#ذنب طاهر الفصل الثالث والعشرون 23 - بقلم سمو العراق

#ذنب طاهر....بقلمي «سمو العراق»😚

البارت العشرين......

لذا عُدت لهذه الغرفه
وموطن العزله
تركتُ أراضي الغربه
ومُدن الأحزان العتمه
بعيداً عن شراسة الأوغاد الكفره
عُدت إليكِ يا بيضاء
وجدتكِ تبكين كما ودعتكِ أخر مره
عُدت إلى موطنكِ ودفءُ صدرك
عُدت لـِ شعركِ العائم
المتدلي إلى خصرك
عُدت لدهشة موجك
عُدت إلى عمقك لم أحتمل بعدكِ
عُدت إليكِ
لـِ نسيان حزناً أبى أن ينقشع
دون احتساء ضوء عينيكِ

جانت ناويه تصعد فوك تجيب معطر الجو صعدت وشافت المنظر الي صرعها بمكانها شافتهم متحاضنين وهي ضايعه بحظنه فركت عيونها وهي تكذب الحقيقه لكن هذا مو حلم هذي حقيقه...ضلت واقفه بمكانه متجمده وهي تركز بنظرها عليهم

ابتعدت عنه وهو حاط اديه علئ خصرها الناعم حطت اديها علئ اديه تبعده عنها...سحبها ومنعها من الهروب....

همس الها برومانسيه/...فرحااانه؟؟

ورود بخجل وخوف /...اي كووولش فرحانه

حط ايده جوة حنكها ورفع وجهه اما هي غمضت عيونها وحطت ايدها علئ شفايفها تمنعه من تقبيها
ابتسم علئ خجلها وقبلها بعنقها وخلاها تفتح عيونها مصدوومه باوعت لعيونه خجلانه وهو همس اله انتي عسل...

اما الشخص الكان مراقبهم .نزلت وهي مصدومه من دون مايحسون بيها حطت ايده علئ شفايفها مصدووومه متوقعت حماها يسوي،هييج ويه منوو ويه وحده زعطوطه بنظرها ويه وحده مهجره احتقرت ورود حيييل حاضنه جلال وهي لتحسها بريئه وخجوله

ام مراد بغضب/...ّعزاا بعينها الكلبه الحقيرة شلون نايمه بحظنه صدوك لو كالو كيدهن عظيم وهو شبي حاظن هل زعطوطه وعايف مرته والله مجاي اصدوك الدا يصير معقووله جلال تضحك عليه وحده جاهله
والله اله اطردها مااريد هيج حثاله ببيتي لازم اطردها لا تلتف علئ مراد

اما عند جلال لبعده حاظن ورود وهي تحاول تبعده انتبه الفستانها الاحمر القصير وتذكر رسالتها الفصيحه...

همس الها بهيام/...نايس يالاحمر

دفعته وكدرت تخلص نفسها منه نزلت تركض وهي شايله فون ديانا....وهو نزل وطلع من باب المطبخ بعد مااتاخر علئ الناس...

انطت الفون لديانا وديانا كعدت تصور هي وصديقاتها وتاخذ سيلفي....بعدها صاحت الورود الواكفه علئ صفحه...طلبت تاخذ وياها صور.

ورود بتردد /...خاف ابو مصطفئ ميقبل

ديانا بااستغراب/...ابو مصطفئ شنو دخله؟؟

ورود انتبهت علئ روحها وبلبكه/...هااا لا بس اي لا موو يعني اكول خاف ميقبل تاخذون صور خاف ينشرن...

ديانا بعدم اهتمام/...لا ميكول شئ اصلا عندي حافظه بس صور الاسناب...من غير الصور العاديه

تقربت من ديانا وعدلت فستانها وقدمت بعض الخصل من شعرها قدام وجهها وحطت ايده ورة ضهر ديانا واخذن كم لقطه وطلبت من ديانا ترسلهن الموبايلها علئ الفايبر وديانا وافقت ترسلهن الها

بعدها دخل طفل وكلهم راح يدخل حسين يعقد علئ ديانا ورود بسرعه لبست صايتها ولبست حجابها اما عبير لبست حجابها وغطت اديها بحجابها وديانا لبست عبايه مال صلاه لان فستانها مفضووح وضلت تنتظرة حسين....

دخل جلال وهو يدخل حسين وياه مراد انتبت اله وابتسمت جانت تحلم بشوفه مصطفئ ومحرمها منه اسبوع كامل انتبت عليها ام مراد وشافته بادلها النظرات لثواني خزرت ورود بقهر وقررت تطردها...

دخلوا مراد والشيخ وحسين الغرفه ام مراد يعقدون بيها وجلال اخذ ديانا يدخلها تعقد لزمته عبير بدلع كدام الكل...

عبير بدلع/...حبيبي دا اريد اخوذ صور اني وياك وصوفي....

جلال بهدوء/...اي خلي نعقد لديانا وبعدين ناخذ صور

جانت نظرات ورود مركزة عليهم ونظرات ام مراد مركزة عليها....دخل جلال وطلب من مراد يطلع يروح يم الناس عيب يضلون وحدهم وطلع مراد وجلال قفل الباب وكعدوا يعقدون

ام مراد تقربت من ورود/...احم اكولج عيني خولصت الحفله شوكت ترحين البيتكم..؟؟

ورود حست نفسها انظربت راشدي وانصدمت/...هااا خاله؟؟

ام مراد بحقد/..من كال هااا سمع...روحي البيتكم امج بحاجتج وهذ هو الحفله خلصت هم العالم راح يرحون وبعدين احنه عدنه ولد شباب وجودج هنا غلط....

ورود بعبرة/...اي صح من حقكم العفوو ازعجتكم يالله مع السلامه ومبروك لديانا

طلعت وهي تجر ثياب الذل والقهر ام مراد قهرتها وطردتها بنزاكه

انضربت بمراد بالباب...

مراد لزمها من كتفها وهو يعدلها/...بسم الله شبيج دعمتيني راح ناخوذ فصل منج لو اخذج فصليه هههه

ورود بنحيب وفشله ابتعدت عنه/...اءءءء العفوو مراد مشفتك

مراد بااستغراب/...انتي دا تبجين؟؟

ورود وهي تمسح دموعها/...لا عندي تحسس من الكحل...

تركته وراحت وهي تمشي بقلب مكسور مهضوم محطم حد اليأس وهو اتبعها بنظراته وحزن عليها حس اكوو شئ يمكن وحده من البنات فشلنها او احتقرنها وتحججت بكحلها شافها دخلت للمشمتل تنهد ودخل للاستقبال....

دخلت للبيت كعدت علئ القنفه وحطت اديها علئ وجهها وضلت تبجي اجت ام علاء اول مسمعت صوت بكائها من المطبخ حضنتها بحب وهي مفجوعه من بكائها مسحت دموعها وسئلتها....

ام علاء وهي تمسح دموع ورود/...شبيج منوو ويااج

ورود وهي تشهق من البكاء/..اهئ ماكوو شئ؟؟

ام علاء بزعل /...احجي ورود انتي مو تعتبريني بمثابه امج احجي منوو زعلج عبير غثتج بشئ؟؟

ورود وهي تمسح دموعها/...لا مو عبير هاي ام مراد طردتني...

ام علاء بصدمه/...طردتج؟؟

ورود وهي تشهق/...اي والله مسويت شئ والله وساعدتها بشغل البيت وكوله اني اوزع العصاير والكيك وشتطلب مني اكلها حاضر وعبير بس كاعده وتمكيج وكولشي مسوت وهي كاتله روحها عليه واني من شافت خلصت شغلتها مني طردتني كلهم يستغلوني ويكرهوني ميحبوني والله مسويت شئ

ام علاء حضنتها/...خلي يولون بعد لا ترحين الهم انتي مو بحاجه الهم اني يمج

ورود /..اني مميته عليهم اني اريد مصطفئ رحت لعيون صووفي حبيبي

ام علاء حضنتها/...يالله حبيبتي لا تتحسسين من كولشي انسي،يالله لا تفكرين

فزت فرحانه من حضن ام علاء/...ام علاء مكتلج جلال حياخذنه اني وانتي وصوفي الاربيل نضل هناك اسبوع كااامل ياااي شكد فرحانه بس خربت فرحتي ام مراد...

ام علاء بفرحه/...صدك يااا الله شكد مشتاقه اروح الاربيل همزين راح نسافر...
************************************
بعد ماعقدوا مهر طلعت ديانا وكعدت علئ القنفه ونزعت العبايه وحسين كعد يمها والنسوان واخوته يهوسن ويطشرن جكليت وجهالهم تلمه

حسين جان يسرق النظر لديانا وهو بعده مشايفها نزل عيونه الساقه البيضاء والنحيفه...

حسين بكلبه....بووويه روح حسين شلون صيده وروح ابوي جنها طحين صفر عود مثل اخواتي جنهن طحين الحصه...

انتبه علئ اخواتي يهلهلن ويركصن وجهالهن وياهن انصدم عود هاي محذرهن عض شفته...بوويه اذا اوصل والله اله اكطع عليهن العشاء علئ هل دكه الناقصه...

حبوبته تهوس....حسوني وعيونه وساع من شفته حبيته بسااع....بس كون سالم يالولد كل يوم ازفلك مرة....وطب«ركعتهم بصم مال جكليت»

ديانا وهي تلزم وجهه/...اوووي هاي شنو عبالك دا تشمر حصووو هاي منووو؟؟

حسين بهمس/...هاي حبوبتي حاضرة بعرس هتلر الله يرحمه

ديانا ابتسمت /..ّولويش هيج الجوكليت مالتها عبالك حصوو يابس...

حسين بمرح/...مو جانت ضامته من ثورة العشرين لاتخافين هسه كرمش وجكجك يعلسونه علس

ديانا بتساؤل/...منوو القطط مالتكم؟؟

حسين بضحكه/..هههاي لا ولد اخت...ماكمل كلمته دفعته اخته علئ ديانا وهي تهوس...« حبها ولك حبها ولا تخاف من امها» واجن اخواته دفعنه علئ ديانا وهنه يردنه يبوسها ويهوسن وهو وكع عليها.

حسين صار فوك ديانا وهي جواه وتحاول تفلت منه خنكها هو واخواته واخته تضرب بي...حبها ولك لا تستحي....حسين لزم ديانا من وجهه وباسها بخدها

والجهال تصرخ وتصفك«ههههههي باسها»

ديانا كامت عدلت نفسها وهي تتذمر/ّ..اووي كوسرت ضهري شنوو هاي وين الاتكيت

حسين بكلبه...ياا اتكيت والله عبالك داخل معركه مو ماخذ بوسه...

اسوو كومتهم طلبت من حسين يحط ايده علئ خصر دنوو وانطت لديانا قطعه صغيرة مال كيك بالجطل وقربتها من حسين وطلبت منهم ياكلوها اثنينهم بنفس الوقت...وحسين داخ من الحركه هاي التهم الكيكه وشفايف دنوو...

حسين بكلبه...الف رحمه على والديج اسوو علئ هاي اللقطه مو مثل اخواتي كسرنه تكوسر..«بصوت دنو» صخول ميفتهمن بالثقافه...

ضلوا يسون لقطات واسوو تصور ولبسوا الحلقات وشربوا العصير وكل حركه يسويها اخواته ونسوان اخوو وجهالهم يصرخون...«ههههههههي ويصفكون»

خلصت الحفله وديانا تمنت بس،يطلعون راحوا ركبوا بالسيارات وحسين عاف سيارته وصعد ويه اخواته وهو يغلي منهن...خزرهن.وهنه غلسن وسون روحهن ممهتمات

حسين بده بالرزاله/...ما تستحن مو عيب كلمن مااخذه الفيلق مالته وانوب كل مااسوي حركه وعطتوا «هييييي» شكووو مكول علئ نادي برشلونه والله اني الجن اليوم عشا ماكوو واريد وحده تفتح الثلاجه...

اخته/...دهر صابك كرمش اكعد لاتوكع من الجام... شبيك حسين هاي واحنه فرحانين اذا هيج حتئ للعرس منجي

حسين/...هو وين اكوو عرس هسه يخابروني يكولون تعال افسخها قرودتجن حتئ الحديقه فلشوها لا خلوا ورده لا خلوا زرعه...

خلنه يحجي الوحده وهنه كعدن يسولفن وساعه يهوسن وساعه يركصن وساعه يكتلن الجهال.😂
************************************

يوم جديد...الساعه الخامسه صباحا....

طلع من الحمام لاف المنشفه علئ خصرة وعبير نايمه طلع ملابس من الكنتور ورجع للحمام بدل لبس، قميص جوزي وبنطرون اوفوايت ورش عطر ولبس ساعته ومشط شعرة شاف عبير كعدت وهي تفرك بعيونها...

عبير بدلع/...اءءء هاا حياتوو كعدت صباحوو

جلال ببتسامه/...صباح النور اي كعدت يالله حظري مصطفئ وسويله جنطه وحليبه لا تنسئ وهمات اريد ملابس الي...

كامت وهي لابسه ثوب نوم اسود ستن وشعرها مفتوح تقربت منه وهو لزمها من خصرها قبلته علئ الشفايفه وهو تجاوب وياه..ابتعدت عنه

عبير وهي تلمس شفايفه/...دا اريد اروح وياك

جلال ببتسامه/..ّلا حبي غير مرة نروح لبنان مو اربيل بس هسه اريد اروح الوحدي لان احتمال التحق مناك

عبير بزعل/...براحتك..

جلال سحبها من خصرها وقبلها/...لا تزعلين اخذج لبنان بس ارجع

باسته بحب وهي تغري وبعدها ابتعدت حضرت مصطفى وجنطه اله واخذهن وراح ركب بسيارته وراح للشقه مسافه الطريق ووصل اتصل علئ ورود ونزلت لابسه صايتها ولازمه جنطتها...

ورود /...صباح الخير جلال خلي ننتظر ام علاء مدري وين طست...

جلال بكذب..هو متفق ويه ام علاء تروح للداخليه وتكول عندها شغل /..اي عدها شغل بالداخليه بس راح تروح قبلنه بطيارة يالله اصعدي..

ورود بتساؤل وشك/...احسك جذاب؟؟

جلال بثقه وضحكه/..ّههههه مو جذاب اذا تردين اسئليها؟؟ وخابريها..

صعدت وهي خايفه وشاكه بي شافت مصطفئ وابتسمت ضمته الصدرها وهي تبوس بي وتلعب بي وجلال يباوع عليها ويضحك وبعدها شغل اغنيه «ااه منك منقهر ولا بقئ عندي صبر ولا تبررلي خطاك ماابي اسمع عذر ماابي اسمع عذر...راشد الماجد..»

باوعت عليه وهي تحبس دمعتها/...جلال هاي اني الاعاتبك بيها مو انت

تنهد وهو يطفئ الراديوو...وانطلقت السيارة. ومساافه طوووويله وصلوا للسيطرة والجيش وكفهم
الضابط المروري وطلب جناسيهم وعقد الزواج

ورود ضلت ترجف من الخوف وجلال تدارك الموقف/..هذا عقد الزواج وجنسيتها ضايعه وهذي جنسيتي وهذا هويتي ضابط بالجيش..حط ايده علئ اسم ورود وهو يخفي اسمها هذا عقدنا..

الضابط وهو يقلب بالاوراق/...هذا هوو تفضلوا سفرة سعيده ان شاء اللة

مشت السيارة وهي تتنفس بصعوبه وبدون ماتدرك عرفت نفسها جانت لازمه ايده بعدت ايدها بعد ماحست علئ نفسها

جلال/...ههههههههههه شبيج خايفه

ورود بحسرة/... بالحظه ائيست من الفرج وشكيت بروحي وبيك والف موقف مر براسي كلت يمكن جابني هنا حتئ يسلمني للجيش ويتخلص مني وياخذ طفلي ويضلمني بزايد ويعدم ذكري ولا يتذكرني...

جلال...من كل عقلج اسلمج انتي غلطانه لو اريد سلمتج من زمان بس اني مااريد المهم الج نفس بالعراق هذا اليهمني...

نزلت راسها مقهورة/...شلون انت مطلكني والعقد بعده...؟؟

جلال بجمود/...عادي ماسقطته ضل عندي بس رميت يمين الطلاق...

ضاجت حيييل ومسافه طويله ووصلوا دخلوا لفندق
خمس نجوم ودخلوا جنطهم ضلوا كاعدين حست بي يريد يتحارش بيها خلت وشردت واخذت مصطفئ والجنط وسدت الباب ضحك عليها وطلع...

***********************************
عند ديانا تباوع بالصور هي وحسين طالعين كوولش حلوين ابتسمت وهي تقرب الصورة علئ حسين ضحكت من تذكرته من اكل الكيكه وخجلت تذكرت من باسها بعدها قررت تفاتحه بموضوع بيت الوحدها لان متكدر تعيش ويه الجيش مالتهم والحشود المتجمعه بيتهم اجتها رساله من عبير..

دنوو حبي ارسليلي صورج وصور البنيه جيرانكم

ديانا...اوك عمتوو يدللووو

رسلت صورها وصور حسين وصور ورود وهي متدري بخبث عبير وشنوو راح تسوي...
************************************

ماسمعت صوته فتحت الباب شافته مموجود ابتسمت راحت فتحت الثلاجه جابت مي واجت شربته ونزعت حجابها وصايتها جانت لابسه بنطرون كابوي ازرك وبدي طويل ابيض ونص ردن كعدت تلعب بمصطفئ وتبوس بي وتدغدغه وهو يلعب بادي كعدت تغنيله وتبوس بي...

«عصفوري طل من الشباك وئلي،ياوردة خبيني عندك خبيني دخلك ياوردة...ئلتلوا جاي من وين ..ائلي من الئفص هربان...ئلتلوا ريشاتك وين ائلي رفرفها الزمان.....

دخل وشافها تغنئ وتسوي اديها مثل الطير الطاير تقرب منها وحضنها من خصرها وهي صرخت وحاولت تبعده عنها ابتعدت وكعدت علئ طرف السرير.

ورود رفعت اصبعها بتهديد/...لا تلمسني ...يمه صوفي شوف هذا الرجال يتحرش باامك يالله خلي يهتزن شواربك كوم بعد امك كسرة تكسر هذا الشايب العايب...

سحبها بقووة وسط مقاومتها ومددها بحظنه ولزم وجهه الصغير بيده/.ّ.والله مصيفي اذا اهتزت شواربه علئ ابوو ازينهن صفر...

نومها علئ ضهرها وقيد اديها وسط مقاومتها قبلها بكل انحاء وجهه وستقر عند شفايفها باسها وهي تضرب بي حس بدموعها تنزل ابتعد عنها ومسح دموعها...

ورود ببكاء/..لا تلمسني مااحب الحرام...

جلال مسح دموعها حضنها وضمها الصدره/..اش ماالمسج يالله لا تخافين يالله نامي ...حاولت تبعد بس هو تمسك بيها اكثر لزمت قميصه وهي تبجي ةهة يبوس شعرها ولا سمح الها دكوم من حضنه نامت ودموعها ماجفن من عيونها وتركته يحتظنها هي ماعندها قوته ولا بنيه جسمه لذالك استسلمت للنوم وهو ضل طوال الوقت مراقبه وكل شويه يبوسها....
************************************
كانت نايمه علئ السرير وهي تحاجي بااخوها

رائد...انخطبت ديانا اني اله جلال اله اوكله تراب

عبير...يمعود هسه هي شنوو دنوو جبتلك الاحسن منها ولا تندك ويه جلال..

رائد...بعدها صورته بالي متروح من خيالي حلوة وناعمه احب الناعمات احسهن يضيعن بحضني

عبير ...ورود احلئ وانعم من ديانا اذا شفت صورتها تتمناها هسه وتتخبل عليها

رائد بخبث/...ارسليها...

عبير قصت صورة ديانا وخلت بس صورة ورود ورسلتها اله...شويه واجاها الرد...

رائد...انعل ابو ديانا اذا اجت بجمالها اريدها حتئ،لو بالحرام وشتطلب اني حاظر اغركها بالفلوس مو كلتي مهجرة...

عبير...اي مهجرة اجيبلك رقمه واتفق وياها بس اني طلعني من الموضوع ترة جلال ميحب اتدخل بهيج مواضيع...

رائد...ههههه خلي يطير هو وبنت اخوو لكيت الاحلئ منها...

نهايه البارت....يتبع...

توقعاتكم وتصويتكم يهمني...كونوا هنا كونوا بخير😘