ثمار العار بالحلال الفصل العاشر 10 - بقلم نهى

ثمار العار بالحلال
للكاتبةnuha-d-h

مساء الانوار قرائي الاعزاء🥀🥀🥀🥀🥀🥀

((((((((((((((())))))))))))))))))))
رجعت لبيت اهلي كلش تعبانة وراسي يريد يطك من التوتر الي صار اليوم عمري ما راح انساه
دخلت
لگيت خالتي موجودة عدنا هي وبناتها
سلمت عليهم انتبهت على امي ضايجة ووجها ميتفسر
دورت بعيوني على حسن ابني
-يوم حسوني وين اشو ماكو مالة صوت ما اجاني
يستقبلني من الباب مثل كل يوم
ام سهى-حبيبتي سهاوي حسن اجة عليه عمة راجح اليوم واخذة يكول الوالدة رجعت من الخارج جانت مسوية عملية واليوم يالله كدرو ياخذوه
حسيت واحد خمط روحي وتركني هشة وخاوية
صرت مجرد جسد
كعدت على اقرب كرسي الي
انتبهت على واحد خلة بيدي كلاص مي(ماء)
رفعت راسي شفتها نور اختي
ام سهى-شربيلج شوية مي بللي ريكج
سهى بصوت فارغ واهن محسيت على دموعي من نزلت
-يوم ليش اخذوه اي موجان مرتاح بحضني
وصحتة صارت زينة من بعد ما جابوه الي جلد على عظم سودة علية يمة حسوني
اسألج بالله يمة من اخذة عمة خو ما گام يبجي علية
اسأل امي وگلبي يريد يطلع من صدري
الحياة شكد قاسية وابد مو منصفة
لا يكسر خاطرها طفل صغير ولا تحن على گلب ام ملجوم
ام سهى-لا بالعكس فرح من شاف سيارة وطلعة ركض گدام عمة طاير من الفرح
طبعاً اعرف كلش زين امي تريد تصبر علية
بس اني اعرف حسن ابني متعلق بية خصوصاً هسة باخر اشهر
حسيت بروحي لا حول ولا قوة
اصعب شي على الشخص من يكون مابيدة شي يقدمة
اعرف ابني حسن ديعاني عند اهل ابوه هو كلة بيد
نسوان عمامة اعرف بيهم ما يعاملونة بعطف
لان ابني من اجة من عندهم اخر مرة
من نزعتة ملابسة كان اثر ازرق على جسمة مثل الضرب
هو طفل سألتة بوقته گلي عمة توحاد (سهاد)
والله بيومها گمت اگمز من القهربس
شنو بيدي حجيت لأمي تگلي گعدي وسكتي
كلشي لتحجين لانوب يبطلون بعد ميخلونة يجي لعندج على الاقل يجي وتشوفي وتطمنين على اخباره
احسن من ماكو
.......
متت قهر تركتهم ورحت صعدت فوك لغرفتي
وگوة بدلت ملابسي نزعت الجبة الاسلامية وباوعت عليها وشمرتها بالگاع بزاوية الغرفة
-وانت هم راح يجي اليوم الي تتركني لوحدي وتروح
بعد منا ورايح ما اتعلق بأحد واعلق. عليه الامل

ونمت جفي على وجهي
وحضنت بجامت حسوني واشم ريحتة بيها
وصرت اشهك وابجي مثل الطفلة
يمة حسوني ابو جسم الترف شلون بيك منو يحميك من اثر ضربتهم صرخت صوت وكتمتة بالوسادة
يا ناس اريد ابني
بالبداية من اخذوه مني كنت مأمنة ان همة اهلة وراح يديرون بالهم عليه
لكن من اجاني وصرت الاحظ اثار الضرب على جسمه گمت اخاف عليه منهم
ربي برد گلبي بابني رجعة لحضني
ما اعرف هو اني الي محتاجتة لو هو المحتاجني
بس الظاهر اني الي محتاجة قربه
لان اني وحسن نشترك بنفس المعانات
احنا الاثنين منعرف شنو مصيرنا بالحياة
هو راح يظل من بيت لبيت واني راح اظل معلگة
لان احنا الثنين دنعاني
نتيجة ثمار العار الي ديلحكني الى يومي هذا

((((((()))))))))
نمت ومحسيت الا امي گعدتني من النوم
ام سهى-لج يمة سهوة الدنيا مغرب كعدي ميصلح
تظلين نايمة يالله گومي خالتج تسأل عليج تكول حتى مشفناهة
كمت مثل الرجل الالي باوعت لامي والله كسرت خاطري
صرت اعرف بمشاعر الام وشلون تحزن و ينشلع گلبها على بزرها
كمت بية ما بية لخاطرها
شنو ذنبها ان الله انطاهة بنية فاشلة مجرد كائن حي عائل
نزلت وراهة
وكعدت وية خالتي وبناتها
وصاروا يحجون ويسولفون واني بالي مو يمهم
احس راسي وعظامي تريد تطگ
كوة كملت يومي واتمنيت اشوف المخدة احس جسمي بايد وما بية حيل اي شي اسوي حتى كان عندي امتحان
ولا لزمتة ولا قريت اي شي من المادة
صبحت يوم ثاني فلاونزة قوية بعظامي وبلاعيمي كوة ابلع ريگي
لذلك طلبت من امي تتصل على سارة وتكللها مراح أداوم اليوم
والله وظليت على هذا الحال ثلاث ايام مداومت
كمت گوة انزل جوة واگعد وياهم عالاكل
حتى الاكل احس بي طعمة مر بحلگي
سمعت صوت نور تصيح وتبجي
نور
مسحت دموعها - يوم لتظلين ساكتة احجيلج كلمة يعني عاجبج هذا الججي
ينهون علية شنو وين كاعدين
ترة هو مو بكيف عمو قاسم ينهي علية لابنة
امجد -احترمي نفسج واوكفي عدل ولتعلين صوتج
شنو وين الاشكال ابن عمج يتقدم لخطبتج اشوفة ولد زين وشاغول وسبع
نور - بعدني صغيرة وما مفكرة بالزواج
سهى - ماكو اشكال ابن عمي قاسم والنعم بس هي خطية عالاقل خليها تاخذ شهادتها
لتعيدون غلطتي وغلطت ريم وتزوجوها وتقضون عليها
امجد -عفو عليج سهى وشتدرين بية اتخبل من شغلة ابطل وحدة منكم من الدوام واهدم مستقبلها
بس انة قبل كلشي شرطت على عمي
ان نور تنجح وتاخذ شاهدتها وتتخرج يالله يفتح موضوع الزواج واظن الحق ما يزعل

سهى التفتت على نور- هَـا بعد شتردين.
بعد ما كو مشكلة وسالفت الزواج انحلت
متتزوجين الا تاخذين شهادتج
نور -هذا هو اذا وافقو على شروطكم خلاص اني موافقة ماعندي اعتراض بس هَـا اكد ما ينفتح الموضوع الا اتخرج يالله
امجد ببتسامة -ان شاء الله يصير خير
ابتسمت من شفت ضحكة امي وامجد.
شلون نصب على نوروهي خجلانة
والله فرحتلها من كل گلبي
على الاقل وحدة بينة يگعد حظها
بس كون عمي قاسم وابنة يتفاهمون وما يعترضون
ام سهى -يمة سهاوي دتعاي وياي خليني اخذج للمضمد
ابو علاء ينطيج ابرة مال افلاونزة خو ماتظلين هيج
صدرج مقبط
سهى بعجز -والله يمة مابية حيل عوفيني اشرب سوائل
واخذ كبسول واني اطيب اخاف من الابرة
ظليت على هالحال يومين حتى دوام مداومت

لكن يوم ثالث اتفاجئت بسارة صديقتي اجتي للبيت
حتى تشوفني وصعدتلي فوك
سارة وهي تنطي علب البقلاوة والشوكلا
ام سهى - يااا خالة شدعوة هيج كلفتي نفسج بس جيتج كافي
سارة:لا خالة مسويت شي هذا واجب هسة هي شلونهة
ام سهى : والله خالة اجيتي بوكتج خطية وكعت مريضة من يوم الي اخذو ابنها منها
سارة:يا سودة علية حبيبي
اي مو لان هالمرة طول عندها هواي استغفر الله
شافتها تكسر الخاطر ولا عبالك ذاك اليوم تضحك جنها وردة وفرحانة خطية
هاي البنية شكلها متوكعلها الفرحة
-لج گومي كسولة يالله كاضيتها كلة نوم
ام سهى-خالة اني طالعة اعوفكم لوحدكم
سارة وهي تهمس يم اذن سهى
-لج گومي عوبة لو تدرين صاحبنة الثائر شسوة بية البارحة واليوم لج حرگ الدنيا على راسنا اني وعساف
گومي لج اليوم
راد يجيج هنا لبيتكم لوما عساف حلفة ميتهور
ويسويلج مشاكل
سهى جنت خاملة ونحلانة
بس من سارة اجتي وسمعت كلامها
وجابت سيرتة اني گبل حسيت بگلبي فز بالگوة فتحت عيوني
وبصوت خشن من اثر الفلاونزة
- صدگ والله ظل يسأل عني
-هههههه هلة هلة شلون صحت من سمعت بطاري الحبيب
لج لو تشوفين شكلة من يجي وميشوفج
شلون يظل يحوم ويدور بعيونة عليج
ويظل يسأل كالساعة عبالة شاردة من عندة
عساف گلي
ثائر يكول هاي بس لابطلوها اهلها
خاف واحد لاجحهة يمي واكفة بذاك اليوم
لج حرك عساف بالاتصال ما ارتاح
الا سمع مني كتلة ترة سهى مريضة
لج اليوم اجة وحملني علب البقلاوة والشكولا
لان اني حدي قوطية جكليت واشوفهة زايدة عليج
اني ابتسم على كلام سارة
:هَـا اي اتذكرت وگلي هسة ترحين عليها بوجهج
ومن توصلين لبيتها اتصلي علية وانطاني رقمة يريد يحجي وياج
سهى -عزة لالا ااا مستحيل
كعدت على حيلي من سمعت كلام سارة ووصرت اعدل بشعري وكأن بس مجرد ذكر اسمة يكفي يخليني على اهبة الاستعداد واشعر بالحياة
شفت سارة طلعت النقال من جنطتها
-شنو شدتسوين
-اتصل عليه غير حتى يطمن
خمطت النقال منها
- دروحي والله لو تموتين ما اخليج تتصلين عليه انتي بكل عقلج هاي شبيج سارة وين گاعدين ترة
صحيح اني وگعت مريضة بس عقلي بعدة براسي
والله يالله لا وبعد تريدني احجي وية الولد هنا ببيتنة بعد ليش ما اروح اكعد يم راس احمد اخوي اضبط
حتى يصير كتلي عمل شعبي
-والله ما اعرف شنو اكلج
بس شدعوة عليج على الاقل بس شوفي شيريد
اي مو شلعتي گلبة
ولج والله لو تسمعين عساف شيكول
يگول عندة شغل الدنيا على راسة وغركان ومفارغ يحك راسة بس خطية يفرغ نفسة بالكوة عشر دقايق
علمود يريد يجي يشوفج ويحجي وياج بموضوع
دنكت راسي بحزن
-سارة خلينا لانضحك على نفسنا
انتي تعرفين كلش زين اني ليش دااقاوم وارفض
لان اعرف اول وتالي
بثائر بس راح يسمع بموضوع خطوبتي
وسالفتي راح يبطل ويشرد وبعد مراح اشوف وجهة
حالة حال البقية الي قبلة
صحيح اني ما اتأثر بالناس الي يشردون من يسمعون بسالفتي
بس ثائر مو اي واحد يختلف عن البقية
ثائر غير لج هذا اتعلك بگلبي وخايفة
حيل من ردة فعلة بتجاه سالفتي
ما اتوقع راح يتقبلني احتمال يشرد بروحة العزيزة
وبوقتها ما اكدر اتحمل رفضة الي
يمكن اموت من القهر
ومراح اكدر اكوم واوكف على رجلي
واداوي جروحي من جديد
لان اصعب كسر هو كسرة القلب
بيومها راحت سارة لبيتهم
وكمت سبحت شوية حسيت شوية صحتي صارت زينة
نزلت وشفت امجد يحجي على احمد
امجد-لك ليش هيج سويت بالبنية وطلكتها

احمد-خلي تولي ما اريدها والله بعد لو يصوغونها ذهب ما اريدها ولا ارجعها
ام سهى-ليش استعجلت وطلگتها على الاقل خل نشوفها ونكعد نحجي وية اهلها
احمد-يوم ما اريد لا اكعد وية اهلها ولا انتظر لحظة وحدة تبقى على ذمتي
خلي تولي هالحيوانة لج يوم رحت لشركة الاتصالات وجبت القائمة الاتصال مالتهة
طلعت من الصبح لليل تحجي وياه
مكالمات دك واني اسألها ليش مشغول وويامن تحجي تكلي وية ماما
واحنا ياغافلين الكم الله خلي تحمد ربها مو زين مني ما ذبحتها
اسمع كلامهم ظليت مصفصة استغفر الله
هجمت بيتها وخسرت حملها بسبب الضرب الي اتعرضتلة من احمد وطرحت كلة علمود علاقة
غير شرعية والله يا دنيا عجيبة نعيش ونشوف
.................

ثائر
وهو كاعد بمكانة الخاص بالمزرعة
يشرب نركيلة
ويحس بنار تجوي بصدرة وغضب
من ورة سهوة گلبة الي اتوغلت بروحة
وتعشعشت جوة گلبة بدون مترفع صبع واحد
حتى تلفت انتباهي او تسعى لقربي
ودائماً تحاول الهروب من عندي
بس مع الاسف قبل يومين كنت احجي وية عساف طلبت منة كم معلومة عن سهى لان قررت اخطبها من اهلها لكن صدمني بيوم گلي
............
عساف: والله ثائر ما اعرف شنو اگلك بس البنية
متفيدك لان اعرف انتة واهلك شنو تدورن
ثائر انخمط گلبي من ورة كلام عساف
:شنو شبيها سهى
عساف: والله هي مبيهة شي
والله فوك الراس البنية اشرف من الشرف
لكن عندها ماضي اني عني اشوفة مابي شي
بس اعرف بطبعكم انت واهلك وادري بيكم مراح
يصرفلكم وضعها
ثائر بصوت حادً
: اگلك عساف احجي شنوة الموضوع
لا تظل تلف وتدور

: اني اگلك ترة سهى كانت خاطبة وعاقدة وحبلت من خطيبها واتوفى قبل لايتزوجها وعندها منة ولد عمرة اربع سنوات
سارة حجتلي عن سالفتها من راد يخطبها زميل النة بالكلية وهي رفضت ومن عندها عرفت بقصتها

((((((())))))))
وانة من يوم الي سمعت بالموضوع
احس ضاگت الدنيا بعيني
كرهت كلشي بحياتي
وصرت حتى نفسي ما اطيقهة

ما جنت متخيل هاي البرائة والجمال يطلع منها هيج خطاء شلوون تسمح لواحد يدنسها ويحط من قدرها
ويدنس طهارتها وياخذها بهيج طريقة
ليش سمحتلة يكسرها حتى لو جانت مخطوبة
احس النار گامت تاكل بصدري
احس بروحي اتحطمت وتبعثرت لاشلاء
حالي من ذاك اليوم ما يتفسر
ورحي واصلة لخشمي
صرت ما اتحاجة الكل گام ينفر مني ويبتعد
ااااااااخ يالله
الهمني الصبر
هسة يالله عرفت سبب تهربها من عندي وعدم تقبلها لأي شخص يقترب منها

بس مع الاسف كل هذا الي عرفتة عنها مكدر
تقلل من حبها بگلبي ويخليني ابتعد بالعكس
احس الشوك واللهفة زاد
ومن قررت ابتعد عن طريقها
كل دگة بگلبي تصيح اريدها ما اعرف هو هيج اليحب تتخربط علومة ويصبح اعمي وغافل
من يومها وانة
عايش بصراع بين ارضي گلبي واتزوجها على حساب كبريائي وكرامتي كرجل
لو اتركها تعيش بحال سبيلها واعيش حياتي
بس اعرف روحي كلش زين مراح اكدر اتجاوزهة واتركها تعيش وية غيري
والله احرك عشيرتها اذا فكرت مجرد تفكير بغيري

اااااخ بوية
حسيت النار وجرت بگلبي.
زين هاي شلون اكدر انساهة
وعشگي الهة اساسه عميق
مو حب مراهق واكول انسى
لا هذا عشگ ولهان من تالي العمر

اريدها رغم ما سمعت منها وعد ولا يوم سمعتني كلام معسول
بس جانت نظراتها الي تحجي الف معني الف وعد
عكس تصرفات الصد والممانعة
جانت نظراتها فاضحتها
انة رجال واعرف المرة من تنعجب برجال شلون تصير عيونها تلمع وتكون اللهفة مبينة بعيونها
اي وكانت عيونها تلمع بس الي
ااااااااخ اريدها اريدها مثل ما الرجال يريد حرمتة
اتخيلها بحضني وراسهة على صدري
اتخيلها تتوسلي حتى اضمها واخذها بين ذراعي وتصيح بأسمي من ابتعد عنها واريد اتنفس عطرها

((((((((((((()))))))))))))

عقلي راح يوگف من ورة التفكير والصراع الي جاي اعيشة وية روحي احس صرت جسد خاوي
والمشاعر جوة صدري تتلاطم مثل موج البحر
حيرة شغف لهفة عشك خوف خذلان
هذولي كلهم جاي احس بيهم يوجرون بگلبي النار
(يشعلون)
.................

ناصر -خير اشو اليوم الوحش موش على بعضه
شنهو شصاير ياستار
عدي وهو شايل سلاحة ويخزر بناصر ويعضلة شفة
بان يسكت لا يوكع بلسان الوحش شيخلصة منة
ناصر بتسائل :على شنو الوحش دز علينا
ثائر بغيض وهو ينهض من مكانه ويشيل سلاحه
-يالله امشو جدامي بلة هذرة عندنا شغل متأخر
لازم نخلصة

ثاير بصوت خشن غاضب
:عدي اتصل على منتصر والولد خلي يجون ويجبون وياهم رجال ضاري خليهم يجهزون حالهم
اليوم فليح والي وراه راح اغسل شراعهم
لسويه اليوم عبرة جدام الخلك
اليوم مشتهي اطلع حرگة نار گلبي كلها بي

اجتمعت ذياب ضاري ومزاحم بالبر
ثائر : حي الله الربع اريدكم تشدون الهمة
اجانة امر من الشيخ مزاحم بتطهير المنطقة
اريد فلاح ابن جاسم خلال خمس دقايق يم رجلي يتوسل
اريد اليوم اسويلة كرصة اذن شكلة هذا نسى نفسة
وين گاعد ونسى ان وراه ناس كبار تكسر راسة وتحطة عند حدة
عدي-زين واخوه الجبير نجيبة وياه
ثائر-لا هذا تركوه ما عليكم منة مو ذنبه
اخوه عار

وكالعادة
هدت ضباع ال علوان مثل الوحوش الضارية
يسحكون كل واحد يعترض طريقهم ويطلع عن شورهم
واحدهم كالذيب من يهد على فريستة مايهابون الموت وماعندهم شي يخسرونة وهذا النوع من الرجال
يصبح عدو شرس يحرك الاخضر واليابس

..................

سهى
بديت استوعب ابتعاد ابني حسن عني
صرت اعلم نفسي حتى اتعود على جياته القصيرة علية
بس كل ساعة كمت اتصل على خالتي ام فراس
حتى اطمن عليه واسمع صوته

اخوي قتيبة سافر واخذ عائلتة واحمد اخوية انتقل لاربيل حصل شغل هناك بشركة اهلية بعقد
وبقى اخوية امجد ديشتغل على مشروعة وكلش ملتهي ونور وتمارة واني لوحدنا بالبيت امي سافرت للعمرة
حسيت بيتنا يوم عن يوم يغطيه الظلام والبرود
صاير موحش

اما عن أملي الجميل
مثل ما سميتة بدفتر الخواطر
صارلة فترة كلش طويلة مگام يجي عالجامعة
وصرت مثل الضايعة
اني اول مرة بحياتي اجرب الحب
صحيح ماكو شي بيني وبينة بس كانت النظرات تكفي وتحجي وتعبر عن الف كلمة بكلمة
وكان اهتمامه واضح ولهفتة مبينة وحرصه علية
ممعقولة مل من عندي
معقولة علمود مقبلت احجي وياه بالنقال زعل وراح
لا ممعقولة هو بعدة نظراتة متغيرت من شفتة اخر مرة
..............
جنت گاعدة ادرس ببنت جوارينا ام ابراهيم
واجتني تمارة لازمة نقالهة
تمارة-سهى هاي سارة اتصلت عليج تريدج

اخذت النقال منها

سارة بقلق : لج سهى ثائر اتصوب وهسة هو بالمستشفى
سهى
وهي تضرب وجهة
-عزززة بعيني لج احجي شوكت اتصوب وهسة هو شلونة
حسيت عبالك واحد سلب الروح مني
گعدت بالگاع
انتبهت علية تمارة
تركتها ورحت لغير مكان مكدرت اتمالك نفسي
سهى برجفة خوف
-سارة اروحلج فدوة تعاي لبيتنا هسة
عفية لاتعوفيني لوحدي والله اتخبل
اريد اتطمن عليه اريد اعرف شلون صار
: انتظريني هسة راح اخلي امي تلبس عبايتها وتجيبني الكم
حسيت بعيوني غوشت من الدموع
يارب لاتفجعني بثائر
والله اموت
اجتي سارة واني بسرعة صعدتها لغرفتي
وسديت الباب وانتجيت عليه وحطيت ايدي على صدري وگلبي يدگ من الخوف على شمعة الامل الوحيدة في حياتي
ثائر املي الجميل
سارة تباوع علية
-لج سهى گولي يالله لا تتخربطين علية گعدي مابينا حيل خبالج بالله شو گعدي خل نتصل على عساف ونفتهم منة شلون صار ثائر

گعدت على السرير المقابل للسرير الثاني الي گعدت عليه سارة
بعدما اتصلت سارة على عساف
گللها ثائر من البارحة بالمستشفى ومصوب بكتفة
وهسة هو صحتة زينة والحمد لله بس
كلش تعبان وما يكدر يرتاح من ورة الخطار
لان الدنيا مگلوبة هناك ماكو محط رجل كلها زلم
حتى جماعتهم الي بالبحرين جايين لهنا
عيبهم مايعرفون مريض ولازم يرتاح
تشوفيهم كلهة فوك راسة
افواج تروح وافواج تجي
طبعاً سارة فاتحة الحاكية وتحجي وية عساف واني اسمع وابجي احس گلبي طك عليه
ما اعرف شلون طلعت مني الحجاية
عفية عساف اكدر احجي وياه ؟اريد اسمع صوتة

والله من كد اللهفة والخوفة محسيت على روحي من حجيت حطيت ايدية على حلگي بصدمة وفتحت عيوني على وسعهن
الظاهر اني نسيت نفسي وگعدت اخبص بالحجي
عساف -اوگفي هسة فد لحظة انة يمة بالمستشفى بس
خلي اشوف منو عندة بالغرفة
سهى بارتباك وكأنها تريد ترجع الكلمات الي اتفوهت
بيهة اخذت النقال من ايد سارة
وقربتة على اذني
: هااا ملازم مو الا خاف تعبان ميكدر يحجي

كمزت من مكاني من سمعت صوتة الخشن المتفاجيء
: الو سهى !!!!معقولة
احجي خليني اسمع صوتج واصدك اذني
عززززة هذا ثائر من خوفي مديت النقال لسارة
حتى تاخذة
لكن هي رجعتة وحطتة على اذني
سهى بصوت يرجف :اةة اةة اي اني سهى الحمد لله على سلامتك ثائر ماتشوف شر
ثائر-اااااااااخ بووووية لج احجي احجي بعد خليني اسمع هالصوت الي خليتيني بحسرتة

سهى گلبي يريد يطفر من صدري
-شلون صحتك هسة ان شاء الله بخير
- ولج لو ادري من زمان متصوب لجل اعرف معزتي
بگلبج
سهى بدون متحس
-اسم الله عليك ان شاء الله اليكرهوك
- لااااا اليوم انة حظي وية نجم السما گاعد
ولج يسهوة عندي الج بگلبي كلامن جثير
واموت اذا ما اطلعه
يبنت الناس حبج بهذل احوالي
صرت مفضوح الهوى بين ربعي واخواني
صحت بسمج فاقد وعي وغيرج محد طرة ببالي
صفة تاليهة الوحش سالفة بحلك عذالي (nuha)

سهى اول مرة بحياتي اسمع هيج كلام
وبهيج صوت وبلهجة جميلة عالاذن
ومعرفت شنو اجاوبة
سألتة خو ما يأذيك جرحك
-ااخ بوية والله انج موش هينة تعرفين شلون تغيرين الكلام وتتهربين بس ما علينا لاحگين على هالحجي
لا تخافين علية تراني ذيب امعط وصوابي هين
سهى ببتسامة همست بخجل :تدري نص كلامك ما فهمتة
-ولك يابوية بت المدينة تتدلع علية وانة موش حمل الدلع هاذ بسيطة اذا ما تعرفين حجينا
هاي حلهة عندي من تجين ليجاي عدنا
انة اكعد اعلمج اعلى حچينا
واعلمج شلون نحب
ترة احنا حتى بحبنا نختلف
حبنا عشگ مفضوح
يبت گلبي تجين واعلمج شلون تحبين مثلنا
واعلمج سوالف تالي الليل
وانتي بين احضاني
........................
عااااا عزة غديت ماي من الخجل وصرت حمرة
وگلبي صار يرجف عبالك گاعد گبالي ويحجي
مكدرت اكمل سديت النقال بوجهة
انتبهت على روحي كاعدة بالگاع هاي شنو شگعدني بالگاع شلون وصلت هنا
سارة وهي تهز ايدها
وتبوسها وتحطها على الجبين
-احمدك واشكرك يارب على نعمة العقل
والله ياربي هاي البنية انجنت رسمي
سهى وهي بغير عالم سرحانة
:يالله بابا روحي منا لتظلين تحومين فوك راسي
جنج ذبانة
رحت اتمددت على السرير واني العب بشعري وغمضت عيوني وسرحت بتفكيري بكلام ثائر

:سدي وراج الباب من تطلعين
سارة وهي تشمر المخدة على سهى
:صدك ما تستحين هاي جزاتي تالي تصرفيني
بسيطة اني الج
شمرت المخدة عليها مرة ثانية وشردت
ههههه
گعدت على حيلي على صوت من داخل اعماقي جنت اتغاضة عنة
شنو سهى شبيج شنو نسيتي نفسج اصحي لا تحلمين الي مثلج مالهة حق تحلم بواحد مثل ثائر
بينكم حواجز هواي
الماضي ابنج اهلة هو
الناس فضيحتي كلها ضدي
(((((((()))))))))
مزاحم - اتريض يالوحش
واتأكد من الحجي قبل لا تستعجل

يحووم من الاسد الثائر معقولة ما اكدر اصدك شلون
عدي يسوي هيج
هاي وين جانتلي
ثائر وهو يعض بيدة من القهر
اااااااااخ الله كون الزمة الا اندمة واخليه يتمنى الموت
حس بالم بجرحة
الله حابك يعدي انة هسة ملجوم

يتبع