رواية ثارهم وبنت الفقير الفصل الثالث والخمسون 53 - بقلم الكاتبة ترانيم 🤎

٤٦"

ثـارهم وبنت الـفقير

ضَـرار :
ضميني
مـن الـتعب يمـج

سيرين:
ضمني
ويـطيح كـل الـتعب

سيرين... انه هم اسافر

بدر... واتي وين رايحه

جابر... بويه اتي شكو جايه

سيرين... ماكدر ابقى مكتفه وكاعده رجلي على رجلكم ومترحون الا اني

عاين على ابوي وحجى
زكريا... هاي صدك وكحه

جابر... هههههههه اي بويه التردي يجرالج

كعدت يمهم وانه كلام المره يدك براسي راسلت رؤيا احجي وياها
سيرين... امج شقصدها من كالت راح تتغربين

رؤيا... ليش ؟

سيرين... جاوبي

رؤيا... انتقال,سفر,او كعده بغير بيت

سيرين... قريباً حسافر علمود علاج امي

رؤيا... الله يشافيها

سيرين... احس كلام امج جاي يتحقق وانه خايفه من الجاييني زواج ثاني وبسببي راح يتعذبون اشخاص ماكملت قرايه الكف

رؤيا... بس انتي ماخليتيها تكمل ومأمنتي

سيرين... بس الله يعلم الغيب

رؤيا... انشالله خير

سيرين... حروح بعدين نحجي

رؤيا... الله وياج

سديته منها وكعدت استمعلهم شوي واجى اخوي مُراد
مُراد... سيرين اجت وحده عليج

سيرين... عليه ؟

مُراد... اي تكول اريد اشوفج

سيرين... اخذت شالي طلع زكريا وانه طلعت وراه وكفت بالطارمه ودخلت مياده
من فرحتي ركضتلها وحظنتها حتى نسيت نفسي

مياده... طاك كلبي عليج خايبه

سيرين... يربببي والله مشتاقتلج شلونج

مياده... بخير دامج اتي بخير

سيرين... تعالي ادخلي

مياده... اجيت اسلم عليج ايهاب متانيني

زكريا... خويه فوتي جوا انه حروحن لايهاب

اخذتها ودخلنا جوا الحلو بيها بسرعه تندمج وماتتقيد بشي كعدت وي اهلي سوالف وضحك وهمه مكيفين عليها ومتعجبين احنا ضراير وهيج علاقتنا
خذتها وصعدنا فوك وهيه ماخذها الواهس بالسوالف

مياده... صدك ماكتلج بعد كم يوم حسافر

سيرين... تسافرين ؟

مياده... شمالج علمود شغل ايهاب ناخذلنا مده ونرد

سيرين... وفففف وانه منا علاج امي وماعرف شوكت السفر

مياده... ربج يشافيها

سيرين... تعبت كلبي تعب

مياده... احجيلي

سيرين... شحجي كليلي لاوحده ولاثنين حتى احجيهن انه لحد هسه ماتخطيت موت رباب وانور وامي ااموت هالمره ماتحمل
وضرار بجهه حرت شصرف وشعمل وياه واكعه بين كلبي وعقلي مياده عانيت هواي واريد ارتاح يوم بعد يوم ويطلعلي شي اسواء من القبله
شتحمل بعد

مياده... دامج تحبي ليش ماترديله

سيرين... لاماحبه

مياده... تحبي بس ماتردين تعترفين اعرفنه ااذاج بس هسه حاول يصلح غلطه وعرفه ليش حتى ماتطي فرصه سيرين ضرار يحبج لاضيعينه سنين انه يمه بكل ليله اعاينله يطلع صورتج يصفن عليها ساعات ومرات يغلط باسمج تعودنا نسمع طاريج واحنه مانعرفج

سيرين... ماضجتي ولانقهرتي

مياده... وليش اضوج ها ضرار ماغلط من حبج باول ليله النا وهوه حجالي ماضم عليه انو هوه يحب وحده ماكال ياهي بس عرفت من جابج انتي الي جان يحجي عليها

سيرين... يعني جنتي تدرين ليش ماحجيتي واذا ماهمج ليش اول ماجيت سويتي وياي مشكله

مياده... انه عبالي من راح ابوي يدري متزوج عليه ماجان راح يرضى وانه ضرار كايله
اذا شي يوم تزوجت لوجبت مره عليج ترضين
كبل كتله ارضى

سيرين... كايلج يريد يتزوج ؟

مياده... ضرار من يريد يسوي شي يحسبله الف حساب وانه كلشي صار برضاي اعرفن لوعه كلبه وكلبه ماحب غير سيرين لاضيعي وتاليها تتندمين

سيرين... مسحت دموعي وصرت اشهك

مياده... خايبه لاتبجين حتى لوطولتي هوه مستعد يتانيج كل عمره بس كافي هيج تاناج هواي ليش تعذبي

سيرين... مااعرف شسوي وشصرف

مياده... ربج يحلها

سيرين... ايهاب شلونه وياج

مياده... ماكو منه مدللني وجن عايشه بالجنه ادعيلي الله يرزقني بطفل منه

سيرين... انشالله ويفرحج

مياده... يوم عيد وهيج الله يفرحني ببزره

سيرين... شوكت ترحون

مياده... نهايه الاسبوع

سيرين... اربع ايام

مياده... اي يله خايبه خل اروحن

سيرين... ضلي

مياده... خيتي غير مره اجيج

سيرين... الله وياج

كمنا نزلنا جوا طلع ابوي من الغرفه السبحه بأيده ابتسملنا ورحنا يمه
حضنا اثنينا وحجى

جابر... ها بويه وين رايحه

مياده... هم يالله اروحن وراي الف شغله

جابر... لاتكطعين بجيتج وديربالج على روحج

مياده... فدوه لكلبج

جابر... جا شمالجن متكدرات

دنكت راسها ونزلت دمعتها حضنها ابوي ومسح دمعتها
مياده... ذكرتني بابوي ريته مثل حنيتك

جابر... جا انه هم مثل ابوج بكل وكت انه موجود وكت تحتاجيني لاتستحين ولاتتقيدين اتي حالج حال سيرين مثل بنتي ومعزتها

مياده... الله يحفظك يله انه اروحن

جابر... الله وياج بويه ديربالج على رويحتج

مياده... صار

سيرين... راحت هيه وانه صعدت فوك لزمت كلبي بألم ونغزات تروح وتجي حسيت حيغمى عليه وحيلي مهدود

دك مبايلي كمت جبته ميس تتصل جاوبتها وانه بلكوا اجر النفس
ميس...شبي صوتج

سيرين... ماعرف ختنكت كلش

ميس... علكيفج وي روحج لايصيبج شي

سيرين... رهف شلونها

ميس... زينه ضرار يوديها يم ملك لليل يرجعها لو يجيبها يمنه

سيرين... شلونها بدوني

ميس... كل وكتها دور عليج

سيرين... خليت ايدي على حلكي احبس شهكتي ودموعي مثل الشلال

ميس... ياعيني ليش البجي

سيرين... فدوه بس تشوفيها سمعيني حسها

ميس... صار

سيرين... حروح بعدين نحجي

سديته منها وانه روحي تلوب كمت غسلت يالله شوي ارتاحيت ضليت بالغرفه والتفكير ماخذني وانه مركزه على صوت دقات الساعه
احس وياها ودقاتها تنهش بروحي
خليت ايدي على اذني وكمت شلتها وكسرتها
سيرين... كاااااااافي

شوي والباب تكسر من الدك رحت فتحته ابوي وامي وبدر واكفين
نهايه... شني شصابج

بدر... بيج شي ؟

سيرين... لا بس كسرت الساعه

دخل ابوي وسحبني من ايدي
جابر... بلا امر عليكم عوفونا شوي

عافونا وطلعو اجى سحبتي من ايدي وأشرلي اكعد بصفه رحت نمت وخليت راسي بحظنه
جابر... حبيبه ابوها شصايبها

سيرين... مخنوكه كلش اريد اموت

جابر... الموت موحل بويه واجهي مشاكلج الهروب من الواقع ومن المشاكل الي تمر واجهيها وبيني مده قوتج

اردفت بتعب وغصه
سيرين... بس هالقوه خسرتني نفسي يابه ميته والله كلي شسوي

جابر... تنهد والدمعه بطرف عينه

سيرين... كسرتها لان صوتها يسببلي رهبه وتنهش بروحي جنت ابقى بحدي البيت بكبره بس صوت دقاتها اركز بيه
دقات الساعه
صوت قطرات المي
طكطه الي اسمعها
شلون اتخلص من كل هذا يابه ماجاي اتخطى شي حتى ابدي حياتي لحد هسه موت رباب وانه تخايلها كدامي تختض
وانور وكت وصاني ادير بالي على بنته واخر ضحكه ضحكها وراها يجي خبر موته
يابه شفتهم من دفنوه كدامي انه بحياتي كلها لازايره مستشفى ولامقبره صرت عادي اروح بدون ماخاف وانه الي جنت ابجي اذا نجرحت جرح صغير

احجي والغصه بلعومي خلا أيده على راسي ويردد أيات قرانيه

(هو الذي انزل السكينه في قلوب المؤمنين ليزدادو إيمانا مع ايمانهم ولله جنود السماوات والأرض وكان الله عليما حكيماً )

سيرين... خليت ايدي على كلبي واردد النور جان دائما يكلبي اذا حسيتي بالم بكلبج رددي الى ان يشاء الله وصدك بس اسويها ارتاح شوي

جابر... رددي اسماء الله وسبحي بويه الهن قوه وتأثير الحزن والغم مايفيد بشي

سيرين... شلون

جابر... روحي اتوضي وتعالي

سيرين... كمت توضيت أشارلي عالمصلايه لبست عبايه الصلاه وفرشت المصلايه

جابر... (وَلِلَّهِ الْأَسْمَاءُ الْحُسْنَىٰ فَادْعُوهُ بِهَا)
كل يوم من تبدي نهارج كرري 43 مره يا (أول) بيه اثر كامل

وللخلاص من المصائب بعد كل صلاه رددي 11 مره (يا أحد )
ولدفع الغم والمصائب 86 مره (يابديع) مده اربعين يوم ، ومن أغمه يصلي ركعتين
ويقول(يابديع السمـٰوات والارض)70 مره وبعدين البديع الف مره ثم يتصدق وبأذن الله تقضي حاجته

سيرين... صليت ركعتين وسويت مثل ماكلي ارتاحيت كلش ونفسيتي اتحسنت شوي
هوه يسبح ويردد أيات وانه متوجهه لربي ادعي وابجي
اريد النار الي بكلبي تنطفي وارتاح

جابر... تقبل الله

سيرين... ممم كملي خل اسمعك

جابر... ابتسملي وحجى الحكم 68 مره
اذا نادى  المظلوم في منتصف الليل مكررا "يا حَكَم يا حاكم يا قهار" حكم الله وفصل بينه وبين ظالمه ، و أنكشف الغيب له
وذكر "يا أحكم الحاكمين" ينفع المظلوم كثيرا .

سيرين... ممم انشالله

جابر... يله بويه نكوم بعدين نكمل

سيرين... صار يابه

مر كم يوم مياده سافرت وي ايهاب وضرار اختفى وماكو عنه اي حس لاراسل ولاخابر ايامي تمشي أبطئ من الساعه ماكو شي جديد
غير بس زكريا وابوي يسوون بالجوازات والحجوزات
بدر مافك عني ياخه ومضايقاته كثرت وصارت لاتطاق
سفرتنا تحددت ماكو غير انه وزكريا وابوي امي نسافر

كمت من فراشي وافتر بالغرفه عاينت للساعه
بـ 12:12
رحت فتحت الشباك واعاين بالبستان ماكو احد الشويب كال كليوم تلكيني هناه وينه وعدك
ضليت اعاين والقهر ياكل بكلبي
فجأه ماحس غير ضوا مسلط على عيوني وخرها واعاينله كاعد على طابوكه ضلمه بس اكو اضويه خفيفه رن مبايلي رحت جاوبته
ضرار... بربوكه شعدج كاعده

سيرين... والله وكفت كلبي وهذا شنو الضوى

ضرار... ليزر مال جهال جبته

سيرين... ممم وين جنت مختفي

تنهد وحجى
ضرار... جنت بغداد مازن ال*** هناك لاكفينه وي وحده واهلها هادين عليه

سيرين... وشصار

ضرار... هههههههههههه يردون يزوجها له

سيرين... يستااهل

ضرار... طلع منها عار باجر الكا وي اثنين

سيرين... ايييع شنو هذا

ضرار... عوفج من *** ماشتاكيتيلي بذاته افتح المبايل لارساله ولامكالمه هيج تعاملين زوجج سر سعادتج

سيرين... هههههههههههه لا مشتاكيتلك ولاحسيت بغيابك

ضرار... احلف عليج ليلج ماتنامي بدوني

سيرين... ضرار بعد اسبوع لسفرتنا

ضرار... ترحين؟

سيرين... اي

ضرار... مامعروف جم سنه يطول العلاج

سيرين... ماريد اعوف امي بحدها

ضرار... وانه

سيرين... تنساني

ضرار... لج لاتخليني اشعلج زين مابيها مجال تردين

سيرين... احنا موتطلقنا وانه هسه لازم الزم عده

ضرار... جا ياهو كاضج

سيرين... ماريد ولاالزم عده قابل ارمله واذا اتطلقت شكو بيها

ضرار... ياعرمه وموتيني من هسه

سيرين... هههههه لامتموت

ضرار... سيرين

سيرين... ها

ضرار... تعبت بدونج

سكتت ماجاوبته وبس صوت انفاسنه ينسمع
جر نفس وحاير شيحجي

ضرار... شوكت ترحون

سيرين... الاسبوع الجاي

ضرار... انشالله تردون بالسلامه

سيرين... سداه مني عاينتله موجه نظره عليه اخرها عافني ومشى

ضميت رجليه لصدري ابجي وانحب كتلت روحي بالبجي ومامليت اخرها دزلي رساله فتحتها جان رابط مال اغنيه دخلت عليه شغلتها
وكل كلمه بيها احسها سجاجين وتطعن بكلبي
شغلتها واشهك بالبجي وكلساع ارجع اعيدها

عافني، عافني
بعد ها الصبر اللي صبرته
بعد ها التعب اللي تعبته
صرت ما أعجب حضرته
(عافني، عافني (بعد
بعد ها الليل اللي سهرته
بعد ها الظيم اللي حملته
كالي كل شي انتهى بوقته وعافني
عافني، عافني
جنت أحبه جنت أريده
انطيته كل اللي يريده
كالي فرصة سعيدة وعافني
كنت أحبه كنت أريده
انطيته كل اللي يريده
كالي فرصة سعيدة وعافني

اتصل عليه جاوبته وانه اشهك بالبجي
سيرين... فدوه لاتشلع كلبي

حجى بخيبه وألم
ضرار... صعبه الرجال من يذل روحه على مره ماتريده ولاطايقته
انتي الشلعتي كلبي سنين احلم بيج ردت باي طريقه اجيبنج لحظني ماتتخيلين ليلي من يمر وانه اتخايل طيفج جدامي

سيرين... عووفني كتلك اتعببك فدوه لا تعذبني اكثر

ضرار... انه شبيدي على كلبي ولجج وروح ابوي انه يومي مايمر بخير اذا سمعت صوتج وصورتج اصبح بيها شلون اعوفج وانه سنين صابر عليج

سداه مني وخلاني اجر ونه دموعي ماتوقفت والغصه بكلبي صرت كلساع اعيد بالاغنيه واحبس صوت شهكتي خافن احد يسمعني
نمت بمكاني والدمعه بعيني

الصبح كعدت عيوني مورمه وحمر ،يوم يجر يوم ضرار بعد ماتصل عليه بس كل يوم نفس الساعه اشوفه كاعد بنفس المكان وعاين على شباك غرفتي
كلشي جهز وامورنا ترتبت ماباقي غير يوم لموعد طيارتنا خلصت كل شغلي وصعدت لغرفتي
طلعت جنطه السفر رتبت الملابس والاغراض الاحتاجهن كلشي جهز وعفتها على جهه
اتصلت عليه ميس جاوبتها والكامرا مفتوحه

سيرين... رهف

رهف... ماما

سيرين... يروح ماما حبيبتي شحالج يربي ليش ماغيره

رهف... اجي وياك

سيرين... يروحي ضلي يم البابا

رهف... ماليد

سيرين... حبيبتي فدوه لكلبج لاشلعين كلبي ومن ارجع اجيبلج كومه العاب

شفتها برطمت وسكتت بست الشاشه ودموعي تجري اخذت منها ميس المبايل وتحجي وياي
ميس... هسه ضرار جابها يمنا وكلت اتصل عليج تشوفيها

سيرين... فدوه خلي بالج عليها

ميس... بعيوني

سيرين... ليش هيج ضعفانه خدودها تارسات وجها ماكو

ميس... امي وعمتي نسوان كبار موكل وكتهن يكدرلها ومالكه تعرفيها حايره بروحها وبناتها ودانه ماتكدرلها ماتسكت عدها
وبس ضرار نلتهي بيها يبدلها ويسبحها حتى يوكلها كل وكته وياها ومرات يعوف شغله ويرجعلها يلكاها ميته من البجي

سيرين... سوده عليه وينه هسه هوه

ميس... ماعرف طلع كال من امر اخذها ولحد هسه هوه ماكو

سديته منها وانه القهر ياكل بكلبي دك مبايلي شفته ضرار بسرعه جاوبته
سيرين... وفففف يالشويب

ضرار... وفففف يالفصمه شلاعبه بحالي

سيرين... وين انت

ضرار... طلعيلي

سيرين... رحت فتحت الشباك واكف ويعاين شافتي أشرلي بيده

ضرار... باجر ترحون مو

سيرين... اي

ضرار... يعني هاي هيه

سيرين... شنو

ضرار... اطي فرصه لعلاقتنا لادمريها هيج وداعتج اعوضج عن كلشي وتعرفين انه موبس حجي
لاتخربين حياتنا بهالطريقه وخلينا نبدي من جديد باجر اخر يوم النا مادري اذا راح نرجع نلتقي من جديد لو تردين ومادري جم سنه حضلين غايبه عن عيني
لاتعلكين روحي هيج وتنطي أمل واتي مارايدتنا نستمر

سيرين...  واذا كتلك لا

ضرار... اعوفج وبعد ماضوجج ولاخليج تشوفيني ولاسمعين حسج اذا انتي رايده هيج

سيرين... سكتت مجاوبته وحايره شحجي وشأكول تنهد وحجى

ضرار... عايني عالساعه

سيرين... بـ 12:12

ضرار... وبكل يوم هيج وكت انه احبج

سيرين... تشوف غيري وتنساني

ضرار... انه لواكدر جان من زمان سويتها ماجان هسه كاعد بنص الزرع بس حتى المحج

سيرين... وفففف

ضرار... سلامتج من الاوف بويه

شفته كام نكت ملابسه ومشى
سيرين... وين رايح

ضرار... بالسياره البك اكلني ولج

سيرين... ارجع للبيت

ضرار... لاخليني اشم الهوى التتنفسي باجر اتي رايحه وماخذه كلبي وروحي وياج خليني هاليله اشبع عيني بشوفتج علما الله يفرجها عليه

سيرين... قهرني كلش وحرت وياه من جهه خايفه انطي فرصه واتندم بعدين وجهه خايفه لااخرب البينا بسبب اصراري
واكعه بين نارين وحرت شسوي وشعمل

صعد السياره شغل التبريد ويدور بالاغاني
ضرار... سدي الشباك وامشي نامي بس بقي التيلفون مفتوح

سيرين... ليش

ضرار... سوي مثل ماكتلج

سيرين... سديت الشباك طفيت الاضويه بس ضوى خفيف رحت تمددت والمكالمه مفتوحه

ضرار... راحه ضرار وتعبه سمعيها دام صدك باجر مسافره واخر ليله النا سوا

شغل اغنيه يغني وياها وانه كلبي اشتعلت نيرانه نبره صوته وغصته من يغني وي الاغنيه

ماريد باجر يجي باجر حبيبي يروح
ياربي قبل الصبح موتني واخذ الروح
ماريد اشوف الغالي مني يضيع اكبالي
بوداعة راح انجرح ما عايزه اني جروح

يازمن ارتاحيت سويت الي ردته
الغالي راح يروح هسه ارتاح انت
مو زمن لا تعميني مو راح تاخذ عيني
بوداعة راح انجرح ما عايزه جروح
اليوم اخر يوم وتنتهي العشرة
وسنين حب وياه راح تصير ذكرى
اكيد من ينساني يعشقله واحد ثاني
بوداعه راح انجرح ماعايزه جروح

دفنت راسي بالمخده واسمعله روحي خوت من البجي احس حاى دموعي نشفن

نصاها وحجى وهوه يغني وي الاغنيه
ضرار... ههههههه يابه والله دنياي ماتسوا شي بدونج اسمعي ...
يادنيا ما تسوين مني يروح هو
الهوى من فركاه راح اشتمه كوه
لو راح وماجاني شعندي عايش اني
بوداعه راح انجرح ما عايزه انا جروح

غفيت عالمكالمه ومادري بنفسي الصبح يالله كعدت متأخره كمت غسلت ونزلت جوا
اليوم مشى بسرعه اتصلت بالبنات وودعتهن
مياده لحد هسه مسافره وجنوب حامل
وحالتها كلش متخربطه رتبت اغراضنا وكلشي نحتاجه الاوراق والجوازات

رحت لامي جانت كاعده يم بيبيتي ويمها زينب وليال ومرت عمي حاضنه ليال وتبوس بيها
نهايه... خلوني اكظي ايامي بيناتكم جا انه شعدي رايحه بالغربه

مزاهر... يامره شلج بهالحجي بحيل الله تردين بعافيتج

نهايه... شلون اعوفن وليداتي منو يمهم

دمعه... خيه لايضل بالج انه هناه مثل امهم انشالله تردين بالسلامه

نزلت دموعها وتشهك بالبجي رحت يمها وانه عود اهدي بيها كعدت ايجي وانحب وياها
دخلو اخواني وابوي وعمي وجدي
اجى مراد ومرتضى حضنونا ويهدون بينا

مراد... يمه لاتبجين بحيل الله ترديلنا احسن من هسه ولاتخافين انه ادير بالي على اخوتي حتى تردون

جابر... يامره عدنا اثنين زلم ينشد بيهم الظهر مسحي دموعي وتوكلي على الله

نهايه... والنعم بالله

وهب... جدي شمالج عالاقل شي وبجيتي خليج كويه ومسحي هالدموع تراها تتعبين

سيرين... شسويلهن عالاقل شي ونزلن هالدموع

زكريا... هم يالله نروح الطايره بـ 1

جابر... نتوكل على الله

سيرين... كمت اجر خطواتي ودموعي على خدي كم ساعه وانه اكون بغير بلد
بغربه,غير كاعي,وغير ناسي,ترى شكد راح اضل,وشوكت ارجع

رتبت نفسي واني دموعي ابد مانشفت فتحت كامرا وي البنات كعدنا نسولف يبجن ويودعني وانه اريدلي حجه حتى ابجي لكيتها فرصه
جنوب... احنه هيج وطاك كلبنه عليج مونوب ترحين

ميس... فدوه لاتكطعين بينا ودومج خابرينا

مياده... انشالله تردون بالسلامه وديربالج على رويحتج

غيد... ماعرفتي شوكت تردون

سيرين... حبيباتي ماعرف شلون راح ابعد عنكم وانه يوم اذا ماحجيت وياجن احس ناقصني شي ولحد هسه مانعرف شوكت نرجع ومبين مطولين هالمره

ميس... ربي يشافيها متستاهل

سيرين... وففف انشالله يله حروح

سديته منهن نزلت اغراضي والجنط جوا جانو واكفين منتظرين حتى نروح امشي وعيني بالمبايل لحد هسه ماتصل ولاودعني وين راح ؟

ودعناهم وتاركين ذكرانا بناصريتنا كلش صعبه من تودع اعزاز
ماشين وعايفين اهلنا,وناسنا,وكاعنا
كل واحد دمعته بعينه كلش صعب الوداع شفت امي حضنت اخواني وكعدت تبجي

نهايه... يمه اذا صابني شي ديرو بالكم على اخواتكم ولاتنقصون عليهن شي وخلو عينكم عليهن ولاحد يطلع بليل وكل واحد بيكم يعتمد على روحه وسمعو كلام جدكم فدوه اروحلكم

مرتضى... تردين بخير وسلامه وسيرين وليال لاتخافين ولاتوصين عليهن بروحنا مخليهن

اجى بدر وكف يمي وحضني
بدر... حشتاقلج ديربالج على روحج

سيرين... انشالله

مشينا رحنا بسياره عمو وزكريا هوه واركان راح بسيارته باقي على طيارتنه ثلث ساعات
اول ماوصلنا وماشوف غير ضرار صف بسيارته
سلم عليهم ويحجي وياهم لزمت امي وهمه يمشون قبلنا
رحنا كعدنا وهوه راح مبين عنده معرف من سوالفه وي الامن
ماباوعلي ولاوجهه نظره الي متجاهلني وكأن مموجوده
كعدنا ننتظر اجى هوه وزكريا كعد كدامي وعينه عليه ويخزر بيه

كام من يمنا وصلني اشعار عالمبايل فتحته كاتب
ضرار... اريد احجي وياج

سيرين... ماكدر

ضرار... تفضيها لوشلون

سديته وكمت منهم أشرلي للمكان اروحله رحت على جهه انتضره وجسمي يختض من التوتر
شوي واجى مترهي بمشيته السويج بأيده يفر بيه لابس اسود ورافع شعره لحيته مخففها
والابتسامه مرسومه على ثغره

اجى يمي حضني بقوه لدرجه شوي وحسيته حيدخلني بروحه والعالم تباوع علينه باسني بخفه ووخر

ضرار... هخخ جاي اودع حبيبه روحي صعبه ماعرف شلون راح افاركج وانتي يمي وروحي تلوب عليج مونوب دوله

سيرين... انشالله باقرب وقت ارد

ضرار... احبج وهم كلمه احبج قليله وداعتج انه لحد هسه عايش على حببج

سيرين... وففف يالشويب

عاين لساعته وحجى

ضرار... بـ 12:12

سيرين... كلبي وجعني

ضرار... كلبي تعب من حبج

خليت ايدي على صدره لزم ايدي وباسها
سيرين... سلامتك من التعب

ضرار... لابويه محلا التعب لو منج

سيرين... شنو البيه وهالكد تحبني

ضرار... انه بدونج ولاجن عايش كولي انه شمسوي حتى الله يرزقني بحب وحده مسربته كلبي تسربت

سيرين... هههههه يالمسربت كليبي تسربت

ضرار... اخر مره ولاتنطيني أمل اذا اتي مارايدتنا نستمر

سيرين... شنو !!!

ضرار... تحبيني

سيرين... سكتت ونزلت راسي ماعرفت شجاوبه احس اوضاعي تخربطت

ضرار... لاتفكرين بشي انسي كلشي ،اخذ ايدي وعافها على جهه كلبي ، هالكلب شيريد كليلي انطقيها وريحي كليبي التعب

سيرين... ماعرف يرببي

ضرار... سيرين بدون ضرار مالها حياه
وضرار بدون سيرين ماله وجود

سيرين... حضنته واشهك باليجي حتى نسيت نفسي ونسيت العالم

ضرار... اششش لاتبجين ابويه انتي

اتصل مبايله وجاوبه
ضرار... ها زكريا،اي جايين

سداه وعاينلي
بمجرد ماترحين انه اختفي منا انتظرج علما تردين لو تردين من هالحظه اعوفنج لاشوفج وجهي ولاسمعج حسي دامج ماتردين

سيرين... لاتعوفني

ضرار... تحبيني ؟

سيرين... اي

ضرار... شني

سيرين... اي احبك واريدك

انرسمت ابتسامه على ثغره حضني وباسني من كصتي طول بوسه عاينلي عيونه حمر ورجفه بجسمه لزمت أيده ويتنفس بقوه
ضرار... مستعد اتانيج كل حياتي روحي ورديلي واتذكري بكل لحظه انه بكربج وبكلبج ديربالج على روحج

سيرين... دامها روحك بيه انه حدير بالي عليها
وبهالحظه انه روحي صارت بيك ديربالك على روحي ضرار

ضرار... ابوسها لروحج

سيرين... ممم يله نروح

ضرار... امشينا

لزم أيدي باس الشامه ومشى قبلي رحنا وهمه شافونا استغربو قربنا أشرلي اروح يم امي وهوه راح يمهم رحت كعدت يمها عاينتلي وضحكت
نهايه... ربي يسعدج بكل لحظه محد يستاهل بكد ضرار

سيرين... فدوه ادعيلي ارتاح تعبت كلش اريد الفرح يمرلي واعيش حياتي

نهايه... انه بكل لحظه وبكل صلاه ادعيلج ربج يفرجها عليج

_بقينا منتظرين علما علنو عن اسم طيارتنا مشينا خطواتي تبأطأت وكلبي دكاته صارت مثل الطبول دموعي جرت
درت وجهي وعاينتله أخر نظره
ضحك بوجهي أشر على قلبه ووجه أصبعه عليه
وودعته ومشيت

سيرين... بـ 2017/7/1 انطلقت طيارتنا خارج العراق

وابتدت رحلتنا وي العلاج ,منهاغربه,اشتياق,ودموع,وألم,بوسط بلد غريب وعايفين عراقنا

يـــــتـــبع ....