ثمار العار بالحلال الفصل التاسع عشر 19 - بقلم نهى

ثمار العار بالحلال ج٢
للكاتبة nuha-d-h

🌷🌷مساء الانوار والسروروالمحبة 🌷🌷

ادم
((آآآاهن على غدرك يا حوواء
اما آن لكِ الكف عن النزاع
اما من حدودٍ يقف عندها كيدكِ الخداع
حواء
قف على مهلك يا ادم فإنك لست بذلك الملاكٍ المراع
كيدي كان لاجل الحب فعذراً ان تسببت لك بالصداع

...قف وترييث ولا تتهمني بالخداع
بالله عليك فماكان كيد اخوت يوسف
الم يكيدو كيدهم بالحقد والصراع

الا ترى هنالك فرقٌ شاسعٌ بين الكيدين
فكيدي بني لاجل الحب
وكيدك صنع لاجل الحرب )) خاطرتي nuha-d-h

كمزت من سمعت صوت الباب انسد
التفتت وباوعت بخوف
:ثااااااااائر !!!!!

اباوع عليه دخل مثل الاعصار على الغرفة
وقفل الباب وبدة يتقدم علية
جمدت بدمي

: اي يسهوة ثاير
جا شعدالج تسوين سوايتج وياي
وتطلعين منها سالمة
ولج انتي ويامن اندكيتي
موش انا الي ينلعب وياي
شكلج نسيتي منو ثاير
ونسيتي شسوة بيج من ذيج المسية
بس الظاهر انتي ما تتعضين
وبعدج ما اتعلمتي الدرس زين وشكلي
قصرت وياج
جنها اخر دكة ما كدرت
تعرفج ياهو ثاير
يمكن جنت هواي متساهل وياج
بس تعرفين شنو
انتي وحدة ما تستحق الواحد يعاملها باحترام
ويداري مشاعرها
لا انتي تستاهلين واحد يعاملج بكل ذرة احتقار
ولج انا تطعنيني بظهري
وتجذبين عليّ وتكولين اتزوجت
شلون انطاج گلبج تشوفيني اتلوع كدامج
وما يرفلج جفن
جا بسيطة الا اراويج الامهات شتجيب

مد ايدة بتجاهي يريد يلزمني
ابتعدت عنة بخوف ورجعت للخلف
حجيت وياه برهبة
: اوكف ثائر خلي اشرحلك موقفي وانت احكم
: شنهو شجاكم ياهو اسئلة يكلي خل اشرحلك
وين جنتو كل هاي السنين
ولج انتي استغفلتيني والظاهر هواي مستهانة بية
:دتعاي خلي اراويج ياهو ثاير
اليوم محد يكدر يخلصج مني
دفعني على السرير
وكعت على ظهري مصدومة من ردة فعله
رجعت على ورة
:اة اة ثائر اوكف بس لحظة
: اذا انتي مرة
صيحي وعلي حسج (صوتج)
وخلي الناس كلها تسمع
حتى فد نوب تنفضحين بالسلف
شفتة اتقدم مني ولزمني من رجلي
صرت اقاومة اريد ابعدة عني
لكن هو كان اسرع مني وحبسني بين ايديه
وسحبني وصرت جواه
حسيت مثل الي دخلو عليه مداهمة
وردة فعلي كانت صرخة خوف
بس ثائر كان الة رأي اخر بالموضوع
وفاض بي الامر
يريد يرجع كبريائه المجروح
والتقف صرختها من بين شفايفة بدون رحمة او
تردد
صرت ارجف بين ايديه
مثل ورقة شجر ما اعرف
شصار بية حسيت مريت بهواي
مشاعر متضاربة من اثر الهجوم
اخذ شفايفي بين شفايفه للوهلة الاولى كنت اتوقع
راح اتقيء
يعني كنت متخيلة شعوري وردة فعلي راح تكون
مثل ردة الفعل مع
خطيبي فراس وهي التقزز
لكن لحظة اشو مع ثائر
الوضع كان يختلف رغم خوفي منة ورهبتي
بس حسيت روحي ذابت بين ايديه وصار گلبي
ينبض بلهفة دنك راسه
وصار يمشني من ركبتي واخذ نفس عميق مثل الشهكة
وتحولت لحظات العنف الي بينا
الى لحظة شغف
واتغيرت لمسات ثائر من الخشونة الى
الشغف لمساتة احتلت كل جزء بجسمي
لدرجة حسيت بروحي ضعت بين ايديه
ونسيت نفسي
لاااا مستحيل هاي مو اني
شنو جاي يصير وياي
المفروض ما تكون هاي ردت فعلي بتجاه ثائر
لا المفرض اهرب اصرخ اقاوم الي ديصير غلط
ما اعرف احس بروحي مو ملك نفسي
واباوع على ثائر نفس حالي هم ديعاني
وضاعت علومة مثلي
حسيت الموضوع بدة يخرج عن سيطرت
ثائر وصارت لمساته تزيد عمق وجرئة
وصارت الانفاس تلهث
شكلة نسى نفسه
ونسى المكان الي احنا بي
شهكت من شفتة رفع ثوبي
صدرت من بين شفايفي
شهكت خوف ودفعتة عني بكل قوتي
: لالالااااااا ثائر مستحيل اني مو لهالدرجة
رخيصة دفعتة عني وظليت اقاومة
باوعت عليه وشفت بعيونة لذة
المقاومة وكأنه يحاول يروض طفل صغير
كانت بعيونه نظرات الانتصار
ينظر الى محاولتي العقيمة لحماية نفسي
بستهزاء
بصوت تتصنع بي الشجاعة
: ابتعد عني لا يمكن اخليك تقلل من قيمتي
وتخليني افقد احترامي لنفسي
ثائر وبصوت هامس
: ولج يسهو انتي انخلقتي لحضن ثاير
مامش غيري يكدر يرويج وينسيج نفسج
ولا راح يكدر ياخذ مكاني وانا هذا مكاني
وهو يأشر على صدرها

ثاير
هناك شعرة جداً رفيعة تفصل بين الغضب والشغف
لدرجة انك ما تكدر تميز بين الامرين معاً
والدليل اول ما اخذت سهوة بين احضاني
فقدت السيطرة على الموضوع
والامر خرج من بين ايدية
ضعت بين احضانها
ونسيت سبب وجودنا هنا
وكلشي طار من عقلي
وما بقى الا حضن سهى
حسيت هذا الحضن وهاي الشفايف انخلقت بس الي
عرفت بلحضتها من خبرتي
ان سهوة ثاير محد لامس
برائتها غيري والدليل قلة معرفتها
بالوضع الي هي بي
ما كفاهة هذا كلة
فوك الضيم اجتني استجابتها
وياي ورجفة جسمها جوة ايدي وحرارة انفاسها
جانت القشة الي قسمت ظهر البعير
هي جانت عايزة والتمت عليك يالوحش
بسسسسسسس فجاءة حسيت
بيها دفعتني بكل قوة وبعدتني عنها بحيث صدمتني قوتها وما جنت متوقعها تكدر تدفعني
سهى
وهي تحجي بوهن وتعب بعد الصراع الي عاشتة : لك ثائر عشم ابليس بالجنة مستحيل
اخيليك اتدنسني وتلوثني بهذا تصرفك
اصحى على حالك مو اني الي ترخص نفسها

اعاين عليها كامت من السرير بسرعة وكعدت تلم باطراف ثوبها وتعدل بخصل شعرها الهاربة من الشال
بصوت هامس
:ادري بيك مقهورلان كرامتك انجرحت
بس اسألك بالله شوف انت شسويت بية من انجرحت كرامتك هاي وانت رجال
لعد اني شكول اذا شرفي اتدنس
شتتوقع راح يكون ردي عليك
: ولج سهوة عن يا كرامة تحجين
ولج الموضوع اتعدة سالفة الكبرياء
خايبة اسولفلج على الجرح البگلبي
شلون كمت انازع وية الموت من دريت بيج
راح تصيرين من نصيب غيري
احجيلج عن الوجع والمر الي عشت بي
ولج صرت عايش بدون روح
انسلبت الروح بيوم السمعت بي خبر عرسج
وشفتج لابسة حلقة غيري
جا شعبالج هي سهلة المشاعر وتلعبين بيها
بس كون الله يبليج مثل ما بلاني
وعساج تشربين من نفس الكاس الي شربت منة

: اوكف مو كل مرة انت تحجي وتحكم ترة الكلام مو بس الك
اني مو مستهانة بيك ولا دا العب بمشاعرك
ترة اني جنت مجبورة
وهمة الي بعدوني عنك
لك ثائر تعرف انت مكانك بگلبي شنو جان
لك انت جنت بالنسبة الي مثل الحلم الوردي
دخلت بحياتي ولونت عالمي الاسود
انت النور الي ضوة ظلام حياتي
شتتوقع مني معقولة اتركك بأرادتي
بعد ما كنت اسميك املي الجميل
ترة اني بشر مو ملاك
ردت اصير انانية واخذ حبك غصب عالكل
لكن غصب عني بعدوني عنك

: شنهو منو جابرج يسهوة
منو الة مصلحة ببعادج عني
: هذا الجواب مو عندي روح اسأل اخوك عدي
وگلة منو الة مصلحة بفراقنا
هو الي راح يكدر يحجيلك منو ورة هذا كلة
تلگة الجواب عندة
: يسهوة احجي عدل ما احب الالغاز
حتى لو جان كلامج صحيح
ليش ما اجيتي وحجيتيلي
ليش انا ما استحق اعرف بالموضوع
لو ثاير عادي عندج تكدرين تعدين حبة بسهولة
زين احلفج بالله
لوجنتي صدك مثلما تتدعين بحبج الي
ليش ما حاولتي تحاربين عدي والا غيره
من اجل حبج الي بس الظاهر
حبنا بالنسبة الج ما يستحق
العناء من حظرة جنابج
وفضلتي تختارين الخيار الاسهل
وهو الابتعاد عني لان بنظرج انا ما استاهل
المعاناة وشلعان الگلب
بينما انا انحطيت بنفس موقفج
وخيروني بين حبج بكفة واهلي وناسي بكفة
تدرين انا شسويت
تركتهم كلهم واجيتج كل هذا ما فرق عندج بشي
ولا أثر عليج
نصيحة الج لا تخلين هذا كلامج
عذر حتى تختبئين وراه
هاي الحجة تكدرين تقنعين بيها نفسج
بس ما راح تكدرين تقنعني
فتحت حلگي ردت احجي
رفع ايدة بأشارة غاضبة منعني من الكلام
وكمل بوعد
: بس الظاهر انتي البايعة وانا المشتري
لكن هين يسهوة اذا ما اعلمج الله حق بسيطة
شفتة عافني وطلع من الغرفة
وظليت اني لوحدي
خاوية حسيت مثل الي هبت عليه
ريح عاتية وحل بي الدمار هيج صار بحالي
حرت ما اعرف شتصرف
لميت شالي ورحت وكفت گبال
المرايا اريد اشوف نفسي
قبل لا انزل والناس تشوفني وينتبهون علية
انصدمت من شفت شكلي
هاي منو معقولة اني
شفايفي مورمة وحمرة
وخدودي نار وعيوني بيهم لمعة
وشعري مهوس صرت اعدل بوجهي وامسح
على شفايفي وعدلت شالي
وشهكت
عزة العزاني هاي شنو الي برگبتي
اثار بقعة حمرة على رگبتي
لمستها ما اتأذيني
واتذكرت ثائر وحركتة وياي
شجاني ظليت احجي وية روحي بالمرايا
لج انتي منو مدا اعرفج
شسويتي بروحج
اني ليش هدرت حشمت نفسي
كلة من وراك
لالا مو منة الصوج
اني الي ضعفت اني الي استسلمت
وما صنت نفسي غبية غبية غبية
وتبقين غبية طول عمرج
عدلت وضعي ولبست شالي وايدية ترجف
طلعت من الغرفة واني اترنح من الخوف
واتلفت مثل الحرامي
وصلت يم محجر الدرج
وشفت رواء اختة كاعدة عالدرجً ...
سألتها شتسوين هنا. كاعدة ...
رواء بارتباك
: جنت منتظرتج تطلعين وانزل وياج خاف امج تشوفني نازلة وانتي مو وياي وتسألني عنج
وانتي ما ناقصة كلام زايد
سهى بتسائل
شنو قصدها بكلام زايد بس الظاهر رواء تعرف كلشي عني وعن ثائر
: رواء ليش هيج سويتي بية
انتي نصبتيلي كمين
وخليتني بوضع لا يحسد عليه
رواء بتوسل
: صدكيني والله حكم القوي عالضعيف
ما اكدر اكلة لا
انتي ما شفتيه من رجع من بغداد اليوم
شلون جان حالة يخوف من الغضب ومنهار
حذرني وكال
: اريدج تجيبين سهى لعندي اريد احجي وياها
حلفتة وكتلة كًول والله ما تسويلها شي
وهو وعدني ما يأذيج
عبالي اذا اخليكم تلتقون
راح اعمل بيكم معروف واكسب بيكم ثواب
لحتى تحجون مع بعض وتضمدون جروح بعضكم
بس شكلي خبّصت وخربت الاول والتالي
بهاي سوايتي
سهى بقلة حيلة : هو مو صوجج ولا صوج احد
صوجي اني الي امنت بيج وبأخوج اكثر من اللازم
كان لازم احط حد
والظاهر انتي عندج علم بكلشي وتعرفين بموضوعنا
بالله شنو تتوقعين ردة فعل واحد مثل اخوج ..
اذا كان كبريائة مجروح
تتوقعين راح يرحمني لو يفهمني
لا بالعكس ما راح يتردد لحظة وحدة
لحتى يسحكني ويدمرني
رواء بقهر: من سودة بوجهي والله خية مسحيها بوجهي
والله ما اعرف وين اودي وجهي منج
حقج علية ومايصير بخاطرج الاطيب
الا اشتكيه عند جدي الشيخ مزاحم واخلي ياخذلج حقج
شفت الندم واضح بعيون رواء
وكان اعتذارها نابع من صميم گلبها
هو بيها او من غيرها كان لازم تحدث مواجهة بيني وبين ثائر لان عرف بكذبة زواجي الزائف
وادري بي ما راح يعديها بسهولة
وهذا اني اخذت المقسوم منة والله العالم شينتظرني
بعد من عقوبة
: اعتذارج مقبول عفية لتجيبين سيرة بالي صار
لاي واحد لا جدج ولا غيره اني مثلما گلتي ما ناقصة
كلام وفضايح
ولتخافين ما راح اشيل بگلبي عليج
انتي مالج ذنب بتصرفات ثائر
انتي صرتي وسيلة بيد ثائر لحتى يوصلني
سواء بيج من دونج
راح يوصلني يوصلني

انتهى كلامنا وبعد ما يفيد العتاب
والي صار صار
نزلنا يم البنات وگلبي كل ساعة ينتفض ما اعرف ليش
رحت كعدت بصف امي وبعد ما اتحركت من مكاني
توبة لله اذا بعد اتحرك منا
صارت الافكار تاخذني وتجيبني
واسمع سوالف النسوان وامي كاعدة وياهن
وجدتهم الجبيرة كاعدة بالنص
واجة حسن ابني يركض وكعد يمي
: ماما جوعان شوكت تصبون غدة
سمعت وحدة من النسوان عرفتني عليها
عذراء وكالت هاي خالتي سناء اخت امي تصير عمت عدي اخت ابوه
هاي ارملة وعايشة هنا وعندها ثنين بنات
متزوجات وحدة ببغداد وحدة هنا قريب علينا
بس هاي الله ما يجرعها
انتقلت للسكن هنا بهذا البيت من ماتت ام عدي مرت خالي وصارت تدير هذا البيت وتتخبل
من سيرت مرية تجي تعيش بهذا البيت وتشاركها بي
اتذكر شلون نشبت وية مرت علي اخوهم الجبير
منا لحد ما شردتها من البيت وعزل بيها علي ببيت لوحدها هنا بواحد من هاي البيوت
: ماما جوعان
سمعت خالتهم سناء
: ياااا هو هذا الفرخ الي صار من ورة السالفة العوجة
مالتج
يمة اول ما سمعت كلامها
جمد الدم بعروكي وصار وجهي ينطي الوان
لا ياااااا الله هاي وين جانتلي
معقولة بعد كل هالسنين
هذا العار يظل لاحكني حتى هنا
سمعت مرت عمي منتهى كمزت من مكانها
: لا يا خيتي عفو عليج شنهو هذا الكلام
ترة سهوة متزوجة وهذا ابنها من
زوجها المرحوم
سناء: جا انتي موش قبل جم (كم) سنة
كلتي بنت حماج حبلت من خطيبها وصار عندها فرخ منة ومات وصارت سالفتها على كل السان
جا هي شلون تصير الشغلة العوجة بعد
باوعت على مرت عمي ظل وجها ينطي الوان
امي جاوبتها
: شوفي عيني ترة بنتي مترباية وبنت اصول
وماكو انسان معصوم من الغلط
بنتي غلطت صح بس ما زنت
ما ارتكبت الحرام بالعكس
فراس جان زوجها على سنة الله ورسولة
صحيح الطريقة خطاء بس يبقى هذا قدر ومكتوب
وما منة مهرب
الجدة: اي والله يمة كلامج عدل
كلشي بالقسمة والنصيب
وماعليج بيها حبيبة مسحيها بوجهي
ادري بيج زعلتي من كلام سنيوة
اعرف كلش زين
موش من الاصول وكرم الضيف
تعيرينة وهو جالس بدارج لان هذا يقل من مقدارج
سناء بقهرر: شنهو حجية هسة احنا شحجينا
حتى كمتي علينا
: كومي ولي منا لا حلت بركة بويهج (الوجه)
جا انتي تبقين ملكوفة (رعنة)

كان كلام جدتهم مع سناء
برد گلبي بس المشكلة كان كلام سناء كلة صحيح
وشكلة هذا العار ما ناوي يحل عني ويفكني
..............................

ناصر :شنهو عدي اشو قلة سفراتك لبغداد وصرت تتواجد ويانة بالسلف
كلش هواي هاي الايام
وهاي مو من عوايدك
لا يكون صرت تحب السلف
عدي : شنهو والله حرنا وياكم
هاجرنا السلف تحجون
بقينا بالسلف هم بعدكم تحجون
جا انتو شنو مصيبتكم ماعندكم
سالفة غير عدي المكرود
: خايب شحجينا يا جلمة (كلمة) ردي بمكانج
.................
عدي
فعلاً كان كلام ناصر صحيح
قلت سفراتي لبغداد
وصرت اضوج من طاري السفر
من يوم وكعت عيني على غزالة بت اخو قاسم
بس ااااااخ لو الجحها (اشوفها) حتى لو مرة وحدة بس
غير اموت من الفرحة
بس انا بعد ما بية صبر لازم اشوفلي صرفة
افاتح ابوي بالسالفة واخليه يخطبلي بنت اخو قاسم
وماعلية بعذراء خلها تولي مو مشكلتي هاي
جدي هو الي حجزها الي هو الي يبتلي بيها
.......
منتصر: شمالك يا ذيب ليش تعوي
ناصر ما جذب بكلامه صحيح جنت
بالسنة حسنة نشوفك هنا
جنك انت مو اخونا من ورة كثرت سفراتك عدالك مهاجر وما عايش ويانة
انت حتى ما تعرف شيصير بالسلف
وشنو يجري عليه
يمكن لو اهدك بنص السلف
احتمال اتيه (تضيع)
: خايب ما تسد حلكك لا اجي اسدة الك
كمت من يمهم ورحت متوجه للمطبخ
سمعت ناصر صاح من وراي
: على وين رايح ترة المطبخ كلها حريم
شعندك هناك
التفتت عليه بغضب
: خايب ما تاكل تبن هم بيتنا وهم
تحكمني بي
عفتة ودخلت جوة للمطبخ
ناصر بغضب : شوف ولك هذا اخوك شكلة تسودن وكثرت سفراتة اثرت عليه وغسلت عقلة وخلتة ينسى الحشمة وحرمة البيت
.....................
فتت جوة للمطبخ وعفت وراي ناصر شايط من القهر
ما ادري ليش احب اتعارك وية ناصر
يمكن حتى يكرهني
ويحلف علية ويكول ما ازوجك اختي
بس الظاهر كل محاولات الصد وياه ماجابت نتيجة
دخلت وما شفت احد بالمطبخ بس لمحت مناك بالطرف وحدة واكفة على الكاونتر وما اعرف شجاي تسوي
سمعتها تدن دن بصوت ناصي
احنا مطبخنا كلش جبير
عدالي هاي رواء اقتربت منها شميت ريحة خيار
شكلها تسوي زلاطة
مديت ايدي من وراها وعبرتها واخذت من ماعون الزلاطة خيارة
كان تصرفي طبيعي وراء متعودة علية
بس سمعت شهكة والتفتت وصارت عيني بعينها

اااااااااااخ الله معقولة الي انا جاي اشوفة
لا مستحيل ما جاي اصدك
شفت عيونها انفتحت على وسعهن
ااااخ بوية صرت كلي ارجف
خايب شمالك عدي اركز
عيب عليك انت رجال
: احم انتي منهو
شفتها خزرتني
: وانت ياهو مالتك جاي تسألني
انتبهت عليها خزرتني
ركضت من كدامي وطلعت من المطبخ
يا بوية بعد هاي هي ما اكدر راح افاتح ابوي اليوم
ما دام عمي قاسم هنا
بعد ما عاد بيا صبر
رحت اشوف ابوي وين
...........................

ثائر
نزلت وابتعدت عنها
احتمال لو باقي شوية بعد جان
اخذتها غصب عنها
رغم العذاب وجع الگلب الي شفتة منها
بس بعدة گلبي خاين ويحب جتالة (قاتله)
رحت دخلت عالديوان ادور على عدي
لازم اسئلة منين يعرف سهى وشلون وصللها
وشنو قصدها غصب عني بعدوني
كان راسي وفكري مشغول بهواي اسألة
شفت ابوي وجدي ورجل عمتي قاسم
وعمامي البقية واولادهم بس ماكو عدي
الشيخ مزاحم : هَـا يالوحش شنهي الاخبار
باوعت لجدي بنظرة العارف
: علمي علمك شيخنا هات ما عندك احجي تكلم
: كفو منك يالوحش والله انك تفهمني
شوفو يالربع تراني وصلني خبر عن جاسم واريد اتاكد
من صحتة يگلك
جاسم راح يطلع من السجن
علي : جدي موش راح يطلع من السجن
جدي هذا جاسم شارد من السجن
: هاه منهو كلك
: عفو عليك شيخنا تربيتك احنا ذيابك (الذئاب)
وماتغمض النا عين
التفت على ثائر
: هَـا يثاير شنهو شورك
: شوري من شورك يالشيخ
: جا مادام صار الشور شوري
انطي خبر لشيوخ عشاير السلف
وكلهم الشيخ مزاحم اليوم يريدكم
تجتمعون بالديوان لازم نشوفلنا حل
هذا جاسم وراه عصابة
علي: جدي جاسم نقطة ببحر لهذولي المهربين
بس كيدن هو نافعهم مبقين عليه ويساعدونة
نهض ثائر من مكانه
: شكلة هذا جاسم ما ناوي يجيبها لبر ولا راح يرتاح ويهداله بال الا من يسويلة مكسورة وتروح ركبتة
من وراها
رحت دخلت جوة للبيت
وشفت رواء باوعتلي وعقجت وجها بزعل
عرفت ليش عابسة وجهة علية
لان استخدمتها طعم وضغطت عليها لحتى تجيبلي سهوة لحد عندي
على العموم انا بيها بلاها انا صايدها صايدها وين تروح مني اشو السلف كلها الي
: روية عدلي جهرتج ( وجهج)
لا اعرف شلون اعدلها الج
: شنهو شتريد مني
: جدتي وين منهو عندها
: جدتي كاعدة وية عماتي ونسوان عمامي والخطار
: منهو الخطار
: بيت اخو عمي قاسم
: خوش سويلي طريق اريد افوتن عند جدتي
دخلت وشفت سهوة كاعدة بصف مرية جبيرة بالعمر
شكلها هاي امها
رحت سلمت على جدتي وعماتي وگعدت بصف جدتي
: هلة يمة ثاير شلونك الحمدلله على سلامتك يابعد شيبي
: الله يسلمج يالغالية
:يمة ما بسك سفر للولاية
: يالغالية سافرت بشغل
كلش مهم
عاينت على سهوة وصدت عينها بعيني ودنكت
راسها بسرعة
:وشنهو هذا الشغل الي يخليك ما تنشد عن هلك

: يالغالية جان عندي شغل يم ولد جنت مأمنة على
شغلة غالية وخان الامانة
ورحت عليه هناك ولزمتة وانطيتة درس
حتى يعرف شلون يصون الامانة
: يمة صخام هذا موش رجال هذا قليل ناموس
جا يمة انت شجاك رحت وامنت عندة
: جدة ما جنت حاسب حساب الغدر
من اعز ناسي
طبعاً هو يحجي ويباوع على سهى الي كاعدة تفرك بديها من الارتباك
تعرف ان هو كان يقصدها هي وعساف بهذا كلامه
: اي يجدة خلي افرحج
: كول يابعد طوايفي
: اريدج تعجلين بسالفة زواجي من بنت الشيخ راجع
موش انتو خطبتوها الي
سمعت صوت شهكة مكتومة رفعت راسي وعاينت
شفتها سهوة حاطة ايدها على حلگها
شكل الخبر صدمها
بعدج يسهوة ما شفتي شي
الا اشربج من كاس المر الي شربت منة
اتجرعي وحسي بالوجع والالم الي حسيت بي
وشوفي شلون توجع جلمة (كلمة)
المحبوب من يغدر بحبيبه

(( واني اكلك يثاير فتحت على روحك ابواب جهنم ))

يتبع