رواية ذات العيون الناعسة الفصل الخامس وثلاثون 35 - بقلم روان آل عبدالله

يا ليّتَ رُوحِي سِوارٌ حَولَ مِعصَمهِ
مَع العُروقِ، مَع الأعصَابِ، أنعقِدُ

الكاتبه روان عبدالله

علقو بين الفقرات + متابعه للحساب مالتي

°°°°°°°°°°°°°°°°°°°°°°°°°°°°°°°°°°°
اخذت الموبايل دحجت بي مكتوب سمسمه

غمضت عيوني بحزن و فصلتو رجعت الموبايل لمكانو و رجعت اتمرن رجع يدك مره ثانيه و ثالثه كوه دايس على نفسي و مسوي روحي ما اسمع و اكمل تمرين

بقه يدك فصل ربع ساعه و ما رجع اتصلت تفكيري و عقلي تشتت كل شوي اكول ليش فصلتو ليش ما دكت اخاف صار بيها شي افكاري متزاحمه و مشتته اسوي روحي اتمرن على مود انسى بس عقلي و كلبي و نضري كله يم الموبايل

اجاني صوت اشعار مال رسالة لو اني ردتها من الله كبل عفت الي بايدي و رحت على الموبايل

فتحت الرسالة و كعدت اقره بيها

انه مو مريم انه راما بنت خالتها رد عليه بسرعه الله يخليك مريم محتاجتك ضروري حالها ابد ما يسر

كعدت بل كاع واني اقره الرسالة زفرت و كعدت اعيد بيها شبيهاا ؟.. ليش حالها ما يسرر ؟! مو هيه رادت هذا الشي شنو تندمت

ذبيت الموبايل و ورثت جكاره رچيت (خليت) ضهري على الحايط و كعدت اجمع افكاري المتشتتةة

بحركه سريعه اخذت الموبايل و اتصلت عليها دك ثواني و اجاني صوت بنت

حمدت الله مو هيه لان من اسمع صوتها كبل اضعف
همست واني اخذ رشفه من الجكاره البين اصابعي

شاهين. الووو ... منو انتِ ليش متصله

راما. السلام عليكم اخويه باوع انه بنت خالتها لمريم
مريم كلش تعبانه حالها ابد مو زين عجزنه شنو انسوي وياها الله يخليك تعال شوفها بلكت تهده

شاهين. شبيها ؟!

راما. من رحت و هيه نفس حالتها صعدناها للغرفه بس تبجي و تون كوه نامت شوي و فزت تصرخ و تبجي اخر شي كد ما بجت حنجرتها تشرحت و كامت بس تون ما نعرف شبيها امي عجزت كلشي حاولنا انسوي شي بس ما فاد

شاهين. الله كريم

راما. يعني ما تجي

شاهين. تا اشوف

سديت التصال بوجهها واني منهار بس جاي اصطنع القوة كلامها صار شلون الشريط كل شوي ينعاد عليه من تكول تعبانه و بس تبجي و تون بنت روحي مريض واني كاعد هين بدون اي سبب الفكره الي متشبثه بيه و تخليني اروح هيه انو رفضتني و هانتني جدام الكل

ذبيت الجكاره و كمت بسرعه صعدت فوك بدلت و نزلت اخذت بصمه السيارة و توجهت للناصريه بدون تردد او تفكير ما اعرف ليش هيج تصرفت بس احس كلبي هوا الي جاعد يتحكم بيه

وصلت للناصريه توجهت للبيت و دكيت الباب فتحتلي خالتها و وراها بنات

سلمت عليها و حجت بتردد

ضحى. خليت بنتي تخابرك لان مريم عجزنه شنو انسوي الها اني اعرف هيه تحبك و راح تلكه الامان يمك ...و ليدي على كيفك وياها هيه مو واعيه من رفضتك اني متأكده ...انسى كلشي صار بينكم و حسسها بل امان الي فاقدته بينا .... هيه تعرفك اكثر منا و تأمن بيك و تحبك روح تلكاها بغرفتها راح اخليكم على راحتكم المهم تهديها و انه واثقه منك واعرفك شنو .... تفضل

دخلت على لبيت و هيه كدامي صعدت لغرفتها زفرت بتعب و فتحت الباب

شفت سمسمتي نايمه على التخت و تون و صوت شهكاتها يكطعن الگلب رحت عليها بدون تردد رفعتها و خليتها بحضني هيه فاقده ما تدري شجاعد يصير

كعدت على التخت و خليتها بحضني نامت على صدري و صوت نفسها واضح كوه تجره صوت انينها كتلني خليت ايدي على خدها اشوف اذا عدها حراره بس ما بيها شي مسكت ايدها و همست

شاهين. سمسمه حبيبي دحجي عليه

ما ردت عليه ضميتها و كعدت امسح على شعرها عاجز شنو اسوي

تمددت على التخت خليتها على صدري غطيتها كمت امسح بجفي على شعرها همست واني هايم بتفاصيلها الذبلانه

سمسمة ياكمرة اليرسم سما!
ياغيمة بسہ مو من مطر ..
ذوبيلي يالطخة شكر ..
يمكيجه خدود السما !..

همست من بين وناتها

مريم. منتف ؟؟

شاهين. الله ينعلج ما غزر بيج الشعر

مريم. صكر ...

شاهين. هااا يا بعد راحتي

مريم. اسفةة الي سويته بيك شي مو قليل

شاهين. انسي هاي هيه

مريم. شلونن انسه شاهين المفروض ما تجي ولا تشوفني اني ما استاهل واحد مثلك شاهين

شاهين. مريم سدي الموضوع

مريم. ضمني صكرر

ضميتها و ضاعت بحضني همست

شاهين. ليش تونين شبيج

مريم. عباس مدا يعوفني تعبت والله

شاهين. دنعل ****

مريم. صوجي حجيت الك ردت احجي من زمان بس خفت من رد فعلك

شاهين. قابل شراح اسوي الج من يمته وانتِ تخافين مني هااا

مريم. شاهين لا تصيح تعبانةةة فدوه

شاهين. شلون يجيج تحلمين بي لو تتخايلينه

مريم. الثنين احلم بي و هوا يخنكني و يضحك لو يضربني و بعض مرات من ابقه بوحدي احسه يمي و يهمس باذني

شاهين. هذا عقلج الباطني يتخايل هيج اشياء و يجذبهن لا تفكرين بي

مريم. ما اكدر مو بكيفي شاهين

شاهين. لا بكيفج احنى الي نحطم نفسنا واحنى الي نرفعها بايدنا لا تخلين عقلج يتحكم بيج الله انطاج عقل و ايد و رجل على مود انتِ الي تتحكمين بيهن

مريم . مااا اكدر مو بكيفي كل ما اكول خلص ما اتخايل ارجعع من جديد احلم بي

شاهين. اعرف هذا الشي مو بارادتج باجر راح نروح على الدكتور و تبدين تاخذين عنده جلسات راح تشوفين تغيير واضح .... سمسمه اريدج تطلعين من الماضي من نبدي بل علاج كون تساعدينا تخففين من التفكير ترجعين على الدراسه و ما راح اجيب الج طاري الزواج اله ما اشوف نفسيتج مرتاحه و بالج صافي ناسيه الماضي ناسيه كلشي

مريم. لا تعوفني

شاهين. لا ما اعوفج حبيبتي شلون اعوف روحي

مريم. شاهين انت مو زعلان مني صح

شاهين. لا مو زعلان حبيبي شعندي غيرج شلون ازعل منج

مريم. احبک بيبي

شاهين. واني هم بس لعدد تكولين هاي بيبي ترا اضوج

مريم. مااا بيبي و منتف انت

شاهين. معصعصه مصكوعه

مريم. عاديي

شاهين. كومي خلي اروح

مريم. مااا

شاهين. بلا اعنادد يلهه حبيبي كومي

مريم. تعبانه ابقه يمي

شاهين. لو بيدي ابقه العمر كله بس مو بيدي

كامت من صدري و كعدت على التخت و تربعت دحجت عليها و ضحكت

شاهين. شنوو هل كفشه الحلوو هههعه

مريم. رجاءاً يعني لا تعيب على شعري ترا احلى
منكك بهواي

شاهين. واني اشهد ... كربي خلي ابوسج

مريم. تووو ممنوع اخاف على العسل الي بوجهي لا يخلص

شاهين. واثقه جثيرررر

جريتها و بستها من خدها زولت منها و ضحكت على خدها الي نكلب احمر

شاهين. حبه (بوسه ) عجايز

مريم. ليش هيجج اووويي وجهيي اكرهك كلشش

شاهين. شكلتي ولججج

مريم. احبک كلشش

شاهين. ايي عفيه جريي عدلل .... جان بستج من غير مكان بس خالتج كالت الي لا تتجاوز حدودك

مريم. صلاواتتت شنو هاي منوو ولا عرفتك بيبي

شاهين. اكضبج بس مو هسه .... راح اروح حبيبي دحجي موو من اصل البيت يخابروني مريم تتلوه جايها الموتت

مريم. اسم الله بيك ولا بيه .... روح ما اريدك

شاهين. لاا شعندي غيرج

مريم. عندك هواي

شاهين. اي صححح ... عندي سمسمه و شيهانه وانتِ

مريم. اوييي قلبي الصغير لا يتحمل

شاهين. مع السلامه كليبي

مريم. مع السلامه بيبي احبک باييي

طلعت و اني مهموم على حالها لكيت خالتها واكفه يم الدرج و تفرك بايديها من شافتني كبل اجت باتجاهي

ضحى. هااا بشر شلون صارت هدت من شافتك

شاهين . اي هدت ... يله اني رايح مع السلام ديري بالج عليها تراها لسه مو بوعيها من ترجع لوضعها السابق اتصلي عليه رأساً

ضحى. ماشي شكرا الك وليدي

شاهين . ادللي عمتي المستقبلية شعندي غيرج ... يالله اودعناكم

رحت على شقتي خابرت امي طمنتها ما بيه شي

سديت الموبايل و كبل نمت على الكنبه من ذاك اليوم كل ما امر على الشقه لازم انام بل مكان الي تحبه و اشم عطرها الي خلصان من الشم

كعدت بل وحده الضهر واني ما اندل دربي رحت غسلت و صليت ضهر

خليت الجاي على النار بدلت ملابسي و فيرت شعري و كعدت بل مطبخ انتظر الجاي يصير شربت الجاي ورثت جكاره و نزلت للكراج صعدت بل سياره و توجهت لمريم

وصلت للبيت دكيت الباب طلع الي زوج خالتها لابس ملابس شغل سلمت عليه و ستأذنت منه اخذ مريم بس جان رافض

شاهين. خالي اني خوما ماخذها تا العب معاها ماخذها للدكتور

_ انه اخذها حبيبي لا تعب نفسك انت

شاهين. لاا اني اريد اخذها على صديقي دكتور واذا خايف عليها فاا اريد اكول الك محد يخاف عليها بكدي هسه يله خالي بلا امر عليك صيحها اريد اخذها على مود ارجع الناصرية عندي شغل

هز راسه و راح ناداها صعدت بل سياره و كعدت انتظرها وره نص ساعه طلعت و هيه حاضنه ايد خالها و تضحك معاه تنرفزت بس كوه هديت نفسي

صعدت بل سياره و هيه ميته ضحك

مريم. هلاووو ايهااا المنتف

شاهين. وجعع

مريم. شبيي حبيبي معصب

شاهين. ليش لازكه على زوجج خالتج

مريم. اوييي احمم اسمع هواا زوجج خالتي و ولي امري احترمه و اعتبره مثل ابوي الله يرحمه فااا شاهين لا تضللل حساس هيجج محلوو

شاهين. اوووي عيني محلووو .... سمسمه اني رجال اقارر ما اسمحلج بعد تتكربين هيج منه اوكي احجي وياه بس مو لهل درجه

مريم. سالمينن رجل خالتي ترااا

شاهين . رجل خالتج ايدهااا راسهاا ما يهم هذا لا اخوج ولا ابوجج تا تكربين اله هيج

مريم. ليش تصيح

شاهين. انتِ جايي تجبريني سمسمه

مريم. لااا ما جبرتك انت من ذاتك جايي تصيحح ما شاء الله بعد ما تزوجنه و تصيح عليه لعد من نتزوج يجوز تضربني

شاهين. تنكسر ايدي اذا امدها عليج ليش دائماً تفسرين انفعالاتي غلطط .... اني رجال و من حقي اقاار على عرضي

مريم. اوكيي شاهين سوي الي يعجبك

نداريت و خليت راسي على الجام همس و هوا يفرك بوجهه

شاهين. تريدين كندر

اعرفه يريد يراضيني عرفني زعلت همست واني كوه اقنع نفسي ارفض

مريم. لا ما اريد اخذهن الك

شاهين. جبتهن الج

مريم. انسدت نفسي ما قصرت شاهينوو

شاهين. براحتج ... يمته تفهميني

مريم. منوو كلك ما فاهمتك انا من اسمع خطواتك اعرفك اجيت افهمك اكثر من روحي بس هيج اشياء مالها داعي المفروض تكون بينه ثقه و حبنا يصير اكبر من هيج شي

شاهين. هيج اشياء مالها علاقه بل ثقه اني واثق بيج بس اني رجال اقاررر ما احب احد يكرب على اشياء تخصني افهميني

مريم. فهمتك كافي سد الموضوع دخت

شاهين. هاجج اكلي كندر

مريم. انطيني من نرجع من الدكتور اريد ايس كوفي

شاهين. تووو ممنوع

مريم. ليش ؟!

شاهين. دحجي يولي وجهج اصفر انوب تشربين كهوه مو زينه عود من تصيرين زينه اشربي براحتج

مريم. مااا معليه اريدد انا اخاف من الدكتور و هاي و لازم تعوضني بكهوه على مود انسهه

شاهين. لا بربج

مريم. مووو وكت شقه

شاهين. حاظر بويه ادللي اشبعج وعلي

مريم. شكرراً صكري المنتف احبك انطيني ايدك خلي اصورر

انطاني ايده و هوا يزفر بغضب ما يحب هيج سوالف نادرا ما يتقبلها

بس انا مستحيل اخلي هيج يضوج من اتفهه الاسباب راح اعوده على طبعي و اخلي كل طلعه هوا يلزم ايدي قبل لا اكوله

هيج اشياء صح بسيطه و تافهه بعض الاحيان بس اني اشوفها حلووه و تقوي العلاقه بين الطرفين

وصلنا للدكتور مسكت ايد شاهين و دخلنا شاهين كعدني على الكرسي و راح تا يحجز

حجز و اجه كعد يمي ضميت نفسي بضهره خايفه
حس على خوفي و توتري طلعني من ضهره كوه و كعدني مثل الناس

همست وانا متوتره وبيه رجفه خفيفه

مريم. شاهين خايفهه حبيبي

شاهين. اهدي ماكو شي ما راح ياكلج بس يحجي وياج و يسئلج

هزيت راسي و سحبت ايده جان خالها على شواربه و ضميتها بين ايديني

شوي و صاحت باسمنه السكرتيره همس شاهين

شاهين. روحي يلهه اني ما ادخل وياج ممنوع

مريم. ليشش عفيه اخافف

شاهين. قوي نفسج و ادخلي ماكو شي يستوجب للخوف

هزيت راسي و كمت دكيت الباب و دخلت لكيت الدكتور جاي يكتب من شافني رفع راسه و ابتسم الي حجه وهوا يضحك

الدكتور. اهلاا و سهلاا تفضلي شكلج متوتره

مريم. هلا بيك دكتور

كعدت على الكرسي كمت افرك بايديني بتوتر بده يحجي وياي الدكتور سئلني على اسمي و عمري
بدينه نحجي مواضيع عامه و كام يشرح الطاقه الإيجابية و السلبية و شلون اجذبهن و شلون ارتب وقتي و انجح بدراستي انطاني حافز كلش جبير ارجع اكمل سادس مع انو سنه فاتتني بس زاد الحافز بيه ارتاحيت بل حجي معاه و كمت اسرد اله حياتي من اني و صغير و شلون جنت اعاني من الجوع و الفقر و شلون جنت بل عيد اباوع من الباب على الجهال شلون فرحانه بل ملابس و العيديات بس احنى ما يمر علينا العيد ابجي و احجي اله

حجيت شلون مااتت امي و شلون اخوي صار يعاملني و شلون صار داعشي شلون تأذيت واني احاول ادافع عن نفسي شلون تزوجت مريض النفسي و شلون عذبني وصلت حالتي الي هسه اني بيها و زدت بجي حجيت من بين دموعي

مريم. دكتورر دا احس نفسي ضايعه بين اشتات الماضي احن اله رغم جان قاسي ما شفت بيه شي حلوو غير امي شتاكيت الها كل ما اقوى و اكول هاي هيه . ارجع لنقطه الصفر و انهار بجي و اني اتذكر منظرها هيه و ميته كدامي لو هيه و يذبون عليها تراب حاولت اتناسه و اكمل حياتي كلت بلكي خوالي يعوضوني عن الي صار بيه زادو من حالتي و زوجوني لواحد مريض و متحول طبق عليه جميع انواع العذاب خلاني انزل جوه رجله في سبيل تا يعوفني لان انتهيت .اجه منقذي فهد و نقذني و خلصني منه صرت يوميه اشوفه باحلامي يوميه يجي يخنكني يجويني اسمع صوته عبالك حقيقه تكتمت عن هذا الشي رغم الصراعات الي بداخلي بس بقيت صامده اجه شاهين تا يخطبني ما انكر فرحت فرحه مو طبيعية و هاي اول فرحه بحياتي من صارت السالفه صدك احس دخلت بدوامه سوده و هاي الدوامه رجعتني للماضي رجعت من كاعده بمكتب السيد محاوطيني عباس و خالي و اني بنصهم ابجي شلون الفصليه من تا يعقدون الها جنت ارفض بس محد يسمعني خالي انطه الموافقه من يمه و زوجني اله

صرت احجي و ابجي ما ادري بنفسي حجيت كلشي الي بگلبي حسيت فد حمل جان على صدري من حجيت انشال هذا الحمل و صار صدري خالي

خلصت الحجي باوع عليه الدكتور و بده يحجي الي و يشرح باسلوب يخليني غصب اركز بكلامه انطاني نصائح و ارشادات كتب بورقه اسم رياضه تخلين استرخي و ما اتوتر كلي تلكيها على اليوتيوب اخذت الورقه منه باوع عليه و ابتسم و كلي

دكتور. هسه خلصنا الجلسه الاولى و كتبت حالتج ما راح انطيج علاج ولا مهدئات لانج ما بيج شي مو مريضه نفسياً التزمي بل روتين الي حجينه بي و الرياضة سويها مرتين بل يوم الصبح و الليل قبل النوم راح تشوفين تغيير باذن الله و تعالي الشهر القادم على مود انشوف النتائج

مريم. ان شاء الله شكراً دكتور

تشكرت منه و طلعت لكيت شاهين كاعد و يهز برجله من شافني كبل كام تقدم عليه و مسك وجهي حجه بخوف

شاهين. شبيج ليشش باجيه سوالج شي

مريم. لاا حبيبي مسوالي شي بل عكس جان لطيف

شاهين. عجل ليش باجيه هااا ؟!

مريم. امشي بل سياره افهمك

شاهين. شنوو هاي الورقه الي بايدج

مريم. رقمني

شاهين. مريم لا تشلعين كلبي احجي الصدك بنت الصاكه

مريم. بيبي شبيك هايي ورقه الروتين اليومي و الرياضة

شاهين. ديله امشي نحجي بل سياره طالعه صاكه بنت اللذينه و نوب باجيه يبووو

مريم. انا من زمان صاكه هتوو دريت

شاهين. نرجسيه

مريم. منتف

شاهين. بسيطه سمسمه اطلعها الج جاي اجمع نقاط

مريم. اي وشكد وصلت

شاهين. ليش ما تنجبين

مريم. هايي عليهه

شاهين. ايي

مريم. روح ما احجي وياكك

شاهين. ميخالف اعرف شلون اراضيج

مريم. تحسب راح تراضيني بكندر تحلمم ما ارضه

شاهين. يااا بويهه شلون عرفتي لاااا

سويت نفسي زعلت صعدت بل سياره قبله و هوا يضحك عليه صعد و هوا ميت ضحك تنرفزت واني اسمع ضحكاته حجيت بعصبيه

مريم. منتفف اكرهكك

شاهين. دنجبي

تعصبت من صدك حجيت بانفعال

مريم. وجهك هذا الي يلعب النفس ليش ما تاخذ عليه راتب رعايه

شاهين. تروحيله فدووه هذا المسومر

مريم. ايععع تدري جنت اكول الدينصورات انقرضن بس من شفتك عرفت اشاعات

شاهين. شقصدج ولجج عليه دينصورر

مريم. ايي و بشده

شاهين. بسيطه ايتهااا المعصعصه اذا ما اسمنج و اخلي كرشج يمشي مترين كدامج ماكون اني صكرر

مريم. بل احلاممم ايها المنتف

شاهين انشوف

مريم. يلهه بيبي اشتري الي ايس كوفي

شاهين . تووو ممنوع منعاً باتاً

مريم. ليش ؟

شاهين. موو زينن يبنت

قوست شفتي بزعل و دمعت عيوني

مريم. براحتك شاهين

شاهين. لا تدحجين عليه بهيج نضرات گلبي رجيج واني رجال صايم و مصلي و اخاف الله

مريم. ينطيك كلبك ترد طلب بسيط و صغيرون لسمسمه هااا

شاهين. لاا وعلي گلبي ما ينطيني هسه انزل اجيب الج كلشي تردينه

مريم. صكر

شاهين. هاا يا بعد الما يتنفس من دونچ..

مريم. احبک كلش لتعوفنيي

سحب ايدي و باسها خلاها على فكهه و همس

شاهين. واني هم اموتن عليج لا تخافين اني يمج ما راح اعوفج

نزل شاهين شوي و اجه و جايب الي كندر و ايس كوفي فرحت حيلل هيج اشياء بسيطه تاخذ كلبي احس نفسي طفله اول مره واحد يشتري الي بطفولتي ما عشت هيج ما اتذكر احد من اهلي جان يشتري الي حلويات او العاب جانت بنت جيرانه كل ما لعابتها تتلف تنطيني اياها بمكان ما تذبها اتذكر اباوع عليها من تشتري لعبه جديده و اكول بداخلي يا رب تخرب على مود اخذها الي و امي تخيطها

بجيت واني اتذكر هيج مواقف الفقر ذل و قهر

حسيت ايد خشنه مسحت خدي فزيت من صفنتي اجاني صوت شاهين و هوا يحجي بحنيه

شاهين. شبيج بعد گلبي ليش البجي

مريم. شاهينن انت اول شخص يشتري الي الأشياء الي احبها احس اني طفله بطفولتي ما عشت هيج اجواء

شاهين. ميخالف حبيبتي كافي بجي شكلنا احنى مو ننسه الماضي على مود ما ترجعين لحالتج السابقه كافي مسحي دموعج و اشربي كهوتج يلهه حبيبي

مسحت وجهي و كعدت اشرب كهوتي شغل اغنيته الي يحبها و تفاعل معاها كل عاده وصلت على البيت
نزلت من السياره باوعت عليه و صحت

مريم. بوسه عطوانيه الك حبيبي جاووو

شاهين. وعليي شاخطه

مريم. لا بربك .... يله بيبايي احبكك

رح شاهين و اخذ روحي وياهه دخلت جوه لكيت البيت فارغ بس خالتي كعدت احجي وياها و اسوالف الها على الجلسه

شاهين ...

رجعت للانبار دخلت للبيت لكيت امي ومرت اخوي و عماتي كاعدت صحت

شاهين. اكبر تجمع للحيايه و العقارب في العراق العظيم

مزنه. هااي علينهه

شاهين. لاا يوم حشاج

مزنه. عوفنه من هذا الحجي كول وين جنت خفت عليك

شاهين. كولي ياا الله هسه السلام عليكم جميعاً يل ما تردون السلام انتم السابقون و نحن اللاحقون

مزنه. وعليكم السلام هسه كولي وين جنت

شاهين. يااا سالفه ما تخلص جنت بل ناصريه

فاطمه. هااا يم الحب

شاهين. اي نعم

مزنه. شموديك عليها تضحك عليك يول هاي فشلتك جدام الاوادم وهسه راجع الها شنو انت ما تحس مسويه الك سحرر عاميه عيونك تحبک على مود فلوسك عوفها ما تفيدك

شاهين. والله يا اميي انتِ تعرفين شي واني اعرف شي ثاني فاا لا تحكمين على الناس

مزنه. براحتك صدكني راح ترجع ندمان اذا مو تدك الناقصه بيك و ما تتزوجك و كول امي ما كالت

كمت و توجهت لغرفتي صعدت على الدرج و صحت

شاهين. وعليي لو اموت لو اخذ الاحبها

تركتهن و رحت سبحت و نمت مرت اشهر واني و سمسمه ساحله كلبي سحل كل فتره اخذها على الدكتور جايي اشوف تغيير واضح بشخصيتها
صارت نادرا ما تبجي و صارت تتفاده الماضي ركزت على حياتها اكثر شي، شتريت الها كتب و ايباد بدت تدرس سادس من جديد لان فاتتها الامتحانات صرت اخابرها بس بليل ما اريد اضيع وقتها اكول الدراسه اهم يوم عن يوم يزيد تعلقي بيها اكثر صرت احبها حب جنوني لدرجه افز بنص اليل و اروح اصلي و اهدي الصلاه الها و ادعي من كل گلبي تخلص سادس و فتره العلاج لان ماخذه وقتها كل ما اروح عليها الكاها زايده جمال فوك جمالها اصلي على النبي كبل خايف لا عيوني تحسدها

خلصت الجلسه الاخير رجعنه على البيت و هيه ميته فرح باوع على ابتسامتها و اضحك لا ارادياً وصلتها البيت و رجعت الانبار

صعدت لغرفتي لبست ملابس الدوام و رحت لشغلي
حجيت لفهد الي اريد اسوي و فهد وافقني الرئي

خلصت دوام و صعدت بل سياره تصلت عليها اجاني صوتها الي ينعوص

شاهين. هلااا بل رايح و الجاي هلا يلل معصعصه شلونج كبدبد فدوه اروح لهل خدد

مريم. بخيررر بيبي مشتاقه كلش هوايي الك

شاهين. وعلي كومه اشتياق كلبي محمل شوكك الج خلصتي درس

مريم. اممم خلصت و جاي اسرح بشعري

شاهين. كاعده جدام المرايه

مريم. اممم

شاهين. يهنيال مرايتج شبعت شوف بعيونج

مريم. حبيبي هنيالي بيك .... تدري شاهين انا شكد محضوضه لان عندي شخص يحبني بكدك مع انو نادرا ماكوو بهذا الزمن شخص يحب بصدق اغلب الحب صار لعب و ضحك من صدك ربي عوضني بيك انتَ عوضي بعد كل الخسائر

شاهين. شعندي غيرج الي عنده مثلج يكدر يخون او يفكر بغيرج هايمم بيجج انيي .... سمسمه انتِ اختيار عقلي مو گلبي

مريم. ليشش عقلك بل ذات اني اعرف الي يحب من گلبه مو من عقله

شاهين. دحجي يولي هسه الحب بل گلب معروف انو فتره و يروح يسمونه حب عابر مو شديد التعلق لان مثلاً اني حبيتج و جتلت نفسي على ما حصلتج من بادلتيني الحب شلون الي مليت او صار مالي واهس بيج هذا يسمونه حب الگلب لان بساطه الگلب حصل على الشيء الي يريده و هاي هيه صار عادي، اما حب العقل صار ثابت احنى نعرف انو العقل يحتفظ بل اشياء مثلاً شلون الاسم محتفظ بي طوال العمر كذالك انتِ محتفظ بيج بعقلي و المعروف بل عقل يكون شديد التعلق ما سامعه هاذي الجمله مال هاي هيه خليتج بعقلي يعني هاي هيه ما راح ينساج العقل كذالك اني مستحيل بيوم يقل الحب الي بداخلي او امل منج

مريم. الله حلوو اني جنت عبالي الحب الي بل گلب هوا الحب الحقيقي

شاهين. هسه وضحت عندج السالفه يا اختيار عقلي

مريم. هههه اي حبيبي وضحت

شاهين. سمسمه تتزوجيني كافي مليت اريدج بيتي و بحضني اريدج زوجتي اريد استقر و انكمل حياتنا سوه نعيش بسعاده و حب

مريم.............

••••••••••••••••••••••••••••••••••••••••••••
اذا عجبكم البارت خلووو نجمه 💛

سؤال شنو تتوقعون جواب مريم

تابعو حسابي على الانستا ( roroabd_17)

احبكم عنونين 🤎🐺