#ذنب طاهر الفصل الثالث عشر 13 - بقلم سمو العراق

#ذنب طاهر...بقلمي«سموو العراق»😘

البارت...13.

«اذبح قلبي...اطعن وريدي...بعقب سيجارة...وفرشاه شعر...اقطع شرياني...بااطار محظوظ...علئ صورته استقر...عدت اليك فماذا فعلت!!...رفعت المشانق... لروح كانت تحتضر...نهبت ازماني...وسرقت الطفل والمراءة...وكل ارقام العمر...احرقتني بأتونك... فلم تبقئ مني...ولم تذر...انت ربحت المساومه...هل ارتحت....ادفني اذا...ولا تستكثر عليه...كفن وقبر بشر...😢😢»....

جلال بتساؤل وحذر/...يعني اخذ مصطفئ؟؟ ورود بنحيب/..مو هذا التريده... جلال بقهر/...وانتي شنوو الترديه. ورود ببكاء/..اريد اخووي. جلال بغضب/...براحتج راح اسفرج بس مصطفئ لايمكن يرووح ويااج. ورود بنهيار/...ليش انت خبيث. جلال بجمود/...مو خبيث بس هذا اتفاقنه من البدايه. ................................................ ورود عضت شفايفها بقهر وهي تحظن مصطفئ/.. بس هذا ضلم انت تعيش انت ومرتك وابني بنصكم واني محرومه من كل شئ واني الوصلت المووت بمصطفئ. .......... جلال بتنهيده/...هواي نسوان تطلكن وعافن جهالن انتي مو اول وحده وبعدين انتي حاله خاصه لاترضين تضلين هنا ولا ترضين تنطين الطفل... ورورد....خلي اخذه وياي..والله ادير بالي عليه.. جلال بغضب/...مال تاخذينه هاي كطنه وشيليها من اذانج. ورود بزعل/...اكرهك
جلال بغضب/..اكرهيني بس ابني متاخذي واختاري يااما مصطفئ يااما اخووج
ورود حظنت مصطفئ بحنان وهي نتردده تخاف تضل وتدخل سجن وتتبهذل ونظرة الناس للمسجونه تخاف تنحكم بحكم قاسي وتروح بيها وبقله عرفه منها وبصراع بين روحها وعقلها وقلبها اختارت وكان اختيارها خاطئ/...اريد اخوووي

كتم غضبه منها وهو يشد علئ ايده اتمنئ يضربها علئ وجهها ويصحيها من الحاله الهي بيها والتشتت العايشته ضحت بي وبالطفل مما اثار غضبه لو كايله مصطفئ يخلي عندها ويجيب ابن اخته تربي عبير لكن هي سدت الطريق بوجهه وهو عاند وياها...بسرعه اجرئ اتصال.....

جلال بجمود/...الووو عبير شلوونج؟؟

عبير بحب/...هلاووو حبي الحمدلله انت شلونك؟:

جلال بهدوء/..تمام حضروا نفسكم اليوم اجيب الطفل رموش اتصلت بيه وكالت جابت ولد وراح احجز طيارة وبسرعه اروح الاربيل واجيبه

عبير بفرحه كبيرة/...يااااااي يافرحتي والله مدا اصدك يعني راح يجينه البيبي يشرفنه؟:

جلال ببتسامه مقهورة/...اي يالله مع السلامه

عبير بفررح /...مع سلامه قلبي...

قفل الخط ورمقها بنظراته وهو يغلي منها شافها حاظنه الطفل وتتامل ملامحه بحسرة ودموعها مغركه وجهها تركها وطلع وهو مقهوور منها ومقهور من حاله

حظنت مصطفئ بووجع وهي تشهق/..شفت ابوك شسوة بيه يايمه حرمني منك مصطفئ يمه اريد امي اريد اهلي ليش اني هييج ليش اني هسه نفساء لازم امي يمي تداريني تهتم بيه ليش عافتني وراحت هيج مصطفئ تحن الي مثل مااني احن لامي بس انت مراح تتذكرني انت صغير يمه مصطفئ مراح انساك انت ابني وبكري انت ابويه وامي مااعرف شلون افاركك ياضناي ضلت تبكي وتتنحب وهي تبوس بمصطفئ وتشم بيه وهو ينظر الها ببرائه ومايعرف امه شنوو التعاني منه...
************************************
عند عبير جانت هي وديانا يرتبن بالبيت وخابرت علئ وحده بنكلادش نضفت الها البيت فرحانه كووولش بجيت الطفل بعد عده ساعات يوصل ومن عرفت ولد احتارت شتسوي وبيبيته راحت اشترت اله تميمه ذهب وهلال صغير تعلكه بشعره وكوولش فرحانين رغم جلال وهم الكل ان الطفل ابن رموش وهو متأكد اذا صار عنده طفل من صلبه يافرحه الكل ماعداا عبير

ديانا/..عمه شوفي انت خلي الكاروك بغرفة نومكم حتئ يضل قريب عليكم وعلكي الالعاب بالكاروك حتئ من يضوج يلعب عليهن..هههههه

عبير/...ههههههه اكيد حتئ نرتاح من الواق والويق

ديانا/..عمه مااعرف اني ليش حابته الهذا الطفل ومتشوقه اشوووفه عبالك صديقي ههههههه

عبير ببتسامه/...ان شاء اللة يجي وتشبعين منه شووف وزوجج اله ههههههه

ديانا بمرح/...اوووووي صار زوجي مدااا اصدك ههه بس لا ينهي عليه صووفي

عبير /...ههههههه احتمال...

رتبن اكثر الاغراض عبير رادت للطفل غرفه الوحده وترتبها بديكور خاص بالاطفال لكن ام جلال رفضت وفضلت يكون الطفل بغرفتهم اخاف يحتاج شئ ومن يكبر يسووله غرفه مو من هسه..رتبت ملابسه واغراضه ومميته ولهايه والعابه كوولهن بجرارات خاصه للاطفال وحطت كاروكه بصف سريرها وانتهت من كوولشي وقررت بس يجي الطفل تعزم اهلها وتسوي وليمه كبيييرة«عود معزومين😂»
************************************
عند حسين كان نايم بغرفته المتواضعه وهو يقلب بموبايله دخل علئ الفيس وبعدها دخل علئ جلال ضل يدور بالاصدقاء يبحث عن فيس ديانا تعب وهو يدور وملكاه بعدها شاف صورة جلال بالجيش وكاتب

فَــسَـلاماً لكم ياحُـماة الوطـن ؛؛ من قُـلوبٍ تنــآمُ وتصحــى ونبضهــا واحدٌ يدعو لكم
بالنصــرِ والسلامــةِ أينمــا تكونوا أيهـا العُظـمـآء ..
"أنـــا عـراقي ..أنــا مع جيشــي"..ولا أخشــى لومَ الاعداء ....»

ابتسم علئ خاطرته ودور بين التعليقات شاف مكتوب اسم ديانا بالانكليزي ولقبها مثل لقب عمها جلال اتأكد هي هاي ديانا قرة تعليقها وهو يبتسم علئ حروفها...كاتبه«فديتك عمووو البطل حبيبي كوولك غيرة وشجاعه ورجووله احبك...وهو مراد عليه راده عليها وحده اسمها عبير وضالات يسولفن بنفس المنشور....دخل من تعليقها علئ الفيس مالتها...ضل يبحث بمنشوراتها كوله بسيطه مناشرة صورتها بس صورتها هي وصديقاتها بالجامعه بس مخليه سمايلات علئ وجوههن
ابتسم راد يعلق الها يكتب الها «ليش مغطيات وجوهجن معقووله محلاوات؟؟» بس تراجع ميريد ديانا تعرفه شاف منزله صورة اديها وهي لازمه وردة بيضه وصديقتها مسويات علامه النصر بالصورة. ابتسم...عليمن منتصرات علئ الصراصير ههههه قفل الموبايل ونام ناس فايخه ويني وينهم...
***********************************
دخلل للشقه مزعوووج ومقهور منها اهله منتظرينه ومنتظرين مصطفئ قرر ياخذه ويسفرها دخل شافها كاعده وهي صافنه ومصطفئ نايم بهدووء طلب منها تحظر اغراض مصطفئ حتئ ياخذه..

ورود بعبرة/...عوفه بس اليوم؟؟

جلال بعصبيه /..الكل منتظرني من وراج مكدرت اتحكم بااعصابي وخابرتهم هسه شكلهم مات بطريق.

ضربته علئ صدرة ببكاء/..اسم الله بيش طالبه من عمري علئ عمرة

جلال لزم ايدها وبهدوء/..حظري اغراضه بسرعه.

سحبت ايدها منه بقووة وهي تنتحب راح لمت اغراضه وهي تبجي وتبوس بااغراضه حتئ الممه باستها وملابسه باستهن حطت ثوب الطفل علئ وجهها واجهشت بالبكاء ...تنهد عليها بضيق وطلع من الغرفه انتضرها انتضرها شافها اتاخرت راح دخل عليها شافها حاظنته وتبوس بي وتبكي سحبه منها بهدوء واخذ اغراضه وطلع وهي طلعت تتعثر بخطواتها واحساسها مات طلع من الشقه بكبرة...

ضلت الوحدها بالشقه دارت علئ نفسها وتحس جدران الشقه تريد تأكلها مر عليها شريط حياتها بين الم وقسووة وبوسه وحظنه واحتقار وذل تجمعت صور برأسها صورته وصورة مصطفئ استوعبت السوته مرت دقايق مو طوويله حست مو دقايق سنين شاب راسها وكبرت الف سنه صرررخت جزعانه ركضت للشارع مستحيل تضحئ باابنها متريد اخوها حست بعدم اهميه اخوها من فقدت ابنها تريد ابنها ركضت متوجعه نزلت درج الشقه وهي تلهث من التعب والالم وكعت علئ الدرج ولا كدرت تكمل مشوارها لازم توكفه لازم تكوله مااريد اسافر اريد ابني اريده لا اريد اخووي ولا اريد امريكا اريد مصطفئ كملت طريقها ووصلت للشارع شافت الشارع فاااارغ ولا احد موجود معناه راح انكطع الامل خسرت ابنها وحياتها ولا تكدر تحجي

صررخت بلا..يممه مصطفئ تعاااال ضلت تضرب بالارض بااديها وتصررخ نزلت مرة من الشقه الثانيه شافتها تصرخ وتضرب بروحها وهي واكعه وتلهج بذكر ابنها واكثر كلمه ترددها اريد ابني اريد مصطفئ كومتها المرة ودخلتها الشقتها رشت علئ وجهها مي وتسمي عليه وهي تقرة ايات

المرة/..خاله شبيج منوو مئذيج؟؟

ورود ببكاء/...خاله الله عليج خلي يجيب مصطفئ خابري كليله ورود رضت ومراح تسافر بس جيب مصطفئ لو اصير خدامه الرجليه بس خلي يرجعه والله مااكدر اعيش فقدت اهلي كلهم مااكدر افقد ابني خلي يجيبه

المرة بحزن/...زوجج اخذ طفلج منج؟؟

ورود بنحيب وشهقات متتاليه/..اي بس اذا تخابرينه يرجعه قبل لا يوصل الهم اذا وصل بعد ميرجعه

المرة/...خابري انتي؟؟

ورود ببكاء/...ماعندي موبايل..ولا عندي رقمه...

المرة/..لعد شلون اخابرة؟؟

ورود برجاء وألم/...متعرفين رقمه ؟؟ رقم ام علاء؟

المرة /..منين اعرفهم لا والله مااعرفهم.

تشكرت من المرة وطلعت وهي تمسح دموعها دخلت للشقه وهي تبجي دورت بين ملابسه شافت التشيرت مالته حضنته الصدرة وهي تبجي نامت علئ الارض وحست نفسها بعد متكدر تتنفس من البكاء...

ورود وهي حاطه التشيرت علئ وجهها وتبكي/...يمممه ولج يمممه تعاي شوفي شصار بيه بعت ابني برخص اريده يمه اريده اني كلبه حقيره بس اريد ابني ماانطي وج ييمممه اريدج محتاجتلج توكفين وياي اريدج يمه ووووينج ليش عفتيني تعاي راااح اموووت اكلت تراب وشبعت قهر والله يمه عافوني وراحوا خلوني وحيده اريدهم اريدهم

«يمه هواي بجوني...يمه هواي جرحوني...وحق ريحه حنانج عذبوني...بسكته ابجي بلايه صوت...بكلبي حسرة...لو امووت حتئ ميحسون اذا شافوني... يمه لو تدرين بيه الدنيا من دارت عليه...شكد جبيرة الحسرة من عافوني...حيل يخنكني الدمع..ضلمه ليلي بلا شمع...بعيني شفت الموت من عافوني..😢»
************************************
نزل من السيارة وهو شايل الطفل جان الوقت السادسه عصرا....

ضل واكف بباب بيتهم وهو ينظر الوجه الطفل شكد ماخذ من امه عبالك امه وشايلها نفس ملامحها وجمالها قبله بشفايفه بحنيه وضل محتار بين اليدخل واليرجع بعدها قرر يدخل دخل البيتهم الضخم التتركزة حديقه كبيرة تتكون من انواع الورود ومرجوحه بالوسط ومسبح صغير وكراسي وطاوله طعام بيت كبير يدل على غناهم ورقيهم... دخل للبيت شافهم كوولهم كاعدين بالصاله من شافووا شايل الطفل كلهم وقفوا بالهفه وعبير ركضت ملهووفه اخذت الطفل منه وهي تبوس بي تنهد وهو يباوع عليها لو تعرف هذا نطفه منه لا يمكن تبوسه وبعدها اخذته بيبيته وتبوس بي وتسمي عليه..

اخذته ديانا حطته بحظنها وهي تبوس بي/...اووي فديت كربووشي كربووش لك شنوو هلجمال يؤبري شوو حلوو فديت العيون شلون حلوات يكبسن«يرمشن»...ضلت تبوس بي وتعض بي وهو انزعج منها وضل يبجي ...اخذه منها مراد وحظنه.

ديانا /...عموو شنوو سميته؟؟ صدووك مصطفئ

جلال بهدوء/.. اي سميته مصطفئ

ديانا بمياعه/..حلوو بس لو مسمي دريد سرمد رباح احلئ...
جلال بجمود/...لا يعجبني اسم مصطفئ..

مراد وهو يبوس بمصطفئ ويلعبه/...حلوو اسم مصطفئ وعوفك من ديانا واسمائها الدريديه..

عبير/...ههههههه اي ونبي.بس ترة خطبت دنوو الابني؟؟

ديانا بمزح وبلهفه/...موافقه موافقه دا اريد اعرس كلوووش😂😂😂

جلال بااستغراب/...منووو ابنج؟؟

عبير انصدمت وانقهرت وفشلت/..مصطفئ ابني.

جلال فرك وجهه بتوتر وكام من مكانه/...العفوو والله تعبان الطريق طويل ومتعب والطفل بهذلني ماعرفت اتصرف ويااا يالله اخذوو راحتكم اني اريد انام..

صعد للغرفه تمدد بكامل ملابسه على السرير صعدت وراه عبير حضنته وهو نايم حس بيها بس ماانطاها اي اهتمام....

باسته برقبته/...حياتوو لويش متضايق؟؟

جلال/...لا ماكوو شئ،بس تعبان اريد ارتاح...

باسته بخده وهي تضحك/...ههههه يالله نام اليوم صوفي يزعجنه محيخلينا انام
ابتسم بضيق وهي راحت...مرت من خلال مخيلته ورود وبكائها اخذ مصطفئ وضلمها بس،هي ضحت بي محتار شلون يسفرها وهو تعلم علئ وجودها وخجلها رغم مو هواي يروح عندها لكن وجودها بالعراق يكفي بس هو وعدها يسفرها وراح يسفرها... نساها وحدها ونسئ يخابر ام علاء تروح يمها رغم فرحته بمصطفئ لكن ورود قيدت فرحته تنهد وضلت افكارة تاخذه وتجيبه عند ورود بعدها نام وهو تعبان.
************************************
دخلت عليها ام علاء للشقه ماشافتها سمعت صوتها وصوت شهقاتها صادرة من الغرفه ركضت عليه فتحت الباب شافتها نايمه علئ الارض وحاظنه ثوب ابنها وتبجي تقربت منا ورفعتها من الارض..

ام علاء رفعتها الصدرها وهي تمسح دموعها/...شبيج ورود شصار وين مصطفئ؟؟

ورود وهي تشهق/..ّااءءء اخ..أخذ ممم مصط..مصطفئ اهئ مني ااءءء اخذه

مسحت دموعها وضمتها الصدرها/...اسكتي عرفت هذا الراح يصير...

كعدت وهي تبوس ايد ام علاء وتبجي/..اهئ اهئ خاا خابري خخخلي خلي يجي ارريد مصطفئ اريده.

كومتها ونومتها علئ السرير ورود نامت معتكفه علئ حالها وضامه رجليها الصدرها وهي تبكي بصوت يقطع القلب حست ام علاء راح يطلع قلبها من كثر شهقاتها مسحت علئ شعرها الطويل وخابرت جلال.
************************************
الساعه العاشرة مساءا...

كعد من النوم شاف الكاروك بصف السرير مالته حاس باحساس الميته زوجته بيوم الولاده طفله موجود وامه ماكووو تنهد راح للكاروك شافه نايم ببراءه وسلام شاله وهو يبوس بي بحنيه وحب تنهد بضيق نزل جوة جان علئ بايات الدرج شاف اهلها وبيت اخوو كولهم يتعشوون تنهد يحس بمرارة بجوفه حتى الاكل ميشتهي

اتصل موبايله شاف هذا رقم ام علاء فتح الخط واجاه صووت ورود الباكي حس نفسه مراقب ولا حجه كلمه....

ورود ببكاء/...جلال ابوووس ايدك رجع مصطفئ رجعه مااكدر اصبر عليه اصيرلك خدامه بس رجعه الحظني رجعه اررريد ابني...

قفل الخط بدون ميرد عليها وزفر بضيق وعصبيه وطلع من البيت صاحت عليه عبير وامه لكن مارد عليهن واستغربن منه ومن عدم رده...

ركب سيارته وساق بسرعه جنونيه مسافه الطريق ووصل للشقه دخل شافها كاعده علئ القنفه هي وام علاء وحالتها يرثئ الها شعرها منكوش وزايده رونق وجمال وعيونها محمرة من البكاء ووجهها شاحب وشفايفها حمر من البكاء تنهد بضيق ومسح وجه بتوتر اما هي ركضنت عليه وهي تحظنه وتتوسله وتبوس ايده انهارت من شافت مصطفئ مو وياه حست بمدئ غبائها وتطفلها ضحت باابنها الغالي بالحظه طيش منها ولما ابتعد عنها حست اخذوا روحها نهارت نهيار تام...ابعد عنه بعصبيه

جلال بعصبيه/..شتردين؟؟

ورود وهي ترجف اديه وتشهق/...اريد مصطفئ

جلال بغضب/..مو كلتي اريد اخووي راح اسفرج الاخووج مو هذا التردينه؟؟

ضربته بعصبيه علئ صدره وهي ترجف وتبكي/..مااريد اخوي نعله علئ اخووي اريد ابني ساعات راح مني واني حاسه بالمووت اخوي صارلي سنين مفاركته ومالي شغل بس مصطفئ لااا

جلال بصرااخ وعصبيه/...ليش مكلتي من البدايه ليش خليتني اخذه الاهلي يالله حجيتي مصطفئ انسي مااكدر ارجعه مااكدر اطلع كدام اهلي جذاب

هزت راسها بعدم تصديق ودموعها غرقت وجهها الصغير وهمست/...بس اني زوجتك

همس الها بهدوء ونزل راسه المستواها/..طلكتج

فتحت عيونها مصدوومه منه/..جذاب مطلكتني جذاب ماسمعتك رميت عليه يمين الطلاك

نهايه البارت ....يتبع ...من هنا ابتدئ المشوار😘