضرار حالتها كلش تعبت وهمه بوسط غربه ولحد هسه ميعرفون شوكت يخلص العلاج ويردون .

مياده من بعد سفرها شهر رجعت وضلت تراجع دكاتره ببغداد علمو حملها وطبعاً باصرار منها وايهاب ابد مايلح عليها ومن الكلام التسمعه تشبع قهر وتضل تشيل بنفسها وتركعها محد يعذر ولاحد ينطي مجال صارت تلح عليه حتى يراجعون والحمد لله علاجها ماشي وكلشي بخير والدكتوره مسويتلها نظام تتبعه مع علاجات موصفتلها .

علاقتنا زينه وياها وابد ماتأثرت بطلاقها من ضرار بالعكس حلوه صداقتنا وكأن اخوات وحده تحن للثانيه وحده تفتقد للثانيه ميمر يوم اذا ماكصيناها سوالف ومكالمات وخطط ليومنا .

_رهف دائما وي اتصال مع سيرين اذا ضرار جابها يمي يضلن ساعات يحجن بالمبايل علما يطفى المبايل لحد هسه متعلقه بسيرين وصيحلها ماما طفله ولكت حنان أم ماشافته من احد .

_ملك عايشه يم بيت جدها وحيدري قايم بكلشي تحتاجه وابد ممنقص عليها شي مثل بنته وأكثر بس مع ذلك مانست ابوها وهوه صار بالشهر مره ياخذها لقبر ابوها
يكول لازم تتعود على غيابه وتعرفه ابوها مات وبعد مموجود بالدنيا حتى من تكبر لاتضل بأمل برجعته وتتقبل واقعها بأنو تعيش يتيمه .

كعدت الصبح كمت حضرت نفسي حتى اروح لاهلي
باجر الـذكرى السنوي الاول لـرباب 11/3
مسوين ثواب وبليل حتى يطلعون للنجف
سبحت وحضرت الريوك كلها كعدت طلعت جنوب لازمه ظهرها وتلوب

جنوب... خااايبه همداني انه شكو حبلت يااايمه ظهرري موتني

ميس... تعالي كعدي تريكي حتى تشربين علاجج

جنوب... خايبه هوه هذا الطفل يفيد ويا علاج ضال يرفس بيه من هسه جا شلون من يجي للدنيا خافن يشبعني جلاليق

اجى انمار حضنها وباسها
انمار... شني يشبعج جلاليق جا ابوه وين راح تعالي كعدي لاضلين واكفه

ميس... ضحكت على سوالفهم وهيه تتناكر وياه بس تنكد عليه وهوه مكيف على سوالفها مكظينها يتعاركون ويصالحون علاقتهم كلش حلوه عبالك اصدقاء وانمار تعامله ودلاله وياها كدر يكسبها وعايشه بحب هيه وياه

اجو كلهم نزلت شذر وجها اصفر هاي حالتها من سافر زكريا جانو متفقين حتى يجي يخطبها وبسبب سفرته تأجل
رحت للغرفه فتحت البرادي رحت يمها كعدت بطرف الجربايه تلمست وجها وأيدي تمشي على ملامحه
ماحس غير لازم اصبعي بقوه

رضوان... وجج موكايل لاتكعديني هيج

ميس... هخخ يمه اصبعي

ضحك باس اصبعي وكام
رضوان... لاتتحارشين يُبا

ميس... وففف يعني كلما اجي اكعدك تكلي تتحارشين

رضوان... اي انه اعتبرها تحرش رجال نايم بحاله تجين تكظكضين وتتلمسين هاي شيسموها

ميس... هههههه يمه عليك شلون تفرها يله كوم اتريك حتى نروح لاهلي

رضوان... اي جاي 

عفته ورحت شوي واجى كعدنا نتريك وهمه حايرين بازان قبل كم شهر قدم لجوء للخارج وماباقي على سفره هواي ومبين من زمان هوه مخطط لهال سفره

خلصنا كمت اني وشذر رتبنا البيت ونظفنا رحت بدلت واخذت احتياجاتي اخذنا رضوان بسيارته وانمار اخذ جنوب وشذر وياه
اهلها واخواتها جانو موجودين بسول قام بكلشي هوه واخوانها جان رايد هوه الي يقيم بكلشي يخص ذكراها بس اخوتها اصرو همه يسوون وتشاركو سوا

ضليت اشتغل وي البنات من الصبح لليل احنا على فرد وكفه محد راح بينا بس اهلها والولد راحو وي بسول حتى ميعوفو بحده وعمتي بدور ونسوان عمامي ضليت يم اهلي لان رضوان راح وياهم من بعد ماراحو ضليت انه ونسوان اخوتي نظف البيت جلفنا جلف

خليت وصعدت فوك غرفتي مثل ماهيه ماتغير بيها شي بدلت حتى انزل رجليه اخذتني لغرفه ضرار فتحتها جانت منظفه ومعطره
اعاين للحيطان كلها صور عرفتها صور سيرين من هيه وصغيره واكو صور هوه وياها مبين طالعين
وصور الها ببدلتي وكت لبستها واخذت بيها صور معلكهن بالحايط ومرتبهن بطريقه كلش حلوه
اغراضها وكلشي يخصها بعده على حاله وماتحرك منه شي

سديتها ونزلت جوا البيت هدوء ورهف وي بنات عزام وملك اصواتهن وهنه يلعبن يم جدتي وهيه تطرد بيهن ويردلها
رحت لغرفه امي ضرار جان نايم على رجلها وحاظنها هيه تمسد على راسه وعاكد حواجبها

ضرار...  يمه احبنها ورايدها ماكدر اضيع بدونها وغلاتج رجال شكبرني وهالكدها ملوعتني تعبت من حبها كليلي شسوي مالي حياه بدونها متلوع بعشكها من وعيت للدنيا

بديعه... يمه الله يساعد كلبك انشالله ترد باقرب وكت ربك يفرجها

ضرار... لشوكت تعودت عليها على شوفتها وعلى حسها وعلى كربها وعلى حضنها صار كم شهر هيه مويمي وانه احوالي تبهذلت

بديعه... يايمه سوده عليه شبيدي عليك حتى مكتوبلك تتلوع بعشك وحده بعيده عنك ومامعروف اذا راح تنجمعون يو لا

ضرار... ادعيلي الله يفرجها عليه وتردلي واعدتها اتانيها ومستعد كل عمري اتانيها علما ترد وكلبي يرتاح بشوفتها

بديعه... انشالله يبعد امك

ميس... وففف ياسيرين شسويتي بيه وبحبج ترى شنو البيج وهالكد يحبج ؟

رحت يم سلافه كعدت وبذهني الف شغله
سلافه... شمالج خايبه صافنه

ميس... اخوي شحاله

سلافه... هوه اخوج مكتوبله يتلوع بعشك هالغاكه

ميس... الله يجمعهم

سلافه... جا اتي شمالج لحد هسه طولتي بحبالتج

ميس... جده ماريدن هسه بعد الله كريم

سلافه... جا انه ادري الله كريم شماله وجهج يجيب الغم

ميس... هسه علاقتنا يالله بدت تتحسن

سلافه... شماله هذا خايبه اكولن لاخوتج يكسرو

ميس... ههههههههه من وراي يتخاربون جده مامقصر وياي بشي وزين وياي عسا ولعل الله يهدي عليه

سلافه... الله يلين كلبه لهالثور هم كون بي خير

ميس... جده شني ثور

ماحس غير ضاربتني بعوجيتها
سلافه... جا انه مجذبه خلني اشوفنه واعرف علته شماله ملوع حفيدتي

ميس... فدوه رحتلج ولايهمج انه بخير

سلافه... جده لاضمين بكلبج عبن احنه موجودين واخوتج بظهرج لوحتاجيتي شي لوصابج شي همه اليسندوج

ميس... ربي يحفظهم الي

سلافه... انشالله

ميس... لشوي وصعدت لغرفتي رهف يمي نومتها اتصلت على سيرين شوي وجاوبتني

سيرين... يهلا

ميس... هلا بيج شخبارج

سيرين... وفففف ابد موزينه

ميس... صبري خيه انشالله معافايه

سيرين... الحمد لله شالو التكتل ورفعو الصدر كم يوم ويبدون بالعلاج الاشعاعي وراها يبدون بالعلاج الكيميائي

ميس... وهسه شحالها

سيرين... العمليه بجهه واحنه بجهه كلش صعبه
من بعد ما ابوي باع الكاع الي باسمه والبيت الي بالحله كله لعلاجها وهسه مستأجرين شقهه

ميس... الله يساعدكم

سيرين... انشالله رهف شلونها

ميس... رهف يمي اليوم الذكرى السنوي مال رباب وبقيت يمهم

سيرين... الله يرحمها

ميس... شمالج ؟

سيرين... وجن البارحه ماتت

ميس... خيه الله يرحمها

سيرين... وينها رهف

ميس... انطيت المبايل لرهف صوره وصوت تحجي وياها وتبجي

رهف... ماما اقت اجين ( شوكت تجين)

سيرين... حبيبتي صبري عليه انشالله ماضل شي

رهف... اجي اياج

سيرين... لا يروحي ابقي يم البابا واذا رجعت اجيبلج وياي العاب كومه

رهف... ماما اليدج(اريدج)

سيرين... فدوه اروحلج لاشلعين كـلبي تعبانـه وعيونج

_تبجي وتشهك عرفت شكد نفسيتها تعبانه بحيث عالاقل شي وبجت
عاينت للباب ضرار واكف بيده الجكاره ويدخن أشرلي اسكت وهوه يستمع لصوتها
اتنهد بحسره وألم عافنا وراح ،شوي وسديته منها لثاني يوم ردو رجعت وايامي تمر عاديه

_كعدت الصبح مثل كل يوم اكعد احضر الريوك الولد وعمي يطلعون للشغل واحنا نكظيها تنظيف وتحضير علما يخلص الوقت طلعت الملابس من الغساله حتى اشرهن عمتي جانت كاعده بالحديقه وتخابر سدته وعاينت عليه
بشائر... باجر تجي خيتي من بغداد هيه وبتها

ميس... اي هلا بيها بس مشايفتها

بشائر... اي يمه مودوم تجي وتسير بعرسكم اجت وردت بيومها عدها بس بت وابنها يدرس

ميس... ممم البيت بيتها

مياده...
كعدت الصبح لعبان نفس ودوخه من الابر الاخذهن والعلاجات يخلني انام كل وكتي ودوخه وخمول
ألم اسفل ظهري وروحي تلوب اخذت مبايلي واتصلت على ايهاب مايجاوبني
اخذت مبايلي وطلعت جانت عمتي وحماتي كاعدات الالم احسه ينهش بيه رحت يمهن وانه بلكوا واكفه على حيلي

مياده... عمه فدوه خابري على ايهاب حموت

_ياستار شمالج

مياده... ماعرف ألم مووتني ونزيف مايتوقف

_كوومي خابري على اخوج شوفي

كامت كعدتني وتفرك بمكان الالم غفيت بحظنها مدري اغمى عليه
ماكعدت غير على ريحه الديتول وبروده تصك بعظامي
عاينت بارجاء الغرفه بس اني شوي ودخلت الممرضه ابتسمت بوجهي ووخرت المغذي

مياده... فدوه صيحيلي احد من اهلي وانه ليش هناه

_امي انتي جنتي معرضه للاسقاط

مياده... من صدمتي حتى مانتبهت لكلامها حسيت الدنيا طفت بعيني احس روحي فقدت دخل ايهاب حظني وباسني

ايهاب... ابويه انتي اهدي

مياده... اتاني يوم يوم

ايهاب... اشششش كافي مابي شي عايش

مياده... فدوه كلي

ايهاب... وداعتج الطفل بخير

لزمت بطني والفرحه ماسايعتني
مياده... يعني انه حامل اكو طفل باحشائي

باسني من راسي وحظني
ايهاب... بعد ماكو لاعلاجات ولاابر وقريبا ابنج ينور الدنيا

مياده... حمد لله والشكر اايهااب متتخيل فرحتي ابد وفرحتي بطفلي الاول وفرحتي بكوني حصير ام

ايهاب... حبيبتي الله يديم الفرحه

مياده... وصفولنا ادويه ومثبتات طلعنا من المستشفى وانه الدنيا طايره بيه
اول ماوصلت بشرت البنات ورجعت اتصلت بسيرين

سيرين... هلا

مياده... خايبه شمالج

سيرين... جنت نايمه ومطفيه كلش

مياده... خايبه عوفي النوم ولجججج انه حامل

سيرين... جذبببب؟

مياده... والله

سيرين... اي الف مبروك يتربى بعزج انتي وايهاب يله حروح انام

مياده... هههههههههههه يله الله وياج

سيرين...
شهر يجر شهر واحنه مستمرين بالعلاج أجرنا شقه قريب عالمستشفى
نفسيتي كلش تعبت وحالي تعب من جهه امي الألم والادويه والجراحات نهت حالها نهي
مابيدي شي غير بس ادعيلها حتى الالم ماكدر اخففه عنها وهيه تشيل روحها وتركعها
سجاجين وتطعن بكلبي من تكلي

_وجج يمه سيرين ماريد اتعاااالج اخذو روحي وفكوني من الألم

العلاج مستمر رغم صعب كلش زكريا ابد ماعافنا ودومه ويانه وخاصه انو الدكتور صديقه سهل علينه هواي أمور
علاقتي بضرار مستمره رغم بعيدين كلش ومودائما نحجي اثنينا ننشغل انه اكظيها يم امي وهوه ملتهي بشغله وحياته
انشغلنا عن بعض بحيث تمر ايام مجرد نحجي كم كلمه ومن التعب اغفى

_كعدت على رن مبايلي رجتني رج وانه من التعب ذابه نفسي للنوم جاوبته طلعت مياده
عود ردت انام عاينت للساعه هم يالله اروح
كمت سبحت وبدلت ملابسي
لبست بنطرون كابوي وبدي ابيض وياه شوز ابيض وشال نسقت ومكياج خفيف بس كحله وحمره

اخذت مبايلي والاغراض ورحت اتمشى بعد مسافه اذا صعدت تكسي بس احب اتمشى وخاصه انو شوارع ماعرفلها كلش وبس الطريق الاجي واروح منه متعوده عليه
صعدت للطابق الي بيه غرفه امي ولاكاني الدكتور

عساف... صباح الفل ياستي هوه اي كل هاجمال

سيرين... هههههههه تسلم

عساف... تكين معايا نعؤد على كوب شاي

سيرين... وفففف لاتحجي وياي بهاللهجه انه عقلي يضل يفر

عساف... ابد موزين لازم تتعودين دامج هناه

سيرين... هههههههه تعلمت كم كلمه

عساف... مثل

سيرين... بكرا،مراتي،علشان،النهاردا،اديهالي بأة،اديني،فين،ليه

عساف... عفيه شهل ابداع

سيرين... مممم شكرا هسه حروح

عساف... عوفيها نايمه انطيتها جرعه هسه ولازم بعد كم ساعه هم ننطيها

سيرين... وفففف وشوكت تخلص عالجرع

عساف... بدون الاوف بعد ورانه الكيميائي

سيرين... اي

اجى زكريا وابوي اعاينله تعبان كلش
زكريا... شلونكم يبا

عساف... زين الوضع

جابر... امشينا بويه

سيرين... اي يله

مشينا لغرفتها اول مادخلنه شفتها عاضه اصبعها حتى تكتم صوت صرختها ودموعها مثل الشلال رحت يمها وحظنتها
نهايه... سييرين ألم مووتني

سيرين... فدوه اروحلج اتحملي

نهايه... هخخخ شتتحمل كليلي والألم ينهش بروحي

سيرين... ضلينا على هالحال علما خلصن الجرعات عفتها تنام وانه يمها رن مبايلي ورحت جاوبته بسرعه

ضرار... ها يراحتي

سيرين... وفففف وين جنت

ضرار... شغل فوك راسي شلونج بويه

سيرين... ماعرف

ضرار... كم يوم وانه جاي

سيرين... وين ؟

ضرار... مالج شغل

سيرين... لاا ضرار فدوه شكو جاي

ضرار... جاي علمود عمي انتي شكو

سيرين... لاعفيه خليها موهسه وشلون تعوف رهف وشغلك

ضرار... سيرين

سيرين... ها

ضرار... ابتعدي عن هذا المايتسمى احسلج

سيرين... وانت علموده تريد تجي

ضرار... موجن ذاب ميانه زايده ؟

سيرين... ماعتقد

ضرار... منطيته مجال وضاله تتمضحكين وياه كعدتج وسوالفج شيسموها هاي ؟

سيرين... مامسويه شي غلط

ضرار... اي خوش هذا هوه اشوفن وين تردين توصلين سيرين انتبهي لتصرفاتج
متغيره كلش وعالاقل شي تنترين وصوتج يعلى ماجنتي هيج

فركت راسي بألم احس بلكوا واكفه على حيلي
عليت صوتي بعصبيه بدون مانتبه
سيرين... ااااوه ضراار صاير متنطاق ابد يربببي راسي موتني

ضرار... صار بويه براحتج

سداه بوجهي قبل حتى لاحجي كعدت ضميت وجهي بكفوفي ودموعي تجري
سيرين... يرببي فدواتك ساعدني جاي اموت تعبت والله شوكت ارتاح

لزمت راسي بألم وبالي يم صوت دقات الساعه
كمت اريد اشيلها واكسرها ودخل ابوي وزكريا
شافوني استغربو حالتي اجى ابوي حظني ويهدي بيه
سيرين... لاتخاف بس شوي تعبانه ارتاح اصير زينه

زكريا... كومي خل ارجعج للشقه

سيرين... لاعوفني ابقى

زكريا... وججج وتالي وياج بله عناد امشينا

بدون ماحجي اخذت اغراضي ومشيت وياه احس على لحظه وافقد توازني لازمني ويمشي وصلنا للسياره راح شوي ورجع
سيرين... ضرار

زكريا... عوفج منه

سيرين... نفسيتي تعبت كلش ماتحمل شي زكريا حتخبل والله اوضاعي متخربطه وماطايقه حتى نفسي

زكريا... اهدي وفهميني شبيج

سيرين... مدري شبيه بس تعبت من الألم شوكت ارتاح امي بكفه وشوفتها بهالحاله وابوي الي ليله ماينامه وحالته سيئه
رهف الي شلعت كلبي بدموعها وملحتها حتى ارد وغربتي هناه ماعرف احد ومكضيتها بين اربع حيطان وضرار الي ماعرف علاقتنا شنو موضوعها
حرت كلش وياه ينبهني على ابسط شي لاسوين هذا ولاتحجين وي هذا حتى الدكتور الي هوه صديقك ميقبل حتى ارد السلام عليه

زكريا... امج انشالله ماضل شي وتخلص ونرد لديرتنا وضرار خلي عليه انه احجي وياه

وصلني للشقه ورجع رحت بدلت وتمددت عاينت للساعه بـ 12:12
طلعت رقمه واتصلت عليه ميجاوبني

دزيتله مسج ،ضراااار الحكني واكعه بمشكله

انتظرته شوي واتصل يالله جاوبته
ضرار... شصايبج احجي

سيرين... انت صبت كلبي

ضرار... وتالي

سيرين... اسفه

ضرار... ماصار شي

سيرين... احم تحبني

ضرار... هههههههههههه

سيرين... ليش الضحك

ضرار... الدكتور

سيرين... ضراااار

ضرار... وعلي لو الكفه اشوفنه شلون يتغزل

سيرين... هههههههههههه اوي فدوه اروح لليغار

ضرار... سيرين مومال ضحك هسه

سيرين... عزاااا بربي شكد احبك ياااالشويب

جاوبني بحب ولهفه
ضرار... اشتعل الشويب مستغلتها بعيده عليه والله لوطخ ابالي انه باجر يمج

سيرين... هههههههههههه اصبر عليه وخليك بعيد عني تراه محرمه عليك هسه

ضرار... جا ماكلتي حرام من حصرتج بالمخزن

حسيت روحي تفشلت والصخونه صعدت لراسي من المستحى ضليت امتمت بالحجي وهوه فحطان من الضحك
سيرين... والله ماااحجي وياك بعد

ضرار... يله بعد روحه لضرار صيري عاقله موشلعتي لكلبي شايفه اذا الزمج انهيج بالعباس

سيرين... احبك

ضرار... احبج

ميس...
حضرت الغدا ونظفت البيت رحت سبحت ورتبت نفسي شوي واندك الباب رحت فتحته طلعت كدامي مره جبيره بالعمر وياها شاب يطلع بعمر رضوان وبنت بعمري

بتول... خايبه ميلي من جدامي

ميس... عفوا ومنو انتي

طلعت عمتي تهلي وترحب عرفتها اختها الشاب ابد مارفع عينه ومبين عليه مؤدب بس البنت تعاين وتخوزر مبين كلشي معاجبها
للظهر الولد رجعو وعمي وياهم كظيتها شغل واجيب واودي جنوب متكدر تكوم وبس شذر وياي رتبت السفره ورجعت للمطبخ واسمع شذر وبنت خالتها يحجن ستوقفني حديثهن من سمعت باسم رضوان

حلا... ورضوان شماله مايردها

شذر... سدي السالفه مرته موجوده ويحبها والبنت ممقصره وياه بس شي صديقتج انتي صافه وياها

حلا... خايبه ضلين فاهيه خل ياخذ الاحسن منها

اندارت وشافتني بسرعه غيرت الموضوع ولاكان ستوها تحجي مافهمت على شنو حجن بس ضلت ابالي ومع الوقت نسيتها
كعدتهن طولت يمنا مبتعده كلش عنهن عرفتهن من جوا ليجوا مثل الحيايه يكرصن ويضمن راسهن وحلا ماعرف شبيها شدت وياي  بحيث على اقل كلمه وتنط بوجهي احجي لرضوان يفشلني ويسكتني

واذا كلت لعمتي تكلي اصبري خطار كم يوم ويرحون وصلت بيها تخبث وياي بسبيل انو تأذيني حتى فد مره عصريه جنت اكنس بالغرف وهيه اجتي بيدها كلاص جاي تشرب بيه وكفت على جهه وانه كاعده اكنس وماحس غير الجاي مصبوب على أيدي حسيت روحي شاغت وبكل برود تجاوبني

حلا... اوي اسفه مانتبهت

ميس... شمالج نعميتي وصلت بيج تحركيني يالمسمومه

حلا... طيح الله حظج اي والله هيجي تعاملين الخطار انه اعلمج بس موصوجج صوج رضوان المنطيج مجال

عافتني ومشت تصيح وتعلعل خليت وصعدت لغرفتي اشهك بالبجي وايدي موتتني من الوجع
وهيه لازالت مستمره بصوتها العالي
سمعتها تشكي وتعد وتصف ماعرفت لمنو شوي ودخل رضوان للغرفه عيونه حمر وقابض على ايده بدون سابق انذار اجى ولزمني من أيدي الاحتركت

رضوان... ولججج كم مره كتلج بطلي مشاكلج شمالج ويااااها

ميس... رضوااان ايدي

رضوان... اششش ماااهيس حسج هسه تنزلين وتعتذرين منها

ميس... ماغلطانه بشي واااعتذر هاي فوك ماتفهم الغلط منين اجيت وتهجمت عليه دفعته ووخرت أيده رفعتها بوجهه وشوفتها اله،هاااك شوف منووو الغلطان وصلت بيها تشوهني بسبب خبثها وحقدها بشنو مأذيتها وهيج تعاملني

راد يلزم ايدي ووخرته
رضوان... اطيني خل اشوفها

ميس... عووووفني بحالي هسه  اجيت هليه تعيط وترزل وانه لازم اسكت واتقبل حتى لومغلطانه بشي تراااا مللييييت والله وبزعتها لروحي بتصرفاتك لاعبالك اضل على هالحال واتتتحمل واضل مكتفه ايديه بس اريد اشوف وين تريد توصل بتصرفاتك وياي

عفته ومشيت للحمام قفلته وكعدت حتى دموعي تحجرت بعيني غسلت وطلعت لكيته مموجود خليت مرهم لأيدي وكعدت اتصفح بالمبايل شفته كلش اتأخر وبهيج وكت هوه ميطلع اخذت شالي وطلعت برى
سمعت اصوات من الحديقه رضوان وانمار مبين صوتهم واضح وكفت على جهه جانو كاعدين ورضوان مبين عصبي وينتهر

رضوان... تريدني اتزوجها

انمار... منيه

رضوان... ريم

يـــــتـــبع ....

كلشي يخص القصه انشره ع التلي او الانستا تعالو هناك ❤️.