رواية ذات العيون الناعسة الفصل الحادي وثلاثون 31 - بقلم روان آل عبدالله

تعتب والعتب مدفون جثة التـم عليها الـدود

الكاتبه: روان عبدالله

قبل لا تبدون خلوو نجمة و علقو بين الفقرات + احبكم هوايي 🤎

°°°°°°°°°°°°°°°°°°°°°°°°°°°°°°°°°°°°°°°°

مريم. ليشش شنو السبب الي خلاك تعوفني و خلاك تسافر بدون ما تكولي او حتى تودعني

شاهين. مريم الموضوع ما يستاهل احجي الچ اجلي لبعدين نحجي

مريم. صگر اني متأكده الموضوع يستاهل احجي شاهين لا توجع گلبي اكثر من هيچ

زفر بعدم صبر و مسح على وجهه اكثر من مره طلع جكاره من جيبه و باوع عليه و رجع يدخن بحسره

متت بدمي واني اباوع عليه يدخن بحركه گلب

حجيت واني كوه كاتمه شهكاتي

مريم. صگر

رفع راسه و باوع عليه بعيون حمره و رجفه ايده

نزلت دموعي لا اراديا و تعالت صوت شهكاتي

خليت ايدي فوك راسي و كمت ابجي بصوت عالي

رفع ايده الي ترجف و خلاها على ضهري و سحبني لصدره و كام يمسح على ضهري

حضنت صدره بحركه گلب و تمسكت بي ما اريد يعوفني بعدني خايفه كلش و افكر يعوفني مثل قبل

هديت واني اسمع دگات گلبه و هيه تزيد

بقيت خاله راسي على صدره واسمع صوت دكات گلبه و هوا يمسح على شعري و يدخن

رفعني و خلاني فوكه غطاني بل بطانيه فتح شعري و تناثر على ضهري سحب خصله من شعري و كام يشتم بيها

صوت انفاسه خلتني اتوتر وصارت بيه رجفه من شافني هيج حضني و همس و هوا مغمض عيونه و خال شعري على وجهه

شاهين. سمسمه حبيبي

رفعت راسي و هوا كبل فتح عيونه التقت نضراتنه ختلط لون البحر مع غروب الشمس

رفع ايده و مسك شعري و خلاه ورا ضهري

بقيت اباوع على عيونه ما اكد احجي شي خايفه كلش احجي

شاهين. شيهانه تتزوجيني

رجفت واني اسمعه يكول هيج و انفاسه تضرب بوجهي نزلت دموعي واني ارجف

معرف شريد اكو شي بداخلي يمنعني اكول أي قابله

حجيت بشهكه و تقطع

مريم. شاهين الموضوع أكبر من هذا الشي شلون تريد اتزوجك وانت خافي عني هواي اشياء ...صگر هذا زواج مو لعبه

شاهين.ليش تعقدين الأمور

مريم. شاهين ليش ما تكول هيج لنفسك اني مدا اعقد اي اشي دا اكول الك الحقيقة

شاهين. وداعتج راح تعرفين كل شي بس اصبري عليه انطيني وقت

مريم. إلى متى نبقه هيج ليش دا تعقد الأمور و تشابك المواضيع مع بعضها... خلي بالك مستحيل بيوم اعوفك مهما يكون السبب .... شاهين دا اشوف بعيونك هواي حجي ...هواي تعب .... احجي الي يا بعد گلبي لا تخليني على نار هاديه ترا جاي احترك

شاهين. ما اكدر اسولف الج كل شي هسه مو مستعد .... شيهانتي اني خايف اذا راح اكول الج راح تعوفيني

مريم. وداعت كلشي صار بينه حلوو وداعت الايام الحلوه ما اعوفك ... صگر احجي و ريح گلبي

شاهين.ما اكدر ... شيهانتي اسف بحياتي ما عتذرت بحياتي ما رجفت لشخص بحياتي ما سائل على احد أو مفكر بأحد ... من دخلتي عالمي غيرتي كلشي بي خليتيني اسوي اشياء بحياتي ما جنت متوقع اسويها لشخص .... سمسمه انتِ شي غالي بحياتي ما اكد افرط بيج خايف احجي بعدين تعوفيني

مريم . ما اعوفك معقولة بهل سهولة اعوف روحي شاهين انت روحي ..... لكيت بيك حنيه أبوي و عطف اخوي و حضن امي انت اهلي انت گلشي بحياتي

كمت من صدره و كعدت على الطاولة و كمت ابجي

كام و سحبني لحضنه دفعته و دخلت لغرفه فهد لكيته متمدد على الجربايه من شافني ابجي كبل كام

اجه عليه و حجه بخوف

فهد. شبيج يل مصكوعه شنو صاير بيج

مريم. فهدد احجي الي كلشي شبيه شاهين وليش راح الايران

فهد. ليش ما حجه الچ

مريم.توو ما حجه كل شي

فهد.ما اكدر اتصرف من كيفي واحجي الچ هاي خصوصيه

مريم. فهد حباب

صاح شاهين بفهد ...سحبني فهد و كعدنه على الجربايه سحب الكلينس و مسح دموعي باوع عليه و أشر بمعنى اوكي

فهد. كافي بجي اروح امسح دموع عمج شاهين و اجي اكفي لا تجين ابقي راكده

راح فهد واني كعدت ابجي من كل گلبي دخل فهد و وراه شاهين

شاهين وكف يم الباب و كتف ايديه اجه فهد و وكف يمي همس

فهد. مريم قنعت شاهين و راح يحجي الچ كل شي بس الي اريده منج تكونينن قويه و ارضي بحكم ربج و صدكي مهما يكون قرارچ اني وياچ بكل شي

هزيت راسي بايي واني امسح بدموعي طلع فهد و سد الباب

دنكت و كمت افرك باصابعي خايفه شراح يكولي شاهين

تقدم و كعد بصفي طلع جكاره و كام يدخن مرر ايده على شعره اكثر من مره رفعت راسي و همست

مريم. احجي صگر

شاهين. سمسمه حبيبي دحجي عليه يروحي

رفعت راسي و باوعت عليه بتوتر و قلق مسك ايدي باسها همس

شاهين. راح احجي الج كل شي و صدكي أي قرار تكولينه اني يمج و ما راح اعارض ابد

هزيت راسي بايي ذب حسره و شرب من الجكاير صغر عيونه همس

شاهين. اذا تتذكرين قبل كم شهر سويت حادث و دخلت غيبوبه

مريم. أي أتذكر

شاهين. اي ...حللت و طلع بل تحليل ...

مريم. شنو طلع بيك احجي شاهين

اباوع سحک الجكاره بايده

سحبت ايده واني خايفه فتحت ايده و ذبيت الجكاره اباوع على الجويه اثرها واضح و هوا ولا تاثير ... انا حاسه بحركه الجكاير و أعرف وجعها

مريم . شبيك شاهين كل عقلك بله هاي تصرفات واحد جبير احد يسحك الجكاير بايده

شاهين . ما يهم

بعدت شعري من عيوني واني ازفر

مريم. كمل صگر شطلع بيك

شاهين. عقم

مريم. ياا ستار شنو هذا انوب

شاهين. ما تعرفين شنو هوا

مريم.لا صگر اول مره اسمع بي

شاهين. العقم مرض يصير بل مره و الرجال يخلي غير قادر على تكوين طفل و كذلك المرأة

مريم. واذا شنو يعني ما يصير عندك اطفال مو مهم

صگر. سمسمه شي اكيد تكولين هذا الكلام بس ما يطول وداعتج لان مستحيل مره تبقه يم رجال ما يخلف صعبه تبقين سنه سنتين

كمت البجي و احجي بعصبيه

مريم . ليش كل همك الاطفال ليش الاطفال تفضلهم على علاقتنا و سعادتنا انت بهذا تفكيرك دمرتني و دمرت نفسك بنفسك ... ليش تركت كل هذا الشي ما و خليته على الله

شاهين. شيهانه ديري بالج تفكرين اني افضل شخص عليج تخيلي احبچ اكثر من روحي افضلج على نفسي بس انتِ فكري بيها من جميع الجهات شلون تعيشين مع شخص و هوا بحياته ما راح يخلف تبقين عايشه معاي سنه سنتين و بعديم تملين

كمت ابجي و اضرب على رجليه تهسترت ما اتحمل كل ما احاول اقنعه يعيد السالفه و نرجع لنقطه الصفر

من شافني هيج كبل كتفني و كام يبوس ايدي واني مستمره بل بجي

دفعته و حجيت بعصبه 

مريم. اذا ما تريدني ما اجبرك عليه روح شاهين اطلع من حياتي اذا نبقه هيج بس واحد يعذب الاخر محد يستفاد شي

شاهين .شلون تريدين اعوف روحي شلون تريدين اعوف حياتي .... سمسمه انتِ مو مجرد شخص احب لا اني و صلت مرحله اعمق من الحب صارت كلمه احبچ ما تكفي لتعبير عن حبي

مريم .صكر واني هم احبک واموت عليك و ما اكدر بدونك صدكني ما يهمني لا اطفال ولا شي اريد بس ابقه يمك .... شاهين اني تعبت حيلل تعبت محتاجتك محتاجه كربك الي، محتاجه حضنك محتاجه تشجيعك بكلشي بيه محتاجك خلي ننسه سالفه الاطفال و نركز على علاقتنا و نرجع مثل قبل و نوكل امرنه الى الله هوا يرزق من يشاء

شاهين . سمسمه ما همني الاطفال كل همي ما اريد تعوفيني خايف تعوفيني بنص الطريق و تروحين و تخليني يمكن اموت وراج من تتركيني من القهر

مريم . صدك ما راح اعوفك وعد مني ... صكر انت اهلي شايف واحد يترك اهله

حضني كل قوته احس عظامي راح تتكسر بادلته الحضن و كمت ابجي

تركني و باوع عليه مسح دموعي و همس

شاهين. كافي بجي يا بعد حيلي مسحي دموعج

حجيت بشهك و بجي

مريم .وعدني بعد ما تعوفني و تروح

شاهين . وعد بعد ما اعوفج راح اضل يمج و اعوضج عن كل جرح و عن كل اذيه سببتها الج راح اعيشج عيشه غير

مريم .ما اريد كلشي بس ابقه يمي حباب 

تا يحجي شاهين سمعنه صيحه من ورانه فزيت و صكر فز معاي

نداريت باوعت فهد واكف و خال ايده على حلكه و ميل راسه و يصرخ بصوت مرأه

ضحكت على شكله و حركاته شاهين راح عليه و ضربه على راسه يالله سكت

اني هنا ميته ضحك رجع يصرخ مره اخرى و يحجي

فهد. شنوو هللل رومانصيةة ما اتحمل هيجج اووويي عوزززه الله ينعلكم شريرين حوقيرين

شاهين . شسوي هنااا

فهد خايب شمدريني اجيت تا انجب انام لكيتكم تسوون سوالف متزوجين عااااا

شاهين. وجعععع و جفنن لهل حلكك الاعوج شنو من سوالف شمسوين

فهد . دروحو والله حرام عليكم ما تقدرون مشاعري ما تكولون هذا المكرود جاتله الضيم شكول غير حسبي الله و نعم والكيل يا سنگل الك الله

شاهين . دروح والله عيب عليك شتريد مني حتى على هاي ملاحكني

فهد فتح الباب و تا يطلع باوع على شاهين و رفع اصبعه و حجه بصياح

فهد . يااا سنكل الك الله

شاهين. ن****** ان******

فهد تفل على شاهين و طلع

ندار عليه شاهين و خله ايده على راسه و كال بضحكه

شاهين . سوي نفسج ما سمعتي

مريم. شنو هاي شاهين ليش دا تسب

شاهين . شسوي طبع بيه غلسي حبيبي

سحبني من ايده و همس

شاهين . سمسمه امشي خلي نروح عيب من فهد الزلمه يريد يرتاح

مريم . وين نروح

شاهين . للشقه مالتي

كمت لبست عبايتي و خليت الشال بس هيج على راسي

صعدنا بل سياره شغل اغنيته المفضله احلى صبيه و كعد يغني وياها

اني العاده مالتي ما ابطلها خليت راسي على الجامه و غرقت بتفكيري المفرط

شلون بيه و وين راح اعيش شلون اضل اني يم شاهين خايفه من المجهول تفكيري مشوش و متعوب

حسيت على شاهين يمسك ايدي عصرها حيل نصه صوت الاغاني و همس

شاهين . سمسمه شبيج ؟

مريم . ما بيه شي

طبك السياره و باوع عليه و همس

شاهين . احجيلي بكل شي جاي تفكرين بي

ذبيت حسره و دنكت متردده احجي غمضت عيوني و زفرت بتعب

مريم . صكر ضايعه كلش ...اني مجرد مطلقه ما عدها اهل و لا جاه ولا عشيره و فوك كل هذا جنت يم داعش شلون اعيش بين الناس واني هيج

شاهين. كلشي الي دا يصير ويانه هذا بختيار الله
الله كاتبه النا قبل لا نولد على الدنيا و كل شخص بهاذي الحياه صايره بطريقه هفوات و كل واحد بينه همه يختلف عن الثاني ممكن هسه انتِ من تشوفين مصايب الناس تهون عليج مصيبتج احمدي ربج و اشكري، عندج ناس لحد هسه يحبوج و يسئلون عنج اكو ناس تنام بل شارع ما عدها احد يكول الها شلونک... و هاي السالفه مال مطلقه و جنت يم داعش ما اريد اسمعها بعد انسي الماضي و عيشي الحاضر ادرسي و اتعبي على نفسج اعتمدني على نفسج يجي يوم و حتى اني ما افيدج  .... لا تضلين عايشه بل ماضي

نهى كلامه و هوا يبوس ايدي و كام يفرك بيها همست و اني كوه كاتمه دموعي

مريم. صكر احبک كلش 

شاهين . واني هم احبج يا بعد روحي و عافيتي و دنيتي و ضحكتي

مريم. شاهين حبيبي وعدني ما تعوفني مثل البقيه

شاهين . و عد وياج للموت يولي يل مصكوعه

مريم . شنو هايي مصكوعه انوب

شاهين . يعني يل حلوه شبيج

مريم . صدك عود ليش انتو تكلبون الكلام هيج تحجون مو مثلنا

شاهين. عادي كل محافظه و الها لهجتهه الخاصة

مريم. كلش حلوو حبيبي

صاح بصوت عالي و هوا يضحك

شاهين. ولجججج سمسمه احبججججج

ضحكت بخجل و دنكت

مريم . و اني هم احبك بس

شاهين . شنو

مريم. جوعانه كلش

شاهين . تدللين و علي اشبعج اذا ما اسمنج يل معصعصه اكفي بحيث اول يوم العرس مو يقدمون للعرسان مشويات و هيج فيكات اني اجيب الج صينيه دليميه متروسه لحم

مريم . ياااا شاهين تريد تموتني

شاهين. ليش اموتج بل عكس اسمنج يولي

مريم. والله اني هذا جسمي و هذا وزني ما اغيرهن لجل احد الي يحبني يتقبلني كما اني

شاهين . قصدج عليه

مريم . ايي نعم

شاهين . هاي هيه بويه تدللين عاجبنه و نص و زايد بعد

مريم. اممم عبالي بيبي

شاهين . دكولي هيج جدام احد تا اصير مضحكه للناس هاي تاليت عمري اصير بيبي خرب بشوارب كلينسه

مريم. هههههايي منو هذا كلينسه

شاهين . اروحن فدوه لهل ضحكه ادفع نص عمري على ما اسمعها

مريم. لا تغير الموضوع احجي منو هذااا حبيبي بيبي فدوهه

شاهين. شتريدين يل معصعصه

مريم. اكرهكك لا تكول معصعصه

شاهين. اكعدي راحه نونهه

مريم. منوووو هايي نونه

شاهين. حبيبتي المحتحته

مريم. صلاوات طلع عندك حبيبه

شاهين . اي هتوج دريتي بيبي

مريم. شاهين تحجي صدك

شاهين . والله تردين تشوفين صورها

ختفت الضحكه من وجهي و خيم الحزن عليه حجيت بصوت ناصي

مريم. صوره

شاهين . اي هسه اشوفج

طلع الموبايل من جيبه و كعد يكلب بي شوي و خله الموبايل كدامي

غمضت اصبر نفسي فتحت عيني شفت شاهين طاك ويه وحده قليل بحقها كلمه تخبل و هيه مبتسمه و خاله ايدها على كتف شاهين

بقيت صافنه على الصوره و ادقق بتفاصيلها

حسيته شال من كدامي الموبايل باوع عليه و هوا مبتسم

ما حجيت شي احس نار و صارت تاكل بصدري درت وجهي عنه و خليت راسي على الجامه

صحاني صوته العالي و هوا يضحك

شاهين. شبيج ضجتي

مريم. منو هايي

شاهين . نونهه مالتي

مريم. منو نونه واني شنو موقعي من الاعراب

شاهين. انتِ الاصل و الفصل حبيبتي

مريم. شاهين عوف الشقه و احجي بجد منو هاي البنتت

شاهين. صديقتي وداعتج

مريم. شنو نوعيه العلاقه بينك و بينها

شاهين. صداقه

مريم. امممم الله يديمها

شاهين. ان شاء الله ... شنو رئيج بيها حلووه هاااا

مريم. عاديه انا احلى منها بهواي

شاهين. عليمن هيه احلى

مريم. بل احلام اني احلى جمالي امريكي

شاهين. ههههه احلى صبيه و علي 

مريم. شنوو هاي نوب

شاهين. ما كو شي

مريم. انتَ ضل قشمرني بسوالفك واني مثل الثوله اركض وراك

شاهين. عصبب الحلووو

مريم. صكر احجي الي شنو انا بل نسبه الك

شاهين. ابوسها للانا الي تطلع من حلكج

مريم. اخر مره اسئل اذا ما جاوبت راح ما احجي وياك ابدد

شاهين . حاضر بويه ادللي

مريم. احجي شاهينوو شنو انا بل نسبه الك

شاهين. الحياه

مريم. ليش

شاهين. لولا الحياه احنى ما نعيش و انتِ حياتي واني بدونج ما اعيش

خليت ايدي على وجهي و كمت ابجي

مريم . شاهين انت جرحتني هواي و بهاي افعالك جاي تجرحني اكثر

سحبني و ضمني ختلت بصدره و كمت اشهك

شاهين. اسف ما عبالي راح تضوجين والله احبج جاي اتشاقه ما عندي شي وياها وداعتج من دخلتي حياتي تركت كل علاقاتي العابره

بتعدت من صدره ببطئ و حجيت

مريم. جان عندك علاقات

شاهين .اي

مريم. احجيلي عنها

شاهين. باوعي مريم كل شاب و عنده احتياجاته الخاصه و بمكان ما نروح نسوي هذني الشغلات بل حرام نتزوج بنات بارادتهن و يبقن يمنه شهر شهرين حسب مده العقد و نطلكهن

مريم. شلون الك نفس

شاهين. عادي اني ما اخذ حيالله بنت و بعدين اروح عليهن مجرد جم ساعه و اعوفهن و بحياتي ما رجف كلبي لوحده بس من شافج گلبي كام يرعد مو يرجف
وداعت هل عيون الحلوه الي تسحل گلبي⁦ من تبجي

مريم. و لحد هسه عندك هاي العلاقات

شاهين. من عرفتج كلشي تغير بحياتي صار ما الي نفس⁦ بيهن صرت ما افكر بس بيج يا بعد گلبي⁦ و دكاته

مريم. شاهين امسح هذني الصور

شاهين. حاضر بويه تدللين و بعد

مريم. و اريد ما تحجي ويه اي وحده منهن

شاهين. جنج على هاي و بعد

مريم. اريد ايس كوفي على مود ارضه عود اني زعلانه هاا

شاهين. دخيلك يا ابو فاضل شنو هاي انوب

مريم. كهوه بارده

شاهين. كولي من البدايه كهوه ليش تعوجين حلكج

مريم. يااا صكر بيبي هيه هيج اسمها

شاهين . والله انتو جيل هل وكت الله يستر منجن الالفينات محد يكدر الجن مشيتني على السراط المستقيم

مريم. اويي بيبي شمسويه انااا قابللل

شاهين. ما سويتي شي بس سحلتي گلبي ذهاباً و اياباً

مريم. ان شاء الله دوم مسحول

شاهين. اذا على ايدج قابلين

مريم. يله اني زعلانه لا تاخذ ميانه جيبلي ايس كوفي يالله ارضه

شاهين. حاظر بويه ادللي سمسمه اشبعج وعلي

نزل يم كوفي و جابلي كهوه و صعد باوع عليه بلهفه و همس

شاهين . هااا هسه رضيتي

مريم. ايي صكري المنتف رضيت و بكامل قواي العقليه

شاهين. هايي مال منتف ماا مقبوله منجج نونههه

مريم. اوووي بيبي زعلت

شاهين. اايي راضيني

مريم. امممم و شنو تريد اسوي الك

شاهين . بوسيني

مربم. يااا حرامم و بعديم شلون كدام الناس

شاهين. محد يشوف تعالي بسرعه مضلله السياره

مريم. افكرر

شاهين. تفكرر بنت الصاكه تعالي بوسيني يلهه هاي تالي عمرك يل صكر شسوي احبها مو بكيفي

مريم. هههايي ليش دا تحجي ويه نفسك

شاهين. مدري

تقربت عليه و ردت ابوسه من خده اشو هذا دار وجهه و صارت شفتي على شفته توترت و حاولت ادفعه

بس هوا سحبني و كعدني بحضنه قيدني بايده و باسني باقوه

تركني واني دايخه و مصدومه معرف شنو صار بيه

هوا انفاسه الحار صارت تضرب على وجهي و صوتها جان كلش عالي

ردت احجي او اكول اله ليش هيج سويت بس كبل اشر الي بمعنى اسكتي

سكتت واني لحد هسه مسطوره و دايخه شالني و كعدني بمكاني دنكت وانا مستحيه حتى كهوتي نسيتها

جر الكلنس و مسح حلكه رفع راسي و مسح حلكي

اجت عيني بعينه جانن عيونه حمر بلون الدم و بارزه الخطوط الحمر الي بداخل عينه مشكلات لوحه فنيه حمراء

ذب الكلينسه و عدل حجابي جر ايدي و خله الكهوه بيها همس

شاهين. شبيج

مريم. معرف

شاهين. ميخالف بس اول مره

مريم. الي دا نسوي حرامم صكر اذا بل سياره و هيج
سويت بيه لعد بل شقه شتسوي

شاهين. ساعه طيش اوعدج ما راح اتقرب منج حتى لو بلمسه اله بل حلال ماضل شي و اخذج على بيتج تنورينه

مريم. شاهين وعدني ما تلمسني ولا تسوي الي شي

شاهين .وعد حبيبي ما تتكرر وداعت هل عيون الحلوهه شيهانتي انسي كل الي صار اعرف تجاوزت حدودي و ما لازم اسويه هيج بس الي يشوف العسل جدامه ما يكدر يقاوم

سكتت معرف شرد احس نفسي لحد هسه دايخه و تفكيري مشتت

خليت راسي على الجامه و كعدت اشرب كهوه و اباوع على الطريق وصلنا عماره شاهين

نزلت و كمت امشي ورا شاهين وصلنا الشقه

و ستمر هذا الوضع عادي⁦      شاهين وفه بوعده و فعلا ما لمسني و جان تصرفاته عقلانية جان اغلب الوقت ينصحني و يحجيلي مواضيع علمية

مرت شهر و شاهين يروح و رجع عليه يوميه يكبر الحب الي بداخلي اضعاف احبه و احترمه جاي اكتشف بي اشياء احسه لغز و اني جاي احل بي

يوميه يبهرني بفد شي عقليته و واعي كلش و كلامه منطقي و موزون الى ابعد حد

صرت يوميه كل ما اكعد الصبح الكاه كاعد مقابيلي و صافن عليه اضحك على شكله شلون صافن من يشوفني افتح عيوني كبل يدير وجهه

جنت كاعده و العب باصابيعي حسيت الباب نفتح

تسارعت دكات كلبي عرفته من عطره الكريه و المميز جان سابقه بامتار ،دخل و خله اغراضه على الطاوله بس جان شكله مو مثل العاده يكون مبتسم و يتغزل بيه

جان معبس و بيده الجكاره و ما نطق لو كلمه

ركضت على المطبخ و جبت اله ماي

خليته كدامه على الطاوله و كعدت يمه خليت ايدي على رجله و همست بخوف

مريم . شبيك صكر حبيبي اشو احسك ضايج

شاهين . لا يا روحي ما بيه شي بس اريدج بشغله 

مريم. احجي اسمعك

شرب من الجكاره⁦ و صغر عيونه رفع نضره الي اجت عيني بعينه كبل دنكت معرف اخلي عيني بعينه استحي و اتوتر .... زفر الدخان و طلعهة من خشمه همس

شاهين...... 

°°°°°°°°°°°°°°°°′′°°°°°°°°°°°°°°°°°°°°°°°°
اذا عجبكم البارت خلوو نجمة و قدرو تعبي

هلووو عمري مشتاقه كلش هواي نعله على الدراسه فرقتنا يروحي مشتاقه الكم و اعرف مقصره هواي بحقكم و مدا انشر بارت بس والله كومه امتحانات و صرنه نمتحن امتحانين بيوم على مود انخلص قبل رمضان ،احجولي شلونكم ويه الامتحانات ان شاء الله جاي تجاوبون 🫂💛

احبكم هوايي 🤎🫂