رواية ☆ ذنـــــبٌ بـــلا ذنـــــب ☆ الفصل الحادي عشر 11 - بقلم Hend_AlBoor

- مرة لخ انتبهي يالعبدة

والله لا كلامه و لا من ردت اندعم اهتميت بس كفخني حسيت بالذل كرامة ماعندي  دمعت عيوني و خنگتني العبرة
بهمس -  ليش هيج الناس
اجتي سينا تركض
- جنوو خوما صار بيج شي

- لا بس كم بطل نمردن
- الله بكسر ايده كون الزمه هالزعطوط شلون يمد ايده فوگ ما هو اثول

بسخرية - يمعودة اتعودنا على هالذل شنو الجديد
بانفعال تتأفأف سينا - كون بية الا اجره من ايده و اطلعه من الجامة دك بالنعال وين ما يوجعة
- عوفي لتحرگين دمج شي صار و راح

- يگولج الادبسز

- لا هاي حسنة يعني فادني هذا الاصخام يذم و لا يتحرش

- و الله لو شايفج بدون صخام جان كسر ايده بيده

رجعنا للفرفرة بالشارع فجاءة السير نگطع وگفت بنص الشارع التفتت وراية رتل امريكي يبست بمكاني اجتي ابالي امي او دمهم الي ديجري بعروقي مگمت اسمع شي و لا بية اتحرك جرتني سينا مراية الهمر ضربت جتفي گامت تصيح بوجهي

- شبيج مخبلة ما تشوفين جان مردوج جواهم
صافنة عليها - ها

- اليوم ضاربتج الشمس شنو

- قبل ميهمني من يمر الرتل بس من عرفت الحقيقه و اول مرة يمر اجاني احساس غريب
اتمنيت انزلهم واحد واحد بداخلي واهس يدور ابوية

- لا مو ابوية ابد

- ابوج شنو

تلزم گصتها - وج اخاف سخنتي

- لا مابية شي ،  امشي امشي جعت

رحنا للمكان الي نلقتي بي بامهاتنا من سنين گعدنا ناكل ، كلشي ماتغير حتى الناس نفس النفوس الي ديتغير عزيمتنا دتزيد يوم تعب ورا يوم شقا
بكل خطوة اخطيها و اني اتجه باتجاه امي و هي گاعده ملثمة بنص الشارع اكبر الف سنة  بكل خطوة يزيد حبي الها ، برغم التعب بعدها هذيج الصغيرة الي صارت ام غصب عنها

احساس يذبحني اريد اعوضها بس كل مقدرتي هو هذا ،  افتر ورا الناس

مساءا سري وحدها بالشارع يجي رجال يشمو فلوس بحضنها و يگول
- يلة
- رحم الله والديك الله يفتحلك ابواب رزقه

- خلينا من الدعوة متوكل خبز

باستغراب - نعم

- شبيج استغربتي ،  يگعد گبالها على رگبه و يغمز عين - اعجبج

- ما فهمت

- ليلة وحدة و اذا تحبين ازيدج شگد ما تطلبين

- وصلت ليم امي و سمعت اخر جملة من حجي الرجال بقيت واگفه وراه

منريد فلوس مقابل الليله هاي

دار عليه و وگف صفن بوجهي و مسح حلگه بيده
- شكو بيها اي اثنين خير من الله

- موافقة

تصرخ الام و توگف - جنة

- عوفي البنية براحتها مو الا انتي هي تكفيني

- بس تنفذ طلبي

- يدلل الاسمر و قبل لا تحجين موافق

- ما اريدك وحدك

بحماس - اوو بدا يحلو اللعب ،  عندي صديق اجيبه لك يابة حتى  مطاليبك تخبل يالصغيرون

- حلو جيبه و اختك

بغضب - شنو لج

- و ليش العصبية تحصل علية لو عليها مقابل اختك لصاحبك

يصرخ -  لا تجيبين طاريها على لسانج

- الي يرخص اعراض الناس عرضه رخيص

يصرخ - اختي ما گاعدة بالشارع لا تستشرفن لجن

لا اراديا ضربته راشدي دفعني حيل ع امي وگعنا

- بنت الدايحة الا اكسر ايدج

حضنتني امي و صاحت - الله يكسر ايدك
گام يضرب بية و هي تدفع بيديه عني اجتي سينا و خالتي

ام سينا - عزا عزا وج هذا ديكتلهن
تركض سينا و تصرخ - سابقتج احنا شوكت نخلص من هالنماذج المنحطة

ضربته دفرة على صفحته وگع دتضربه الخ خالتي جرتها و تصيح
- يبوو يا ناس يا عالم هذا تحرش ببنتي ياعالم الحگولنا
زحف بالگاع بسرعه و گام ركض سينا لزمت رجلها و گعدت
- اخ اخ ااي

- شبيج يمة

تصيح بالم - تشنج تشنج راح اموت

گمنا نفرك برجلها - شوازاج على الدفرات

- افركي رجلي و سدي حلگج فوك احساني و دفاعي الج

- وج مو هيج تطيرين و تدفري لو مكسورة

- دفرته و اتورطت كلت راح يخليني فوگاجن خلف الله على امي

ام سينا - فاهيات مو شكول عرايك ولجن صيرن سباعيات

سرّي - عوفيهن يا ميعاد لا تشجعيهن

- هم يلة نرجع للبيت گومن

- خالة ليش جان يتعارك وياجن هذا المشعول اللشة

-  عباله بنات ليل يمة

- اتعودنا ع هاي الاسطوانة

- ماشفت غليلي الدفرة اوف ربي

مشينا للبيت الطريق كله نسولف 

ام سينا - ابد مو مثل الرجال الي اجاني يگولي انتن خطر ع البلد ماكو غيرجن هجم العراق

سينا - هجم بيته

جنة - شدعوة هجمنا العراق فد مرة

سرّي - اكو ناس عدها سهل و فخر الذم بس الكلمة الطيبة ثگيلة على لسنهم

مجد - خالة فدوة فد گلاصين جاي

فهد - تعب عقلي ماكو هيج انطينا مفكة مجد

- مرت بس ساعة

- اگول مجودي

- يا ستار

- اريد منك خدمة

- بعيوني

- رونق

- شبيها

- بصراحة معجب بيها ، مجد ماگدر اشيلها من راسي شغلت تفكيري

- من هذا ديتعب من القراية

- اصلا هي مونسة بالي من تمر بي

- ايابة وين واصل فهد

- غرگان خويي رايد العون

- شلون

- هي اكيد متردك لان عايشه وياك و تعتبرك مثل اخوها

- اي

- بحجة تدرس وياك و ندرس تلاثتنا ، انت مو گلت هي رادت منك تدرسها

- سهلة تدلل

- شعندي غيرك فدوة لربك اليوم عشاك علية و بارقى مطعم

كملنا قراية و طلعنا نغير جو

ام سينا تجي ركض لمكان سري - ام جنة ،  ام جنة

- ها عيوني شو جيتي بعده مصار الليل خوما اكو شي ميعاد خوما صار شي للبنات

- لا لا شبيج

- ميعاد گلبي ممرتاح البنات مبرن و دتشوفين ولد الحرام شديسوون بينا

- لعد ليش اجيتج امشي وياي گومي

-  وين و البنات شلون نعوفهن

- ما نتاخر نرجع قبل الموعد

- يالله

- گعدت بالگاع تعبت من الوگفة و الفرة ورا السيارات جتي سينا من بعيد

- هاا جنوو خوما بيج شي ..؟

- بس شوي ارتاح تكسرن رجلي

- اني هم احسهن خيوط مو عظام و لحم
بقن بس بطلين خلي ابيع لهذولاك و اجيج

- ماشي بس شدي لثامج رخي ليوگع

راحت على سيارة بيها ولد

مجد - هسة شتريد بسرعة

- ببسي
نزلت من السيارة جتي بنية تبيع مي

سينا- مي

- شوفي الولد الي بالسيارة

راحت عليه مشيت للمحل

سينا - مي

- اي

تبيعله بطلين و تمشي يطلع من السيارة يصيح

- حرامية اووگفي

تلتفت عليه  - يمةة منو حرامية ، هذا شبي طلع من السيارة طاير علية

جنة - گمت ركضت عليها و هي جاية علية تركض و تصيح و هو وراها
- وج انهزمي انتي ويت جاية

صحت - شبي هذا
وصلت يمي جرت ايدي و ركضنا
- وج شبي

يصرخ - مجد ،  مجد حراميات الزمهن

عفت بطالة الببسي و ركضت وياه بدون مادري شكوو

جنة - وج بعدهم ورانا شسويتي

- هو خبل ممسوية شي والله

- شنو يعني

-  افترقي اركضي منا لا تخلي يلزمج

- ماشي

يصرخ - مجدد وراها مجد

جنة - ركضت بين افرع خالية اندل المدينة ركن ركن من طفولتي ختلت ورا تانكي قديم تعبت من الركض ، و گف على بعد مسافة توترت دنگ كانو ياخذ نفس

مجد يتنفس بعمق - تعبت اويلي ، وين اختفت

دمي نشف لازمة حلگي  - شيريدون منا فدواتك ربي هذا مجد منو ليش ديركض وراي

نزلت بزونة جانت نايمة ع التانكي هرجت الامة بالطكطكة ، التفت علية هبط ضغطي من الخوف صاح
- تعالي

طلعت ركض قريب مني و سريع صحت
- يمة الحگيلي

ركضت بكل سرعتي من وصلني جرني من الربطة سحبها من راسي اني طرت التفتت عليه جامد بمكانه و لازم ربطتي

نزل شعرها للگاع ذهب مو شعر وگفت التفتت علية وجهه لونين و عيونها كبار يضون ماگدرت اتحرك من الخوف

- شنو هاي ربي