رواية ذات العيون الناعسة الفصل الثاني وثلاثون 32 - بقلم روان آل عبدالله

هلِي ليا ظيم جبتونِي !

الغربة من ترجع ادور بالصور والذكريات

الكاتبه: روان عبدالله

كبل لا تبدون علقو بين الفقرات+ دوسو على النجمة
°°°°°°°°°°°°°°°°°°°°°°°°°°°°°°°°°°°°°°°°°
شرب من الجكاره و صغر عيونه رفع نضره الي اجت عيني بعينه كبل دنكت معرف اخلي عيني بعينه استحي و اتوتر .... زفر الدخان و طلعهة من خشمه همس

شاهين. راح ترحين لبيت خالتج

مريم. صدك تحجي لو شقه

شاهين . مجاعد (مجاي) اتشاقه وياج

مريم. ما اروح على اي احد ابقه هناا

شاهين. مريم لا تعاندين

مريم. شاهين كلتت ما اروحح ...... انت تعرف خوالي شسوو بيه تعرف المن زوجوني .... زوجوني لواحد مريض نفسي بقيت يمه يوم بس بهذا اليوم شفت عذاب جهنم بحذافيره ..... ما اروح على اي مكان مستعده انام بل شارع ولا اروح يم خوالي

شاهين. والحل

دنكت راسي و كمت ابجي بشهكه همست

مريم. لهل درجه اني ثكيله عليك تريد تتخلص مني بايي طريقه

شاهين. سمسمه اني اعرف شي وانتِ تعرفين شي ثاني .... و بعدين منو كلج انتِ ثكيله عليه شايل اثكل منج تريدين اثبت الح كبدبد هااا

مريم. اي اثبت يالله

كلت هيج لو هذا خله ايده جوه رجليه و رفعني صاح

شاهين. هااا صدكتي

مريم. عااااا اييبي والله اييبي نزلتي كافييي

ضل رافعني اني كبل جلبت بركبته و لفيت رجلي على خصره ، همس باذني

شاهين. نزلي يلله كبل لا يصير فلم رومانسي واني انسان صايم و مصلي و اخاف ربي

نزلت على الكاع و صحت

مريم. كللله منك انت الي بديت

ما رد عليه كعد و خله ايده على رجله بمعنى تعالي

زولت شعري من عيني و حركت راسي بنفر

سحبني من ايدي و كعدني على رجله

مريم. زول صكررر خليني اكعد مثل الناس

شاهين. عجل مو كاعدة هينن ليش مو مرتاحه

مريم. لاا ابدد مو مرتاحه

شاهين. تدللين بويه هسه اغير المكان

كال هيج و خله ايد وره ضهري و ايد جوه رجلي و رفعني و خلاني مثل الطفل على رجلينه الاثنين

مريم. شاهين شدا يصير بيبي

شاهين. معليج

مريم. يل منتف عوفني

شاهين. منوو هذا المنتف

مريم. ههههه انت

شاهين. اخرر كلام

مريم. هههه‍ههه ايي

كلت هيج و هوا كبل رفع ايدي بايد وحده و كام يدغدغ بيه واني ميته ضحك اخر شي ما تحملت و صحت

مريم. ععععاااا كافي صكرر ....يللل منتف راح أموات معد اتحمل

شاهين. منو المنتف

مريم. مووو انت والله

شاهين. عفيه.... منو المعصعصه.

مريم. اني والله انيي بس عوفني

عافني كبل كمت اتنفس بسرعه

مريم. تعبتني كلشش

شاهين. نامي بحضني حبيبي

مريم. حرامم الي دا نسوي شاهين

شاهين. نامييي مريم

مسكت تيشيرته و ختلت بصدره همست

مريم. ماا راح اروح على اي مكان موو

شاهين. نامي بعد عمري بعدين نحجي بي مو مهم حبيبي انتِ

نزع جاكيته و غطاني بي رفع رجلينه و تربع و ضمني خله ايده بشعري و كام يحرك ايده بطئ صرت ما اشوف كل شي كبل نمت حسيت بحضنه راحه و امان مو طبيعية ذكرني من جنت صغيره وانام بحضن امي شلون جنت انام مرتاحه و بالي صافي هسه نعاد كلشي عليه

تشبثت بي اكثر و دخلت بنومه كلش عميقه اتذكر آخر شي همسته واني بين النايمه و الكاعده همست

مريم. صكر لا تعوفني احبک انا

نمت و ما سمعت رد شاهين بس حسيت على  شواربه الخشنه و هيه تلامس بخدودي و وراها دخلت عالمي الاسود

حسيت على احد يحرك بخشمي تململت بانزعاج
حسيت احد يهمس باسمي فتحت عيوني بضعف باوعت وضحت عندي الرئيه شاهين ماسك خشمي حجيت بخنكه

مريم. اويي صكر زول ايدك اريد اتنفس

شاهين. هم زين كعدتي شكد نمتي

مريم. ليش اني لحد هسه بحضنك

شاهين. ايي ما ردت انزلج من حضني خفت لا تفزين

رفعت ايدي و كمت امسح على فكه و شواربه همست

مريم. ليش حبيبي مو تعب عليك

شاهين. وداعتج عبالك مخلي طفل بحضني

مريم. هههه يروحي بس مو هل درجه باوع عليه شثكلني

شاهين. لاا خفيفه بخف كلينسه

مريم. منوو هذا كلينسه شنو من اسم هذا

شاهين. هههههه.... هذا واحد يداوم معاي صديقي فد واحد ثكيل و كلها تحلف باخلاقه من يشوف مره كبل راسه يطخ الكاع و يصيح استغفر الله، من شده الايمان

مريم. اممم حلوو

كمت من حضنه و كعدت يمه خليت شالي على راسي و همست

مريم. شاهين راح توديني لبيت خالتي

شاهين. ايي مضطرر حيلل

مريم. فهمني شنو هوا السبب

شاهين يجي يوم تفهمين

مريم. يمته تحجيلي يمته تبطل هاي العادة السلبية و تحجي الي كل شي يخصني و يخصك شلون باجر عكبه تريد اتزوجك وانتِ مو صريح معايي تحجيلي كلمه و تخليني على نار هاديه و تسكت .... اسمع صگر مستحيل اتحرك من هذا مكان اذا ما تفهمني السبب واذا قنعتني اروح و اذا ما قتنعت ما اطلع من هنا لو على كص ركبتي

شاهين. مصره تعرفين

مريم. اي شاهين احجي اسمعك

شاهين. دحجي راح اخذج على خالتج ثاني اسبوع اني جايب اهلي و جاي يمج اريد اخطبج من اهلج باجر عكبه يعيرونج اهلي .... شيهانتي انتِ ما تعرفين المجتمع الي عايش بي اني ما اريد يئذوج بكلمه بغيابي اريدج دوم معزز مكرمه و الي يلوحج بكلمه احركه هوا و عايش

مريم .لهدرجه تحبني بحيث حتى ادق التفاصيل مدقق بيها

شاهين. و اكثر مما تتصورين

مريم. بس خايفه لا خالتي تعاملني مثل المعامله خوالي وبالتالي ما احد يوكع بيها ضحيه بس اني

شاهين . لا تخافين حاسب حساب لكل هاذي الأمور و حجيت وياها و تخبلت تكول عبالي اختي و ضناها ( اولادها) ميتين بل حرب كلت الها كلها ماتت بس مريم ضلت عايشه .... كامت تبجي و تكول جيبها يمي اني اربيها مع بناتي

مريم شاهين لا تغرك المظاهر مو خوالي جانو مثلها بل البدايه شو بعدين بين وجههم الحقيقي ..... اتركني الله يخليك ما اريد اروح عليهم تعبت شاهين فدوه عوفني صدكني حبيبي كلهم يمثلون ماكو احد يحبني من كل گلبه .... شاهين اني ما لكيت احد يعطف عليه غيرك يحبني بگدك

شاهين. اعرف يا بعد روحي انا ما اخطي خطوه واذا ما اكون واثق منها چيكت الوضع و اختبرتها و تأكدت من الموضوع ان شاء الله راح نبقى على تواصل مستحيل اخلي احد يأذيج بعد .... اسمعي كلامي حبيبتي

كمت ابجي خليت ايدي على عيوني كمت اردد بهمس

مريم ما اروح حباب ما اروح ما اريد شاهين ارواح راح يا عذبوني اريد ابقى يمك انت اماني عمري ما شفت الراحه بس يمك

ضمني لصدره وكام يمسح على شعري همس وهو يبوس راسي

شاهين كافي بجي يا بعد حيلي كافي يا بعد روحي ما اتحمل اشوفك وانتِ تبچين وداعت هل عيون الحلوات مستحيل اخلي بعد احد يأذيچ اني يمج ما راح اعوفج صدكي بس هل كم اسبوع انتظري وراها انيمج بحضني شحده اللي يمس طرف منچ واني موجود

مريم. شاهين متخوفه من هايي الفكره الصراحه

شاهين. تثقين بيه

مريم. طبعاً

شاهين. عجل سمعي كلامي مريم اني والله هم مثلج ما اريد تبقين يمهم بس خايف عليج يا بعد معلاكي اني اعرف نسوانه مسمومات باجر يسمعنج بل كلام وانتِ ترفه ما تتحملين

سحب ايدي و باسها فتح اصابعي و خله ايدي على على فكه همس

شاهين. مسدي ( حركي) ايدج اريد احس بل راحه
عمري ما شفت راحه ولا استقرار بس من توصل الشقله يمج يختلف كل شي احبچ حيللل

تربعت و خليت راسه بحضني كمت امسد على فكه و شعره همست واني هايمه بتفاصيل وجهه و عيونه الصفر الي يلمعن و شعره الاسود الي بين اصابعي

مريم. احبک و اموت عليك يا احلى شي صار بحياتي صگري انت الشي الحلو الي صار بحياتي غيرت كلشي بيها من حبيتك حسيت ملكت الدنيا و ما بيها حسيت بطعم الحياه .... صگر ما اريد كلشي منك لا طفل ولا بيت ولا فلوس اني اريدك انت فقط اريد انعيش حياتنه سوه بعيدين عن مشاكل الناس نشارك تفاصيلنه سوه ننجح سوه نزعل سوه اريدك ما تفاركني لو لحظه .... احس بيك حنيه ابوي الي ما شفتها بعمري كله ...احس بيك حضني امي الي فاكدته صار سنين  ... احس بيك خوف اخوي ... شاهين انت نزلت عليه مثل الملاك من دخلت حياتي جان اكوو فراغ كلش جبير بكلبي جنت مكسوره و فاقده الامل بكل شي .... احبک بكد حبي لامي و بكد شتياقي و لهفتي لشوفتها و احبك بكد حب ابوي الي ما شفته بحياتي

شاهين. احبج يا ذات العُيون الناعسة

مسح دموعي و باس خدي بقوه شم خدي و همس

شاهين. فراولة

ضحك بخفه و كام عدل كعدته فتح ايده و كال

شاهين. تعالي بحضني

رحت و ختلت بحضنه بدون تردد، و لفيت ايدي على رقبته و رجليه على خصره و نهاريت من البجي حسيت راح افاركه حسيت باحساس ابد مو حلوو تعودت عليه ما اريد افاركه اريد ابقه يمه

ما حجه لو كلمه خلاني ابجي بس حسيت خله ايده على شعري و كعد يمسح بيه بحنيه

بعد فتره كلش طويله هديت زولت من حضنه واني اشهك الشهكه تطلع من كل گلبي و كتافي يرتفعن بكل شهكه

شاهين. كافي حبيبي بس لو اعرف شنو الي مضوجج و مزعلج

مريم. ماكو .... شي

شاهين. عجلل ليش تبجين

مريم. تعبانه شاهين دا تصير اشياء اكبر من طاقتي و تحملي و تهدم نفسيتي تعبت شاهين جاي اشتاق لاهلي و لبيتي و لمدرستي لحضن امي اشتاك لوكت المغربيه من انتظر اخوي باب المطبخ انتظر من يجي من الشغل كبل عيني تجي على ايده اذا شايل علاليك اكوم اصيح و اكمز و اروح ابشر امي عبالك جايب كنوز مو طماطة وخيار .... صح هذنيج الايام جنت عايشه بفقر بس من اتذكر امي و اخوي بضهري احس بل امان لا ارادياً

شاهين. المفروض تكونين راضيه بحكم الله هذا اختبار الج الله راد يختبرج بقوه صبرج و تحملج راد يختبر مدا تحملج و مدا قوه ايمانج مهما يصير الج احمدي ربج الف مره لان اكو غيرج جاي يمر بضروف اصعب من ضروفج و الي انتِ جاعد تمرين بي

حاوط فكي بايدينه باسني من راسي همس

شاهين. سمسمه احمدي ربج الف مره اني موجود يمج و مساندج بكل شي فكري بهذول المتسولين الي بل شارع فكري بهذني البنات الي جاي تغ*** و تنذب و اهلها يذبحوها بدم بارد .... لا تبجين على كل شي صير قويه ما اكولج لا تبجين و تكتمين بداخلج لا ابجي و فرغي الطاقه السلبيه كلها بس لازم تكونين على السجاده و ترفعين ايدينج لربج لان ما تلكين ارحم منه عليج و ورا ما تبجين و ترتاحين  صيري قويه بمعنى الكلمه كوني صلبه خلي الاشياء السلبيه و الي تأثر عليج سويها ايجابية ماشي حبيبي

هزيت راسي بايي و حضنته همست

مريم. شكرراً صكري المنتف لأنك موجود بحياتي احبكك بيبي

شاهين. هسه جاي تحمديني تذميني شنو منتف شايفتني

مريم. اولل ما شفتك من ضربتني و صعدتني بل سياره كبل اجه بالي قصه الحسناء و الوحش حرفياً حسيت بهيج احساس لان بهذيج اللحظه انت وحش واني الاميره الكيوت

شاهين. ههههه ولعباس ابو فاضل طفله

مسكته من شواربه و حجيت واني مقوسه شفتي

مريم. يااا شاهين انااا موو طفلهه انت وحشش

شاهين. اني وحشش مووو

مريم. ايي وحش يل منتف

شالني و شمرني على الجربايه و كام يدغدغ بيه واني ميته ضحك تعب و شالني على كتفه واني كمت ادافر و اصيح باوعت على الارض و كمت اصيح لان جنت كلش مرتفعه

مريم. وحشش يللل منتف عليكك الله كافيي عاااا نزلنييي

شاهين. بعد تكولين اني وحش و منتف

مريم. لااا انت حباب و ابد مو منتف انت صكر حبيبي بعدد ...... نزلنييي نزلنيييي نزلنييييييي

شاهين. اخخخ ربيي اذني اريدها مو صوت صفاره انذار

نزلني واني كبل كمت اركض و صلت لنهايه الغرفه و عيبت عليه و صحت

مريم. كريههه وحشش منتفف يععع صكر منتف هههه

شاهين. هاااا هيج صارر الحجي

مريم. يبب عندك مانع لو دواس ههههه

خله ايده على شواربه و كام يمسح على شواربه همس

شاهين. اسحبي كلامج

مريم. ماااا

شاهين. تسحبينه لو لاا

مريم. توووو

كلت هيج لو هوا اجه و تقدم عليه كبل كمت اركض بس جان اسرع مني و سحبني من خصري و خلاني جوه ايده و كان يمشي بيه

خلاني على الجربايه و راح فتح الكنتور و طلع تيشيرت شكه و سوا خيوط ختفت الابتسامه من وجهي و خفت اجه بالي الموقف اول يوم العرس من عذبني عباس نفس المنظر بس بغير صيغه

تقرب عليه واني خفت و رجليه بادن معد اكدر اكوم

ربط ايديني و رجليه باوع عليه و اشر بايده بمعني اوكي

حجيت واني اقطع بل كلام

مريم. شاهين شسويت

شاهين. احسن اركدي شوي و لا تحجين ما احب اللغوه شوي بس ارتاح افكج

مريم. شاهينن حباب اخاف

شاهين. اي خافي احسن

مريم. فكني حباب اخاف

شاهين. حسب مزاجي يمكن باجر او الي بعدو بكيفي

فتحت حلكي و كمت اصيحح و ابجي شلون الجهالل من كل كلبي و ارجف

اباوع عليه ضرب على كصته و كام يهز بايده

اخر شي صاح ولججج كافييي اذني عجلل مو صار ساعه نحجي لازم تكونين قويه و هيج اشياء ما تأثر بيج

كمت ارجف و احجي بدون وعيي

مريم. عوفني عباس الله عليككك لا تضربني والله ....والله ما سويت شي عليكك الله

من سمعني هيج اكول كبل ركض فكني و حضني بكل قوته واني بصدره ابجي و منهاره حجيت بتقطع

مريم. والله ما ادريي حجيت بدونن قصددد

رفعت راسي عليه واني ابجي لكيت عيونه حمرر رفع ايده و اخذ رشفه من الجكاره اباوع على ايده ترجف رجف مو طبيعي

ضم راسي بصدره و حضني و هوا يهمس بصوت متقطع

شاهين. اسفف يا بعد بيتي مجان قصدي اسوي بيج هيج شي مستحيل يجي يوم و ائذيج او اربطج مهما يكون السبب انتِ مو حيوان تا اسوي بيج هيج مثل ما اقبل على نفسي ما اقبل عليج و ربطتج مجرد شقه معبالي تخافين لهل درجه و تتذكرين الماضي

مريم. منووو كلكك ناسيتههه منووو كلككك يوميه ينعادد عليهه مثل الشريط يوميه يجي هذا عباس بل حلم و يحاول ينزعني ملابس و يجويني واني ادفعه و اكوله لااا عوفني بس مجان يردد شاهين تصدك جان يضحك و اني اصيح باسمك بس انت ما تجيي ... ماا تجي تنقذني ما تجي تحضني و لا تكولي اني يمج

شاهين. مجردد حلممم اني يمج بل حقيقه ما اعوفج و هذا عباس راحح بعد معد يجي حتى لو بل حلم

مريم. لا تعاملني مثل ما جانو يعاملوني قبلل لا تصير مثلهم

شاهين. حاظرر يا بعد معلاكي و يا بعد راحتي و عذابي و دنيتي مسحي دموعج كافي يله اهديي

مريم. اريد انام

سحب البطانيه و لفلفني بيها و كعد يحرك ايده على شعري

غفيت واني اشهك و ارجف

كعدني شاهين و هوا يهمس بصوت ناصي

شاهين. يلله حبيبي كومي سمسمه كافي نومم اكعدي خلي نروح

حجيت بنعاس و بفهاوه واني مغمضه عيوني

مريم. موو هسه شويي نوب

شاهين. كومي خلي نروح على المطعم

طفرت واني اصيح

مريم. صدكك والله

شاهين. عجلل واني صارلي ساعه اتوكع عليج من جبت طاري الطلعه كبل كمزتي

مريم. اففف صكر المنتف شسوي احب الاكل و جوعانه حيلل

شاهين. ادللي جنج على هايي اشبعج و علي

كعدت يمه و همست

مريم. راح نروح على بيت خالتي

شاهين. ايي

دنكت واني مقوسه شفتي رفع راسي بايده و كام يمسح باصبعه الابهام على شفتي همس

شاهين. صدكي راح تفرحين كلش عدهم بنات بكدج و راح تلكين خالتج حيل تحبج و اني متأكد من هذا الشي و راح اتواصل وياج 24 ساعه اطمن عليج و ازورج كل يومين

مريم. الي تسوي اني قابله بي اهم شي ما يأذوني

شاهين. لاا اطمني من هاي الناحيه .... هسه احجيلي شلون صرتي

مريم. زينه

شاهين. نسينه موضوع البارحه

مريم. تووو جاي احاول اسيطر على نفسي و ما اربط الاحداث مع بعضها

شاهين. ميخالف فتره و تعدي و راح تنسين كل هذني الاشياء و يصيرن مجرد سوالف

مريم. اتمنى

شاهين. ماكو شي صعب عند الله

مريم. و النعم بالله

كمت صليت و لبست ملابسي و رتبت نفسي باوعت على جوه عيوني خط لونه احمر و عيوني ناعسة و تعبانه

طلعت و لكيت شاهين لابس ملابس الدوام

مسكني من وجهي و ضحك بخفه

شاهين. هاذني عيونج ذكرتيني اول ما شفتج بل مخيم جنتي تعبانه و عيونج صايرات ناعسة بوكتها سحلن گلبي سحل

مريم. صدك والله لهل درجه مركز بيه

شاهين. يبووو اكثر مما تتخيلين

مريم. احبگ يا ملاذي

شاهين. احبچ يا ذات العُيون الناعسة

دنكت راسي بخجل و ضحكت بخفه

مسك ايدي و طلعنه من الشقه

رحنه على مطعم و نزلنه اكل على ذوقي و كعدنه ناكل شاهين شوي اكل و راح غسل اجه باوعت علي و همس

مريم. شبيك شاهين ليش ما اكلت هواي

شاهين. ما احب اكل المطاعم اكله بس مو بكثره افضل اكل البيت

مريم. اني عكسك تماماً

شاهين. بل عافيه

خلصت اكل و رحت غسلت و عدلت لبسي و حجابي و رحنه صعدنه بل سياره

باوع عليه شاهين و همس

شاهين. راح نروح على خالتج حبيبي

مريم. ايي

شاهين. ما اريد تبجين اني يمج بايي وقت مثل ما وصيتج صيري صلبه

مريم. ماشي حبيبي

شغل أغنية احلى صبيه كا العاده و ندمج بيها اخذت موبايله و كعدت اصور بي كصيت كم صوره لايدينه  شاهين من شافني اصور وكف السياره و سحبني لحضنه

مريم.ياااا شاهين شدا تسوي

ما رد عليه سحب الموبايل من ايدي و كعد يصور سيلفي اني اخذني الوهس حضنته و كمنه نكص صور

غيرت الأغنيه و خليت اغنيه مالت اليسا كلش احبها

خليت راسي على صدره و حضنت ايده صورني فيديو و هوا يضحك عليه شلون نايمه على صدره

ضحكت على نفسي شلون رخت اعصابي واني الي جنت متوتره و خايفه ... من اسمع صوت دكات كلبه كبل تهده اعصابي

شالني و كعدني على بمكاني همس

شاهين. بيج شي

مريم . تووو مبيه

شاهين. راح تبقه هل صور و الفيديوات ذكرى

مريم. ان شاء الله نبقه طول العمر و نصور احلى منهن بعد

باس ايدي و همس

شاهين. ان شاء الله ،الله يسمع منج ام عيون

خليت راسي على الجامه نص ساعه و وكفت السياره

شاهين. يله سمسمه و صلنا انزلي

مريم. ما تعوفني موو

شاهين. على الموت ماعك على الموت هههه

مريم. ههههه صكرييي المنتفف احبک

شاهين. امممم رحم الله والديج بيبي

مريم. هههه و والديك

وكفنه يم الباب و شاهين دك الجرس

............ يتبع

°°°°°°°°°°°°°°°°°°°°°°°°°°°°°°°°°°°°°°°°°°
اذا عجبكم البارت خلوو نجمة و قدرو تعبي 🤎🌚

اليوم كلش مميز بل نسبه الي لانه عيد ميلادي كبرت سنه جنت أتمنى هذا اليوم يصير مميز من صدك و حسابي يصعد الف بس كان بعيد الحلم، هوا مو صعب بس انما بعيد

فااا حبيت اني انطيكم هيج هديه خفيه ظريفه ردت انشر الكم صوره القلاده الي وكعت من شيهانه ، و تعرفون هيه موجودة بمحفضه عموو البطل و عمو شاهين مداوم و ما عنده نت بل منطقه الي مداوم بيها فا ما كدر يدز الصوره مع الاسف اهرني اهرني 😭💔

حبايب اكوو موضوع كلش غثني اليوم هواا تشبيه الابطال مثلا اكو قسم منكم هااا والله سوالف شاهين تشبه فلان بطلل اوو دا تقلدين فلان قصه

خلي اوضح فد شي اني بحياتي ما قلدت احد لا بسرد لا باحداث القصص مالتي جاي اكتبها عن لسان البطل و البطله ما اضيف شي من يمي و شي اكيد بعض مرات تصير تشابه كلمات و هذا الشي كلش طبيعي كونا كلنا دا نكتب روايات عراقيه و لهجه عراقيه فاا شي اكيد تكون بعض الكلمات متشابه شوي وسعو تفكيركم و لتصيرون اغبياء ... اوكي انتقدو و انطو رئيكم الصريح بس بنقد بناء باسلوب حلوو عيب هل حجي اني ما مطرهه اسمع كلامكم الي يسم البدن و اسكت 👍

اسفه طولت هواي بل حجي بس اني كلش اضوج من هاي الفئه و مستحيل اتقبلها ان جان بحياتي او بل تواصل 🤎🖇️

تابعو حساب هاذي البنت اللطيفه نشرت قصه و ماكو تفاعل Apparentls

حب چبير الكم 🤎🫂