ثارهم وبنت الفقير
بقلمي ترانيم هادي ♥️
- مشاهده ممتعه حـباايبـي ولاتنسون تصوتون عالقصه وتتفاعلون ✨.
طلعت انتضر بابا يجيني لشوي واجئ بدر
وعيونه حمر ويلهث
سيرين: بدر شصاير
بدر... سيرين خالي ...حجاها وسكت
سيرين بخوف... شبيه ابويه احجي؟
بدر ... مـاابيـهه شي بس شوي تخربط ومكدر يجي
سيرين... عليك الله احجي ابويه شبيه الصبح كلشي مابي
بدر... وعيونج مصايبه شي بس ارتفع ضغطه واتخربط لاتخافين يله امشينا
مشيت ويا واني كلبي احسهه يريد يطلع طول
الطريق ساكتين ولاحجينا كلمه
وصلنا ورحت اركض دخلت لكيت عمتي وامي
كاعدات يم ابوي وجها اصفر
كبل رحت بسته وكعدت يمه...يابه شبيك ليش هـيج
حالك ؟
جابر... بنتيتي لاتبجين مـاابيـهه شي
سيرين ... شلون مابيك شي وانت وجهك ااصفر كووم خلنروح للعيادة خيشوفك
امي:بنيتي كومي بدلي وتغدي لاتخافين
سيرين... يمّه واانتـي ليش تبجين؟
عمتي:ولج سيره كافي سئلين خلي ابوج يرتاح واتي كومي بدلي هديماتج
حسيت صاير شي وكلبي لاعب امي دموعها ولانشفت وبابا يباوعلي ويتحسر وحتئ بدر وصلني وراح ولاشفته
كمت منهم واحس حيلي رايح سبحت وبدلت ملابسي ورحت لامي تضفرلي شعري
وكفني حديثم واصواتهم طالعه
نهايه:وشنسوي هسه وهوه شجابه من كل هالسنين
جابر...واللّٰـه شكلج جاينه ومبين حاد سنونه علينه
نهايه... الله اليستر انتو موفضيتو السالفه وكلمن راح بطريقه
جابر...وج يامررة هذا جاي ويريد يااخذ ثاره ماتهمه لافلوس ولاعشاير
نهايه...واحنئ منو النا اشو حتئ عشيرة مالنا
عمتي:كافيكم سوالف لاتسمع البت اصواتكم تلعلع
نهايه... خل تسمع شيصير اكثر من هذا وهوه جاينه وحاط عينه عليها
عمتي... جا انه موكتلكم اخذها لوليدي وانتو معاندين جا تردون ياخذوها منكم ياللّٰـه ترتاحون
نهايه... وروح ابوي اخذنها واهجج شني ياخذوها
تايه لوفصليه
جابر... نهوة شني تاخذيها وتهجين جا انه هم ابوهاا وبنيتي مستعد انطي رويحتي ولااخليهم يجيسون شعره منها
عمتي... يله انه رايحه واصواتكم لاتهيسكم البت وتتخبل عليكم
واكفه وصاافنه والاسئله تكومت براسي علمنو جاي يحجون ومنو يريد ياخذني وياثار هذا؟
طلعت عمتي وشافتني جحضت عيونها
عمتي...هـا عمه جاي سوين
سيرين ... ااا اجيت لامي تضفرلي شعري
امي:تعالي ليه بنيتي
راحت عمتي وسديت الباب وراها ورحت لامي
تسويلي شعري وتدندن باغنيتها المعتاده
ياهوى الهاب
من الاحباب
جفلت كلبي
غفل بنساهم
ذكرتني بكل حنين
من ايامهم
جفلت كلبي
غفل بنساهم
ذكرتني بكل حنين
من ايامهم
ذكرتني ...
سيرين... يوم وينهم اخواني
نهايه.... راحو يم ولد ماجد يلعبون خلصي وروحي جيبيهم
سيرين... اي صار
نهايه... بس لاتتأخرين عبن عدج امتحانات واريدنج تكعدين ودرسين
خلصت وكمت اباوع بالمرايا وحطيت ماشات الشعر الم بيها كذلتي،دوم امي تكصها الي وتسويلي كذله
عمتي اذا تشوفني كاصتها تضل سميني ام عطوب
لبست شالي وطلعت اجيب اخواني
اتمشئ بين الزرع وسالفه ابوي والثار اليحجون عليه شاغله بالي بس ماردت احسسهم بشي
اتمشى بين الزرع وادندن بالاغنيه مال امي الي بكل مره تغنيها تنطبع ابالي
ياهوى الهاب
من الاحباب
جفلت كلبي
غفل بنساهم
ذكرتني بكل حنين
من ايامهم
جفلت كلبي
غفل بنساهم
ذكرتني بكل حنين
من ايامهم
ذكرتني ...
افيشش ياصوتج يرد الروح
فزيت من الصوت انداريت اشوفه ...
...............في مكان اخر
ضرار... جدي رحمه لابوي خليني ابرد ناري كافيهم مرتاحين وانه النار واجه بكلبي
حطام... ولك انه جم مررة كتلك طلع شغله الثااار من عكلك كلمن راح بداره وسنين مرت وهسه جايني ترريد تفتح دفاتر حتيجه الرجال اخذ عكابه وحتئ بالديرة ماشفنا
سلافه:جا عوف الوليد يطفي ناار كلببه ويسحلهم عبن كلبي واج عليهم وليدي جوا التراب وكتاله يسرح ويمرح
حطام... خافي ربج ياامرة اتي تعرفين الطررفين غلطانين والرجال حتئ عشيرته تبرت منه ومرته طلكناها وهجولنا بته شني ذنبها
سلافه... جا ماخاف ربه مہَטּ جتل وليدي وحرمني منه ومن جهاله
ضرار برود ... جدي انه كايلك ماغلطان بشي خلني اخذ ثاري واتساوة وي عدوي وبعدين كلشي ينتهي
كعد جدي وصفك ايد بايد
حطام... شحجي ويااكم عبن ماكو احد يشمت بالثار اكثر من النسوان .. سكت ورجع حجى بندم
وليدي الثار حلو مذاكه بالبدايه بس اثره مردود بعدين لاتخلي الكره والحقد يعمي علئ عيونك عبن ماكو احد راح يتوجع غيرك
كاعد ومرتخي وممهتم والحقد والكراهيه مستولي علئ عقله ... عوفني اتمتع بثاري وماكو غيررهم راح يتأذى خلني اطفي ناري بوجعهم
حطام ... عبن الثار دائما يشكل متعه للعكل الصغير
سلافه... بسك من الوليد دولبت حاله چا شمالك وياه
ضرب علئ رجله وكام ... معناها جاي تعترف بألمك
ضرار... ابتسم ابتسامه كلها شر وحجئ...تؤ العين بالعين والبادي اضلم
.....................
حطيت ايدي علئ كلبي وتنفست بأريحه
سيربن... بدر هذا انـتـهـه
بدر ... اي جا منو
سيرين... خوفتني معبالي انـتـهـه
أجى يمي وصرنا نتمشئ بالمزرعه
بدر... ماكلتي ويـن رايحه
سيرين...امي دزتني حتى اجيب اخواني
بدر... روحي رجعي اني اجيبهم واجي لاطلعين بحدج والدنيا راح تغرب
سيرين... مواول مرة اطلع عاادي
بدر... سيرين روحي لاتعاندين
سيرين...اي رايحه
عفته ورجعت للبيت لكيت امي تلم بلحطب وتصفطه
نهايه... ويـن اخوانج ليش ماجبتيهم
سيرين... بدر كال اني راح اجيبهم ورجعت
نهايه... خوش روحي اقري ولاطلعين بــعد
سيرين... صارر
رحت لغرفتي وكعدت اقرا لليل ياللّٰـه امي صاحتني عالعشئ
جابر... بنيتي انطي استحراحه لنفسج موهالكد اتعبين
سيرين...حيلل ولامتبههه عالوقت ليش ماصحتوني
نهايه... عبن امتحاناتج كربت وماريدنج تشغلين بالج التهي بدراستج
سيرين...ااوي ماامي فديتجج
نهايه... بسج ولج من هالحجي الماصخ
كملي اكلج وبطلي تخلين بالج وي البنيات من يتموعن
جابر... خليها تتعلم عبنها اريدن تصير مثقفه بعقلها ووعيها واذا الله راد تكمل جامعتها ببغداد
سمعت ۿـٓيج وكمزت علئ ابوي حضنته وبسته
سيرين... ياااحلئ ااب بالدنيااا شحبكك
نهايه... علئ بختك شلون تريدها تروح لبغداد بحدها
جابر ... لاتاكلين هم الله كريم علما تكمل هالسنه
كملنا أڪل وغسلت المواعين ورحت لغرفتي
كملت التحاضير وكمت طلعت برا
ردت أسبح أحس روحي تعبانة كلش وجسمي خامل
لكيت امي وابوي كاعدين بالحوش ويشربون جاي
جابر... بنيتي دنيا باردة عوفج من سبح لاتتمرضين
سيرين... حبيبي بابا لاتخاف ماتمرض وانت موتدري
جابر... بكيفج بويه
عفتهم ورحت سبحت
كملت ومشطت شعري وعفته محلول
اخواني نايمين وامي وابوي نامو والبيت هدأ
من الاصوات
رتبت ملابسي وسويت الجدول ورحت حتى انام
حطيت راسي عالمخدة وعيوني تتفحص كل انش بهالغرفه وعيوني ماراضيه تغمض
سيرين ....
ضليت ارسم احلامي ابالي
عائلتي ابوي الي مـاكـو بحنيته وخوفه عليه ومرت ابوي الي مافد يوم حسيتها مرت اب كانت الي ام وصديقه ولايوم حسستني بأنو اني موبتها واخواني ليال ومرتضئ ومراد الي مرات احسهم اطفالي من يصيحولي ماما
وعمتي وابن عمتي الي عدها بس بنت وحدة و بدر الي اعتبره اول حب بحياتي وفتحت عيني عليه
عمتي الوحيدة الي ابوي عنده علاقه بيها اما باقي اهله فـ كاطع علاقته وياهم ومايرضى اجيبن سيرتهم
واهل امي متوفين وعدها بس اخت ومزوجه بغير محافضه ...
...ضلمه محاوطتني من كل مكان اامـشي واتعثر اريد نور حتئ اشوف طريقي
سيرين... بااااابا وينننك تعاالي
غرف محاوطتني وكلهن تطلع اصوات غريبه منهن
حسيت بلعومي تجرح اريد اعيط اريد احد يساعدني ورجلي احسهن مشلولات بالكوا امشي
امشي واتلمس خاف اوكع شفت ابوي كاعد بغرفه ويروح ويجي عيطت عليه لدرجه احس صوتي راح
وميسمعني
مشيت اله علئ كيف خاف اوكع وصارت كدامي حفرة
واحسهاا كلما امشي خطوه تكبر اكثر علما وكعت بيها
... سيرينه كومي ااكعدي بنيتي شبيج
فتحت عيوني واحس جسمي مشلول ومكدر احركه
شوي صحصحت وكمت
نهايه... ولجج لاتخوفيني احجي شبيج
سيرين... حبيبتي لاتخافين بس حلمت حلم سيئ كلش و... قبل لا اكمل سكتتني
سيرين ... اااشش لاتحجينه اذا حلم موزين كومي يله تأخرتي خل ابوج يوصلج
سيرين... صار حبيبه
كمت غسلت وبدلت ملابسي بس ماعرف ليش كلبي هيج مقبوض وحاسه حيصير شي موزين
طردت كل الافكار من راسي ورحت صبحت علئ اهلي
وبالكوة امي سوتلي لفه يالله رضيت اكلها ولاشتهي شي تلعب نفسي من الصبح
رحنا اني وبابا وطول الطريق محجينا شي يمشي ويتحسر وجن اكو شي شاغل باله واعرف طبعه ميحب يسولف اذا صار مشكله او شي حتئ لايخوفنا
لزمت ايده ومشينا وصلني وراح لشغله
خلصت يومي بالمدرسه عادي من غغـيـر الامتحانات المفاجئه وتحاضير
خلصت الدوام وطلعت انتظر بابا يجيني
ساااعات اني انتظر والمدرسه فرغت ومحد اجاني لابدر ولاابوي
وخاصه ممتعلمه ارجع بحدي
تشجعت ومشيت بحدي وطول الطريق امشي واتلفت وكأن اكو شخص يراقبني
طكيتها ركضـه لحد ماوصلت ياللّٰـه تنفست بأريحه
- يمههه قلبي شبيج سيرين لاصيرين جبانه
دخلت لكيت امي وعمتي يسولفن وامي عيونها دم وجن باجيه
رحت كعدت يمها وحجيت... شڪۅ ليش باجيه ابوي بيه شي
عمتي... كلشي مـاابيـهه وهالتشوفي طلع هوه وبدر للبستان عبنه بعاافيته كومي لااتضغبين وتنحبين عالاقل شي
سيرين... وامي ليش تبجي
نهايه... امج عبنها جبانه وماعدها غغـيـر البجي
عفتهن ورحت سبحت وبدلت وبالي يمهن شصاير ؟!
سويت الغدا ونظفت البيت وكلهذا وامي وعمتي ماطلعن من الغرف ويحجن بهمس
للـ 1 الظهر سمعت صوت ابوي كمت بسـرععهه لبست شالي وطلعت اشوفنه
فتحت الباب وجان واكف هوه وبدر وعمي ابو صابرين من شافوني سكتو وغيرو الموضوع
سيرين... ههـلا يابه شـلوننـك
... هلا بنيتي
حسيته موعلئ بعضه وجها اصفر ومومثل عادته من يشوفني يحضني
اجو مرتضئ وليال ومراد ورحت صبيت الغداد بس كلها مالها نفس وكلمن حاير بهمه
...ايام مرت نفس حالنا ابوي كلمالله يتعب وامي دموعها ابد ماجفت ومن اسألها تكول تعبانه
وبدر دومه وي ابوي يرحون من الصبح للبستان ويرجعون الظهر هلكانين من التعب
بدت امتحانات اخر السنه واليوم جان اخر امتحان اليه بالعادة اكعد من وكت وراجع
بس اليوم احس كلبي مقبوض وجن حيصير شي موزين كضيتها صفنات وممركزه وي احد قريت الفاتحه لام البنين وتوكلت ... طلعت وسديت الباب وراي عبن ابوي تعبان وحيله مومثل كبل
رحت تمشيت لبيت صابرين ودكيت الباب طلعلي اخوها مروان
مروان مثل الاخ اليه جان اكبر مني بسنتين
راح صاح صابرين ومشينا بس بالي مويمها وكلبي يدك طبول
... خلص الامتحان ورجعنا سوا ورجفه مسيطرة علئ جسمي
صابرين... ولج سيرين شبيج وجهج اصفر اامـشي علكيف
سيرين...ماععـرف شبيه كلبي حاسسني حيصير شي وانه حساسي ميخطأ
صابرين... ماكو شي شيصير يعني
مجاوبتها ومشيت لبيتنا ... الباب جان عبارة عن ازلام وسلاحاتهم بيدهم وفلاليح القريه كلهم ملتمين ويصيحون على ابوي
وابوي لاحول ولاقوة بيناتهم بس بدر وكم واحد يهدون بيهم
شفت ابوي راد يوكع رحت بسـرععهه ركضتله ولزمته من ايدي
سيرين... بدررر الحححك ابوي شبيه
بدر... سيرين روحي للحوش ولاطلعين معليجج بشي
سيرين... شلون معلليه وابوي حيمووت منورااكم احجي شكوو
اجى بدر سحبني من ايدي ودخلني للحوش شفت امي دك وتلطم وكم مره يهدن بيها
رحت يمها اهدي بيها وهيه مستره تبجي
يمهه شصااير
نهايه... وججج سيرين ابوجج تورط الله لاينطي الجاان السببب حسبي الله ونعم الوكيل ولكممم حسبببي الله
سيرين... يمهه فدوه اروحلج كافي بجي واحجيلي شكو
نهايه... عبن الصبح ابوج من رايحح للكااع ،ايريد يطي علف للحيوانات والاكل جان مسموم مادري شبي والحيواناات ميته كلها
سيرين... واببوي شعليه
نهايه ... شللون شعليه وهمه ذابين الصوجج بيه وججج سيرينه هدو عليه وهوه مااكو احد بضهرره يريد يعرف دربه سووده عليه
تسولفلي على وضع ابوي وااني كلبي ينعصر
...النسوان شوي وراحن ،واني كمت بدلت ونظفت البيت وسويت غداا امي مالها خلك حتى تكوم
الجو جان مغيم وكاعده على دجه الباب ،شوي وشفت ابوي اجى وجهاا اصفررر وبالكوا واكف على حيله وبدر يكود بيه
كمت ركضتله وسنده
سيرين... هلا يابه
جابر... هلا بويه شلونه متحانج اليوم
الحمدالله يابه ،عكد مايكون مهموم بس ولايوم اسئلني على حالي ومدرستي واكعد احجيله شسويت وماسويت واسولفله على يومي
تمنيت عدنا اهل جان مصار بينا هيج ولاابوي جان بقى بدون اهل يسندو
دخلو جوا ورحت وراهم ،وكفت اباب الهول واسمع حجيهم
بدر:العمال يردون اجورهم ابدال الحلال المات واحنى يادوب مدبرين ارواحنى بالكاع
نهايه:وهسه شلون
جابر:انبيع الدار والفلوس التطلع منه نظفعها ونطلع من الديره عبن انه حيل ماضل بيه والناس العشت وياهم اسنين وباول مشكله عافوني لاريدهم ولااريد اضلن بنصهم
زهره:على بختك يخوي چا انـتـهـه تبيع الدار وتتهجولون انـتـهـه وعيالك چا ماكلت وين ترحون
جابر:انه اتفقت وي المختار وعرضته للبيع والفلوس التبقى نشتريلنا بيت بيها علما الله يفرجها
بدر:عمي بدون ماتشتري تجي وتكعد بدارنا وانشالله الناس الخيره تحلها بدون مشاكل
جابر:على بختك وليدي پاجر عكبه ولادي يكبرون ومايلكون سكف يلمهم والعالم شتكول علينه عبن كاعد ابيت اخته ويجد منها
نهايه:شوف يجابر خل ...
يـــتـــــــبــــــــع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!