رواية ذات العيون الناعسة الفصل الثالث وثلاثون 33 - بقلم روان آل عبدالله

ليشَ تِترسني حِزن وتگُلي أحبك ؟

الكاتبه: روان عبدالله

علقو بين الفقرات دوسو على النجمة لطفاً

••••••••••••••••••••••••••••••••••••••••

وكفنه يم الباب و شاهين دك الجرس

بقينه واكفين خمس دقائق رفعت راسي باوعت على شاهين لكيته يلبس نضاراته و كصته واضح عليها قطرات العرگ الي تلمع على كصته و شرايين الي بكصته واضحه

باوعت عليه قوست شفتي و ميلت راسي حجيت بصوت زعلانه

مريم. شاهين خلي نرجع ما اريد

شاهين. عفواً...

مريم. حبووب دبدوبب

خله اصبعه السبابه على شفته و سوه حركه بمعنى اسكتي

دنكت راسي و كمت ابجي جذب و اعلي صوتي على مود يسمع صاحح

شاهين. كافي ترا مبين البجي الجذب صوتج نشاز جنه صوت مسجل راديون قديم چاتله العث و الوصخ

مريم. احلى منككك يل منتففف

شاهين. منوو ؟؟ شكلتي قبل شوي

مريم. منتفف صكر منتففف و بعد دبدوبب

شاهين. شلون ويه هل طفله انيي

مريم. هاااا هسه صرت طفله خوش اذكرك من تجيي شيهانه مشتاقلچ سمسمه احبج مشتاك لعطرج ..بسيطه انا الك راح اشوفك الطفله شنو تسوي

شاهين. هههه كولي والله مرتين.

عيبت عليه كلبت عيوني و درت وجهي

شاهين. اكولج

مريم. خيرر ان شاء الله

شاهين. خيرر بويهج حبيبي . اكولج

مريم. كول و ما اكول لحد

شاهين. هاج هذا الموبايل تخابريني بي

مريم. اممم مو هتوو تكول طفله

شاهين. احلى طفله وعلي

اخذت الموبايل و كلبت وجهي

تقدم شاهين و ضل يدك الجرس اجانه صوت مره و هيه تكول

_ جايه عيني لحظة

شاهين رجع الى وره و وكف يمي اني توترت لا ارادياً
تشبثت بايد صكر

هوا حس بل رجفه الي بايدي عصر ايدي و كام يفركها باصبعه الخنصر

نفتح الباب رفعت راسي باوعت مره مطلعه بس راسها من الباب من شافتنه فتحت الباب و حجت بابتسامه

_ يااا هله والله تووه ما نور البيت تفضل ضابط صكر ادخل جوه الدنيا حاره

شاهين. بارك الله بيج ان شاء الله أمر بس بغير يوم هسه عندي شغل لازم اروح جبت الج الامانه و اريدج تحافظين عليها

باوعت عليه و وسعن عيونه دنكت بخجل و ختلت بظهر شاهين

اجاني صوت المره و هيه تحجي

_ هله يمه انه خالتج يا بعد بيتي تعالي بحضني

رفعت راسي و باوعت على شاهين بنظره تردد
باوع عليه و هوا مبتسم يطمني

ترك ايدي و كلي بهمس

شاهين. روحي يا بعد روحي

قوست شفتي استعد للبجي و رحت عليها بحركه بطيئ

سحبتني و ضمتني بصدرها فتحت عيوني واني اشم عطرها هذا العطر شامته قبل

زولت من حضنها واني مصدومه هذا عطر ايي نفس ريحه امي نفس دفو حضن امي

نزلن دموعي على خدي بصمت فززني صوت شاهين و هوا يكول

شاهين. يالله اودعناكم

رفعت نضري عليه اجت عيني بعينه صفنت عليه و زداد البجي

هذا الموقف نعاد عليه بس الأشخاص مختلفين

تذكرت من محمد وداني على بيت ما اعرفهم بل موصل و راح و ما رجع بعد

نقبض كلبي و تسارعت دكاته اطراف اصابعي صار بيهن رجفه لا ارادياً فتح ايده و اشر الي بمعني تعالي

رحت عليه واني ابجي و خاله ايدي على عيوني حضنته و غطاني بذراعاته همس باذني

شاهين. كافيي بجي احنى شنو اتفقنا مو كلنا صيري قويه ولا على كل شيء تبجين حبيبي كم يوم واني جايب العشيرة كلها يم باب بيتكم وعد رجال

مريم. لا تعوفني مثل الي قبلك

شاهين. للموت وداعت هل عيون الي تسحل گلبي سحل

مسح على ضهري و همس و هوا يزفر هوا حار على خدي

شاهين. كافي بجي مو عيونج الحلوه راحن .... دحجي مو اليوم خميس الخميس الجاي اني و الشيوخ يم باب البيت وعد راح تتسجلين باسمي الخميس الجاي ... يله عيب من خالتج زولي

زولت منه واني امسح بدموعي ما كدرت احجي بس لوحت بايدي و دخلت جوه وكفت ورا الباب

خالتي ودعت شاهين ودخلت جوه من شافتني همست بحنيه

خالتي. كافي بس يروحي هو وعدج وراح يوفي بوعده اني واثقه من قرارات صكر هو سولف الي نبذه عن حياتج و حجه نوع العلاقه بينج و بينه ما بيها شي الحب مو عيب ولا حرام وهسه يلا امشي خلي اعرفج على بناتي راح تحبيهن وتكونين صديقتهن هنه هم مثل عمرج

سحبتني من ايدي دخلني جوه جان البيت مرتب وريحه الاكل هدت حيلي

صاحت خالتي بصوت عالي

خالتي. ولجن يلا انزلن صار الغده كافي نوم اجت يمنه ضيفه

صاحت هيج نزلت بنات ثنين من الدرج متسابقات ويضحكن بصوت عالي و كفن يمنه همست وحده منهن

_ الله ماما مني هاي الحاته

خالتي. ولج احترمي هاي بنت خالتج راح تعيش يمنه من يوم ورايح وما اريد اي مشاكل تصير بينجن اريد تكونن صاحبات وحده تحب الاخرى

_ زين ماما خو....

خالتي . اشش ما اريد اسمع كلمه يلا اخذي مريم وخليها تغير ملابسها بين ما اصب الغده

تقدمت عليه وحده من البنات جرتني من ايدي صعدنا فوق دخلنا على غرفه بناتيه جانت حلوو حيل

باوعت عليه البنت و حجت بضحكه

راما. انه اسمي راما و انتِ شنو اسمج ايتها الحاته المحتحته

مريم ههه اسمي مريم عمري 17 وانتِ شكد عمرچ

راما. العمر كله حبيبتي اني عمري 19

مريم. عمر النسر يا رب ههه

شمرت الي بوسه و غمزت الي و طلعت تعجبت من تصرفها بس غلست كمت طلعت ملابس من جنطتي و لبست تراك مستور خليت الحجاب على راسي و نزلت

لكيتهم كاعدين بل مطبخ رحت كعدت بل طارف حجت خالتي

خالتي ضحى. يمه اني خالتج ضحى و هاذني بناتي ما عندي ولد بس زوجي ما يجي بس بليل و يطلع من الصبح نزعي حجابج واخذي راحتج بل لبس ولا تستغربين احنى اهلج

مريم . ان شاء الله خاله شكرا الج

خالتي ضحى. يله كومن خلي نروح ناكل

خلصنا اكل خالتي راحت على غرفتها و احنى البنات كمنه نرتب بل مطبخ و نحجي

راما. اكولج ايتها الصاكه احجيلنا عنج عن حياتج شلون جنتي عايشه قبل

مريم. امممم عايشه عادي أبوي متوفي قبل لا اجي على الدنيا عشت بين امي و اخوي جنت ادرس امي توفت قبل الاحداث بكم شهر و اخوي مات بل قصف
اني أجيت ويه النازحين على المخيم و شافني ضابط و كلي اعرف خوالج راح اخذج عليهم احسن مما ضلين هناا وانتِ بنت و بوحدج وداني على خوالي الي اول مره اشوفهم بحياتي شوفوني الويل بعدين كدرت اتواصل مع الضابط و طلبت منه المساعده اجه اخذني و جابني هنا يمكم

سجى. الله حلووو هذا الضابط ما دخل كلبج شي

مريم. لا عادي

سجى. جااا شبي كلبي اشو مجرد حجيتي علي حسيت ارتاحيت اله

دنكرت واني امنع نفسي ما اموتها شنو ارتاحت اله همست واني ابتسم

مريم. يحب وحده و يموت على التراب الي تمشي عليه بحياتي ما شفت هيج حب بحياتي ما شفت هيج صدق جان فعلا رجال بمعنى الكلمه و جان كل ما يحجي وياها يوعدها انو راح يتزوجها راح يحارب اهله في سبيل يزوجها الي اعرفه عنه يحبها الدرجه جرب اشياء بحياته ما جان يتوقع يسويها من دخلت حياته غيرت كلشي بي من يحجي وياها يحلف بحياته ما حاجي مع شخص بهيج اسلوب

راما. على كيفج لا تموعين

سجى. الله شكد حلوو امنيتي يحبني واحد مثل هيج مواصفات

مريم. على نياتكم ترزقون حبيبتي

صاحت راما

راما. يربيي شبينااااا جاااا ما ترزقتنه مثل هيج مواصفات ادري نيتي مو صافيه بس ميخالف

مريم . هههه حبيبتي على كيفج يروحي ان شاء الله تلكين الي احسن منه

راما. الله يسمع منج ايتها الصاچةةة
........
في مكان اخرر

شاهين

رجعت على الانبار لكيت امي كاعده و بيدها صينيه بيها تمن و تنكي بيه و تباوع على التلفزيون

شاهين. سلام عليكم

مزنه. هله يمه وعليكم السلام يا بعد رويحتي وينك لا تكول امي اسئل عليها ادري عندك دوام بس مو لهل درجه كاطع شنو ما حن كلبك يولل

شاهين. يابعد ناسي شلون ما حن كلبي عليج ميت على شوفتج بس مو بيدي تعرفين دوامي بعد

دنكت عليها و بست راسها و هيه حضنتني تمددت يمها و خليت راسي على رجلينها

شاهين. يمه ابنج متعوب حيللل

مزنه. يااا يمه سوده بوجهي شنو الي متعبك واني امك

شاهين. ما اعرف

مزنه . ماا الله يهديك و تتزوج ترا الزواج راحه و استقرار شكد حلوو من ترجع من الدوام تلكه مرتك كدامك تذب كل تعبك بيها تسمعك كلام حلوو تسوي الك طبخه زينه تفتح النفس

شاهين. يمه الزواج مو بس نومه و اكل موجود اشياء اهم من هيج سوالف عجل لو نبقه على هيج تفكير جان احنى طايح حضنه صدكي يمه شكو واحد تزوج لغرض هيج سوالف حياته تحولت جحيم و الاغلب طلكو هاي الاشياء ثانويه بل نسبه الي اخر همي هيج سوالف

مزنه. سوي الي يريحك ابني اني شريد غير سعادتك

شاهين. ان شاء الله خيرر .... هسه خالي دز الي طاولات معرف شنوو كلي شوفهن لامك و خلي تختار

مزنه. ايي يمه هذا راح على تركيا و كلت اله صور الطاولات و دزهن على صكر اريد اشتري طاولة تركيه

شاهين هاج يمه كلبي بالصور راح ابدل وارجع

فتحت الموبايل و نطيتها الها دخلت على غرفتي بدلت و صليت نزلت جوه لكيتها على كعدتها و تكلب كلت بكلبي شصارن هل صور هنه كم طاوله

كعدت يمها و باوعت على جهازي لكيتها تكلب بصور سمسمه تنرفزت كوه مسكت اعصابي

دحجت عليه امي و الشرار يطلع من عيونها شكلها ما ناويه على خير حجت بصياح

مزنه. ولكك يل مصخم منوو هاييي الي كاعده بحضنك و دك صور انت وياها شنو هل استهتار عجل وين صلاتك وين صومك فرد مره لا تصلي ما مستجاب اذا منوم ك****ه بحضنك شلون الك عين تواجه الله

شاهين. لهين و بس احجي عليه ايي قابل بس تا تجين و تتهمين و تطعنين بشرف البنت اني ما اقبل

مزنه. الله يل شريف ولا عرفتك وين تربيتي راحت وين تعبي كبل لا تحضن و ت*** ما فكرت بالله وين تروح منه ما فكرت بعذاب جهنم زين ما فكرت بامك

شاهين. يمه البنت شريفه واني ما عندي شي معاها مجرد احبها و انتِ تعرفيها حيل زين هاي الي علي سولف الج عليها

مزنه. عجل و هاي الصور الي كاصها هيه و نايمه و مره هيه و بحضنك و نايمه على صدرك و مره كاشفه شعرها كدامك هذا مو حرامم مو شرفف

شاهين. يمه كل هذني الاشياء صارت عفويه و تريدين تصدكين لو لااا هذا القرار تابع الج اني شيهانه الي و راح اخطبها الأسبوع الجاي غصب على الي يرضه و الي ما يرضه

مزنه. شنووو هيه بكيفك هاذي ما تدخل بيتي لو على كص ركبتي اصحى على زمانك هاي بدال نايمه بحضنك نايمه بحضن عشره غيرك و انت ضل مصدكها الي تنطي بنفسها للرجال تنطي نفسها لغيره

كمت على حيلي و صحت بعلات صوتي

شاهين. لهين و كافيي ما اريد احد يمسها بحجايه انيي واثق من قراري واني الي راح اعيش معاها مو انتِ و الخميس الجاي اروح اخطبها ترضين ما ترضين براحتجج

مزنه. هاييي تالي عمري و انت تعلي صوتك عليه من وره هاي الجاهله

فركت وجهي بعصبيه و حجيت بهدوء

شاهين. اسف يمه مو قصدي اعلي صوتي عليج بس انتِ الله يهداج ما خليتي مجال للتفاهم .... سمعي يمه هاي البنت احبها و رايدها بل حلال وهيه اشرف من الشرف و فقيره .... يمه اني تعبت بحياتي تالي عمري من جيت تا استقر كمتي تسوين الي مشاكل و تخربين سعادتي اني اعرف البنت و واثق بيها و اعرف اخلاقها حيلل زين لا تخربين فرحتي و تكسرين خاطري

مزنه. سوي الي تريده اني ما عليه بس بعدين مو تجيني نادم ما يفيد الندم

شاهين. ان شاء الله خيرر هسه راضيه

مزنه. اي راضيه تنجاز بحياتك

شاهين. مشكوره يل غاليه ... اني اروح انام محتاجه شي

مزنه. سلامتك

اخذت موبايلي و دخلت قرفتي احس هم و نزاح من كلبي جنت شايل هم شلون اقنعها بس الحمدلله تفهمت الاامر

مر الاسبوع عادي بين الشغل و سمسمه ساحله كلبي و مشيتو على الترابي يوميه طالعه الي بسالفه جديده و طايره فرح كد ما حبت خالتها و بناتها

رجعت من الدوام لكيتها متصله عليه

تصلت عليها كبل اجاني صوتها الي ينعوص تكول صوت طفل

مريم. هلوووو صكرييي المنتفف

شاهين. هلووو ام عيون شلونچ

مريم. بخير بيبييي انت شلونك

شاهين. من سمعت صوتج الي ينعوص صرت بخير

مريم. احلى من صوتك يل منتففف

شاهين. بعدد كولي منتف و شوفي شراح اسوي بيچ

مريم. هههههه خفتتت

شاهين. سهله .... صدك باجر باذن الله احنى يمكم

مريم. ليش عزهههههه

شاهين. اذني اريدها لو سمحتي بدون صياح و باجر جايين نخطبج

مريم. عزهههه العزاني ماا حضرت كل شي هايي عودد كلت اريد اسويها مميزه

حضري اليوم الدنيا عصر و احنى راح نجي بل ليل يعني عندج 25 ساعه

مريم . لا والله و حاسبهن الاخووو

شاهين. شلونن جاي اعد الثواني على مود اصيرين الي

مريم. الله ينعلك يا شاهين عضله حصرتني حصره الجلب .... يلههه روحح من هنااا اريد اروح اكول لخالتي حسبي الله بس

شاهين. ديله روحي باجر حرف حرف راح تتحاسبين عليه اذا ما اخذ حكي مربع ما اطلع اني صكر

مريم. ما يهمممم

شاهين. انشوفف اذا ما اخليج تبجين ماكون اني
صكرر

سديت الخط واني اضحك على سوالفها هذا تاليت الي يحب طفله .... بس شسوي القلب و ما يهوا

نزلت جوهه لكيت الحيايه و العگارب بجميع انواعها و كافه الاشكال و الألوان

سلمت و كعدت رفعت رجليه و خليتهن على الطاوله و حجيت

شاهين. باجرر العقد القران مالي

صار هدوء و كلها كامت تدحج عليه حجن كلهن بصياح

الكل. شلونن اشو محد كالل

شاهين. والله ايهن العگارب و الحيايه ... احممم اقصد عماتي و خالاتي الصاكات باجر خطوبتي ان شاء الله الي تريد تحضر اخليها على راسي

عمتي. اي ليش لااا بس منو هايي البنت

مزنه. الي يحبها اسمها سمسمه

شاهين. عذرا على المقااطعه اسمها مريم ما اسمح اي شخص يلقب الها غيري

مرت اخوي فاطمه. والله و طلعت رومانسي يل صكر

شاهين. تردين اثبت الج ما عندي مشلكه

خالتي. بس مو بعدها صغيره اخاف ماا تتحملك

شاهين. لا تخافين اني مو مثل زوجج اول يوم زواجج نقلوج على المستشفى

خالتي. ايااا كو**** احترم اني خالتك

شاهين. عفواً

مزنه. عوفهن هسه كولي تريد غده

شاهين. ايي والله يمه جوعان

كامت امي تسوي الي اكل اجتني رساله على التلي جان صوتها واضح

عرفتها من سمسمه هيه الوحيده الي تراسلني على التلي

فتحتها و جانت كا العاده تتذمر ما تريد باجر خليتها تنعوص و رحت اكل

مر اليوم عادي رحت من الصبح على الشغل طلبت اجازه و طلعت على الحلاق رتبني و خفف شعري

رجعت على البيت لكيت الكل مخبوص و يركض مخبوصين اكثر مني اني و امشي ادوس جهال كد ما البيت متروس و كل اشوي اشوف لون يركض من جدامي ضليت صافن و اكول هذا شنو ركزت طلعن نسوان يركضن كد ما سريعات بس الون يبين

دخلت لغرفتي سبحت و لبست تراك و تمددت ما كدرت انام من صوت الجهال عالي

خابرت سمسمه اكثر من مره ما ردت تحلفت الها اكثر
جاي اسجل نقاط اله اطلع ضيم كلبي كله بيها

صار المغرب و توكلنا توجهنه على الناصريه 23 سياره نسوان و زلم

اخذت كل شيوخ العشيره من العمام و الخوال

وصلنا لبيت خالتها لكينه الزلم واكفه و فاتحين الباب سلمت عليهم و دخلنه

بعد السلام و الرسميات فتح شيخ العشيره الموضوع

الشيخ . احنى يا ابو راما جايين نطلب ايد بنتكم مريم لشاهين على سنه الله و رسوله

ابو راما. وين نلكه مثل شاهين يصونها و يقدرها و احنى نعرف الولد و خوش رجال و النعم منه ...و مثل ما تعرفون مريم مثل بنتي و الي ما اقبله على بناتي ما اقبله عليها الله شاهد

الكل. و النعم منك حجي

ابو راما. اني موافق بس الاهم موافقه البنت عن اذنكم اروح اخذ موافقتها و ارجع

الكل. اخذ راحتك

في مكان اخر

مريم....

عشت احلى اسبوع بحياتي بين خالتي و بناتها

و كل ما احضن خالتي عطرها ياخذني لغير عالم
صرت اختلق حجج في سبيل تا احضنها

خابرني شاهين العصر مثل العاده بس صدمني من كلي باجر يمكم

نهيت الاتصال بسرعه و نزلت اركض دخلت لغرفه خالتي

جانت كاعده على التلفزيون و تسبح من شافتني اركض فزت حجيت بسرعه و خوف

مريم. خالةة لحكي باجرر يجون

خالتي ضحى. منووو همه يل مصخمه

مريم. شاهين المنتف راح يجي يخطبني

ضحى. يااااا طلعتي روحي و اذا خليهم هلا بيهم

مريم. شلحك عزهههه

ضحى. و صمخخخ تلحكين بس لا تشيلين هم روحي لبسي ملابسج و تعالي خلي نروح نشتري تجهيزات المهرر

رحت لبست و رحنه على السوك اني و خاله و البنت هنا يشترن و انا مثل الاطرش بل زفه كلشي ما اعرف

خلصنه تجهيزات المهر بقه الفستان دخلنه على محل مال اجارات

ما عجبني شي كله اوفر صدفه اني و جاي امشي جذب نضري فستان على الجسم يخبل و نازك

ستحيت لا اكول لخالتي اريد هذا شجعت نفسي و سميت بس الله همست

مريم. خاله امشي خلي انروح على ذاك المحل شكله بي شغلات حلوه

دخلنه المحل واني عيني على الفستان كد ما حلوو و عجبني كبل كمت اتخيل شكله على جسمي و شعري
و المكياج

خالتي شافتني اباوع على الفستان كبل نزلته و خلته ابيدي دنكت لخجل و هنه ماتن ضحك عليه

ما متعوده على هيج اجواء احس فشله من شخص يشتري الي

ضحى. يله يمه روحي قيسي واذا مو على كدج كولي لان موجود هواي احجام

مريم. لا هذا مقاسي

رحت لبسته و فتحت الباب شوي دخلت خالتي و راما من شافني صلن على النبي

حجيت بخوف و تردد

مريم. اباوع على المرايه

ضحى . ايي دحكي صلاوات على محمد

باوعت جان كلش حلووو عليه مفصل جسمي تفصال

ضحى. هااا خاله مقتنعه بي

مريم. اي خاله كلشش

ضحى . عفيه ذوقج حلوو

شتريت فستان و كعب عليه بس مو كلش عالي

رجعت للييت واني ميته تعب غسلت و صليت و نمت

كعدت الصبح تريكنه و كمنه انضف بل بيت غسلنا من فوك الى جوه و غيرنه مكان الاثاث عطرنه البيت

باوعت على الساعه بل 2:00 الضهر كمنه نركض تغدينه احنى و واكفين

صعدت فوك خليت ماسك على و جهي و كمت اكوي بشعري خلصت شعري و شلت الماسك

لميت شعري و رحت كعدت كدام سجى و كامت تخلي الي مكياج و اني اصيح عليها

مريم. ديري بالج اريد خفيف و مو طوخ اطلع من صدك مزوجه

خلصت المكياج باوعت على نفسي فتحت عيوني بصدمه معقوله هاي اني مستحيل اني مو اني طلعت

المكياج جان كلش خفيف بس بارز ملامحي

صارت الدنيا مغرب لبست الفستان و خليت شعري على طوله ما رفعته نزلت جوه جان موجود ناس قليله ينعدون بل اصابع

الطاوله جانت تاخذ العقل بيها هواي اشياء ما عرفتها

اجوو لو اني توترت حسيت ببطني لوتني و معدتي صارت تركص كد ما لعبت نفسي

كعدني البنت على كرسي و خلن رجليه بمي و بي اعشاب عبالك بيه مرض جلدي

خلن بحضني قرآن و بين ايديه حبات هيل خليت ايدي على القرآن و غطني بشي ابيض كلشي ما صرت اشوف بس اباوع على القرآت و ارجف

اسمعهم يتناقشون و تزيد الرجفه و دموعي كوه لازمتهن

سمعت زوج خالتي انطه موافقته كونه هوا ولي امري و كال اروح للبنت اسئلها

من سمعت تا يجي الي توكف الزمن بيه و حسيت رجليه بادن نزلت دموعي الحاره تجوي خدي

نفتح الباب و اجه خالي و دنك عليه همس

_ بنتي انتِ موافقه

رفعت راسي اله واني ابجي بحركه كلب همست من دون شعور واني اشهك

مريم. خالو اني مو موافقه

°°°°°°°°°°°°°°°°°°°°°°°°°°°°°°°°°°°°°°°
اذا عجبكم البارت خلوو نجمة و علقو بين الفقرات

رمضان كريم عمريي ينعاد عليكم بل صحه و العافيه

اسفه دا اتأخر بموعد النشر بس عندي امتحانات و صايمه و حالتي بل ضيم 💔☹️

الي يريد يضيفني انستا هذا معرف مال حسابي
roroabd_17