تحميل رواية «ذنوب لاتغفر» PDF

#البارت العاشر

#ذنوب لاتغفر

#للكاتبه《روزاية》

جمدت بمكاني من شفت السياره اريد ابتعد رجليه ماتتحرك ماحسيت غير بس نغزه شي حاد بخاصرتي ...

يحجي بهدوء اصعدي بسرعه لا انوم السجينه ابطنج...

عيوني متروسه دموع واشوف احمد مبتسم ويأشرلي حتى اصعد...

ردت اصيح والم الناس تحركت شوي ..

جرني من ايدي وكال ترى صورج عدنه بس تصرفين تصرف غلط..

هسه ينشرن...

من كال هيج ما عرفت شراح اسوي اشوف الدنيا صغرت بعيني ماعاد حيلي يشيلني ضل يدفع بيه حته اصعد...

وي حضي الشارع جان فارغ وقليل بي ناس تفوت..

وهو مامبين علي شي عبالك واكف يحجي وياي...

اخذتني رجليه من الخوف وبخطوات بائسه صعدت بالسياره...

كتله احمد الله  عليك رجعني ماسويتلك شي...

ساكت احمد وصديقه اسمه بسام هو يغلط ويحجي...

دموعي تجري والخوف متملكني شراح يسوون بيه ياربي ساعدني...

اتوسل باحمد ولا يمهم الحجي .. افتح بالباب واريد اشمر نفسي من السياره ...

بس مقفوله...

اشكال الغلط والفشار سمعت منهم ..

وصلنه لبيت قديم مبين متروك ..

بسرعه نزل بسام فتح الباب ودخلو السياره جوا...

كمت اعيط بس سد حلكي واخذوني يجرون بيه شمروني بنص الهول مفروش زوليه قديمه والبيت وسخ...

اتوسل بيهم الله عليكم عوفوني ...

ضربني احمد راشديات واني ما احس بالم بس اريد اخلص واطلع منا..

كال ولج انتي حرامات واحد ينقذج مخطوبه وخطيبج ابن اوادم وادورين ورا...

صارلج اشهر مصداقتني على الفيس ومسويه نفسج شريفه...

كام يضربني دفرات بكل قوته ...

واني اصيح اريد واحد يخلصني ...

جرني بسام وكام ينزع بشالي وايده على جسمي تتجول...

اصرخ بكل قوتي احس اوتاري تتملخ ومحد يساعدني...

ينزع بقميصي ويضربني ...

صاح بي احمد عوفهه خلي تولي...

ابتعد من يمي ...

وتقرب احمد خله وجهه كبالي كال هذا درس الج اكدر هسه اسوي بيج الي يعجبني ..

مره ثانيه حفظي نفسج وحفظي الرجال الي وراج...

وابتعدي عن انس ..

اذا سمعت لوشفتج تمشين وياهه والله امثل بيج تمثيل...

كام من يمي واني الم بنفسي عدلت شالي شلون ماجان وطلعت لسياره...

صعدت ورا وبسام بالصدر...

طول الطريق اشهك من البجي شسويت بنفسي ياربي ...

نزلوني براس الفرع ورحت اركض للبيت خاف واحد يشوفني ...

بسرعه صعدت للغرفه كمت ادك على راسي لويدري ثابت شراح يسوي بيه ...

شلون مشيت بهذا الطريق ...

كمت اضرب نفسي بقوه ولج تقوى ماخفتي ربج ...

احس حيلي انهد كمت غسلت وبدلت ولفلفت نفسي ونمت...

ثابت مسافر واتصالاته قليله ...

لوهنا جان كشفني وتصير موتي على ايده...

ضليت 3 ايام انترنيت ما افتح واتجنب نعيمه والبنات يسالني اكلهم مريضه...

دك عليه ثابت حجه وياي كال اسبوع وارجع ..

احجي ويا وارجف..

انتبه عليه وضل يسأل شبيج ..

واني احاول ما ابين على نفسي كتله مريضه...

كال افتحي انترنيت احجي وياج..

فتحت انترنيت بعدني بس فتحت الواي فاي ..

وبدت الرسائل اشكال تجيني

من صفحه اسمهه بسام...

ارتبكت حيل اريد احجي وي ثابت ما اكدر..

كوه سيطرت على نفسي...

شوي حجينه وراح..

فتحت رسائل بسام كاتب اذا ماتجاوبين

والله انشرج بكل مكان واخلي خطيبج يذبحج ويدفنج....

كمت ارجف ياربي ابيش ورطت نفسي

منين جاب صوري؟؟ شلون راح اخلص من هاي السالفه؟؟

معقوله انس الهه ايد بالسالفه الله لايرضى عليج اذا صدك..

سديت الواي فاي واني ابجي..

الهي ساعدني غلطت ياربي سامحني وخلصني من هاي المصيبه..

فكرت احجي لثابت وبطلت هذا مايتفاهم يطلكني ويذبحني عمي...

لا عندي وحده جبيره استشيرهه ...

كامت رسائل تهديد بسام عليه مثل المطر واغلس...

الا بيوم اجتني صوره فتحتهه والصدمه خلتني ما اعرف دربي...

صورتي بمكياج ولابسه نفنوف قصير والشعر مفتوح...

مره بدلنه اني والبنات ناخذ صور...

بس منين جابهه؟؟ معقوله من رحت لانس وكامت تجينه اخذتهن لان اتذكر عادي انطيتهه تليفوني ...

شكد غبيه اني استاهل كلشي يصير بيه ..

ماكو غيرهه انس الي انطتهم هاي المعلومات ...

انتهيتي ياتقوى شراح يصير بيج....

عمج وثابت شيسوون بيج .. كمت ادعي اموت ولا انفضح ...

كلت خلي اراسله واتوسله...

حجيت ويا وخلصهه كله تهديد ..

كال... ما اريد شي منج بس اريد تجيبلي بنات للبيت اني اعلمج بيهم وانطيج فلوس...

كمت ادك على راسي واتوسله ولايفيد...

خلصهه تهديد... وفشار وغلط

وهاي انس ماكو غلقت تليفونهه وكل حساباتهه..

ردت اراسل احمد بلكي يساعدني ... وهم حسابه ماكو..

ضليت ايام حتى اكل ما اكل اتمنيت الموت ولا امشي بهذا الدرب..

كلساع اكول احجي لثابت واخاف يطلكني...

رجع ثابت من السفر واجه شافني وجايبلي هديه...

اول ماشفته ذبيت نفسي بحضنه ابجي اريد اكله ساعدني بس ما اكدر...

ضل يسأل شبيج ومنو وياج؟

واني اكله مابيه شي بس ضايجه..

كل ضنه نعيمه مأذيتني ضل يحجي عليهه ويوميه يتعارك وي عمي يريد يتزوج...

وعمي يطردهم يكلهم ماعاجبكم افسخوا الخطبه...

ويسكت ثابت يكول اخاف عليج تتأذين ويرجعون عليج...

يوميه نتخابر اني وثابت ويحاول يطلعني من حالتي بس مايفيد ..

مايعرف ذنبي جبير وماينغفر ...

تأزم الوضع وصار يوميه عركه وي عمي ويرجع عليه يكتلني...

كمت اتوسل بثابت لايتعارك لان يوميه كمت انكتل ومرات حته يمنعوني من الاكل...

اعرف هذا عقاب رب العالمين لان خنت ثابت ومشيت بطريق حرام..

الهي سامحني وخلصني من هاي الورطه.

بسام ابد مابطل تهديدات واني عايشه بقلق مثل الي ينتظر حكم الاعدام...

بيوم كاعدين وموبايل عمي يدك ويفصل ..

ما ادري ليش خفت بلحظتهه ...

كال هذا رقم غريب ...

خليت عمي يروح يغسل وشفته ...

اعرفه رقم بسام لان يدزليا يكلي خابريني...

بلحظتهه لو يذبوحني مايلكون قطره دم...

صعدت لغرفتي بسرعه فتحت نت لكيته متصل ..

.. كتله شتريد ادك على عمي

.. اريد اشوفه بنت اخو الحلوه..

.. بسام ابوس ايدك عوفني حرام عليك ماعندك اخوات.

.. لاتجيبين طاري اختي لا اخليج تتمنين الموت..

باجر عندي بنيه اريد اجيبهه للبيت وماتقبل وحدهه كتلهه انتي واختي تعالي ..

تحضري باجر اخذج عليهه عود اختي انتي حته اجيبهه ..

.. ما اكدر اطلع والله

.. دبري نفسج واطلعي انطاني العنوان اذا ماجيتي اول واحد خطيبج راح يدري...

ومحادثاتج كلهه موجوده...

.. راح وعافني ابجي شراح اسوي ولج تقوى شصخمتي كمت اضرب خدودي...

انهد حيلي من البجي ما اكدر اوصف شعوري ابد منهاره اريد احد يساعدني ماكو...

شجاني بهذيج اللحظه ماحجيت لثابت حتلو يكتلني يزعل عليه ولا اتحملت هلكد..

ليش ماتصرفت صح؟ ليش اتبعت الشيطان ومشيت للحرام..

ما ادري شلون خلص الليل مانمت ابد ...

خليت نعيمه تطلع والبنات بالدوام وبدلت وطلعت امشي واتلفت لا احد يشوفني..

مريت من يم بيت ثابت كلت اذا شافوني اكلهم جايه عليكم

رحت للمكان الي انطانيا لكيته واكف بسرعه صعدت لا احد يشوفني...

اول ماصعدت بديت اتوسل بس تكون هاي اخر مره..

وهو يسمعني ابشع الالفاظ

هسه صرتي شريفه ؟؟ وانتي مال هيج شغل!!

كلش استحقرت نفسي وابدي اشمر نفسي بنص السيارات..

اخذنه لبنيه هو مواعدهه بمكان وصعدت ويانه وكل ضنهه اني اخته...

وصلنه للبيت نفسه الي اخذوني اله كعدو هم بالغرفه واني بالصاله دموعي تجري..

شنو هاي الحاله الي بيهه اني..

شجاي اسوي ولج امي تعالي ساعديني ..

ضلو ساعه وطلعوا بس مبين مامسوي شي لان البنيه شديده ويا بس يسولفون وحته الباب مامسدود كله ...

رجعني للبيت قبل لاتجي نعيمه... وانطاني فلوس شمرتهم علي ونزلت ...

يخابرني ثابت كوه اجاوبه...

حتى هو ضاج مني بس يسال شبيج متغيره؟

مثل بلاع الموس ما اكدر احجي ...

ضليت تقريبا شهر على هاي الحاله انفذ طلبات بسام وهامله ثابت وشكد مطول خلك وياي..

وعباله بسبب نعيمه

يكلي اصبري واعوضج عن كل لحظه موحلوه..

واني احس عيوني تجرح من البجي

ما استاهل ثابت ابد...

كام ثابت يشك يكلي معقوله من نعيمه هيج حالتج ...

واني ابرر وارجع ليورا...

محد يدري بيه اطلع الشارع مالتنه كلهه موظفين واطلع بوقت الدوام محد يشوفني...

جنت متوقعه راح يجي هذا اليوم المشؤؤم

يوم الي انتهت حياتي وبعد ماحسيت بطعم الحياه...

صرت مجرد جسد كل روح مابي...

مثل كل مره طلب مني بسام اجي ويا ..

ودخلنه للبيت ودقايق بعد مادخلنه.. تعارك هو والبنيه ما اعرف عليمن وطلعت زعلانه وهو يركض وراهه...

رجع باوعلي بطرف عينه ...

خفت لان وحدنه ضلينه ...

ياربي بس اريد اعرف عقلي شجان بي بهذاك الوقت يعني خفت منه ومن جانت البنيه ما اخاف على اساس تحميني...

بده يتقرب عليه واني ارجع ليورا اريد انهزم بسرعه لزمني وكعت بالكاع ...

صار فوكاي وراسه بركبتي يبوس بيهه ...

شمأزيت منه بي ريحه موطيبه اريد اخذ النفس ما اكدر...

ادفع بي بكل قوتي...

واردد بكلبي ايات قرانيه ...

عافني وابتعد كمت لميت نفسي وشالي مخربط الدنبوس مجرح بلعومي...

طلع تليفونه وتقرب عليه...

نزعني القميص الابسته ويضرب بيه راشديات ...

ولج يمه ساعديني ...

اصرخ ومحد يسمعني...

صور صدري ووجهي مبين وخلاني انتبه على الكاميرا شكد قاومت وشكد دافعت بس صاحب بنيه ضخمه ما اكدر اتحرك...

خليته اندار وانهزمت انضربت اباب المطبخ طلع مقفول...

لزمني يهدد ويتوعد ولازم انفذ كل طلباته...

كوه خلصت نفسي من عنده ورجعت وحدي للبيت والسايق يباوعلي وحالتي حاله...

ادعي كون محد اكو بشارع وانفضح...

وصلت للبيت صعدت لغرفتي بدلت ورحت اسبح احس لمساته القذره بكل جسمي اغسل المكان اكثر من مره دموعي اختلطت وي المي الدافي...

بيومهه انهاريت ما اتمنى الشفتهه للعدو ...

شنو الي اسوي ومنو يصدكني نتيجه غبائي هيج..

نعيمه مارحمتني ابد ليل نهار تكتل بيه اقل شي وكالت عقوبه...

كمت مااكدر اتحرك اشتغل وانكتل ما اتحمل هلكد..

اجت غاده بليل لكتني واكعه واون كعدت يمي شافتني شكد تعبانه صاحت على غسق وشالني على الجربايه..

شافن طرف رجلي ازرك..

ضلن يكلبن بيه ويبجن منين مايشوفني ازرك

ضلن يحجن على امهن ما اتحملت احس نفسي مختنكه وجبل على صدري

كعدت حجيتلهن كلشي بلاول يلومن بيه وصيحن عليه بعدين بجن وياي...

ولج ليش تقوى صح الحرمان والعوز يفشل ويخليج تتمنين كلشي بس ثابت ماقصر وياج..

ولج عندج رجال الكل حاسدتج علي وصاحب اخلاق وعائله راقيع وانتي هيج جازيتي...

ولج خطيه مأمن بيج ويسافر ويطلع ويمشي وانتي هيج سويتي ...

مافكرتي نهايه الصداقه وي ولد شنو؟؟

ليش تصرفتي وحدج ماحجيتلنه على الاقل نفكر سوه ونحلهه..

كتلهن وين جنتن عني عايشات حياتجن واني وحدي ردت واحد يساعدني ماكو ..

حته تمر ايام اشوفجن دقايق ..

جانت ايام عصيبه ماتمشي وكل مايدك ثابت اكول اكيد عرف...

عشت قلق وخوف موطبيعي...

زله شهر واحد دفعت ثمنهه عمري كله...

غاده وغسق شوي هونن عليه...

حته مرات مايداومن علمودي...

حضرت بسام من كل المواقع واريد اغير خطي وثابت ميقبل يكول هو منو يعرفه حته تغيري....

حقك ماتدري يا ثابت!!!

ضل بسام يدك على رقمي ونفس التهديد كمت احجي كلشي لغاده وغسق كال خلي ندور احمد يجوز يخلصنج منه لان مبين ماقبل على سالفتج ...

ويجوز مايدري ابسام شيسوي؟؟

ضلينه اندور على حساب احمد لكينا من ضمن اصدقاء بسام...

حجيت ويا بلاول ماجاوب ورا شكم ساعه يله رد

حجيتله كلشي كتله انت السبب جبت بسام وخليته يطمع بيه ...

كال اني احجي ويا ولاتردين علي بعد...

صدك مر اسبوع وبسام ماكو ارتاحيت شوي بس اخاف من الصوره خاف ينشرلهه...

بدتيت ارتاح شوي بس تأنيب الضمير والخوف لازمني..

بس اسمع صوت ثابت اموت الف موته شلون طاوعت نفسي وخنته ...

بيوم شوي تحسنت وجانت عصريه وشكلي تعبان..

بس محد يهتملي وينتبه عليه..

اجت فاطمه وتفاجأت بشكلي وضلت تسأل شبيج؟؟؟؟

اطلع حجتي مريضه لو بنعيمه...

كالت اليوم احجي وي ثابت كافي خلي يجيب شيخنه ويجي على عمج صارت سنه خطوبتكم

كافي عيشي بدلال ثابت وعوفي ضيم عمج ومرته...

كلت بكلبي يادلال تحجين علي يافاطمه..

معقوله ارجع تقوى البريئه الي ماعدهه هم غير بس تشوف ثابت وتراقبه شلابس اليوم..

راحت فاطمه واني بعالمي الحزين لا اشوف احد ولا احد يشوفني ...

الكل ملتهي بهمه بس ثابت يخابرني وحجوا وي عمي واتفقوا على موعد العرس بعد شهر...

بديت اطلع اجهز بدون واهس مرات اخلي غاده تطلع وي امهه واني اضل اكرف شغل...

ما استاهل درهم واحد بصرفه عليه ثابت ...

يوميه يخابرني ثابت يتغزل وفرحان لان راح نتزوج..

واني اجبر نفسي على الفرح اخاف من المضموم شنو؟؟

لغيت كل الحسابات لافيس ولاانستا ماعدا الصفحه الي يعرفهه ثابت...

وقليل افتح انترنيت...

بيوم منهن كاعده يم غاده تعلمني مكياج وتليفوني يدك بس وصلتله فصل...

اول مافتحته شفته رقم بسام ...

جمد الدم بعروقي شلون مراح اخلص منه ...

شيريد مني ...

حجيت لغاده كالت لاتجاوبي ..

دزلي رساله يعتذر ويكول ندمان عبالي انتي من البنات الموخوش وطلعتي بنت ناس واني اسف وبهالحجي...

وهاي صورج اريد امسحهن كدامج انطيني مجال اكفر عن ذنبي...

ماجاوبته بس مبين موخالي ماصدكته لان يبقه حيوان...

ضل شكد يدز رسائل اعتذار..

كال راح اجي لبيتكم ترى اذا ماطلعتيلي ..

خفت بوقتهه حيل ...

وصدك ثاني يوم دك الباب وطلعتله غاده كالتله غلطان مواحنه...

رجع دزلي رساله كال بس اطلعيلي بس اعتذر منج...

خفت يسوي مشكله بلباب وواحد يشوفه لبست حجابي ومديت راسي من الباب كتله هاهي روح الله مااريد شي منك الله يسامحك...

وي حجايتي مال الله يسامحك صار ثابت بوجهي...

#يتبع

تصويتكم

احبكم❤

#يتبع

#البارت الحادي عشر

#ذنوب لاتغفر

#للكاتبه《روزاية》

بعدني واكفه وما اشوف غير بركان هائج كدامي..

العيون حمر دم.. العصبيه الي عنده تشيل بلد..

ما عرفت شراح احجي وشسوي؟؟

تقرب بهدوء كاله تفضل رايد شي..

شفت بسام ارتبك ومامتوقع يشوف ثابت..

ضل يمتمت بالحجي ومايعرف شيكول...

اشرلي اطب جوا بسرعه طبيت...

ركضت على غاده اريد اكلهه ثابت برا مااعرف شحجي الساني انعكد..

اجت غاده تركض كالت ولج كتله وبسام انهزم..

وامي اجت عزا بعينج تقوى ...

بسرعه صعدت لغرفتي اريد احتمي بشي ماكو...

اجت نعيمه تركض اسمعهه تصيح باسمي واسمع ثابت يكول عوفيهه اني وياهه لاتتدخلين...

صعدتلي غاده كالت بسرعه بدلي واطلعي يريدج تروحين ويا...

كتلهه ما اروح يموتني..

كالت احسن من امي والله اتشوفج الموت ...

ما اعرف اضل لو اروح ..

اتحمل نعيمه بس ثابت مايرحمني..

مدري شلبست ما انتبهت على نفسي صعدتلي نعيمه تجر بيه من ايدي ونزلتني كوه واني حلكي مسسدود ما اعرف شحجي ....

لكيت ثابت واكف برا وايده بجيبه بس عيونه تطاير شرار..

من شاف نعيمه شلون تجر بيه كال تعالي نطلع وشوي ونرجع..

اعرفه راح يعاقبني ...  اعرف ورا هذا الهدوء عاصفه.. طلعت لشارع

جرني من ايدي وصعدني بسياره..

واجه صعد وحرك السياره بسرعه..

كتله ثابت...

كال اسكتي لاتسمعيني صوتج لا ادوس على راسج هنا...

ضليت ساكته وابجي اريد افهمه بس شيفتهم

وهو شافني واكفه وي ولد واكيد عرف..

اخذني للبيتنه الي على اساس نتزوج بي...

اخذني سحل ليجوا...

اريد ادافع عن نفسي ما اكدر يضرب بيه بكل قوته..

تذكرت فاطمه كالت مايرحم..

لحدما انغمى عليه ...

فززني المي البارد على وجهي ..

بس اريد احجي ماخلاني..

لحظات دقايق ساعات ما اعرف شكد بس هي دهر مرت ..

اشوف ثابت كاعد ومدنك راسه ..

استاهل الموت دنكت راس رجال شكبره بسبب طيشي وغبائي...

رفع راسه عليه..

كال سؤال واحد وجاوبي عليه واذا جذبتي والله اذبحج بدم بارد..

اريد احجي بس اشهك من البجي والخوف..

صاح بيه بصوت عالي ..

احجي ولج...

كتله والله ما عندي شي بديت احجيله كلشي...

اشوف ملامحه تغيرت للاسوء اجاني مثل البرق ضرب راسي بالحايط..

احس عيوني غوشت...

ما انطيت اي ردة فعل ضليت بس اون..

ماحجه شي كال كومي غسلي وخلي اوديج لبيتكم وباجر اجيبج هنا حته مايعرف عمج..

اخذني لبيتنه بس يسوق سريع ومايحجي ابد نزلني بالباب وراح...

رحت للغرفه بسرعه وبيومهه ماتحركت من الفراش الالم بكل جسمي وخاف يشوفوني ...

بس غاده وغسق يمي...

اريد الالم يسكن ماكو..

شوي واجتني نعيمه مثل الثور الهايج وبيدهه قطعه مال صونده كامت تضرب بيه بكل قساوه...

بناتهه يجرن بيهه وماكدرلهه...

منا الكتل مال ثابت ومنا نعيمه وكعت وما ادري بالدنيا بعد ...

انتبهت على البنات يكعدن بيه ويبجن...

منتهيه الالم بكل مكان احس جلدي مزلغ..

ماكدرت انام للصبح جسمي مكطع وعيوني مورمه...

الي مثلي عروس تحضر بنفسهه واني مورمه من الكتل...استاهل الي يصير بيه..

مانمت للصبح الله لايشوف هذيج الليله لعبد من عباده..

ثاني يوم اريد اكوم ما اكدر ...

نعيمه طلعت ما اعرف وين والبنات راحن لدوام عدهن امتحان مايكدرن يغيبن...

اباوع على الساعه ب10 سمعت الباب انفتح ..

اجتني نعيمه تغلط وتفشر جرتني بسرعه شمرت عليه عبايه اسلاميه لبستهه وما اعرف شكو..

تجر بيه وطلعتني شفت ثابت منتظرني..

اتوسلت بنعيمه الله عليج لاتخلي ياخذني..

دفعتني وكالت روحي انتي وخطيبج تفاهمي..

صعدت ويا ماحجيت بس ابجي

وصلنه للبيت نزلت بس كوه امشي واجر بروحي...

كعدت على الكرسي انتظر شراح يصير؟؟

اجه كعد كبالي بس ما اشوف ثابت كدامي

اشوف وحش ...

مثل المحاكمه كل سؤال يسألني انكتل علي...

كال راح ارجعج لبيتكم واتحرى عن القصه ...

بس ياتقوى اذا عرفت شي ما ارحمج والله...

رجعت ويا للبيت ...

عمي عرف بالموضوع كام الكتل يجيني من كل مكان ساعه نعيمه ساعه عمي...

غير وجع كلبي..

وغير الندم الي ماكلني...

شهر واحد دفعت هيج ثمن ...

مر اسبوع تقريبا حالتي حاله ثابت اخذ التليفون مني...

وما اعرف شصاير..

عمي يتهدد عليه اذا طلكج ثابت اذبحج...

بيوم منهن اجه ثابت كال بدلي وتعالي وياي...

عرفت اليوم راح انكتل بس دموعي تجري ولا انكسر خاطره عليه..

بدلت ورحت ويا كالعاده اول مادخلنه للبيت  ضربني راشدي وكعت بالكاع...

صرت اتوسل بي الله عليك لاتكتلني ..

ثابت والله غلطت لاتعذبني ..

قفل كل البيبان حتى الباب البرا اول مالزمني بالحزام احس روحي تطلع وي كل ضربه...

يبتعد عن وجهي خاف يبين اثر بي جسمي احسه تزلغ منه...

لحدما اوكع جوا رجلي..

يكتلني بدون مايحجي ولايغلط ولايكلي ليش؟؟

تقريبا مرتين اني ينغمى عليه ويرجع يصحيني...

من شاف حالتي هيج..

انفعل حيل احسه بركان وهاج كام يضرب بالحايط بكل قوته ...

اكو مرايه معلكه كسرهه...

كال ليش ياتقوى تخلين المزعطه تضحك عليه؟؟

ولج شلون سمحتي لنفسج هيج تسوين ..

غلطتي؟؟ ليش ماصلحتي غلطتج وحجيتيلي جان ساعدتج...

ولج حذرتج من انس لولا؟؟

مرتي عرضي باحضان الزلم ..

ياربي لوموتني ولا شايف هذا اليوم...

حسيته انتهى بعد مايكدر ...

طلع وعافني غركانه بدمي...

ابد ما الومه استاهل الي يصير بيه

اني جبتهه لنفسي .. لوحاجيتله ماصار هيج..

رجعني للبيت وحالتي حاله نعيمه من تشوفني هيج تفرح...

ضليت على هذا الحال 3 ايام يوميه انكتل لحدما اوكع وتعوفني هي وعمي....

قرب موعد عرسنه وما اعرف مصيري شنو؟؟

بليل سمعت صياح جوا وعمي يهد عليه ...

جرني من شعري على الدرج احس اعضامي تكسرت...

وجر السجينه يريد يذبحني لان ثابت كايله اريد افسخ الخطبه...

جانت هاي اللحظه بشعه حيل دنكت على رجلين عمي ابوس بيهن ...

كتله خليني خدامه ولاتذبحني..

اصوات البجي مال بناته وباقر وصالح يبجون ونعيمه ..

دكله موكدام الجهال اخذهه باجر بليل واغسل عارهه...

شفت باقر ركض من يمنا وطلع...

منتهيه اني الدفرات تجيني بكل مكان والسجينه حاده بيده ويصيح على بناته يطبن جوا...

ونعيمه دكله مانكتلهه بس اني اخليهه بيهه عائهه ماتزوج طول عمرهه ولو هي مو بنيه...

اسمع وارجف محد يساعدني لاحول ولاقوه..

كامت تحمي بالسجينه نعيمه وتجوي بيه برجلي وايدي.. واني افرفح مثل الطير المذبوح..

سمعت صوت ثابت صاح بيهه عوفيهه ..بعدين عرفت باقر راح كايله بابا راح يذبح تقوى..

رفعت راسي وباوعتله بدموع ونظرات توسل..

اريده يخلصني منهه..

عمي عصبي ويحجي.. اني لازم اكتلهه واغسل عارهه ..

خاطبهه سنه وتالي تعوفهه والناس كلهه تدري ..

والي سوته ماينغفر هاي عار وماتعيش اكتلهه واخلص منهه..

صاح علي ثابت...

كاله عوفهه بعدهه على ذمتي ...

ومالكم حق هيج تسوون بيهه اني الي مسؤؤل عنهه .. ولادكول عليهه عار غلطت واني استرهه ..

انتظر هذا الاسبوع واخذهه ...

واذا متعاجز منهه هسه اخذهه وياي ..

وديري بالكم اسمع كلمه عار مره ثانيه ...

سكت عمي ونعيمه سكتت..

راد يطلع والتفت عليه شافني نايمه بالكاع باوعلي بنظره غضب وحجه وي عمي..

كاله ديري بالكم تجيني بيهه شخط..

ممنوع تمدون ايدكم عليهه هذا الاسبوع..

عافهم وطلع...

رغم المي ورغم الي بي اني بس فرحت لان ماعافني تحت رحمه نعيمه..

اجن البنات صعدني كوه امشي احس نفسي

طلعت من معركه داميه ومنتصره ..

يبوسن بيه وفرحانات ..

حمدت الله وشكرته ماعافني جان عمي ذبحني...

بس اعرف ثابت مراح يعديهه الي واكيد راح

يتزوجني بس حته يعذبني..

لاتفرحين ياتقوى وراج حياة طويله ودرب وعر

موعبالج بسهوله تخلصين منه...

مر الاسبوع ومحد كتلني والبنات متكلفات التحضيرات حنه ماكو وعرس ماكو بس فاطمه ماقبلت كالت لازم صالون وبدله..

مااعرف تدري بالموضوع لولا ماحجت وياي شي..

بس مبينه من عيونهه تدري..

ثابت سوه عرس حسب الاصول وناسهم وكرايبهم من حقهم يفرحون..

راحت غاده اختارتلي بدله مال محجبات اردان وماطالع شي منهه لان جسمي بي اثر مال الكتل ...

لابسه البدله واباوع لايدي ترجف ورجليه وحده اطك بالثانيه كلهه كاعده تباوعلي وكرايبهم كل اثنين يحجن سوه..

احس الناس كلهه تدري بالسالفه  ...

حيل خايفه من هاي الليله شراح يسوي بيه ثابت

شكد صليت ودعيت...

اعرف المضموم جبير والله اعلم شراح اشوف بعد ..

كالو اجت الزفه سوو طريق اسمع الهوسات والهلاهل...

صرت مثل السعفه اهتز من الخوف...

ما ادري شوكت دخل وشوكت لبسوني كل الي اتذكره احتاجيت الحمام وارجف ودموعي تجري..

حته النسوان اسمعهن يكولن يا شجاهه العروس ترجف...

تقربت عليه فاطمه وشاورتني..

شجاج تقوى لاتخافين احنه كلنه وياج ..

مااسيطر على دموعي تجري وحدهه مجرد ما اتخيل غضب ثابت ما اسيطر على نفسي..

حسيت على ثابت لزم ايدي

ايده دافيه وهمسلي ..

لاتخافين هدي نفسج..

جانت هاي كلمات امان...

بس بالنبسه الي جنت اسمعه تهديد...

موبيدي مااكدر اهدئ...

صعدوني بسياره وثابت كلش عادي ...

بارع بالتمثيل كدام الناس ..بس مبين داخله اعصار ...

جانت الزفه للفندق ادعي كون تصيبني سكته قلبيه بهاي الساعه...

دخلنه للغرفه ما التفت عليه وحاجاني..

بس ارجف اريد الزم رجليه ما اكدر ...

التفت عليه كال كومي بدلي شدعواج هلكد خايفه؟؟

لوتخافين جان خفتي من ربج  مومن ثابت..

كومي ولاتجربين اعصابي ...

بسرعه كمت ما اعرف وين اروح اريد ابدل ..

شافني واكفه طلع..

ضليت بالربع ساعه اريد انزع البدله ماتنزع...

بيهه قيود من ورا ولازم ينفتحن وحده وحده...

طب للغرفه لابس تراك نيلي..

شافني بالبدله ..

..كال لازم عاجبتج البدله اليوم؟؟

.. لا بس مااكدر انزعهه وحدي

.. تقرب عليه بده يفتح بيهم وحده وحده ولازمتهه لاتوكع...

فتحهم وطلع...

بدلت لبست شي طويل ومستور ...

رحت للحمام غسلت وتوضيت..

طلعت فرشت السجاده كمت اصلي وابجي..

ياربي سامحني والله تبت ..

اعفو عني يارحيم..

ادعي وابجي .. حسيت بحركه وراي

شفته مدد على الجربايه واشرلي اطفي الضوه...

جريت مخده نمت بالكاع وبدون غطا والغرفه بارده ..

وجسمي يوجعني.. لحظات هدوء بس صوت الانفاس عالي...

نايمه بالكاع ومخليه ايدي جوا راسي ومسويه وضعيه الجنين...

بردانه حيل دموعي تجري وعبالك عدهم سباق..

المفروض هاي الليله احلى شي ..

واني هذا حالي ...

اصلا اتزوجني حتى يستر عليه من كلام الناس ونقذني من عمي لا اكثر..

اكيد راح يخليني خدامه يمه وبس للكتل ...

كمت اشهك من البجي وكام يطلع صوتي...

حسيت على حركته كام فتح الضوه ضميت راسي بس مبينه ابجي لان اشهك..

ما انكسر كلبه عليه ابد ما ادري وين راح بش سمعته طلع ...

ما ادري شلون غفيت من التعب والالم والجوع ...

فزيت علي يكعدني بطرف رجله وهو واكف ..

بسرعه كمت وكفت ..

.. كال ماجعتي روحي اكلي..

.. هزيتله راسي لا ماجعت...

.. روحي اكلي ولا تحجين حجي زايد الي اكلج تنفذي سمعتي لو اسمعج زين؟؟

.. من كال هيج متت خوف ركضت اكل بدون وعي وهو واكف على راسي ..

اكل بشراهه شلون المجاعه احس نفسي شبعت بس ما عيونه تخزر بيه ...

عزااا اكلت الاكل كله خاف هو جوعان ويطيح حضي..

عافني وراح للفراش كمت غسلت وشلت الاكل ورحت لمكاني نمت مبين غافي مخلي ايده على عيونه ونايم...

ثاني يوم الصبح كعدت لكيته يصلي ..

هم كمت صليت وبديت احضر بغراضنه..

من جاي الم بالغراض كال اسمعي ...

اخاف يسألوج على النيشان كليلهم عند ثابت ..

وديري بالج تحجين شي ..

ماعرفت قصده شنو نيشان؟؟

صح اعرف الزواج بس ما اعرف اسمه نيشان ...

عبالي النيشان ملابس العروس وذهبهه..

..كتله هو موبالكنتور غاده كالت اودي بليل؟؟

.. شفته عقج حواجبه.. ياكنتور وشلون تودي هو شنو؟؟

.. غير ملابسي والشغلات الي اشتريتهن

.. غمض عيونه وحرك راسه بملل ..

من اكول عليج ثوله احد يلومني..

بنتي نيشانج اقصد معناتهه البارحه اخذتج يعني عذريتج...

من كال هيج فد استحيت دنكت اعدل بفرشه الجربايه ...

احجي بكلبي...خلصتي عمرج تقوى الثول والغباء لازمج

لوماغبيه ما وصلتي لهذا الحال..

فززني صوته بسرعه خلي نطلع...

اخذت جنطتي وطلعت طول الطريق ساكت..

بس كال ترى اليوم مسوين غدا وناس يمنه

ما اريد تطلع طرف حجايه ويكولون مرت ثابت...

كتله قابل شراح اسوي؟؟

.. والله المفروض اني الي اسألج لان خطره انتي كلشي اتوقع منج..

.. من كال هيج شكد حسيت بالذل بسرعه وكعت دموعي...

تجرأت وكتله ثابت والله اني.....

بعد ماحاجيه قاطعني..

صاح بيه بصوت عالي وداس بريك بسرعه بحيث انظربت بالجامه.

كال لاتحلفين بالله لا ابتلي بيج..

شنو من دنائه واصلتلهه وبعدج تكذبين..

والله ورسوله لو موخوفي من عقاب رب العالمين..

الا احط راسج جوا السياره..

بكل عين صلفه وبعدج تبررين وتحلفين..

من كال هيج حتى ماكدرت ابجي كتمت الشهكه مالتي كوه اريد اسيطر على دموعي ما اكدر..

ولا اكدر احجي...

وصلنه للبيت وناس هواي يمهم وريحه الطبخ واصله لراس الفرع...

دخل السياره جوا...

تلكني النسوان هلاهل وهوسات..

وهو اصلا ما اندار يمي ملتهي يسلم على اخوته

وصوت الطلقات ولهلاهل ..

كلهه فرحانه الا اني مايدرون بالصار...

كوه حابسه دمعتي تلكتني مرت عامر اخذتني..

والجهال بين رجليه تلم جكوليت...

كعدت بلاستقبال والنسوان بس تباوعلي...

مبين شكلي تعبان وباجيه هوااي..

كومتني مرت علي اسمهه لقاء...

سلمت على الحجيه ام ثابت ..

بوستني بس احسهه تدري بكلشي...

مدري يتخيلي...

كالتلهن اخذن مرت اخوجن لغرفتهه...

صعدت للغرفه ماشفت فاطمه ولا اجت سلمت عليه...

اول مادخلت للغرفه اختنكت رغم فخامتهه وجماليتهه ...

بس احس هنا راح تبدي ايام عذابي

ثابت مراح يفوت كلشي ويصدك ويسكت..

اكيد راح اشوف العجب والويلات هناا..

بعدني كاعده ولقاء تحضر بملابسي شلبس...

انفتح الباب بدون استأذان ...

#يتبع

متابعه ممتعه❤💐

#البارت الثاني عشر

#ذنوب لاتغفر

#للكاتبه《روزاية》

/// مساء الانوار///

اجت بوجهي نعيمه وعيونهه متروسه شر وغل...

سلمت عليه من ورا خشمهه...

.. كالت وين نيشانج؟؟؟

.. كتلهه عند ثابت!!

.. شيسوي عند الرجال ..

وجرتني من ايدي حيل ولج لاتلعبين عليه وهسه طلعي اشوفه لا ااخلي عمج يذبحج  ..

.. حمدت الله يمي مرت علي جرتني من ايدهه..

كالتلهه ام صالح شنو هاي السوالف احنه ماعدنه هيج..

والمفروض احنه نسألهه موانتي ..

موتربيتج هي؟؟ واذا سمع ثابت يصير غير حجي...

سكتت نعيمه بس عيونهه تطاير منهه الشرار...

طلعت وضليت بس اني ولقاء احس كلبي يريد ينفجر شنو المضموم وشراح يصير...

ياريتني متت وي امي وخلصت..

اتزوجت وخلصت من ضيم نعيمه وعمي..

ما اعرف الي راح اشوفه وي ثابت شنو؟؟

وراح يجي يوم يتقبلني زوجه؟؟

لو راح يبقى ذنبي مايغتفر ويشوفني مذنبه ؟؟؟

رحت سبحت وبدلت لبست كلابيه خليجيه لونهه ذهبي ولقاء سوت شعري ...

مستغربه من فاطمه ما شفتهه ولا اجت سلمت عليه...

اكيد تدري وزعلانه على زعل اخوهه...

كالت لقاء يله انزلي النسوان تنتظرج

نزلت والارتباك والحزن مسيطر عليه اريد اضحك واجامل ما اكدر ...

اول مانزلت  عمته كامت تهلهل كعدت على التخم افرك بأيدي والكل يباوعلي شلون سالفه هاي شوكت تخلص...

نعيمه ماشفتهه يمكن رجعت للبيت...

كالو راح يصبون غدا ...

كالن كومي لغرفتج ...

صاحت الحجيه تعالي يمه هنا بغرفتي ..

من كالت هيج عرفت اكو شي وراح تحجي!!

دخلت للغرفه وكعدت على جربايتهه...

اجت تمشي على العصا مالتهه وظهرهه محني..

نور محمد كله بوجهه ...

كعدت يمي ولزمت ايدي..

كالت بنيتي اني اعرف بكلشي؟؟

... بس كالت هيج بجيت ..لزمت ايدهه وكمت ابجي كتلهه خاله والله غلطت وصارت المشاكل غصب عني... فدوه ساعديني جسمي تعب من الكتل ..

وثابت مايرحم ولا عمي يرحمني..

شفت دموعهه تجمعت بعينهه كالت هسه اهدئي وخليج طبيعيه ترى شماتنه هواي..

واكو منهن انتبهن عليج ليش ضايجه؟؟

اني وياج ونحلهه بس اريدج تبنين على نفسج عروس ومحتفله وفرحانه ما اريد تفشليني..

ترى كامن يسمعني حجي عبالهم ماتريدين ثابت؟

واني ما اقبل على هيبة ابني تروح

جاب عمره كلهه تهابه وتخاف منه لا تذلي يابنتي..

كافي علي الشافه وعاشه..

بستهه من راسهه وكتلهه ميخالف...

كالت روحي صعدي لغرفتج ارتاحي ولاتنزلين الا احنه نصيحج..

اريدج معززه مكرمه حالج من حال مرت علي وعامر..

عدنه الجنه هنا شي جبير نفضلهه على بناتنه ونحفظ كرامتهه ...

واني وي الحق اذا مظلومه ما اعوفج...

صعدت لغرفتي بدلت الكلابيه ثكيله وكعدت على الجربايه ضميت رجليه وخليت راسي عليهم ...

غلطت صح والله وزني الشيطان ما اعرف ليش هيج سويت كمت ادعي الله يخلصني من هاي المشكله..

بعدني بوسط افكاري اندك الباب عدلت كعدتي دخلت فاطمه فرحت بشوفتهه حيل كمت من مكاني وتلكيتهه اريد احضنهه...

ماشفت بعيونهه اي فرحه جانت عيونهه مثل عيون اخوهه عصبيه وتريد تاكلني..

رغم هذا تلكيتهه بأبتسامه كتلهه هلو فاطمه ماشفتج وين جنتي؟؟

ماحسيت بس حراره الراشدي على خدي..

جانت ضربتهه كلش قويه ..

رفعت راسي الهه وحجيت بحده ليش ضربتيني؟؟

تقربت عليه ولزمتني من زندي كالت ولج انتي جريمه اسميتي بأسم اخوي عديمه التربيه

تمسكنتي لحدما تمكنتي بس شتوقع من وحده بكد الذبانه وتتمعشق وجرتلهه زلمه شكبرهه...

احسلج لاتشوفيني وجهج ..

مومكيفه اتزوجتي بعد عملتج ياناقصه الشرف ..

ترى اخوي ستر عليج بعد ماخلصتيهه من حضن لحضن بس شكم شهر ويطلكج ويطلع من خطيئتج..

دفعتني وراحت ماحجيت حرف واحد..

جانت هاي كلماتهه اصعب شي لو ذابحتني ولاحجت هيج كعدت بالكاع كمت اضرب بنفسي واملخ بشعري ...

انفعلت حيل ..سمعت صوت على الدرج ركضت للحمام خاف واحد يشوفني..

سمعت الباب انفتح .. غسلت وطلعت..

لكيته ثابت يطلع ملابس..

ماباوع بوجهي ابد ويمكن حته ماشافني باجيه..

راح سبح واني على كعدتي ..

كلت خلي اسأله متغدي

.. كتله ثابت تغديت

.. اندار عليه بنظره حاده لا تسأليني اتسممت لولا من اشوف وجهج تنسد نفسي..

ولاتسمعيني صوتج وتلعبين دور البريئه..

.. سكتت ودنكت كامت دموعي توكع بأيدي..

بدل وطلع ضليت اتلفت على الغرفه شلون راح اعيش هنا واني بوسط غابه واني خليت هاي الوحوش الي بداخلهم تظهر...

مرت ايام العرس بالموت الاحمر احاول امثل دور العروسه الفرحانه بس اصعد لغرفتي انفجر من البواجي...

ثابت مايباوع بوجهي ابد واني انام بالكاع وهو على السرير

وفاطمه اقسى معامله معاملتني

بس الحجيه زينه وياي لقاء ومرت عامر طبيعيات وياي..

بعد السبعه اجني غاده وغسق شوي ارتاحيت من شفتهم..

نعيمه ماشفتهه من يوم الي حاجتهه لقاء...

خطار هواي يجيهم ومايفرغ بيتهم ابد يكولن دائما احنه هيج...

تليفون ماعندي وحته تلفزيون ممنوع اباوع...

ثابت حكم عليه حكم النمرود...

استاهل الي يصير بيه وانتظر العفو من ربي ومن ثابت...

بيوم منهن اجت ابتهال اختهم تبا يمهم لان متزوجه بغير منطقه بعيده عنهم وعدهه جهال هواي...

وجهال عامر وعلي صارت ملحمه كلكامش

ناس تعض وناس تكفش...

سوينه عشا وانريد انصب ننتظر ثابت يجي تأخر ...

تقريبا ساعه بعظ الانتظار واجه..

صبينه العشا وكملنه اجيت كعدت يم الحجيه..

بس شفته اشرلي بطرف حاجبه معناتهه كومي...

مافهمت ليش؟؟

بسرعه كمت وصعدت لغرفتي حتى محد كال ليش وين رحتي؟؟

ضليت كاعده فوك اخاف انزل ..

اسمع صوت ضحكهم وسوالفهم..

شوي واجه ثابت ..

كال بعد ممنوع تكعدين ويانه اكلي بالمطبخ ولاتضلين تفترين بطولج كدامي لا اخلي بيج صواب واكتلج...

ماسالته ليش؟؟ بس كتله حاضر.. بس دموعي ولا وكفن يرزل بيه واني ابجي..

شنو من قساوه شايلهه كلبك؟

كمت ما اكعد وياهم ابد فاطمه تغسلني غسل يوميه ودكول اتخبل من شوفتج..

صرت منبوذه من الكل محد يريدني حته غاده وغسق نعيمه ماتخليهن يجن..

اشوف لقاء تروح لاهلهه شكد  اتمنى اصير مثلهه..

من يكعد عامر الا يكعد مرته يمه ويخلي اللحم كدامهه يكولهه اكلي انتي اتعبين

واني ثابت تنسد نفسه من يشوفني...

شهر بس دهر بالنسبه الي ..

صح محد يكتلني بس الذل الي شفته بس الله يعلم بي ..

وصلت بثابت يتاخر يله يرجع يكول ماريد اشوفج..

صادف يوم جمعه والحجيه كالت نظفن البيت لان جاينه رمضان وتخلصنهه نوم...

كمنه نشتغل اني ولقاء وافراح مرت عامر...

نضفنه البيت كله لحد المغرب واحنه نشتغل...

تعبت حيل احس اعضامي تكسرت كعدت استراح على الكرسي ..

اجتي فاطمه بهذاك الغلط... كالت

اي العفيفه تعبتي واحنه نخدم بيج..

حرام الاكل ابطنج ام ال.....

كومي لا اخلي ثابت يكسر عظامج واحد واحد..

اني طك كلبي كتلهه فاطمه مشكله بيني وبين ثابت شكو حاقده عليه سبحانه المايغلط معصومين انتو؟؟؟

ياريتني ماحجيت هيج..

انكلبت عليه عفريت ...

غلط وسب وجرتني من شعري... اجت لقاء فكتني منهه...

شكد حسيت بمهانه عروس وهيج انذليت كدام نسوان حمايه...

الحجيه جانت تصلي...

صعدت للغرفه ابجي كسرتي جبيره ومنو يجبرهه لا ام لا اخ لا احد اعتمد علي لارجال يريدني ربي اخذ امانتك وخلصني...

كاعده ابجي وصعدتلي الحجيه ..

كمت وكفت لزمت ايدي وكعدتني ..

مسحت دموعي

... وكالت لاتبجين ربج ماينساج

... خاله والله ماحاجيتهه ليش تكرهني؟

... يمه فطم توم هي وثابت روحهه من الدنيا اخوهه زعلانه على زعله واني واكعه بنصكم والله كلبي يأذيني عليج بس ثابت ماينرد ولا واحد يتفاهم ويا اني امه وما اتجرأ احجي ويا..

اصبري واتحملي لازم يجي يوم ويصدكج وحتلو ماصدكج ربج ماينساج...

بعدهه تحجي وياي انفتح الباب حيل...

ثابت عصبي ويصيح راد يجرني بس احتميت بالحجيه...

تتوسل بي يفتهم الصار وهو يكلهه يمه هاي ماتنطي وجه ..

كوه هدئته امه وطلع ...

ارجف من الخوف كالت تعالي يمي بالغرفه ترى مايسكت هذا اعرفه ابن بطني ...

نزلت وياهه وماطلعت من الغرفه ابد...

حته ماتعشيت ...

فرشت ونمت احس اعظامي تصل ...

وبردت حيل كمت اهذي وارجف الصخونه عمت عيوني...

لا ام يم راسي لا رجال مهتم بيه...

كوه جريت نفسي وكعدت الحجيه كوه احجي..

ضلت تسويلي كمادات وتقرالي ايات ...

شكد تمنيت ثابت يجي يسأل عليه ...

ثاني يوم مااشتغلت خطيه البنات اشتغلن واني على نومتي...

ايام عصيبه مريت بيهه شفت المر من الم وعذاب وذل ومهانه...

ثابت مايتواجد بالبيت اغلب اوقاته بالشغل بس فاطمه ومريم بنت علي متعبتني ..

مريم طالعه  على عمتهه وشاده وياي...

.. ورا العشا دزت عليه الحجيه كالت بدلي والبسي غيري ثابت وخلي ينسه ترى الرجال هاي الشغلات تغير اكبر رجال...

يمه اذا بقيتي هيج راح تزود ماتقل المشاكل وهو راح يبقى يفتر بنفس المكان والتفكير ياكل بي..

.. خاله اخاف منه ومايباوع بوجهي شلون ابدل والبس..

.. كومي ولاتحجين

كومي سبحي وبدلي وانتظري يجي 

ثابت من سترج وماخله عمج يذبحج لان يحبج جان شالج وشمرج حالج حال خطيبته السابقه..

سمعت كلامهه وكمت سبحت ولبست فدشي قصير وفتحت شعري...

ضليت كاعده انتظر يجي صارت ب12 يله اجه..

اول ما طب وشافني تغيرت ملامحه ..

تقرب عليه واني ارجع ليورا

بلحظه خله ايده بشعري وسحبني كلش تأذيت حسيته انشلع من جذوره..

.. كتله لاثابت عوفني الله عليك..

.. لازم اشتاقيتي صارلج فتره مامحصله شي؟؟

.. يضغط على شعري ويجر بي ..

بجيت بحرقه كتله والله خالتي كالتلي بدلي ..

.. سحب جكاره بيده وايده بشعري ..

خلاهه بحلكه وشعلهه اشوف الجمر مالتهه ورجليه ترجف ودموعي تجري..

كتله فدوه ثابت لاتسويلي شي والله بعد ما اسويهه خالتي كالت سوي هيج..

حسيت الالم وصل لأعماق كلبي ..طفه الجكاره بصدري شهكت حيل اتوسل بي بكل جوارحي ..

احس روحي تريد تطلع كل هذا وماعاف شعري..

مجرم بمعنى الكلمه...

ذب الجكاره وجرني لجربايه ..

كال ولج اشمئز منج تعرفين شجاي احجي..

اكتلج واخلص منج؟؟

بعتي شرفج بلحظه مافكرتي بيه ولج مافكرتي بسمعتي بشنو قصرت وياج؟

صح ما اتغزل ليل نهار بس انطيتج حب واهتمام وانتي ادورين من وراي..

جرني حيل صرت كبال وجهه اشوف عيونه دم..

وين اني وبعتي نفسج ؟؟ بيا يايوم بيا ساعه؟ مافكرتي بيه ما اجيت ابالج؟؟ ماكلتي اني على ذمه رجال ...

والله الواكفه بعيني امي جان ذبحتج بكل برود

دفعني حيل انظربت بالكنتور من الخوف ركضت للحمام...

ما اعرف وين الالم خليت ايدي على صدري تحركني حيل..

رجعت ايدي الم بشعري...

اجت خصله كامله بيدي..

بجيت بكل قوتي كمت اضرب براسي بالحايط

كلماته جانت خناجر وتذبح بيه..

لو كاتلني ولا حاجي هيج ...

ضليت بالحمام اخاف اطلع...لحدما حسيت علي نام ووطلعت بسرعه اتلفلفت بفراشي ونمت..

مانمت للصبح ابجي بفراشي والالم ياكل بكلبي وصدري يحركني...

ثاني يوم كعدت اجر بنفسي بخيبه ...

اشوف نسوان حمايه متونسات ويسولفن على الدلال العايشاته ...

واني ثابت عباله بعت شرفي ..

اااااخ ياكلبي شوكت راح تفرج عليك..

فاطمه تروح يم نعيمه وتجي شايطه عليه ...

تعبت حيل ماعاد اتحمل كلشي بيه تعب ...

مر على زواجي 3 اشهر انواع العذاب شفته

اكبر عذاب هو الذل ما اكدر اوصف حجم الالم الي عانيته...

الغصه بلعومي بس انفرد اشبع بجي ..

حتى لقاء وافراح من شافن معامله فاطمه ضلن يسألن شكو وليش ثابت هيج...

وليش ماتاكلين ويانه؟

شحجي وشأكول نفسه تلعب مني ويكول اشمئز منج؟؟

صرت ما اتحمل الحجي بس اسمع كلمه ابجي ..

اروح يم الحجيه ابجي وتواسي بيه بس ماتكدر لثابت...

خلال هاي الاشهر عرفت ثابت غريب

كلشي غريب بي..

كلامه مسموع محد يناقشه من يطب الكل يسكت حتى اخوانه يهابوو رغم اصغرهم..

شفت العجائب وما اعرف السبب شنو؟؟؟

فاطمه اذتني حيل بيوم اجت واني بالمطبخ جرتني من ايدي ..

اخذتني كبل للغرفه وسدت الباب ..

اول ماوكعتلي دك راشديات ...

اريد افتهم شكووو؟؟

كوه نطقت كتلهه ليش فاطمه بس احجي وابجي..

.. تريدين اكلج شكو يا ....

خلي بجي ثابت واكلج ليش ؟؟

شكم مره رحتي يم الولد؟ شكم مره بعتي نفسج؟؟...

انفعلت حيل كعدت بالكاع وكامت ادك على خدودهه وتصيح..

يا اخوي سوده عليك وين جانت مضمومه

الك هاي...

يا ابن امي ياثابت خلصت عمرك متعوب والله جازاك بهاي عديمه التربيه...

كعدت كبالهه وابجي كتلهه شكو فاطمه لاتحجين لثابت اذبحيني ولاتحجين بس فهميني شكو؟؟؟

لزمتني من ايدي كالت اترجاج اطلكي لاتهدين سمعته بالكاع لاتخلين اخوته يشمتون بي ولج ثابت مايستاهل الي جاي يصيرله..

ولج تقوى ابوس ايدج اطلكي منه وروحي لحال سبيلج دمرتي الله لايرضى عليج ..

وين يودي وجهه من الناس فضحتي الله يموتج ونخلص من عارج

ولج تالي عمره الشيب خالط شعره ...

وعرضه منشور وباحضان الولد ..

يا اخوي يا خيمتنه وين جانت الك ...

هي تحجي واني افترت بيه الدنيا ياربي شصاير مانمت بحضن واحد ولاتغزلت بأحد ..

فيس استخدمته شهر سوه بيه هيج..

شنو المنشور واني حتى موبايل ماعندي؟؟؟

اريد افتهم من فاطمه ما انطتني مجال ملخت نفسهه واني دخت ماكمت اشوف شي .....

#يتبع

حبايب كلبي❤

شاركوني بتوقعاتكم للاحداث الجايه

#البارت الثالث عشر

#ذنوب لاتغفر

#للكاتبه《روزاية》

تائهه، ضائعه،مرهقه، خائرة القوى...

متعبه،مترقبه لحدوث اي شيء سئ..

لا اعلم لماذا انااا لست اناا....

لا اجد الدنيا عادله...

املك كل اسباب السعاده ولكن اخشى ان افقدها..

اصبحت غلافآ هشآ سريع الإختراق..

هادئه من خارجي .. ثائره من داخلي..

الى اين ذهبت تلك الطفلة المرحه السعيده؟؟؟

في اي عالم هي  واي زمان فقدتها؟؟

أعيدوها لي فأنا احبها...

الى اين ذهبت وتغيرت؟؟

لماذا وصلت الى هنا؟؟

هل تلك الفتاة انا  ام انتي تلك الفتاة..

ام أننا كنا شخصآ واحدآ ولم نعد...

       ♡♡♡♡♡♡♡♡♡♡♡♡♡♡♡♡♡

وكعت وما ادري بنفسي...

فتحت عيوني راسي بحضن الحجيه وفاطمه عيونهه مورمه من البجي كاعده بالزاويه ولقاء وافراح يريدن يعرفن شكوو؟؟

ما انطتهن الحجيه مجال كالت عوفني يمهه واطلعن...

ضلينه بس اني وياهه وفاطمه ...

.. كالت احجي فطيم شعندج ويه البنت؟؟

.. فاطمه دايره وجهه وماتحجي..

.. صاحت بيهه ولج احجي لا اكوملج بالعصا حاطه دابج من دام هالبنيه شعليج انتي هي ورجلهه..

احنه نريد نهدي الوضع لو نخلي يتأزم..

.. امي طك كلبي منهه يوميه نعيمه تحجيلي اشكال سوالف مايلبس عليهه ثوب..

ولج يمه ثابت مايستاهل جاب عمره مبتعد عن الحرام ليش وين ماكو وحده زايعه الدنيا تصير بطريقه؟؟

اخوي هذا اشوف عرضه ينهان واسكت..

ليش تزوجهه موراد يستر عليهه يله خلي يطلكهه ..

المثلهه حرام تعيش عكربه سوده جبناهه وخليناهه ابيتنه ..

من كالت هيج كامتلهه الحجيه وصارت عصبيه..

ولح تنجبين لا اكسر اسنونج بحلكج مرت اخوج وعرضه هاي ومره ثانيه اذا رحتي لنعيمه الا اشوفج المايشافته ..

مره شكبرج ماتستحين تسمعين حجي على مرت اخوج ومكيفه .

المفروض حتلو صدك ترديهه وتخليلهه احد..

طفله وغلطت شنو نكلبت الدنيا ..

معصومين احنه ...

والله وروح ابوي اخلي ثابت يكسر رجليج اذا طلعتي .. احترمي نفسج واسكتي ولاتتدخلين..

.. كامت فاطمه على حيلهه كالتلهه اي خليهه طفله من راح ادنك روسكم  هم كولو طفله

صورتهه منشوره بلانترنيت وفضيحتهه ماتسولف وخلي يجي ثابت ودافعيلهه هيج..

شلون يخلي عينه بعين اخوته هااا فهميني ؟؟؟

عافتنه وطلعت..

من كالت صورتهه منشوره ما اعرف شسوي...

كمت املخ بنفسي ..

كتلهه خاله والله مادازه لاحد فدوه خاله ساعديني خلي يموتني ولا يكتلني

والله كتلته توجع الله عليج خاله..

حضنتني وتهدي بيه واسكتي واني ويمج لاتخافين..

بس ما اعرف اوصف الصارلي كمت ارجف

اعرف ثابت ...

ياريت يذبحني بسرعه ولا يعذبني

الهي اني بحفظك استرني ياربي تبت الك ياربي عاقبني بصحتي وعافيتي اذا زليت بعد..

ضليت كاعده والحجيه تقره قران  واني دموعي تمطر مطر كلشي بيه خايف ...

سمعت صوت ثابت بالبيت..

بهاي اللحظه لو اكو شي يمي الا اكتل نفسي بي ..

اريد اختفي اريد الله ياخذ روحي بهاللحظه..

الحجيه كالت صدق الله وسدت القران وكامت تلم بالسجاده...

انفتح الباب فاطمه تريد تطلع امهه من الغرفه حته ما ادافعلي..

وامهه ماقبلت تالي كعدت على الجربايه وكالت يله اريد اشوف شلون راح ادافعيلهه...

من خوفي اريد اكسر الحايط واطلع افتر بالغرفه مثل الطفل من يريد يضم نفسه ...

الحجيه تريد تلزمني واني بدون وعي ادفع بيهه واريد اشرد...

سمعت خطواته صارت قريبه ويصيح فاطمه وهي تجاوبه تعال ثابت ...

حصرت نفسي بين الكنتور والحايط ..

رجليه سعفه ومره الهوه..

كلبي ورقه ونفختهه..

عيوني سيل جامح..

حتى احتاجيت الحمام بهاي اللحظه..

اباوع للحجيه واتوسل بنظراتي الساني انعكد...

اشوف دموعهه تجري على خدهه وتحاول اطمن بيه لاتخافين والله ما اخلي يأذيج...

وفاطمه مستهزءه بكلام امهه... وتفر بحلكهه...

فتح الباب صرت كباله نفس عيونه وعصبيته ما ادري شصار بيه كعدت بمكاني اريد اسيطر على اعضائي كتله الله عليك لا تكتلني...

تقرب بخطوات هادئه وصارت الحجيه كدامه لزمته من صدره كالتله احلفك بروح ابوك..

لا تسويلهه شي..

دار عيونه عن امه وباوعلي مد ايده الي..

كال تعالي لاتخافين!!

ماكمت ضليت على نفس وضعيتي اتخيلته  وحش موثابت  على الرغم جان هادئ حيل..

عادهه مره ثانيه تعالي يابويه لاتخافين ما اسويلج شي

اشرتلي الحجيه اكوم ..

كوه حركت رجليه ووصلت يمه لزمني من ايدي وكال لفاطمه اطلعي ...

فاطمه بلحظتهه رادت تنفجر ماحجت بسرعه طلعت..

كعدنه بالكاع والحجيه لازمه ايدي..

كرفصت نفسي وكعدت بصف الحجيه ..

..كال هلكد خايفه؟؟ لعد مشيتي بهذ الطريق؟

.. الحجيه كامت تحجي بمكاني..

كالتله يمه سبحانه المايغلط مو انبياء احنه

وهي طفله ومالكت من يحتويهه لا ام لا اخت ..

زلت بوسواس الشيطان وهي يتيمه ياثابت..

سامحهه وربك غفور رحيم..

.. يمه السوته موسوايه بنت ابيوت ..

لاتخليني احجي واطلع من طوري ..

هاي الكدامي نايمه بحض شاب وعلاقه مده 4 اشهر..

.. من كال هيج لطمت الحجيه على صدرهه واندارتلي ولج تقوى صدك؟؟

.. لاوالله خاله والله ماخليت واحد يلزمني كلشي صار غصب عني عبالي تنحل وكبرت..

وخفت من ثابت احجي..

.. ثابت انت ماخذتهه بليله العرس لعد؟؟

.. دخيل ربج شاخذ منهه تريدين ادخل بخطيتهه واكتلهه بهذيج اللحظه؟؟

.. قويت نفسي وحجيت كتله والله محد سوالي شي .. والله اني بنيه.. حتى اذا تريد اخذني للفحص..

.. ماصدكني خزرني.. حسيت الحجيه كرصتني يمكن على الفحص..

.. اني اخذهه للفحص واتأكد ونشوف شلون؟؟

.. كل عقلج يمه تحجين هيج والله اكسر راسهه اذا اخذتيهه.. شنو موبعينج ؟؟

.. لايمه موهيج قصدي .. لعد تضل ضالمهه وعبالك موخوش وموبنيه...

.. ماضالم احد الي شفته وسمعته كلش كافي وتدرين بيه افقد من العصبيه بلحظه يجوز اكتلهه لاتجبريني اسوي شي بدون وعي..

.. لعد فاطمه شحجتلك؟؟

.. عوفيهه مالج علاقه بيهه وبعد ممنوع تطلع لنعيمه..

واني هسه حجيت وياهه مالهه علاقه بتقوى ولاتقللن من قدرهه كدام البنات...

اني جاي اعاملهه طبيعي كدامكم لاتخلوهن يشكن بشي..

.. والى متى تبقى البنيه يمك وانت مامتقربلهه ؟؟

.. شتقربلهه بربج انتي خليني لازم اعصابي لاصدك انفجر عليهه ..

التفت عليه كال اثبتيلي برائتج وهذيج الساعه لكل حادثآ حديث..

راد يكوم.. ولزمته الحجيه من ايده تعال احجيلي سالفه فطم شبيهه...

تنهد كالهه تروح يم نعيمه وهذيج تحجي على تقوى وتألف حجي منهه وعلى اساس صورتهه منشوره وهاي فاطمه مصدكه...

من فرحتي كتله يعني صدك ما انشرت صورتي...

تغيرت ملامحه كال اطمئني صورتج الدازتهه مسحتهه منه... ومحادثاتج هم مسحتهه ...

وجذبج وتبريتي مني هم مسحته..

التفت على امه كالهه بعد ما اوصيج بفاطمه...

عافنه وكام...

ما اعرف شحجي وهو اصلا ماينطي مجال..

كالت الحجيه تعالي احجيلي بالتفصيل شو ما ادري بهذا الحجي ماسولفتي..

كمت احجيلهه كلشي وهو عباله علاقه حب واطب واطلع برضاتي

كتلهه والله اتورطت واستغلوني ضل يهدد بيه وماادري توصل لهنا..

كالت اني احلهه بس انطيني وقت واتجنبي المشاكل...

مر اسبوع الوضع هادئ فاطمه مالهه علاقه بيه ابد..

بس الحجيه مدري شتخطط..

بيوم كاعدين على العشا كام ثابت ينزلني اكل وياهم...

وعلاقتنه كدامهم طبيعيه بس ابد مايباوعلي

ولاتجي عيني بعينه...

.. كالت الحجيه

باجر يمه اخذو نسوانكم وروح زورو للامام الكاظم...

.. كال علي غير مره حجيه عدنه شغل!!

.. يا يوليدي  باجر جمعه اطلعوا اتونسوا هاي النسوان بس يكرفن شغل ..

وزورو لابوكم ووزعوله ثواب..

.. كال عامر يمه باجر معزوم على غدا..

.. لا ادورون اعذار الي عنده شغل يخلصه من الصبح وانت اتغده وتعال العصر روحو تعشو وتونسوا وتعالواا..

ابوكم مطلوب زياره للامام وزورو نيابه عنه وهم تفرحون عوائلكم...

قبلو والبنات فرحانات بس ما اعرف اني من ضمنهم لااا ؟؟

كملنه عشا وغسلنه مواعين صاحتني للغرفه..

.. كالت باجر يرحون الولد وتحضرين نفسج لثابت اثبتي برائتج؟؟

.. لا يمه مثل هذاك اليوم يفشلني وجواني!!

.. اسمعي كلامي والله ترى اطببج كوه واخلي ياخذج

صح مايقبل بس مالج علاقه نسويله الف حيله...

ثاني يوم كلهه حضرت غراضهه وراحت..

ثابت عنده شغل واني والحجيه بالبيت يدري مارحنه...

كالتلهم تقوى مريضه مو مال ازدحام..

صعدت حضرت نفسي وبدلت بس ما اعرف شراح يصير..

مافكرت ابد عفتهه على الله..

جبرتني الحجيه البس سيت النوم الابيض ويفشل..

عبالك ماكله الفار يبوو اليوم ناويه تخلي كتلتي عمل شعبي...

شوي وسمعت صوت سياره ثابت ..

مااتذكر بهذيج اللحظه شسويت عقلي واكف ماردت افكر ابد...

اسمعه يصيح يمه وينج؟؟

الحجيه وين ضمت نفسهه والله عليهه سوالف..

فتح الباب صرت كباله كاعده على الجربايه...

من شفته كمت واحاول استر نفسي من هذا الي يفشل..

.. اول ما تفاجأ بلع ريكه..

.. كال وين امي؟؟

.. ما ادري!! بس احجي بهمس..

.. تقرب عليه ..

المن ابدله؟؟

.. تجرأت كتله الك مو تريدني اثبت برائتي

.. صوت انفاسه عالي...

ارتبكت من نظراته...

.. واذا طلع العكس شسوي بيج؟؟

.. اني متأكده من نفسي وروح امي محد لزمني..

خله اصبعه على شفايفي ..

لاتجبريني تقوى نفسي ماتتقبل هذا الشي!!

هاي ثاني مره اتفشل حسيت باهانه موطبيعيه

نزلت دموعي..

كتله اني ما اريد اذل نفسي بس الحجيه جبرتني البس هيج والله اني مومن هذا النوع بس انت ذليتني هواااي!!

.. كافي لاتبجين من احس نفسي اكدر اتقبل هاي الفكره اني اطلب منج..

.. لادكولين اهانه انتي مرتي واحنه واحد

تقرب اكثر عليه مسح دموعي..

كال ما متعمد اهينج بس الا هاي الشغله اني كارهه... الصار والشفته والسمعته اكبر رجال يسوي اكثر من هذا ...

هو يحجي واني استر بنفسي صدري مبين ورجليه ..

نزع سترته وخلاهه على اكتافي..

كال لاتستحين روحي بدلي..

عفته وركضت للحمام صح ماضربني وغلط

بس تبقى اهانه لكرامتي مرتين يفشلني..

كله من ورا الحجيه ماتدري بابنهه اسم على مسمى ماتهزه هاي الهدوم المشككه...

بدلت وطلعت ماموجود نمت بمكاني وابجي مااكدر اباوعله من الفشله...

بوقتهه اجتني الحجيه ومن شافتني سكتت بس كالت الله يهدي ..

تعبت نفسيتي خلال هاي الايام ..

اكبر ذله ومهانه من يرفض الرجال مرته...

يقشعر جسمي من اذكر الموقف ...

ابد ماحجيت ويا ولا اباوعله كلش فشلانه من الموقف...

مر على هاي السالفه تقريبا شهر..

والوضع كما هو ثابت مايحاجيني بس كدام اهله فاطمه مالهه علاقه بيه بس مريم مأذيتني

ادور حجج ماتعرف بالسالفه بس ما اعرف شبيهه ...

بيوم صعدت انام الساعه ب10 ..

حاولت شكد انام ماكدرت ثابت مااجه بعده...

ضليت ممده بفراشي واستغفر ...

ماحسيت غير فتح الباب...

باوعلي بعدني كاعده..

.. كال ليش مانايمه؟؟

.. مدري شلون طلعت مني كتله منتظرتك!!

..باوعلي بنظره متروسه حنان

.. تقرب عليه واني كاعده بفراشي ..

جرني من ايدي كومني بسرعه طخيت بصدره..

انفاسه عاليه حييل وايده تبعد خصلات شعري..

بدون وعي دفنت راسي بصدره وحضنته ..

حيل محتاجته ومشتاقتله.....

خله ايده على راسي وضمني لصدره...

ضلينه دقايق على هذا الحال...

ما اعرف شنو الصار وشنو التغير بهذيج اللحظه...

بس احس بشفايفه تجول على جسمي..

واني عريانه بين ايده..

غمضت عيوني ما اريده يخلص الحلم...

عاملني بكل حنيه بالبدايه..

بعدين حسيت بقساوته...

اتأذيت بين ايده واريد اصرخ وما ينطيني مجال..

حتى بوسته صارت قاسيه ..

لمساته حيل جريئه رغم الالم بس احساسي غير..

اخذني لعالم ثاني كله حنيه ودلال ولاعبالك هذا ثابت الي كدامي..

لحظات.. دقايق ما اعرف شوصفهه؟؟

بادلته نفس الشعور...

ابتعد عني وصاح بصوت حاد ولج تقوى!!!!

#يتبع

احبكم❤❤

#البارت الرابع عشر

#ذنوب لاتغفر

#للكاتبه《روزاية》

لا استطيع العيش معلقه بين

الحزن والفرح..

بين الالم والشفاء..

بين التعب والراحه...

بين التصديق والتكذيب..

فقط ...

سأحيا او اموت..

       ♡♡♡♡♡♡♡♡♡♡♡♡♡♡♡♡

صاح ولج تقوى.. وخله راسه بركبتي ذب كل جسمه عليه حسيت بثقله ..

حسيته مثل الشايل هم وانزاح منه هسه

شمر نفسه عليه واسمع دكات كلبه سريعه

اني جنت ما اكدر اتحرك من الالم وكوه مفتحه عيوني..

باوعتله وحجيت بهمس

هااا ثابت..

.. ماحجه شي بس باوع بعيوني

كال تأذيتي شويه ... وغطاني وكام..

كوه كمت من مكاني لميت نفسي وصاير على الفرشه..

لميتهه وعدلت الجربايه...

طلع من الحمام..

ماباوعلي ولاكالي شي..

بس كال روحي اسبحي..

اخذت ملابسي ورحت للحمام سبحت واحس بألم فضيع بداخلي..

طلعت من الحمام لكيته نايم ومخلي ايده على راسه..

ماحاجاني ولا اني حجيت شي..

نمت بفراشي بس كلش مستهظمه اخذني وشمرني ولا باوعلي ..

زين ليش صاح باسمي وبصوت حاد شراد يحجي؟؟

شاف دليل برائتي بعينه ليش هيج يسوي؟؟

احس بالم بس ساكته شفته طلع من الغرفه وباكيت الجكاير بيده...

كعدت الصبح ماموجود طالع لدوام...

نزلت جوا لكيتهن بالمطبخ صبحت عليهن ابتسمتلي الحجيه..

وسوتلي مكاني بصفهه..

كدامهه القوري مال الجاي وجبن ..

رادت تصبلي ماخليتهه صبيت اني وبديت اكل..

قربت نفسهه عليه وكالت على الخير بنيتي ربي يهدي عليج وصيري سباعيه..

اني بس ابتسم وخجلت حيل..

وفاطمه واكفه كدامي تبحلق بعيونهه..

حسيت براحه موطبيعيه بهذ اليوم رغم وضعي بس على الاقل كدرت اشيل شويه من الشك الي عنده..

شوي متأذيه وكوه امشي...

فاطمه ماخذه الشمره من اخوهه مخلصتهه كله خزر...

اشتغلت وي البنات وفد فرحانه وكلساع ادعي الله مايضيع فرحتي..

مر اليوم واني بين غرفتي وبين الحجيه ..

ثابت يجي بليل يوميه لان عنده شغل ورا الدوام..

بدينه انحضر العشا دخل ثابت ..

بعدهم على وضعهم من يشوفو يسكتون وهو قليل الكلام..

اشرتلي الحجيه روحي صعدي ورا...

صعدت لكيته يبدل ماحاجاني ابد..

.. كتله احضرلك الحمام تسبح؟؟

.. اني احضره مايحتاج...

.. دخل للحمام واني ضليت كاعده ..

ما اعرف وين راح تصفى وشلون يقتنع ...

طلع من الحمام اخاف احاجي..

.. كال ماتنزلين تتعشين؟؟

.. مو الحجيه كالت صعدي ورا ثابت..

.. ابتسم ابتسامه خفيفه ماشايفتهه من فتره خطوبتنه..

كالت الحجيه موتي تموتين..

اشو كلهه تلتزمين باوامرهه وتنفذين طلباتهم

الا اني؟؟

.. لا اصلا انت اول واحد انفذلك

..  يحجي وياي ويسد بالسحاب مال التراك..

امشي نزلي وي البنات واني هسه اجي وراج..

.. نزلت قبله وهو اجه وراي ..

مكان كعدته بصف امه وفاطمه من الجهه الثانيه واني دائما اكعد اخر وحده بالطرف..

... من كعدنه صاح تعالي تقوى هنا...

مدري شحاجه فاطمه وكعدت بصفه ..

بيومهه من الفرحه ماعرفت اكل حتى ما اوصل الخاشوكه لحلكي...

اذبهه على ملابسي.. جنه مسوين معكرونه وي العشا ..

افتح حلكي قبل ماتوصل الخاشوكه وترست ملابسي ..

كالي شجاج اكلي عدل زغيرونه...

فاطمه تنهد جنهه واحد غاص بلكمته..

واني من فرحتي كمت اخيط واخربط...

كام هو واني كمت ورا...

صعدت بدلت دشداشتي لان ادمرت...

ورا العشا هو يطلع دائما واني اكعد يم الحجيه نسولف وتوصيني اصبر واتحمل ..

وهو رجال موهينه علي..

صارت ب10 رجع من وقت لكاني يم الحجيه..

كال باجر تجي انسام وخالتهه اخذي حذر يمه

مابيه حيل مشاكل...

كالتله الحجيه هلا بيهه..

.. بس وصي فاطمه ترى السانهه متبري منهه..

ووصي هاي الفاهيه الي يمج..

.. اني اتلفت ادور منو الفاهيه بسلا قصده عليه..

ضحكت الحجيه كالتله ما اقبل تحجي  على بنيتي..

اي خليهه يمج بنيتج منا لمن يكبر عقلهه

.. كتله وشبي عقلي اصلا يوزن بلد

.. باوعلي ورفع حاجبه  وطلع...

التفت على الحجيه ..

كتلهه ليش تاخذون حذر من انسام شكو؟؟

شوفي يمه ندخل انذار بهاي الايام ..

انسام على خالاتهه وكحه وتجيب بتهم وتذب على نسوان اخوتهه حتى ابتهال ماخلصت منهه..

وهي لحد الان عدهه علاقه بخطيبه ثابت السابقه..

.. لعد انسام شو ما اجتي بعرسنه

.. اي ما اجت لان جانت هستوهه جايبه وماكدرت..

لاتنطيهه مجال ابد ترى هي وثابت مو اصطلاح..

.. اريد اسأل ليش ؟؟

واجت فاطمه ..

اكو امور غريبه هنا شنو السالفه وشصاير؟؟

كمت للغرفه لكيت ثابت يشوف اخبار..

فرشت بالكاع ونمت غفيت بسرعه وهو بعده..

ثاني يوم من كعدت اسمع صوت جهال جوا وهوسه

معناتهه اجت انسام..

بدلت لبست دشداشه حلوه وخليت كحل خفيف ونزلت..

كلت السلام عليكم ردن السلام..

سلمت عليهن بس سلامهن من ورا خشمهن..

كعدت بصف لقاء ..

.. كالت المريه الجايه وياهم يكلولهه ام سرمد

يا ام ثابت هاي شكبراتهه جنتج والله عيب ثابت رجال طول بعرض ماخذله وحده فرخه...

.. يا اختي ام سرمد الحب مايعرف عمر

حبهه بعد وطلعت بنت اوادم وخوش بنيه..

.. كرايبكم كومه مالايقتله..

.. لاتحجين هيج لايسمعج ثابت وتعرفين شيسوي ماكو داعي اذكرج..

التفتت عليه ولج تقاوي ليش مخليه كحل موكايلج ثابت اغار واحد يشوف عيونج..

.. اني عشت الدور كتلهه خاله شوي وامسحه ..

انسام تفر بحلكهه وادردم ولقاء خربانه ضحك والحجيه لازم السبحه مالتهه ودكول استغفر الله استغفر الله...

كمت للمطبخ وي لقاء وميتين ضحك دكول بعد كلبي خالتي شلون قصفتهه..

نضحك واجتي فاطمه..

شكو تضحكن؟؟ وانتي ليش تارسه عيونج كحل؟؟

.. ليش لازم استأذن منج يله اخلي؟؟

.. ولج انتي شكد صلفه وب.....

.. هي كالت هيج انفعلت كتلهه مثل ما محترمتج تحترميني وواجب عليج هذا..

واذا تريدين تغلطين احجي كدام ثابت ولا تتختلين وتستغلين الفرصه..

.. ولج السانج شطوله والله الا يجي واخلي يكسر راسج ..

ماتحملت حجيهه عفتهه وومشيت..

التهيت بالشغل واتجنبت انسام وخالتهه ..

رجعو الولد علي وعامر..

كالو لاتسون عشا ثابت يجيب وياا..

خلصنه من سالفه العشا بس حضرنه شغلات بسيطه..

رجع ثابت من وقت وجايب ويا العشا بدينه نحضر وشفت فاطمه واكفه ويا تسولف اكيد اليوم يعلسني..

بس ما اسكت بعد والله الا اوكف بوجهم واذا يريد خلي يطردني...

كافي ذل ومهانه تهموني بشرفي وسكتت ...

شوي وصاحني ثابت..

صعدت ورا... بس تسلل الخوف بداخلي..

رحت لكيته كاعد على الجربايه ومخلي ايده على رجله ومدنك..

.. كتله هاثابت صحتني...

.. شعندج وي فاطمه؟؟

.. ماعندي شي هي غلطت عليه كدام لقاء...

.. شغلطت عليج؟؟

.. سكتت استحي الفظ هيج كلمات ابد ماكايلتلهه..

.. احجي شكالتلج..

.. كالتلي صلفه وب....

.. ليش كالتلج هيج؟؟

.. لان خليت كحل...

.. باوعلي وكال انزلي ولاتسوين مشاكل...

نزلت بدون ما احجي ..

كمت اشيل بالعشا وياهن..

وثابت كاعد على التخم ..

شايله كلاصات اريد اخليهن على السفره دنكت حسيت بضربه خفيفه برجلي ..

التفتت شفته ثابت اشرلي بعينه ..

عرفت لان دنكت...

كملنه نقل الاكل وكعدنه المكان ضيك صرت لزك بثابت ..

والحجيه من الجهه الثانيه كلساع ودكوله يمه مختنكه ادنه ..

صارت رجلي ملاصقه بفخذه.. كلبي يدك سريع كلهه بدت تاكل واني صافنه..

.. كال اكلي شبيج؟؟

.. كمت اكل على كيف بس قربه وعطره شل حركتي..

انسام تباوع بحقد وخالتهه  تباوع ولكمتهه بحلكهه..

كملنه عشا وصبينه جاي كلهه مجتمعه تسولف ..

انسام عبالك خرسه من شافت ثابت ماتحجي ابد...

فاطمه زعلانه عبالهه يكتلني وخابت مساعيهه..

طلعوا الولد وضلينه وحدنه النسوان ..

انسام عدهه بس ولد وصغار ...

كالت ابتهال خابرتني باجر تجي..

دكول ماالي واهس اطب ابيت ابوي من عرس ثابت..

.. كالتلهه الحجيه ليش؟؟

.. يا غير عيالهه من جايين بالعرس كايليلهه صدك جذب وين لكاهه ثابت موحلوه وزغيره..

باوعتلي وكالت لاتزعلين حبوبه ترى الي اسمعه احجي..

.. كتلهه لا عادي احجي ..

اني مامتزوجه عيال ابتهال حتى اضوج من رأيهم اني متزوجه ثابت ويكفي هو مقتنع بيه...

.. يادهر فرج شلون السان؟؟

.. كالتلهه الحجيه انسام شنو هالحجي..

تقوى جنتي وبنتي والي يحجي عليهه معناتهه حاجي عليه ...

.. حاولت فاطمه تغير الموضوع لان الحجيه صارت عصبيه..

ضجت حيييل شكد دنغوزيه اني مامسويتلهه شي

حيه ام راسين وجلدهه منقط..

كمت وعفتهن رحت يم افراح بغرفتهه كالت اني ماارتاح لانسام وعامر كال اتجنبيهه...

صارت ب10 سمعنه صوت الولد اجو وصار ضحك وسوالف وثابت ماكووو...

كام يتأخر الوقت وثابت ماكو صارت الساعه ب12

وبالي علي رحت لخالتي ...

كالت هو يتأخر ومايقبل واحد يخابره...

ضليت الوب بمكاني كل واحد راح لغرفته وثابت ماكو ...

كعدت على الدرج انتظره سمعت صوت سيارته..

ضليت كاعده اول مادخل صرت بوجهه ..

.. كال شعندج كاعده؟؟

.. منتظرتك تأخرت.

.. اصعدي نامي عندي شكم شغله اخلصهن بغرفه المكتب واجي..

.. صعدت نمت وعفته ما ادري شوكت جاي ونايم..

ثاني يوم تقريبا الساعه ب4 العصر نسمع بس الهوسه بالباب واجه عامر يركض واخذ سلاحه..

كلنه ركضنه ورا ومحد يكول شكو؟؟؟

الحجيه تصيح وراهم شكو ولكم ثابت وين ؟؟

ومحد يجاوبنه...

شفت ابن عامر حسوني لزمته كتله شكو عمك ثابت وين؟؟؟

يحجي مكسر كال عمي تعارك...

بعدني اريد افتهم من حسون واسمع صوت طلقه ..

الحجيه وفاطمه ملخن نفسهن ويصيحن ثابت...

شبي ثابت ياربي لاتفجعني بي ..

صحيح اذنبت اني وصحيح مشيت بطريق بس لاتاخذ مني ثابت وتعاقبني بي ..

كعدت بالكاع حيل بعد ماعندي...

صوت الصياح مال زلم برا والنسوان اليمي ما ادري شصار بيه...

الكل تبجي وتصيح شكو ومحد جاوبنه...

الحجيه ماخلتنه نطلع من المطبخ ..

وكل وحده لازمه جهالهه بيدهه...

وجان نسمع صوت طلقات متواصله ( خرط)

واسمع صوت عامر بصيح ولك ثابت......

#يتبع

بارت صغيروني لعيونكم حبايب ....

وارجوا منكم ماتغلطون وتسبون لان عدنه شخصيات ميته

#البارت الخامس عشر

#ذنوب لاتغفر

#للكاتبه《روزاية》

لاتكن سمحآ وطيب القلب معي..

عاتبني اشتمني أنبني..

لاتقابل اسائتي بأحسانك..

فأنا اتعذب من هذا...

من خطأ ارتكبته ولا اعلم لماذا؟؟

لاتسامحني فأنا اريد ان اسامح نفسي..

اخطأ في حقي لكي اصحح لنفسي فعلتها

وبذلك نكون قد تساوينا....

♡♡♡♡♡♡♡♡♡♡♡♡♡♡♡

من صاح عامر ثابت....

الحجيه ضربت صدرهه وصاحت يمه وليدي

فاطمه والبنات بجهه واني كاعده بمكاني ادك على راسي بس هذا عندي بالدنيا اموت ورا ياربي...

وكلهه تصيح ثابت ..

يعرفون ثابت شراني وعصبي...

هي دقايق بس صارت شهر ماكمت استوعب الحجي الي يمي بس لمحت عامر دخل وايده وملابسه كلهه دم...

بدون وعي اخذتني رجليه قبل الكل ركضت لزمت عامر من قميصه بس اصيح وين ثابت؟؟

عيوني مغوشه وما ادري شجاي يصير لزمتني افراح وتحجي وي رجلهه شكو وين ثابت؟؟

.. الحجيه واكعه بباب المطبخ ويذبون عليهه مي..

كال عامر شجاكم صلو على النبي ثابت مابي شي بس عركه صارت وواحد تصوب ..

من كال هيج كمت اضحك بدون شعور وامسح دموعي واحلف بي يكول ثابت مامات..

يمكن بهذيج اللحظه تخبلت لان اتصرف بدون وعي..

كام يصيح علينه عامر وطببنه جوااا...

كال هسه يجي يمه ناس ..

كمت احمد واشكر بربي

والحجيه خطيه كوه تفتح عيونهه ..

فاطمه وبنات علي يبجن بس انسام بعين وكحه ولامهتمه ولا عبالك اخوهه ...

شوي ونسمع صوتهم اجوو..

دخل علي وعامر وعيوني ادور ثابت...

اول ماشفته ركضت علي حضنته.. هو طويل رفعت نفسي وحوطت ركبته بأديه...

حسيت ايده على ظهري..

نسيت الواكفين ومنو ووين اني؟؟ كل اليهمني ثابت بهاي اللحظه..

همس يم اذني وخري منا اخوتي عيب..

ابتعدت عنه وراح باس راس امه وحضنهه وهي تبجي وتعاتب بي ليش يمه شكم مره موصيتج؟؟ تريد تموتني ولك ثابت...

يطمن بيهه وهي بحضنه ..

التفت عليه كال سويلي جاي...

هنيال اعصابك على هالبرود ..

رحت اسوي جاي وامسح بدموعي ..

كمت اتخيل لوصاير علي شي..

منو الي ليش مامكتوبلي افرح ؟؟

كمت ابجي واتخيل حياتي بدون ثابت..

ماحسيت غير الدنيا افترت بيه كمت اشوف الكاونتر بالمكلوبي... ووكعت..

ما ادري شكد مر الوقت بس انتبهت بحضن الحجيه بغرفتهه وتقره ايات على راسي ..

لقاء وافراح واكفات ..

كالن شجاج ماسمعنه غير بس صوت الوكعه اجينه لكيناج متخربطه..

وشالج ثابت وتغمزلي لقاء لوتشوفي شلون خاف عليج...

.. ابتسمت على حجايتهه

وافراح دكلهه ماتوقعنه ثابت هيج يحبج لان مايحب بس امه وتضحك...

اجه ثابت كعد يم امه من شافنه طلعن..

سحبني من ايدي وكعدني بحضنه رجليه صارت على رجلي وراسي على صدره ..

نسيت امر الحجيه مديت ايدي وحضنته من ركبته ..

كال شلون صرتي؟

كتله زينه...

ضليت على هذا الوضع وهو يسولف وي امه على المشكله..

.. يكولهه لاتشغلين بالج هذوله السرسريه الي كل سنه اجو يهدون علينه..

.. يمه لعد منو التصوب؟ وهاي الطلقات المن..

.. هاي هم يضربون بالجو وعامر جاب اسلاحه بس ماضرب بي..

هم هواي من ضربو بالجو اجت بواحد من زلمهم..

.. يايمه نارهم تاكل حطبهم.. شوكت نخلص منهم

امشي عليك محمد اجفه شرهم صارت عندك مره يمه خلي يولون ناس ماتستحي ومايخافون الله..

.. راسي بركبته واشتم بعطره يخبل

همسلي بصوت خفيف كافي ولج...

ما ابتعدت ضليت بحضنه مثل الطفل من تضمه امه لصدرهه...

خرب عليه اللحظه صوت عامر يصيح ثابت...

بعدني بهدوء وكام يشوفه..

اني كوه مفتحه عيوني ونسيت الحجيه..

.. كالتلي دهر فرج خايبه شبيج صرتي جنج دجاجه...

.. ابتسمت بخجل ودنكت

.. ولج شفتي شلون يحبج وخاف عليج ونومج على كلبه حتى نسه السويتي..

.. لزمت ايدهه وكعدت كبالهه كتلهه خاله اريده بس الي ساعديني يرجع مثل قبل..

.. ضحكت بوجهي كالت ولج انتي مرته تقربيله حسسي بحبج ..

هاي البنوات اشكال عدهه حيل وانتي جنج دجاجه بيهه جدري...

.. علميني حجيه والله اسمع كلامج..

.. ولج كومي منا شعلمج..

هذا عقلج شبي فكري ودللي رجلج ولاتخلي يروح من ايدج...

فرحانه فرحانه اريد اطير كلساع اعيد اللقطه من خلاني بحضنه ويسولف وايده على خصري..

بليل طلعوا الولد وضلينه وحدنه بس علي يمه جماعته...

نسولف ونضحك وانسام ماعاجبهه الوضع..

كمت حضرت ملابس ثابت مال الدوام اسمع انسام تحجي بالتليفون دكلهه دتعالي باجر وشوفي بعينج...

ماعرفت ويامن تحجي وشتخطط هاي السعلوه..

كلما افوت من يمهه دكول شبيج جنج احصان هيج تمشين..

وما اجاوبهه ..

نعيمه سامعه بالسالفه واجتنه بليل من يوم عرسنه ماشفتهه..

سلمت عليهه وردت من ورا خشمهه مشتاقه للبنات بس هاي الحوته ماجيبهن...

حتى عمي جاي وماكلف نفسه يسلم عليه..

من طلعت لزمتني يم المطبخ كالت مبينه فرحانه ومتونسه ام الولد..

لاتفرحين هواي تنكشفين ويشمرج بالزباله...

كتلهه عليج بنفسج مالج علاقه بيه طلعت من عندج وابتعدي عني وخلي الله بين عيونج بناتج مايستاهلن وعفتهه ومشيت ..

هي تندل الباب وحدهه...

صعدت لغرفتي سبحت وبدلت وفرشت فراشي...

اجه ثابت كال راح اسبح حضري ملابسي مال الدوام كتله محضرتهن...

راح للحمام واني مددت بفراشي

لشوكت اضل نايمه بالكاع؟؟

يله الحمدلله شوي شوي يرجع

طلع من الحمام والخاولي على راسه عطره يمشي قبله...

واكف يمشط بشعره واني اسرق النظرات..

على طوله وعلى شكله..

التفت عليه وارتجى على الميز كال تعالي يمي..

جني خبله بسرعه كمزت من مكاني وشعري منفوش..

شجاني غير امشي على كيف وبهدوء ..

.. كال على كيفج شجاج جنج اعصار؟؟

.. وكفت كدامه وافرك بأيدي وارمش بعيوني..

.. اخذي حذر من انسام ترى تحاول تسحب حجي اذا سألتج شلونه ثابت وياج شدكليلهه؟؟

.. اكلهه زين وياي بس هو ينام على الجربايه واني بالكاع..

.. عفيه بالسباعيه ضربني على راسي باصبعه..

هذا شبي بس كليلي الله من ياطينه خالقج

دماغج شغلي اخواتي ماتفوتهن فوته وانتي جنج هبله..

.. اني موهبله كلمن يشوف الناس بعين طبعه

.. عدل وكفته كال ولج شكلتي..

خليتي ايدي على حلكي وماعرفت احجي..

جر ايدي من حلكي ولزم شفتي الجوه بايده ...

منظري يخرب ضحك..

كال كل حجايه دكوليهه فكري بيهه بهذا راسج الحجاره ..

واياج وبالج تتطاولين ودكولين موقصدي..

اذتني شفتي يضغط عليهه وفشلت من نفسي ومنظري مضحك نزلت دمعتي بسرعه ..

وخر ايده .. نزلت راسي امسح بدموعي حيل استهضمت الغصه ابلعومي صارت..

سحبني من خصري.. ورفع راسي بأيده ..

بأصبعه الجبير مسح دموعي...

وحرك اصبعه على شفتي السحبهه ...

غمضت عيوني لان الحراره صعدت لراسي...

همس يم اذني يله روحي نامي ...

فتحت عيوني ماباوعت بوجهه رحت لفراشي وضميت راسي بجيت وحدي ..

مااريد شي منه بس ليش هيج يحرك مشاعري ويعوفني شنو من عقاب هذا ياثابت؟؟

ثاني يوم اجتي ابتهال وصارت الجهال

قاق واذبح...

ناس تخرمش بناس ومريم بنت علي ماتحجي وياي وكاعده وي عماتهه ...

خطيه علي سوه عشا وحتى وزع لجيران

كال دزي لبيت عمج ودزيتلهم

كثرت تمن وتشريب لنعيمه ادري بيهه تموت على اكل العزايم ...

فرشنه السفره وكعدنه ..

كعدت بصف ثابت وبصفي ابن ابتهال عمره12 سنه.....

حسيت ايد ثابت على خصري وسحبني علي بدون مايحجي...

صرت لزك بي تشبعت بعطره وانفاسه لوما عيب الا اضل اباوعله

كمنه ناكل وبس طكطه الخواشيك ..

واني لو يصير اجيب خبزه وااسوي ثابت لفه..

.. كالت ابتهال ثابت .. تقوى كلش مرحه..

.. ماحجه بس ابتسم كالت الحجيه...

ورده تقاوي ضحكتهه مرسومه على وجهه بريئه..

.. فاطمه غصت من كالت هيج..

.. اي والله حيل حبيتهه الله يسعدكم يا اخويه

.. وهم ماحجه ندري ثابت بس حتى السانك ثابت مثلك..

.. كتلهه شكرا

.. كالت خاله انسام بس موصغيره على ثابت..

.. رفع راسه عليهه ..

كال هو عشا لو اجتماع كل واحد ينطي رأيه ماخذ رايكم اني ..

يمه من كال هيج صار الهدوء موطبيعي...

من يمي استحيت بله مره شكبرهه فشلهه بس اكو لغز بالموضوع لازم اعرفه؟؟؟

كملنه عشا وكمنه غسلنه مواعين...

وكالعاده طلع ثابت ومايرجعلي لنص الليل...

مااعرف شي عنه وين يروح؟؟

من كاعدين كالت انسام باجر تجي خالتي هي وبناتهه حتى يشوفنه ومشتاقيلهن..

منن كالت هيج الوجوه تغيرت وناس تباوع لناس..

... كالت شنو ماتقبلون خالاتي يجن لبيت ابوي؟؟

.. كالت الحجيه لا يمه هلا بيهن بس ماكو داعي نحجي تعرفين كلشي؟؟

.. الي اعرفه هذا بيت ابوي وامي الهه حصه بي واخواني هم ومن حق خالاتي يجن ويشوفنه..

.. وهسه منو كالج لايجن .خلي يجن بس اذا صار شي احملج المسوؤليه

.. ليش تحمليني وشراح يصير بس لزمي ابنج ومايصير شي؟؟؟

.. ولج احترمي نفسج شنو الزمه زعطوط هو بيج خير هذا الحجي احجي كدامه..

لو من تشوفي تصيرين ارنب ...

عافتنه الحجيه وكامت عصبيه وراحت وراهه فاطمه ردت اكوم كعدتني لقاء..

.. كالتلهه لقاء انسام ماله داعي هذا الحجي كلنه نعرف ثابت شنو وابن امه الي ينطق حرف كدامه اخوته زلم ويحسبوله حساب

.. كل عقلهم اخوتي .. بعد مااخذ هاي الزعطوطه وانتو حاسبي رجال البيت...

... انقهرت منهه كتلهه رجال وغصبا على الكل ..

اشو صوتج مايطلع كدامه هسه يله حجيتي..

اشو هاي اجتني جنهه زرافه ..

هجمت عليه تريد تكتلني ولقاء وافراح صارن دونهه وهدن الوضع وهددنهه بثابت يله سكتت

عفتهه ادردم ورحت يم الحجيه..

لكيتهه كاعده كتلهه تعاركت وياي وسولفتلهه شكالت..

... كالت ولج يمه عوفيهه هاي دواهه ثابت والله لوما اكول الله يحاسبني اخلي يكسر عضامهه..

بس مخافه الله المانعتني من يوم يومهه مال مهانه...

لاتحجين لثابت ترى عصبي وتكبر السالفه..

مابينه حيل المشاكل...

ضليت يم الحجيه لحدما اجه ثابت وصعدت للغرفه ماحجينه شي ..

والله هذا ثابت غريب يوم زين ويوم لا؟؟

قليل الكلام.. ليش كلهم يخافون منه ؟؟

هواي اشياء غامضه وتحتاج توضيح بس محد يحجيلي...

ثاني يوم كعدت ثابت ماكو بالدوام..

نزلت تريكت وكلهه تشتغل كتلهم شكو ..

كالن خاله الولد ام بسمه راح تجي هي وبناتهه ...

وعلي وعامر فرحانين بجيه خالتهم...

اني كمت اشتغل وياهم واشوف الحجيه ماقابله بس ساكته...

تغدينه وبدينه وجبه تنظيف جديده تعبت حيل ..

ملتهيه امسح بالكاونتر وحسيت على ايد وحده لزمتني .

شفتهه فاطمه كالت امشيي بدلي وتمكيجي ولعبي بخلقتج لعب ترى الي راح يجن اعداء ثابت...

ضحكت بوجهه كتلهه ميخالف ...

احبهه فاطمه رغم مواقفهه بس تحب اخوهه حيل...

صعدت بدلت لبست كلابيه خليجيه لونهه وردي ومكياج خفيف ورفعت شعري وخليت شال علي ..

خليت من عطر ثابت ونزلت...

اول ماشافني كالت لقاء هلا بمرت ثابت شنو هاي عيني خليتيني اغار اروح ابدل..

انسام وخالتهه عيونهم صارن بالمقلوب..

كعدت يم الحجيه وكلساع تصلي على النبي ...

شفت فاطمه ابتسمت بوجهه ابتسمت ابتسامه خفيفه...

شوي واجه علي كال اجت خالتي وفرحان بيهه...

من طبت خالته ضخمه طويله وياهه بنات...

ايه من الجمال كلهن كبار مو بعمري لبس اخر موديل..

ومكياج ...

يسلمن من ورا خشمهن وكعدن ...

اجت فاطمه كعدت بصفي كالت عيني خاله ام بسمه نعرفح على جنتنه الحلوه تقوى مرت ثابت...

الوجوه ماتبشر بخير ويريدن ياكلني..

كالت ام بسمه اهلا وسهلا اشو زغيرونه شعجب ثابت الا بعمره يله يزوج؟؟ بس يله هو موزين تزوج

.. كالتلهه فاطمه يا خاله غير ماشفتي شلون ذبح نفسه عليهه يوميه يدزني اجيبله اخبارهه حتى عينهه بشركه ويا ومن اتزوج بطلهه يكول اغار عليهه...

.. هاي فاطمه لو الجني مالتهه

تحجي وتضحك وتمدح بيه معناتهه الموضوع حامي والله الساتر شكو...

البنات الي وياهه 3 وحده احلى من الثانيه ..

كلهن يباوعن صفح وماعاجبهن الوضع...

بس لاحظت وحده جميله حيل بس تريد تفترسني وكلساع تباوعلي...

ضليت كاعده ومتونسه على المشاحنه وحده ترفع ووحده تكبس...

انطوهن غرفه وجايبات كومه جنط وياهن كامن يبدلن انداريت على فاطمه كتلهه شكو شصاير؟؟

كالت اسمعي ولج تلبسين كل ذهبح وتغوريهن هذني السعالو محد يعرفهن شنو وراح ينامن على كلوبنه ...

كومي بدلي لبسي غير هاي

تدفع بيه واني متعجيه ولقاء وافراح هم يدفعن ونفس حجي فاطمه...

ليش هي خالتهم شكو وليش داخلين انذار؟؟

رحت بدلت لبست دشداشه عاديه بس حلوه وكمت اشتغل بالمطبخ واسمع بس صوت الضحك والسوالف بالغرفه ...

علي وعامر مخبوصين والفرحه مالامتهم بوجود خالاتهم...

الي عرفته ام بسمه راح تبقى هناااا لان الوضع بﻻنباى متأزم ..

وانسام وخالتهه هنا يضلن لان رجلهه مسافر ...

يعني راح ينامن على كلوبنه...

حضرنه العشا وانتظر ثابت يجي وكلساع فاطمه والولد يكولون كون ثابت مايصير عصبي عرفت ثابت مايقبل يجون...

كاعدين كلنه وبناتهم كاعدات ننتظر ثابت...

شوي ونسمع صوت الهورن مال سيارته...

كام ابن عامر حسوني يفتحهه...

اني كمت للمطبخ اريد اتلكا...

اول ماطب صرت بوجهه كتله الله يساعدك..

ويساعدج...

باوعلي من فوك ليجوه شويه دشداشهه بيهه ضيق..

كال انداري ليورا...

فريت كدامه...

ضربني على ظهري وحجه بعصبيه روحي غيريهه بسرعه وبعد ممنوع تلبسيهه

.. كتله ماشي

مشيت ويا اول ما طبينه الصاله كال السلام عليكم.. الكل وكف ورد السلام..

اباوع لعلي وعامر صافنين على ثابت...

والحجيه وفاطمه يباوعله...

لحظات استعداد وترقب ...

هاي شبيهم وليش هلكد مهتمين؟؟

لمحت انسام صافنه وام بسمه وبناتهه ونظرات ثابت تحولت الى نظرات شر ...

ادعي بكلبي ياربي كون يضل هادئ ومايعصب..

مااعرف عليمن وليش ماقابل؟؟ بس من وكفتهم خفت..

#يتبع

#البارت السادس عشر

#ذنوب لاتغفر

#للكاتبه《روزاية》

بركان ملتهب من المشاعر

ينتظر قدومك...

لتضغط على الجرح فأثور..

وتحتضنني❤

لحظات هدوء وسكون الكل يترقب ردة فعل ثابت...

الانظار تنتقل من ثابت اليه واني ما ادري شكو ..

اشوف امه تتوسل بي بنظراتهه ومخليه ايدهه على كلبهه..

شفته يباوع لامه اعتقد هاي الحركه هو الوحيد الي يفهمهه..

وعبالك تكله لخاطري لاتسوي شي..

ماحجه شي دار وجهه وكال اصعدي كدامي..

اني امشي وهو يمشي وراي...

الكاعدين ما اسمع صوتهم ...

دخلنه للغرفه رحت اخذتلي دشداشه ابدل بالحمام وهو يغير ملابسه..

طلعت لكيته واكف ينتظرني غسل وكال يله ننزل...

هدوءه قاتل ومستفز لويحجي ويتعارك على الاقل الواحد يفتهم ردة فعله...

نزلنه سوه ولاكأنما شي صاير...

كعد بكل هدوء وهيبه ولابس تراك اسود واللحيه محدده صدك حلو وشخصيته بعد احلى رزن حيل ..

انقهرت على علي اخو يباوعله مثل الطفل من ينتظر رد امه..

شفت ثابت ابتسم ابتسامه مزيفه لاخو..

وهذاك قابله بأبتسامه شكبرهه

كالت ام بسمه.. شلونك خاله ثابت

.. كالهه هلا بيج خاله ..

.. مبروك الزواج ماصحتنه فرصه نجي..

.. الله يبارك بيج..

.. تعرف وضع الانبار شلون صار يخوف وماعدنه احد بس اني وهاي البنات وكلت اجي يمكم..

اذا ماعندك مانع..

.. لا خاله هلا بيج البيت بيتج وما انسى انتي خاله علي وعامر..

.. رحمه الله والديك ياخاله..ماتقصرون ولد الحجي..

هاي امهن هي هيج فقيره لو تتمسكن ؟؟

وحده من الكاعدات مانزلت عينهه عن ثابت ابد وتباوعله بحسره بس هو نهائي ما اهتملهه يسولف وي امه ومنطلق ولاكأنو شي صاير..

وخطيه علي وعامر من شافو يسولف انطلقوا وفرحانين..

بدينه نصب بالعشا ونشيل على السفره بنات علي يشيلن واحنه نصبلهن..

السفره جبيره وهواي الموجودين اجيت لكيتهه كلهه كاعده لان تاخرت ادور على كلاصات...

كعدت بنهايه السفره ...

باوعت ثابت كاعده بصفه امه والجهه الثانيه بنت عامر فروحه عمرهه 10 سنوات..

كال تعالي تقوى هنا ...

كمت من مكاني كالهه فروحه عمو شوي سوي مجال ..

كعدت بصفه والوجوه ماتتفسر بلذات هاي البنيه وكل هذا وما اعرف شكو ؟؟

اشوف فاطمه تبتسم بشماته وانسام عيونهه بكصتهه...

اني هم عجبني الوضع ارتجيت على رجله واكل...

حسيت نفسي طفله ومدلله ..

استحي اشيل راسي لان كلهه تباوعلي..

كملنه الاكل وشلنا..

ثابت كال راح اطلع محتاجه شي يمه..

.. كالتله لا وليدي اريد الله يحفظك...

طلعت ورا لباب المطبخ التفت عليه كال محتاجه شي؟؟

سؤاله مفرح حيل..

كتله لا سلامتك ...

هوطلع واني رجعت كعدت يم الحجيه...

كالتلي وحده من البنات اسمهه بسمه ..

.. شكد عمرج انتي؟؟

.. كتلهه 22

.. والله الصراحه مصدومه شلون ثابت متزوج بعمرج ..

.. ليش مصدومه الحب مايعرف اعمار؟؟

.. ضحكت بصوت عالي.. انتي تحبين ليش شوكت عرفتي الحب وانتي كلج 22 ؟؟

.. ويه ثابت عرفته من رحنه لكربلاء وياهم اعترفلي بحبه صح زغيره بس بمعاملته احس نفسي انثى ناضجه..

جان ردي حاد بحيث سكتن ولا حرف حجن..

بس ضحكت لقاء وافراح تنسمع والحجيه تغمزلهن...

اجت فاطمه جايبه كرزات وكعدت كالت تعالي تقاوي اعرفج على البنات...

ام بسمه خاله اخوتي علي وعامر يعني اخت مرت ابويه الله يرحمهه..

وهذني بناتهه بسمه ودنيا وبان..

من كالت دنيا اتذكرت خطيبه ثابت السابق سويت نفسي مامهتمه بس حسيت بغيره موطبيعيه شلون راح تعيش ويانه ونفس البيت ..

اكول ليش ثابت انزعج من شافهم...

ضلينه كاعدين بس بالي سارح وافكر لاتلتف على ثابت وتاخذه...

كامت فاطمه تسولفلهن على عرس ثابت وعود جان فرحان وهو الحجي التحجي كله جذب ماصاير..

ودكلهن راد يحجز بالفندق يومين..

وكناله تجي ناس عليك وفشله..

وهو ثابت بيومهه كعدني من غيشه وي الديج حتى ريوك ماريكني..

بس يله صيت الغنى ولاصيت الفكر..

ام بسمه تسولف عن الانبار حسيتهه تختلف عن خاله انسام...

شوي وسألتني خاله انسام ..

ماصار عندج حمل؟؟

.. ردت اجاوب سبقتني الحجيه..

لاحكين على الطفل شوكت مايجي هله بي ..

خلي يتونس وليدي جابهه ضيم وضلايم ..

.. ياداده ام ثابت ابنج جبير مو زغير هم يله يسويله طفل يرد علي من يكبر...

.. هو رجال يبقى يخلف ومرته زغيرونه يعني ماطاير يا ام سرمد ..

وتدرين بثابت مانكدر نحجي ويا بهيح مواضيع..

.. كالت ام بسمه..

داده ام ثابت بعده نفس طبعه ماتغير؟؟

.. لا شيتغير ويانه هو نفسه بس ويه هاي المدلله مالته يتغير ونشوفه شخص ثاني..

حجيت بكلبي تهي بهي شتسولف الحجيه ادري عدهم الجذب بالجمله يله جذبه بيضه هاي ...

تغير الموضوع والتهينه بسوالف..

كالت انسام تقوى يالمدلله اريد اسألج سؤال؟؟

.. اي سألي

.. بله ثابت ماكتلج لحد اللان معقوله!!

..كتلهه ليش يكتلني؟؟

اجاني صوت فاطمه يا ابيش مفاوله البنيه يكتلهه..

كلنه نعرف ثابت يضرب الي يغلط وهي ماغلطانه ليش يضربهه..

وبعدين هو يخاف عليهه من الهوى يكول رقيقه ماتتحمل شلون يضربهه...

انلصمت انسام وكامت تكتل ابتهه الزغيره ...

ضليت صافنه هاي شنو حلبه مصارعه هنا ناس ترفع وناس تكبس..بنات ام بسمه مايحجن بس يباوعن ونظراتهن متروسه حقد خاصه دنيا بس والله حلوه ...

بعدنه كاعدين شفت لقاء كامت رحت وراهه لغرفتهه كتلهه تعالي احجيلي كولشي اني مثل الاطرش بالزفه...

... شحجيلج؟؟

.. ليش الكل يخاف من ثابت؟ وليش جنتو تخافون خاف ميقبل بجية ام بسمه؟؟ وانسام شبيهه ويه ثابت مو اخوهه؟؟

.. تعالي احجيلج ..

ثابت جان يحب دنيا حب موطبيعي وهي هم بحيث الكل تحسدهم على علاقتهم..

وانخطبوا وجان ابوهه مايقبل تزوج الا تكمل كليه وصارت خطوبتهم طويله...

بيوم منهن اجت ابتهال كالت لثابت بعد ما اتحمل لازم احجيلك دنيا تخونك وي صديقك ..

بوقتهه ماصدك بس ضل وراهه لحدما تأكد وبيومهه انكلب البيت لأن انسام الهه ايد بالسالفه وتستر الهه وياخذن فلوس من الولد وحسب ماافتهمنه على اساس صديقتهه مورطتهه ..

ثابت بدون اي نقاش وماسمح لأي شخص يدخل فسخ الخطبه وبعد ممنوع يجين وشكد حاول ويا ابو واخوته لان يحبون خالتهم ومافاد تالي شالت خالتهم للانبار وهناك مات زوجهه ..

بوقتهه ام علي الله يرحمهه وكفت بجانب اختهه هي وانسام..

بس جانت كلمه ثابت تمشي على الكل ومنعهه من اهلهه حتى دزوله ناس وماقبل يطبن البيت ...

ثابت تأذى حيل ورا دنيا لان اصدقاءه عرفو بالسالفه وتفشل وبمرور الايام ابتهال كشفت الاعيب انسام

وحجت لثابت عليهه وطلعت عدهه علاقه بولد يضحك عليهه ومايخطبهه وثابت تخبل لزمهه موتهه وزوجهه غصبا عليهه لابن خالتهه هالواحد عدهه...

بس ضلت علاقتهه بالخفيه بدنيا ومابطلت بس محد يدري..

واحنه ماشايفيهم من وفاه خالتي ام علي...

علي وعامر يحبون خالاتهم لان من ريحه امهم ويخافون من رد فعل ثابت اذا يجن لذلك شفتيهم شلون قلقوا من طب ثابت...

مع العلم استأذنو من الحجيه وكالتلهم عليه ثابت..

ترى ثابت روحه من الدنيا امه..

شايفه من يصير عصبي وينفجر علينه الوحيده هي تهدي ويخاف عليهه لذلك تلكي يسكت ويلبي طلباتهه

... زين انتو ليش تخافون منه ؟؟

.. خلي هو يسولفلج مالي علاقه ..

.. لقاء احجيلي والله كلشي مااعرف كلشي غريب هنا...

.. لا تقوى مالي دخل محد يححي كدام ثابت هو يحجيلج...

والله اذا عرف حاجيتلج يصير طلاكي...

انوبه خلتني بدوامه شنو السر ياربي ..

وانوب هاي دنيا يمنه اكيد كلب ثابت حن الهه من شافهه..

طلعت وصعدت لغرفتي افكر واربط احداث بكيفي..

مددت بفراشي وغفيت حتى ما ادري شوكت جاي ثابت...

ثاني يوم كعدت هو ماكو مايكعدني يطلع بدون ريوك..

نزلت جوا لكيت العقارب والثعابين كلهه مجتمعه ودك سوالف وضحك ..

تريكت وكمت انظف....

ابتهال حبابه حيل بس انسام صح ماتحجي وياي بس نظراتهه كافيه...

سألت خالتي راح يبقون هنا..

كالت يمه الوضع هناك يخوف وماعدهن احد وبس بنات الله مايقبل نعوفهن وحدهن وانسام وخالتهه هم هنا لان رجلهه سافر..

سكتت ماحجيت...

مر اليوم حاله حال البقيه بس الهوسه ..

بليل اجه ثابت تعبان من الدوام واكف يغسل على المغسله ورحت اجيبله خاولي..

من رجعت شفت دنيا واكفه ويا وتحجي وهو مدنك يغسل ...

بس شافتني راحت..

باوعتله كتله شتريد منك؟؟

.. رفع حاجبه كال وانتي شعليج؟؟

.. لاعليه ونص شتريد منك هاي عبالك ما اعرف شنو بالنسبه الك هي؟؟

.. شنو بالنسبه الي؟؟

.. خطيبتك السابقه وحبيبتك الاولى اكيد حنيت الهه..

من حجيت هيج خزرني كال بوجهج للغرفه بسرعه ..

عفته وصعدت ..

شوي واجه وراي اول ماكمت اريد اكمل كلامي ..

ضربني راشدي فرني فر ..

لزمت خدي من قوته..

ماحجيت بس كمت ابجي وضميت وجهي بأيدي..

جرني من اذني حسيتهه راح تنشلع..

كال اخر مره الج تحجين هذا الحجي ..

اهزله راسي ايي

بس عوف اذني راح تنشلع..

هاي التحجين عنهه زباله موحبيبتي واكثر من مره كتلج فكري قبل لاتحجين...

هد اذني ضليت لازمتهه وابجي كلش توجعني وهو كعد على الجربايه...

رحت غسلت وطلعت مالكيته...

عدلت نفسي حته ما ابين باجيه ونزلت صار كبالي ماطالع اليوم..

اي مايطلع طبعا يريد يشوف دنيا ام حمره..

كله مجتمعه وام بسمه تسولف على وضع الانبار..

سوالي مجال بصفه واشرلي اجيت كعدت يمه رغم زعلانه علي بس بعناد هاي الحوته...

حسيت بأيده على كتفي عرفته يريد يغيضهه ضجت اكثر ...

همستله.. ثابت ترى اني عندي مشاعر واحاسيس لاتخليني وسيله انتقام..

.. ضغط على كتفي اكثر كال ليش ماتنجبين ولج السانج شطوله صاير..

.. قابل مكذبه اني؟؟

.. ايي مكذبه ويحتاجلج عوقبه عليهه...

الي يشوفنه يكول يتغزلون مايدرون نتعارك..

تقرب عليه وكال كومي اصعدي وهسه اجي وراج...

باوعتله وكمت صعدت شيريد من عندي بسلا يكتلني..

اروح منا وارجع منا وافكر وكلبي مشتعل من الغيره شلون كاعده كدامه وماكلته اكل بنظراتهه ..

ياترى شنو شعور ثابت من يشوفهه معقوله بعده يحبهه؟؟

انفتح الباب التفتت علي قفله واجه...

ياستار شعنده اليوم وعلى شنو ناوي..

كام يتقرب الي وايده ليورا..

كال اي ست تقوى ام الاحساس والمشاعر..

منو معلمج هذا الحجي؟؟

... وكفت كدامه وكلت حتلو يكتلني بس ادافع عن نفسي..

كتله ثابت اني مرتك ومن حقي اسأل ليش وشلون؟؟

وبعدين شعدهه واكفه وياك ؟؟ وانت حتى ما مسولفلي عليهه

... ليش اسولفلج ما احب سيرتهه ابد..

... درت وجهي بس كلبي يغلي ...

.. تريدين تعرفين شكالتلي؟؟

.. ايي اريد اعرف..

.. كام يتقرب اكثر ايده صارت على خصري وسحبني ..

كمت اباوع بعيونه كال

كالتلي مرتك حلوه وزغيرونه ...

... لمعت عيوني وماردت ابين على نفسي..

بعدت نظراتي عنه..

خله راسه بركبتي وصار يبوسني بكل جرأه وورومانسيه ممزوجه بعنف..

استسلمت من اول لحظه...

اخذني للجربايه واني مندمجه وياا..

بوساته تنطبع بكل مكان ..

ثبت اديه اثنينهم بأيد وحده وايده الثانيه تجول على طول جسمي..

ارتعش جوا وهو مسيطر عليه بالكامل..

امتزجت اصواتنه وانفاسنه...

لمساته بيهه نوع من العنف بس حالتي ماتسمح ابعده ..

خارت قواي واني بين ادين اسدآ جائع..

يلتهم الي كدام بقوه ..

لحظات قليل الوصف بحقهه...

نأخذ استراحه بين الاشواط..

ويرجع نفس ماكان وبكل لهفه وحب ..

احس بأالم ممزوج بكل شهوه واثاره...

يقبلني بجنون مثل واحد ضايع بالصحراء ولكه بركه ماء..

تلاسقت اجسادنا اصبحنا كالتوأمين انفاسنه لهيب مشتعل يترجم...

حب،اشتياق،ندم،

كملنه وخلاني على صدره..

.. همس يم اذني متوجعه؟؟

.. شوي!!

.. راح اسبح واجي..

كام سبح واجاني كال ..

.. كومي اسبحي بمي دافي احسن..

استحي اكوم كدامه واني ملابسي واحد بشام وواحد بحلب...

لفيت نفسي بالشرشف وكمت

باوعت لنفسي بلمرايه اثاره بكل مكان

لأن مندمجه ويا ماحسيت بألم بس تعامله عنيف وبي قساوه..

ركبتي صايره خريطه الوطن العربي ...

سبحت وبدلت وطلعت لكيته امدد مشطت شعري ورحت على فراشي سحبته ..

افرش بي واكول هسه يكلي تعالي يمي نامي..

معقوله مجرد وسيله اشباع لرغباته..

بعدني افرش وافكر كال عوفي من ايدج وتعالي هنا...

.. كتله خاف اضايقك..

.. تعالي ماتضايقيني وطفي الضوه..

.. طفيت الضوه ورحت مددت بصفه ..

نايم على ضهره وايده جوا راسه..

تجرأت اكثر ونمت على صدره..

حسيت بأيده على كتفي ويحرك بيهه على كيف ..

تعبانه من المعركه الداميه الصارت بسرعه غفيت..

كعدت الصبح كالعاده ماموجود حتى ما احس بي ولابحركته ااووف منك ثابت شكد غريب!!!

باوعت للاثرات الي بركبتي واتذكرت الليله شلون جانت ...

بس ليش هيج عنيف معقوله لان بعيده عنه لو كلهم الرياجيل هيج؟؟

حسيت علي شكد يحاول يخفف من قساوته وما يكدر..

نزلت جوا تريكت صاحتني الحجيخ لغرفتهه..

.. كالت يمه شلونه ثابت وياج؟؟

.. زين الحمدلله

.. اي مبين من وجهه زين ديري بالج علي ترى هذني لاتشوفيهن ساكتات لازم يسويلهن شي ..

.. كتلهه خاله ليش تخافون من ثابت؟؟

.. شفت ملامحهه تغيرت كالت منيلج هذا الحجي وليش انخاف بس يحترمونه ..

.. لا والله كلهم يخافون حته من يجي كلهه تسكت .

..كومي اشتغلي وي البنات ولاتحجين هذا الحجي كدام احد ودير بالج تفتحي كدام ثابت مودكولين ماحذرتج...

انوبه خوفتني اكثر الحجيه سكتت بس شلون اعرف وكل الي اسأله مايحجي..

التهيت بالشغل بس بالي يم هاي السالفه؟؟

اشتغل بالمطبخ واسمع صوت اغاني من غرفه المرحومه مبقيهه لبناتهه..

رحت اريد اشوف منو فاتح اغاني من الصبح ..

اسمع دنيا تبجي وتحجي دكلهن

ولجن جاي اموت من اشوفه حاط هاي الزعطوطه ثابت الي ماينساني ...

حتلو اتزوج يبقه يحبني وتبجي بحرقه..

ودكل لامهه كله من وراج حرمتوني منه

ولج يمه شفتي شلون صاير يخبل وهيبه

حبي هذا تعبي يروح للمزعطه....

وحتى ما يباوع بوجهي ....

خفت يجي احد بسرعه رجعت للمطبخ ومصدومه من السمعته....

شلون اخلص من هاي الورطه ...

وخاف يرجع ثابت يحن عليهه...

حتى بوقتهه ما اشتهيت اتغده وضليت بغرفتي..

للعصر اجت فروحه كالت عمه امج اجت!!!

قصدهه نعيمه خير ياطير شعدهه خاف جانت عايزه التمت...

نزلت سلمت وكعدت مندمجه تحجي

نعيمه وتتعرف...

كلساع ترمقني بنظره غريبه...

سألتهه على البنات كالت زينات وعدهن امتحانات مايلحكن ...

كامت وطلعنه اني وفاطمه وراهه...

تمشي وتوزع ابتسامات من وصلت للباب التفتت عليه ..

كالت الجمعه مشية غسق ..

من كالت هيج فرحت حيل ...

كالتلهه فاطمه بيهه الخير المن انخطبت؟؟

كالت واحد وياهه بالكليه خوش ولد وابن عائله وتباوعلي بطرف عينه وتتمضحك اسمه........

#يتبع...

شاركوني بتوقعاتكم منو الخطب غسق؟؟

احبكم❤❤

السابع عشر

لاتغفر

《روزاية》

ماذا يفعل المرء حين ينطفئ شيء ما في داخله؟؟

حين لاتعود القصائد والأغاني تعني له شيء..

حين يستيقظ ضاربآ بيده على صدره.. رباه كان هنا شيئآ ينبض❤👉

♡♡♡♡♡♡♡♡♡♡♡♡♡♡♡♡♡

كالت واحد وياهه بالكليه خوش ولد وابن عائله وتباوعلي بطرف عينه وتتمضحك اسمه احمد ال..

من كالت اسمه احمد عبالك واحد وضربني على راسي وتبتسم بشماته...

كالت شبيج شو مافرحتيلهه ؟؟؟

كتله لا ليش ما افرحلهه مبروك

سلمت وطلعت تتمختر والكاع ماشايلتهه.

ضليت ساكته بس علامات الدهشه على وجهي..

ليش عمي انطه لهيج واحد ويدري بي شنو؟؟

اذا سمع ثابت شراح يسوي مايكول شنو من اوادم هذوله

اكو واحد ينطي بنته لشخص ضحك على عرض اخو..

هسه تكله نعيمه تكله هي بنت اخوك فلتانه وركضت ورا الولد....

بس شجابه على غسق ويا كليه واصلا هو كال متخرج؟؟

وغسق تدري هو هذا الي دمرني لاااا؟؟؟

رجعت لغرفتي وراسي مسطور كلت خلي اسولف للحجيه ...

نزلت يمهه كتلهه خاله تعالي احجي وياج..

رحت وياهه لغرفتهه حجيتلهه على نعيمه..

كالت شنو من مره هاي تعرف اخلاق الولد شنو وانطته بتهه؟؟

وانتي ليش خايفه شعليج قابل خاطبتله انتي؟؟

.. لاخاله بس مقهوره لو هو مسوي هيج بغاده انطته غسق؟؟ لولان موبتهه حسبي الله عليهه...

.. يايمه الله ماينسى عبده ويشوف حال المظلوم..

لاتخافين هسه يجي ثابت واحجيله اني بهدوء ترى وليدي حنين ويحبج...

كمت بستهه من راسهه اريد الله يحفظهه ويطول بعمرهه...

معاملتني مثل فاطمه واكثر...

رحت سويت عشا وي البنات بس ضايجه وغير هذا البسامير تجي صب على راسي من انسام وبنات خالتهه الدمعه بطرف عيني اريد ابجي..

ليش هيج اني قليله حظ ...

انسام تجر مني الزلاطه دكولي نفسي تلعب من شغلج..

بهاي اللحظه حتى طاقه ماعندي ارد عليهن ادري شنو وحوش هنا؟؟؟

كملت العشا وننتظر ثابت رحت صليت وكمت ادعي الله يبعدني عن كل المشاكل ...

بعدني اصلي فتح الباب ثابت وطب...

كملت وكمت كتله الله يساعدك..

... ينزع بقميصه ...كال ويساعدج..

... عيني تتفحصه عبالك اليوم شايفته اجت عيني على صدره بسرعه درت وجهي ...

.. كال شبيج مو على بعضج اليوم؟؟

.. لامابيه شي

.. تدرين ما احب الكذب موو؟؟

.. لامابيه شي بس احس مالي خلك..

.. تقرب عليه ولزم وجهي باثنين ادي وهو بدون قميص وصدره العاري كدامي..

احس الحراره وصلت لراسي..

اول مره اشوفه هيج كدامي من تقربلي الضوه مال النوم مشتغل...

كال شبيج ؟؟

.. من كال هيج ما اتحملت كمت ابجي ضمني لحضنه ودموعي بللت صدره...

وحراره صدره خربطت احوالي مدري ابجي مدري اسرح ؟؟

احس بلمسات تمسح على شعري ...

ابتعد عني وباوعلي ..وكال منو وياج سولفيلي؟؟

.. كتله كرايبكم وانسام ماعافني بحالي بس يسمعني حجي ويقلدن عليه وسمعتهن يكولن عليه عربيه وماتعرف تنسق ..

وانسام تكول تلعب نفسي منج..

.. شعليج بيهن من حركه كلوبهن يحجن هيج..

تقوى صح اذيتج واذيتيني بس ابد ما اسمح لأي مخلوق يقلل من شأنج لاكدامي ولا وراي..

واعرف مكيدة اختي وبنات خالاتهه واكدر اطردهن هسه بس الواكف بعيني علي منطي كلمه لخالتهه تجي يمه وخطيه افشله..

حذرتج من انسام مامعتبرهه اختي ابد

وهسه تحاول تأذيج بكل الطرق واعرفهه كلش زين حته اذا اكلهخ ليش هيج كايله تنكر

وتذبهه براسج...

.. كللهن لايحجن وياي ويقلدن عليه...

.. لا ما احجي روحي بدلي وخلي نطلع نتعشه برا...

... ياا صار ساعه منتظريك ونعوفهم؟؟

.. امشي يله مدامني بعدني مابدلت..

من كال هيج رفعت نفسي على اطراف اصابيعي وبسته من خده..

ما انطه اي رد فعل بس اريد اشوف ابتسامته بالسنه حسنه يله يطلع اسنانه...

رحت للكنتور اريد اطلع ملابسي التفتت علي اريد اكله ثابت شألبس؟؟

شفت اثر بضهره بالضبط بكتفه

ما ادري شنو مدري مال رصاصه مدري تعذيب مدري جرح ..

ما عرفته لان اول مره اشوفه

وما شايفته يبدل كدامي...

تقربت علي وخليت ايدي على ظهرهه هو جان لازم تليفونه يكلب بي مايدري...

بسرعه اندار عليه ولزم ايدي بقوه كتله شنو هذا ثابت؟؟؟

.. كال مالج علاقه بدلي بسرعه حتى نرجع من وقت..

..خفت الح ويا واني ماصدكت صار زين وياي

رحت بدلت ونسيت السالفه ونسيت الشفته...

نزلنه سوه لكيناهه كل مجتمعه ويشيلون بلاكل يريدون يبدون يتعشون..

من شافتنه الحجيه كالت ها يمه على خير وين رايحين؟؟

.. كالهه يمه نتعشه برا انتو اكلو بالعافيه..

.. كالت انسام مو جنه منتظريك جان كلت عندي مشوار؟؟

.. بسرعه تغيرت نبره صوته وحجه بحديه..

كالهه ماكتلج انتظريني وما اقدم عريضه ولازم انطيكم علم بلي راح اسوي..

بسرعه علي غير الموضوع وكاله روح يخوي بالعافيه ...

عافهم وطلع صعدت بالسياره وطلعهه كال وين تريدين تروحين؟؟

... من عرسي لليوم ماطالعه تقريبا صار 7 اشهر كتله بكيفك ...

.. رحنه للمطعم اتعشينه وكال نروح نفتر شوي ..

فرينه بالمول واشترى ويا كرزات وحلويات لفاطمه...

.. لزمت ايده كتله ثابت ؟؟

.. كال هاااا...

.. اريد اخذ هديه لفاطمه ..

.. ممم ما اعرف بهاي السوالف هاي كدامج واختاريلهه... بس بمناسبه شنو؟؟

.. مو تدري جانت ماتحاجيني زعلانه بس هسه حجت وياي واني احبهه...

.. واني ما الي هديه موهم جنت ما احاجيج؟؟

.. ضحكت وسكتت

وكفنه اختارينه فستان حلو لفاطمه..

وكال يله نرجع...

بالطريق الجو يخبل وفتح اغنيه كاظم

عبرت الشط علمودك وخليتك على راسي...

كل غطه احس بالموت وكوه اشهك انفاسي..

جنت حيل فرحانه واتمنى يبقه ثابت هيج ومايذكر الصار..

ومستغربه التغيير المفاجأ ورجع يحجي وياي..

وصلنه للبيت كال طبي جوا واني اروح للاستقبال يمهم اصدقاء علي...

اول ماطبيت كلت السلام عليكم ...

كالت انسام هلا بست الحسن والجمال شبعتي دياحه.؟؟

.. ماسكتت كتلهه جنت وي اخوج يعني اخوج هم دايح؟؟؟

... شوفي شلون السان عرمه وكحه منين جابج؟؟

.. حجيت وياج اني جبت طاريج بشي اشو انتي تهجمتي ..

التفتت على فاطمه كتلهه هاج فطوم هاي ثابت اشترالج فستان ؟؟

تقربت انطيتهه العلاكه وشاورتهه

كتلهه ترى من عندي مو من ثابت ؟؟

.. كالت خفت هالخلقه وبله امشي ولي ..

خليت علاكه الكرزات كدام الحجيه..

كالت فاطمه يمه اروح فدوه لا اخويه رفعه راسي الي كل طلعه يذكرني وماينساني..

وفديت مرت اخوي تقاوي ...

مدري اضحك على اللواكه مدري ابجي على الجذب...

صعدت بدلت ورجعت كعدت يم الحجيه شاورتني..

.. تونستي؟؟

.. بالعافيه ..

.. الله يعافيج حجيه..

كالت انسام عليمن تبسبسين سمعينه وياج..

.. كالتلهه الحجيه انسام شعندج وحاطه دابج من داب البنيه اشو مامخليه احترام لاخوج وتتهجمين عليهه ..

... وشدعواج تصعيد خانم هيج ادافعيلهه ترى كلهه غريبه هي...

لو هاي من طرفج تحبيهه الله يرحم امي المسكينه شسويتي بيهه الله بالمرصاد الج مايفوتهه مومكيفه بثابت افندي...

هي تحجي وتصيح وماسمعنه غير صوت هز الصاله هز..

ولج انسام هاي ويامن تحجين هيج لا وفوكاهه دكولين اسمهه ..

اختج الصغيره هي؟؟؟

لو تبقين طول عمرج عوجه وماتنعدلين ..

والله وقسما بالله اذا اجي ادوس على راسج واطيح حضج ...

احترمي نفسج لا اشوفج شي مايعجبج ..

خلي اسمع صوتج مره ثانيه وشوفي شتصرف وياج..

الظاهر ذيل الجلب يبقه اعوج ما ينعدل...

السكوت والهدوء الصار فضيع الكل مدنك حته اخوته ورا واكفين ساكتين وعبالك حمايه...

كالتله الحجيه يمه هي بنيتي على كيفك شجاك عصبي تشاقه جانت ؟؟

.. لا ادافعيلهه وتسترين الهه خلي تحترم وجودهه احسن ما اهينهه موزغيره هي..

وانتي بعمرهه وتشاقه لونست اداب البيت ويرادلهه تذكير..

وشعندج تجيبين بسسمج وتشمرين على تقوى ...

مستغفلتني وعبالج ما اعرف بكيدج وحقدج؟؟

الكلام ماموجه بس الهه جاي احجي للكل امي وتقوى وفاطمه خط احمر الي اسمع بيوم وحده مسمعتهن حجايه ...

اشوفهه الساعه الي اجت بيهه..

سمعتي لواعيد براس وافهمج بغير طريقه...

هي سكتت كالت صار اخوي....

عافنه وصعد ويمكن كلهه كلوبهه صار بيهه خفقان...

بس فاطمه تضحك والكل سكت

كالتلي الحجيه روحي ورا...

وين موديتني ياحجيه هو جنه بركان ..

صعدت بس خاف توكع بيه شراره ...

لكيته مبدل وكاعد على الجربايه ...

كعدت يمه كتله على كيفك من العصبيه...

باوعلي بنظره غريبه...

كال انتي شكو تسمحيلهه هيج تحجي وانتي ساكته ..

.. لعد شحجي ثابت هي ماعدهه احترام وخالتي ساكته تريدني احجي اني؟؟

.. هي هاي امي خلصت عمرهه ادافعلهه ...

خليت ايدي على اكتافه كتله على كيفك موزين على صحتك...

كال تقوى عندي طاقه بداخلي اريد انفجر...

... كلشي مافهمت من كلامه.. كتله ليش خاف ماكل تمر؟؟

.. من كلت هيج طكهه ضحكه شطولهه واني مصدومه وفاتحه حلكي معقوله ثابت يضحك...

.. كال ولج شكد ثوله انتي ياتمر ؟؟

.. استحيت وغلست كتله شتريد اسويلك؟؟

.. تتحملين؟؟؟

.. كمت وكفت وسويتله بعضلاته عند عيناك بس كول..

.. هم ضحك واحسهه من كل كلبه هالمره..

كال ولج كلما اريد احقد عليج واقرر اطلكج ما اكدر ..

.. هوكال طلاك واني تغيرت ملامحي..

كتله ليش اطلكني والله حبابه اني وما اسوي شي يضوجك..

.. كال تعالي ..

مدد على الجربايه وخلاني على صدره ..

اي جنت ناوي اطلكج بس ما اكدر مرات احسج بريئه بس ما اكدر انسى الصار...

.. ماحجيت اخاف احجي غلط ..

كتله انت كلي شسويلك ؟؟؟

.. راح احجيلج شغله بس ماتطلع خارج الغرفه

.. لا ما احجي بس كول شنو..

.. شوفي تقوى ما اكلج نسيت الصار بس احاول انسى وجاي اختبرج واتاكد ..

اريد اعيش وياج طبيعي وبمرور الايام انسى بس ما اريد اضلمج ولا اريد اذيج..

.. والله ثابت لو على كص ركبتي ما اسوي شي ماتقبل علي ..

غلطت وخفت منك ومحد نصحني بس والله ما.....

... ماخلاني اكمل كلامي كال اششش..

اسمعي تقوى اني من النوع العصبي وكل تعاملي بقوه ووحشيه..

اخاف اذيج واخاف اعاملج بقوه واحس راح اضلمج وياي...

... صفنت كتله كلشي ما افتهمت..

.. ضرب على راسي كال مواكلج ثوله مايفيد بيج..

... شوي بعد تعرفين شقصد بكلامي واريد افرغ هاي الطاقه بيج...

كلشي مافهمت من كلامه بس خلي اشوف شراح يسوي ...

ضليت مدده بحضنه وادعي كون تستمر هاي الايام ومايرجع ثابت القديم...

كتله راح اكوم احضر ملابسك مال الدوام واجي...

كمت حضرتهن وسبحت وكلت خلي البس من هذني مال النوم...

رحت للحمام لبست سيت ماروني طويل وفتحت شعري...

ومتردده شلون اطلع.. والضوه مفتوح...

.. صحت من الحمام ثابت طفي الضوه...

.. ليش ؟؟

.. طفي حباب عندي مفاجأه الك...

.. ومفاجأتج ماتصير الا بالضلمه..

شفته طفا فتحت الباب وطلعت اكو ضوه مال نوم خفيف...

شفته مدد على نفس وضعيته من شافني عدل كعدته..

كال تعالي ام السان مستحيه...

.. تقربت كعدت يمه كتله شلون ما استحي..

واني لابسه هذا الخشك بشك...

... ضحك بصوت ولج منين تجيبين هالمصطلحات؟؟

.. ضحكت ودنكت...

ماحسيت غير علي سحبني وصرت فوكا...

شفايفي تلتهم كل جزء بيه بس بقوه ...

اضغط على كتفه بس اريده يخفف من هالقوه...

مثل الأسد الجائع ولكه فريسته يلتهمني قطعه قطعه..

بكل مكان يترك اثاره بجسمي..

رغم اللهفه والشوق والرومانسيه بس كل تعامله بعنف..

ماعدت اسيطر على نفسي صرت انتفض بين ايدي وهو مستمتع ..

ارتفع صوتي شوي ..

ما انطاني مجال اخذ شفايفي بقوه....

اريده يبتعد عني...

خرمشته من كتفه ...

واهمس بأذنه ثابت الله عليك دتأذيني...

ابتعد عني بصعوبه وسحبني على صدره يمرر ايده جسمي..

ويهمس بأذني كلام حلو اول مره اسمعه...

... رفع راسي بأيده كال تأذيتي؟؟

.. هزيتله راسي بمعنى ايي.. لان ماعندي طاقه احجي...

.. يحاول يهدي كل خليه بجسمي واني تحت سيطرته بالكامل...

.. كتله ثابت ليش اذيتني هاي ثاني مره تعاملني هيج؟؟

.. تقوى طبيعتي هيج احاول اقلل بس موبيدي اعرف جاي اذيج ..

اذا ماتتحملين بعد ما اتقربلج...

.. بدون تفكير كتله لا لا ....

... ضحك وباسني من راسي كال احاول اقلل تحمليني موبيدي كلشي يطلع عن ارادتي...

.. ضل يلعب بشعري واني ذايبه بحضته ومرتاحه

ما اريد الصبح يطلع وتنتهي هاي اللحظات ...

حسيت بثابت غريب وعبالك مو بوعيه ..

نسه كلشي ولايذكر الصار رغم قساوته بس ضامني لصدره حيل ومتمسك بيه...

ايده تتغلغل بأعماق شعري وحركه اصابعه بهدوء على مكان الجويه الي بصدري وكلساع يدنك يبوسهه...

على لمساته غفيت بسرعه ...

حسيت علي بعدني من صدره وكام فتحت عيونه ..

.. كتله صباح الخير

.. صباح النور .. ارجعي نامي اطلع بدون ريوك ..

.. كوه مفتحه عيوني رجعت غفيت بس من طلع حسيت على بوسته من كتفي العاري

بس ما ادري حلمانه مدري صدك...

كعدت الساعه 10 كمت سبحت ولفيت شعري بدون تمشيط ونزلت...

صبحت عليهم وما اشتهي اتريك شربت بس حليب..

كعدت بصف الحجيه .. شافتني سابحه ..

تقربت عليه وكالت اموركم شلونهه؟؟

.. كتلهه زينه..

.. عفيه بنيتي طلعي من الحاله الي بيهه ولاتسمحيله يذكر ..

.. ان شاء الله... راح اروح امشط شعري ...

.. اضفري شعرج دائما ثابت يموت على الظفيره جان يضفر لفاطمه بيده..

.. شعري طويل وما اسيطر علي.

.. روحي مشطي وتعالي بالصاله اضفرلج...

... كمت لغرفه فاطمه مشطت شعري وطلعت لكيتهه كاعده ..

كعدت كدامهه وبدت تضفرلي هن كاعدات بالمطبخ ويشوفنه ...

اسمعهن يحجن بس ما اعرف شيكولن...

كملت وطلعت اشر الخاولي بلممر...

لازم افوت من يمهن...

من رجعت اشوفهن يباوعلي وبالذات دنيا..

عيونهه اكلتني اكل وتطاير شرار...

صعدت ليفوك عزااا بعيني ركبتي متروسه اثار وعبالك جنت بمعركه ....

لفيت شالي زين ونزلت ...

صار العشا وننتظر ثابت وماكو ...

تأخر مومن عوايده...

كلهه لازمه تليفوناتهه وتتصل علي ويطلعلهم مغلق...

كلبي اوجعني ...

الحجيه كامت تبجي ودكل لعلي اخاف رجعوا تلكو وكتلوا مايعوفونه بحاله...

فاطمه تبجي ابتهال واكفه تدعي...

اني كاعده على الدرج ابجي وادعي ياربي رجعلي ثابت بسلامه ماعندي غيره...

كل يوم يرجع ورا الاذان صارت الساعه ب10 وهو ماكو...

زاد الوضع وصارت البواجي من كل جهه ...

كعدت يم الحجيه وابجي وكلبي يردد ايات ...

حتى ام بسمه تبجي وتدعي راحو يسألون علي اخوته...

كالهم حارس الشركه استاذ ثابت طلع من 3 ...

راحت للمعمل لان يروح يشتغل بي العصر كالولهم اليوم ما اجه....

اباوع على دنيا عيونهه مورمه من البجي..

وسمعتهه دكل لانسام اذا يريد يصير شي خلي ياخذني بمكانه...

الحجيه تلوم بعلي دكله مواكلك لاتعوفه وحده هذوله مايعوفو بحاله ...

كلشب ما اعرف منو الي مايعوفو؟؟

صارت الساعه 12 وثابت مابين ...

احس روحي راح تطلع كلبي اوجعني حيل ..

كمت اشوف الدنيا زغيره...

طلعوا عامر وعلي وخابرز على ولد عمهم وياهم يرحون يدورون علي..

ضلينه كاعدين للصبح وكل خبر عن ثابت ماكو الصبح مااعرف منين كامت تجي الناس عمامهم وخوالهم وكلهه ادور وثابت حبيبي ماكو ...

وينك ثابت شمعتي .. سندي .. فرحتي.. امي وابويه...

وينك ياحبيبي لاتعوفني وحدي ماعندي غيرك ...

#البارت الثامن عشر

#ذنوب لاتغفر

#للكاتبه《روزاية》

مع انك همي الذي حملت

وذنبي الذي ارتكبت..

لا اتوقف عن الشوق اليك...

والتحديق في خيالك...

خيالك الذي لا استطيع تركه..

اصبح جليسي وقرين وقتي..

له اشكو شوقي وحاجتي..

ومنه استمد قوتي..

اشتقت اليك والشوق يقتلني..

لكني طوال الوقت اواسي نفسي..

بوعدك الذي وعدتني...

فأقول لابأس ستعود.........

""""""""""""""""""""""""""""""""

ثاني يوم الصبح اتجمعت الناس واحس حيلي انهد...

الحجيه كلساع تتخربط فاطمه العيون مورمه...

الكل يبجي الصغير والجبير...

كاعدين نتتظر كالو اجو الولد ركضنه مفزوعين عليهم...

بدون وعي ركضت لعلي اتوسل بي وين ثابت...

اشوف دموعه كامت توكع بيده...

وعامر مخلي ايده على عيونه...

صاحت فاطمه ولكم اريد اخوي علي جيبلي ثابت ...

حضنهه علي كال ماكو مااله اي اثر ماخلينه لا مستشفيات ولا مراكز ما بلغنه ماكو عبالك فص ملح وذاب...

الحجيه من سمعت هيج وكعت وركضوا عليهه..

اني كرفصت بالزاويه مال المطبخ وخليت راسي بين رجليه احس عيوني راح ينقلعن من مكانهن...

الحجيه ساءت حالتهه ونقلوهه للمستشفى...

ابتهال وفاطمه ملخن نفسهن ..

كمت عليهن كتلهن موزين على ثابت لاتسوون هيج...

هسه يرجع هو كال ما اعوفج ويدري بيه انتظره يوميه...

اباوع لدنيا حالتهه مثلي ..

ام بسمه تبجي...

الغريب والقريب يدعي يرجع ثابت..

الا اخته انسام بعين وقحه راحت للغرفه دكول شنو هالكأبه لو ارجع لبيتي احسن...

بوقتهه ردت اكوم اطلع قهري بيهه بس اتعوذت من الشيطان...

نسوان عمامه وعماته يهدن بيه وبفاطمه ...

لليل جابو الحجيه سوده عليه حالتهه ماتسر وجهه اصفر ..

شيباتهه طالعات من الشيله ..

كمت تلكيتهه بس شافتني بجت اخذتهه لغرفتهه

وكعدنه يمهه افرك بأيدهه ..

دكلي يمه انتي يتيمه ادعيله ربج مايرد دعوتج...

اجت نعيمه وغاده بليل..

حضنتني غاده واني حالتي حاله ابجي والكل يبجي على حالتي .....

ياربي هاي الكاعده اول اعدائي لاتخليهه تشمت بيه...

لخاطر هاي الوالده الي جفت دموعهه رجعه سالم...

عمي صاير يعرف الاصول ومأجل مشيه غسق

كلساع اركض على علي هو يشوفني يحبس دمعته كوه...

هم اجه الليل وثابت ماكو ياربي اول مره انام بحضنه ليله وحده بس!!

حته مالحكت اتهنه ليش مكتوبلي الحزن وابقى طول عمري هيج؟؟؟

ماكدرنه انام للصبح الي كاعد يبجي والي كاعد يدعي ويصلي...

هاي ثاني ليله وثابت ما اعرف عنه شي ..

البيت هوسه وغير عمامهم الي باتوا يمنه...

صبح الصبح وجابت لقاء الريوك وهم ما اكلت من يوم الي ما اجه ماحطيت بحلكي غير المي...

كامن يحجن عليه اكلي موزين عليج وان شاء الله يرجع بالسلامه...

ابد ما اكلت وين الي نفس واخلي شي بحلكي..

واني ما ادري بثابت شبعان جوعان؟؟

كمت اريد اشوف خالتي ماحسيت بشي بسرعه وكعت...

ما فتحت عيوني غير بالطوارئ وشاديلي مغذي...

كاعده كبالي ابتهال كتلهه ما اجه ثابت؟؟

خلت ايدهه على راسي كالت يجي لاتخافين ..

اخوي اعرفه سبع ومايخاف من شي ...

بس ديري بالج على نفسج ترى قطعه من ثابت ابطنج...

هي كالت هيج واني دموعي كامت تسابق كتلهه حامل اني؟؟

اي حبيبتي حامل وان شاء الله يجي ثابت وتبشري ويفرح...

.. كمت ااشهك بالبجي ياربي حتى فرحتي ماتكمل كلشي ما اريد بس رجعلي ثابت...

طلعوني للبيت وابتهال خبرت البيت كله ..

وكامن يحجن اكلي ومايصير وموزين على الطفل...

خبر الحمل زاد حاله البيت سوء ...

الحجيه تخربطت وتبجي وتصيح وليدي مالحك يفرح..

ولد الحرام ماعافوا بحاله...

هذا اليوم جان عصيب انهاريت ملخت نفسي على حجي خالتي وتمدح بي وياوليدي ....

ماخلت دموع بعيونه...

حسيت على شهكه وحده تبجي بحرقه رفعت راسي شفتهه دنيا كلش متأثره ...

مر اسبوع على نفس الحال ثابت ماكو ...

الحزن مخيم على البيت اني مانشف دمعي ابد...

نعيمه تروح وتجي ودكول عمج يكول خلي تجي يمنه مايصير تبقه ورجلهه ماموجود..

بوقتهه انفعلت حيل وكدام الكل حجيت يمكن الحمل والضغط والصار خله اعصابي تنهار...

كتلهه ليش صار يعرف الاصول عمي ..

كليله على جثتي ما اطلع من غرفتي وانتي لايوميه تجين تشمتين وتروحين ...

ثابت يرجع واول ما اخلي يخليلج حد انتي وعمي...

وامشي طلعي برا ما اكدر اشوفج...

وكمت املخ بشعري...

لزمتني فاطمه ولقاء...

ونعيمه طلعت ادردم ...

محتاجه ثابت حيل اريد احضنه واشكيله اشفت بهذا الاسبوع...

روحي تفرفرح علي مثل ام وضاع منهه ابنهه ..

لويخلوني اطلع اهج بالشارع ...

اعصابي تلفت

الشركه معزله المعمل معزل شغلهم وكف..

طلع ثابت العمود الفقري لهاي العائله...

بيوم جنت كاعده اقره قران العصر واسمع صوت عركه زلم وصياح...

نزلت واشوف الكل متجمع بالصاله...

وعلي كاعد بالكاع ويضرب على راسه ويصيح..

يا اخوي ياسندي ولك ثابت انكسر ظهري وين رحت...

عمامه يهدون بي وهو منهار ..

رجال شكبره طول بعرض هيج حالته ...

اسأل شكو محد يحجي...بس صوت علي وكسرته شكبرهه....

اخذتني افراح للغرفه كالت موزين عليج اكعدي هنا...

كتلهه ولج احجيلي لا اكوم احرك نفسي..

ولج شحجيلج متشوفين الوضع شلونه اهدئي خلي افتهم واحجيلج....

مااتحملت طلعت للصاله لكيت الزلم رايحين بس النسوان تبجي...

كعدت يم خالتي كتلهه شكو احجيلي لخاطر الي ابطني احجولي...

شبي ثابت ومنو هذوله الي مايعوفو بحاله؟؟؟

كالت ابتهال لاتخافين حبيبه ثابت سبع وماينخاف علي ..

والله يرجع بس ادعيله ربج يستجابلج لان يتيمه...

... لعد شبي علي هيج حالته؟؟

.. ثابت بيومهه طالع من الدوام هو وصديقه وكايله عندي مشوار اخلصه واجي...

ومامخلي صديقه يروح ويااا...

وصديقه يكول تليفونه ماسكت كلساع يدكون علي ويتوعد الهم ويتعارك

وهسه اخوتي وولد عمي تقريباآ شكو بيهم نفسهم هاي الجماعه الي تتعرضله من الصغر لسه...

مافهمت شي بس ماكدرت اسأل التزمت الصمت وكمت ادعي يرجع سالم...

خاف اسأل وكلهه كاعده واخاف على صحه الحجيه لذلك سكتت...

خليت راسي على رجل خالتي وغمضت عيوني اتذكرت اخر ليله شلون جان يعاملني ..

حتى اكول هذا موثابت كلش متغير...

حتى حسيت علي باسني بكتفي وعبالي حلمانه ..

ماحسيت على نفسي وغفيت...

شفته لابس دشداشه بيضه وواكف يباوعلي ويضحك ..

يضحك من كل كلبه حتى اسنانه بيض مبينه...

فزيت اصيح ثابت وفاطمه لزمتني وتصيح اسم الله تقوى شحلمتي؟؟؟

كتلهه شفته واكف ويضحك وينه مايدري كلبي نار علي ...

سكتني كوه واني احس روحي تريد تطلع...

كلما التفت على خالتي انهار اكثر وجهه اصفر ومخليه راسهه على الحايط وبس السانهه يردد ثابت ثابت...

كالت لفاطمه كومي اخذي مرت اخوج لغرفتهه تنام تعبت...

ماقبلت اصعد ما اطبلهه وثابت ماموجود ..

نمت بغرفه فاطمه وغطتني واني اشهك بجي...

كعدت يم راسي هي وابتهال وتمسح على شعري..

احس ايدهه نفس دفو ايد ثابت وكلما اباوعلهه اشوف ثابت بيهه...

يمكن لان توأم...

كعدت على حيلي كتلهه فاطمه احجيلي ..

منو هاي الجماعه الي متولين ثابت من الصغر وليش؟؟

لزمت ايدي ابتهال كالت مانكدر نحجي نخاف من ثابت حتلو غايب بس يبقه ثابت بالنسبه النه ابونه وكلمته مسموعه ..

هذوله ناس مايخافون الله وجابوهه كله حرام ...

ان شاء الله يرجع وهو يحجيلج...

كتلهه احجولي اني مرته شبيكم تخافون من حقي اعرف كلشي عنه ...

كالت ميخالف نحجيلج بس من تصيرين زينه وهسه ابدال هذا الحجي كومي خلي نصلي وندعي...

باوعت لساعه ب12 وربع كمت توضيت شفت دنيا كاعده تقره قران...

اخذت سجادتي ورحت للحديقه وكلت لفاطمه اطلعي وياي اخاف...

ادري بثابت مايقبل اطلع بالحديقه بس اريد اناجي ربي اريد اباوع لسما وادعي بكلب محروك...

كمت اصلي وادعي وي كل ذكر اسمه اشهك دموعي بللت السجاده... رفعت راسي لسما...

الهي اتسمعني؟؟؟

اني يتيمه ومظلومه وماعندي احد بس انت وثابت لاتفجعني بي...

خليت ايدي على بطني وبجيت.. ربي لخاطر هاي الروح الي خلقتهه ببطني رجع ثابت سالم غانم...

ادعي واسمع صوت شهكه فاطمه بهاي الايام ماضلت عدنه دموع...

اتمنيت ميته وي امي ولاشايفه هاي الايام...

كملت ورجعت لفراشي هذاك من هذاك نايم...

وحتى النايم كلساع يفز.....

ما ادري شلون غفيت وفزيت مرعوبه...

عزا بعينج تقوى تنامين وثابت ماتدرين بي بيا مكان؟؟

طلعت لكيتهم كاعدين الكبار بس تشرب جاي والجهال تتريك...

باوعت لعلي بس شافني نزل راسه ...

شوي وانسمع الباب تكسر ...

يريدون يلحكون يطلعون ماكو...

طب علينه فراس ابن عمهم وورا ولد عمهم ما اعرفهم لان ماطالعه بس هذا اعرفه دائما يجي يمنه...

كال علي امشي خلي نروح نهد على عشيرة.....

هم يعرفون وين؟؟؟

... كاله ابو ولك بس فهمنه شبيك وشلون نروح نهد عليهم وماعدنه دليل...

... ولك يابه لسه ادور على دليل هذوله صارلهم 25 سنه يركضون ورا ثابت وشكم مره تصوب من وراهم وانت ادور دليل...

... جان يحجي بحركه كلب واني عيوني بس تباوع اتذكرت من جنت اباوعله من السطح وخزرني بوقتهه جان يتعارك وي كومه زلم....

... كعد فراس وكال اكو 2 من ازلام ضامن متصوبين بالمستشفى واني اكول اكيد ثابت الي صوبهم...

واكو موظف بالشركه كال سمعت استاذ ثابت يخابر بواحد اسمه ضامن ويحجي بعصبيه ويتعارك...

من كال هيج فراس الحجيه ضربت على صدرهه كالت موكتلكم ضامن ابن حرام ومايعوفه بحاله ...

صار مطافر الولد من كل مكان كلهم اخذو اسلاحهم وكالوا اليوم نهد على ضامن ولوكاتل لومكتول ...

عمهم ابو سامر حجي جبير خابر على الشيخ كاله دزنه ازلام منكم ولدنه راح تتكاتل ...

عدهم اصل الانبار كلهم عشاير واسلاحهم بيدهم دائما....

طلعت الزلم وصار الحال اسوء لانخسر ولدنه ...

لقاء وافراح يبجن على عامر وعلي...

كل هذا ومافهمت شنو نوع العداوه وي هذا الي اسمه ضامن...

ومحد يحجيلي والوضع مومال اسأل...

ضلينه ندعي يرجعونه بسلامه...

للعصر اجو حالتهم حاله تلكيناهم ...

ماحجوا كالوا ماكو شي ...

اجه علي دنك على راس الحجيه وباسه...

وهي دموعهه مغركه وجناتهه الي متجعده من كبر العمر ...

كالهه يمه تذكرين ابوي من يكول ثابت جبل ويبقه طول عمره محد يهزه...

هي بس تهز براسهه ودموعهه تجري..

كالهه تذكرين ابوي من فضل ثابت علينه واحنه نغار منه...

جان يكول هذا يسويله ميه رجال انتو ما ادبروهه...

ولج يمه ابنج مخلي جثثهم تارسه العامريه...

لازم ايد خالتي ويبوس بيهه...

كالتله بصوت مهدود وينه لعد مالكيته؟؟

.. لا مالكيناله اثر...

هسه اسولفلكم واشر عليه اكعد...

كعدت وكلنه نسمع لعلي..

كال رحنه هدينه على ضامن وماحجه كال لاتبلوني لا اعرفه ولاشايفه هددناه كنالهه طلعنه المكالمات وانت متصل علي ...

كال خابرته اريد اسحب قرض من شركته ماعندي شي وياا...

ماحصلنه كلشي منه رحنه لهذوله الي بالمستشفى متصوبين...

ضغطنه عليهم بالتهديد واحد ماقبل يحجي بس واحد كال احجيلكم بس طلعوني منا وخلصوني من شر ضامن خسرت عائلتي بسببه...

انطينا وعد انطلعه بس يحجي...

كال صار اسبوع ضامن يدك على ثابت بس يريد يلكا وحده ويكتله...

ووثابت كاله اني اجيك لا ادز هاي الحيوانات الي عندك وصير رجال وطلع راسك...

وضامن الكلب ناصب كمين بحزيره العامريه لثابت وحسب ماكال المتصوب..

متلكين ثابت بالطريق ويرمون علي وثابت مقاومهم وكاتل منهم 3 وهذوله متصوبين وشاردين ومايعرفون بثابت لان عايفي يقاوم ويه البقيه...

رحنه للجزيره يايمه وجثثهم لسه مشمره والدمايه تارسه الشارع وقليل سيارات تفوت ومنطقه فارغه لاسيطره لا شي...

وثابت كل اثر ماله حتى سيارته وزعنه ارقامهه على السيطرات ....

... الحجيه تبجي وتصيح رفعه راسي وليدي ..

... كالتله ابتهال علي ما تجيبون تسجيل مكالماته...

.. كال فراس حكومتنه فاشله صار اسبوع اركض بس اريد احصل موافقه من القاضي ماخليت واسطه ماجبتهه تالي حصلتهه كوه ..

اخذتهه ورحت لشركه يكلولي تنتظر 20 يوم ولد الكلاب الواحد يشبع موت وهم يماطلون...

كال سامر ابن عمهم الجبير باجر امر على المركز ونحاول يدبرونه واسطه حته يطلعوهن بس نلزم خيط ....

راسي افتر شنو من عداوه هاي الي توصل للقتل هذوله شنو عصابه وثابت منين متعلم هيج يدافع عن نفسه...

مبين من جسمه شكد معاني وشكد متدرب

اتذكرت الاثر الي بظهرهه ...

كلت الا اعرف شنو السر كافي مثل الاطرش بالزفه...

كمت اخذت الحجيه لغرفتهه كتلهه مددي ارتاحي تعبتي...

مددتهه بفراشهه وخليت مخده ورا راسهه وكعدت يمهه كتلهه ...

خاله الله عليج بداعه هذا الطفل الي ابطني احجيلي ...

شنو قصه ثابت احس نفسي بدوامه تحجون عن اشياء اول مره اسمعهه...

بلأول صفنت بوجهي وكالت من حقج تعرفين انتي مرته...

تعالي احجيلج عن رجلج البطل....

#يتبع

حبايبي❤

شكرآ على الفين متابع خلال شهر واحد واني كاتبه جديده...

حيل فرحتوني ربي يحفظكم...

اتمنى اكون على كد ثقتكم وما اخذلكم ....

وشكرآ من القلب على تفاعلكم وتعليقاتكم على القصه والحد الان بالمراكز الاولى....

اصنامي وينكم هل من متابعه.. تصويت.. تعليق..

احبكم ...

بوساتي لكم💋💋

التاسع عشر

لاتغفر

《روزاية》

كامت تحجيلي خالتي عن قصة ثابت

بس كوه تاخذ النفس وكلما

توصل لموقف بي ثابت تنزل دموعهه

كالت.....

حجي عقيل الله يرحمه من الانبار واني من بغداد هو رجال تاجر صاحب اخلاق ومن زغره حج بيت الله عمه اخو ابو شيخ العشيره وعدهم الموت ولا العيبه...

عقيل عنده 3 اخوان وهو رابعهم وعنده 4 اخوات...

شورهم كله بيد اخوهم الجبير اسمه فليح ماعنده خلفه وماخذ اخت ام علي....

الحجي يجي لبغداد دائما وجنت طالبه معهد اني ويوميه افوت من يم محلهم

وحبني واني هم حبيته...

خطبني اكثر من مره واهلي تخبلو احنه عائله بسيطه من بغداد عندي اخ واحد واخت وحده

كال ما انطيهه بعيده عليه وانوبه طلع متزوج وعنده جهال زاد رفض ابوي ..

بس اني ماعاندت اهلي وعفتهه ورا ابوي

ولاعندي علاقه بحجي عقيل بس اشوفه من اروح للدوام..

كام يجيب مشيات ويروح ويرجع وابوي الله يرحمه كال ما انطي لواحد متزوج هن بس 2...

اهل الانبار اذا رادو شي ياخذو كوه ومايتنازلون عم حقهم..

ضل سنتين الحجي ماخله مشيه مادزهه كوه صارت وقبل ابوي..

تزوجت يمهم وشفت الويل اهله مايريدوني ومرته شدت وياي وولده كبار وبناته كلهم بالمدارس واني اتسمه مرت ابوهم...

بطلني من المعهد وبعدلي سنتين وماعدهم مره تدرس هناك...

امه الله يرحمه حتى الاكل تضمه عني وماتسميني غير بت بغداد..

وام علي بنت اخوهه وهم بيهم طبع مايحبون الغريبه ولسه وبعد..

بيوم الي يروح الحجي يبدي عليه الدك والشغل وبيوم الي يجي ترجع بيه الروح واني اسكت ما احجيله اخاف من عدهن ..

صار عندي ثابت وفاطمه توم وبعد

ماصار عندي ..

هناك كاعهم زراعيه وفلح ونشتغل ليل نهار..

كبر ثابت وابو يفضله على اخوته شاطر وسبع صار عمره 9 سنوات ووين مايطلع جده لو ابو ياخذو وياهم من زغره نعتمد علي ...

جانت حماتي اسمهه فخريه حلوه وزغيرونه يطلع عمرهه 15 سنه لو اكثر.. ابوهه معتز بيهه ويريد يزوجهه لابن عمهه الضابط وينتظره يكمل الجيش ....

فخريه الله يرحمه حبت واحد من القريه وضاحك عليهه ونايم وياهه وصايره حامل..

محد يدري بالصار بس امهه ودتهه يم خالتهه مرت فليح يمهم موبعيده وماعدهه خلفه

تروح بحجة تساعد خالتهه مريضه ..

تجينه كل فتره وترجع ...

نشوفهه تعبانه وكلما نسألهه دكول مابيه شي بلفتره الاخيره ضلت اشهر ماتجينه

وكلما نسأل عليهه دكول امهه خالتهه مريضه وشويه جانت امهم صارمه وكلمتهه مسموعه.. جانت الناس كبل على الفطره ومحد يفطن مثل هسه...

فخريه بالثامن وجايبه ولد وخالتهه تسترلهه واخذن الولد ومدري المن انطنه ...

رجلهه فليح يجي بلاسبوع يوم يداوم بالولايه وبعيده علي ...

ضلت عشر ايام ودرو اهلهه من القابله الي ولدتهه...

صارت الهوسه ونذبح ونصلخ حطوهه كتلوهه موتوهه وماكالت منو الي سوه هيج بيهه...

فليح كال لازم نكتلهه ونغسل عارهه...

عقيل ماقبل وكال نزوجهه لواحد من ازلامنه وهاي روح وحرام وهي زغيره وغلطت بس هناك عدهم المره للخدمه والخلفه وتجيب العار..

بس ابوهه وفليح مايخافون الله حبسوهه بالغرفه وبس امهه تشوفهه..

بيوم خلو عقيل يروح لبغداد واخذوهه نص الليل كتلوهه...

... خالتي من وصلت لهنا كامت تبجي ..

.وتمسح دموعهه بشيلتهه..

.. كالت جنت نايمه وماحسيت غير

ثابت يهز بيه ويرجف ...

اخذته بحضني واصيح اسم الله ووليدي مثل السعفه كل جسمه يرجف ودموعه تجري ..

اريد افتهم منه الولد انعكد السانه ومايحجي..

تخبلت على ابني وكلهه تصيح شبي..

كام من ينام الا يحضن فاطمه ..

هو من زغره سوده عليه ضخم وجسمه

مومال9 سنوات بس روح الطفوله والبرائه عنده ...

ضل ثابت اسبوع ماخلينه مكان ما اخذنا وبس يبجي ويرجف ..

ثاني يوم عرفنه فليح وابو كتلو فخريه وسوولهه فاتحه ومحد يذكر الموضوع نخاف كلهه سكتت...

من عرف عقيل كلب الدنيا وصارت هوسه بس وليدي مدري شبي من يشوف جده لوعمه تزود حالته...

كام عقيل واخذني لبغداد اجرلي بيت وعاف ام علي بلانبار هي وجهالهه...

راجعنه كومه اطباء كالو هذا مصدوم

والي يكول حاله نفسيه ..

كل واحد يكول شكل ...

بمرور الايام تحسن شويه كمنه نطلعه ونزوره صار زين وكام يحجي...

من صار زين سولف لابو...

ولج يمه طلعوا من ماخذين فخريه بهذيج الليله ماخذين ثابت وياهم ...

وفليح يكرهني ومايحب اخو منطين السلاح لثابت ومعلمي يضرب ...

وليدي مسالم وشاطر بالمدرسه دمرو ودمرو نفسيته...

يكول اني نايم ومكعده جده كايله تعال ويانه للشط ...

هو دائما يطلع وي عمامه وكلما احجي يكلي عقيل خلي يصير رجال سبع..

المهم يكول رحت وياهم واخذو عمتي فخريه شادين اديهه وعيونهه وبس تون واني كلشي ما افتهم..

رحنه اني وجدي وعمي فليح وسعيد هذا الأيد لليمين لابوهم..

خلو السلاح بيدي وكالوله اكتلهه..

ماقبلت وكمت ابجي واريد اشرد

ولزمني جدي ضربني راشديات

وخله السلاح براسي كالي ..

اذا ماضربت اكتلك واكتل امك واختك..

لاتخاف انت زغير مايسجنوك ...

اني احب عمتي شلون اكتلهه كالو هاي سوت عار ولازم تنكتل واذا ماكتلناهه ترى نكتل اختك وامك...

وعمي فليح وجه السلاح عليهه وهي معصبه عيونهه وشادين اديهه ورجليهه خلاني اضغط على السلاح واجت بكلبهه ووكعت من طولهه...

رجعنه وكالو ماتحجي لأي واحد اذا حجيت نكتل امك واختك...

من حجالنه ثابت هيج تخبلنه مانعرف شنسوي وليدي خلو دم بريئه مظلومه بركبته ...

ضلينه مثل بلاع الموس لا نكدر نحجي ولا نكدر ناخذ حقنه...

ضلينه ببغداد 3 اشهر وراح تبدي المدارس...

كال عقيل لازم نرجع جهالي هناك خطيه ولازم اعدل بيناتجن ...

كوه رجعنه بيومهه حتى ثابت تخربط

من رجعنه عزلي عقيل وحدنه وماخليت ثابت يشوفهم ولا يروح يمهم...

مرت سنه تقريبا وثابت حالته حاله يوميه يفز نص الليل يصيح عوفيني...

كام يتحلم بعمته يكول تجي تخنكني ودكلي ليش كتلتني...

اكعد نص الليل اشبع بجي علي..

كامو اخوته يصيحوله المخبل من يسمعون صياحه...

ليش مابيوم راجع من المدرسه وانسام وعلي يلعبون بالباب من فايت كايليله ها المخبل تعال العب ويانه...

وهو هاد عليهم مكسرهم تكسر طلعت اريد افكهم دفعني بالكاع زلم وماكدروله...

بوقتهه كسر ايد علي وخياط براس انسام..

كل الي يحاجي يتهجم علي لازغير ولاجبير..

صار متوحش يضرب بعنف الا يخلي الواحد يغمى علي...

حته بيوم منهن طالع جده شايفه يتعارك وي الجهال وكام يصيح علي..

وماطل جده بالكاع وموكع عكاله...

صار الكل يتجنبه ايده والضربه عنيف حيل مرات اجي الكا يضرب براسه بالحايط...

الوحيد جان حضني الأمان مالته ..

من تصير حالته هيج اركض احضنه حتلو بنص الشارع يله يهدء...

حمه فطومه بروحه ابن امه الي يحاجيهه ...

بعد ماتحملت من اشوف حالته هيج وعقيل تأذى كام هد على ابو واخو وصارت طلابه شكبرهه وزعل عقيل ...

.. كتلهه خاله ليش خلو ثابت يكتلهه ماكتلوهه هم ؟؟؟

.. مو هم ناس معروفين وشيوخ شيكولون وين ودو بتهم كالو ثابت يلعب بسلاح وكتلهه

وثابت يسمو حدث ماينحكم وطمطموا الموضوع وماوصلت للشرطه عدهم معارف وفليح اصلا عضو فرقه بذاك الوكت...

ابني يوم عن يوم كام يذبل ويكتل ويجرح نفسه مرات...

عمي مات هو وفليح بيوم واحد انكلبت بيهم السياره...

ورا شكم سنه اكتشفنه سعيد هو الي ضاحك على فخريه ومحد يدري كالهم خلي ازوجهه استر عليهه وماقبلوا بس ماجانو يدرون هو المسوي هيج..

عقيل من مات ابو اجه لبغداد اشترالنه هذا البيت وكعدنه بي احنه وام علي....

وثابت ضل على حالته صار بلمتوسطه وهو الكل يخاف منه اذا لزم عامر وعلي يخلي الدم يطلع من حلوكهم...

سألتيني يايمه ليش تخافون منه هو هذا سبب خوفوهم عصبي ومايتفاهم والي يلزمه الله مايخلصه..

وهم صارت بيهم خوفه من الصغر من كدما كتلهم...

صار ثابت عمره 18 كام يحب دنيا وهيه ليل نهار يمنه وماعدهن اخو...

تعلق بيهه حيل وتحسنت حالته صح عصبي بس ما ياذي بس الي يغلط بحقه..

دنيا اصغر منه بسنتين وحلوه حبهه حيل واحنه مانكدر نكله لا لان يتخبل علينه ...

دخل ثابت كليه وهي ترسب سنه على سنه والكل يدري بعلاقتهم وقابلين...

ليش يايمه مايجي يوم مثل هذا اليوم المشؤؤؤم وانخطف ثابت...

ضلينه شهر ندور علي ماخلينه مكان مادورنا...

اهلنه بلانبار فزعوا ويانه ندور ولكيناه ...

شلكينه بي معذبي انواع التعذيب حتى بالكهرباء

رجع ثابت لحالته السابقه واكثر...

.. كتلهه خاله منو عذبه ماعرفتيهم وشعدهم وياااا؟؟؟

.. طلع سعيد ماخذ ابنه الي جابته فخريه ومن كبر الولد حاجيله عن امه ومنو الي كتلهه وهذا الولد صاير عمره 10 سنوات ويشتغل وي عصابه مشغله ابو وسعيد الي خطف ثابت ...

سعيد محشي راس ابنه ياخذ ثار امه..

انكتلت فخريه كدامه وشكد كالهم اني استرهه وماقبلوا ...

من لكوا ثابت صارت هوسه وادخلت الشرطه وانكتل سعيد ومات جان مسويله عصابع بالجزيره شكبرهه...

وهذ الولد يايمه نفسه ضامن كبر ويوميه يتعرض لثابت يريد ياخذ ثار امه ...

ابن حرام وضل عايش بالحرام...

كتلهه وشصار بثابت ورا هالتعذيب ؟؟

شصار يبنيتي ادمر حتى ابر مال اعصاب ضاربي ..

رجع وحش علينه من نشوفه كلهه تشرد لايكتلهه بس اني اتلكا ابوس بي...

الوحيده اني احضنه واخلي يهدء لو الحجي

حتى اخوته ضاجوا وكالو ابونه يفضل ثابت علينه ..

اكثر وحده تأذت دنيا شوفي موخانته وما لمتهه ابد...

شبعت كتل من عنده اقل غلطه يطلع الوحش الي بداخله...

كلنه عاذري وحتى الطبيب كال المفروض يبقه وحده لان يأذي ..

تأنيب الضمير وكتلت عمته دمرته ..

الخطفه والتعذيب دمروا نفسيته...

خطبناله دنيا كلنه بلكي يتحسن...

وصدك تحسن وصار زين ويخبلون هو وياهه...

بس يبقى عصبي واقل غلطه الكا حابسهه فوك يموتهه ...

حتى جانت تخاف منه حيل ...

انسام من زغرهه تكره ثابت لان يكتلهه كومي يا انسام غيري البنيه ودكلهه يضل يكتل بيج ومخبل وهيج وهيج...

ضلت تحجي براسهه هي وام علي الله يرحمهه وكامن يوصلن حجب لثابت عليهه وهي تخاف ويكتلهه طكت روحهه وراحت خانته ...

وهي منا تخاف وصدك يكتلهه مشت بدرب اعوج ومن عرف طلكهه...

التجئ لرب العالمين صلاه وقران دائما تلكي بمراكز الامراض وبدور الايتام ..

تحسن ثابت شوي لحدما تعرف عليج وحبج...

هاي قصه ثابت الي يوميه تسألين عليهه...

مسحت دموعي وحضنتهه كتلهه بس خلي يرجع اعوضه عن كل لحظه الم ...

ضلت تمسح على شعري وتبجي ...

مددت يمهه وغفيت....

ثاني يوم كعدت راسي يريد ينفجر من الالم اتذكرت حجي خالتي وقصه ثابت كمت ادعي يرجعلي سالم شكد تعذب بحياته بسبب عمه حقه هيج يصير...

رحت للمطبخ لكيت دنيا كاعده ومخليه ايدهه على خدهه وعيونهه كل عين شكبرهه...

صبيت جاي اريد راسي يهدء كتلهه اصبلج وياي؟؟

كالت ايي...

كعدنه على الميز واباوع لملامحه شكد حلوه

مرت سنين وتزوجت واطلكت

وبعده حبهه لثابت ...

بكد ما اضوج منهه واغار انقهرت عليهه...

كاعده وصافنه بالحجي مال خالتي ...

اتذكرته من كالي موبيدي ما اسيطر على حالي احاول اقلل من العنف...

حتى شكيت بي حاله نفسيه...

طلع متحمل كل هذا وساكت...

اكول علي شايف نفسه ومغرور ...

طلع خلف هذا الهدوء عواصف وبراكين...

حسيت بنغزات قويه ابطني خليت ايدي عليهه وكوه كمت احسهه تخيطت ..

...

حبايب خليت هذا البارت بس يوضح قصة ثابت والاسرار الخفيه ...