#ذنب طاهر الفصل الرابع والعشرون 24 - بقلم سمو العراق

#ذنب طاهر....بقلمي«سمو العراق»😚

البارت...21

هل فكرت معك جذبي
بأن الحب تضحية وايثار
تفاهم و استقرار و امان
معك اعيش الصدمات ... الخوف و البكاء
لي في الحياة رغبة و هي ان أعيش حره
حتى لو للحظة
أكون أنا صاحبة القرار
أنا الان ميته و باطلاقي أعود حيه
تحاصرني ...تقاتلني و تقتلني
و تقول أهواكِ يا حنيني
تريد مني ان اكون نبضك
روحك و قلبك
فاقد الشئ لا يعطيه
هل تفهم !!!!

كعدت من نومها شافته واقف علئ البلكون وفاتح الشباك وهو يدخن كان لابس تشيرت اسود ضيق بارز عضلاته ولابس بجامه رصاصي اول ماحس بحركتها التفت عليها بالهفه...

جلال....صح النووم ياحلوو

ورود سحبت حجابها وغطت شعرها ومعرفت ترد كامت من مكانها واعترض طريقها وقفت وهي متعصبه مسكها من خصرها وقربه عليه

جلال...وين رايحه صبحي عليه

ورود بتنهيده...صباح الخير يالله اريد اروح للحمام

جلال بحب...ليش تتهربين مني؟؟

ورود...اسئل نفسك....

جلال بهدوء وهو ينفخ الدخان...زين خلينه نتفق اني صديقج وانتي صديقتي...شنو رئيج؟؟

ورود وهي تلزم ايده تريد تبعده.... جلال ائذيتني وخر اديك وبعدين هاي شلون صداقه يعني انت هيج تتحرش بااصدقائك وتبوسهم؟؟

جلال...ههههاي لا تلعب نفسي منهم بس انتي الج معزة خاصه لذالك صداقتي وياج تختلف ..

ورود بتنهيده...الله يذبك بالنار لان حرام عليك اني مو ملكك وهذا الشئ حرام...عادي سوي التريده بوسني واحضني اني مجبورة بس انت ممجبور

جلال ببتسامه....لا مو حرام انتي ملكي

ورود بزعل....ليكون ورث من الخلفوك واني ماادري؟؟

جلال حضنها...هههاي ويلوموني بحبج اليوم نطلع سفرة نروح الشلالات جومان اربيل شنو رئيج

ورود ببتسامه....اوك نروح يدلل عموو ابو مصطفئ

جلال ببتسامه...لازمج عقوبه علئ كلمه عموو

شالها وهي ترفس برجليها وتريده يعوفها نومها علئ السرير وتقرب منها ودفن وجه برقبتها فتحت عيونها مصدومه حاولت تبعده مكدرت ثبت خصرها باديه وهو يفتح ازرار بديها ويحرقها باانفاسه باسها بشفايفها حيييل وهي تحرك راسها يمين ويسار رجع باس رقبتها...اما هي رادت تخلص نفسها منه عضته برقبته حييييل ارخئ اديه من عليها وهي فكت اسنانها منه وكامت تركض لزمت بديها من ناحيه صدرها ودخلت للحمام...

قفلت باب الحمام وهي تباوع بالمرايه الرقبتها وكتفها....عزا بعينه ماكلني اكل واني عبالي بك

مررت اصبعها علئ شفايفها وهي تعيد تقبيله الها كمزت من سمعت الدك علئ الباب...

ورود....خير شتريد:؟

جلال...افتحي الباب ليش عضيتيني؟؟

ورود بعصبيه....تستاهل منو كلك تحرش بيه؟؟

جلال ببتسامه...اوك بس بصراحه علامه حلوة انبشر بيها ام علاء واطالبج كل اسبوع بوحده اذا راح الأثر

ورود بغضب...لا الثانيه اسويها الك ساعه بيدك واعلمك شلون تتحرش بيه يا منحرف

جلال...هههههاي اطلعي من الحمام لا يدخل بيج جني

ورود بخوف....احلف اذا طلعت متتحرش بيه

جلال...وداعت مصطفئ مااتحرش بيج

طلعت متحذرة منه باوعت عليه ومشت بحذر وعيونها تترقبه اما هو ضحك عليها راحت شالت مصطفئ وباسته سوتله ممه وكعدت ترضع بي وتمسح علئ شعرة وتبتسم كعد مقابيلها ابتسم عليها وضل ينظر الها بحسرة اتمنئ عرفها من قبل لا يزوج عبير يجعلها زوجته ويجمعها باابنهم ممرتاح ويحس بتشتت ام ابنه مقهوره وهي طفله وطفلها بعيد عنها

تنهد..ب اااه

ورود بااستغراب...شبيك ؟؟

جلال...ضايج...

ورود بعبرة...اني السبب؟؟

جلال ...ياريت السالفه ضاله بس عليج عوفينا من هذا الحجي اليوم العصر بدلي حتئ نطلع اوك

ورود ببتسامه...اوك بس ترة البس بنطرون لا دكول مااقبل كرايبك كولها تلبس،بناطير وبعدين انت،ماالك حق عليه مجرد طليقي بس لان ابو مصطفى اني محترمتك وجاي اخذ رئيك

جلال...ههههه فديت التحترمني...اوك البسي بنطرون بس البسي قميص طويل...

ضحك عليها وقبلها بخدها وهي ابتعدت وطلع من الغرفه....ابتسمت بخجل وباست مصطفئ،حيييل وهي تضحك ضمته الصدرها وهي تحس بفرحه بسيطه ماتعرف شنو سببها.....

***********************************
ديانا جانت كاعده بالحديقه علئ المرجوحه ولابسه ستريج زيتوني وبدي فستقي طويل وحاطه الهتفون بااذانها وتسمع...«حبيتو بيني وبين نفسي..»

اجتها رساله من حسين اول مقرتها فرحت وبعدها اجت تكسر الموبايل واختفت ابتسامتها...

مضمون الرساله...«#انا لا اغار

فقط اموت #وجعا

عندما يقتربون #منك💔
:
:
:
:
:

عن هاتفي #اتحدث😜💔🙈

#مساؤؤ😋

ديانا بعصبيه لزمت الفون واتصلت بحسين واجاها صوته الرجولي....

حسين مثقل نفسه....الووو

ديانا بدون نفس...الووو شنو هذا المسج ملكيت غيرة بصراحا ذوقك زفت

حسين بكذب...يا مسج وادري ذوقي زفت ماكو داعي تذكريني...

ديانا بعصبيه...مسج عن هاتفك تتحدث😡

حسين بضحكه وكذب....ههههاي وصلتج والله عيب
جنت دا اروسله «بصوتها» الصديقي واجاج بالغلط

ديانا ببتسامه...الضاهر مكابل رقمي وكاعد

حسين بهيام...وشعندي غير رقمج اله معنئ خاص شكد حلوو ومميز عود مثل أرقام اخواتي تحسيهن هوسه حتئ ما بنفسج تخابريهن..

ديانا بضحكه....هههههههه هيج حاب رقمي؟؟

حسين...هو بس رقمج وصاحبه الرقم مجنون بيها... بس دنوو اريد اطلب منج طلب...

ديانا بااستغراب...اطلوب..

حسين...اريد اجيكم اليوم اريد اتفاهم وياج يعني لازم اكعد وياج تفهميني وافهمج هاا شكلتي...

ديانا...اي مبيها شئ اهلا وسهلا من بيتكم لبيتنه تعال

حسين...يالله باليل يمكم..

ديانا ببتسامه...اوك

قفلت الخط وراحت تحظر نفسها صعدت الغرفتها دخلت سبحت وشسورت شعرها ومشطته وهو قصير لفته باللورات ورشت سبريه طلعت فستان قصير اسود وردانه تور وطلعت علبه الميك آب وكعدت تحظر بنفسها....
************************************
عند رائد كان بالملهئ ومقابيله انواع الخمور ورقص بالملاهي وتتكاثر عليه البنات بسبب فلوسه قام وهو يفتح شده الفلوس ويطشه علئ الراقصات وهنه يتلون عليه...

كعد وهو يتطوطح مثل العربيد رفع كاسته وهو يضحك بعدها طلع فونه ودخل علئ معرض الصور طلع صورة ورود جانت لابسه فستان احمر قصير وفاتحه شعرها الطويل ومبتسمه ابتسامه حزينه

حرك اصبعه علئ ملامحها الاثيرة...طفلتي الحلوة ان شاء اللة كلها ايام وتصيرين الي

فتح رقمها ورسل الها رساله...وانتظر ردها...

************************************

كملت نفسها جانت لابسه بنطرون كابوي ازرق وقميص برتقالي طوويل وحذاء فلات بيجي وشال بيجي وجنطه بيجيه لبست مصطفئ ورشتله عطر وباسته حطته بالعربانه وطلعت لكته كاعد علئ القنفه وهو ينتظرها قام اول مشافها

تقرب منها وهو يحضن خصرها باس شفايفها وهي زعلت مسحت شفايفها بعدم رضا ابتسم عليها وشال مصطفئ ونزل وهي نزلت وراه طبق العربانه ونزلها بالمصعد داس الدكم وهي،ضلت ترجف لزمت بي خايفه من المصعد ضحك عليها وحضنها وهي ابتعدت بعدها سمعت صوت موبايلها يعلن عن وصول رساله....

فتحت شافت صورة واحد يجي عمرة فوك الاربعين واصلع وخشن حييل وضخم ومعانيه وسط وشكله احمر ومقرب الصورة علئ ملامحه...سيلفي

كاتب....هلاوو حوبي...

استغربت وعقدت حواجبها مسحت الرساله وباوعت عليه وبكلبها....يعععع عابت ابو سنطوح يلعب ستين نفس بكد جدي ويكلي هلاوو حوبي مرض حبتك حيه يالثور...ياالاصلع

ركضت وراها وصعدت بالسيارة بالصدر ولبست حزام الامان وحطت صوفي بحضنها وماهتمت للرساله...
وانطلقوا الشلالات جومان اربيل...
************************************

عند ديانا ....اجه حسين ودخله مراد للاستقبال ضل حسين كاعد ينتظر ديانا شاف فونها علئ الطاوله لزمه وهو يقلب بي جانت حاطه كفر وردي وبي بزونه مدنفشه ونازل منه سلاسل...

حسين...الله يرحم ايام النوكيا والله موبايل تحس بي رجوله مو مثل الأي فون والاي بود مابيهن رجوله يذكرني بدريد وسرمد...

دخلت ديانا لابسه فستان اسود قصير وردانه تور وشعرها بارمته وحاطه ميك أب سموكي ولابسه كعب ذهبي وطالعه روووعه

حسين فتح حلكه من جمالها لكن تدارك الموقف وثقل روحه سلمت عليه وكعدت ضلوا يسولفون بمواضيع

حسين باارتباك...ديانا اني بعد صرت زوجج اريد منج تحترميني ونكون متفاهمين ومن ضم علئ،بعض اريد شويه تهتمين بالبسج وتحاولين تلبسين حجاب اوك لان اول شئ حرام وثاني شئ انتي عرضي ومن حقي احميج من عيون الشباب وكل رجل غيور هاي متطلباته ولا عبالج همجي لا بالعكس بس حفاظا عليج...

ديانا عجبها كلامه...احاول بس بصراحا الحجاب مااحبه وبعدين اخاف اقمل...«يصير بيه قمل»

حسين بضحكه...ههههاي لا تخافين متقملين الحجاب ميسوي قمل الوصخ يسوي قمل

ديانا ببتسامه...اوك احاول..

تقرب منها وحط ايده علئ خصرها وهي حطت ايدها علئ صدرة خجلانه سحب ايدها وقبلها علئ العرق النابض بيدها وهو يباوع لعيونها الكحيله تقرب اكثر وهو يشد شعرها القصير قبلها بشفايفها وهي استجابت اله نزل علئ رقبتها باسها وهي لازمته من قميصه فتح ازرار قميصه وهو يبوس بيها واندك الباب فزوا اثنينهم...

حسين انتبه فاتح ازرار قميصه وبكلبه...عوزا هاي شوكت فتحتهن...وياكلب دك الباب😒

ديانا وهي ترتب شكلها وتعدل حمرتها...ممم منوو؟؟

مراد...اني مراد جبت العصير دا اريد انطي الكم

حسين بكلبه...ميتين علئ عصيرك هسه احنه مو جنه خوش نشرب عصير كطعت رزقي الله يكطع رزقك قطع الاعناق ولا كطع الارزاق...

دخل مراد حط الصينيه علئ الطاوله وهو مستغرب من شكلهم مبين مسوين شئ بعدها كعد وضل يسولف ويضحك وحسين بوده يخنقه وبعدها حسين ترخص وطلع وصلته ديانا للحديقه واخذله كم بوسه وراح وهو فرحان ومتفاجئ من استجابه ديانا اله جان متوقع تصده لو ترفضه لكن تفاجئ بقبولها ومبادلتها القبلات...
************************************
شلالات جومان اربيل....

كانت كاعده علئ الصخرة وبحضنها مصطفئ،وهي تباوع الجلال الواكف قريب من الشلال وياخذ صور ابتسمت عليه تمنت يرجعها ويعلن زواجهم لكن هو لحد الان بارد من هاي السالفه ويحاول يتحرش بيها وهي تصده تريده يعرف قدرها وقيمتها

شافته تقرب منها شال مصطفئ وباسه نومه بعربانه الاطفال وسحبها وياه للشلال

ركضت وهو يسحبها للشلال حضن خصرة والمي ينزل من اعلئ الشلال عليهم...

جلال...عجبج المنظر.؟؟

ورود بعبرة...حلوو بس مجاي احس بجمال كولشي جلال اني تعبانه اريد ارتاح الئ متئ احس نفسي غريبه غريبه روح مو غريبه وطن...

جلال بجمود...اصبري خلي ارتب اموري اني حاليا مااعرف شنو اسوي متشتت متعرفين اختي البارحه شلون ثارت عليه ولو مو هامتني بس اني اريد اثبت براءتج واعلن كوولشي

ورود بتساؤل...تحبني جلال؟؟زين شنو ذنبي

ركز بوجهه ومجاوبها من طال صمته تركته وراحت زعلانه وبكلبها...ادري متحبني لو تحبني مااخذت مني اعز مااملك وسلمته لزوجتك بس شنو ذنبي.

جلال من تركته انصدم من سؤالها..لو ميحبها سفرها غصب عنها او سلمها للعداله وثبت عليها التهمه وتخلص منه نفسها بالعراق بقربه منه يكفي وتسأل يحبها جلال؟؟ متعرف من اول موقف وقع بغرام عيونها...وتسأل شنو ذنبها...
وآه من ذنبك وذنبك وكامل ذنوبك..

فمن طهارتها رفعتني إلى ينابيع الملوك..
************************************
رائد اتصل بعبير....

رائد باانزعاج...اشوو هاي راسلها متجاوب وبعدين رسائلي مكامت توصل معقوله ائمنت رقمي

عبير...اي احتمال غير رقمك وتصل من جديد وحاول تفهمه انك عند فلوس وشتريد تنفذ الها

رائد...هاي اول مرة وحده دا ترفضني واني حطيتها براسي اذا مااجت للطريق اساومها بصورتها

عبير بخووف...عزا عزا لا يمعود انت شدا دكول والله جلال اذا عرف يطلقني عوف الصورة هسه وبعدين ساومها لان ديانا هسه انخطبت وصورها حديثه اكيد يشك بيه...

رائد بخبث...عادي احرف الصورة

عبير...يمعود اصبر وبعدين شنو الدا تريد تسوي سوي

رائد...يالله احاول باااي...

عبير...باااي ....عزا العزاك والله جلال اذا عرف يتخبل هو حذرني هي فكور اكيد تكيف علئ فلوس رائد وبعدين اني شدخلني نارهم تاكل حطبهم...

************************************بعد مرور 15 يوووم علئ الاحداث....

كانت كاعده بالحديقه وهي مقهورة حييل من انسان هانها وامتهن انسانيتها من رجعوا من اربيل،لحد الان مسئل عليها ولا خابرها ولا جاب الها مصطفئ،ومن طهر مصطفئ ماادز عليها ولا انطاها خبر مما جننها حست بي تحسف لان اخذها الاربيل مسحت دموعها وشافت مراد دخل وهو يلعب بمفتاح السيارة عدلت حجابها وعدلت كعدته....

مراد بلهفه...مساؤؤؤؤؤ

ورود بخجل...اهلا مساء الخير

مراد بحنيه...لويش كاعده الوحدج روحي اكوعدي عند ديانا...

ورود باارتباك...لا اصلا جاي ادخل جوة

قامت دخلت وهو اتبعها بنظراته كل يوم يحس بشي تجاها قرر يفاتح اهله بالموضوع بس راد اول شئ يفاتح جلال لان هو الجابهم ويعرفهم اكثر دخل جوة وامه رقمته بنظرة عصبيه وطلبت منه ميحتك بورود وهو تفاجئ وقررت تحاجي جلال وتطردهم من المشتمل...

وكفت علئ الشباك وهي تباوع للحديقه وشافته دخل وطار قلبها من بين اضلاعها دخل هو وزوجته وطفلها الغالي مصطفئ انتحبت بصوت عالي شافت عبير شلون تضحك ويه وتشاقه وياه مما اثار جنونها شافتهم دخلوا لبيت ام مراد وهي راحت فتحت الكنتور وطلعت ساعته وقررت تنطيها اله لبست حجابها وضلت كاعده بصاله متحيرة بين تروح وبين لا بعدين قررت تروح بحجه تشوف ديانا وتنطي ساعته وتقطع حبل الوصل بينهم وهي متناسيه اكبر حبل وصل هو مصطفئ....

راحت دقت الباب ودخلت شافت ديانا تلعب بمصطفئ وعبير كاعده يمها وتضحك سلمت عليهن وضلت واقفه ديانا طلبت منها تكعدت انتبهت عليها عبير وهي شايله ساعه جلال مما اثار جنونها ..

عبير بعصبيه سحبت الساعه...هذي ساعه جلال شجابها عندج؟؟

ورود بنحيب...لا مو ساعته هي ساعتي جيبيها..

عبير بصياح...يابواكه يا سراقه واني اكول وين احتمال نازعها هنا وانتي سرقتيها...

ورود ببكاء ...لا مو مالته هي مالتي ملكي جانت عندي من زمااان والله قبل لا اجي هنا جيبيها...

نزلوا علئ صياحهن مراد وجلال وام مراد طلعت من المطبخ وشافوهن وحده تصيح علئ الثانيه...

جلال بااستغراب...شكووو شبيجن؟؟

عبير بحقد...هذي وحده سراقه سرقت ساعتك احتمال انت ناسيها هنا...وهي سرقتها..

باوع الورود وتذكر هذي ساعته لنساها بالشقه وهي محتفظه بيها وجايبتها اليوم اله....صح هذا الحجي

ورود والدمعه لمعت بعينها والعبرة خانقتها... لا مو صح هي ساعت ابويه جيبيها ساعه بابا

انصدم جلال من كلمه ابويه وبابا وتمسكها بالساعه ليش نادته باابوها معقوله تعتبر حنيته عليها مثل حنيته ابوها بس هو شوكت حن عليها استغرب تصرفها وسحب الساعه من ايد عبير وحطها بيد ورود...

جلال وهو يباوع لعيون ورورد...ساعه ابوها مستحيل ارضئ واحد ياخذها منها...

عبير بغضب...بس....

ام مراد...روحووا كلكم اصعدوا فوك وجلال ورود اريدكم بالحديقه...

وبالفعل امتثلوا للامر الواقع وصعدوا وجلال ورود طلعوا بالحديقه...

ام مراد بجمود...جلال مااريد هيج حثاله ببيتي ورود وامها يطلعون من المشتمل هسه

ورود انصدمت وجلال استغرب....ليش؟؟

ام مراد وهي تأشر علئ ورود...هذي مثل الحيه لا عبالك ماشفتكم فوك بخطبه دنوو وهذي اخاف منها تلتف علئ مراد وتاكل عقله مااريده بيبتي...

جلال بصدمه....انتي،شتحجين ورود هي ام مصطفئ

صدمه...صدمه...صدمه...

ورود شمرت الساعه علئ صدر جلال وكعت مقابيله اتبعها بنظراته وهي عافتهم وراحت وتمشي بيأس

ورود ببكاء...لتفيت علئ جلال ؟؟والتف علئ مراد؟؟هو اني شضل بيه حتئ التف علئ مراد

نهايه البارت....يتبع......

اعتذر عزيزاتي لكن حالتي الصحيه اوقفت مسيرتي اتمنئ لكم قراءة ممتعه لاتنسوا التصويت والتوقعات