رواية ظلمني حبه ( لهدير دودو ) الفصل التاسع 9 - بقلم هدير دودو

احمد بفرحة : بصي يا ستي و انا ماشي سمعت مراد بيتكلم مع اخوكي و بيقولي انه اتجوز ضحى عشان ميتجوزكيش و كمان حالف انه هينتقم منها و يبهدلها و مش هنشوف يوم حلو في حياتها ثم قال بخبث ايه رأيك بقا نعمل ايه احنا ...

سارة بخبث : انت عاوز تعمل ايه يا بابا

احمد بتسرع و فرح : هروح اقول للكل و اوقف الجوازة دي .. و كدة مش هتتم

سارة بخبث و حقد شديد : تؤ تؤ .. يا بابا كنت فاكراك أذكى من كدة .. بجد صدمتني

احمد بعدم فهم : امال ناوية على ايه.. مش فاهمك

سارة بخبث و فرحة و توعد ل ضحى : احنا نخلي الجوازة تتم عادي ... و نمنعها ليه

أحمد بحيرة و عدم فهم : امال ..هتعملي ايه ...فهميني

سارة بتوعد لضحى قائلة بخبث : عادي يتجوزوا .. و سيبه يعذبها و يكسرها شوية بما إن مش بيحبها فهو بنفسه اللي هيعاقبها .... و احنا نتفرج شوية عليها و هي بتتهان منه ... ايه المانع

احمد بفرحة : تصدقي فعلا معاكي حق ...دة انت دماغك دي سكر والله

سارة بفرحة : طب يلا بقا عشان الحق اجهز

""""""""""""""""" عند ضحى فى الاوضة

وصل الفستان

شهد بفضول : يلا بقا افتحيه عشان اشوفه

ضحى : اصبري عليا .. هفتح اهه

قامت بفتح الغطاء من عليه

شهد بإنبهار : وااو يا ضحى بجد تحفة

ضحى و هي تنظر للفستان بعدم تصديق قائلة بإنبهار : انا مش مصدقة بجد ان مراد جايبلي فستان زي دة .. و اني في يوم من الايام البسه

شهد بفرحة : لا صدقي

و فجاءة دخل عليهم بعض البنات لكي يساعدوهم و بدأوا يجهزوا مع بعض و كل واحدة فيهم فرحانة و جواها سعادة كبيرة لا توصف

"""""""""""""""""بليل دخل كل من شادي و مراد إلى غرفة البنات لكي ينزلوا

شادي اول ما شاف شهد وقف بصلها مش قادر يشيل عينه من عليها

مراد اول ما شاف ضحى مكنش مصدق انها ممكن تكون جميلة كدة بجد

لاحظ شادي نظرات مراد لضحى فقام بنغزه و قال بخبث و صوت هامس : ايه ناوي ترجع في كلامك و لا ايه

مراد بصوت هامس مصبوغ بالصرامة : بس .. انت عارف اني مش برجع في كلامي ابدا فبطل بقا كل شوية تقولي كدة

شادي بخبث : يا سلام امال الفستان دة ايه .... دة يعتبر فستان أسطوري

مراد بتبرير : طبعا لازم يبقى كدة على الأقل تفرح شوية.... ثم أكمل بتوعد اصلها بعد كدة مش هتلحق تفرح و بعدين انت نسيت انها مراتي يعني لازم تبان كدة طبعا في احسن صورة

شهد بغيظ منهم : ايه مش كفاية وشوشة بقا انتوا جايين هنا عشان تتكلموا و لا ايه

شادي ذهب لها و هو ينظر لها بأعجاب و قال بحب : لا طبعا يا حبيبتي هو حد يقدر يشوفك و يتكلم

شهد بخجل و كسوف و قد احمرت وجنتيها : بس بقا ..عيب كدة على فكرة

اما مراد فكان واقف يتطلع و ينظر بدقة لتلك الجميلة الواقفة بفستانها الذي يشبه فساتين الاميرات نعم فهو اول ما رآه شاف صورتها فيع و قرر اشترائه من بدون سبب و لكنه برر لنفسه اي سبب لكي يشتري لها تلك الفستان

ضحى بشكر و حب و هي تتوجه لمراد الواقف ينظر لها بشرود قائلة بتهكم : شكرا يا مراد ... شكرا بجد الفستان حلو اوي و عجبني بجد ..زوقك حلو

اومأ لها مراد ببرود دون ان يتكلم و قال بلا مبالاه رغم اعجابه الشديد بها : هو اصلا حلو عليكي

و فجاءة دخلت حورية و سمية و قالو : يلا يا ولاد عشان نروح القاعة

نزلوا جميعا

اما سارة فور ان رأت ضحى و جمالها اغتاظت بشدة وقالت : كل دة و مش بيحبها ...امال او بيحبها نعمل ايه بس ماشي يا ضحى مش انا اللي هربيكي ...لا هو بنفسه اللي هيربي واحدة زيك

فستان ضحى 💖💖

فستان شهد ♡♡

فستان سارة

حورية لضحى : قمر يا حبيبتي بجد قمر

ضحى بابسامة لوالدتها : شكرا يا ماما

ركبوا و وصلوا القاعة

حسين ( والد شهد ) لشادي : خلي بالك منها يا شادي دي بنتي الوحيدة ..

شادي و هو ينظر لشهد بحب : دي في عيني يا عمي

حسين بفخر من زوج ابنته : و دة اللي انا واثق منه طبعا يا ابني

بدا الجميع في الرقص مع بعض ما عدا ضحى و مراد

ضحى لمراد برجاء : مراد عشان خاطري قوم نرقص طب ما شادي و شهد اهم بيرقصوا عادي

مراد و هو ينظر لها بجمود هاتفا ببرود : اظن ان انا قلتلك لا يبقي لا مش هنقوم نرقص احنا و كل واحد يقعد يتفرج علينا يا هانم.

ضحى بخبث و هي تبتسم قائلة : مراد ..هو انت بتغير عليا عشان كدة مش عاوزني ارقص

مراد و هو يحاول ان يتحكم في نفسه فقال لها بتهكم : ضحى انت عاوزة تعصبيني انهاردة

ضحى و هي تبص له برجاء و تزم شفتيها قائلة بطفولة
: عشان خاطري يا مراد .. بليز .ماهو انا مش هتجوز كل يوم دة هي مرة واحدة

تنفس مراد بنفاذ صبر و قام و طلب من منسق الموسيقى ان يشغل له اغنية خاصة

مراد لضحى : يلا قومي عشان نرقص

قامت ضحى و فجاءة اشتغلت اغنية ( باين حبيت )
و قاموا بالرقص عليها و اندمجوا مع كلمات الاغنية اللي كانت فعلا تحسي انها بتوصفهم لانه فعلا عايش مع وهم الانتقام و انه يكسرها و وهم الحب و مش مختار
و ما ان بدأوا بالرقص حتى اندمجوا بشدة

( باين حبيت ايوة انا حبيت
حبيت الدنيا اللي بتضحكلي معاك على طول
باين حبيت ايوة انا حبيت
و بشوف في عنيك الضحكة اللي تخليني بقول
بااين حبيت ايوة انا حبيت )

انتهت الرقصة و بدأ الجميع يصفق لهم و كان بينهم الفارح و الحاقد

اما سارة فقالت لابوها بغيظ و عصبية فهي تشعر بالغيرة من ضحى : بقا كل دة و مش بيحبها امال لو بيحبها هيعمل ايه بقا

احمد و هو يحاول تهدئتها : اهدي بس ..هو لازم يمثل قدام الكل عشان محدش يعرف حاجة

سكتت سارة بغيظ و ودت لو ان تترك هذا الفرح و تمشي و لكنها لا تقدر على فعل ذلك

اما شادي فقال لنفسه : كل دة و مش بتحبها امال لو بتحبها هتعمل ايه ... ثم اكمل متمنيا لهم السعادة ياريت بقا لو تعرف بدل ما فعلا تكسرها بجد

شهد بتساؤل لشادي : في ايه يا حبيبي سرحان .. في ايه كدة

شادي بنفى : مفيش يا حبيبتي .. بس بصراحة مش مصدق ان القمر دة بتاعي

شهد بكسوف : بس بقا .. يا شادي الناس حوالينا هيقولوا ايه بقا علينا

شادي بلا مبالاه : و احنا مالنا و مال الناس .. و بعدين هيقولوا عريس و قاعد مع عروسته القمر دي هيمسك نفسه ازاي ... و بعدين من انهاردة مش هيبقى في كسوف خالص يا حبيبتي ثم غمز لها

اما شهد فقد احست ان نار تخرج من وجنتيها

و شادي ظل ينظر لها و هو مبتسم على منظرها

"""""""""""""""""بعد انتهاء الفرح
ذهب كل واحد الى غرفته

عند شادي

شادي و هو ينظر لشهد بحب قائلا : اخيرا يا حبيبتي اتجوزنا انت عارف انا مستنى اليوم دة من اول ما شفتك و انت دخلتي قلبي اصلا و اتمنيت اليوم دة يجي يوم ما تبقي مراتي و حبيبتي و تكتبي على اسمى

شهد بخجل : و انت كمان عارف اني .. اني .. و سكتت

شادي بضغط و هو يدعي عدم الفهم : انك ايه يا حبيبتي مش فاهم

شهد بخجل شديد : اني .. ب..ح..ب..ك

ضحك شادي على منظرها قائلا : طب ما انا عارف انك طبعا بتحبيني زي ما انا بحبك اكيد

شهد بغيظ : تصدق انك بارد ... و عمال تضايقني على الفاضي على فكرة

شادي بضحك : هعديهالك انهاردة و ممكن بقا اطلعه عليكي لما نسافر عادي

شهد بفضول : هنسافر فين

شادي بخبث : طب ممكن اقلك بس بشرط

شهد بحماس : موافقة عليه

شادي : ماشي تعالي بوسيني و انا هقلك على طول هنسافر فين

شهد بخجل قالت بتلعثم : لا ..خ..خلاص مش . عاوزة اعرف هنروح فين ..بكرة هبقى اعرف اصلا

شادي بخبث : خلاص هاجي انا ابوسك عادي ..و على فكرة هنسافر دبي يا قمر

ثم انقض على شفتيها بقبلة عميقة بث فيها حبه لها اما هي فكانت خجلة من فعلته و لكنها اندمجت معه و اخد ييحث بيده على سحاب تلك الفستان و وضعها على السرير برفق و بدأوا حياتهم الزوجية و هما زوجين محبين لبعضهم بعشق و كل واحد داخله سعادة كبيرة لا يستطيع وصفها من الأساس

"""""""""""""""""""""عند ضحى و مراد

مراد ببرود لضحى : ادخلي يلا الحمام عشان تغيري هدومك يلا

اما ضحى فوقفت مصدومة من طريقته معها

مراد بصوت قوي و هو يمسك يدها : يلاا .. ايه مسمعتيش انا قلت ايه

اما ضحى ففاقت من صدمتها و اخذت بيجامة بيضاء جميلة معها و دخلت الى الحمام

مراد واقف بيفتكر ازاي عمته وصته عليها و قالتله انه يستحملها و يستحمل تصرفتها اللي ساعات بتبقى مجنونة بس هي طيبة فقال مراد بتوعد : هربيها من جديد و اسف يا عمتي لو كنت وعدتك بحاجة تانية بس انا وعدت نفسي

و بعد دقيقتين خرجت ضحى من الحمام مثلما هي

مراد باستغراب و نبرة حادة : ايه ..مغيرتيش ليه

ضحى بخجل و هي تنظر ارضا رغم استغرابها و دهشتها من طريقته معها متمتمة بارتباك و تلعثم : ب.. بصراحة كدة .. مش عارفة افتح ... الفستان

مراد بسخرية : تصدقي مكنتش اعرف انك بتتكسفي زي البنات ثم قرب منها و شعر بأنه يتمنى ان يترك كل هذا و لكن قام بفتح السحاب لها سريعا و قال بارتباك : يلا ادخلي بسرعة

دخلت ضحى الي الحمام
اما مراد فوقف يتنفس بشدة و صوت مسموع و قال لنفسه بتشجيع : لا اجمد يا مراد .. مش حتة بت مفعوصة زي دي هي اللي هتأثر فيك و تعمل كدة

بعد ربع ساعة خرجت ضحى من الحمام بعدما غيرت فستانها و مسحت المكيب و اثره من على وجهها

و تفاجأت من مراد الجالس امامها

مراد بسخرية : ايه كل دة فكرت انك موتي جوة

ضحى باستغراب و لكنها قالت بهدوء مثل ما نصحتها والدتها : في ايه يا مراد مالك

مراد بجمود و قسوة : لا فوقي انت صدقتي نفسك و لا ايه .. انت هنا مش مجرد واحدة عادية اتحديت نفسي و وصلت للي انا عاوزه و هو اني اكسرك و هكمل يا ضحى اوعي تكوني للحظة صدقتي اني بحبك ...لا فوقي و متنسيش نفسك .... انت كنت بالنسبة ليا مجرد تحدي اتحديته مع نفسي و بكسبه دلوقتي انا استحالة احب واحدة زيك ... انا بس بوريكي مقامك كويس معايا ..مش انت اللي تستحق تكون مراتي

************************************

ايه رأيكوا في الفصل ...؟؟

ايه رأيكوا في فستان ضحى..؟؟

انهي عجبكوا اكتر فستان ضحى و لا شهد..؟؟

تفتكروا رد فعل ضحى هيكون ايه ...؟؟

موقفكوا من مراد ...؟؟

مراد فعلا كسر ضحى ... و لا هي قوية ..؟؟

تفاااااعل بقاااا.... توقعاتكم...... متنسوش تصوتوا على البارت ....

انا اسفة لو اتأخرت عليكم بس والله بعد ما كتبت البارت اتمسح اكتر من نصه و عدته تاني

الكاتبة : دودو