#ذنب طاهر الفصل الثاني عشر 12 - بقلم سمو العراق

#ذنب طاهر...بقلمي«سموو العراق»

كم أشتهي أن أعود طفله..
لا ترهقني أفكار الكبار..
ولا أحاديث الجيران ..
لا يهمني من الدنيا إلى حضن أمي..
وأن أرى أبي قبل أن أنام..
كم أتمنى أن أصحو يوما..
بدون ألم يستوطن روحي..
أبتسم وأضحك في وجه الجميع..
دون أن أغادر إلى غرفتي..
ليختفي ذاك القناع.. وأجهش بالبكاء..
كم أحلم بأن يعود ذاك النقاء..
الذي كنت أرى فيه كل البشر..
أراهم بعيون طفل..
لا يرى إلى الجمال..
أن أحلم أنا ودميتي كل مساء..
بنزهة جميله على أكتاف أبي..
أن ألعب تحت المطر..
أصرخ دون أن ينتقدني أحد...
أن أبكي دون أن أطر لألفق ألاف القصص..
دون أن أكذب بقول لا شيء يؤلمني..
أبكي فتحتضنني أمي..
تهدد لي بصوتها الجميل..
فأنام باستغراق دون خوف..
وأنا مطمئنه أنني بحضنها بألف خير

صرخت بصوت عالي ورهبه وخووف/...جلاااااال جلاااااال تعاال

شفته مكعد لبست ثوبها بسرعه وطلعت تتجئ علئ الحايط وترجف وتبجي وتتوجع وصلت عنده حطت ايدها على كتفه وهزته بضعف ووجع

ورود بخووف وبكاء ووجع/...جلال اكعد راح امووت
بطني حتنفجر كووووم

كعد مرعووب ومصدووم من صراخها حضنها وكعدها علئ السرير حاول يهديها راح لبس قميصه وطلعلها ملابس حاول ينزع ثوبها لكن هي رفضت ومرفعت اديها بعدها حط الملابس بيدها وطلب منها تبدل ضلت تتوجع وتصرخ وهي تتلوئ وتعض بيدها احتار شنوو يسوي بكائها اربكه...اتصل علئ ام علاء الساعه بسته الصبح....

جلال بربكه وسرعه/...ام علاء بسرعه جيبي جده«ولاده» وتعالي بسرعه ورود عندها ولاده بسرعه تعالي اذا تاخرتي اخذها للمستشفئ
ام علاء بخوف/..تأمر سيدي هسه اجي بسرعه بس انت لا تاخذها للمستشفئ اخاف تنكشف هناك

جلال برهبه/..يالله بسرعه لعد

قفل الخط واقرب منها مددها علئ السرير وهو يشوفها تأن وتبجي وترجف اصعب حاله مرت عليه شكد صعبه الولاده لزم ايدها وهي يدفي بيها ويفركها باسها بحنان وهو يهديها تهدئ الثواني بعدها تصررخ موجوعه وترجع تسكن باوعت عليه بعيونها الدامعه وشفايفها الترجف همست بضعف ووجع اريد امي....
حضنها بحنان الصدرة وهي روحها هايمه/...اشش كولي يالله اني وياج اني موجود وهسه تجي ام علاء وتجيب الجده مدري الدكتورة وتولدين وصيرين زينه

اجتها الطلقه صررخت بوجع وهي تلزم ايده حييل وتلزم الفراش بيدها حييل صرخت تستنجد باامها/..ولج يمممه تعالي رااااح امووووت ااااه يمممه ادعيلي ااااه راااح امووت

جلال مسح دموعها بخووف/..حاولي تساعدين نفسج كولي يالله هسه تجي ام علاء اهدي اهدي ....سحب الموبايل بسرعه ورجع اتصل علئ أم علاء

جلال بعصبية/...ام علاء وينج ورود راح تموت راح اخذها للمستشفى

ام علاء/..وصلنه افتح النه الباب...

رجعها علئ فراشها بحذر وراح بسرعه فتح الباب دخلت ام علاء والجده سلمن عليه ودخلن عنده قبل لاتدخل حاجاها جلال بسرعه وخوف

جلال/..حجيه ديري بالج عليه هي بعدها صغيرة واول طفل كوني حذرة وياها وشتردين اني انطيج بس انتي ساعديها واذا متكدرين كوولي حتئ اخذها للمستشفئ...

الجده/...لا تخاف اني جده معروفه ومجيبه نص منطقتكم واذا مكدرت الها اكلك اخذها للمستشفى..

دخلت عليها شافتها صغيرة حيل وناعمه وتصرخ من الوجع مبينه واصله حدها ضلت الجده تصيح على ام علاء وطلبت منها تبدل ثوبها الاسود وتلبسها ملون لان هي صغيرة وتطلك وحالها حال الميت وخافت عليها وفعلا ام علاء بدلت الها ولبستها ثوب فانيلا بيجي ولمت شعرها وضربتها ابرة الجده وشربتها زيت الخروع وضلت تجاول وياها...
"""""""""""""""""""""""""""""""""""""""""""
عند ديانا بالجامعه جان اخر امتحان ومسوين حفله صغيرة جانت لابسه بنطرون قماش عريض وبدي ابيض،داخل ببالبنطرون وفوكه سترة سوده ردنها قصير وكت ومشسورة شعرها وهلا مرة صبغته جوزي وخصلت كم خصله بلاتيني وحاطه مكياج برونزي وطالعه كووولش حلوة تعتبر بالجامعه حاله خاصه من ناحيه الجمال والثقافه والاناقه...جانت عيون الشباب كولها عليها لكن هي غير مهتمه ديانا بعد ماخلصت امتحان طلعت هي وصديقتها بدون ماتحتفل ويه كروبها اجرت تكسي وصعدت واصلا هي جانت التكسي منتظرتهن دون علمهن

ركبن وكعدن وحده تفيك علئ الثانيه...

ديانا بمرح/...بس انجح دا اريد اسوي حفله بالقاعا واعزم صديقاتي كووولهن واركوووص شوود علئ النضيف ههههه اركوص ركص منا لحد مااحس بعد مااكدر اتحرك...

صديقتها/...اي دنووو انتي ركصج يجنن وسوي حفله واعزمينه دنريد نركوص همات هههههه

جان حسين يسووق وهو منتبه الكلامهم طبعا ديانا معرفته لان هي شافته من قبل اشهر طووويله ومرة وحده شافته لذالك نست شكله وشبهت عليه عدل المرايه وهو بتاملها بنظراته ويبتسم بداخله بعدها علئ لهجتها ودلعها بس صايرة احلى من قبل وشعرها الاشقر مع اشعه الشمس منطيها رونق جمييل

ديانا بدلع/...حبي اسوو شنوو رئيج من انجح اكتب دعوة عامه علئ الفيس دعوة عامه للاصدقاء بمناسبه نجاحي بالقاعه بالوزيريه قرب العاب ال.....

صديقتها/...اي حلووو وسويلي تاك

ديانا بدلع/...يدلووو بيت اسوو.......اكولك عيني شكد الكروة؟؟
حسين ببرود/...بكيفج خاله..
باوعت علئ صديقتها بااستغراب وهي تمد شفايفها بعدم رضا..«خاله»...صديقتها اشرت الها علئ راسها معناها مخبل...

ديانا انطت خمسه لحسين بغضب ونزلت هي وصديقتها اما هوو عرف خبلها ضحك عليها وهي ويتبعها بنظراته كوولشي بيها حلوو اله تبرجها مستفز الئ درجه.....

كتب الها رساله بسرعه وخطف منهن بسيارته مثل البرق....

صديقتها/...شدعواج انطيتي خمسه تره ميستاهل هي مسافه وصلنه

سمعت موبايلها رن انطتها الجنطه واخذت الموبايل/...لج دلزمي شكد كورميده«جحفه»هي خمسه مااعرف يمكن ماما رسلتلي رساله....شافت الاسم....اوووف ابو الرجووله خلي اغث نفسي قرتها بصوت عالي وصديقتها تسمع...

هلوو حبي نجحت واريد اسوي حفله تخرجي بالقاعه بس ماعدنه قاعه لذالك راح اسويه بساحه بالسده والدعوة عامه للجميع قرب مقبرة الاطفال والتوصيل مجاني اذا تردين ادزلج ابو خلدون جيرانه يجيبج بستوته انتي وصديقاتج ويشغلج معزووفه وشوود علئ نضيف...😘😘»

ضحكت بصوت عاالي وصديقتها تضحك /..هاي شنوو لج دنوو صارلي واهس دا اريد ارووح بستوته ابو خلدووون

ديانا/....ههههههه لج دا اتخايل شكلي صاعده بستوته وانت تركصن عبالك شلش بحي التنك

صديقتها/..ههههه ياااي حبيت هذا ابو الرجوله يونس دا اريد منه ههههههه

ديانا بسرعه/...اوخذي اوخذي هسه انطيج رقمه وكنكي وياه هههههه

ضلن يضحكن ويسولفن واخذن الطريق يسولفن ويضحكن ويعلقن علئ الرساله....
************************************
مراد/...لا بيبي مااتزوج حتئ لو جانت بنت اخوو عبير وعايشه بالبنان اني اريد ازوج علئ مزاجي ولازم الازوجها اعشقها ترة الزواج مو يوم ويومين واني دا احس ممستقر...

ام جميل/...لك بيبي مراد شبيك هذول اهل خير وانت ابن خير خو ماتزوج وحده مهتلفه تأكل الاول وتالي هذوله نسبهم احسن نسب..

مراد/..بيبي اني احب البنيه الخجوله والتخجل من المقابيلها وممتخرجه علئ الدنيا احب بيها برائه عبير واقاربها وديانا زايحاتها ومتبرجات اني اريد اجرب شئ جديد...

نزلت عبير وبرفعه حاجب/...وشبيها عبير واقاربها احنه ناس متطورين ونحب الحياة وهذي ثقافه

مراد/...العفوو عبير موقصدي بس اني بصراحه محاب اتزوج ودا اتحجج

عبير كعدت رجل علئ رجل/...عادي مراد اصلا اريج متريد تزوج لا تتخرج

مراد بفشله/..الله يوفقها...

كام جاي يروح بعدها سئل عن جلال/..وين عموو:؟

عبير بهدوء وهي تباوع علئ اضافرها/..والله مموجود راح للشغوول ومن هناك يروح الاربيل ديجيب الطفل

مراد/..الله يوفقكم ....خله وطلع وبكلبه...اووف شكد غثيثه وماصخه الله يساعد عمي عليها ولا تحترم مكابلتني وحاطه رجل علئ رجل مررض...
""""""""""""""""""""""""""""""""""""""""""
عند اليتيمه الموجوعه.......

كانت تصرخ من شده الووجع وجهها عركان وخصلات شعرها لاصقه بوجهها وشفايفها حمر من كتم الووجع وعيونها تنفتح وتنسد حاولت وياها الجده وخلتها تطلك وتطلك وطفل لازك ميطلع خافت حييل عليها وقررت ياخذوها للمستشفئ،بعدها صررخت صرخه اهزت اركان الغرفه وهاي الصرخه اعلن علئ وصول مولودها سحبته منها وهي تضربه ضربت خفيفه وورود ونزلت راسها علئ المخده وهي تتنفس بصعوبها...صررخ الطفل وهو يبشر ابووو بصرخته....اما هوو جان واقف ومتوتر وكل صرخه من ورود تربكه اكثر واكثر قرر ياخذها للمستشفئ واليصير يصير...بعدها سمع صوت طفله الغالي يبشر عن وصوله ابتسم بفررح وحب للطفل يغير هواي من الامور يمكن يكون خير علئ ابوو لكن هو نقمه علئ امه......

نضفته الجده من اثار الولاده ونضفت ورود شافتها ورود لفته بقطعه بيضه تحت انضار ورود الترجف من الوجع والبرد جانت متغطيه ببطانيه وهي ترجف اشرت الام علاء تجيبه جابته الها وحطته علئ ايدها وهي مابيه حيل ترفع نفسها...اول مشافت صغرة وملامحها الناعمه حست بامومتها باسته بجبينه بووجع وقبلت شفايفه وهي تبكي حضنت ابنها الصدرها موجوعه مقهورة خااايفه....

نامت من شده التعب ومن المنوم الانطته الها الجده سحبته منها ام جلال واخذته الابووو جان واكف عند الباب وحاس بفرحه عظيمه اول مشافه بحظن ام علاء ابتسم بفرحه كبيرة واستقبل ابنه بحظنه حظنه بحنان وهو يسمي عليه ويقبله بحب وحنان ويأذن بإذنه ضمه الصدرة واحساس الابوة اشتعل عنده لكن فرحته ناقصه ومحتار بين ورود وعبير وحالته تنهد وترك الامر للايام....طلب من ام علاء ترجعه الحظن امه....

انطه للجده فلوس وهي تفاجئت من عدد الفلوس الانطاها الها وتشكرت منه وضلت تدعي للطفل بعدها انطته ورقه صغيرة وطلبت يراجعها بالعياده الشعبيه حتئ يستلم بيان الطفل ويسجل بإسم امه وابوو ويسمي الطفل وهو مختار اسم مصطفئ...وصار ابو مصطفئ😍
************************************
جانت هي وعبير بالموول بقسم الخاص بالاطفال اشترت كاروك حلوو وملاعيب وملابس مال اطفال اشترت بناتي وولادي لان متعرف جنس المولود جانت كووولش فرحانه وراحت ديانا القسم المكياج اشترت مكياج وملابس وشغلات وطلعن اجه اخذهن مراد وهنه فرحانات وديانا فرحانه لان راح يجيهم طفل جديد تلعب عليه😍
وحتئ مراد فرحان همه كووولش يحبون الاطفال وصار سنين مصار عدهم طفل لذالك مصطفئ حيكون المدلل تبع العائله....
***********************************
دخل عليها وهي تعبانه شافها ترضع بي اول مشافته تغطت منه خجلانه وقطعت رضاعتها الابنها ضل يبجي وهي كعدت تسكت بس وتبوس بي...باسها جلال براسها وضحك علئ خجلها منه

جلال ببتسامه/..مبرووك ورود والحمدلله علئ سلامتج

ورود بحزن وحده/..مبرووك عليك مو عليه

جلال بجمود/..اسكتي مراح نحجي بهذا الموضوع هسه...
ورود بهدوء/...وهذا التريده صار الخدامه ولدت بأبن سيدها وصار التريده ياجلال...

جلال بزعل/..عوفينه من هذا الحجي كتلج بعدين

ورود باسئ/...سفرني ولا تطلكني وخلي اخذ ابني واروح والله والله مااتزوج لان اني راح اكون بركبتك والله والله اداري مصطفئ واوديلك صورة

جلال وقف مزعوج من كلامها/..احنه من البدايه اتفقنه مقابل تنطيني الطفل اسفرج وهذا جان اتفاقج وياي هسه تردين تاخذينه اذا تردين تسافرين تجيبين مصطفئ وبعدين انتي بخطر انتي بخطر مراح تستفادين شئ ...

ورود ببكاء/...بس اذا اخذته دير بالك عليه ووديلي صوورة...😢😢😢

نهايه البارت....يتبع.....

البارت النشر كان بسبب خلل من الواتباد واضطريت امسحه اعتذر....😘😘