رواية ☆ ذنـــــبٌ بـــلا ذنـــــب ☆ الفصل الثالث عشر 13 - بقلم Hend_AlBoor

- احبج

تصمت بتعالي تباوع عليه

يبتسم - شبيج يعني مارديتي

- اسفة فهد

بالم - ليش رونق

- ماعندي مشاعر تجاهك

- اكو واحد ثاني

بنبرة حادة - هذا شي يخصني

- رونق والله اذا صرتي الي ماقصر وياج احبج تفتهمين شنو احبج

- اسفة

تعوفه و تصعد لغرفتها تگعد تبجي و تشكي
- ليش الي احبه ميحس بية شصار لو هو گايلها

يرجع مجد للصالون يستغرب لا رونق و لا فهد
- شصار ، هذا وين راح
يدك علية

ام سيناء - انتي متاكدة خليتي التربية اول شي

- اي يمة مو شفتي بعينج

- يمة اخاف يطلعلج قانون

- لا تخافين مادام خليت التربية اول شي هي تسحبني

- يعني حتى اذا معدلج عالي

- حتى اذا ، لا تقلقين ارتاحي

- سينا المحاماة خطرة دتشوفين الكتل و انتي بنية اخاف عليج ، تصيرين مدرسة احسن

- حقج يمة بس لا تخافين و حتى اذا طلعلي قانون احول

- ريحتيني ، لعد باجر جهزي نفسج

- ليش؟

- نروح للسوگ

باستغراب - السوگ و شعدنا بي يمة

- اتفقت وية سري لمينا خوش مبلغ الجن

بفرحة - صدك

- لعد يمة خوما تداومن كلية بهدوم قديمة

تحضنها - فدوة لگلبج يمة اموت عليج والله

مجد - انت وينك صارلك اسبوع مختفي لا ترد ع اتصال لا تتصل لا موجود ببيتكم

- تعبان مجد

- شبيك شصار وياك

بعيون مدمعة - احبها مداگدر انساها

- صارحتها لو لا ؟ شگالتلك

- صدتني بدم بارد

يطبطب على جتفة - كلهن باول مصارحة هيج حاول مرة لخ

- لا مجد انت تعرف شي و اني اعرف شي

- شتعرف و اني ماعرفه احجي

- رونق تخب واحد ثاني

- منو هذا؟

يمسح دموعه - لا تهتم ، انت فهمني شنو سالفة تركيا بهالوقت

- اي والله گلت اروح اغير جو

- بعد شهرين يبدي دوام الجامعة

- ارجع قبل الموعد و حتى اذا فاتني شهر عادي ادبر حالي

- مو خوش دگة هاي مجد راح تعوفني وحدي

يضحك - متخلص مني ارجعلك

بعد السفر البيت فاضي و اجواء مملة

ساهرة - والله مكانه خالي هالمجد

ام شريف - ان شاء الله يرجع بالسلامة

- مو مثل السيد الجبير من يسافر و لا كانو

- مجد حنين لان يتفقدنا دائما نحس بغيابه ويخلي مكانه

- شبيها الخانم قاقلة على نفسها طلعله طب و لا فرحت

- ماعليج ساهرة عوفيها

- هسة شمسويتلها يا ام شريف

تنزل رونق تصرخ- ام شريف ، ام شريف

- استلمي

ام شريف تطلع من المطبخ - عيوني

بنبرة حادة - شنو ما تسمعين

- اعتذر العتب على الكبر خالة

- المهم ، جوعانة

ترجع للمطبخ تلزم راسها تترنح تستند على قاطع المطبخ - ربي عونك

ساهرة - شبيج اگعدي اگعدي ارتاح

تحيبلها مي و تنطيها ، تدخل رونق عصبية تصرخ - وين صرتي هو اكل

- هسة خالة

- هسة شنو و گاعده هسة تذكرتي عطشج و المي

- مادري شبية حسيت بدوخة ماگدرت اتحرك بس ارتاح شوي

تصرخ - بلا كلام و اعذار

ساهرة - ممكن مترفعين صوتج عيب مرة جبيرة .

- انتي منو سمحلج تتدخلين اصلاا اصيح ما اصيح اني حرة مفهوم

ساهرة - سيد البيت ممتواجد و ام شريف بمثابة ام للسيد الصغير و ما يقبل على هيج تصرف حتى اذا ابو

- مو انتي الي تعلميني شلون اتصرف

- خلاص ساهرة

تطلع من المطبخ بانفعال

ساهرة - كافي ام شريف من جتي لليوم بس تتنتر و تصيح ، اخاف نست نفسها دخيلة و تخس روحها سيدة البيت

- ساهرة البنية صغيرة لا تخلين عقلج بعقلها

بانفعال - تولي من مجد ميتواجد تبين كل بگاحتها و من يتواجد تصير رقيقة و صوتها مينسمع

سري و ميعاد و البنات بالسوگ يمشن بفرح يباوعن لمحلات الملابس و عيونهن تلمع

ام سينا - اي شي تريده عيونجن گولن

مو اول مرة ادخله كل طفولتي هنا كل خطوة بالسوگ اتذكرها شعور غريب سبحان مغير الاحوال
گمنا نفتر على المحلات و نشتري هدوم و احذية و جنط بحياتي مجنت احلم البسهن ، اخذنا موبايلات و شرائح اكثر شي فرحت بي
سينا - واخيرا موبايل ، انطيني رقمج و انتي هم خالة سري

تبادلنا الارقام و اخر شي مرينا على محلات المكياج
- اتمنى كلهن اخذهن
- و انتي شتسوين بيهن الحمرة كافية

تضحك - المهم اجمعهن و كلما اضوج اگابلهن

باستغراب تشيل الباودر - هذا شنو

- لا تفضحينا عوفي

- دخلي نسال الولد

- دعوفي يمعودة

اخذته من ايدها و خليته بمكانه ، اخذنا اقلام حمرة و كحل و مسكارة بس

سرّي - هاا يمة بعد شمحتاجات

- لا ماما هايهية اخذنا كلشي
بوسناهن
- ماعرف شلون نجازيجن رغم الضغط عليجن مقصرتن ويانة

سينا - اي والله جهزتنا حالنا حال اي بنية من عائلة متمكنة الله لا يحرمنا منجن

سرّي - هذا قليل بحقجن لو بيدي اخلي الدنيا كلها بين ايديجن

- بدا الدوام و صارت عرقله بالفايل مالتي و لازم ارجع اصحح الاسم ماداومت اول ايام بس اراجع ، طلعلي طب اسنان و سينا تربية انگليزي كليتها بعيدة عن كليتي بس بداخل الجامعة اتفقنا نلتقي بوقت فراغنا ، گعدت الصبح بدلت و رطت شعري ذيل حصان و خليت بس كحل و حمرا وردي طلعت صعدت كية و نزلت اباب الجامعة دك الموبايل - الو

- وينج صار ساعه واگفة بسلا متداومين اليوم هم

- لا هياتني بالاستعلامات طبيت
رحت عليها بوستها و مشينا افترقنا يم كليتي

استاذ ماهر - اريد منكم تقرير على اي موضوع من الي شرحناها خلال الاسبوع

مقداد لصديقه : يا ستار بلشنا تقارير و احنا ابداية السنة

رامي - شعبالك شي متوقع عاد راح ننهري

سألت على المرحلة الاولى دلوني دگيت الباب و فتحتها جان الاستاذ صغير بالعمر - العفو استاذ ممكن ادخل

- اي اكيد تفضلي

رحت گعدت على ستول باخر صف وراهم حرارتي ارتفعت لان القاعة مليانة حاولت مارفع عيوني

- الحمدلله

رامي - هاي من طين لو من عسل

يضحك مقداد - انت شفت الاستاذ و الطلاب من طبت اذا شمرت ابرة ينسمع صوتها

استاذ ماهر - حضرتج طالبة عدنا

- نعم استاذ

- الاسم

- جنة شاكر

يدور بالقائمة يلگي و يسجل حضورها - هذا اول يوم الج حضور عندج علم صار اسبوع من بدينا محاضرات و راحت عليج ماده

- استاذ جنت اراجع بوحدة الشؤون بسبب خلل

- تمام اي شي تحتاجي تعالي او اخذي المحاضرات من زملائج

- ان شاء الله

مرت المحاضرة بسلام حسيت باستقرار طلع الاستاذ بقيت گاعدة بمكاني اباوع على البنات خفت لا وحدة منهن جانت وياي بالثانوية انوب انفضح هنا غير عن المدارس اي زلة فضيحة و ماتحمل احد يعرف اني شنو

مقداد - لك دگوم لزگت بالاستول

رامي - خرب عمي وك باوع العيون ، هاي منين البنية

- يمعود گوم للنادي جعت عبالك مشايف اجانب

- مشايف ورب الكعبة

بقيت بمكاني لحد ما بدت المحاضرة الثانية غريب البنات ناس اتعرفت على ناس و صداقات و لا وحده جتي حجت وياية اكو بية شي غلط بعدهن عني گمت اباوع على هدومي

يدخل بروف عوني - يلة يلة ولدي الوقت ثمين
مو تعرفون موعد المحاضرات ليش تدخلون ورا الاستاذ سوالف المدارس بطلوها
نبدي المحاضرة ع بركة الله .. كتبكم صفحة 15

رجعت للعراق جان بادي الدوام ثاني رحت للكلية دگيت الباب - العفو استاذ ممكن

دا اورق بالكتاب رفعت راسي نصدمت هذا الولد الي .. شجابه هنا يربي