الثاني والثلاثين
بقلمي_ترانيم هادي ♥️🕊️.
_حبايبي اريدكم تتفاعلون دوسو النجمه وعلقو بين الفقرات حتى القصه تصعد
ومتابعه للحساب ♥️🕊️,
taranim_09
انداريت واشوفف ضرار واكف وراي من الخوف شهكت باعلى صوت وايدي على كلبي
واكفه وعاكد حواجبه خزرني بعيونه و أشرلي بأيده اسكت واني من الخوف والرهبه حتى صوتي راح
اتخطاني ومشى لزمت يده الباب استند عليها روحي بادت ورجفه بجسمي
راح وكف يم الباب وانه ماضل دعاء ماكلته شوي وطلعت مياده ولكته كدامها
بسرعه فزت ولونها نخطف وجها صار اصفر المبايل بيده ومتصنمه بمكانها
ضرار... جاي سون اثنينجن ؟
_ماجاوبته سحب منها المبايل رادت تاخذه وضربها كف
لزمه ويكلب بيه ماعرف على منو اتصل وسداه عرفته اتصل على ايهاب وكف شوي يكلب بالمبايل وعصبيته تزيد ودماراته تبين
مياده... ضـ
_ قبل لاتكمل ضربها كف قوي لدرجه اختل توازنها لزمها من ايدهاوسحبها
وانه متصنمه بمكاني
ضليت اكرص بايدي بلكي يطلع حلم احس حتى الدم جمد ماجاي يجري بجسمي
سحبها من ايدها دفعني حتى اوخر وانه رحت وراه
سيرين... فدووه بس اوكف
ضرار... اششش ماهيس حسجن انه اعلمج انتي وياها
سيرين... ضراااار لاتتهور بس خل احجي
ضرار... وخررررري كلتتتتتتت
_على صوته كلهم طلعو نزل عزام وبسول من فوك
بسول... خير شصاير
ضرار... لاحد يدخل
_سحب مياده وصعد فوك
سيرين... خويه فدوه روحلهه لاياذيها
عزام... شنهي السوته
سيرين... م ماعرف
حطام... امشو لاخيكم لايموت البت
_صعدو فوك وانه رحت وراهم كسروو الباب مايفتحه نوب لاحس ولاصوت
علما فتح الباب عيونه بكصته ودماراته باينه شرايين ايده بارزه ويعيط حتى يرحون
بسول... خويهه وينها البت
ضرار... امشششي منا
عزام... عوفك من العصبيه وتعال ويانه
ضرار... كلتتتت امشووو منا
بسول... بروح ابوك لاتاذيها وفهمنا شصاير
ضرار... خرب بالمـ*** مااااسويلهااا شييي مرررتي لااااحد يدخل اااامشو كلتتت
_شافو عصبي وابد ميتحاجه عافو ونزلو ضليت متصنمه بمكاني عاينلي وبتسم تك خد
ضرار... هينه انه الجـن
سيرين... بس اسمعني
_اجى خنكني وطبكني وي الحايط
ضرار... اشششش
_شهكت بالبجي لزمت ايده بتوسل وبلكوا حجيت
سيرين... الله يخليك لاسويلها شي افهم منها واتصرف
ضرار... سيرييين وحك علي اذا مارحتي منا اذبحجن ثنينجن واخلص من عارجن
_عاط باعلى صوته عافني ورجع للغرفه ركضت وراه دفعني وسد الباب
كعدت بالكاع اشهك وابجي شراح يسويلها
اجن جنوب وميس يمي يهدن بيه يردن يعرف الصاير وانه الكلام مايطلع من ثغري
جنوب... فدوه كافي بجي ولج راح تموتين
ميس... ساعديني خل نكومها
جنوب...
كومناها انه وميس ووديناها للغرفه اعاينلها وجها صار ازرق على اصفر وكل جسمها يختض
اطرافها تشنجت وتتنفس بسرعه
ولججج راح تمووت امشي صيحي احد
ميس... ماسمعتي الصياح الصار جوى وضرار من جهه وسيرين من جهه
جنوب... امشي جيبي مي وذبي عليها
_طليت ادلك بايديها ورجليها وهيه بس تهذي وفاقده
جنوب... ضلي يمها هسه اجي
_كمت حتى اروح ودخل ضرار للغرفه وجها مدخن من العصبيه وعيونه حمر
نتر بحده وعصبيه
ضرار... لاااااااحد تطلع ضلن هناه مهما يصير
جنوب... سيرين
ضرار... شكلتتتت
جنوب... اي صار
سد الباب وراح واحنى كعدنا وحده مكابله الثانيه وسيرين نامت مدري اغمى عليها
سيرين...
الدنيا اظلمت بعيني اعاين لايدي تشنجت والكلام ميطلع من ثغري احوالي تخربطت والمغص بطني ابد ماينحمل
فتحت عيني بلكوا وريكي يابس واطرافي ماحس بيها
سيرين... ضراار
ميس... يمعوده شلج بضرار لايجي يحركنا
_كمت على حيلي اريد استوعب الوضع الا اني بيه خمول ودوخه ولعبان نفس
كمت رحت للحمام اريد اتقيأ مكدر وروحي طلعت
خليت اصبعي بحلكي يالله كدرت اتقيأ روحي ضلت تنازع
اجن البنات يغسللي ويذبن مي بس انه مويمهن اريد استوعب حالي
جنوب... يمههه دم
ميس... بس لاارتفع ضغطها
جنوب... تعالي امشي
سيرين... مااريد
جنوب... بله عناد وتعالي شوفي حالج
_اخذني كعدني ويحجن وياي انه فاصله عن العالم وبالي بس يم مياده
عشت وي ضرار وعرفته اسلوبه كلش زين من يعصب يفقد ومايدري بروحه والسوته اكيد مراح يعدي على خير
هاي اذا ماماتت جوا ايده من الضرب
مر ابالي شلون حبسني بالحمام اول ماجابني والضرب الاخذه منه كلما يعصب
تعجبت على حالي شلون عشت من بعد السواه بيه
سيرين... لكاها تحجي وي حبيبها
لطمت على صدرها وحجت
جنوب... فلك صااابج
ميس... هيه هاي هم عمله تسويها
جنوب... وروح ابوي الايندمها وهاي اذا ماميته هسه لاحس ولانفس سمعنا منها
سيرين... اريد اروح اشوفه شسوالها
ميس... خيه كعدي اتي ماشفتي شحاله دخان ويطلع من خشمه
_ ومانحس غير صوت عياط مياده فززنا سديت اذني واشهك بالبجي
سيرين... عووووفها الله لااينطيك مالها ذنب
جنوب... وينهم الولد راحو
سيرين... حيموتها حتموت بيده يرربي سااعدها والله مالها ذنب
_كمت عفتهن ورحت لغرفه مياده ادك بالباب ميفتحه بحيث حتى ايدي حسيتها نكسرت من الدك
وصوتها يرج بأذني
سيرين... الله يخللليك عووووفها عاااقبني بدالها بس لاتأذيها
افففتححح كاااافي وخر منها لاااتضرب
_كعدت بالكاع ادك والطم وصوتها يرن بأذني ماعافها ابد
كمت طكيتها ركضه ليجوى الغرفه بالطابق الثالث اكيد مايسمعون وهمه جوا حتى نسيت حالي ونفسي نزلتلهم بدون شال
جانو كاعدين بالاستقبال همه شافوني دارو وجهم رحت للحجي ولزمته اتوسل بيه
سيرين... فدوه سااعد مياده حتموت بيده
حطام... شنهي شصاير
سيرين... م ماعرف بس موتها بالضرب الله يخليك شوفه هوه يسمع منك
_همه سمعو هيج والولد طكوها ركضه ليفوك الحجي ميكدر يصعد من رجليه توجعه
اخذ عوجيته وبلكوا صعد فوك
_صعدت وراهم جانو يدكون عالباب وهوه ابد مايفتحه
اخرها بسول وعزام كسرو يالله انفتح
امشي واتكئ على محجر الدرج رجليه ماتعيني عالمشي وروحي خوت من البجي
وكعت على ركبي بالكاع والنفس ضاك عليه عفت المحجر اعاين لايدي متشنجه
ردت اعيط لوصوتي يطلع مكدرت
اخر شي شفته قطرات الدم الوكعت بالكاع ومحسيت بشي غير بس الظلام
_ماكعدت غير على الم بمعدتي سجاجين وتنغرس بيه فتحت عيني
محد بالغرفه بس اني استوعبت تركيزي بس مكدر اكوم احس جسمي مبنج
ضليت على نفس الكعده وعيوني مركزتها بسقف الغرفه
وصوت دق الساعه
وصوت قطرات المي من الحنفيه
كل تركيزي صار وياهن كلشي جاي يسببلي رهبه وازعاج وقلق
كمت بسرعه رحت جريت الكرسي صعدت جبت الساعه وكسرتها
سيرين... كااااافي كااااافي جاااااي اااموت
_دخل ضرار للغرفه ووراه جنوب اجى عليه لزمني من ايدي ويعاينلي بغضب
ضرار... شببببيج تخبلتي
سيرين... نترت ايده ودفعته،ااااي تخبلتتتت خلااااص تخبلتتتتت حل عني وعووفني جاااي اااموت من وراك الله يخلصني منننننك
مااااكو وحده بينا مرتاح من ورااااك
انت بس تدخل لحياااه شخص تدمره عالاخر بسببك هيه وصلت هالحاله وخليتها تخوووونك
لو مانت جان هسه هيه وي الاتريده بسببك بسببك الدمار الي صاار بحياتنا
_مااحس غير دار وجهي بكف حتى صار صدى بأذني بساعه غضب قسيت وياه بالكلام
عافنا وطلع من الغرفه اجت جنوب سحبتني من ايدي وكعدتني راحت جابتلي مي وكعدت يمي
جنوب... ضرار شنو ذنبه وي مياده ؟
سيرين... شنو ؟
جنوب... اي شخص بمكانه ويشوف مرته تخابر وتصور وي واحد وهيه على ذمته رده فعله حتكون اقوى من السواه ضرار
هوه بس حبسها وحتى لوضربها هيه بالسوته جان لازم تحسب حساب لكلشي قبل لاتستمر بعلاقه مامعروفه نهايتها
سيرين... بس هوه يحبها وجان رايدها لوماضرار مجان صار هيج
جنوب... وهسه هيه مزوجه يعني تردي يجي ويطلب ايدها من ضرار ؟
_عجزت اجاوبها كل كلامها صح كمت رحت لغرفه مياده جانت مقفوله
سيرين... دكيت الباب اكثر من مره،ميااده
شوي واجاني صوتها تشهك بالبجي
مياده... سيرينه
سيرين... ش شسوااالج اذاج مو
مياده... لاتخافين السوا شي قليله انه توقعت رده فعله اقوى
سيرين... ضربج مو ؟
مياده... الله كريم
سيرين... كسر بأيده
مياده... خييه عذريني دخلتج وياي ورطت روحي وورطتج وياي
سيرين... لاتحجين هيج دامج مثل اختي كلشي اسوي قليل
شهكت بالبجي وحجت
مياده... فدوه لكلبج احن عليه حتى من امي
روحي منا كبل لايجي وصير مشكله ثانيه
سيرين ببجي... ماروح علما اطلعج اصبري هسه اجي
جنوب... سيرين كاافي امشي لايجي ضرار
عفتها ومشيت رحت اخذت مفتاح غرفتي ورجعت اجربه على قفل بابها ميصير رحت اخذت مفتاح غرفه جنوب وميس هم مصار
ايست من الوضع الااني بيه ورجعت للغرفه وجنوب كل وقتها يمي
حتى مانزلت جوا وكلشوي اروح وارد لغرفه مياده
لليل اني على نفس الكعده وماتحركت من مكاني اروح وارد بالغرفه
دخل للغرفه حتى ماعاينلي عاف اغراضه عالميز راح نزع ملابسه ومشى يسبح
كمت بسرعه ادور بين اغراضه على مفتاح الغرفه مالكيته رحت دورت ملابسه
طلع من الحمام وشافني ضحك تك حاجب وتخطاني
سيرين... ضرااار _ مووواحجي لاتتجاهلني
مشى تغطى ونام خلى ايده على عيونه رحت وكفت على راسه احجي وياه ميجاوبني
خلاني اشيل نفسي واركعها بالكاع كلشي ولايتجاهلني ويحسسني وكأن انه مرئيه
ضربت المزهريه بأيدي وكعت وتكسرت وماحس غير كام وخنكني
ضرار... لاتلحين خرب الجابج ااامشي ولي نااااامي
سيرين... موووقبل ماااتفهمني شسويت بمياااده وليش حابسها
_لزم حلكي وفركه حتى حسيت بطعم الدم
ضرار... لحد هسه مامسويلها شي بس هينه وروح ابوي اندمجن واحسب الله ماخلق وحده بيجن
دفعني ورجع نام كعدت بالكاع ابجي وانحب وهوه ولاهمه نايم ومرتاح
ضرار... وتالي وياج ؟
جاوبته وانه ابجي واشهك
سيرين... عاقبني بس لاتسويلها شي والله موذنبها والله نجبرت لاتعاقبها على غلط هيه نجبرت تسويه
ضرار... اي انه كلتها روحي خابري وتمعشكي
كام اجى عليه ولزمني من اذني
ضرار... ولججج سنين انه استخطي اغلاطها وتجاوزها ماقصرت وياها بشي وكلشي تريده اجيبه كبل لاتطلبهه
ولللج انههه مااحبيتها بس ماقصرت وياها بشي وعتبرتها مرتي دام هيه محسوبه عليه
تروحح تعشك بظهري وهيه على ذمتي شتردين اسوي هااااا شسوووي
سيرين... ماجاوبته وبس اشهك بالبجي كلامه صح بس حايره شسوي وشلون اساعدها
عافني ورد طفى الضوى ونام وانه ضليت بمكاني على فرد كعده علما غفيت بمكاني بوضعيه الجنين
_كعدت الصبح على نفس نومتي شكد حقير وقاسي كمت غسلت اخذت شالي ردت اطلع
لكيت الباب مقفول
ضليت ادك ماكو احد علما تعبت ورحت كعدت ساعات اني على هالحال لااحد اجى ولااحد شافني
روحي ضلت تلوب والمغص ابد ماينحمل رحت اخذت ملابس حتى اسبح
جسمي مكسر والالم كلماله يقوى شفت قطرات دم تنزل
سيرين... الشهريه خرب بحظي كملت
_خلصت وطلعت لكيت ضرار كاعد حتى ماسمعت صوته
صافن عالفراغ وعاقد حواجبه ودماراته باينه
خفت اتقرب منه ويجيبني بضربه ينسيني حليب امي
ردت ارد للحمام وصاحني
ضرار... ويييين !!؟
سيرين... خير
ضرار... وسم امشي نزلي جوا
سيرين... ليش
ضرار... نومتج حصير جوا وعلي بس الكاج صاعده هناه ماسويلج شي لا اي غلط لوزله تسويها اعاقب هذيج العايقه بدالج
سيرين... حسبي الله عليك يالشويب
ضرار... مواجي ا*** وشوفن شلون تفكين حلكج
سيرين... لااتحجي وياي بهالاسلوب انه مرتك موجاريه عندك فاهم وبعياطك واسلوبك موعبالك تخوفني
_كام تقدم عليه بخطوات بطيئه ويضحك بشر
اجى عليه لزمني من رقبتي وتشبث بأيدي
همس يم أذني وحروره انفاسه تحرك بيه
ضرار... اششش حسج ماهيسه دامج حاسبه روحج مرتي جان حسبتي حساب كبل من جنتي تخابرين بكـ*** وبيتي وفوكها تخططين حتى تهربين وياه
وهسه جايه تطمطمين لهذيج العار دامها نفس سوالفج ومكسراتج اكيد تضميلها
سيرين... كل كلمه يكولها احسها سجاجين وتطعن بكلبي بلعت غصتي اريد اسيطر على دموعي مكدر
انه السويته بسببك وبسبب ظلمك اليه بعمري مافكرت اوصل للحال الخليتني بيه وكله بسببببك جاي هسه تعيرني
ااااي انه جنت احبه ولو ماانتت جان هسه انه مرته
بسببك دمرت حياتي وتخربطت احوالي بس تدري الغلط الاكبر شنو
ضرار... وهوه صاك على سنونه،شني ؟
سيرين... غلطي بيييوم فكرت انو اطي زواجنا فرصه حتى يتصلح ونعيش مثل اي زوجين بس الظاهر العيشه وياك ابد ماتنطاق ولاتحتمل
بشكوكك وتفكيرك وعدم تفهمك
_دفعته مني خليت ونزلت جوى ميس وجنوب جانن كاعدات بالصاله والبقيه كلهم بالاستقبال
سيرين... خير شبيجن ؟
جنوب... تعالي خيه
ميس... كعدي
سيرين... رحت يمهن كعدت جنوب الدمعه بطرف عينها وميس وجها شاحب
جنوب... حددو العرس
سيرين... اي وشنو
جنوب... مااريد ازوج انه تسرعت بقراري
ميس... موبس هيه حتى انه
سيرين... شنو سبب ؟
ميس... راح يصيرلنا كم شهر خاطبين يعني تخيلي ابد ماسأل عليه ولاحتى كلف نفسه يتصل تيلفون
لاكعدنا حجينا ولاسولفنا احسه مجبور ومربرضاته اذا بدايتها هيج شلون حيكون بعد الزواج
جنوب... انه تسرعت بقراري ماممكن اعيش مع شخص ماحبه وانه بكلبي غيره انمار مايستاهل
حتى اعيش وياه بخداع واوهمه بهالزواج
سيرين... والحل
جنوب... ماكو حل المشكله حددو العرس
سيرين... شوكت حددو
ميس... مساع من جان ضرار قافل عليج الغرفه
سيرين... ليش حتى يقفلها
جنوب... والله مامعروف البعقله لحد هسه ماعرفنا شسوا بمياده مايخلي احد يفتح الموضوع ويفهمنا
بس ميس تودي الاكل وتطلع بدون حس
سيرين... شنو الباله ولحد هسه مامسوي؟
ميس... اثنينجن راح تاخذن العقاب بس اصبري
سيرين... شيسوي خل يسوي انه اصلا تعبت ومعاد يهمني شي
جنوب... الله يساعدج
سيرين...
مر شهر بالظبط واحنى على حالنه ميس وجنوب بدن يحضرن لعرسهن
اما مياده من بعد مالزمها ضرار ماشفتها كلما اصعد حتى اشوفها لويعيط بيه لويطردني واصلا مايخليني اصعد للطابق الفوك
نومتي وكعدتي صارت يم عمتي
علاقتي بضرار كلمالها تصير اسوأ صرت مالتقي بيه هواي يطلع من الصبح لشغله
اعارك اعربد اعيط كلشي مايفيد منطيني الاذن الطرشه وموتني ببروده وتجاهله
لحد مامليت وتعبت من الحجي والبجي صحتي كلمالها تدهور الاكل كطعته
يادوب اخلي لكمه بحلكي
_لحد مابيوم العصر جنت كاعده بالحديقه وصافنه بالفراغ
اصعد شوي يم مياده احجي وياها من ورى الباب وانزل قبل لايرجع ضرار
دخلن عمتي بديعه وبدور وجنوب وميس اخذهن ضرار وبسول حتى يأجرن بدلات ماباقي كم يوم للعرس
مويمهن ولاحتى مهتمه كلشي طافي بعيني عفتهم وكمت لغرفه عمتي
رهف جانت كاعده تلعب بلعابتها كعدت يمها وخليت راسي بحضنها
محتاجه احد اسولفله واشكيله تعبت من الكتمان والبجي روحي تعبت من القهر وعقلي موتني من التفكير
سيرين... مخليه راسي بحضنها وهيه حاضنتني من راسي وتبوس بيا وتعض
مشتاقه لابويه شوكت ارد واخلص من هالعذاب والالم تعبت كلش من هالحال ومن العايشته
ابوج جاي يعذب بيا بدون لايضرب ولاياذيني بكلامه
بس بروده وتجاهله والوضع المعيشني ياه كافي انو يخليني اتندم لان ضميت عليه
دخلت عمتي للغرفه واجت كعدت يمي
بديعه... شمالج يمه
سيرين... مابيه شي
بديعه... عايني وجهج مصفر وضعفانه كومي يمه وي البنيات والهي روحج وياهن لاضلين حابسه روحج
سيرين... كلشي ماريد اسوي بس اريد انام فدوه لاحد يضغط عليه
بديعه... براحتج
_عافتني ومشت وانه ضليت بالغرفه ورهف يمي تلعب
غفيت وحتى مادريت بنفسي شوكت نمت
جنوب...
يوم يجر يوم وانه حالتي للاسوأ بلحظتها تندمت لان تسرعت ووافقت عالزواج
انمار ميستاهل ادمر حياته بوجودي وانه كلبي مويمه ولااحبه
طول فتره الخطبه مرات يتصل على مبايل امي واسوي نفسي مشغوله لونايمه لحد ماصار حتى ميدك عليه بس يسلم ويسده
ازان ابد ماشفته بعد واخر مره سمعت من مالكه رايحين لتركيا هوه وريم
ابد ماهمه حالتي ولاهمه حبنا كرهته كلش وحقدت عليه بساعتها
وانه تأخرت بالرفض وهوه ماباقي عالعرس غير كم يوم سلمت امري لربي وهوه يحلها عسى ولعل يكون انمار نصيبي ومع الوقت اكدر احبه
سيرين ومياده هذن سالفتهن سالفه وكلماله موضوعهن يسوء
ضرار ابد ميحجي ولافتح سيره وكلما احد يسأله يضل يعيط ويصيح
كلهم سكتو ومحد حجى وياه عود نسوانه ومحد يحقله يدخل
مياده طول ماهو حابسها ابد ماشفناها بعد بس ميس تودي صينيه الاكل وتنزل
سيرين حالته يوم بعد يوم تسوء وضرار مملاحظ يطب ويطلع حتى ميشوفها اعرفه يعاقبها بمجافاته بس متستاهل هالكد ...
بوكتها رحنا حتى نأجر بدلات وويانه بسول وضرار ردينا
سيرين جانت كاعده بالحديقه ولونها مخطوف عافتنا وراحت حتى بدون متحجي كلمه
ضرار... روحن شوفنها وجها اصفر ماكله يولا
بديعه... انه رايحتلها
عفناها براحتها ومرت خالو بديعه راحت تشوفها كعدنا بالصاله وضاربين ركن مال صفنه
ولاعبالك عدنا عرس لوفرحانين الوضع سيئ ومحد فرحان وخاصه الجو متوتر
ولو ماطلبو نستعجل بالعرس علمود سفر رضوان جان طولنا اكثر
بدلت ملابسي ورحت للمطبخ اسوي اكل ميس ورهف يمي كاعدات ومالكه يم اهلها بس رباب بغرفتها
جنوب... هسه هاي هم حاله
ميس... خير
جنوب... والله عبالك فاتحه لامبين عدنا عرس ولاجنا عرايس اشو حتى شعر وجوهنا ماشلنا
ميس... انه مابيه قابل مثلج شواربج طاخات بحلكج
جنوب... خايبه دولي والله ولالي خلك اسويهن
ميس... باجر نروح للصالون واريد اسوي شعري ماريده يضل اسود منا حياتي مصخمه وفوكاها شعري مصخم
جنوب... بعده رافع خشمه
ميس... هففف حرت والله والمشكله قرب العرس وانه من الخطبه ماشايفته غير كم مره وبس من يجي يم ضرار
جنوب... الله يهدي
_دخلت رباب للمطبخ ولونها مخطوف
رباب... ولجن الحكن ضرار ماخذ مياده
جنوب... ويين ماخذها
طلعنا نشوفه جانو بالصاله وعمتي وامي تحجي وياه الولد كلهم طالعين
وسيرين نايمه بغرفه امي
ضرار... رحمه لاهلج وخري
بديعه... يمهه فدوه اغديلك وين ماخذ البت وشعامل بحالها
_سحب مياده وهيه بلكوا تجر بروحها تجاهلنا ومشى
قبل لاتطلع باوعتلنا وحجت
مياده... سلميلي على سيرين الله يخليج وكليلها لاتخاف انه بخير
_مشو همه وحرنا وين اخذها شوي واجو الولد وطلع عزام وبسول يدورون عليه مبايله مغلق
وروحته طولت حارو شيسوون
عفتهم وكمت اشوف سيرين طولت بنومتها معقوله ماسمعت الهوسه والعياط
الغرفه جانت ظلمه وبارده فتحت الضوه
جانت نايمه بالكاع حاضنه نفسها والغطى مشمور
جنوب... ريحانه
رحت يمها وجها مصفر وترجف لزمتها جانت مصخنه كلش
صحت امي تسويلها كمادات وكلساع تقيس حرارتها
وضرار لنص الليل وهوه بعده مجاي معرفنا وين اخذ مياده وشسوا بيها
كمت للصاله الساعه جانت ب١٢ ونص بليل عزام وبسول ورضوان اجى يتصلون عليه ماكو
بطلعاااااااان الروح يالله جاوب
رضوان... خرررب بييك وين ولييت _ لك من ااالصبح وجاي تكلي داايح بغداد _ شوكت ترد_ اي يالله _ ومرتك وين اخذتها _ تعال ونشوف
_سده منه وكعد
حطام... وين راح هالولد
رضوان... رايح لبغداد عنده شغل باجر يرد
سلافه... ومرته وين وداها
رضوان... ماكلي
حطام... تعبني كلش حرت شسوي وياه
بسول... جدي كوم ارتاح متعودين على سوالفه
رضوان... سيرين وين
بدور... البت حرارتها مرتفعه ونايمه هسه
رضوان... شلون كعديها خل اخذها خوما ضل هيج
بسول... ناخذها هسه لاتنشمر
بديعه... يمه صارت زينه هسه اذا مافكت منها الصخونه انه اكلكم
رضوان... الله يخليج ديربالج عليها انه هسه رايح والصبح امر اشوفنها
عزام... جاي وياك
غيث... انه حروحن لاوس
حطام... ويين رايحين بهاليل اركدو
ليث... جدي شوي ونرد
_همه راحو وانه بقيت يم سيرين مكدرت اعوفها للصبح هيه على فرد نومه
سيرين...
كعدت على مغص بمعدتي الي كم يوم وانه على هالحال
جسمي مكسر وصداع موتني
البنات جانن يتريكن بالصاله كاعدات
جنوب... هلا خيه تعالي تريكي حتى تشربين دواج
سيرين... جسمي احسه مبنج وبلكوا احرك روحي
رباب... اسبحي حتى الصخونه شوي تفك
سيرين... اي
_عفتهن ورحت لغرفه عمتي ردت دشداشه وكلهن بالغرفه والمنزلتهن مغسولات
جنوب... اجت سيرين تريد تصعد فوك وعطت اذا صعدت اكيد حتعرف مياده موهناه
ميس... تعاالي وين صاعده
سيرين... شبيجن اريد اجيب ملابسي
جنوب... تعالي انه اجيبلج
سيرين... حالتهن ابد معجبتني خفت كلش من اصرارهن عفتهن وطكيتها ركضه لغرفه مياده
فتحت الباب الغرفه فارغه مبيها احد رحت لغرفتي حتى ضرار مموجود
صعدت وراي جنوب ورباب
سيرين... و وين راحو ها
جنوب... سيرين اهدي شبيج ترجفين
سيرين... ااااااحجي وين اااخذها هالمجرم
رباب... تعالي وهسه نحجيلج راح توكعين
سيرين... دفعتها من ايدها ووخرت ،ااااحجن مياده ووين وضرار
جنوب... ماندري البارحه اخذها وراح وبليل دكو عليه كال هوه بغداد بس ماجاب سيره مياده ولحد هسه ماندري شسوالها
... هيه كالت هيج وكان واحد وضربني على راسي اجى ابالي شلون جان يعذبني بالشقه والضرب الاخذه منه خفت لايكون سوالها شي متأكده مايعديها على خير
لو يفوتها الها
سيرين... لافدوه لاتكوليها متاكده سوالها شي وينه اريد احجي وياه
_عفتهن ونزلت جوا رحت مثل المخبله ادور على مبايل عمتي ماكو رحت للاستقبال جانو كاعدين
ويسولفون
بديعه... ها يمه كعدتي
سيرين... مبايلج ويننه
بدور... شسوين بيه
سيرين... ضرار اريد احجي ويااه
_ماجاوبتني تجاهلتهم ورحت ادور عليه لكيت مبايل عمتي بدور اخذته واتصلت عليه ميرد
خبصته خبص بالاتصالات وهوه يرن وميجاوب روحي طلعت يالله جاوبني بكل برود
ضرار... هلا
سيرين... يااااااحقييير الله يااخذك وين اخذتهاا يالمجرم الله لاايوفقك وعسا هالضيم والوجع الضوكتا بيك يصير احجي وييين اخذتهاا اذيتها مووو !!!
ضرار... اذا خلصتي سدي عدي شغل
سيرين... مياده وينها ؟
ضرار... مالج شغل
_سداه بوجهي خلا روحي تشوط من الغضب همه كلهم يحجون وياي يردون يعرفون شكو مابيه اجاوبهم ولااحجي كلمه
عمتي بديعه زعلت جيف دعيت على ابنها
عفتهم وطلعت بالحديقه بالشمس الحاره تسمط الحراره تطلع من اذني ألم ودوخه متت احس شوي وروحي تطلع
عاندت وياهم حتى مفتت جوا ضليت برا على فرد كعده
لااكل ولاشرب والعلاج ماخذته والصخونه سيطرت عليه
ماعرف شكد مر وكت واني على كعدتي ودخل ضرار من برى
يفر بسويجه ومترهي بمشيته عاينت وراه ماكو احد حتى مياده ماكو
ضرار... هه مرتي متانيتني
سيرين... ويين مياده ليش مووياك
ضرار... طيرتها
_حجاها وعافني بحيرتي شقصده ؟
رحت وراه لحكته للغرفه احجي وياه متجاهلني اخرها تعبت كلش
حسيت روحي طلعت وبلكوا مسيطره على روحي الألم بمعدتي موتني بس ألم كلبي اقوى
من العياط صوتي راح وحنجرتي تجرحت وهوه ولايمه وكأن كتله من الثلج
كعدت على الجربايه ولازمه بطني بألم واجر النفس بلكوا
همست بتعب والم
سيرين... عذبتني بما فيه الكفايه تعبت والله كافي لاسوي هيج
واكف كدام المرايه ويمشط بسعره
ضرار... اذا بيج حيل سويلي غداد لواخلي ميس تسوي
... شهكت بالبجي احس الشهكه زرفت كلبي ، كمت اجر خطواتي بلكوا
رحت يمه سحبت ايده ودموعي مثل الشلال
سيرين... مياده شسويتلها ؟
باوع عليه وابتسم تك خد
ضرار... وديتها لاهلها حتى اطلكها واكيد اهلها لازم يدرون شنو السبب وليش !
سيرين... وبعدين ؟
ضرار... وانه اكيد حجيتلهم الصار وابوها رجال عصبي ومايتحاجا ايده والضرب
سيرين... شنو ؟
فرك وجها بعصبيه وحجى
ضرار... كتلها وغسل عارها
⇠──────⋆⋆⋆─────⇢
_ يــــتـبــع . . . . .
هالفيد بأختصار هواي بيه معاني وتقريبا يمثل حال مياده بوكت ابوها زوجها غصب
وبكت فترقت عن حبيبها
وزواجها بالاجبار
وبعدها اضطرت تدخل بالغلط
وبسبب تخلف اهلها وعدم تفهمهم وياها 💔
وهواي بنات بوكتنا جاي يعانن من نفس الشي يعانن من تخلف الاهل وجهلهم واعتبارهم المرأه وكان لعبه بأيدهم ومعاناتهن من المجتمع والاهل والي ماممكن انو شي يوم يتركون ثوب التخلف الي عايشين بيه ويبطلون يتسرعون بقراراتهم والي على اقل زله منها وعاقبوها بحجه ( غسل العار )💔...
والي عنده سؤال استفسار ايشي يجي عالنستا♥️,
حسابي الانستغرام :
taranim.hadi
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!