رواية ذات العيون الناعسة الفصل الرابع وثلاثون 34 - بقلم روان آل عبدالله

يا ميت يريد يعيش خل يگعد وأموت آنه

الكاتبه روان عبدالله

°°°′°°°°°°°°°°°°°°°°°°°°°°°°°°°°

شاهين . سمعتها تكول مو موافقه لو اني تخبلت دنكت خليت ايدي على راسي احاول استوعب الامر كمت من دون تردد و فتحت الباب لكيت كاعده على الكرسي خالها كاعد يمها و يحجي وياها

اجيت شلت القرآن من حضنها و نطيته للبنت الي واكفه يمها سحبتها من ايدها بقوه وكع هذا الابيض الي على راسها جريتها من ايدها صارت هدوء كلها دحچ عليه ما هتميت مجان اكو شي بالي غيرها

دخلت على اقرب غرفه و دفعتها و قفلت الباب نداريت عليها جانت ترجف و تبجي سحبتها من شعرها و ضربت ضهرها على الحايط

خليت ايدي على الحايط و مسكت فكها بادي رفعت راسها و همس

شاهين. شكلتي قبل شويه

ما جانت تقبل ترد بس تبجي صحت بيهاا بصوت عالي

شاهين. ولججججج احجييي ليششش رفضتيييي

حجت بشهكه و هيه ترجف شلون السعفه

مريم. مااا .... اريدد ... اتزوج

دنكت عليها صار ما يفصلنا شي حجيت بهمس واني كوه اهدي نفسي

شاهين. ليشش ما ترديني لكيتي الي احسن مني جنتي واهمتني بل حب لجل مصلحتج ..... احجيي شي لا تضلين ساكته

ما جانت ترد عليه بس تبجي عبالك بعالم ثاني بالها و تفكيرها و سمعها كله مو يمي

زدت الضغط على فكها و همست بكسره كلب و اني ارجف

شاهين. جنت خال كلبي بين ايدينج بس بكلمه كسرتي و دمرتيني و دمرتي نفسج ....جنت احسبج سند تخليت عن كلشي بسببج قدمت تنازلات بحياتي ما جنت متوقع انزل نفسي لهل درجه بساطه انتِ بشنو جازيتيني شنو قدمتي الي ستغليتي حبي الج ستغليتي نقطه ضعفي رفضتيني بدون سبب دمرتيني سمسمه .... صرت الج مو بس مجرد حبيبي صرت الج اهل حتويتج سندتج حضنتج بوكت انتِ الكل تخله عنج و هسه بكل دم بارد ترفضيني شنو عذرج شنووو هوااا السببب احجييي لا تضليننن ساكتههه مو دمي حتركك

وكعت بل ارض و كامت تضرب برجليها و تبجي بصوت عالي نزلت لمستواها و همس واني كلبي نار

شاهين. شبيج يا بعد راحتي ليش تسوين كل هذا بنفسج ليش تعذبيني و تعذبين نفسج ليش تعقدين الامور

رفعت راسها و هيه غرقانه بل دموع حجت بتقطع

مريم. ما اريد اتزوج عباس عوفني

صفنت عليها و صحت واني منهار

شاهين. عباسسس راحح بعد ماكوو ليشش تضلين واهمه نفسج بهيججج أمورررر عيشي حياتجج انسيي ليش تضلين غارقه بل ماضي اطلعي منههه

مريم. مااا مااا اريدد اتزوج عوفني ما اريددد تعبت انييي تعبتتتت ما اريددد تضربني مثله ولا تجويني ولا تربطنيي ما اريددد

صفنت على حجيها الي مو منطقي مره تكوللي عباس مره تستوعب اني مو هوا همست بتعب و انهيار

شاهين. منوو كلج راح اسوي كل هذا بيج منو زرع هاي الافكار براسج

مريم. محددد محددد اني اعرف كل بنت تتزوج يصير وياها هيج شي

خليت ايدي على عيوني اصبر نفسي رفعت راسي و همست

شاهين. هايي هيه سمسمه براحتج ما نتزوج راح اعوفج بحال سبيلج كرامتي نسحلت وانتِ مراضيه تقتنعين ولا راضيه تفصلين بين الماضي و الحاضر

مريم. عوفني ما اريدك روححح من هنااا ما اريددد اتزوج احدد كلكم جذابين

شاهين. بل نهايه اني الطلعت الجذاب و اني الي اضرب و الي اجوي و الي اعذب مو صحح

جريت الكرسي و كعدت مقابيلها شعلت جكاره و همست

شاهين . كلمه ما اريدك كسرتني و دموعج نزلت تيزاب على كلبي

راح اروح يا بعد روح صكر بس صدكي بيوم ما راح تلكين بشر يحبچ بگدي ولا راح تلكين شخص يحسب حسابج قبل نفسه يفضلج على راحته

رفعت رأسها من رجليها و باوعت عليه بعيونها الناعسه من البجي مجرد نظره منها تخليني اتراجع الف خطوه الى ورا

كبل طلعت ما اريد اتراجع عن قراري دخلت لصاله النسوان و صحت

شاهين. يله نتوكل

رادن يحجن من رفعت نضري عليهن سكتن طلعت و هنه وراي تلكاني علي و فهد بس محد حجه شي

صعدت بسيارتي صعد يمي علي و فهد حركت السياره و كمت اسوق و بالي الف فكره مره اكول ليش عفتها لو لاح عليها و مخليها توافق مره اكول لا ما تريدني شكو اجبرها قاطع سلسله افكاري فهد و هوا يكول

فهد. صكر اروح احجي معاها شوي

صكر. دير بالك

فهد. شنو سبب الرفض هيه تحبك واني اعرفها مستحيل تاخذ هيج قرار اله بيها شي

شاهين. ما تريد تتزوج تخاف لا اعاملها مثل معامله هذاك الخايس

فهد. شووف والله عرفت باوع صكر هيه محتاجه دكتور نفسي

شاهين. شنو من دكتور

فهد. دحج يول هيه لحد هسه عايشه بل ماضي اني من عشت وياها كله تسولف الي على اخوها و امها بعد بثواني تكوم تبجي و تكول عافوني و صكر عافني و تكوم تهلوس ما تسكت اله ما تنام و هذا عباس زود الطين بله خلاها تكره نفسها اني اول ما حجيت وياها عرفتها محتاجه دكتور نفسي هيه عالقه بل ماضي و الاشياء الي مرت بيها صعبه والي بعمرها ما يتحملن يشوفن شخص ينذبح جدامهن او اخوها يمثل انو هوا اخذ شرفها لو موت امها الي كسر ضهرها لو التعذيب الي تعرضته على ايد عباس كل الي مرت بي و تريدها صاحيه و ما بيها شي و تريدها تتزوجك و تعيش وياك و تتفهمك و تتحمل عصبيتك و شغلك الي على حافه الموت احمد ربك لسه واعيه وله الي غيرها تلكاها مخبله

شاهين. فهد تعبان وعلي لا تزيد الطين بله

فهد . شاهين اني من احجي هيج لمصلحتك هيه بأمس الحاجه الك و انت بكل بساطه عفتها على مود رفضتك بسبب حالتها النفسيه اترك گلبك و حبك الها على صفحه و فكر بعقل و باجر ارجع على الناصرية و احتويها و عالجها

شاهين. الله كريم...

الولد نامو واني كل الطريق الندم ياكل گلبي لان عفتها و هيه تبجي ضليت افكر بكلام فهد و مره اكول صح كلامه مره اتراجع فزيت من صوت علي و هوا يصيح

علي. ولك زوجي سر سعادتي خنكتنا بهل ريحه الجكاير خرب بيوك شكد دخنت طفيها لا اجيك يلههه

شاهين. عفواً شكلت

علي. اخذ راحتك حبيبي ما كلت شي

وصلت على البيت صعدت لغرفتي ذبيت روحي على فراشي تمددت ضليت اتكلب ما يجي بعيوني نوم
تفكيري محاط بشيهانه زفرت و كمت صليت

خلصت صلاتي و نزلت جوه باوعت على الساعه 2:30 بليل

دخلت لغرفه الجم تصير خارج البيت كل ما احس روحي تايه اروح اتمرن

كعدت اتمرن و اني ضايع ما بيه حيل كل شي بس جاي اقاوم

اجاني اتصال و تعجبت منو هذا الي يتصل بنص الليل

توجهت على موبايل جان بنهايه الغرفة اخذت باوعت على الرقم الي يتصل ....

في مكان اخرر

(راما بنت خاله مريم راح اتحجي الي عانت منه مريم لان مريم جانت مو واعيه )

راما ....

اباوع عليها كاعده على الكرسي و ترجف دنكت و همست الها

راما. لا تخافين يولي اليوم مو زواجكم تراا

رفعت نضرها الي و كامت تبجي همست من بين دموعها

مريم. ما اريد اتزوج حبابه كولي الهم

راما. يااا مريم سمي بسم الله ولج غير راح تتزوجين حوبيب الكلب شجاج .... كافي مسحي دموعج و اهدي

سكتت بس بقت ترجف و متوتره كلش

كامو يحجون الزلم شوي و دخل ابوي حجه ويه مريم اسمعها تكول اله مو موافقه تخبلت ما عبالي مصره على قرارها

كعد ابوي يحجي وياها و يطمنها و هيه مصره على قرارها نفتح الباب بقوه و دخل رجال سبحان الخالق
شنو من عيون شنو من هيبه و طول

بدون مقدمات اجه و سحب مريم من ايدها عرفته شاهين

امي من شافته هيج عصبي رادت تلحكهم بس ابوي ما قبل راد انخليهم على راحتهم

سحبت امي من ايدها و وكفنه بل مرر مقابيل الباب ننتظر يطلع وامي كل شوي تريد تروح عليهم بس ابوي منعها

بقينه واكفين ربع ساعه على توتر صارت ساعات عبالك

طلع شاهين و وجهه ما يكصه طبر صاح على نسوانهم و طلعو كبل ركضنه اني و امي على الغرفه انريد انشوف مريم بس لا سوه بيها شي

فتحنه الباب باوعنه على بكل الغرفه ماهيه اجانه صوت بجي من وره الباب امي دفعت الباب باوعت مريم تبجي و تضرب برجليها رفعتها امي و هيه مستمره بل بجي و تصيح

_ ما اريد اتزوج

تعيد هاذي الجمله و تشهك صعدناها فوك للغرفه حضنتها امي و كعدت تبجي وياها

ضحى. كافيي يروحي ما تتزوجين هاي هيه براحتج

ضلت امي تردد عليها هاي الجمله اخر شي رفعت راسها و باوعت على امي و حجت بصوت مبحوح

مريم. يعني ما راح اتزوج عباس

ضحى. سوده بوجوهكم دمرتو البنت حسبي الله

راما. مااماا البنت شوفي حالتها شلون طمنيها مو وكت تسبين بيهم

دنكت عليها امي و كعدت تطمن بيها حسيتها شوي هدئت رحت ركض جبت كلينس مبلل و كعدت امسح بوجهها

رحت على الكنتور طلعت ملابس و اجيت على امي همست

راما. مااما روحي سويلها اكل او شي دافي واني راح اكعد يمها ماطول ساكته يلههه

نزلت امي جوه باوعت عليها خاله ضهرها على الحايط و صافنه همست

راما. يله حبيبتي هاج بدلي ملابسج

مريم. جان يحبني حيل بس اني ضيعته من ايدي بسبب غبائي

راما. منوو هذا

مريم. ص... صكر حبيبي

راما. لا ما ضيعتي هوا راح يبقه يمج لا تخافين

مريم. توو هوا كال راح اروح يا بعد روح صكر هواا مبلااا كلي هيج

راما. كلج هيج لان راح على اهله شبيج

مريم. راما انو مو طفله و فهمت قصده .... اني ضيعته خسرت شخص غالي جان كلامه صح من كال ما راح تلكين شخص يحبج بكدي واني اعترف ماكو مثله بل دنيا كلها ... بس والله مجان بيدي اسوي هيج جنت عبالك فاقده ما اشوف اي شخص كدامي بس عباس جنت اشوفه مره يضربني و مره يجويني

راما. ميخالف اهدي ماكو عباس هاي هيه راح انسي لا تفكرين بي

مريم. انطيني الملابس حبابه

اخذت مني الملابس و دخلت للحمام بقيت انتظرها شوي و طلعت وجهها شاحب و عيونها حمر شعرها مبلل و نازل على وجهها لابسه التراك بل مكلوب و ثانيه ضهرها و تمشي كعدت على الجربايه بعدت شعرها عن وجهها رفعت نظرها الي و همست بضعف

مريم. تكدرين تنشفين شعري

راما . اي هسه ادللي

جبت المشط و كعدت يمها اباوع عليها لرغم تعبها الي واضح على وجهها بس سبحان الخالق شكلها كد ما حلو كبل صليت على النبي التعب من يبين على وجهها يزيدها جمال

مشطت شعرها و فيرت و هيه طول الوقت ما حركت اصبع سويت شعرها كصيبه و لبستها كبوس خليت ايدي على كتفها و همست

راما. يله حبيبتي كومي اكلي خلصت

مريم. اريد انام لعبانه نفسي من كل شي

راما. براحتج

كامت تمشي بتعب ذبت نفسها على الجربايه و نامت
غطيتها و طفيت السبلت و الضوه و نزلت جوه على المطبخ لكيت امي كاعده همست

راما. ماما مريم نامت ما تريد كل شي

ضحى. جاا ما تاكل

راما. ماما ما تشوفينها بيا حال شلون يصير الها نفس تاكل

ضحى . خطيه هل بنت ما شافت شي حلو بحياتها فقيره و تخاف الله بس شنسوي لا اعتراض على حكم الله

راما. و النعم بالله

ضحى. راح اروح انام عدها اخاف يصير شي بيها

راما. روحي على غرفتج انه انام يمها وذا صار بيها شي اجي و انشدج

ضحى. لاا خطيه ابقه يمها هسه الكاها خايفه لحد هسه مو وبوعيها

صعدنه انه و امي دخلت غرفتي و امي دخلت غرفه مريم باوعت على الفراش و كبل ذبيت روحي عليه
نمت بدون تفكير اول مره اعيش يوم صعب بحياتي

بين غفوتي حسيت على شخص يصيح باسمي بصوت عالي بس ما جنت اكدر افتح عيوني من التعب و الارهاق بس اسمع الصوت

رجعت غفيت حسيت على ايد تهز متني فزيت و فتحت عيوني شفت كدامي سجى اختي

راما. هاا حبيبتي بيج شي

سجى. امي جاي تصيحج روحي شوفيها

فزيت مفزوعه و كبل كمت اركض فتحت الباب و دخلت شفت امي كاعده على حيلها و خاله ضهرها على الحايط و تقره قرآن بصوت شبه عالي

همست واني خايفه

راما. هااا يومم شبيج

ضحى. شغلي الضوه خلي اشوف شبيها تبجي

ركضت على الضوه و شغلته شفت مريم حاضنه امي كل قوتها و تبجي بصوت عالي كلش

امي تحجي وياها ما ترد بس تبجي و تصيح بشهكه

ماا اريدد عوفنيي ما اريددد

تردد هاذن الكلمات و تبجي و تزداد رجفه جسمها

بجيت انهاريت واني اشوفها هيج تشهك و تبجي اني حاولت وياها بس ما فاد ما تسمع عايشه بعالمها الخاص بي كل الذكريات السوداويه و المتعبه

رحت على امي و همست الها

راما. يوم باوعي عليه

ضحى. هاا احجي

راما. راح اتصل بشاهين عسى و لعل يرد هوا الوحيد الي يكدر يتعامل معاها

ضحى. لاااا ديري بالج شلون تخابرين الرجال بنص الليل

راما. يومم مجبورين شوفي حالتها تكطع الكلب اذا انتِ تسكتين اني ما اسكت مستحيل اخليها تبقه هيج تبجي ... راح اخابر شاهين متعلمه عليه و تحبه اكثر منا على الاقل احنى ما صار اسبوع من نعرفها

ضحى. خابري شوفي بلكت يلكه حلل لهل بنت حالها يكسر الخاطر

تنهدت واني امسح دموعي اباوع عليها تعبت من البجي كامت تون و تهمس بكلام مكسور و ناصي

ما اريدد .... ما اريددد

رجعت ابجي بانهيار على حالتها

اخذت الموبايل مالها و طلعت برا و توجهت لغرفتي و اتصلت بدون تردد

ضليت ادك و هوا يرفضه اخر شي ما صار يرد و لا يرفض فصلت الخط وانه تلفانه اعصابي دزيت اله رساله و كتبت بيها

انه مو مريم انه راما بنت خالتها رد عليه بسرعه الله يخليك مريم محتاجتك ضروري حالها ابد ما يسر

..............

يتبع ....

الكاتبه روان عبدالله

غلسو اذا شفتو سحكات بليززز 💔🥺