رواية ☆ ذنـــــبٌ بـــلا ذنـــــب ☆ الفصل العاشر 10 - بقلم Hend_AlBoor

لو يمكن كبرت و صرت اقوى

في احد قصور الذوات ابو مجد صاحب شركة و فندق
مجد - ما اقبل يابة ما اتدخلت من اتزوجت بس تعيش يمي بنتها لا

- و تعرفني ما اخذ الاذن منك مجد

- لعد ليش دتگولي

- انطيك علم

-  يابة هاي بنية بعمري

- و اعرف ابني نظيف

-  و الناس و حجيها؟

- و شوكت همنا حجي الناس
يگوم يوگف - المهم  اني راح اسافر وية امها و القصر ماشاء الله يضيع بي جيش كامل بنية وحده مراح تاثر عليك و اصلا مراح تشوفها

يتركه و يروح تجي مدبرة البيت ساهرة
- تحتاج شي سيد مجد

- سلامتج

- ها اشوفك ضايج شبي السيد الجبير وياك

- مابي بس اختلفنا على موضوع

- تقصد بنت زوجته

- اي

- و ليش تختلف وياه خلي تجي عادي

يباوع عليها - دوخة راس

- اعرف نحس و تحب العزلة بعد وفاة المرحومة بس لا تشيل هم البيت جبيرة مراح تاثر عليك

- الله كريم

طلعت صار بوجهي فهد رفع ايدي

- ها فهد لحگت تضوج وحدك

- اي والله و البيت ما ينسكن من ورا هذا رجل امي

- يمعود عوفه

- شبيك گالب وجهك شصاير

- تعبان

- دعوف سيارتك مو بخلگ سياقة امشي بسيارتي

طلعنا نفتر بالشوارع كلشي نهدم ورا السقوط

فهد - عطله نص السنة بس الاسم فخامة راحة ياخي

- ابوية نغص علية العطلة

- يمعود هسة و اذا اتزوج انت ليش تصير طفل ع الاقل احسن مني عايش وية هالرجال الي مو طايقني بارضي

- مو ضايج لان تزوج

- لعد خايف تخلف ولد و يطير الورث

-  لك بابة اني بحال ورث انت وين و اني وين

- اي قابل تغار على ابوك

- انت تعرفه هو عاش كل حياته بالخارج و تربيت على ايد ام شريف،  ليش اغار

- الطف الجو طايح الحظ شبيك دفكها

- فهد عدها بنية بعمري

- و حبيتها

- لك فهمني لو احبها اني اضوج من جيتها للبيت

- يوو دگول منتحس من جيتها ،  لك بابة عادي وين المشكلة

- عوف لو احجي منا لباجر مراح تفهمون

- و اني عبالي الي مضوجك شي جبير ، اذكر يالله هي بنية  لتكبرها

رجعت بالليل ساهرة بلغتني بجيتها صعدت لغرفتي نمت ،  گعدت الصبح نزلت اتريگ

ام شريف - تحتاج شي بعد

- لا سلامتج خالة ماقصرتي

- اشوفك تعبان يمة

- لا والله بس مزاج اشوي

- من ورا ابوك مو

رونق - صباح الخير

- صباح النور

-  جوعانة

- شتحبين تاكلين

- اي شي المهم ريوك و بسرعة

- بعيوني

ساهرة - ام شريف ، ام شريف

- ها ساهرة

تدخل للمطلخ - صباح الخير سيد مجد

- ساهرة مو گلنا بدون سيد

تضحك - مادري متعودة على السيد الجيير
ام شروفي نسيت شنو اريد ، هاا ورا ما الم الـﭼراﭼـف من الحبل ذكريني بفراش الخدم و السواق لان اليوم مالحگ بعدلي البردات مال البيت كله

- لا تعبين روحج مو مهم فراشنا انتي الله يساعدج شايله البيت كله على راسج

- شسوي بلكي الله و يلگون وحدة تساعدني

مجد - الحمدلله عاشت ايدج خالة

- الف عافية

طلعت من البيت اريد اتنفس اتقيدت مو مثل قبل مرت الايام خلصت العطله كالعاده كملت حياتي و لا كانو ابوية اتزوج هو علمني من الاول اعتمد ع روحي يعني وجوده و عدم وجوده عادي ، كل يوم يجيني فهد نقرا سوا

- باوع مجد بس نگعد فترة المراجعة اسكن يمك لان هذا رجل امي راح يطيح حظي

- هلة بيك اصلا تجي بدون اذن فهودي

بانفعال - ياخي ماگدر اقرة كل شوي يصيح و يتعارك

- هسة مو گنالك تعال

- يلة اروح باجر نتشاوف

- محفوظ

ينزل الدرج بهاي الاثناء تصعد رونق تجذب نظره ما يشيل عينه عنها ،  يبادر بالسلام

رونق - وعليكم السلام

- اكيد بنت مرة ابو مجد

بغرور - نعم ، و منو انت؟

- صديقه

- المطلوب

- و لا شي ،  يلة سلام

يترك البيت منفعل من اسلوبها يوصل لبيتهم يدخل تستقبله امه

ببكاء - يمة الحگ اخوك

بانفعال - شبي صفاء،  شصاير

- ابوك اتعارك وياه و انهزم فدوة فهد دور اخوك لا يصير بي شي بعده صغير

يصرخ - لا تگولين ابوك هذا يروح فدوة لابوية

يطلع رجل امه يصيح - لك منو يروح فدوة لمنو ،  ابوك ما رباك اني اربيك

يتهجم عليه يجره من ياخته تصرخ الام عوغة عبد الستار عوف ابني

يصرخ - حلني انت منو و تمد ايدك علية ،  ذاك وكت جنت صغير و تضرب على كيفك هسة لا

يدفعه عنه بقوة و يطلع

يصرخ بوجه الام - هذولة ولدج هااي تربيتج السگط
يطلع الابن الاصغر منار - بابا شصاير شبيكم

تحضنه امه - ماكو شي يمة ماكو

يتوجه فهد للمقبرة و يدردم بالسيارة - يا نذل  والله الستار عليك امي و منار ، جلب تمد ايدك علينا
ينزل من السيارة يطب للمقبرة يشوف اخو يم قبر ابوه

- صفاااء

يمسح دموعه - ها ،  فهد شجابك

يگعد يمه بالگاع - عرفت كلشي من امي

- كالعادة

- امي مسكينة مابيدها غير تفزع النة مرة تدزك تدور علية و مرة تدزني ادور عليك

- مدري عذبناها مدري عذبتنا

- لا هاي و لا هاي صفو الحمدلله ع كل حال

- الحمدلله ، احسد ابوية لان مات و ارتاح من الدنيا

- لا تكتئب و تنقهر صفا ، ترا الدنيا متسوا و احنا متعودين على رجل امي

- الله يرحمك يابة

- الله يرحمه

- جوعان طلعت بدون غدا من وراه

- گووم و لا يهمك هسه اوديك لارقى مطعم

- اي بداعتي مستعد اكل طلي

نزلت للصالون گعدت و بيدي كتاب شعر داقراه نزلت رونق گعدت گبالي تجاهلت

- اسفة

يرفع راسه - على شنو

- يعني على الي صار

- و شصار ؟

- زواج امي من ابوك

يرجع عينه بالكتاب و يكمل قراية تكمل كلامها

- مزعلان او متضايق

- حياته و حر بيها

-  جنت خايفه تعاملني بكره او تحاول تنتقم

- لهذا السبب تراقبيني

بارتباك - ها ،  لا

- ما يخصني زواج ابوية من امج الي يخصني  مراقبتج الي و يضايقني هالتصرف

- اعتذر

- لغة راقية بس الاعتذار بدون توبة يسقط رقيه

تسكت دقيقة و ترد - انت طالب

- اي ،  اترخص عندي قراية

- اذا احتاجيت شي تگدر تساعدني

- بشنو

- بالدراسة

- حسب

يصعد لغرفته تبقى گاعدة تبتسم ابتسامة عريضة و تهمس - هاي خطوة حلوة

بالسيارة فهد و صفاء شارع كله طسات تعترض الطريق جنة يصرخ صفاء - انتبه گدامك
انضربت بمراية السيارة تطشر بطالة المي گعدت الم بيهن صاح بية السايق

فهد -  خرب بيج ناقصني ادعمج و ابتلي ، هم سودة و هم ثولة

مرت من يمي السيارة و هو يدردم مد ايده من الجامة و كفخني على راسي و صاح

- مرة لخ انتبهي يالعبدة