رواية ظلمني حبه ( لهدير دودو ) الفصل الثالث 3 - بقلم هدير دودو

ضحى بعصبية منهية الحوار : خلاص بقا يا ماما انا بكرة هدور على شغل اصلا

حورية : لا خلاص ملوش لزوم احنا كدة كدة هنسيب اسكندرية و هنروح القاهرة

ضحى بعصبية مقاطعة لامها  : يعني ايه بقا عشان مش فاهماكي كدة وضحي شوية عشان منقلبش على بعض كدة يعني عاوزاني اسيب اسكندرية اللي اتولدت فيها و عشت و كبرت فيها و نروح القاهرة احنا اصلا منعرفش حد هناك ثم قالت بتفكير و توعد ... اوعي تكوني خايفة من الزفت اللي اسمه عمي هو جه تاني ... قوليلي بس و انا هروح اعرفه مقامه كويس ...

حورية بهدوء : خلصتي كل احتمالتك و رغيك دة و لا لسة
اومأت لها ضحى بالموافقة

حورية : اسمعي بقا و متقطعنيش تاني : انا زمان اهلي كانوا ناس اغنيا و انا كنت عاملة زي ماما الله يرحمها مبيهمنيش الفلوس و الكلام دة و محمد اخويا كدة بردو بس أحمد كان زي بابا بس على اطمع شوية يمكن بابا بيهتم بالمظاهر و السمعة بتاعت العيلة بس رغم كدة طيب اوي و حنين   لكن احمد لا بيهتم بالفلوس بس ما علينا باباكي كان موظف عندنا حبيته و حبني و طلب يتجوزني رحت قلت لبابا طبعا رفض ازاي بنته المدلعة حبيبة قلبه تتجوز كدة لا طبعا مينفعش و وقتها يمكن اكتئبت و فضلت اتحايل عليه و طبعا مصمم على رفضه فجالي محمد اخويا و كلمني و قالي انه عاوز رقم ابوكي و قتها استغربت انه طلبه مني انا ما هو كان ممكن يجيبه من الشركة بس قالي عشان بابا ميعرفش ادتهوله و كلمه و اتقابلوا و قعد معاه و لما لاقانا بنحب بعض بجد هربني و اتجوزنا و سفرنا على اسكندرية  عشان دي اصلا بلد ابوكي و كل فترة بيكلمنا و طبعا محدش يعرف انه ساعدنا بس هو قالي انا استحالة اسيب اتنين بيحبوا بعض كدة و انا اتأكدت ان الواد دة بيحبك بجد و لو اكتشفتي غير كدة بعدين مع اني واثق انه بيحبك كلميني فورا و زي ما روحتك ليه هخدك منه ثم تنهدت و قالت بس يا ضحي دي كل الحكاية بتاعتي انا و ابوكي

ضحى بتأثر قامت و احتضنت حورية و قالت : يا حبيبتي يا ماما تصدقي بأيه  انا حبيت خالو محمد اوي ثم قالت بغباء بس انت عاوزانا نروح القاهرة بردو ليه

حورية :اصوت و لا اجيب حد يصوت مكاني .. بصي يا ضحي لما محمد كلمني قالي ان بابا تعبان و صحته الفترة دي مش مستقرة اوي فأنا بصراحة عاوزة اروح اعتذرله و اعيش معاه يا ضحي دة ابويا

ضحى فهي لا تقدر على ان ترفض ﻹنها اكتر واحدة عارفة ازاي البنت بتحب ابوها : اللي تشوفيه يا ماما. . اهه نبعد شوية من قرف عمي دة .

حورية بهدوء و فرحة : طب يلا يا حبيبتي روحي حضري شنطتك انا حضرت شنطني ثم قالت بفخر عشان عارفة انك هتوافقي دة انت بنتي طبعا و قاموا باحتضان بعض

ضحى بمرح : و انا اقول ماما طول عمرها بتربيني على الاتكيت و كدة هي اتعلمته فين دلوقتي بقا اكتشفت

حورية : يلا يا ضحى و متشلنيش

"""""""""""""""""""""""""عند مراد بعد عدة ساعات وصل للقاهرة و لقصر الدمنهوري بالتحديد

مراد بقلق : ها يا بابا طمني جدو دلوقتي عامل ايه

محمد : الحمد لله كان هيدخل في غيبوبة سكر بس لحقناه ثم  قال بتساؤل بس انت عرفت ازاي

احمد بسخرية و هو يشاور على شادي  : اكيد طبعا الاستاذ شادي اللي قاله و هو ايه الجديد يعني ما هو كل حاجة بيوصلهاله على طول

شادي  بهدوء و تأكيد : ايوة يا بابا فعلا انا اللي قلتله اول ما عرفت ثم وجه كلامه لشهد : طب يلا يا شهد عشان اوصلك عشان الجو اتأخر 

شهد باعتراض : لا خلاص خليك و انا هروح لوحدي بأوبر او تاكسي عشان العربية في البيت

شادي بتصميم : يلا يا شهد بطلي اعتراض

مشي كل من شادي و شهد

سارة بلا مبالاه : طب انا طالعة انام احسن بما ان جدو محصلوش حاجة و طلعت لغرفتها 

محمد بهدوء لمراد : مراد انا عاوزك تسافر انت مكاني للشركة الفرنسية قبل ان يتكلم مراد اكمل هو كلامه انا عارف انك لسة راجع بس حقيقي انا مش قادر اسافر و كمان في حاجة مهمة مستنيها بالنسبة ليا فعشان كدة معلش لو هتعبك

مراد : ايه اللي بتقوله دة يا بابا تعب ايه خلاص انا هطلع اجهز شنطتي و دول هما تلت ايام بالظبط و هرجع يعني مش حاجة

محمد بهدوء : طيب يا حبيبي ربنا يخليك ليا

سمية بتساؤل : جعان يا مراد اخليهم يحضرولك العشا

مراد : لا و الله يا مرات عمي انا عاوز انام عن اذنكوا ثم طلع لغرفته و قال بتوعد لضحى و هو يتذكر كيف كانت تقف امامه بكل شجاعة و قوة لا يعلم من اين جاببتها والله ما هسيبك دة انا بعد ما ارجع من السفر هعرفك مين هو مراد الدمنهوري اللي انت بتستقلي بيه هو انت فاكرة انك عشان مشيتي من الشركة هسيبك والله ما هسيبك بس ارجع من السفر

"""""""""""""""""""""تاني يوم الصبح مراد سافر و الكل كان متجمع على الفطار معادا مراد و حورية و ضحي وصلوا

حورية بهدوء للحارس اللي واقف على الباب : لو سمحت انا عاوزة اقابل اسماعيل

الحارس باستغراب : اسمه اسماعيل بيه لو سمحت و اقله مين

حورية : قوله بس واحدة عاوزة تشوفك

ذهب الحارس لكي يبلغه

ضحي باعجاب للقصر : الله  يا ماما دة قصر دة و لا متحف انت كنت عايشين فيه ازاي دة انا اتوه

حورية بضحك : طب اسكتي بقا و سيبيني عشان انا متوترة اصلا و مش عارفة هقله ايه

ضحى بفخر : هتقوليله على اللي حصل و لو خايفة اقله انا عادي

حورية اسرعت بنفى : الا انت .. انت بالذات بتبوظي الدنيا خالص

ضحى : براحتك

عند الحارس لاسماعيل قال باحترام : اسماعيل بيه فى واحدة عاوزة تقابل حضرتك برة و معاها بنت صغيرة

اسماعيل باستغراب : مقالتش مين

اسرع محمد يقوله : دخلهم بسرعة و عاملهم باحترام طبعا 

إسماعيل بدهشة : انت عارفهم يا محمد

محمد بهدوء : اهدى بس يا بابا و انت هتعرف كل حاجة

ذهب الحارس لحورية و قالها لاحترام شديد : اتفضلي يا هانم هما مستنينك جوة

حورية بهدوء و قلق شديد : حاضر

ضحي باستغراب : استني بس يا ماما .. ثم وجهت كلامها للحارس : هو انت با كابتن ليه بتقولها يا هانم مع إنك في الاول مقلتلهاش كدة

الحترس باستغراب لكنه قال : هما جوة قالولي اعاملكم باحترام انا اسف لو دة ضايقك

ضحى : لا بس متستغربس اكيد خالو محمد اللي قال كدة صح

الحارس بايجاب : ايوة هو

همت ضحى باللد لكن قاطتعتها حورية : خلاص با ضحي مش هتفتحي تحقيق ثم قالت للحارس شكرا

الحارس باحترام : لا عادي اتفضلوا و جاء ليوصلهم قالت حورية باعتراض : شكرا بس انا عارفة المكان و ذهبت هي و ضحي

حورية بذعر : يعني هو ده  وقت رغيك اللي على الفاضي مش بقولك اني متوترة

ضحي : ما انا بنسيكي شوية توترك .. ثم قالت بتساؤل انت لسة حافظة المكان

حورية : اه طبعا عشت فيه 24 سنة و اسكتي بقا عشان بقلك خايفة ايه مبتفهميش انت شكلك متعرفيش بابا كويس انا اللي عشت معاه مش عارفة هيعمل ايه

********************************

بصوا انا عارفة ان الفصل صغير بس حقيقي انا مش فاضية و ورايا مشوار مهم مش عارقة هرجع امتة عشان كدة اول ما صحيت كتبته كنت ناوية اعتذر انهاردة بس مرضتش عشانكوا و عشان عارفة انكم هتقيموا عليا الحرب الشديدة 😂😂 فمحدش يقولي الكلمة المعتادة و النبي الفصل صغير

تفتكروا اسماعيل هيعمل اية مع حورية و ضحي هيسامحها و لا لا... ؟؟

مراد ممكن يعمل ايه لو شاف ضحي ...؟؟

أحمد هيعمل ايه لما يشوف اخته ...؟؟

ايه رأيكم في تصرف محمد مع حورية زمان ...؟؟

اكتر شخصية بتحبوها في الرواية ...؟؟

ايه رأيكم في الفصل ...؟؟؟

تفااعل بقا كتير ... توقعاتكم.....

ياريت تدخلوا على الجروب بتاعي على الفيس اللينك موجود على صفحتي ....

متنسوش تدوسوا على النجمة الصغننة اللي تحت **

الكاتبة : دودو