رواية ☆ ذنـــــبٌ بـــلا ذنـــــب ☆ الفصل الرابع عشر 14 - بقلم Hend_AlBoor

- هذا الولد الي .. شجابه هنا يربي

بروف عوني : تفضل ابني

طبيت گعدت يم فهد

بروف عوني - اسمك

- مجد محمد

- سويت مباشرة ابني

- اي استاذ

- اهلا و سهلا

تخربطت حالي من گال اسمه فدواتك ربي گعد بنفس السرا بيني و بينه بس ممر صغير
ميعرفني لا ميعرفني جنت مصخمة وجهي

جو القاعة كله عطور عندي ميول الهن گعدت لفتني عطر زيت ورد استغربت التفتت على صاحبته

فهد بصوت ناصي - لك هلا نورت الجامعة

- هلا بيك ضلع ،  شفاتني

- مو هواي اطمن كله يمي

التفت علية نشف دمي ،  المحاضرة كلها متقيدة عبالك مسجونة

خلص الدوام طلعت ركض لكلية سينا شفتها بالممر جريتها من ايدها و طلعنا بالحدايق

- شبيج  ،  شبيج

- الحگيلي سينا وج مصيبة و نزلت على راسي

- يا ستار شصاير

- ولد ويانة يعرفني

تلطم خدها - لا يالله شلون عرفج و وين  تهمس - يعني يعرف جنتي مجدية

بتوتر و خوف - اي وجه بوجه شافني اكيد يعرفني

-  اهدي خلي نفكر

- سينا شنفكر شلون شسوي

- بس اهدي و فهميني وين شافج ويعرفج

- من جنا نبيع مي تتذكرين الولد الي ركضو ورانا

- وين يعرفج انتي مو ملثمة وجهج و مصخمته

- كشف وجهي و شافني بوقتها

- يبووو يبوو و هو حجى وياج يعني گالج انتي فلانة

- لا

- لعد شلون عرفتي هو عرفج

بانفعال - اگولج شاف وجهي من ركض وراية

- و قوزلقرت نشفتي دمنا و جرجرتينا جنة انتي عاقلة

- افهميني سينا

- ادمي ما حجى و لا گال بعد شكو منو يگول عرفج اصلا

-  موو الا يحجي اذا اني عرفته اكيد هو يعرفني

- وج بابة انتي جنتي مصخمة وجهج هسة وين و قبل وين ، مستحيل يعرفج

- و عيوني مو شافهن

- مستحيل يجي اباله وحدة تبيع بالشوارع دتدرس طب و بعدين خما بس انتي عيونج زرگ

- يعني برايج هيج

- اي والله اطمني مادام ما نطق و مابين عليه تصرف غريب يعني ماعرفج

- اي هم فكرت هيج

- يا فكرت هيج انتي مو دمج ناشف من الخوف

- والله سينا نجلطت لان مابية بعد ذل

تحضنها - لا تخافين اطمني و خليج قوية ترا انتي بجامعة مو شارع مستحيل احد يذلج وجهج مو مال ذل

رجعت للبيت بدلت و طلعت اساعد امي  بالي مشوش و داخلي مهدوم من ورا هذا الولد شكد جنت فرحانة طلعت سم

سرّي - يلة يمةة كافي روحي اقري

- لا خليني اكملهن

تجر الماعون من ايدها - هايهية بنتي كافي انتي رجعتي تعبانة

- عيوني خليني اكمل

- على راحتج اروح انظف الثلاجات

اريد اشغل روحي باي شي لان راسي راح ينفجر من التفكير

رجعت متكسر  مددت بغرفتي ندگت الباب
- تفضل

- السلام عليكم

گعدت على حيلي  -  و عليكم السلام

- شوكت رجعت

- قبل شوي

- ما نزلت تتغدا

- مالي نفس هسة تعبان

تگعد يمه - شلونها الكلية

- حلوة

- كليتي يمكم

- صدك

- والله

ثاني يوم بالكلية

امشي بالجامعة بكل قوة و فخر بنفسي حققت انجاز جان مستحيل طبيت للقاعة خليت الكتب على استولي

فهد بصوت عالي  - ها مجد متاخر اليوم

بس سمعت اسمه صديت ظهري على الباب و گعدت ماريد يشوفني كل قوتي خارت

- والله ازدحام يكتل

يدخل استاذ ماهر يسلم  - مهلتكم بعد يومين على التقارير ، بديتوا بيهن؟

رامي - والله استاذ بعدنا

- و ليش

- استاذ مددها بعد شوي هم اكو هواي طلاب هسة يلة داومو

- لازم من هسه تتعلمون النظام و الحرص

يحجي و عيونه علية ضايقني صاح اسمي
- نعم

- راجعتي المواضيع الي فاتتج

- ان شاء الله اليوم ابدي

- لعد راجعيني بغرفة الاساتذه انطيج ملخص

فهد لمجد - يعني شمعنى بس الها ماتحجي انت هم اجيت متاخر

- يمعود اخذهن من الطلاب

- استاذ

- نعم

- مجد هم البارحة داوم

- اي طالب اجة متأخر خبي يجيني للغرفة

- حصلتلك موعد

يضحك - ولا تبطل سوالفك

- لعد بس هاي الرافعه خشمها

- شبيك وياها

- لك لحد هسه لا تحجي وية ولد و لا وية بنية  و بنت الحسب و النسب  من تطب ما تسلم خير شر

- هسه انت عايش على سلامها

يدير عليهم رامي يضحك رامي - فهد يمكن بنت برلماني و الناس مو بعينها

- يمكن هم هذولا الناس شايفين العالم انزل منهم

مقداد - شلون لعد الحكومة بيدهم يابة

جنة : لملمت كتبي و طلعت من خلصت المحاضرة رحت لغرفه الاساتذه صار بوجهي بزوف عوني سلمت و ردلي

بروف عوني - تفضلي جنة

جنة - استاذ ماهر طلب اجي اخذ منه ملخص

- بنتي هذيج غرفته على يمينج

جنة : رحت امشي بخطوات بطيئة هو گال غرفه اساتذه طلع كل استاذ غرفته وحد الباب مفتوح دگيته و سلمت

- جنة ،  و عليكم السلام تعالي

وگفلي راسا استغربت  دخلت - استاذ بخصوص الملخص

- جاهز هسة اشوفلجياه اگعدي ليش واگفه

تبتسم - تسلم استاذ بس عندي محاضرة يادوب الحگ استنسخه

- اني اخذلج اذن من الاستاذ لا تشيلين هم

ابد ما ارتاحيتله نظراته و اسلوبه مو راحة
- شكرا استاذ ما يحتاج اروح بسرعة و ارجع دخل مجد سلم ما التفتت عليه يبست بمكاني

- اهلا تفضل

- استاذ علمود الملخص

- بعده مجاهز  مرلي بعدين

عقدت حواجبي و باوعت عليه گال جاهز دمي احترگ منه شنو ديستغلني لو شايفني سهلة انسحبت قبل ليطلع مجد طلعت رجعت للقاعه جان رامي واگف على الاستيج و يهتف علمود حفل تعارف گام يفتر علينا واحد واحد يسجل الاسماء وصل يمي و سجل اسمي
رامي - جنة شاكر مو 

- العفو بس اشخط اسمي

- ليش

- اسفة ماگدر اجي

- اذا اكو مشكلة احنا اخوتج نحلها

- لا مشكور بس امي مريضة و راح ابقى يمها

- الله يشافيها والله راح يخلى مكانج بالحفل نتمنى نتعرف عليج بمرور الوقت

- ان شاء الله

يروح يم جماعته مقداد - ها كملت

- اي بس جنة مراح تجي

- ليش

يتأفأف- ضروف

يبتسم - ها شبيك

- عيونها يذبحن راح ابقى طول عمري اتحسر عليها

فهد - مجد گوم وياية

- وين

- لكلية الطب

- فهد والله مابية

- ماشي لعد اروح وحدي اشوف الحب

يضحك - بالتوفيق عيوني

يروح للكلية يدخل مخلي ايده بجيوبه يشوف رونق بنص صديقاتها تسولف و تضحك تشوفه
- دقايق بنات هسة اجي

تجي عليه - هلو فهد شلونك

يبتسم - الحمدلله و انتي

تباوع هيج و هيج - الحمدلله ،  وين مجد

بالم يردها - مجد ؟