#ذنب طاهر الفصل الثاني والعشرون 22 - بقلم سمو العراق

# ذنب طاهر...بقلمي«سمو العراق»...

البارت...19...

وصارحتها بعظيم وجدي ..
فقهقت ضاحكةً !!
قلت لم الضحك أيتهاالمغرورة ؟؟
فقالت : أيا طفلي الرقيق ..
ما الذي أستفيده أنا من حبك ؟؟
ماذا ستجعل مني ؟؟
حبيبة تخط اسمها على الأوراق ؟؟
أم صورة تخبئُها تحت وسادتك .. وتضمها إلى صدرك كل مساء ؟؟
أنا لا أريد حباً تافهاً كهذا
قلت : وأنا لا أرضى بأن أعطيك حباً تافهاً
بل سأجعلكِ عاشقةً ثملةً بمحبتي
سأجعلكِ تجوبين البلدان والطرقات
تبحثين عني ..
سأتغلغل في أعماقكِ
وسأحتل قلبكِ
وأكون أميرك

دخلت عليه وهي مزعوجه وبدون مترفع راسها وتشوفه كعدت علئ القنفه مقابيله وحطت رجل علئ رجل...

جلال بهدوء/...وهاي ديانا ياحسين شوفها وخلي تشوفك واذا تريد أسألها وهي هم تسألك ولا تستحون هذا زواج مو لعب....

حسين/....اهلا وسهلا بديانا طبعا الي الشرف تكون من نصيبي، وان شاء اللة تشوفون مني كل الخير..

رفعت حاجبه والتقت بعيونه الحاده حست بربكه من عيون حسين الجريئه الي تتفحصها بجرائه/... شوكرا بس بصراحه اني حابه اسئلك كم سؤال...

حسين بثقه/...اي اسئلي من حقج..

ديانا /...انت شنوو تحصيلك الدراسي

حسين/...اني مخلص معهد ادارة واقتصاد وماكوو تعين تعينت شرطي

ديانا بمياعه/...شكد عدد افراد عائلتك.؟؟

حسين بكلبه...عوزا هنا الطامه الكبرئ ما حسب الجهال بس الكبار/...امي و3اخوان بالبيت

ديانا بزعل/...اني دا اريد بيت الوحدي مااحب اكعد ويه العائله...

حسين بزعل/...لا بصراحه اني مااحب اكعد الوحدي واحب اكعد ويه اهلي

جلال/...جنه بدون ناس ماتنداس وبعدين شكوو بيها اذا كعدتي ويه اهله ترة مابيها شئ همه هم يعتبرون اهلج...

ديانا بعدم رضا/...بس عددهم هواي 😧

حسين بكلبه هاي واني ضام نصهم/... كولي يالله لا تضربيهم عين

ديانا ببتسامه/...ههههه لا عيني بارده

جلال /...هااا هسه شكلتوا...

ديانا بتردد/..عموو بكيفك..

جلال /..ّوانت حسين؟؟

حسين بكلبه اكون غبي اذا ارفض اله امشيج علئ السراط المستقيم/...والله الي الشرف اكيد موافق..

جلال ببتسامه/...لعد نحدد يوم للخطبه

حسين بفرحه/..خلي ديانا تحدد...

جلال../ هااا ديانا يايوم تردين...

ديانا راح تبجي/...خليها الجمعه...

جلال /...هذا هو الجمعه ياحسين تعالوا..

طلعت ديانا وحسين اتبعها بنظراته...اوف يا ديانا اذا الزمج اله ماارحم بحالج النواصه صدك نواصه بس حلوة احلئ نواصه والله...

شمرت نفسها علئ السرير وهي متضايقه ميقبل بيت الوحدها واكيد متعصب متنسئ من غلط عليها بالمول وهي تتمنى تاخذ من ارقئ العوائل ومو من عائله بسيطه وجان حلمها تزوج دكتور مهندس لكن تجري الرياح بما لا تشتهي السفن...

بعدها ابتسمت علئ شكله ورجولته شكله حلوو ويدل علئ رجولته وسمارة حلوو اكيد طاكته الشمس ومغيرة لون بشرته وصاير برونزي وعيونه الحاده ومبين لعبي مينغلب ومتكلم ضحكت وكامت شافت وجهه بالمرايه....اي شكوو بيه حلوو حسوني حوكعه بغرامي...
************************************
عبير....لك رائد مدا يقبل دا يكول انطيتها الصديقي

رائد بقهر...كلب حقير شنوو صديقه احسن مني

عبير...لا مو احسن منك اصلا واحد مهتلف بس بعد هو دا يريد يزوجها اله...

رائد...اني اله جلال اله اندمه علئ هل دكه الناقصه والله اله اخلي يبوس الايادي...

عبير...رائد انت شدا دكول معقوله انت لا يمعود جلال يحبك بس،بعد يستحي من صديقه هو نطاه اله وبعدين اذا تريد اخطبلك الاحلئ منها...

رائد...ماالكه بجمالها ودلالها...وصغر سنه اني احب هيج بنات ناعمات ورقيقات

عبير وهي تذكر ورود/...زين اذا ازوجك وحده بس،هي مو من الطبقه الراقيه بس مثل المواصفات التريده شدكول احسه احلئ من دنوو

رائد...جيبيلي صورتها خلي اشوفها

عبير...اوك حصورها الك...

دخل جلال للغرفه وشافها تخابر قفلت الموبايل بسرعه وراحتله...

لزمها من خصرها وهو يبتسم عليها باسها بشفايفها وهي بادلته بعشق ابتعدت عنه وهي تبتسم

جلال ببتسامه استهزاء/...تردين تصورين منو الاخوج ؟؟

عبير بصدمه/...صوفي دا اريد اصور صوفي ...

جلال تقرب منها وهو يلزم خصرها بقسوة/ّ..ديري بالج تصورين ديانا اذا لكيت صورة ديانا عند اخوج الطلاك مصيرج...

لفت اديه علئ رقبته وباسته حييل/...ونبي مدا اريد اصور ديانا انت متوهم ...

جلال...حذرتج

حضنته من خصره وهي تهمس عند رقبته/ّّّ..معقوله جلال اصور بنت اخوك الاخويه لا تخاف والله مو هي المقصوده...

لزمها وهو يتخايلها ورود دخل اصابعه بشعرها وقبلها بقسووة وهي ضاعت بين اديه وشالها للسرير... وهماتين طردوني..😂
************************************
ورود خابرت عليها ديانا وهي اجته ضلن كاعدات يسولفن ويضحكن وبعدين ديانا اخذت ورود وجابت عده الحفافه وكعدت تحف بيها ورود كل شويه مهزومه منها رتبت حواجبها سوتهن كوولش حلوات وانطتها المرايه....

ورود ببتسامه وهي تباوع بالمرايه/..ّالله عاشت ايدج كوولش حلوات..

ديانا ببتسامه/...وبعد اصبغ شعرج يصير يجنن

ورود بخوف/...لا لا امي متقبل وحييل مهتمه بي جانت تحطلي حنه وصفات مال عرب وتضفرة لا تخربينه وتصبغي...

ديانا /...لا هذا صبغ بالاعشاب خالي من الامونيا ميضر الشعر...

ورود/...اخاف يكطع شعري...؟؟

ديانا/...لا تخافين ميكطعه

ورود باستسلام/...بكيفج..؟؟

جابت الصبغ وخلطته وجابت فرجه وكب بلاستك بللت شعر ورود وتعجبت علئ طوله ونعومته مشطته وصبغته الها ولفته...ورة ساعه غسلته الها ومشطته وشسورته وكوته بالكاويه وصار يجنن وناعم

ورود بفرحه وهي تحرك بشعرها بعبث وتقدم بعض خصلاته/...كووولش حلوووو عاشت ايدج

ديانا/...مو دا اكولج يصير يجنن متاخذين الحجي

ورود بشكر/...تسلمين ديانا تعبتج...ان شاء اللة اخدمج بعرسج...

ديانا/ّ...هههههه ولوو حبي يدللووو الحلوين

انفتح الباب فجأة وهي انصدمت اما هو فتح حلكه مصدوم من جمالها وحلاوتها ضل مركز بنظرة عليها وهي صارت ورة ديانا خجلانه منه

ورود بخجل وخوف/ّّّ..ديانا عفيه حجابي

ديانا انطتها الحجاب/...اكولك مراد انت الئ متئ تضل هيج همجي يمعود دوك الباب كول اكوو ناس موجوده

طلع بدون ميرد عليها ورود معلقه بذهنه صورة جميله انيقه بدون مبالغه حس بااحساس جميل الاول مرة يجتاح روحه احساس واحلئ،احساس احساس بالحب اعترف النفسه بااعجابه بورود يمكن يكون اعجاب مو حب ابتسم وراد يتأكد من مشاعرة تجاها...

اما ورود ضلت تاكل بروحها بخجل /...يالله هسه شيكول عليه قليله ادب ماعندي تربيه والله عيب انوب شاف شعري شلون ورطه واصلا حرام والله عيب هسه،شيكول عليه مو مؤدبه...

ديانا بحب/...ميكول شئ والله لا تخافين اصلا مراد كووولش سبورتي وماعنده هاي السوالف عادي اخذي راحتج.....

لبست حجابها وتشكرت من ديانا وطلعت نزلت الدرج شافته كاعد علئ القنفه وهو صافن مشت مبتعده وبسرعه اما هوو وقف اله وهو يرمقها بنظراته ويبتسم علئ خجلها يريدها اله وميحس اكوو منافس اله بيها وهو مايعرف عمه اكبر منافس اله..
************************************
يوم الخميس...بيت ام حسين...

جانت صايره الهم خبصه وطكه وطيح وناس ملتمه وعازمين ومسويين غده واخواته جايات واخوانه وجهالهم وعبالك مضاهرة بيتهم...

حسين بصياح/..ّكلمن تاخذلها طفل طفلين مو تاخذن العشيرة كوله

اخواته/...يااا المن ماخذينهم للهوسه ولا طفل،يروح انخليهم هنا...

حسين /...اي عفيه

اخواته ماقصرن صعدن الجهال لي كدام وختلنهم بدون محد يعرف وصعدن وصعدت العجايز والنسوان وراحت مشايع مال زلم وترسوا الكيات ترس

اما حسين جان لابس بنطرون كحلي ويلك كحلي ولابس قميص ابيض وردانه كت ولابس،ساعه ماركه ومسوي تسريحه وريحه عطرة تارسه الكون وطالع كوولش حلوو ركب بسيارة صديقه النترا وانطلقوا البيت ديانا...
************************************
ديانا اجت من الصالون كانت لابسه فستان قصير بدون اردانات ولونه تركوازي بارز بياض بشرتها ومسويه تسريحه بسيطه وراخيه وكولها برم وحاطه مكيااج برونزي ولابسه حذاء كوولش عالي وجان فستانها كوولش مفضووح

زينوا البيت بالورود والنفاخ ورتبوا واجن صديقاتها كولهن لابسات فساتين قصار وحلوة وشغلن الديجي وضلن يركص وكومن ديانا وديانا عود ضايجه ذبت لحم وتكسر تكسر علئ اغنيه«دكني الله يالدنيا ما جنه حبينه دك دك دكني اركصن عود😂»
************************************
طلع من الحمام بعد مالبس ملابسه لبس بنطرون اسود وقميص سمائي فاتح برز عضلاته وجسمه الرياضي لبس ساعته ورش عطر ومشط شعرة

شاف عبير لابسه فستان اسود طوويل وردانه تور خفيف لبست فوكاه بليرة طويله هناك تنزعها ولفت شالها بااهمال وعدلت لبس مصطفئ ورشتله عطر وهي عطرها يشعش وحاطه مكياج اوفر

ابتسم طلع فونه ودز مسج لورود كتب.

«تجين اليوم للخطبه»..ّعرفها مترد..

انتظر شويه ووصلته رساله قراه وضحك بصووت عالي وانتبهت عليه عبير....

كاتبه...«نعم..وساارتدي فستاني الاحمر القصير واتئنق باحمر الشفاه قليل من السواد في،عيناي وانثر شعري واتعطر بعطرك الارتيني ياكافر...وانتظرك هذه اليله لنرقص علئ صوت الموسيقئ الصاخبه...»

كتب اله...«تبا...تبا...تبا...هذه الشقيه تعبث بافكاري اذا لنلتقي صغيرتي لن ارحمك ياشقيه😘»

عبير بتساؤل/..ّشكووو شبيك تضحك؟؟

جلال بهدوء/...ماكووو شئ صديقي دا يراسلني يالله كملتي امشينه....

طلعت هي وياه شايله مصطفئ وهي تباوع الاناقته وجماله وبودها ميروح للحفله تخاف يخطفنه وتعتقد اقارب العريس همج بسرعه ينعجبن بجلال ويوكعن بغرامه وهي متردي زوجه واقع بوادي ورود...

طلع من البيت وركب بالسيارة امه ركبت بالصدر وعبير هي ومصطفئ ورة...وانطلقوا البيت ام مراد
***********************************
وصلت الزفه ودخلوا وديانا انصرعت من شافت اقارب العريس كولهن لابسات عبايه وكلمن وياها خمس جهال والهوسه مال النسوان وكومه مال عجايز وكعدن نص علئ القنفات ونص علئ الارض والجهال عرك بيناتهم

ديانا بصدمه وهي تريد تبجي/..ّلج اسوو هاي شنوو ليش هييج هاي عبالك جايين الفاتحه ليش،لابسين عبي لا عفيه اسوو كولي هذول مو عيالي

اسو بااحباط/...لج كوله من وراح كوتلج خلي اخطبج الدوريد اخويه مقبلتي...

ديانا بقهر/...لج لو ادري هيج جان ازوجت دوريد لج دا اريد ابجي.

اخت حسين وهي لازمه ابنها/...لج وين حذائه مؤمل بس لا نسينها بالسيارة دهر صابجن...

بناته/...شمدرينه

ديانا بقهر وهي تحاجي اسوو/ّّّ..عزااا العزاني لج شنوو هاي شكد عدهم اطفال اشوو احنه بس،صوفي وكوة اجه...

اسووو/...اصبري دنووو

ديانا شافت ورود كاعده وفاتحه شعرها ولابسه فستان احمر قصير وطالعه تجنن اشرت عليها واجتها

ورود/..ّهااا ديانا ؟؟

ديانا/...جيبي الفون مالتي دا اريد اخوذ صور وياج ويه صديقاتي..

ورود/..تمام بس كون محد موجود......ديانه اكدت الها محد موجود ومراد بصاله

راحت ورود طلعت من الصاله وصعدت الدرج لبست حجابها بااهمال ودخلت الغرفه ديانا...
***********************************
دخل جلال للحديقه وقف اما المرايه وهو يحرك بشعره اجه مراد...

مراد بمزح/...والله حلوو تخبل احلئ عم بالعالم

جلال بضحكه/...هههههه احس شعري ممرتب

مراد/...بغرفتي سبريه يخبل خمطته من ديانا روح خلي منه ورتب شعرك

جلال بضحكه/...ههههه اوك

راح دخل من المطبخ بدون مايروح للصاله المتواجده بيها النسوان وصعد الدرج دخل مشط شعرة ورش سبريه ورتب شعرة بيه رش عطر من مراد وطلع وهي طلعت وياه من غرفه ديانا التقئ بيها

وقفت هي مصدومه اما هو ابحر بعيونه الوجهه البريئ وعيونها الحزينه استقرت عيونه عند شفايفها الحمرة وبعدها علئ عنقها الشفاف وصدها النافر اما خصرها يكاد ان يمزق ذالك الفستان ابحر بعيونه الساقيها البيضاء

ركضت هربانه من لكن هو كان اسرع منها وثبتها علئ صدرها وهو يركز بعيونها وملامحها الاثييرة مسح بااصبعه احمر الشفاه من علئ،شفته ونزله علئ حنكها وهمس الها بنبرة هادئه رومانسيه...

جلال وهو يحط خشمه علئ رقبتها/...محد كلج انتي عسل علئ قلبي؟؟

ورود بخووف/...عووفني

رفع وجهه وسط مقاومتها وقبلها بحنيه علئ،شفايفها بعدته عنها وهي تسب بي ورفعت اصبعها بتهديد وجان شكلها كوولش مغري/...لا تلمسني فاهم

ابتسم علئ شكلها المتعصب وهمس الها/...هديه هاي البوسه اسبوع كامل مصطفئ عندج وسفرة الاربيل

ابتسمت فرحااانه وهي تركض عليه حضنته بحنان فرحانه بكلمته اسبوع كامل مصطفئ عندها.

ضاعت بحظنه وعبالك بنته...حظنها وهو يبتسم ويضمها الصدرة...وهمه غير مدركين بالشخص المراقبهم من اول ماحظنته ورود...

نهايه البارت... يتبع...

وقفه...«هلاوو بنات انت مجاي تعرفون شكد اتعب بالبارت يعني اكتب الفين كلمه ولازم اسرد الاحداث واتسلسل بيه والحساب هذا مو مالتي هسه استلمته ودائما يصير بي خلل لذالك اني ممتقصده وياريت تتفهمون الخلل لدايصير كل بارت انشرة نص يطلع عندهم ونص لا واصلا اني مرات تنحذف عندي القصه باكملها....وشكرا حبيباتي تعليقاتكم كوله حلوة 😘

هذي السكرينات واني احاول ارجع الحساب وارجع البارت حدثته يالله رجع 😢😢