الواحد والثلاثين
بقلمي_ترانيم هادي ♥️🕊️.
_حبايبي اريدكم تتفاعلون دوسو النجمه وعلقو بين الفقرات حتى القصه تصعد
ومتابعه للحساب ♥️🕊️,
taranim_09
بشائر... حجيه انه ماريدن اضيع وكت واحجيها الج من الاخير اجيت اطلب ايد البنيات لولدي
سلافه... چا احنه عدنا كومه بنات ياهن
بشائر... جنوب وميس لولدي رضوان وانمار
سلافه... كبعي واخذي بس الشور لجدهن واخوانهن
سيرين...
هاي شلون سالفه نوب رضوان وجنوب معقوله يجتمعون هففف يربي ورضوان مالكى غير جنوب هيه تحب غيره وهوه يحب غيرها شلون حيتصافون
_هنه شوي وراحن ابد مافتحنا الموضوع لحد مااجو الولد الحجيه حجتلهم وهمه طبعا ماعارضو
بس ضرار اعاينله وجها نحقن احمر ويزفر بغضب
مبين ماعاجبه الموضوع
عفتهم وصعدت فوك لغرفه البنات لكيتهن كاعدات وساكتات
سيرين... شهل هدوء !!
ميس... تعالي خيه عاينلي لهالبت
سيرين... شبيها
ميس... تريد ترضى بهالزواج وهيه تحب الاغبر
خيه عذريني ادري ابن خالج بس محروك كلبي منه هالخوثه
جنوب... واذا انه هم من حقي ازوج لوحياتي وكفت على ازان
سيرين... وانتي برأيج هالشي صح
جنوب... وشنو الغلط ؟
سيرين... الغلط من جاي تهدمين نفسج بهالزواج جاي تحاولين تبينين نفسج قويه حتى تتخطين ازان وهالشي مولصالحج
جنوب... يصير خير
_عفتهن ورحت احس حتى راسي تعب من لتفكير لكيت ضرار كاعد وبيده الاوراق وفاتح مكالمه
ضرار... ابن المـ*** انه وين الكاه وكت روحتك هسه
هتان... شغلك وذابو كلو براسي عجل المن اطير الك لو لهالط***
ضرار... صيحلياه هذا اليمك
سكت شوي ورجع حجى
مازن... هلا بالضلوع
ضرار... هلا بالـ***
مازن... شمالك شغل شغل رحت للغربيه وماخلصان منك
ضرار... وغصبن عليك كله ضامه الك من ترد
مازن... ولك بالاول خلشوفلي وحده منا يالله ارد
هتان... عجل افتريت على بنوات محافظتي وانت حتى الي بعمر جدتك ارتبطت بيهن
مازن... كلبي ضعيف جدام جنس حواء ومثل ميكولون رفقا بالقوارير
ضرار... خلي القوارير الك يالعار چا ياهي التجي وسميتها قاروره
مازن... مالك شغل بيه وخليك ملتهي بقارورتك
لزم المبايل بعصبيه وعاط
ضرار... وحك علي بس اكضك ا*** واشوفن يا*** يخلصك مني بالعباس اشك*** مرتين اخليك تمشي وت*** يالزفر
_بلكوا كضيت ضحكتي يحجي وينافخ وهمه من صوت ضحكهم حتى ميكدرون يحجون
عاينلي خزرني حتى اوخر
عفته ورحت اخذت دشداشه قصيره جبتهن من بغداد بس بالغرفه البسهن سبحت وطلعت لكيته يرتب بالاوراق
عافهن واخذ ملابسه ومشى اخذت حمره خفيفخ خليتها وكحل
ورشيت عطر فتحت شعري على طوله صاير تعبان
قبل امي جانت كل اسبوعين تخليله حنه من غير الزيوت التجيبهن
شوي وطلع مالابس بس بجامه اجى حضني من ورى وباسني برقبتي
ضرار... شحلاتج
سيرين... شكرا
_تعمدت اكله شكرا ابد ميحب الرسميات بيناتنا
وخر مني اخذ المشط يمشط بشعره
حضنته من ورى وخليت راسي على ظهره
سحبني من ايدي وحضني ريحه عطره اضوج منها وخاصه من يشرب جكاير عطره والجكاير يختلطن سوا
سيرين... هففف
ضرار... شبيج
سيرين... عطرك يخنكني كلش قوي
ضرار... كبل كم يوم غيرته
سيرين... انطيك من العندي
ضرار... اي بويه عادي اخلي عطره نسائي
سيرين... عندي احلى من التجيبهن وياخذنهن البنات يع مشعاجبهن بهالعطور
_حسيت على نفسي شجفصت ردت اغلس وخرني وعاينلي باستغراب
ضرار... كل اسبوع اجيبن العطور وثاني يوم الكاهن ماكو
سيرين بتوتر... ها اي يضيعن يجوز
ضرار... يضيييعن وانه اكولن وين شام العطر التخلي منه مياده اثاري مفتحلي محل مال عطور ومكضياتها يخلن مال رجالي
سيرين... هسه نمونه هوه عطره
ضرار... بربوك اجيبنهن اصبح الصبح ماكو وارجع اجيب وهم يختفن صرت حتى من اطلع ماكو عطر بي خير صرت اخلي العطر بالسياره منجن
سيرين... هههههههههههه جيبه اضمه يمي
_لزمني من خصري غمزلي وابتسم بخبث
ضرار... وين تضمي
سيرين... ممم شكلت على موضوع زواج البنات
ضرار... حاير كلش شلون اطيه ميس وهوه يحب وحده ماكدر اورط اختي وهوه يريد ياخذ حتى ينسا الكبلها
سيرين... ها ميس لرضوان ؟
ضرار... اي وجنوب لانمار
سيرين... وليش مورضوان ياخذ جنوب
ضرار... وشني الفرق ؟؟
سيرين... ها ماكو فرق
ضرار... سيرين اثنينهن بناتي وماممكن اخاطر بوحده بيهن اريدلهن القسمه الزينه وواحد كدها يستاهلهن
سيرين... حرت شجاوبه وانه الاشوي جفصت
دفعته بخفه شمرت شعري ورحت امشي واتموع بمشيتي عبالك واحد سكران
هوه طكها ضحكه وكال
فتـمايـلت عمـداً تريد اثـارتي
واشـتد بي وجـدي وزاد تـعلقي
رحت تغطيت اخذت مبايله فتحته وكعدت اكلب بيه اعرف الرمز ومرات افتحه بدون ميدري وعادي عنده الزمه بس ميقبل ادخل على محادثاته
اجى يمي وخر الغطى سحبني عليه وخلى راسه برقبتي
سيرين... ضُراااار وخر
ضرار... عطرج يغري
سيرين... لا بس انت منحرف يبو النسوان
طكها ضحكه وعاينلي بخزره
ضرار... انه ابو النسوان؟
سيرين... اي دام تكول عطرج يغريني معناها حتى عطر غيري يسويلك اغراء
ضرار... مثل عطرج مايمرلي ولايذوب كليبي
سيرين... بس عطري ؟
ضرار... وخصرج
سيرين... شبيه
ضرار... الغيمه ذابت على الخصر عافت سماها وطاحت على خصرح
سحب المبايل وعافه عالميز لزم ايدي قوى قبضته ثواني واعتلى جسمي وايده حابسه أيدي
سحب الغطى علينه وخلى ...
فاِذا وَقَفتُ اَمامَ
حُسنِها صامِتاً
فَالصَمتُ
في حَرَمِ
الجَمالِ جَمالُ
كَلِماتُنا
في الحُبِ
تَقتُلُ حُبَنا
اِنَّ الحُروفَ
تَموتُ حينَ تُقالُ .
_اندك الباب وخر مني سحبت الغطى وتغطيت راح فتحه
ميس... خويه ماترضى تنام الايمكم
ضرار... روحه لابوها جيبيها
مغطيه راسي واسمعهم حتى ختنكت جوى الغطى سمعت طك الباب وخرته
اجى يمي وخلى رهف بنصنا هوه تمدد وهيه صعدت فوكاه ضمها لصدره وتسولف كلامها ابد ممفهوم
رهف... افه كه اكم
ضرار... انه اله ابن العار
سيرين... شكالت
ضرار... ادم طاك نفاختها
سيرين... هههههههههههه وشلون تفهم
ضحكت سحبها وباسها بقوه
ضرار... متعود عليها
رهف... اف اقك ( اطكك)
ضرار... انعم الله عليج
شمرت نفسها عليه وخرتها ضاجت ضرار طكها ضحكه ولزمها يبوس بيها
ضرار... بويه ليش ماتلبسيلج شي
سيرين... ها
احس صخنت من الفشله كام هوه وشال رهف
ضرار... اروحن اشتريلها محتاجه شي
سيرين... وين اكو محل مفتح هسه
ضرار... لا اكو
سيرين... جيبلي ابو الحلوك
ضرار... صار
راح هوه وياها وانه كمت بدلت ورتبت الغرفه وعطرتها
اخذت مبايله اريد اتصل على اهلي ومتردده سجلت الرقم وتصلت محد يجاوب اكيد نايمين
بهيج وقت حذفت المكالمه
وهوه شوي واجى
كمت مثل الطفل اخذت منه العلاكه جايب ثلث علاليك عاف رهف عالجربايه وطشرت الحلويات
ضرار... ديربالج لاتوكع بس اوديهن وارد
سيرين... المن !!
ضرار... للبنات ومياده
_هزيتله راسي وراح احلى شي ميفرق بيناتنا ابد واذا جاب شغله لازم كلنا يجيبلنا ومينسانا
شوي واجى اتمدد ومبايله بيده يكلب
سيرين... ليش متاكل
ضرار... ماحبن هالسوالف مشلون تاكلنهن
سيرين... هاك ضوك
مانطيته مجال يجاوب عفت الككو بحلكه ورهف تضحك
ضرار... خرب بليسج
سيرين... هههههههههههه طيب
ضرار... بناتي خلصن وكومن نامن
_كعدنا ناكل اخر شي تعاركنه اني ورهف عالككو هيه تريده واني اريده اخرها ضرار اخذه من عدنا
وكعد ياكل بيه
كامت رهف عود تريد تنتقم منه عضته بأيده
سيرين... انه ردته
رهف... ثينه اكه اقج ( سيرينه الوكحه اطكج)
سيرين... بعد ماحجي وياج اشوف منو يوكلج
جاوبتني متعصبه حواجبها معكوده والكوو مدمر حلكها
رهف... اعفج ابه ( بابا يعظج )
سيرين... تخوفيني بالشويب
ضرار... ن*** بالشويب اعلمنج الشويب شيسوي
سيرين... ااوي اشاقه شبيك مشوفها شلون صايره وكحه ولسان
ضرار... بويه شمالجن تتمالخن
سيرين بزعل... اخذت مني الككو
ضرار... ههههههههااي طفله
_ضلينا متزاعلين علما ضرار صالحنا عبالك ضراير ابد مايجينا نوم ضرار غفى وبقينا اني ورهف كاعدين
شلتها غسلتلها ورجعت تمددت خليتها بنصنا وتسولف طلاسم مدري شنو
اندار علينه ضرار حضنا اثنينا يالله نمنا
ضرار... يله نامن بناتي كافيجن سـهر
سيرين...
لثاني يوم العصر جنى كاعدين ودخلو الولد وجوهم متتفسر من العصبيه
وخاصه ضرار ورضوان اتبعهم الحجي كلهم راحو للاستقبال واصواتهم علت
كمت للمطبخ اسوي جاي وبالي يمهم نزلت مياده وراحت تشوف شكو
شوي واجتني تعوج بحلكها
سيرين... احجي شصاير
مياده... خايبه رضوان وضرار متحاجين
سيرين... لطمت على صدري ، يايمه ليش
مياده... مادري بس العرفته ضرار مايرضى يزوج ميس لرضوان وسالفه منا ومنا متعاركين وهسه الحجي جاي يحجي وياهم
سيرين... إنشاءالله خير
مياده... خيه شماله وجهج اصفر عادي يتحاجون ويردون هسه تشوفيهم شوي يشاقون سوا
_ اصواتهم علت وضرار على نفس قراره مايقبل يطي ميس ورضوان معاند ادخل جدي وخوالي
وهوه على قراره اعرفه يخاف عليها ومايريدها تعاني بهالزواج هوه يحب وحده وكلبه مويمها اذا ازوجو ماكو غير ميس الراح تتأذى
ضرار... لااااتلح كتلك مالك مره يمي
ذاكر... استهدو بالرحمن واته بويه فهمنا ليش ماتطي البت چا شايفه علينه وهيج معاند
ضرار... عمي انت على عيني وراسي بس اختي ماطيها لرضوان وانه كتله وفهمته
رضوان... اعرفن ليش هيج مصر وانه جدام الكل احلفلك اختك مايمسها ضرر بيوم وحطها بعيني ماممكن اقصر وياها دامها حرمتي
حيدري... لاتهمبل بعدها ماصارت مرتك
رضوان... خزره مكدر يحجي شي وهمه كلهم كاعدين
_من بعد حجي الحجي واصرارهم ضرار قبل وحلف رضوان اذا شي يوم اجته زعلانه ماتضل بينهم كلمه ولاتضل اله حرمه
وصدك ضرار حجى وي جنوب وميس وهنه وافقن من البدايه هالزواج موناجح راح تتدمر حياه اربع اشخاص رضوان وميس وجنوب وانمار
_ورى كم يوم حددو المشيه انه ومياده اعتنينا بكلشي وبمساعده البنات كلشي جان علينه
والحجي الي ابد ميخلص والكلام الي يسم بس ابد ماهتميت وخاصه ضرار هالفتره متوتر ويطب ويطلع هوه عصبي
ويمكن هوه اكثر واحد فرحان بالبنات
تمنيت لو هالفرحه من نصيبي والله موحسد ولاحاطه عيني بالعكس فرحانه الهن
بس انه هم حالي حال اي بنت تتمنى تجهز لمشيتها وخطبتها وحتى عرسها
انه هالفرحه نحرمت منها لا انه الي فرحت ولااهلي الي فرحو بيه ...
طول الفتره المرت وانه علاقتي سيئه وي ضرار ابد ماطيقه وكأن كلشي سوا بيه
جاي يتجدد بروحي بشوفته وهوه فرحان لجنوب وميس حرم ابوي من انو يفرح لبنته الوحيده
بسببه نحرمت من اني اختار شريكي والحياه الاريدها وحتى من اهلي حرمني ماعشت فرحتي مثل البنات ...
غيد...
طول الفتره المرت بسول ابد ماجى بعد بس من اصعد فوك السطح مرات الكاه واكف بسيارته
حرت افسر حالته واعرفه موبسهوله يعوفني
_اليوم خطبه جنوب وميس كعدت حضرت نفسي خابرت ضرار هوه يجينا
الحجيه... يمه غيد امشي فتحي الباب
غيد... اي رايحه
_رحت خليت الشال على راسي وطكيتها ركضه فتحته جان بسول واكف وعاكد حواجبه
بسول... سلام عليكم
غيد... وعليكم السلام وين ضرار
بسول... عده شغل انه اجيت اخذجن
غيد... ميحتاج احنه نروح الله وياك
_ردت اسد الباب دفعه وخزرني
بسول... وعلي اذا ماجيتي هسه وياي اعرفن شلون اخذج
_طلعت امي من جوى ماكدرت ارفض كدامها رحت واني مبوزه
واصلا همه ميبعدون مسافه بعيده علينه
اول ماوصلنى طبكت الباب بقوه ونزلت وهوه بس يخزر بيه
شفت ضرار واكف رحتله حضنته دومه يكلي حرام وميصير بس متعوده عليه مثل ابوي
دخلت جوى كومه نسوان امي راحت وي العجايز وانه رحت ادور على سيرين ماعرف ولاوحده بيهن
غيد... سيييرينه
سيرين... هههههاي يهلا شهل غيبه
غيد... خايبه دوخري لعد ليش ماتجين
سيرين... ابد مالي مجال وهالكم يوم حيلي مهدود مكضيتها وي البنات وخمول وتعب ابد ميفاركني ماعرف شبيه
غيد... خايبه وجهج مصفر وضعفانه شني سالفتج
سيرين... هففف ماعرف شبيه تعالي امشينا يم مياده
غيد... يم ضرتج !!
سيرين... هههههه واختي
غيد... والله خوش اول مره اشوفن ضراير متصاحبات جان هسه انتن من الشعافي كل يوم
سيرين... ههههههههاااي لاعيني مابينا هيج شي
_خلصنا من التنظيف والغسل وانه حيلي مهدود وظهري احسه صاير نصين عفتهم وصعد فوك للغرفه وبلكوا اجر نفسي
حالتي تخربطت كلش لعبان نفس وخمول والالم بظهري مينحمل
اخذت ملابس ورحت سبحت وطلعت تمددت عالجربايه وماحس بروحي غير واني غافيه
_ لمساته الخشنه تتفحص معالمي وانفاسه تتوزع على رقبتي
ضرار... هخخ ياراحتي وتعبي
فتحت عيني جان حاضني وجها بوجهي
سيرين... ضُرار
ضرار... شَمـع كـلبي
سيرين... شنو يعـني !!
تنـهد وحجى
ضرار... شايفه الشموع من واحد يشغلها شلون تعدل المزاج وتخفف التوتر الها أجواء مميزة، إضاءة الشموع ووميضها وريحتها يخفف من توتر خلال اليوم
انتي هيجي مضويه كلبي بهالوميض الخفيف
عكد ماكو تعبان بس الكا راحتي يمج
مجرد ماشوفج كل ألهم الي بكلبي يتلاشا
سكتت ماعرفت شجاوبه ضل يعاين عليه واكلني بنظراته باسني بوسه خفيفه على شفايفي وحجى
ضرار... راح يجون العالم وانتي بعدج
سيرين... نزيت من مكاني ولزمني حتى نسيت الخطبه، يربببي
ضرار... أبويه انتي على كيفج
سيرين... هففف شلون غفيت والشغل بعده مكامل
سحبني عليه وحضني
ضرار... على كيفج وي روحج موبس انتي بالبيت
سيرين... عوووفني
ضرار... احجيلي ؟
سيرين... شحجي !!
ضرار... شنو المضيك خلكج
سيرين... هو كال هيج وكلبي نبض بقوه من القهر ضليت ابجي بدون صوت وهوه يمسد على راسي وخرت منه وعيوني غوشت من الدموع
ضرار... مسحي دموعج موحركتيني بيهن
سيرين... عساك بنار جهنم موبدموعي
ضرار... عمي انه رجال يصلي ويصوم شسوي بجهنم
سيرين... والله اصلا جهنم قليله عليك
ضرار... عود ربي يحاسبني لاصيرين سيد براسي
سيرين... وخرت منه ردت اكوم ورجع سحبني
ضرار... احجيلي شمالج ؟
سيرين... مابيه شي بس نفسيتي خربانه ماعرف ليش
ضرار... هسه نصلحها وبعد
سيرين... ومشتاقه لاهلي
ضرار... عود اخليج تحجين وياهم
سيرين... بعد شهرين ويصير سنه مشايفتهم
ضرار... بعد شهرين ويصير سنه على زواجنا
سيرين... زواجه الكشره
_لزمني من ايدي وعصرها عكد حواجبه بعصبيه
ضرار... كومي احسلج لاابتلي بيج ماااترتاحين الاجفصين
سيرين... كمت منه اخذت ملابس ورحت سبحت خلصت وكعدت اشسور شعري روحي طلعت يالله كمل كام هوه
سبح وبدل لبس دشداشه وغتره المحبس والسبحه بلونهن
ضرار... عينج وييين
سيرين... عليك
ضرار... سحبني من ايدي وباسني بقوه، لاتتحارشين
سيرين... اااااوي وخر يالشويب
ضرار... هخخخ يالوكحه
سيرين... ههههههه وخررر مني
ضرار... بعدين حسابج انه الج
سيرين... وشمسويه ااانه ها ومتخوفني ترى
ضرار... اعرفنج عرمه وصلفه شيخوفج چا
سيرين... مايخوفني شي
غمزلي وعظ شفته
ضرار... الواوي يخوفج
سيرين... شنو
ضرار... ههههههههااااي
سيرين... لاتتتضحك
ضرار... اي بويه سكتيني بوسه
سيرين... ماا عوفني تأخرت
ضرار... بويه لبسي مستور ولاطلعين معالمج مابيه حيل وداعتج حيلي مهدود
سيرين... ممم ماشي حلبس شي بسيط
ضرار... اي بسيط وهسه يطلع حتى ط*** حاصرته
سيرين... لاتتفشر يررربي شنو هذا لسانك
ضرار... انه شوكت مفشر ؟
سيرين... ابد انه جاي اتوهم
باسني من شفتي وخر
ضرار... يله بويه حروحن
سيرين... الله وياك
_راح هوه وانه كعدت اجهز بنفسي لبست فستان طوله مناسب موكلش طويله وبيه اكمام تول
مستور ووياه كعب شفاف وبيه ورده بلون الفستان كلش حلو
شعري سويته تسريحه بسيطه هوه طويل كلش يتعب لفيته بطريقه راخيه من ورى وطلعت كذلتي على كولت العجايز عطوب
مكيجت مكياج خفيف بس حمره طوخ
خلصت ونزلت جوى كلهن جانن كاعدات رحت للصاله تلكتني رهف
سيرين... اوي فدوه اروح انه لبنتي شهل جمال ها
عوجت حلكها وحجت
دنانير... غدددي شوكت صارت بتج
سلافه... مالج شغل يالعكربه
دنانير... حجيه شبيج شحجيت
سلافه... وشبه بضلوعج چا اتي شكو جايه ماتولين تحضرين خطبه ابن اخيج جايتنا شكو
دنانير... خيرج حجيه طرديني
سيرين...
عفتهن ومشيت مالي خلك مشاكل وحجي رحت يم غيد ومياده كاعدات ويسولفن
شوي وكالو اجن البنات الكوشه سبق وحظرناها وكلشي كامل ومجهز احس انه العروس ومتوتره
ومغص بمعدتي يروح ويجي حالتي كلش مخربطه ماعرف شبيه
اعاينلهن مثل الاميرات طالعات يخبلن ميس تضحك والفرحه باينه بعيونها عرفتها تحب رضوان ورايدته
اما جنوب الفرحه طافيه والحزن محتل ملامحها
الاغاني والهوسات بدت انه واكفه على جهه واحس بلكوا واكفه على حيلي
كعدت بالكاع ورهف يمي تفر بشعرها وتصفك
شوي وكالو راح يدخلو يلبسون الحلقات خليت الشال على راسي وانه اصلا محد يشوفني كاعده
خلصو المراسيم المعتاده لليل كلها راحت نظفنا البيت ورتبناه
ونزلن البنات ووراهن مياده بيدها البدلات
مياده... تعالن خايبات خلنه نحتفل اشفنا احنا
ميس... اوكفن خل اجيب الديجي
رحنا للاستقبال عمتي بديعه وبدور والحجيه وسلافه كاعدات الولد كلهم برى
راحت ميس جابت الديجي واجت طكيتها ركضه للغرفه جبت مبايل ضرار مودائما يستخدمه مخلي بس للضروره اخذته ونزلت جوى
لبسنا البدلات انه ومياده حلينه شعرنا والديجي شغلنا
البدله تخبل عليه طلعت جان لونها زيتوني ورهف حبيبتي تركص وياهن نطيت المبايل لرباب تصور مالكه كاعده وتعوج بحلكها معاجبها شي
لبستها فرحانه بيها واركص ماخذنا الواهس انه ومياده هيه من حماسها ضلت تهلهل وتهوس عبالك عرسها
سلافه... احنه الشوبشنه عليها وهيه صغيرونه
(يعني تم الحفظ تم الحجز بنجاح)!!!هههه
وكفت مياده تهلهل وتطك اصبع
مياده... والله لعوف المؤمنه وبعرسك اصير مسودنه
كامت كابلتها غيد وميس
غيد... جبنالك صخله تسرح بيها
بس كون الصخله تداريها
سيرين... هههههههههههه
_نداريت واشوفن ضرار واكف ويضحك شفته واوضاعي تخربطت كمت اشيل بالبدله واحير وي اوديها
اجى علينه لزمني من خصري وباسني بكصتي ومياده ولاجنها مستمره تركص لزمها ضرار وتضحك
ضرار... افا نسواني شطالعات
مياده... دخل نعيد العرس وعرس علينه ثنينا
بديعه... اي يمه خوش فكره
ضرار... هههههااي خوش
سيرين... من المستحه الحراره صارت تطلع من اذني مدري شبيه
ضرار... يله بويه خلصن خافن يجون الولد انه صاعد
سيرين... عافنا وصعد ضليت اطكطك صور بالمبايل نزعنا البدلات
ولبسنهن غيد وميس وحتى رباب لبستها
لنص الليل اجو الولد وكلوحده صعدت لغرفتها
_مـر كم يوم والبنات يجهزن وانه حالتي مثل ماهيه كلمالها تتراجع
جنوب قفلت على نفسها وحتى ويانه صارت متكعد وبلحظه تندمت لان وافقت على هالزواج
ميس حالتها مواقل وهيه تشوف مجافا رضوان وهوه يتجاهلها وحتى ميسأل عليها
علاقتي وي ضرار زينه كلش وماكو اي مشاكل بينا وحتى لونتحاجه اضل مطنبه عليه علما يصالحني حتى لواني غلطانه
مياده علاقتها مستمره وي ايهاب ويوم بعد يوم اخاف من علاقتها وخاصه بنص الليل من تنزل كلبي يوكع من مكانه
وانه اوكف واراقبلها ومرات مانزل وياها خاف ضرار يكعد وروحي تضل تلوب على ساعه احد يلكفها
اليوم الي من صدك تدمرت وبدى خراب حياتها وانه وياها
سيرين...
بيوم جنت واكفه بالمطبخ وامسح بالكاونتر كلها بغرفها ودنيا ظهريه شمس تسمط
نزلت مياده من فوك تتلفت وعيونها حمر
مياده... سيرينه
سيرين... ها
مياده... اريدن اخابر
سيرين... عفييه مووكتها وضرار موجود على ساعه ينزل
مياده... لاتخافين يجي من الشغل تعبان وبساع ينام
سيرين... هففف والله كلبي ممرتاح
مياده... وجج هسه بسرعه لاتخافين بس عاينيلي
سيرين... صبري خل اشوف ضرار واجي
_رحت صعدت للغرفه فتحت الباب على كيف لكيته نايم هوه ورهف عفتهم ونزلت جوى
راحت مياده للحمام البرى تخابر وانه كلبي بيدي خاف احد يطلع ويسمعها ضليت انتضرها
وبلكوا واكفه على حيلي اطرافي جمدت وكلبي يدك سريع وكأن حاسه حيصير شي
ضليت واكفه شوي
انداريت واشوف ضرار واكف وراي ....
(توقعاتكم للبارت الجاي 🌚🔥)
_ يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!