رواية ظلمني حبه ( لهدير دودو ) الفصل الثالث عشر 13 - بقلم هدير دودو

...........................بعد مرور يومين

شهد لضحى بتساؤل : ها يا بنتي جاهزة و لا خايفة لسة
ضحى بعصبية : قلتلك مية مرة انا مبخافش و بعدين اه جاهزة بس خايفة على ماما احسن تعرف

شهد بإطمئنان : مش هتعرف حاجة انا هقولها ان بابا تعبان و هاخدك نروح و بعدين بقاا تبعتي لمراد الرسالة و انا هقعد عند بابا يومين و مراد هيجيلك بس لازم يحس انك هتضيعي منه و انك مش على طول هتفضلي معاه .. عشان يفهم بقا شوية

ضحى بخوف بداخلها : طب لو معملش كدة .. هنعمل ايه ما هو ممكن ميجيش اصلا ..عشان انا مش مثلا مش مهمة عنده

شهد بإقناع : يا بنتي قلتلك ان هو بيحبك ... بس معلش في الكلمة هو اللي غبي و مش عاوز يعترف

شادي من خلفهم : فعلا يا حبيبتي معاكي حق بس لو ينفع يعني بلاش كلمة غبي احسن يسمعك

شهد لشادي : اهدى شوية و اسكت احسن تفضحنا و اظن انت عارف هتعمل ايه

شادي بمرح : اكيد طبعا يا معلمة

شهد بعصبية : بطل تقول كدة ..انا غلطانة اني دخلتك معانا على فكرة ...انا بس عملت كدة عشان للاسف محتاجينك

شادي : خلاص يا حبيبتي اهدي بس انت فعلا دماغك دي سكر ...ثم وجه كلامه لضحى بليل هجيلك تكوني مستنياني برة بس من غير ما يحس

ضحى بقلق : ماشي ..بس انتوا متأكدين

شادي بتأكيد : اه متخافش فعلا شهد معاها حق لازم يحس انك في أي وقت ممكن تبعدي عنه وقتها بقااا قلبه اللي هيشتغل و يوقف شوية عقله...هو بيحبك بجد يا ضحى بس مش قادر يصدق انه حب البنت اللي كان مش بيطيقها ...صدقيني يا ضحى انا اكتر واحد عارف مراد

اومأت له ضحى و طلعت اوضتها

بعد ساعة شهد دخلت عليها : يلا يا ضحى عشان نقول لهم تحت ونزلوا كانت حورية قاعدة مع سمية

شهد : ازيك يا طنط عاملين ايه

سمية / حورية: الحمد لله كويسين

شهد : بصراحة انا بابا تعبان فأستئذنت شادي اني هروحله و معلش هاخد ضحى عشان مش هقدر اكون لوحدي

حورية : اه طبعا بس يا ضحى قلتي لمراد

ضحى بكذب : اه قلتله يا ماما و خرجوا

شهد لضحى : انا همشي و انت خليكي في أوضتك لغاية ما شادي يجيلك

اومأت لها ضحى و طلعت بدون ما يراها أحد

و بعد مرور وقت جه شادي و قالها: يلا يا ضحى عشان اوصلك ...مراد قرب يوصل

ضحى: يلا

شادي : طب يلا روحي انت الاول عشان محدش يعرف

و بالفعل خرجوا

............................ وصل مراد البيت و استغرب ان ضحى مش موجودة

نزل يدور عليها تحت و ملقهاش دخل الأوضة عند حورية

مراد بقلق خوفا من أن يكون حصلها حاجة : عمتي هي فين ضحى

حورية باستغراب : في ايه يا مراد ما هي راحت مع شهد عند باباها عشان تعبان و قالتلي انها قايلالك

مراد و هو يحاول كبت غيظه منها فقال : اه ... معلش يا عمتي نسيت اصلي متعود الاقيها موجودة

حورية بابتسامة : لا عادي يا حبيبي ...عاوز حاجة قبل ما انام

مراد : لا شكرا و خرج

مراد بتوعد لضحى : ماشي يا ضحى هوريكي ..بقاا بتضحكي عليهم ثم قام بالاتصال عليها

عند شادي و ضحى

شادي : مراد اللي بيتصل صح

ضحى : ايوة ارد عليه و لا لا

شادي : لا مترديش عليه سيبيه بتجنن شوية

مراد بتوعد و غضب أكبر : ماشي يا ضحى مترديش براحتك

"""""""""'عند شادي و ضحى
شادي : يلا يا ضحى أنزلي و مراد هيجي باخدك

ضحى بخوف : ايه دة انا هفضل لوحدي هنا

شادي: ايه يا ضحى .. انت هنا في شقتكوا مش في مكان غريب ...دة انت قاعدة هنا بقالك عمر بحاله خايفة من ايه

ضحى بتأفف : ماشي بس على طول كنت قاعدة مع بابا و ماما مش لوحدي

شادي : أنزلي يا ضحى دة بكرة هيجي ياخدك يعني مش هسيبك ...بس لازم يعرف انك ممكن تسيبيه عادي

ضحى : طب ممكن سؤال ...عشان بقالي يومين مش عارفة اجابته بجد

شادي : قولي و أخلصي

ضحى : هو اشمعنى جيت هنا اقصد يعني بيتنا اللي في اسكندرية ... يعني ليه مروحتش فندق

شادي بضيق : يا ضحى عشان يصدق انك هتمشي و تبعدي عنه ..يعني مثلا لما اتخانقتي مع عمتي اول حاجة عملتيها انك قلتي هترجعي بيتك لازم يعرف ان جوازه منك مش هيربطك جمبه و يعمل فيكي اللي هو عاوزه ....ثم قال بجدية و تأكيد اهم حاجة الرسالة يا ضحى اللي هتبعتيها تحسيسيه بكل اللي في قلبك

اومأت له ضحى و نزلت و مشى شادي

"""""'"'"""'""""""مراد اتصل على شادي

مراد بضيق و صوت عالي : الو يا شادي اديني الزفته ضحى حالا عمال اتصل بيها مش بترد

شادي و يحاول ان يمنع نفسه بصعوبة من الضحك قائلا له بجدية : بس ضحى عندك في البيت يا مراد

مراد بعصبية : بطل هزار يا شادي انا مش فايقلك ...اديهاني عشان مطلعش عصيبيتي فيك

شادي بسخرية : اه طبعا ما انت مش بتعرف تعمل حاجة غير انك تطلع عصبيتك فيها

مراد و هو يجز على اسنانة بغيظ : اديهاني يا شااادي

شادي : هي نزلت على الطريق و انا بوصل شهد فقلت انها روحت دي بقالها كتير ثم قال بقلق زائف هي بجد مش في البيت و لا انت اللي بتهزر .

احس مراد بأحاسيس كثيرو جواه خوف و قلق و غضب و ندم كل تلك الاحاسيس كانت مسيطرة عليه و على تفكيره
مراد بعصبية : مش بهزر يا شادي ...بس فعلا ضحى مش في البيت و عمال اتصل بيها مش بترد انت غبي ازاي تعمل كدة ...ازاي تسيبها تنزل لوحدها

شادي : اهدي يا مراد و بعدين انت خايف عليها ليه ..هو انت مش قلتلي انك مش بتحبها و دة اللي انت عاوزه يحصل

مراد بعصبية و عدم تحكم : عاوز ايه ها .. انا قلتلك اني عاوزها تمشي ...اذا كنت انا شخصيا مش عاوز اطلقها تقولي تمشي ايه اللي بتقوله دة

شادي و هو يحاول استفزازه : يعني انت مطلقتهاش عشان مش عاوزها تمشي و لا عشان عاوز تكسرها اكتر من كدة

مراد بعصبيبة : ما انا بعدت عنها يبقى عاوز اكمل ليه انا بقيت بفضل على طول برة عشان مضايقهاش... المهم هي فين دلوقتي انت شايف ان دة وقت كلامك

شادي : مش عارف ...بس أهم حاجة متقولش لحد من اللي في البيت عشان ميقلقوش

مراد : ماشي هجيلك عند بيت شهد اخدك

شادي : اها ..ماشي انا كدة كدة قربت أوصل

مراد باستغراب : توصل فين هو انت مش عندهم اصلا

شادي بارتباك : اه .. لا ..لا انا رحت اجيبلهم حاجات من الصيدلية .. بس بعيد شوية المهم اوصل انت و هتلاقيني ....

مراد و هو يشعر الخوف فهو اول مرة يشعر بهذا الاحساس الذي لم يشعر به من قبل فقال بتحذير : شادي متتأخرش والله لو اتأخرت لهخلي يومك اسود استناني برة عشان اعرف انك جيت ماشي ثم قفل معاه و نزل بسرعة ركب عربيته متجه الي بيت والد شهد الذي اتفقوا معه على انه يمثل انه تعبان امامه لأن ضحى و مراد اتخانقوا مع بعض

اما شادي قأخذ يضحك و قال بسخرية من مراد : قال مش بيحبها قال دة هيتجنن عليها بس والله شهد حبيبتي دي دماغها عسل عاملة زي الالماظ

"""""""""""""""""عند ضحى دخلت البيت و كانت متوترة و بتفكر اذا كان مراد فعلا بيحبها و هتفرق معاه زي ما شهد و شادي بيقولوا و لا لا و هي فعلا كانت مجرد وسيلة و لعبة

عند مراد وصل و فضل واقف مستني شادي لغاية ما خلاص كان فعلا هييجيب اخره ثم قال لنفسه : ليه يا ضحى ليه مشيتي دة انا معملتلكيش حاجة بقيت بمشي عشان متخانقش و لا اضايقك للدرجة دي انا كنت وحش معاكي عشان تمشي كدة و تسيبيني ثم قال بتصميم بس لا يا ضحى مش هخليكي تمشي و لو اخر يوم في عمري هرجعك و اكيد هرجع حبك ليا اللي انا فعلا بغبائي ضيعته انا فعلا اول مرة اندم اني مسمعتش كلام شادي و اول مرة احس اني غبي اوى و ظالم كمان

و جه شادي قطعه من شروده

شادي باستغراب : ايه يا ابني مالك بقالي كتير عمال انده عليك و انت و لا هنا

مراد بضيق : انا عاوز اعرف مكان ضحى انت فاهم ... انت اللي غبي ازاي تسيبها تنزل لوحدها انا قلت لكام حارس يدور عليها قبل ما اجي

شادي بسخرية : بتتكلم على اساس انها تهمك اوي

مراد بصوت عالي و عصبية و بدأت تظهر عروقه من شدة العصبية : شااادي لم نفسك ة بعدين ايه تهمني دي .. ضحى مراتي انت فاهم و لا لا

خرجت شهد على صوت مراد

شهد بفرحة و هي تري منظر مراد فقد تأكدت بالفعل انه بيحبها فقالت لهم و هي تتصنع الدهشة و الاستغراب : ايه دة مراد في ايه مالك ...اتفضلوا ادخلوا طيب الاول

دخلوا معاها

مراد لشادي : اتصل بيها انت كدة يا شادي

شادي بزعل مصطنع : ما انا اتصلت و مردتش عليا انا كمان ... مش عارف ليه

زفر مراد بضيق و احباط ثم وجه كلامه الى شهد بأمل : طب جربي انت كدة يا شهد تتصلي بيها يمكن ترد عليكي

شهد و هي تري بأن هذا الوقت المناسب لكي تبعت له ضحى الرسالة فقالت : حاضر هروح بس اجيب موبايلي من الاوضة و طلعت

شهد اتصلت بضحى

ضحى بنعاس من اثر النوم : الو يا شهد .. في حاجة

شهد بغيظ : يا نهار اسود انت نايمة و احنا هنا مراد مبهدلنا علشانك و عمال يزعق

ضحى و قد تبدل شعورها للفرحة الشديدة فقالت بلهفة : بجد يا شهد يعني طلع فعلا بيحبني قوليلي ... قوليلي عمل ايه بالتفصيل .. بصي احكيلي كل حاجة

شهد بضيق : يلاهوي على شغل الاطفال هو دة وقت حكاوي كان يوم اسود يوم ما ساعدتك المهم روحي يلا ابعتيله الرسالة و انا هقله انك مردتيش عليا عارفة هتكتبي ايه و لا لا

ضحى بثقة : اه عارفة متخافيش بااي يلا..

اما شهد فنزلت تحت و هي ترسم ملامح الاحباط و الحزن على وجهها بأتقان

مراد بلهفة : ها يا شهد ردت عليكي .. قالتلك هي فين

شهد بنبرة حزينة : للاسف قعدت اتصل بيها و مش بترد

زفر مراد بأحباط ثم قال لشادي بجدية : انا مش هفضل قاعد كدة انا هروح ابلغ الشرطة يساعدونا و هروح ادور بنفسي كماان

شادي و هو يحاول تعطيله : اهدى بس هتروج تدور فين هي ان شاء الله هترد و بعدين الشرطة مش هتعمل حاجة غير بعد أربعة و عشرين ساعة فأهدى شوية و فكر ب تركيز

اما ضحى فمسكت الموبايل و قررت تكتب الرسالة و تقوله فعلا على كل اللي في قلبها بس بطريقتها

" ازيك يا مراد عامل ايه ... انا بصراحة مش هقدر اني افضل معاك انا مش عاوزة اعيش مع شخص مش بيحبني انا عاوزاك تطلقني و ان شاء الله ربنا يعوضني بواحد يكون بيحبني بحد و انا كمان بحبه مش واحد متجوزني عشان يخلص من جوازة  او ان يكسر غروري اللي اصلا مش موجود انت بصراحة شخص معندكش رحمة خالص قعدت و مثلت عليا انك بتحبني لغاية ما فعلا وقعتني و في الاخر استغليت كل دة بس للاسف يا مراد مهما عملت مفيش حاجة حصلتلي بس خلاص قررت اني هرجع بيتي القديم و فعلا عملت كدة و كام يوم أكون جبت شغل بس بكرامتي مع مدير محترم مش واحد مجنون و مغرور زيك قال انا اللي مغرورة لا انا مش مغرورة انا يمكن اكون متسرعة مبفكرش كتير بس مش مغرورة زيك و على فكرة جدو كان معاه حق انت مينفعش معاك غير سارة ثم قالت بسخرية لكي تغيظه و لا تبان امامه ضعيفة قال عاوز يكسرني قال ههههه "

و بعتت الرسالة لمراد و هي بتتمنى انه يكون بيحبها بجد

عند مراد اول ما وصلتله الرسالة فتحها بسرعة و لاقاها منها قعد قراها و اتعصب جدا

شادي في سره الله يخرب بيتك يا ضحى انت كاتبة ايه بالظبط ثم قال لمراد بتساؤل و هو يدعي عدم المعرفة : في ايه يا مراد مين اللي بعت الرسالة و ايه اللي معصبك كدة

مراد بعصبية : الهانم بعتاها .. و عاوزة تتجوز دة هيكون اخر يوم في حياتها يوم تفكر تتجوز والله ما هسيبها

شادي و هو يحاول تهدئته : اهدى بس يا مراد و بعدين انت متعصب ليه هي فعلا محتاجة حد في حياتها زي اي واحدة  واحد يحسسها انها مهمة في حياته لكن انت كسرتها فدة طبيعي

مراد بندم و هو يتذكر الجزء التاني من الرسالة ففعلا احس ان كلام شادي صح فقال باصرار : خلاص يا شادي كل حاجة هتتغير انت متعرفش انا حسيت بأية لما ملقتهاش كنت زي اللي بموت عايش من غير روح

شادي بفرحة لنجاح مخططه هو و شهد فهو كان يعرف ان مراد يحتاج الى من يفوقه و كان هذا افضل درس بالنسبة له لكى يعرف انه بيحبها فقال بتساؤل و فرحة : يعني انت بتحبها با مراد صح

مراد بندم : فعلا بس يمكن اكتشفت دة متأخر ان كنت واخد الموضوع زي امر واقع و اني اللي بعمله هو دة الصح بس متخيلتش انها تبعد عني انا هروح لها

اما شهد فاتصلت بضحى

ضحى بلهفة و خوف : ها ايه اللي حصل عمل ايه

شهد باطمئنان : اللي سمعته اصل انا كنت في المطبخ انه جايلك

ضحى سمعت خبط على الباب فاستغربت و قالت لشهد بقلق : اصبري يا شهد هروح اشوف مين اللي على الباب
شهد باستغراب : هو في حد ممكن يجي في وقت زي دة اصلا

ضحى و هي تمط شفتيها و تهز كتفيها قائلة بعدم معرفة : مش عارفة هروح اشوف اهه و راحت تفتح فجاءة صرخت و قالت عمي و بصت لاقت معاه رجالة كتير فقالت لشهد بخوف : الحقيني يا شهد بسرعة اعااااا

شهد بعدم معرفة : عمك مين فجاءة الخط قطع لانهم كسروا التليفون

شهد طلعت تجري عليهم برة قبل ما يمشوا

شادي باستغراب : في ايه يا شهد

شهد بخوف و قلق : الحقوا ضحى بسرعة كنت بكلمها و لاقتها بتصرخ و بتقول عمي مش عارفة مالها بس صرخت مرة واحدة و كانت خايفة

مراد و هو غير قادر على الكلام فقال بعدم انتظام : عمها .. مين دة

شادي بخضة : قبل كدة سمعت عمتي بتقول ان عمها و ابنه ناس وحشين و كانوا عاوزين يجوزوا ضحى لابنه عشان يضمن البيت و الارض بتاعت ابو ضحى

مراد سمع كدة و عصيبيته زادت و عروقه برزت

****************************************************************

تفتكروا عمها هيعمل ايه ... ؟؟

مراد هيعمل ايه ...؟؟

مراد هينقذها ازاي ..؟؟

ايه رأيكوا في خطة ضحى و شهد و شادي ..؟؟

الفصل طويل اهه وومليان احداث طبعا فيه اللي فرحكوا و فيه منها اللي زعلكوا و انا كنت عاوزة اوقف اول ما فتحت الباب و صرخت بس قلت بلاش اخليكم كدة فتوقعاتكم بقااااا.... تفااااااعل كتيييير.. .... و ياريت تصوتوا هلى البارت ...**

الكاتبة : دودو