#ذنب طاهر الفصل الخامس والعشرون 25 - بقلم سمو العراق

#ذنب طاهر...بقلمي«سموو العراق»🤒

البارت 22

لست انثى عادية لتلعب معي
لست انثى تهوى الخضوع
ربما لديك جبروت كبير
لكني ايضا املك جبروت مثلك
تهوى اللعب والتهديد
وتهوى الضغط وتضيعي في المتاهات
لاباس سالعب معك كما تريد
فغدا ستكون هناك الكثيرا من الجولات
فلن انهار امام من اتخذ من التهديد والابتزاز طريقا للوصول إلي

من اعترف لام مراد بأن ورود هي ام مصطفئ شمرت الساعه عليه وتركت وهي زعلانه وتبجي دخلت للمشتمل

ورود ببكاء...اكرهك جلال اكرهك القاسي الحجر خليت اليسوة والمايسوة يتهمني بشرفي اني تخاف ام مراد مني خاف التف علئ مراد الله ياخذني،ويخلصني منكم....

انوب صرت حراميه وسرقت ساعتك ياجلال ذيج الحقيرة المدلله تشهرني كدام الكل سوتني،حراميه
كرهتوني بروحي يامجرمين.....

دك موبايلها وكان رقم غريب شمرته باانزعاج وضاجت منه ضل يرن يرن خافت تكون ام علاء فتحت خط واجاها صوته الخشن

استغربت صوته عبالها جلال بس هذا مو صوت جلال ضلت ساكته....

رائد بثقه...هلاوو يكلبي،هلاوو يحووبي شلوونج حياتي ان شاء اللة بخير

ورود باوعت علئ الخط بااستغراب...انت منوو عموو غلطان بالرقم...

رائد بنفسه خرب يومجن هي منو انوي عليها دكولي عموو....لا عمووو مغلطان اني جاي عليج...

ورود بغضب...شتريد؟؟

رائد..اعصابج حياتوو اريد سلامتج...

ورود بعصبيه...امشي ولي من وجهي طالعه روحي

رائد...ويا حقير مطلع روحج يا حوبي

ورود ...عابت عابت صوتك يجيب المغثه يالله انقلع ...قفلت الخط وشمرته علئ القنفه....

رن الموبايل يعلن عن وصول رساله.... اخذته وشافته نفسه ابو كرعه المقرف...كاتب..

«حبي اني احبج ياحلوة اذا قبلتي بيه شتردين اسويلج اسفرج اطلعج اشتريلج اغركج بالفلوس انتي بس انطيني اشارة واخليج تنامين علئ فلوس فكري ياحوووبي امووت عليج😚»

ورود ضاجت كتبتله..«انعل ابووك يا ابو حتئ الخلفك لك بكد جدي ودور حب دولي جماعتك تحللوا وصاروا نفط وبعدين اني بكد بنتك استحي شويه والله عيب عليك...»

شمرت الموبايل وهي تتذمر ناقصه هي حتئ هذا الثور يزيدها عليه نامت علئ السرير وهي تبجي مشتاقه المصطفئ مووت وكلام ام مراد جرحها واهانها الئ متئ تضل هيج

ورود...والله وحده غيري ياجلال طعنتك بضهرك واخذت ابني ونهزمت بس اني مو مثلك حقوده وقاسيه خلي نشوف شيصير واحد من العائله عرف بقضيتنه بلكي تساعدني ولو ما متئمله بيها خير
***********************************
ام مراد بصدمه كبيرة.....شنوو؟؟ شش شلون ورود ام مصطفئ...

جلال بجمود...اي ام مصطفئ ورود زوجتي وام مصطفئ بس انتي شلون شكيتي بعلاقتنه؟؟

ام مراد...بصراحه عقلي مجاي يستوعب معقوله جلال تسوي هيج تزوج علئ عبير ؟؟معقوله تعوف بنت الاصل والفصل وتزوج وحده متعرف فصلها واصلها منين؟؟

جلال مسح وجه باانزعاج...لا تناقشين موضوع متعرفين اصله وفصله وين شبيها عبير عايشه معززة مكرمه ورود هي المضلومه...

ام مراد...شلون مضلومه وانت مزوجها ومخلف منها وضام علئ زوجتك السالفه...

جلال بهدوء....صح كلامج بس عبير لو جنت اني عقيم جان تركتني واني احجي بثقه بس اني متركتها وعالجتها ومفاد وياها جانت انانيه وضمت عليه مرضها سنتين وبعدها اكتشفتها رموش وضليت اعالجها ومفاد تريد تتبنئ طفل علئ شنو اتبنئ،طفل واني اكدر اخلف وهذا مصطفئ يشهد هو ابني وسندي وحزام ضهري...

ام مراد...مدا اصدوك مصطفئ ابنك؟؟

جلال بثقه...اي ابني وماانكرة ويجي يوم الي اعترف بي كدام الكل هو وامه

ام مراد بتفاجئ...هو وامه؟؟

جلال بجمود...اي مصطفئ وامه وشكوو بيها مو اول شخص يزوج اثنين والله محلل اربعه وماازوجت بطران وبعدين الرسول جان متزوج اكثر من وحده
عادي اجمعهن اثنينهن قابل مرة تاكل مرة

ام مراد بعدم رضا...والله عبير تاكلها وتاكل الخلفها

جلال بحمود...هذا مو حجي كل من بيت وعادي عبير تريد تاخذ طفل من رموش من اختها ماعندي شكال من حقها وياريت تصير ام...ورود هم من حقها تعيش

ام مراد...حجيك مو منطقي..

جلال بتفاجئ..حجيي مو منطقي حكمي ضميرج ام مراد لو ديانا واحد مستغلها مثلي ترضين الله عليج ترضين؟؟ حطي ورود مكان ديانا وحكمي ضميرج

ام مراد بتنهيده...لا والله مااقبل هذا ضلم.

جلال بغضب...من وصلت البنتج صارت ضلم بس من جانت الورود طلعت عبير المضلومه...والله ورود مضلومه وطفله ويتيمه

ام مراد سكتت...

جلال...اكدر اعلن زواجي منها بس خايف عليها اكثر من نفسي هي متهمه اخاف عبير او اهلها يخبرون عليها وتروح بالحكم

ام مراد...متهمه؟؟ وشلون اهل عبير يعرفون متهمه

جلال...سالفه طويله مااكدر افصح عنها بس الاحرئ هي بريئه...اما اهل عبير زوج بنتهم مزوج علئ بنتهم اكيد راح يستفسرون بنت من وين اهلها ومنين اجت وبس يعرفون قصتها تروح بيها وحتئ اني اروح بيها
بس اثبت برائتها اعلن زواجي ومخايف من اي واحد

ام مراد...تحبها؟؟

جلال ببتسامه...ام مصطفئ الها معزة خاصه.

تركها وشال الساعه وراح قبل لا يدخل وكف وانطه الساعه لام مراد....هاي ملك ورود انطيها الها وام مراد هذا سر ميطلع اله اثبت البرائه..

اخذتها وابتسمت...تدلل ابو مصطفئ سرك ببير اليوم مصطفئ ينام يمي قصدي ينام يم امه

ابتسم عليها....مصرة

ام مراد بمزح...مصرة مصطفئ،ينام عند ورود لا افضحك....ههههههههههه

جلال...ههههههههههه الله يحفظج ام مراد ويحفظ اولادج اكيد راح تفرح ورود

دخل...وهي ابتسمت بحزن علئ ورود قررت اليوم تنوم مصطفئ يمها وتودي باليل الورود وتفرحها باابنها...
************************************
عند حسين لابس الفانيلا التعلاكه ومدد علئ الارض ويقلب بالقنوات وكرمش كاعد علئ بطنها وياكل جبس ليز وجكجك علئ صدرة ياكل موطه واخواته جايات خطار وهو كاعد يقلب بالقنوات والهوسه كايمه واخواته يسولفن ويصيحن علئ الجهال وكلابات الامه والجهال كل شويه يتعاركون...

إتصلت ديانا وكرمش فتح خط سحبه حسين بسرعه وشحتهم....

كال الووو....واخواتها كلهن التمن وخلن اذاناتهن يتسمعن...

حسين...الووو هاا حبي شلونج.؟؟

ديانا...هلاوو حياتوو شلونك؟؟

حسين...جنت مو زين بس من سمعت صوتج صرت بخير وعافيه

ديانا بنعومه...هههههه حسوني خوجلت😊

اخواتها....هييييي دكله حسووني والجهال ويه امهم مكيفين هم...هييييي حسوني

حسين عض شفته وحط اصبعه علئ شفايفه معناه اسكتوو...ههههه فوديت «يقلدها» الجوجلان..

ديانا بااستغراب...حسين هي شنو اليمك الهوسه؟

حسين بالبكه...اي هاي اني بمول المنصور ومسوين حفله جايبين حسام الرسام نسيت اجيبج وياي

ديانا...هههه غير مرة ان شاء اللة اكولك حسين هاي الاجوي بالخطبه كولهم اقاربك؟:

حسين...اي بس نصهم متبري منهم يعني اخواتي وجهالهن ونص من اخواني وحبوبتي ذوله متبري منهم وعدد قليل لا بعدني بس ان شاء اللة هم اتبرئ منهم

اخواته هجمن عليه يضربن بي ويدفعن بي وهو انهزم منهن فوك

حسين كعد فوك السطح...طلعت من المول حبي

ديانا...حسوني اليوم جربت الحجاب وماما دا دكول كوولش حلوة عليج هسه ارسلك صورتي

حسين بفرح...ارسليها تروحلج فدوة ام فوزي جيرانه

رسلتها باوع للصورة انصدم واختفت ابتسامته..

جانت لابسه حجاب مسويته توربان ومطلعه كذلتها الشقراء ولابسه تراجي عراض ورقبتها طالعه ...ابتسم يالله المهم الفكرة بس هذا مو حجاب هاي عيارة...

رسللها...كووولش حلوو يروحي بس ضمي التراجي وضمي شعفتج لا اكوسرج«يقلدها» وضمي رقبتج لا اعدمها يالله حبي جربي غير هذا الحجاب

ديانا...اوك هوايه اكوو لفات حجابات حلوة حتعلم كم لفه يالله بايووو حبي دا اريد اسوي مساج

حسين...باي...وبقلبه مساج هسه مكرمش عبالها عشا شلون اني بديانه مو انعوجت وهي ماتعدلت...

************************************

كانوا بالطريق وهي زعلانه وماده البوز شبرين😂

عبير...ماتوقعت تنطي الساعه الهذي الزعطوطه وتفشلني كودام الكول ؟؟

جلال تنهد وهو يسوق بسرعه...مو ساعتي ساعه ابوها اني ماعندي هيج ساعه ومن وراح البنيه شمرتها وراحت وحتئ وان كانت سارقتها ميصير هيج تفضحيها اولا عيب وثانيا ماكو احترام الحرمه البيت.

عبير تكتف ودارت وجهه زعلانه...

اما جلال تذكر ورود من اخذت ساعته...

حطت الساعه وراها وهو يحاول ياخذها...جيبيها اريد ارووح ههههه

ورود بضحكه...ههههه ماانطيها اريد ابيعها واشتري سيارة هههه

جلال سحبها صار ضهرها علئ صدرة ودنكت ودنك وياها وهو يحاول ياخذ الساعه حاول ياخذها وهي تضحك وتمنعه ومتمسكه بساعه بقوة حطتها بصدرها وفلتت منه...

صارت علئ الحايط وهي تصفك بااديها...ماكوو شوف باح راح ابيعها واشتري جارجر هههه

تقرب منها وهو يضحك مد ايده بصدريتها وهي خجلت وضمت اديها ومنعته طلع الساعه وشالها وهمس الها....جنت علئ نفسها براقش

باسها بشفايفها ونزلها علئ،السرير ونزل قميصها من علي وهي بادلته خجلانه...وهلمرة صدوك طردوني😂

استفاق من ذاكرته وهو يبتسم وبهذا الموقف نسئ الساعه عندها وهي احتفظت بيها هي الها ومقبل ينطيها العبير مما اثار غيرتها

***********************************

كانت كاعده وهي زعلانه من حالها ومن كل شئ والدمعه بعينها مقهورة من الموقف وكل شويه ينعاد عليها بس ابتسمت من جلال انطاها الساعه سمعت دك علئ الباب وام علاء نايمه خافت يكون مراد طلعت تمشي علئ كيف شافت ام مراد شايله مصطفئ،وهي لافته بقطعه بيضه فرحت وراحت ركضت فتحت الباب فرحانه

ام مراد ابتسمت....جبت صوفي ينام يمج تستقبلينه لو لا؟:؟؟

اخذته منها وهي تبجي وتحضنه....اذا ما توسعه الكاع انومه بعيوني....

ضلت تبوس بي وتشم بي وتبوس ادينه الصغار وام مراد مبتسمه عليها بحزن ضلت كاعده عندها وهي كعدتها بالاستقبال وراحت شايلها مصطفى تضيفها...

نهايه البارت...يتبع...هذا البارت اضافئ العيونكم وعيون لينا عمر...ام عمر...

كونوا هنا كونوا بخير...😘😘

هذا غلاف القصه ياحلوات رئيكم بي 😚😚