رواية ظلمني حبه ( لهدير دودو ) الفصل الحادي عشر 11 - بقلم هدير دودو

اما ضحى حضنت والدتها بشدة فهي فعلا مش بتخبي حاجة عنها ابدا و أخذت تبكي و هي تردد فيه يا ماما فيه أن مراد مش بيحبني و واخدني لعبة و عاوز يكسرني و بيكمل بس معرفش انه نجح فعلا من ساعة ما حول الاعجاب لحب حب شديد و هو هدفه مش الحب و خلى اكتر يوم بتتمناه أي بنت أسوأ يوم في حياتي و للاسف مش هقدر انسى كمان اليوم دة

فاقت ضحى من شرودها على صوت والدتها

حورية باستغراب : مالك يا ضحى يا حبيبتي عمالة اكلمك و انت و لا هنا في ايه ....و ايه اللي شاغل بالك و مزعلك كدة

ضحى بضعف : ب.. بصراحة يا ماما .. اصل م.. مراد

فجاءة قطعهم مراد و هو يحاول كبت غضبه  و قال لحورية بهدوء  الذي يبدو على وجهها القلق : مفيش حاجة يا عمتي بس كل الموضوع ان ضحى  كانت عاوزة تقضي شهر عسل زي شهد و شادي و انا الفترة دي مش فاضي خالص و عندي شغل فوعدتها اني هعوضها اول ما افضي بشهرين مش شهر بس هي زعلانة و متضايقة اعمل ايه عشان اصالحها بقااا ثم فال بتمثيل اصل انا والله عندي شغل مهم

حورية بتفهم فقامت بأحتضان ضحى و قالت لها بحنان و طيبة : خلاص يا حبيبتي بطلي زعل بقااا و شغل اطفال و هو قالك هيعوضك يبقى متزعليش نفسك على الفاضي و حرام تنكدي على الواد دة لسة عريس حتى

مراد لحورية و هو غير قادر على كبت غضبه اكثر من كدة : عن إذنك بقا يا عمتي هاخد ضحى عشان عاوزها في حاجة مهمة

اومأت لهم حورية و قامت ضحى مع مراد الذي فور ان اختفوا من انظار حورية مسك يديها بقوة و غضب و جرها ورائه  الى الغرفة و قفل الباب بعصبية

ضحى بصوت عالي : ايه ماسك حمارة بتجرها وراك

قطعها مراد بصفعة قوية بث فيها كل غضبه و قال بغضب و هو يدوس على كل حرف : مش قلتلك محدش يعرف لكن ازاي تسمعي كلامي انت اللي اختارتي و دة نتيجة اختيارك استحملي بقااا ... اصل ازاي ضحى تسمع الكلام لا طبعا لازم تعارض واحدة غيرك بعد اللي حصل امبارح كان زمانها بتعيط و محبوسة في اوضتها لكن انت مش بتحسي معندكيش احساس خالص ان..

قطع كلامه عندما مسكت ضحى كوب الماء و رشتها بوشه و قالت هي الاخري بغضب و تحدي كي لا تبان امامه ضعيفة  : انت استحالة تكون انسان ...ازاي تمد ايدك عليا انت فاكر نفسك ايه لا فوق كدة و متعشش في وهم انا كدة كدة مكنتش هقول لماما و دة طبعا مش عشان انت قلت لا عشان مش عاوزة ازعلها دي ممكن تتعب لكن انت فعلا اللي مبتحسش مش انا ياريتك كنت نصي و بعدين اقعد في الاوضة ليه كنت عاملة .. مصيبة و لا ايه انا مغلطش هو المفروض اللي يكون قاعد انت طبعا ثم قالت بتحذير هي الاخري ايااك فاهم ايااك تمد ايدك دي عليا تاني اقسم بالله ممكن اقتلك فيها بجد و انت اصلا متقدرش تعمل حاجة ثم قامت برميه بالمخدة

مراد تنهد بقوة و هو يستوعب ما فعلته و قام بمسح المياة من على وجهه و قال بغضب مكتوم  : انت قد اللي عملتيه دة

ضحى و هي تقف على السرير و تضع يدها على خصرها قائلة بتحدي و شجاعة : اها قده و نص طبعا ....امال انت فاكر ايه هتغلط و اسكتلك مثلا

زفر مراد بضيق و توجه إلى باب الغرفة و خرج حتى لا يتعصب عليها أكثر من كدة فهو بالفعل اتعصب بشدة منها و ندم على ما فعله معها فهو اول مرة يمد يده على واحدة و لكن بالفعل اول مرة يري واحدة مثلها فهو فكر انها سوف تظل بالغرفة تبكي لكنها تقف امامه بكل شجاعة دون ذرة خوف او زعل

اما ضحى من بعد ما خرج مراد من الغرفة ذهبت و قفلت الباب و جلست على الارض و هي تضع يدها على خدها مكان ما ضربها مراد و قعدت تبكي بشدة و ضعف لا تصدق ما فعله بها و لكن للاسف بعد كل دة و هي لسة بتحبه غير قادرة على كرهه بعد كل اللي عمله فيها فعلا هو دخل من المكان الصح و قدر يكسر قلبها بجد بعد ما عيطت قررت تقوم تفعل شئ في دماغها لكي تثبت له شئ

""""""""""""""""""عند سارة قاعدة مع احمد
سارة بفرحة و شماتة : فعلا يا بابا معاك حق والله طلع مش بيحبها لا و انا اللي كنت متغاظة منها طلعت متستاهلش حاجة دة حتى مطلعهاش شهر عسل و اخذت تضحك بشدة و هي فرحانة في ضحى و ما يفعله مراد بها .. عشان تبقى تتجوزه كويس

احمد بغضب و نفاذ صبر : خلصنا بقا من الموضوع دة و لا ايه .. اظن عرفتي ان مراد طلع مش بيحبها و دة بردو مش موضوعي هتعملي ايه بقاا في موضوعنا احنا لازم ناخد الفلوس و ألا انت عارفة اننا مش هندخل الصفقة اللي عاوزها انا و  انت

سارة : تصدق فعلا ... انا كنت ناسية و اتشغلت في موضوع الزفته اللي اسمها ضحى دي و نسيته خالص

احمد : امال هتعملي ايه ...فهميني

سارة بنفاذ صبر : مش عارفة و بعدين كدة كدة لسة قدامنا ثلث شهور اكيد هنكون اتصرفنا متخافش

اومأ لها احمد و صمت

""""""""""""""" مراد دخل الغرفة مش لاقي ضحى اخذ يدور عليها و قام بفتح الدولاب لكي يتأكد من وجود هدومها فيه خوفا من ان تكون مشيت و لكن فجاءة وجدها تخرج من الحمام و كانت مرتدية ذلك

مراد اول ما رأها فتح فمه من الصدمة فهي كانت جميلة بشدة و اول مرة يراها بهذا الشكل

اما ضحى فتجاهلت مراد و جلست تشاهد التلفاز فهي تعشق المسلسلات التركية بشدة

مراد أحس بضيق و ضعف قائلا لنفسه : اعمل ايه انا دلوقتي...هو انا بعاقبها و لا يعاقب نفسي معاها ربنا يسامحك يا ضحى

مراد لضحى بصوت حاول أن يصبغه بالجدية و نجح بصعوبة و هو يبلع ريقه بضعف : ايه يا ضحى .. اللي انت لبساه دة

ضحى و هي تكتم ضحكتها قائلة بلا مبالاه و هي تدعي عدم الفهم : في ايه يا مراد ماله لبسي ...اصل مرة واحدة لقيت نفسي حرانة اوي و الجو حر و كمان ماما جت كلمتني فاضطريت البس كدة مكملة و هي تدعي البراءة هو في حاجة يا مراد... متخافش انا مش هنزل بيه تحت

مراد بعصبية و غيرة متملكة : طب ابقي جربي كدة تنزلي بيه و شوفي انا هعمل ايه اصلا

ضحى بسخرية و هي تفكره بما فعله : ايه هتضربني مثلا ما هي مش اول مرة تعملها

تذكر مراد ما فعله بقا في الصباح فقال بندم حقيقي : على فكرة انا مكنش قصدي بجد اني امد ايدي عليكي بس حقيقي اتعصبت جامد

ضحى بسخرية و لا مبالاه : لا عادي انت اصلا مبتغلطش ...المفروض انا اللي اغلط

تنفس مراد بضيق و بدل ملابسه ثم اتجه إلى السرير لكي لا يضعف أمامها فهى كانت اليوم بالفعل متألقة و شديدة الجمال ثم قال ليشاكسها : نامي انت بقاا على الكنبة اللي قاعدة عليها عشان انا اللي لحقت السرير الاول مش زي امبارح

ضحى و هي تضع يدها فوق خصرها قائلة بجدية : ليه بقا ما انا امبارح خليتك تنام عليه بردو يبقى انا كمان هنام عليه ... دة احسن حل

مراد و هو يحس بضيق من منظرها فقال لها : ماشي يا ضحى ماشي ثم قام من على السرير

ضحى بدهشة : ايه دة انت رايح فين .. هتسيبلي السرير و تنام على الكنبة و لا ايه

مراد و هو يقرب منها: دة في أحلامك طبعا قلتلك مستحيل انام على الكنبة ثم قرب منها و باسها بوسة عميقة بث فيها اشتياقه لها و بعد عندما أحس بحاجتها إلى الهواء و ذهب إلى الشرفة الموجودة بالغرفة  اما هي فوقفت مصدومة من فعلته هذة فهي لم تكن تتوقع انه سوف يفعل ذلك و عندما فاقت من صدمتها ذهبت وراءه

ضحى بعصبية : انت قليل الادب على فكرة ...ازاي تعمل كدة انت فاكرني ايه عشان تعمل معايا كدة

مراد بغيرة : ادخلي جوة باللي انت لبساه دة و قام بشدها إلى الداخل و قال ببرود : ايه انا معملتش حاجة غلط انت اللي مزودة الموضوع واضح ان الهانم ناسية انها مراتي مش كدة

ضحى : لا مش ناسية بس كمان عارفة انك مش بتحبني و اننا متجوزين لفترة مؤقتة فيا ريت متتعداش حدودك معايا ...ثم أكملت لكي تزيد غيرته انا اصلا ها  احافظ على نفسي عشان ان شاء الله لما نتطلق اتجوز

مراد و هو يمسك يدها بعصبية : تتجوزي ...قلتيلي الهانم بقا عاوزة تتجوز طبعا ما انت عايشة بمزاجك محدش حاكمك

ضحى و هي تزيد غيظه : اه طبعا هتجوز .... بس طبعا مش هغلط نفس الغلطة دي هتجوز واحد يحبني بجد و انا كمان احبه يشوفني من جوايا يشوف ضحى الأساسية يتجوزني عشاني مش عشان هدف معين

أحس مراد بالضيق من طريقة كلامها لأول مرة يعترف انه بالفعل جرحها بشدة و تمنى لو انه سمع كلام شادي لأول مرة يعترف بغلطه و ذهب و نام لكي يفصل نفسه من كتر التفكير اما ضحي فبكت من كتر الوجع اللي في قلبها لغاية ما نامت في الأرض اما مراد فأحس بها و استغرب من عياطها و استغرب انه فعلا قلبه وجهه فهو كان دائما يتمنى أن يراها بهذا الشكل فلماذا
حزن بشدة وقام و نومها على السرير و اخذها في حضنه بحنان و هو يلاحظ بقايا الدموع على وجهها

""""""""""""""""""""عند شهد و شادي

شهد لشادي بفرحة : شادي انا مبسوطة اوي بجد

شادي : يارب تكوني دايما كدة يا حبيبتي

شهد بتساؤل : مالك يا شادي.... ايه اللي مضايقك و شاغل بالك كدة

شادي يكذب و هو يتذكر مراد و ضحى فكيف حالها الآن : مفيش يا حبيبتي ....مفيش حاجة

شهد بإصرار: لا فيه قولي .... في ايه هو انا مش مراتك احكيلي عشان خاطري

شادي حكى لها كل حاجة فهو بالفعل مش قادر يخبي عليها أكثر من كدة فهو دائما شارد و مش مركز

شهد بصدمة و حزن على ضحى : يا نهار اسود .... ازاي يعمل فيها كدة حرام عليه ...دي بتحبه بجد انت مشفتهاش و هي بتكلمني بجد مراد دة انسان غبي و استغلالي حرام عليه كسرها بجد

شادي : بطلي يا شهد تقولي عليه كدة ... و على فكرة هو كمان بيحبها بس للاسف مش عاوز يعترف انه ضعف قدامها و بيكابر

شهد : و النتيجة انه بيجرحها و بيكسرها هي طب ليه خلاها تحبه دي طيبة اوي  حرام عليه بجد ربنا يهديه احنا بجد لازم نساعدهم

شادي بدعاء : يارب و بعدين ما تسيبك دلوقتي من مراد و ضحى و ركزي معايا

شهد بكسوف : ما انا مركزة و بطل تكسفني كدة كل شوية

شادي : لا طبعا مش هبطل و ذهبوا إلى عالمهم الخاص

************************************

ايه رأيكوا في الفصل ...؟؟

اوصفولي مراد ..و ضحى ...؟؟

تفتكروا شهد و شادي هيساعدوهم و لا مش هيقدروا...؟؟؟

مراد غلط لما ضربها .. و ايه رأيكوا في رد فعل ضحى..؟؟

مراد هيعترف فعلا  بحبه لضحى و لا لا ..؟؟

سارة و احمد ناويين على ايه..؟؟؟

ضحى غلطت لما خبت على امها و لا لا..؟؟؟؟

تفاااعل بقااااا......توقعاتكم.....و متنسوش تصوتوا على البارت ..***

الكاتبة : دودو