رواية ظلمني حبه ( لهدير دودو ) الفصل الرابع 4 - بقلم هدير دودو

دخلت حورية و هي خائفة جدا اما ضحي فكانت عارفة ان مهما البنت ما بتغلط باباها من الاكيد هيسامحها مهما كان كبر غلطها فعشان كدة مكنتس خايفة و كانت بتحاول بتخفف من توتر امها لغاية ما وصلوا للباب الداخلي بتاع القصر و دخلوا بمجرد ان رأها اسماعيل قام وقف و مشاعره كلها متلغبطة ما بين حبه لبنته الشديد اللي بس كان عاوز يأمنلها مستقبلها و غلط بنته في حقه اللي فسرت خوفه عليها بأنه ظلمها و مهمهاش مشاعرها هو صحيح كان عاوزها تتجوز شخص غني بس عشان هو عارف انه هيأمنلها مستقبلها  و احمد اللي وقف مش عارف يعمل ايه معاها و محمد اللي فرح جدا و راح لأخته الصغيرة

محمد بفرحة و قام باحتضان حورية : وحشتيني اوي والله يا حورية

حورية بفرحة عكس ما بداخلها من خوف فلا يوجد شخص يعرف فيما يفكر فيه والدها : و انت كمان يا محمد وحشتني اوي بجد

( امال عند سارة بيقلب قطة ليه و بيعملها اللي هي عاوزاه ...  😂😂 معلش يا بنات بس سألت سؤال غايظني. زي ما غايظكم بالظبط .. نرجع لموضوعنا ..)

محمد لضحى بتساؤل و مرح  : ايه يا ضحي  مش هتسلمي على. خالك و لا ايه ...  بالظبط

ضحي بفرحة : لا طبعا هو انا اقدر برضه ثم قالت بمرح لكي تمحي التوتر  بس قلت تشوف المزة الكبيرة الاول و بعدين نشوفني انا .. انا عارفة اني الصغيرة بس دي قالتها و هي تشاور على امها في عشرة ما بينكم و لا انا غلطانة

ضحك الجميع و قام محمد باحتضانها و قال : عكس امك خالص يا ضحي طالعة لجدتك الله يرحمها

ضحى و هي تسأل حورية بلوم مصطنع : و انا عمالة اسأل فيكي يا حاجة انت .. انا طالعة لمين مبتجوبنيش فيها ايه لما تقوليلي ان انا طالعة لامك

حورية و هي تنكزها في كتفها و تقول بحدة  : عيب يا ضحي كدة .. مش  في اي مكان و لا اي وقت ينفع فيه   الهزار ... خفي شوية ماشي

ضحى : حاضر من عيوني بس مش. ملاحظة ان انا كنت بكلم خالي و لا ايه .. انت اللي اتدخلت انا بقترح انك تروحي تشوفي ابوكي و تسيبيني مع الراجل العسل دة مش عارفة ليه طلعتي قفوشة اوي كدة ما انت ساعات بتبقي بتهزري و ساعات بتبقي اعوذ بالله ثم همست لها و قالت روحي شوفي ابوكي يلا

بدأت حورية تمشي بحركات بطيئة  و خوف بداحلها تتحرك تجاه ابوها اللي بقالها اكتر من 20 سنة مشافتهوش لغاية ما وصلت لعنده

حورية بهدووء عكس ما بداخلها : ازيك يا بابا ..عامل ايه و صحتك عاملة ايه

اسماعيل بسخرية : ايه دة حورية افتكرت أخيرا ان ليها اب المفروض تسأل عليه و لا بعد ما جوزك طردك انت و بنتك جايالي

ضحى بشراسة تدافع عن والدها : لا يا جدو بابا مات الله يرحمه و اظن مينفعش تجيب سيرة ناس ميتة و بعدين ميت بقاله سنة و نص فمينفعش تتكلم عليه و عمره حتى ما ضايق ماما بكلمة بصراحة انا بحييك على تربيتك لماما دي و بفتخر ان بابا دة ابويا فلو سمحت متتكلمش عليه عشان خاطري

محمد متدخلا لكي يهدي التوتر : ايه يا بت انت كل دة جملة واحدة كفاية لكن انت قلت شريط كامل

ضحى : لا بس مينفعش اشوف حد بيغلط في ابويا

حورية بأسف لابوها : انا اسفة يا بابا حقيقي مكنش قصدي انا بس مستحملتش اني ابعد عن الشخص اللي حبيته و اختارت اكمل حياتي معاه و انت صممت على موقفك و حتى مسمعتهوش و لا سمعتني

إسماعيل بأنفعال : يعني متقدريش تبعدي عنه لكن تقدري تبعدي عن ابوكي صح

حورية بنفي : لا والله يا بابا انا كنت بكلم محمد و بسأل عنك على طول حتى اسأله

اسماعيل بص لمحمد و هو قال بهدوء : فعلا يا  بابا و بعدين دي حورية بنتك حبيبتك سامحها بقى يا بابا

اسماعيل : للاسف هي سابتني و راجعة دلوقتي و معاها تحفة غالية منها المفروض اعمل ايه مش قادر اعملها حاجة مهما عملت هتفضلي بنتي الصغيرة اللي بتغلط و بسامحها طبعا و قام باحتضانها

حورية بفرحة : بجد يا بابا انت اعظم اب في الدنيا ثم قالت تعالى اعرفك على ضحي بنتي تعالي يا ضحى سلمي على جدك 

ضحي بفرحة : ازيك يا جدو عامل ايه

إسماعيل :  الحمد لله يا ضحى كويس .. و احسن حاجة انك متلعطيش طيبة زي امك لازم تدافعي و تجيبي جقك طبعا مش تسكتي

ضحى : ايوة بقا يا جدو اقف معايا كدة

ضحك اسماعيل و محمد ثم قام اسماعيل بمناداة احمد

اسماعيل : تعالى يا احمد سلم على اختك

احمد بجمود : ماشي ثم قام بالتوجه الي حورية و قال : ازيك يا حورية .. ايه اللي جابك دلوقتي بالذات

اسماعيل : خلاص يا احمد مش عاوز كلام في الموضوع دة تاني

قام شادي بالتوجه الى حورية و قال : ازيك يا عمتي عاملة ايه

حورية : الحمد لله كويسة انت..

قاطعها شادي قائلا : انا شادي ابن اخوكي احمد قم قال لضحى : ازيك يا ضحي عاملة ايه

ضحى : الحمد لله كويسة وانت

شادي بحماس : الحمد لله ... هبقى اعرفك على خطيبتي شهد هتحبيها اوي

ضحي بنفس الحماس : ماشي .. تعالى انهاردة بس شوية عشان تعبانة من الطريق

شادي : براحتك طبعا ... ثم قام بمناداة سارة : تعالي يا سارة يلا

سارة بتكبر : هاي ازيك يا عمتو

حورية : الحمد لله كويسة .. يا حبيبتي انت اخت شادي صح

سارة بتكبر : اكيد طبعا ثم قالت لضحى و هي تشير بايديها هاي يا ضحى

ضحى و لم تعجبها طريقتها قائلة  بعدم اهتمام : هاي

ذهبت سمية اليهم قائلة : ازيك يا حورية طبعا عارفاني و لا نسيتيني

حورية : لا طبعا و انا اقدر انساكي يا سمية بردو

سمية بفرحة : ايوة طبعا .. ثم قالت لضحى ازيك يا بنتي عاملة ايه

ضحى بفرحة : الحمد لله يا طنط

سمية بزجر : لا طنط ايه قوليلي خالتو

ضحى : ماشي يا خالتو

اسماعيل : طب بلا عشان ترتاحوا و لا ايه يا سمية

سمية بتأييد : اه طبعا تعالي معايا

بعد ما طلعوا قامت سمية بمناداة الخادمة و قامت بتجهيز اوضة حورية القديمة زي ما طلبت و اوضة لضحى

ضحى لنفسها بعد ما دخلت الاوضة و بدون تصديق :
يلاهوي دة انا كدة مش هعرف انزل تاني ثم قالت لا انا انام بدل ما افكر على الفاضي ثم تذكرت مراد و قالت ينهار اسود على جماله بس خلاص مش هشوفه تاني كان نفسي اديله على دماغه و شعره العسل دة ثم دخلت اخذت شاور و نامت من التعب

""""""""""""""""""""الكل تحت قاعد و بعدين نزلت سمية

اسماعيل بتساؤل : ها يا سمية ودتيهم اوضهم

سمية : اه يا عمي و ناموا كمان دة انا حتى فضلت قاعدة مع حورية شوية

اسماعيل : طب كويس

احمد برفض و صوت عالى نسبيا : يعني ايه يا بابا هتخليها تعيش معانا تاني بعد ما مشيت و سابتنا

محمد مقاطعا له بصوت قوي : ايه اللي بتقوله دة يا احمد حورية تبقى اختنا مينفعش كدة

احمد : انت بالذات تسكت دلوقتي يا محمد قدام كانت بتكلمك مقلتلناش ليه

محمد : هي اللي قالتلي مقلكوش و هي جات لما قلتلها انك تعبت يا بابا

إسماعيل بصرامة : بس انتوا الاتنين انت يا احمد حورية اختك و مش هسيبها و خلاص هي رجعت حد عنده اعتراض تاني

احمد : اه يا بابا طب حورية اختي و ماشي هتعد لكن بنتها بقا تقعد معانا ليه

إسماعيل : اديك قلت بنتها يعني ينفع اقعدك انت و مقعدش سارة و شادي و لا ايه

سارة بتكبر : ايه اللي بتقوله دة يا جدو دة انا سارة حبيبتك عاوز تمشيني مثلا

اسماعيل  برفض : لا طبعا يا سارة يا حبيبتي بس انا بفهم باباكي خلاص انتهينا بقا من الموضوع دة

قام الجميع الى اعمالهم معادا سارة

اسماعيل بتساؤل : في ايه يا  سارة يا حبيبتي عاوزة حاجة .

سارة : اه  يا جدو عملت ايه في موضوعي انا و مراد

اسماعيل : مفيش يا سارة قلتله و قالي اديني فرصة افكر و هيقولي بس متخافيش يا سارة انا صممت انه يتحوز من العيلة فأكيد هيوافق

سارة بفرحة : شكرا يا جدو انا مبسوطة اوي و بحبك اوي والله

اسماعيل : و انا كمان يا سارة و انت عارفة اتي بعاملك غير الكل كفاية انك حفيدتي الوحيدة

سارة بخبث : اه يا جدو طبعا بس خلاص بقا فيه ضحى

اسماعيل : عارف يا سارة بس انت هتفضلي زي ما انت .. و انت عارفة كدة اكيد

سارة بفرحة : ماشي يا جدو باي بقا هروح مع اصحابي

اسماعيل : ماشي يا حبيبتي

""""""""""""""عند شادي خلص شغله و راح يشوف شهد و حكالها كل اللي حصل

شهد بفرحة : طب كويس والله ثم قالت بغيرة و ضحى دي بقا شكلها ايه حلوة

شادي بضحك : الله بقا القمر بيغير عليا

شهد بجدية : شادي بطل هزار لو سمحت و قولي ضحى شكلها ايه

شادي : عادي يا شهد و انا بعتبرها اختي و بطلي غيرة و كدة كدة قلتلها اننا هنخرج مع بعض و هتتعرفي عليها

شهد برضا : ماشي بس يارب تكون كويسة و ودودة مش زي سارة اختك

ضحك هما الاثنان و قطع كلامهم رنين هاتف شادي

شهد بتساؤل و فضول : مين ..

شادي : دة مراد و قام بالرد عليه

شادي : الو يا مراد الحمد لله كلنا كويسين و جدو كويس بس عمتك جات

مراد : اه منا عارف بابا اصلا كان حكيلي عنها هي و بنتها

شادي : طيب هتيجي امتة كدة

مراد : بكرة او بعده كدة هاجي

شادي : ماشي ... باي

شهد بحماس : طب يلا نروح نشوف ضحى و نخرج مع بعض زي ما قلت

شادي : حاضر بس ..مش ملاحظة ان الفترة دي الرومانسية قليلة

شهد بكسوف : لا .. و بعدين احنا كلها شهر و هنتجوز

شادي بخبث : لا بعد الجواز احنا هنمحي على الكسوف دة طبعا

شهد بكسوف و احراج :بس بقا و يلا عشان نخرج و ياريت تبطل كل شوية تكسفني

شادي بحب : حاضر من عيوني ثم ذهبوا للقصر

شادي اول ما دخل هو و شهد شافوا حورية قاعدة مع امه

شادي : ازيك يا عمتو .. ازيك يا ماما

حورية : الحمد لله كويسة

سمية : مش هتعرف عمتك بقا يا شادي على شهد

شادي بسرعة : اه طبعا ثم قال اعرفك يا عمتو شهد خطيبتي و كلها شهر و هنتجوز

حورية بفرحة : طب كويس مبروك يا حبيبي ... ثم وجهت كلامها لشهد ازيك يا حبيبتي عاملة ايه

شهد : الحمد لله يا طنط كويسة

شادي ؛ طب يلا يا شهد نطلع نشوف ضحى فين كل دة

شهد : ماشي و اهه نتعرف عليها بردو

حورية : اه اطلعوا انا لسة بردو كنت هطلعلها عشان هي اكيد مش هتعرف تنزل

شادي : خلاص خليكي ثم قال لها كأنه تذكر شيئا صحيح يا عمتو مراد بيسلم عليكي و بيقول هينزل بكرة او بعده

حورية : الله يسلمه والله نفسي اشوفه محمد كان دايما بيحكيلي عنكم كلكم

شادي : طب هنطلع احنا طلعوا الاوضة عند ضحى.  خبطوا.  فتحت

ضحى بفرحة : اخيرا كل دة قاعدة و مش عارفة أنزل

شادي : معلش هتتعودي واحدة واحدة و تحفظيه

ضخى بفرحة لشهد : ازيك يا شهد عاملة ايه ثم قالت شهد صح اصل هو قالي اني هخرج مع خطيبته شهد

شهد : اه انا شهد و يلا عشان نخرج كلنا بما أنك لابسة و قاعدة

خرجوا هنا التلاتة و شهد و ضحى اتعرفوا على بعض و اتصاحبوا و قاعدوا يحكوا لبعض على اللي كانوا بيعملوه
لغاية ما روحوا

شهد قبل ما تنزل : لا حقيقي يا ضحى انت فظيعة بجد عمري ما شفت كدة و اللي عملتيه في المدير دة مسخرة بجد

شادي : طب يلا يا شهد عشان وصلنا و باباكي واقف

شهد : ماشي و نزلت

ضحى : حلوة شهد اوي حبيتها

شادي بحب : اه اوي

ضحى بضحك : الله يسهلو يا عم الحب بقا

شادي : خلاص بقا يا بت صحيح ياريت متعمليش مشاكل  قدام مراد عشان هو مبيحبش الطريقة دي على طول شايف ان البت انسانة رقيقة اوي زي ملك خطيبته الله يرحمها

ضحى : ايه دة خطيبته مين مش فاهمة و بعدين هو ماله و مال طريقتي محدش قاله تعجبه

شادي : اهدي بس ملك دي كانت بنت خالته و خطبها و اتعلق بيها بس موصلش لدرجة الحب هو تعلق بس عشان هي اول بنت في حياته و كانت محترمة و رقيقة و كدة لو كانوا كملوا مع بعض ممكن يكون حبها

ضحى بتساؤل : يعني هو محبهاش

شادي : لا بس الكل فاكر حبها بس هو مجرد اعجاب و انتهى بس هو ماسكها بقا حاجة يبرر بيها عدم زواجه

ضحى : اه فهمت بس انت بتحب شهد اوي

شادي : اه بحبها فعلا و هي بتحبني

ضحى : فعلا معاك حق ... بس انت عارف انا محبتش أختك خالص حسيتها متكبرة اوي بس متزعلش

شادي : لا مش زعلان و يلا عشان وصلنا دة انت فعلا رغاية

ضحكوا الاتنين و طلعوا اوضتهم على طول عشان كان الكل نايم

********************************

تفتكروا الدنيا هتفضل هادية كدة ..؟؟

ايه رأيكم في تصرف اسماعيل مع حورية ..؟؟

ايه رايكم في تصرف احمد مع اخته ...؟؟

مراد هيعمل ايه مع سارة ..؟؟

ايه رأيكم في الفصل ..؟؟

فصل طويل اهه تعويض عشان فصل امبارح كان صغير تفاعل بقا عشان التفاعل ضعيف على فكرة

توقعاتكم ....... و تفاعل اديني قلت تاني اهه

متنسوش تدوسوا على النجمة الصغننة اللي تحت **

و الي عنده فيس ياريت يدخل الجروب بتاعي اللينك بتاعه على صفحتى هنا

الكاتبة : دودو